Blog Archives
ඉතිහාසගත ජනතා නැගී සිටීම දිගු කල් දිනේවා!
ලංකා ඉතිහාසයේ පළමු වතාවට පෙර නොවූ විරූ ජනතා නැගී සිටීමක් ඇතිවී තිබේ. මාස කිහිපයක් තිස්සේ රට පුරාම ආර්ථික අර්බුදයට සහ ජීවන තත්වය පහත හෙලීමට එරෙහිව සටන්කාමී ලෙස ජනතාව නොපසුබස්නා ධෛර්යයකින් යුතුව අරගලයට සහභාගි වෙමින් සිටියහ.
මැයි 9 වෙනි දින අඥදායක රාජපක්ෂ පාලනයේ අනුග‍්‍රහය ලත් මැරයින් විසින් ගාලූමුවදොර අරගල බිමට දැවැන්ත පරිමාණයේ මැර ප‍්‍රහාරයක් එල්ළ කළහ. මේ සමගම අගනුවර විවිධ ස්ථානවලින් ජනතාව අරගලකරුවන් ආරක්ෂා කරගැනීමට ඉතා කෙටි කාලයක් තුළ කඩිනමින් ගාලූමුවදොරට ළඟා වූහ. මේ අතර අගනුවර පදිංචි ජනතාව, රෝහල් සේවකයින්, වරාය සේවකයින්, වෙළඳ කලාප සේවකයින්, ඉදි කිරීම් කම්කරුවන්, සරසවි ශිෂ්‍යයින්, බුද්ධිමතුන් වූහ. එසේම ලංකාව පුරා සෑම නගරයකම පාහේ ජනතාව රැස් වෙමින් වීදි වල විරෝධතා දක්වන්නට වූහ.
එදින දිවා කාලයේ සහ රාත‍්‍රී කාලයේ කුපිතක වුණු ජනතාව දූෂිත ධනේශ්වර දේශපාලන නායකයින්ගේ නිවාස ඇතුලූ පුද්ගලික දේපල ගිනි තබමින් විනාශ කරන්නට වූහ. එය රාජපක්ෂ දේශපාලනය ලත් දැවැන්ත පසු බැසීමක් වූ අතර, ඔවුන් මුලූමනින්ම ජනතාව කෙරෙන් වියෝ වී සිටින බවත්, ජනතාවගේ ද්වේශයට පාත‍්‍ර වී සිටින බවත් නිශ්චිතව සනාථ වූහ. රාජපක්ෂ පවුලේ ජඩ දේශපාලන ජාලය, දූෂිත මැර, මාෆියා ජාලය ජනතාව විසින් දින කිහිපයක් තුලදී බිමට සමතලා කර දැමූහ. මෙය මේ අරගලය තුළ ජනතාව ළබාගත් අති විශිෂ්ට ජයග‍්‍රහණයක් විය. ඔවුන්ට නැවතත් ගොඩ නැගිය නොහැකි පරිදි රට පුරා ප‍්‍රාදේශියව විසිරී තිබුණු ඔවුන්ගේ ඒකාධිපති, මැර දේශපාලන ආධිපත්‍යය ජනතාව විසින් නිශ්ක‍්‍රීය කර දමනු ලැබූහ.
එම සිදුවීමෙන් පසුව අගමැතිවරයාට ඉල්ලා අස්වෙන්නට සිදු වූ අතර විරෝධතා දිගටම ඇදෙන්නට වූයේ ආඥදායක ගෝඨාබය ජනාධිපතිට ඉල්ලා අස්වෙන්නට බල කරමිනි.
ඉන් පසු ජූලි 8 වන දින අන්තර් විශ්ව විද්‍යාලයීය ශිෂ්‍ය බලමණ්ඩලයේ මග පෙන්වීම සහ නායකත්වය යටතේ කැළණිය විශ්ව විද්‍යාලයේ සිට දැවැන්ත විරෝධතා පාගමනක් ජනතාව සමග ආරම්භ වූහ. ඒ ජූලි 9 වන දින කැඳවා තිබූ දැවැන්ත මහජන විරෝධයට උත්පේ‍්‍රරණයක් ලෙසයි. ගාලූමුවදොර අරගල භූමියේ රැය පහන් කළ අරගලකරුවන් 9 වෙනි දින කැඳවා තිබුණු දැවැන්ත විරෝධතාවයට සම්බන්ධ වූ අතර, ලංකාව පුරා විවිධ ප‍්‍රදේශවලින් ජනතාව මිලියනයකට අධික ප‍්‍රමාණයක් කොළඹට රැස් වූහ. විරෝධතාවය මර්ධනය කිරීම සඳහා ආරක්ෂක අංශ කඳුලූ ගෑස්, ජල ප‍්‍රහාර, සහ බැටන් ප‍්‍රහාර එල්ල කළ අතර අවස්ථා කිහිපයකදීම වෙඩි තැබීම් සිදු කළහ. බැටන් ප‍්‍රහාරවලට සහ වෙඩි ප‍්‍රහාරවලට ලක් වීමෙන් 30කට අධික පිරිසක් රෝහල් ගත කරන ලදි.
ජනාධිපති මන්දිරයේ ද්වාරය අසලට ජනතාව විශාල ප‍්‍රමාණයක් රැස්වූ අතර ඔවුන් වළක්වාලීමට ස්වයංක‍්‍රීය ගිනි අවිවලින් වෙඩි තැබූවත් කිසිවෙක් පියවරක් හෝ පසුපසට නොගියහ. එහිදී යම් පිරිසක් තුවාල වූ අතර වෙඩි තැබීම නවත්වා යටත්වෙමින් විරෝධතා කරුවන්ට ඇතුල් වීමට මන්දිර පරිශ‍්‍රයට පිවිසෙන ද්වාරය විවෘත කළහ. මේ තත්ත්වයත් සමග ආඥදායකයා රටින් පලා ගිය අතර සිය ධූරයෙන් ඉල්ලා අස්වීමේ ලිපිය පාර්ලිමේන්තුවට ලබා දීමට පසුව කටයුතු කොට තිබුණි.
කෙසේ වෙතත් වැඩ බලන ජනාධිපතිවරයා ලෙස අගමැතිවරයා ලෙස පත් කොට තිබුණු රනිල් වික‍්‍රමසිංහ පත් වූහ. ඔහු 1988-1989 තරුණ නැගී සිටීම සමයේ බටලන්ද වධකාගාරය මෙහෙයවනු ලැබූ මිලේච්ඡ ඝාතක නායකයාද වූහ. ඔහු ජනාධිපති ධුරයට පත්වීමත් සමග ඔහුගේ ඉවත්වීමද ඉල්ලා සිටිමින් අරගල කරුවන් දිගින් දිගටම අරගල භූමියේ රැඳී සිටිමින් විරෝධය දැක්වීමේ ක‍්‍රියාමාර්ගයෙහි නියැළෙමින් සිටී.
ඡායාරූප පෙළ – (සමාජ මාධ්‍ය, සහ විවිධ පුද්ගලයින් විසින් ලබාගත් ඡායාරූප එකතුවකි)
ජූලි 8 වන දින අන්තර් විශ්වවිද්‍යාල ශිෂ්‍ය බලමණ්ඩලයේ විරෝධතා (ඡායාරූප – තිළිණ කලූතොටගේ මුහුණුපොත් පිටුවෙන්)
ජනාධිපති මන්දිර පරිශ‍්‍රයට පිවිසෙන ද්වාරය අසල වෙඩි තැබීම.
ජනාධිපති මැදුර අත්පත් කරගැනීමෙන් පසු මහජන ප‍්‍රදර්ශනයට තැබීමෙන් පසු.
ආඥදායක ජනාධිපතිගේ ආහාර වේල.
ජනතාව ජයග‍්‍රහණය සමරමින්
ජනාධිපති මන්දිරයේ ආරක්ෂකයින්ගේ නවාතැන් – පීඩිතයින් මර්ධනය කිරීමට යොදා ගත් ඔවුන්ට ලැබි තිබෙන ජීවන තත්ත්වය ජනාධිපතිගේ සුනඛයින්ටත් වඩා අයහපත් එකකි.
