Blog Archives

චටිස්ගාර් මාඕවාදී ප‍්‍රහාරය: 70% ක් කාන්තාවන්

චටිස්ගාර් මාඕවාදී ප‍්‍රහාරය: 70% ක් කාන්තාවන්


අපේ‍්‍රල් 24 (2017 අපේ‍්‍රල් 24) චටිස්ගාර්හි දකුණු බස්තාර් දිස්ත‍්‍රික්කයේ කලපතාර් ප‍්‍රදේශයේදී මාඕවාදීන් සමග ඇති වූ වෙඩි හුවමාරුවෙන් පසු තුවාල ලැබූ සී.ආර්.පී.එෆ් සොල්දාදුවෙකු පැවසූවේ ප‍්‍රහාරයට පැමිණි මාඕවාදීන්ගෙන් 70% පමණ කාන්තාවන් බවයි.

සිය නම හෙළි කිරීමට අකමැති වූ සොල්දාදුවෙක් පැවසුවේ ඒ.කේ 47 වර්ගයේ අවි වලින් සන්නද්ධ වූ මාඕවාදී ගරිල්ලන්ගේ බහුතරය කාන්තාවන් බවයි.

තවත් සොල්දාදුවෙකු පැවසූවේ මරා දැමීමෙන් අනතුරුව ගරිල්ලා කාන්තාවෝ ආයුධ පැහැරගෙන පලා ගිය බවයි.

චටිස්ගාර්හි දකුණු බස්තාර් දිස්ත‍්‍රික්කයේ කලපතාර් ප‍්‍රදේශයේ මාඕවාදීන් සමග පසුගිය අපේ‍්‍රල් 24 (2017 අපේ‍්‍රල් 24) වෙනි දින සිදු වූ බිහිසුණු වෙඩි හුවමාරුව අතරතුරදී අවම වශයෙන් සී.ආර්.පී.එෆ් (මධ්‍යම සංචිත පොලිස් බලඇණියේ) ජවාන් සොල්දාදුවන් 26 දෙනෙකු මරණයට පත් විය.

එම සිදුවීම එදින පස්වරු 12.25 ට පමණ සිදුවූයේ, 74 වෙනි බැටෑලියනයට අයත් සී.ආර්.පී.එෆ් සොල්දාදුවන් විසින් මාර්ග ඉදිකිරීමේ කටයුතු වලට ආරක්ෂාව සපයමින් සිටි අතරතුරදීයි.

 

[]

ග‍්‍රාමීය චීනයේ පාවහන් රහිත වෛද්‍යවරු – 1975

ග‍්‍රාමීය චීනයේ පාවහන් රහිත වෛද්‍යවරු – 1975

[THE BAREFOOT DOCTORS OF RURAL CHINA]

[මේ වාර්තා දසුන යූටියුබ් වෙබ් අඩවියෙන් උපුටා ගන්නා ලද්දකි. එය චීනයේ පාවහන් රහිත වෛද්‍යවරු ව්‍යාපාරය ගැන තොරතුරු දැන ගැනීමට සකසන ලද කදිම වීඩියෝ පටයකි.]

පාවහන් රහිත වෛද්‍යවරු ව්‍යාපාරය ඇරඹුණේ චීනයේ ශ්‍රේෂ්ඨ නිර්ධන පංති සංස්කෘතික විප්ලවය සමයේදී සභාපති මාඕ සේතුං විසින් වෛද්‍ය සේවා සහ සෞඛ්‍ය පහසුකම් වඩාත් නගරබද පෙදෙස්වල කේන්ද්‍රගතව තිබීම දැඩි ලෙස විවේචනයට ලක් කිරීමට ප‍්‍රතිචාරයක් වශයෙනි. චීන කොමියුනිස්ට් පක්ෂය විසින් ආරම්භ කළ පාවහන් රහිත වෛද්‍යවරු ව්‍යාපාරය චීනයේ පමණක් නොව ලෝකයේ සහ මානව සංහතියේ ඓතිහාසික සටහනක් තැබීය. ඒ වන තෙක් ලෝකයේ කිසිදු රටක් එවැනි දැවැන්ත පරිමාණයේ සෞඛ්‍ය පහසුකම් ලබා දීමේ පුළුල් ව්‍යාපාරයක් ආරම්භ කොට නොතිබුණි. දිළිඳු රටක් ව තිබූ චීන මහජන සමූහාණ්ඩුව සතුව ඒවන විටත් ඉතාමත් අඩු වෛද්‍යවරු පිරිසක් පමණක් සිටි අතර එයිනුත් අති බහුතර නගරබල පෙදෙස්වල සේවය කරමින් සිටි අතර මිලියන ගණන් වූ චීන ජනගහනයේ මූලික සෞඛ්‍ය වෛද්‍ය සේවා සැපයීමටත් එය සමත් නොවීය.