වසන්ත මුදලිගේ – වර්තමාන කැඳවුම්කරු – අන්තර් විශ්වවිද්‍යාල ශිෂ්‍ය බලමණ්ඩලය. අන්තර් විශ්වවිද්‍යාල ශිෂ්‍ය බලමණ්ඩලය අරගලය වෙනුවෙන් විශාල දායකත්වයක් ලබා දෙනු ලැබිණි.
මැයි දින ඒකාබද්ධ ප‍්‍රකාශනය
2022-මැයි-01
මැයි දින ඒකාබද්ධ ප‍්‍රකාශනය
රතු මැයි දිනය දිගුකල් දිනේවා!
[මෙම ප‍්‍රකාශනයේ ඉංග්රීසි සහ ස්පාඥ්ඥ භාෂා සදහා| for english and spanish languages MaoistRoad]
ලෝක නිර්ධන පංතියේ සහ මාක්ස්වාදී-ලෙනින්වාදී-මාඕවාදී බලවේගවල ක්ෂණික කර්තව්‍යය වන්නේ ජාත්‍යන්තර තලයේ වර්ධනය වෙමින් පවතින විප්ලවවාදී තත්ත්වය ප‍්‍රයෝජනයට ගෙන, විනාශකාරී අධිරාජ්‍යවාදය විනාශ කොට, යුද්ධ සඳහා ඉඩ අහුරන සමාජවාදය ස්ථාපිත කිරීමයි!
මැයි දිනය යනු ලෝක නිර්ධන පංතිය තම අරගලයේ අධිෂ්ඨානය ප‍්‍රකාශ කරන දිනයයි. නිර්ධන පංතිය නිදහස, ස්වාධීනත්වය, සමානාත්මතාවය සහ ස්වෛරීභාවය සඳහා වන බලවේගවල සමතුලිතතාවය තක්සේරු කරන සහ වෙහෙස නොබලා තවදුරටත් අධිෂ්ඨානශීලීව සටන් කිරීමට සිය සම්පූර්ණ ශක්තිය බලමුලූ ගන්වන දිනයයි. මෙම දිනයේ දී නිර්ධන පංතිය සිය රටවල නිර්ධන පංති විප්ලවයේ සාර්ථකත්වයට සහ එලෙසම ලෝක සමාජවාදී විප්ලවයේ සාර්ථකත්වයට ද ප‍්‍රතිඥා දෙයි. අධිරාජ්‍යවාදයට එරෙහිව නිර්දය ලෙස සටන් කරන ලෝක නිර්ධන පංතියට මැයි දිනය වෙනුවෙන් අපි රතු ආචාරය පුද කරමු.
ලෝකය, පරිසරය, ජනතාව විනාශ කිරීම අධිරාජ්‍යවාදයේ ස්වභාවයයි. එය නොනැසී පවතින්නේ අනවරත විනාශ කිරීම් මගින් පමණි. අධිරාජ්‍යවාදය විනාශකාරී කොරෝනා නිර්මාණය කොට, ගෝලීයකරණ ප‍්‍රතිපත්තිවල කොටසක් ලෙස ආර්ථිකය ප‍්‍රතිව්‍යූහගත කරමින් සිය ආර්ථිකය හා මූල්‍ය අර්බුදයෙන් මිදීම සඳහා සමස්ත බර ජනතාව මත පටවමින් සිටී. එය ආසියාවේ, අප‍්‍රිකාවේ සහ ලතින් ඇමරිකාවේ පසුගාමී රටවල කොම්ප‍්‍රදෝරු නිලධාරිවාදී ධනේශ්වරය සහ මහ ඉඩම් හිමි පංති සමග සහයෝගයෙන් කටයුතු කරමින් බලහත්කාර හා අසමාන (සමාන නොවන) ගිවිසුම් හරහා ප‍්‍රාග්ධනය හා තාක්ෂණයේ නාමයෙන් ස්වභාවික සම්පත්, ලාභ ශ‍්‍රම බලකාය සහ වෙළඳපල අසීමිත ලෙස කොල්ලකමින් සිටියි. කෙසේ වෙතත් අර්බුදයෙන් ගොඩ එන බවක් පෙනෙන්නට නැත. අවපාතය, උද්ධමනය සහ විරැකියාව උත්සන්න වී ඇත. සෞඛ්‍ය, අධ්‍යාපනය ඇතුළු සමස්ත ජනජීවිතය අර්බුදයකට ලක්ව ඇති අතර ජනතාව දැඩි දුෂ්කරතාවලට මුහුණ පා සිටිති. දුප්පතුන් සහ පොහොසතුන් අතර විෂමතාවය වැඩි වෙමින් පවතී. යුද්ධ මත යැපෙන එක්සත් ජනපද ආර්ථිකය එහි සුපිරි ලාභය සඳහා ලෝකයේ සෑම අස්සක් මුල්ලක් නෑරම යුද්ධ ගණනාවක් සඳහා උල් පන්දම් දෙමින් ආයුධ විකුණමින් සිටියි. ජීවිතය බිහිසුණු තත්ත්වයකට ඇද වැටී ඇති අතර ජනතාව කැරලි ගසති. ඔවුන් මර්ධනය කිරීමට අධිරාජ්‍යවාදය ෆැසිස්ට් බලවේගවලට මුක්කු ගසයි. අධිරාජ්‍යවාදය විසින් අනුගමනය කරන විනාශකාරී ප‍්‍රතිපත්ති හේතුවෙන් ජාත්‍යන්තර සහ දේශීය මට්ටම්වල මූලික ප‍්‍රතිවිරෝධතා තීව‍්‍ර වෙමින් පවතින අතර එමඟින් විප්ලවවාදී තත්ත්වයන් ක‍්‍රමයෙන් වර්ධනය වෙමින් පවතී.
අධිරාජ්‍යවාදය හා පීඩිත ජාතීන් සහ ජනතාව අතර ප‍්‍රතිවිරෝධතාව
පසුගාමී රටවල් කිහිපයක ජනතාව අධිරාජ්‍යවාදී ගෝලීයකරණයට සහ රැකියා, අධ්‍යාපනය, සෞඛ්‍ය යනාදී අනෙකුත් මූලික පහසුකම් ලබා නොදෙන සහ මිල ඉහළ යාමට හේතු වන රජයන්ට එරෙහිව නිර්භීතව සටන් කරති. ජාතිකත්වයන් මර්ධනය කිරීමට එරෙහිව පීඩිත ජාතීන් සටන් වදිති. පසුගිය වසර 20 ක කාලයක් තුළ ඇෆ්ගනිස්තානය පීඩාවට පත් කරමින් සිටි එක්සත් ජනපද හමුදාවන් ඉවත් කර ගැනීමට සිදුවීම පසුගිය වසරක කාලය තුළ සිදු වූ එක් වැදගත් වර්ධනයකි. එක්සත් ජනපදය 1975 වියට්නාමයේදී මුහුණ දුන් ආකාරයටම 2021 දී ඇෆ්ගනිස්ථානයේ දී පරාජයට මුහුණ දුන්නේය. මෙම වර්ධනයන් මගින් පෙන්නුම් කරන්නේ ජනතාව දැඩි අධිෂ්ඨානයකින් සටන් කරන්නේ නම්, නූතන අධිරාජ්‍යවාදී හමුදාවන් ඉවත් කර ගැනීමට සිදු වන බවයි. උදාහරණයක් ලෙස ඉන්දියාවේ බ‍්‍රාහ්මණ හින්දු මෝදි රජයේ නව ලිබරල්, සංස්ථාවල අනුග‍්‍රහය ලබන ප‍්‍රතිපත්තිවලට එරෙහිව විවිධ පීඩිත පන්ති, කාණ්ඩයන්, ගෝත‍්‍රික සහ පීඩිත ජාතීන්ගේ සටන්කාමී අරගල සිදුවෙමින් පවතී. කම්කරු නීති වෙනුවට ගෙන එන නීති හතරට එරෙහිව, පෞද්ගලීකරණයට එරෙහිව, අනියම් කොන්ත‍්‍රාත්තු ක‍්‍රමයට, කෘත‍්‍රිම බුද්ධියට, කම්කරුවන් මත බර පටවන වැඩ කරන පැය ගණන වැඩිවීමට, සැබෑ වැටුප් පහත වැටීමට, බිහිසුණු සේවා කොන්දේසි සහ සුභසාධන වැඩසටහන් සහ අවම වැටුප් ලබා දීමට එරෙහිව මෙන්ම රැකියාව සහතික කර ගැනීම සඳහා කම්කරුවන් ඒකාබද්ධ අරගල දියත් කරති. ගොවි සංවිධානවල පුලූල් සහයෝගය ඇතිව මාර්තු 28-29 යන දිනවල වෘත්තීය සමිති විසින් පවත්වන ලද දීප ව්‍යාප්ත වැඩවර්ජනය පෙර නොවූ විරූ ලෙස සාර්ථකවීම කම්කරු ගොවි එක්සත්කම විදහා දක්වන සලකුණකි.
අධිරාජ්‍යවාදී රටවල ධනේශ්වර පංතිය සහ නිර්ධන පංතිය අතර ප‍්‍රතිවිරෝධතාව
අධිරාජ්‍යවාදය සිය අර්බුදයෙන් ගොඩ ඒම සඳහා නිර්ධන පංතිය සහ මධ්‍යම පන්තිය සූරාකමින් සිටී. එය කෘත‍්‍රිම බුද්ධි තාක්ෂණය උපයෝගී කර ගනිමින් ස්ථීර රැකියා සහ සුබසාධන වැඩසටහන් කප්පාදු කරමින් සිටී. එය ජනතාව මත අධික බදු බරක් පටවයි. කොරොනා අර්බුදයෙන් එළියට පැමිණි කොවිඩ් සීමා කිරීම්, රැකියා ඉවත් කිරීම, වැඩ කරන පැය ගණන වැඩි වීම, වැටුප් අඩුවීම සහ ඉහළ මිල ගණන් විසින් නිර්ධන පංතිය, සේවකයින්, සිසුන් සහ පරිසර ක්රියාකාරීන් මහා පරිමාණ උද්ඝෝෂණ හා වැඩ වර්ජන කරා ගෙන යමින් තිබේ. රටවල් ගණනාවකම කම්කරුවන්ගේ උද්ඝෝෂණ සටන්කාමී ස්වරූපයක් ගනිමින් සිටී.
අධිරාජ්‍යවාදී රටවල් අතර ප‍්‍රතිවිරෝධතා
එක්සත් ජනපදයේ නව ජනාධිපති ජෝ බයිඩන් එක්සත් ජනපදයේ පිරිහෙමින් පවතින ලෝක ආධිපත්‍යය පවත්වා ගැනීම සඳහා අතිශයින්ම ආක‍්‍රමණශීලී තීරණ ගනිමින් ඒවා ක‍්‍රියාත්මක කරයි. එය QUAD මගින් ශක්තිමත්වී, AUKUS නිර්මාණය කොට අධිරාජ්‍යවාදී තරඟකරුවන් ලෙස ඉදිරියට පැමිණෙන, රුසියාව සහ චීනය පාලනය කිරීමට නේටෝ සහ G-7 රටවල්වල ආධිපත්‍යය පෝෂණය කරයි. නමුත් යුරෝපය එක්සත් ජනපදය සමග සහයෝගයෙන් කටයුතු කළ හැකි තත්ත්වයක නැත. ජර්මනිය සහ ප‍්‍රංශය රුසියාවෙන් ආනයනය කරන තෙල් හා ගෑස් මත රඳා පවතී. අනෙක් අතට තායිවානයේ කටයුතුවලට ඇඟිලි ගසමින්, තායිවාන මුහුදු තීරයේ චීනය සහ එක්සත් ජනපදය තරඟයට සිදු කරන යුද අභ්‍යාස වඩ වඩාත් භයානක වෙමින් පවතී. රුසියාව සහ චීනය හමුදා සහයෝගීතාව සඳහා ගිවිසුමක් ඇති කර ගෙන ඇත. සීතල යුද්ධය අවසන් වීමෙන් පසු අධිරාජ්‍යවාදී රටවල් අතර ආතතීන් සහ ගැටුම් පෙර නොවූ විරූ තීව‍්‍ර මට්ටමකට ළඟා වී ඇත. මෙම ක‍්‍රියාවලියේදී රුසියාව යුක්රේනයට එරෙහිව ආක‍්‍රමණශීලී යුද්ධයක නිරත වී ඇත. එක්සත් ජනපදය රුසියාවට දුන් පොරොන්දු කඩ කොට නේටෝව ව්‍යාප්ත කළ අතර බලහත්කාරයෙන් හෝ උපායෙන් ඇද ගැනීමෙන් රටවල් 30ක් එහි කොටස්කරුවන් බවට පත් කළේය එය යුරෝපයේ 3 වන විශාලතම මිලිටරි බලවතා වන යුක්රේනය නේටෝවට සම්බන්ධ වන බව නිවේදනය කළේය; යුක්රේනය සමග ඒකාබද්ධ හමුදා අභ්‍යාස සිදු කළහ; යුක්රේනයට සහය දැක්වීම සඳහා එහි හමුදා, යුධ නැව් සහ මිසයිල යෙදවීය; මේ සමගම රුසියාව යුක්රේනයේ දේශසීමාවල ලක්ෂ එකහමාරක හමුදාවක් යෙදවූ අතර අධිරාජ්‍යවාදී ප‍්‍රතිවිරෝධතා පුපුරා ගිය අතර යුකේ‍්‍රනයට එරෙහිව රුසියානු ආක‍්‍රමණික යුද්ධය සඳහා මග සැලසූහ. මෙය පසුගිය මාස දෙකක කාලය මුළුල්ලේ එය විනාශකාරී ආකාරයෙන් සිදුවෙමින් පවතී. රුසියාව සහ යුක්රේනය අතර පැවති සාකච්ඡා අප්රේල් 12 වැනිදා අසාර්ථක විය. යුද්ධය තව දුරටත් විනාශය කරා ඇදී යන බවට බවට සැකයක් නැත. එය ජනතාව මතට දරාගත නොහැකි පීඩනයක් හා අර්බුදයක් තල්ලු කොට ඇත. ලෝක නිර්ධන පංතිය සහ අනෙකුත් පීඩිත පංති සහ පීඩිත ජාතිකත්වයන් අධිරාජ්‍යවාදී රටවල ආර්ථික හා අධිපතිවාදී අවශ්‍යතා කෙළිය නිසා දුක් විඳිති. තුන්වන ලෝක යුද්ධයේ අන්තරාය මතුවෙමින් තිබේ.