පාවහන් රහිත වෛද්‍යවරු යනු සමාජවාදී නව ද්‍රව්‍යයකි. එනම් එය සමාජවාදී ක‍්‍රහයක් විසින් හඳුන්වාදෙනු ලැබූ ක‍්‍රමවේදයකි. එම වැඩපිළිවෙල යටතේ චීන ජනතාවට අවශ්‍ය, නිතර හමුවෙන සෞඛ්‍ය පහසුකම් ලබා දීමට ග‍්‍රාමීය ආයුර්වේද වෛද්‍යවරු සහ දක්ෂ ගොවියන් ඒ සඳහා විශේෂයෙන් සකසන ලද ඇකඩමි වල පුහුණු කරන ලදි. බොහෝවිට ඔවුන්ගේ පුහුණව මාස 6 ක් වසරක් වැනි කාලයක් විය. ඔවුන්ට නිතර මුණ ගැසෙන රෝගාබාධයන්ට ප‍්‍රතිකාර ලබා දීමට, ප‍්‍රතිශක්තිකරණ එන්නත් ලබා දීම, පවුල් සැලසුම් සහ උපත් පාලන උපදෙස් ලබා දීම මෙන්ම අඛණ්ඩව ජනතාව සෞඛ්‍ය සම්පන්න දිවියක් වෙත යොමු කිරීමට උපදෙස් ලබා දීමද සිදු විය. බොහො විට මෙම වෛද්‍යවරු වැඩ බිම්, ගොවිබිම් ආදී ජනතාව වැඩ කරන ස්ථාන වෙත ඇවිදිමින් ජනතාවට අවශ්‍ය වෛද්‍ය පහසුකම් ලබා දුන්හ. එමෙන්ම ඒ සෑම අවස්ථාවකදීම සනීපාරක්ෂාව සහ රෝගාබාධයන්ගෙන් වැළකීමට උපදෙස් ලබා දීමද සිදු කරන ලදි.

මෙම වැඩසටහන යටතේ චීනයේ කෝටි ගණන් ජනතාවට ප‍්‍රතිශක්තිකරණය ලබා දීමේ දැවැන්ත වැඩසටහනක් දියත් කරන ලදි. මෙය එතෙක් මානව ඉතිහාසයේ දියත්කළ දැවැන්තම සෞඛ්‍ය ව්‍යාපාරය විය. මාඕගේ පාලන වකවානුව තුළ චීන පුරවැසියන්ගේ ආයු අපේක්ෂාව විප්ලවයට පෙර තිබුණු අගය මෙන් දෙගුණයක් දක්වා වැඩි විය.

ලෝක සෞඛ්‍ය සංවිධානය මෙම ඓතිහාසික සෞඛ්‍ය ව්‍යාපාරයේ අත්දැකීම් ප‍්‍රයෝජනයට ගනිමින් තුන්වෙනි ලෝකයේ රටවල් වලට ප‍්‍රතිශක්තිකරණ ලබා දීමේ වැඩසටහන් දියත් කළහ. බීසීජී, පෝලියෝ වැනි එන්නත් ලබා දීමේ වැඩසටහන් ලෝකය පුරා දියත් කෙරුණේ ඉන් පසුවය.