යුක්රේනය මත රුසියානු ආක‍්‍රමණික ස්වරූපයෙන් පැන නැගි යුද්ධය අධිරාජ්‍යවාදී යුද්ධයකි. යුක්රේනය එක්සත් ජනපදය අතෙහි ඇති ඇමක් බවට පත් වී ඇත. යුද්ධය හෙළා දකින ලෙස අපි කම්කරුවන්, ගොවීන්, මධ්‍යම පන්තික සහ අනෙකුත් පීඩිත පංති සහ පීඩිත ජාතීන්ගෙන් ඉල්ලා සිටිමු. අපි ලෝකයේ නිර්ධන පංතියෙන්, පීඩිත පංතිවලින් සහ පීඩිත ජාතිකයන්ගෙන් ඉල්ලා සිටින්නේ ‘කම්කරු පන්තියට’ රටක් නැත යන කාල් මාක්ස්ගේ සහ ෆෙඩ්රික් එංගල්ස්ගේ ඉගැන්වීම් ආරක්ෂා කරන ලෙසයි… ‘සෑම තැනකම සිටින කොමියුනිස්ට්වාදීන් පවතින (ධනවාදී) සමාජ-දේශපාලන ක‍්‍රමයට එරෙහිව ඒ ඒ සහ සෑම විප්ලවවාදී ව්‍යාපාරයකටම සහය දැක්විය යුතුයි’, ‘සියලූ රටවල කම්කරුවනි සමගිවව්’ ශ්‍රේෂ්ඨ මාක්ස්වාදී ගුරුවරයා වූ ලෙනින් ගේ ඉගැන්වීම වන, … ‘ප‍්‍රබුද්ධ නිර්ධන පංතිය කිසිදු අධිරාජ්‍යවාදී වෘක රංචුවකට සහය දක්වන්නේ නැත….’ එය කිසිදු අධිරාජ්‍යවාදී රටක යුද්ධයක් සමග සිට ගන්නේ නැත. සිය පිරිහෙමින් පවතින ලෝක ආධිපත්‍යය පවත්වා ගැනීමට යුක්රේනය බිල්ලක් ලෙස ගනිමින් එක්සත් ජනපදය සිදු කරන විනාශකාරී ක්රියාමාර්ග වලට එරෙහිව සටන් කිරීමට, ලෝකය පුරා ජනතාව එක්සත් ජනපදය නේටෝවේ නායකත්වයෙන් ඉවත් කර ගැනීමට බල කරමින් සටන්කාමී අරගල වල නිරත වෙමින් සිටියි. රුසියාවේ සහ ලෝක ජනතාවගේ අභිලාශයන්ට අනුව රුසියාව වහාම සහ කොන්දේසි විරහිතව යුද්ධය නවත්වා සිය හමුදාව නැවත කැඳවා ගත යුතු ය. විප්ලවවාදී තත්ත්වයන් වර්ධනය වෙමින් පවතී. ඒවා ප‍්‍රයෝජනයට ගෙන අධිරාජ්‍ය විරෝධී අරගල තීව‍්‍ර කිරීම ලෝක නිර්ධන පන්තියේ කාර්යභාරයයි. එමගින් පූටින් ආණ්ඩුව වෙතට පීඩනය යෙදිය යුතුය. රුසියාව න්‍යෂ්ටික යුද්ධයේ යෙදී තුන්වන ලෝක යුද්ධය ආරම්භ කරන්නේ නම්, පළමු ලෝක සංග‍්‍රාමය සිවිල් යුද්ධයක් බවට පරිවර්තනය කිරීමෙන් 1917 දී ලෙනින් සහ ස්ටාලින් යන සහෝදරවරුන්ගේ නායකත්වයෙන්, නිර්ධන පංතියේ නායකත්වයෙන්, සමස්ත පීඩිත පංතිවල සහ පීඩිත ජාතීන්ගේ ඔක්තෝබර් විප්ලවයේ සාර්ථකත්වයේ විශිෂ්ට අත්දැකීමෙන් නිර්ධන පංතිය ඉගෙන ගත යුතු අතර එහි උරුමය ආරක්ෂා කරමින් පූටින් ආණ්ඩුව බිඳ දැමිය යුතුය. එය නිර්ධන පංතියේ නායකත්වය තුළ නව සහ උසස් සමාජවාදී ආණ්ඩුවක් ස්ථාපිත කළ යුතුය. එක්සත් ජනපදයේ සහ යුරෝපීය රටවල නිර්ධන පංතිකයින් සහ පීඩිත ජනතාව මෙම යුද්ධයේදී යුක්රේනයට උල්පන්දම් දීම නතර කරන ලෙස ඉල්ලා නිර්ධන පංතියේ නායකත්වයෙන් සටන්කාමී ව්‍යාපාර සිදු කළ යුතුය. එක්සත් ජනපද නේටෝ හවුල තුන්වන ලෝක යුද්ධයක නිරතවන්නේ නම්, එය සිවිල් යුද්ධයක් බවට පරිවර්තනය කළ යුතුය.
එපරිද්දෙන්ම, නව සමාජ-අධිරාජ්‍යවාදී චීනයේ නිර්ධන පංතිය එයට පාඩමක් ඉගැන්විය යුතුය. සරණාගතයන් ලෙස වෙනත් ප‍්‍රදේශවලට පලා යන යුක්රේනයේ ජනතාව මානුෂීය දෘෂ්ටිකෝණයකින් ආරක්ෂා කරන ලෙස අපි ලෝක නිර්ධන පංතියෙන් සහ පීඩිත ජනතාවගෙන් ඉල්ලා සිටිමු. යුක්රේනයේ නිර්ධන පංතිය සහ පීඩිත ජනතාව එරට නේටෝවෙහි සහ විශේෂයෙන්ම එක්සත් ජනපද අධිරාජ්‍යවාදින්ගේ පරිවාර රාජ්‍යයක් බවට පත් කළ, පූර්ව නේටෝ ගැති, විශේෂයෙන්ම පූර්ව එක්සත් ජනපද-යුරෝ අධිරාජ්‍යගැති සෙලෙන්ස්කි ආණ්ඩුවේ ප‍්‍රතිපත්ති හෙළා දැකිය යුතුය. ඔවුන් තම රටේ ස්වෛරීභාවය ආරක්ෂා කර ගැනීමට සහ තම ජාතිකත්වයේ පැවැත්ම සඳහා අධිරාජ්‍යවාදීන් විසින් පනවන ලද යුද්ධය සිවිල් යුද්ධයක් බවට පරිවර්තනය කළ යුතුය. යුක්රේනයේ පීඩිත ජනතාව රටේ නිර්ධන පංතියේ නායකත්වය යටතේ සියලූ වර්ගවල අධිරාජ්‍යවාදයට එරෙහිව සටන් කර ස්වෛරීත්වය සාක්ෂාත් කරගත යුතුය. ඩොනෙට්ස්ක් සහ ලූහාන්ස්ක් ජනරජවල ඩොන්බාස් ප‍්‍රදේශයේ පීඩිත ජාතිකයන් සහ ජනතාව තම අනාගතය සාක්ෂාත් කර ගත යුත්තේ රුසියානු අධිරාජ්‍යවාදය මත යැපීමෙන් නොව නිර්ධන පංතියේ නායකත්වය තුළ ඔවුන්ගේම ශක්තිය මත ය. කොම්ප‍්‍රදෝරු ආණ්ඩු අධිරාජ්‍යවාදී රටවල් සමග ඇතිකරගත් යුද ගිවිසුම් ඇතුළු සියලූ ආකාරයේ ගිවිසුම් අවලංගු කිරීමට පසුගාමී රටවල ජනතාව සටන් කළ යුතුයි. අධිරාජ්‍යවාදී සූරාකෑමෙන් හා පීඩනයෙන් මිදී ලෝක සාමය ස්ථාපිත කිරීමට ලෝකයේ නිර්ධන පංතියේ සහ මාක්ස්වාදී-ලෙනින්වාදී-මාඕවාදී බලවේගවල එකම මාර්ගය සහ ක්ෂණික කර්තව්‍යය වන්නේ අධිරාජ්‍යවාදය මේ පොළොවෙන් තුරන් කර යුද්ධ සඳහා කිසිදු ඉඩක් නොසලසන සමාජවාදය පිහිටුවීමයි.
මෙම කාර්යය සාක්ෂාත් කර ගැනීම සඳහා වර්තමානයේ ඇති සුවිශේෂී තත්ත්වයන්ට අනුව උචිත ජාත්‍යන්තර විප්ලවවාදී නිර්ධන පංති සංවිධානයක් පිහිටුවීම අවශ්‍ය වේ. මෑත කාලීනව ලෝකයේ ඉදිරිගාමී කණ්ඩායම් සහ සංවිධාන වත්මන් ශ‍්‍රමික ජනතාවගේ ඉල්ලීම භාර ගනිමින් ක‍්‍රමක‍්‍රමයෙන් ශක්තිමත් වෙමින් සමාජවාදී, නව ප‍්‍රජාතන්ත‍්‍රවාදී විප්ලව සහ ජාතික විමුක්ති අරගලවලට ඔවුන්ගේ විමුක්තිය දිශානතිය සඳහා ඒකාබද්ධ නායකත්වයක් ලබා දීමට කටයුතු කරමින් සිටිති. මේ අතර සමගිය සහ සහයෝගීතාව වර්ධනය වෙමින් පවතී. ජාත්‍යන්තර සංසදයක් ගොඩනැගීමේ අවශ්‍යතාවයට එකඟ වී මාඕවාදී සංවිධාන කිහිපයක් මේ වෙනුවෙන් ඉල්ලා සිටින ලද ක‍්‍රියාමර්ගයන් ක්ෂණිකව ගනු ලැබීම සතුටුදායක කාරණයකි. මෙය ලෝක නිර්ධන පංතියේ වර්ධනය වන මනෝමූලික ශක්තිය පෙන්නුම් කරයි. මෙය පදනම් කරගෙන, අධිරාජ්‍යවාදීන්ගේ සියලූ ආකාරයේ ප‍්‍රහාර සහ යුද්ධවලට එරෙහිව සටන් කිරීමට, ලෝකයේ සාමය ඇති කිරීමට, විශේෂයෙන් යුක්රේනයට සහ අධිරාජ්‍ය විරෝධී අරගලයන්ට එක්සත් නායකත්වයක් සැපයීමට නිශ්චිත සැලැස්මක් සමග එක්සත් ජාත්‍යන්තර සංසදයක් පිහිටුවීමට උත්සාහ කරමු. ලෝක සමාජවාදී විප්ලවය ඉදිරියට ගෙන යමු. මේ වෙනුවෙන් අපි තවදුරටත් එක්සත් වෙමු.
අත්සන් කරන ලද පක්ෂ සහ සංවිධාන
ඉන්දියානු කොමියුනිස්ට් පක්ෂය (මාඕවාදී)
තුර්කි කොමියුනිස්ට් පක්ෂය/මාක්ස්වාදී-ලෙනින්වාදී
ගැලීෂියාවේ මාඕවාදී කොමියුනිස්ට් පක්ෂය ඉදිකිරීමේ කමිටුව
මාඕවාදී කොමියුනිස්ට් පක්ෂය – ඉතාලිය
නේපාල කොමියුනිස්ට් පක්ෂය (විප්ලවීය මාඕවාදී)
ඇෆ්ගනිස්ථාන් කොමියුනිස්ට් (මාඕවාදී) පක්ෂය
ඇෆ්ගනිස්ථාන් කොමියුනිස්ට් (මාඕවාදී) පක්ෂය – ෂෝලා ජේවිඩ්
එල් කදෙහිනාස් පක්ෂය – ටියුනීසියාව
මාඕවාදී විප්ලවීය ලිගය – ශ‍්‍රී ලංකාව
නෝර්වේ විප්ලවීය කොමියුනිස්ට්වාදීන් (ආර්කේ)
බ්රිතාන්ය විප්ලවීය සාමූහිකය (කලින් ආර්වීඑම්)
ඉරානයේ රතු මාවත මාඕවාදී කණ්ඩායම
ස්විට්සර්ලන්ත කොමියුනිස්ට් පක්ෂය (රතු කණ්ඩායම)
මාඕවාදී කොමියුනිස්ට් පක්ෂය තුර්කිය/උතුරු කුර්දිස්ථානය
නිර්ධන පංති බලය පක්ෂ සංවිධානය මාක්ස්වාදී-ලෙනින්වාදී-මාඕවාදී – කොලොම්බියාව
මර්ධනය නොඉවසමු! සටන් කිරීම පෙරට ගමු! සියලූ පීඩිතයින් සමගි වෙමු!
ඒකාෂිපති, දූෂිත, ෆැසිස්ට්වාදී රාජපක්ෂ පාලනයට එරෙහිව දිවයින පුරා දැඩි විරෝධතා මාලාවක් ආරම්භ වී තිබේ. මේ වන විට ලංකාවේ ආර්ථිකය සෑහෙන තරම් අගාධයකට ඇද වැටී ඇත. රටේ ජනතාවට මූලික අවශ්‍යතාවයන්වත් සපුරා ගත නොහැකි තරමට භාණ්ඩ හා සේවා මිල ඉහල ගොස් ඇත. රුපියල අවප‍්‍රමාණ වෙමින් ඩොලරය ඉතා ඉහළ අගයකට ගමන් කොට ඇත. එය තවදුරටත් පාලනය කළ නොහැකි එකක් වන අතර රටේ විදේශ සංචිත ප‍්‍රමාණය පෙර නොවූ විරූ හිඟයකට මුහුණ දෙමින් දැවැන්ත ආර්ථික ඛේදවාචකයක් නිර්මාණය කොට තිබේ.
ඒකාධිපති රාජපක්ෂ පාලනය සහ එහි හෙංචයියන්, පාර්ලිමේන්තුව නියෝජනය කරන පක්ෂ විපක්ෂ ප‍්‍රතිගාමී ජන-පීඩක දේශපාලන පක්ෂ මෙන්ම නිර්දය ලෙස ලංකාවේ ශ‍්‍රම සම්පත සහ ස්වාභාවික සම්පත් කොල්ලකමින් නිෂ්පාදනය සඳහා පෙර පැවති කර්මාන්ත අඩාල කර දමමින් ඉතා අවාසිදායක කොල්ලකාරී ආර්ථික ගිවිසුම්වලට බල කරමින් ලංකාව අධිරාජ්‍යවාදීන්ගේ ණය උගුලෙහි සූක්ෂම ලෙස සිර කරමින් සිටින ඇමෙරිකන්, චීන අධිරාජ්‍යවාදීන් සහ ඉන්දීය ව්‍යාප්තවාදීන් මෙහි පූර්ව නිර්මාණකරුවන් වේ.
පාලක පන්තියේ පුද්ගලයින් සහ ඔවුන්ගේ පවුල් අතර මෙන්ම ඔවුන්ගේ දේශපාලන හෙංචයියන් අතර සහ ඔවුන්ගේ හිතවාදී ධනපති සංස්ථා, සමාගම් ව්‍යාපාරිකයින් අතර රටේ ජනතාව විසින් උත්පාදනය කළ ධනය පරිභෝජනය සඳහා කොල්ලකමින්, අදුරදර්ශී පීඩක ආර්ථික ප‍්‍රතිපත්තියක් ගෙන යමින්, බොහෝ අවස්ථාවල විද්‍යාත්මක විසඳුම් වෙනුවට මිත්‍යාව ඔසවා තබමින්, නූගත් ජනතාව තව තවත් මුලා කරමින් තමන්ගේ දෙශපාලන බලය රැක ගැනීමම මේ දූෂිත පාලනය අරමුණ කරගත්හ.
කොවිඩ් ව්‍යසනය පවා භාවිතා කරමින් ඔවුන්ගේ මර්ධනයේ කූට හස්තය ජනතාවට රැස්වීම, භාෂණය සහ සංවිධානය වැනි අවස්ථා සෑම ස්ථානයකින්ම අහුරා දැමූහ. එය වීදි, සරසවි, ආයතන යන සෑම ආකාරයකින්ම විද්‍යාමාන විය. කොවිඩ් වසංගතය තුළදී පවා විද්‍යාත්මක රෝග පාලනයක් වෙනුවට මිත්‍යාව අධික ලෙස ප‍්‍රවර්ධනය කරමින්, ඒ අස්සේම ජනතාව මුලා කරමින්, ඔවුන්ගේ අවස්ථාවාදී බල ලෝභී දේශපාලන පැවැත්ම සහතික කර ගැනීමට ප‍්‍රයත්න දැරූහ. එසේම ඔවුන්ගේ මිත්‍යා වාහක හෙංචයියන්ට ජනතාව මුලා කොට දැවැන්ත මුදල් සම්භාරයක් ගරා ගන්නට දොරවල් විවර කරමින් ජනතාව වෛරසයෙන් මරා දමන්නට විවෘතව ඉඩ හරිමින්, ජනතාවගේ ජීවනෝපායන් අවදානමේ හෙළමින්, රටේ ජාතික නිෂ්පාදනය පවා පහල අඩියකට ඇද දමන්නට කටයුතු කළහ.