 

2016 ඒකාබද්ධ මැයි දින ප‍්‍රකාශනය

2016 ඒකාබද්ධ මැයි දින ප‍්‍රකාශනය

සකල දේශවාසී නිර්ධනයිනි, සමගිවව්!

ශ්‍රේෂ්ඨ නිර්ධන පංති සංස්කෘතික විප්ලවයේ 50 වෙනි සංවත්සරය දිගුකල් දිනේවා!

ලෝක නිර්ධන පංති විප්ලවය දිගුකල් දිනේවා! මාඕවාදය දිගුකල් දිනේවා!

මෙම මැයි දිනයේදී, අපි ලෝකය පුරා සිටින නිර්ධනීන්ගෙන් සහ පීඩිත ජනතාවගෙන් චීනයේ ශ්‍රේෂ්ඨ නිර්ධන පංති සංස්කෘතික විප්ලවයේ 50 වෙනි සංවත්සරය සමරන ලෙස ඉල්ලා සිටිමු. ශ්‍රේෂ්ඨ නිර්ධන පංති සංස්කෘතික විප්ලවයේ දී දැවැන්ත උපායික පහන් වැටක් ලෙස, මාඕ සේතුං චින්තනය තීව‍්‍ර ලෙස ව්‍යාප්ත කළ අතර මාක්ස්-ලෙනින්වාදය මාඕවාදය ලෙස නව අවධියකට සංවර්ධනය කොට ඉදිරියට දැමූ සභාපති මාඕ ලෝක විප්ලවයේ පිළිගත් නායකයා විය.

‘‘සියළු අධිරාජ්‍යවාදීහු සහ ප‍්‍රතිගාමීහු කඩදාසි කොටියන් වෙති’’ යන්න සභාපති මාඕ විසින් ප‍්‍රකාශ කොට දශක පහකට පසුව පවා අධිරාජ්‍යවාදය දිග්ගැස්සීගිය ගැඹුරු අර්බුදයක වඩ වඩාත් ගිලෙමින් ලෝකය වඩා කුණාටු සහිත ස්ථානයක් බවට පත් කරමින් විප්ලවයට බෙහෙවින් වාසිදායක තත්ත්වයක් ඇති කොට ඇත.

අධිරාජ්‍යවාදයේ වත්මන් අවධියේදී, ප‍්‍රාග්ධනයේ දරුණු කේන්ද්‍රගතවීම සහ මධ්‍යගතවීම බෙහෙවින් තීව‍්‍ර අවධියක පවතී. අද, ලෝකයේ ජනගහනයෙන් 1% ක් සතුව ලෝකයේ ඉතිරි සමස්ත ජනගහනය සතුව තිබෙනවාට වඩා වැඩි ධනයක් හිමිව පවතී. පසුගිය වසර පහ තිස්සේ පෙර නොවූ විරූ ලෙස ප‍්‍රාග්ධනය එක් තැනකට ගොනු වීම කෙතරම් ද යත් ලෝකයේ පොහොසත්ම මිනිසුන් 62 දෙදෙනා සතු ධනය 45% ක් දක්වා ඉහළ ගොස් ඇති අතර ‘‘දිළිඳුම අර්ධය අතර’’ පැතිර තිබෙන ධනය 38% කින් පහත වැටී ඇත. එය පීඩිත රටවල නිරපේක්ෂ බහුතරය වන අතර එම ජනගහනයෙන් 33% ක්ම සිටින්නේ ඉන්දියාවෙහිය. මහ ධනපතියන් ලෝකයේ සුපිරි බලවතුන් බවට වඩාත් කේන්ද්‍රගත වේ. වසර පහකට පෙර, ලෝකයේ ධනයෙන් 41% පමණ ප‍්‍රමාණයකට හිමිකම් කියන්නන් බොහෝ දෙනෙක් එක්සත් ජනපදයේ ජීවත්වූ අය වූහ…. දැන් එය 46% කි. ප‍්‍රාග්ධනයේ මධ්‍යගතවීම වැඩි වීම නිසා එක්සත් ජනපදය පළමු වතාවට 1990 දී ලෝක මුදල් සංසරණයෙන් 50% ක ප‍්‍රමාණයක ඒකාධිකාරයක් අත් කර ගත්හ.