එසේම දිගින් දිටම ඔවුහු නාසි-ෆැසිස්ට් පන්නයේ සුලූ ජාතික පීඩනයක් ගෙන යමින් ජනතාව වාර්ගික, ආගමික, සංස්කෘතික සිමාවන් තුළ පවා බෙදා තබමින් සිටී. රාජපක්ෂ රජය සමග සන්ධානගත වී ඇති කාෂාය හොර රැළ අවස්ථා ගණනකදීම වර්ගවාදී ගැටුම් අවුලූවමින් ඒ සඳහා පිදුරු දමමින් දිගන, අලූත්ගම, කොටදෙනියාව යන පෙදෙස්වල බිහිසුණු ගැටුම් ඇති කළහ. යල් පැනගිය රාජපක්ෂ රජය එක් අතකින් චීන-ඇමෙරිකන් අධිරාජ්‍යවාදීන්ගේ අවශ්‍යතාවයන් සපුරමින් සහ ඉන්දීය ව්‍යාප්තවාදීන්ගේ අවශ්‍යතාවයන් සපුරමින් සිටියි. අනෙක් පසින් දේශීය කොම්ප‍්‍රදෝරු ධනපති පන්තියේ අවශ්‍යතාවයන් ඉෂ්ට කරමින් නිළධාරිවාදි-ඒකාධිකාරී ධනවාදයක් නඩත්තු කරමින් පුරවැසියන්, ජනතාව සහ පීඩිත පන්තීන් අසීමාන්තික ලෙස සූරා කමින් සිටියි. විවෘත ආර්ථික ප‍්‍රතිපත්ති සමග මෙරටෙහි දිගටම ක‍්‍රියාත්මක වූයේ නව ලිබරල් ආර්ථික ප‍්‍රතිපත්ති සමුදායකි. එය ලංකාව ජාතික ආර්ථිකයක් සහිත, ජාතික චින්තනයක් සහිත, ජාතික ධනේශ්වර පන්තියක් සහිත ශක්තිමත් ජාතික රාජ්‍යයක් බවට පත් කිරීමට ඇති ඉඩ අහුරාලමින් සෑම ක්ෂේත‍්‍රයකම භාණ්ඩ ආනයනය කරමින් හුදෙක් රට තුළ නිෂ්පාදන ධාරිතාවට වඩා අසාමාන්‍ය ලෙස පරිභෝජනය කිරීමේ ධනේශ්වර ප‍්‍රතිපත්තිය ක‍්‍රියාවට නංවා ඇත. මෙය එක දිගටම ගුණනය වූ අධිරාජ්‍යවාදී ණය උගුල සඳහා වූ ප‍්‍රධාන හේතුවකි.
වතුකරයේ වැවිලි සමාගම්වල ප‍්‍රවේණි වහලූන් බවට පත් වී සිටින වතුකරයේ කම්කරුවන් සහ කාර්මික නිෂ්පාදන සහිත ඇඟලූම් කලාපවල කම්කරුවන්ගේ ජීවන තත්ත්වය අතිශය පහත මට්ටමකට ඇද වැටී ඇත. මෙයිනුත් වතුකරයේ ජනතාව අතිශයින් බිහිසුණු තත්ත්වයක ජීවත් වෙති. ධීවරයින්, ගොවීන්, හස්ත කර්මාන්ත ශිල්පීන් සහ ස්වයං රැකියාවල නියුතු පුද්ගලයින් වඩ වඩාත් දිළිඳු අඩියකට ඇද වැටී ඇත. එසේම මැද පන්තික කොටස් සීඝ‍්‍ර ලෙස දරිද්‍රතාවයේ පහල ස්ථරවලට ඇද වැටෙමින් තිබේ. මෙය සෑම ජාතියකටම, ජන වර්ගයකටම, මෙන්ම උතුරු-නැගෙනහිර, මධ්‍යම, දකුණ සහ කාර්මික බටහිර පෙදෙස් යන සැම තැනකටම අධික ලෙස බල පවත්වා ඇත.
තමන්ට එල්ලවෙන ප‍්‍රතිවිරෝධයන් සෑම ආකාරයකින්ම මර්ධනය කරමින්, අවශ්‍ය සෑම විටකම ඔවුන්ගේ ධනපති සගයින්ගේ අන්ත දූෂිත ජන පීඩක මාධ්‍ය, ඔවුන්ගේ ජඩ කලාව, විශාල මුදල් ප‍්‍රමාණයක් පොම්ප කරමින් නඩත්තු කරන ඔවුන්ගේ සයිබර් මාධ්‍ය ජාලයන් මේ බිඳවැටෙන වර්ගවාදි-නව නාසි-ෆැසිස්ට් රාජ්‍යයේ ජරා ජීර්ණ අශූචි ගන්ධය සමනය කරන්නට උත්සාහ දැරුවද බුර බුරා නැගෙලමින් තිබුණු මහජන පීඩනය විවිධ ආකාරවලින් නිදහස් වී ඇත.
ජන සංහාරක යුද්ධයේ අවමන් සහගත පම්පෝරිය සහ පුරාජේරු කතා සහ බෞද්ධ ආගමික අධිපතිවාදී සංස්කෘතික මුලාව භාවිතා කරමින් සිය අසමත්බව වසාගන්නට සුපුරුදු ලෙසම උත්සාහ කළද (ජාතිය ඇමතීමේ කතාවෙන් පවා) ඒවා ජනතාවගේ කෝපය සහ ආවේගය හමුවේ යල් පැනගිය තනු බවට පත් වී ඇත.
කොවිඩ් ව්‍යසනය විසින් දහසය දසහසකට අධික ඝාතන ප‍්‍රමාණයක් සිදුවී තිබෙන අතර ඒවා මේ සමාජ ක‍්‍රමයේ මිනී මැරුම් ලෙස හඳුනා ගත යුතුය. බහු ජාතික සමාගම්වල අවශ්‍යතා වෙනුවෙන් කෘෂි කර්මාන්තය කඩා වැට්ටවීමේ රාජ්‍ය ප‍්‍රතිපත්ති විසින් කෘෂි නිෂ්පාදන සීඝ‍්‍ර ලෙස පහත දමා ඇත. රට පුරාම දැඩි ආහාර, ඖෂධ සහ කාර්මික මෙවලම් හිඟයක් ඇති කරමින් ඒවායේ මිල ජනතාවට උසුලාගත නොහැකි මට්ටමකට වැඩි වී ඇත.
දිනපතාම විදුලි බලය කප්පාදු කරමින්, ජනතාවට ඉන්ධන පෝලිම්වල කාලය නාස්ති කිරීමට ඉඩ සලස්වා ඇත. සහෝදර ජනතාව ගණනාවක් ඉන්ධන පෝලිම් අතර තුර පැය ගණන්, දින ගණන් සිටගෙන සිටීම නිසා මරණයට පත් වී ඇත. ඖෂධ හිඟය නිසා ජනතාව දිගටම නිහඬව මරණයට පත් වෙමින් සිටී. කාර්මික නිෂ්පාදනය, කෘෂි කර්මාන්තය, ධිවර කර්මාන්තය, ස්වයං රැකියා මෙන්ම රට පුරාම ළදරු, ප‍්‍රාථමික, ද්විතීයික, උසස් සහ සරසවි අධ්‍යාපනය අඩාල වී ඇත. ජාතියෙහි අනාගත ජීවනාලිය වන ළමා පරපුර නිරක්තිය, මන්දපෝෂණය , මානසික පීඩනය, සමාජ පීඩනය වැනි අදිසි අවතාරවලට බිලි වෙමින් දැදුරු කරමින් සිටී. ජාතියේ දැවැන්ත නිෂ්පාදනය සඳහා සිය වෙහෙස, දහදිය කැප කළ ජනතාවට සිය සැඳෑ සමය විවේකයෙන් ගත කිරීමට කිසිදු ඉඩක් සලසා නැත. මත්ද්‍රව්‍ය, ලිංගික අපයෝජන, සීඝ‍්‍ර ලෙස ලිංගික ශ‍්‍රමිකයින් වැඩි වීම, බාල වයස්කාර දරුවන් පවා ලිංගික වෙලඳපොල තුළ අලෙවි කිරීම උත්සන්න වී ඇත.
මෙය මර්ධනයේ භූමියකි. මෙය නුදුරු දිනයකදීම ජනතාවට සාමූහික සොහොන් බිමක් බවට පත් වෙනු ඇත. මේ තත්ත්වයන් විවිධ පරිමාණයෙන් ජනතාවට බලපෑම් කරමින් රට පුරාම විවිධාකාරයේ පෙලපාලි, පිකටින්, සහ සටන්කාමී අරගල මෙන්ම ස්ථාන ගණනාවකම මර්දනයට පැමිණි ආරක්ෂක අංශ සමග වීදි සටන් වල ජනතාව නියැලී තිබේ. මිරිහාන, තංගල්ල සහ තවත් ප‍්‍රදේශ කීපයකම මෙලෙස ජනතාව විසින් සටන්කාමී ලෙස පතිචාර දැක්වා තිබේ. එසේම කුපිත වී සිටින ජනතාව දේශපාලකයින්ගේ නිවෙස් වට කරමින්, රාජ්‍යයේ ප‍්‍රභූ අනුග‍්‍රහය ලත් පූජකයින්ගේ නිවෙස් වට කරමින් සිය කෝපය පිට කරන්නට උත්සාහ දරා ඇත. සෑම අවස්ථාවකදීම රාජ්‍ය යන්ත‍්‍රයේ සුවච කීකරු ආරක්ෂක අංශ, පොලීසිය, විශේෂ කාර්ය බලකාය, බුද්ධි අංශ ඒවා මර්ධනයට හැකි සෑම ආකාරයකින්ම දායක වී ඇත. සමහර පෙදෙස්වල සමහර දේශපාලන නායකයින්ගේ දේපොල වලට පහර දී ගිනි තබා හානි සිදු කොට තිබෙන ආකාරයද වාර්තා වී තිබේ.
ජනතාවගේ පොදු සටන් පාඨ අතර ‘‘පාර්ලිමේන්තුවේ 225 දෙනාම ප‍්‍රතික්ෂේප කිරීම, රාජපක්ෂ පවුල සහ අනෙක් දූෂිත දේශපාලන පක්ෂ වල සහ දූෂිත විපක්ෂයේ නියෝජිතයින් ගෙදර යැවීම, ජනතාවගෙන් කොල්ල කෑ ධනය යලි පවරා ගැනීම, රජයට ආගමික සංස්ථාව සමග ඇති සම්බන්ධතාවයන් ඉවත් කිරීම, සිස්ටම් එක වෙනස් කිරීම’’ යන සටන් පාඨ කැපී පෙනන ඒවා වෙයි.
මර්ධනකාරී රාජ්‍ය යන්ත‍්‍රයේ ප‍්‍රධානියා වූ ඒකාධිපති ගෝඨාභය රාජපක්ෂගේ නිවෙස වටලමින් මිරිහානේ ජනතාව සටන්කාමි විරෝධතාවයක නියුතු වූ අතර එය කඳුලූ ගෑස්, පොලිස් මැර ප‍්‍රහාර හමුවේ ස්වකීය ආත්මාරක්ෂාව සලසා ගැනීමට සටන්කාමී ලෙස පෙරලා ආරක්ෂක අංශ වෙත ප‍්‍රතිචාර දක්වමින් අරගලය වීදි සටනක් දක්වා පරිවර්තනය වී ඇත. ජල ප‍්‍රහාරක වාහනයකට දැඩි අලාභහානි සිදු කරමින්, ආරක්ෂක අංශ වලට අයත් රථ වාහන කිහිපයක් ගිනි තබමින් ජනතාව සිය ආවේගය නිදහස් කොට ඇත. මිරිහානේ අරගල කරුවන් ආරක්ෂා කිරීමට කොන්දේසි විරහිතව නීතිවේදීන් තුන්සියයකට අධික පිරිසක් ඉදිරිපත් වෙමින් කටයුතු කිරීම ප‍්‍රශංසනීය කාරණයකි. දිවයින පුරාම විවිධ ස්ථානවල පැවති අරගලවලට නීතිඥ ප‍්‍රජාව, බුද්ධිමතුන්, කලාකරුවන් සහය දක්වමින් ජනතාව සමග සිටගෙන ඇත.
දස ගහස් ගණන් ජනතාව ගාලූ මුවදොර පිටියට රැස් වෙමින් එය අත්පත් කරගෙන ඇත. දිවා රාත‍්‍රී දෙකෙහිම සාමකාමී විරෝධතාවල නිරත වෙමින් සිය ඉල්ලීම් වෙනුවෙන් දැඩිව දිගටම හඬ නගමින් සිටී. මේ වන විට ගාලූ මුවදොර පිටිය අත්පත් කරගැනීම සතියකටත් වඩා පැවතී ඇති අතර නව අවුරුදු උත්සවය දිනයේදීත් සහය දැක්වීම සඳහා දිවයිනේ විවිධ පෙදෙස්වලින් ජනතාව පැමිණෙමින් සිටී. මේ අරගලවලට ප‍්‍රාදේශිය සහයෝගයන් දැක්වීමට විවිධ ජනතා සංවිධාන, අන්තර් විශ්ව විද්‍යාල ශිෂ්‍ය බලමණ්ඩලය වැනි බහුජන සංවිධාන රටේ ප‍්‍රධාන නගරවල විරෝධතා මධ්‍යස්ථාන, සත්‍යග‍්‍රහ ස්ථාන ඉදි කරමින් සිටී.
සමාජ ආර්ථික පීඩනයෙන් ගැලවීමට, පාලක පන්තියෙන් නිදහස දිනා ගැනීමට අරගල කිරීම වැදගත් බව මේ අරගල වලින් ජනතාව ඉගෙන ගනිමින් සිටියි. මෙහි ඇති ඓතිහාසික වැදගත්කම වනුයේ එයයි. මේ ක‍්‍රමය අතිශයින් සංවිධානය වී තිබෙන ශක්තිමත් බලකොටුවක් බව ජනතාව අනුක‍්‍රමයෙන් ඉගෙන ගන්නවා ඇත. මෙවැනි ශක්තිමත් ක‍්‍රමයක් හුදෙක් පාර්ලිමේන්තුව පෙරලා දැමීමෙන් පමණක්, පාර්ලිමේන්තු නියෝජිතයින් වෙනස් කිරීමෙන් පමණක්, ව්‍යවස්ථා, නීති සංශෝධනයෙන් හෝ රාජ්‍ය ව්‍යූහය ප‍්‍රතිංසවිධානගත කිරීමෙන් පමණක් පෙරලා දැමිය නොහැකි බව ජනතාව අනුක‍්‍රමයෙන් ඉගෙන ගන්නවා ඇත. සමාජ-ආර්ථික ක‍්‍රමයක් පෙරලා දැමීම හුදෙක් එක් දිනක හෝ දින කිහිපයක, සතියක හෝ සති කිහිපයක, මාසයක හෝ මාස කිහිපයක නොව එය දිග්ගැස්සුණු ක‍්‍රියාවලියක් බව ජනතාව අනුක‍්‍රමයෙන් ඉගෙන ගන්නවා ඇත. නිශ්චිත විද්‍යාත්මක දේශපාලන මතවාදයක ධජය යටතේ සමගි වන්නේ නැතිව මේ ක‍්‍රමය පෙරලා දැමිය නොහැකි බව ජනතාව අනුක‍්‍රමයෙන් ඉගෙන ගන්නවා ඇත. ඉතිහාසයේ ඓතිහාසික වගකීම් පැවරී ඇති පන්තියක් (නිර්ධන) යටතේ නායකත්ව ව්‍යූහයන් සංවිධානය වන්නේ නැතිව මේ ක‍්‍රමය පෙරලා දැමිය නොහැකි බව ජනතාව අනුක‍්‍රමයෙන් ඉගෙන ගන්නවා ඇත. මේ ක‍්‍රමය අධිරාජ්‍යවාදය සමග වෙලී තිබෙන බවත්, එබැවින් ජාත්‍යන්තර නිර්ධන පන්තියේ සහයෝගය නැතිව (ජාත්‍යන්තරවාදය) මේ ක‍්‍රමය පෙරලා දැමිය නොහැකි බවත් ජනතාව අනුක‍්‍රමයෙන් ඉගෙන ගන්නවා ඇත.
සියලූ පීඩිතයින් සමගි වව්!
අරගල කරමින් අරගල කිරීම ඉගෙන ගනිමු!
ඒකාධිපති රාජපක්ෂ රජය, එහි ප‍්‍රගිගාමී ගැත්තන් භංගවේවා!
ජනතාව සහ ස්වභාවික සම්පත් සූරාකමින් අධිරාජ්‍යවාදී ණය උගුලෙහි ගිල්වන ඇමෙරිකන්, චීන, යුරෝ අධිරාජ්‍යවාදීන් සහ ඉන්දීය ව්‍යාප්තවාදීන් භංගවේවා!
මාඕවාදී විප්ලවීය ලීගය
2022/04/14
නොවැම්බර් 24 ජාත්‍යන්තරවාදී දිනය- ඉතාලිය – ඉන්දියානු තානාපති කාර්යාලය ඉදිරිපිට රෝමයේ ක්‍රියාකාරීත්වය
නොවැම්බර් 24- කිෂෙන්ජි දිවි පිදූ අමරණීය දිනයේදී ලෝකය පුරා ජාත්‍යන්තරවාදී සහයෝගිතා දිනය
කිෂෙන්ජි දිගුකල් දිනේවා!
මාඕවාදී ඉන්දියානු කොමියුනිස්ට් පක්ෂය දිගුකල් දිනේවා!
මහජන යුද්ධය දිගුකල් දිනේවා!
ඉන්දියාවේ මහජන යුද්ධයට සහයදීමේ ජාත්‍යන්තර කමිටුව දිගුකල් දිනේවා!
මෝඩි ට සහ අධිරාජ්‍යවාදයට විනාශය!
ධනවාදය එකම වෛරසයයි!!!, විප්ලවය එකම එන්නතයි!!!
ධනවාදය එකම වෛරසයයි!!!, විප්ලවය එකම එන්නතයි!!!
පැරිස්
පාලනය කිරීමේ ක්රියාමාර්ග නොතකා, යුරෝපීය නගර කිහිපයක ක්‍රියාකාරීහු මැයි දිනයේ දී විවිධ කටයුතුවල නියැලුණහ. මෙය ඒ තත්ත්වය පිළිබඳ කෙටි විස්තරයකි. පැරීසියේදී, කණ්ඩායමක් පැරිසියේ ප්ලේස් ඩි ලා රිපබ්ලික් හි දී උදෑසන පෙළපාලියක් පැවැත්වීමට උත්සාහ කළහ. එහිදී විශේෂයෙන් “ධනවාදය එකම වෛරසයයි විප්ලවය එකම එන්නතයි” සහ තවත් අයෙකු “අපේ ජීවිත ද, ඔවුන්ගේ ලාභද” යන සටන් පාඨ සහිත බැනර් කිහිපයක් ප්‍රදර්ශනය කරමින් සිටියහ. පොලීසිය විශාල වශයෙන් මැදිහත් වී ක්‍රියාකාරීන්ගේ අනන්‍යතා පරීක්ෂා කර කිහිප දෙනෙකු අත්අඩංගුවට ගෙන තිබේ. පෙළපාලි සඳහා වෙනත් උත්සාහයන් අගනුවර හෝ පැරිසියානු තදාසන්න ප්‍රදේශවල, මොන්ට්‍රියූල්හි හෝ 18 වන අරොන්ඩිස්මන්ට් හි නගර ශාලාව ඉදිරිපිට සිදු විය. සීජීටී විසින් සංවිධානය කරන ලද තවත් උද්ඝෝෂණයක් ගින්ගෑම්ප් හිදී ද සිදුවිය. මෝටර් රථයක සිට සංවිධාන කටයුතු සිදු කළ ක්‍රියාකාරීන්ට දඩ මුදල් 17 ක් පොලීසිය විසින් නිකුත් කළද ඔවුහු සිය කටයුතු නවත්වනු නොලැබූහ.
බර්ලින්, වියානා
බර්ලිනයේ වීදි බැස විරෝධතා දැක්වවූ බොහෝ දෙනෙකු මර්ධනය කිරීම සඳහා 5,000 ක පොලීස් බල ඇණියක් යොදවා තිබුණි. ක්‍රියුස්බර්ග් දිස්ත්‍රික්කයේ සවස පෙලපාලිකරුවන් සහ පොලිසිය අතර ගැටුම් ඇති විය. පෙලපාලිකරුවන් කිහිප දෙනෙකු අත්අඩංගුවට ගත් අතර මෝටර් රථ තුනකට ගිනි තබා ඇත. ඇතන්ස්හි දී සිය ගණනක් ජනයා පාර්ලිමේන්තුව ඉදිරිපිට රැස්ව සිටියේ දුරස්ථව හා වෙස්මුහුණු පැළඳගෙන ය. තෙසලෝනිකි හි ද උද්ඝෝෂණයක් පැවැත්විණි. බාර්සිලෝනාහි වෘත්තීය සමිති සාමාජිකයින් විසින් සංවිධානය කරන ලද උද්ඝෝෂණයක් රෝහල් හදිසි කාමරයක් ඉදිරිපිට පැවැත්වූ අතර, සරගෝසාහි දී කාර් වලින් වෘත්තීය සමිති උද්ඝෝෂණයක් සංවිධානය කරන ලදී. වියානාහි ද පෙලපාලි දක්නට ලැබුණි. සූරිච් හි ක්රියාකාරීන් විසින් කුඩා පෙලපාලි හා මුල පිරීම් කිහිපයක් සංවිධානය කරනු ලැබූ අතර තීන්ත පිරවූ බෝතල්වලින් බැංකුවකට පහර දෙන ලදී. එහිදී අත්අඩංගුවට ගැනීම් කිහිපයක් සිදුවිය.
ඉස්තාන්බුල් සහ අන්කාරා හි බ්‍රහස්පතින්දා මධ්‍යම රාත්‍රියේ ඇඳිරි නීතිය දින තුනක් පනවා තිබියදී මැයි දින පෙළපාලි සංවිධානය කිරීමට උත්සාහ කළ පුද්ගලයින් 45 දෙනෙකු අත්අඩංගුවට ගෙන තිබේ. ඉස්තාන්බුල් හි බෙසික්ටාස් දිස්ත්‍රික්කයේ ප්‍රගතිශීලී වෘත්තීය සමිති සම්මේලනයේ (ඩිස්ක්) මධ්‍යම කාර්යාලයට රැස්ව සිටි පිරිසක් තක්සිම් චතුරශ්‍රයට ගමන් කිරීමට උත්සාහ කිරීමේදී අවම වශයෙන් පුද්ගලයින් 15 දෙනෙකුවත් අත්අඩංගුවට ගෙන තිබේ. නිදහස් කිරීමට පෙර ඩිස්ක් සභාපති අර්සු සර්කෙසොග්ලු ද කෙටි කලක් රඳවා ගනු ලැබීය. රැළියක් පැවැත්වීමට උත්සාහ කළ තවත් 11 දෙනෙකු ඇනටෝලියන් පැත්තේ ඉස්තාන්බුල් හි කඩිකෝයි දිස්ත්‍රික්කයේ දී අත්අඩංගුවට ගෙන තිබේ. තක්සිම් චතුරශ්‍රයට ගමන් කිරීමට උත්සාහ කළ තවත් 12 දෙනෙකු ඉස්තාන්බුල් හි සිස්ලි දිස්ත්‍රික්කයේ දී අත්අඩංගුවට ගනු ලැබීය. අන්කාරා අගනුවරදී හත් දෙනෙකු අත්අඩංගුවට ගෙන තිබේ. ඉස්තාන්බුල්හිදී අත්අඩංගුවට ගත් සියලු දෙනා නිදහස් කර ඇති බව වාර්තා වේ. විරෝධතා වැළැක්වීම සඳහා පොලිස් නිලධාරීන් 44,756 ක් යොදවා තිබුණි.
තුර්කි පාටිසාන් සහෝදරවරුන්ගේ මැයි දින සැමරුම්
තුර්කි පාටිසාන් සහෝදරවරුන්ගේ මැයි දින සැමරුම්
may day turkish comrades of Partizan in the FRG
Wuppertal:
Nürnberg:
Ulm:
Stuttgart:
liberationbase 