ඊට ප‍්‍රතිලෝමව ලෝකය පුරා අඩුම තරමින් මිලියන 800 ක ජනතාවක් අන්ත දිළිඳු යැයි හඳුන්වන තත්ත්වය යටතේ ජීවත් වෙති. මේ තත්ත්වය වඩාත්ම ප‍්‍රකාශ වන්නේ අර්ධ රදළ රටවල්වලයි. අතිශයින් දිළිඳු ලෙස දිවි ගෙවන ගෝලීය ජනගහනයෙන් 75% ක්ම දුප්පත් ගොවීන්ය. තවද මිලියන 750 ක් පමණ ජනතාවකට පිරිසිදු ජලය නොමැතිවා මෙන්ම 25% කට විදුලිය නොමැත. මිලියන සිය ගණනක් ජනතාව අධිරාජ්‍යවාදී යුද්ධ, බලහත්කාරී ඉවත්කිරීම්, වසංගත රෝග, සාගත, සහ මිලේච්ඡ විරැකියාව වැනි තත්ත්වයන්ගෙන් කෲර ලෙස බැට කනු ලබයි. ග‍්‍රීසිය වැනි රටවල්වල පවා තරුණයින්ගෙන් 50% ටත් වඩා වැඩි ප‍්‍රමාණයක් විරැකියාවෙන් පෙලෙයි.

අධිරාජ්‍යවාදය, ප‍්‍රධාන වශයෙන්ම යැංකි (ඇමරිකානු) අධිරාජ්‍යවාදය මැද පෙරදිග ප‍්‍රමුඛ ආධිපත්‍යයට නතු රටවල්වලට එරෙහිව සිය කොල්ලකාරී අධිරාජ්‍යවාදී යුද්ධ වර්ධනය කරමින් සිටී: ඇෆ්ගනිස්ථානය, ඉරාකය, ලිබියාව, සිරියාව, ඉරානය වැනි රටවල් වර්තමානයේ අධිරාජ්‍යවාදී බෙදීමට හසුවුණු ගොදුරු වේ. පරමාණුක සුපිරි බලවතුන් වීම නිසා රුසියාව සිය වපසරියේ බලපෑම කලමනාකරණය කිරීමට ප‍්‍රයත්න දරන විට යැංකි අධිරාජ්‍යවාදය සිය තත්ත්වය එකම අධිපති සුපිරි බලවතාගේ තත්ත්වයට තහවුරු කරගැනීමට දරන ප‍්‍රයත්නය වඩාත් උග‍්‍ර වේ. එමෙන්ම අධිරාජවාදී චීනය වඩාත් ශක්තිමත් බෙදා ගැනීමක් අත් කර ගැනීම සඳහා එකම සුපිරි බලවතා වන යැංකි අධිරාජ්‍යවාදය සමග ඇති ප‍්‍රතිවිරෝධය තීව‍්‍ර කරගනිමින් සිටී. තවමත් තහවුරු වී නොමැති අධිපතියෙක් වීම සඳහා යුරෝපයේ අධිරාජ්‍යවාදී රටවල් අතර (ප‍්‍රධාන වශයෙන් ජර්මනිය සහ ප‍්‍රංශය) අරගලයක් පවතින අතර ඔවුන්ගේ නියාමක බලය අනෙක් අධිරාජ්‍යවාදීන් දොම්නසට පත් කරයි.

සිරියානු ජාතිය සහ මුළු උපමහද්වීපය (මෑත දී ලව්රොව් සහ කෙරී අතර අත්සන් කරන ලද ගිවිසුම පරිදි) බෙදා වෙන්කොට පාලනය කිරීමට කුමන්ත‍්‍රණය කිරීම නිසා රුසියාව සමග ගැටුමකට එළැඹ ඇති එක්සත් ජනපදය විසින් මෙහෙයවනු ලබන අධිරාජ්‍යවාදී හවුල ‘‘ත‍්‍රස්තවාදයට’’ එරෙහි යුද්ධය යන නාමයෙන් සෑම වර්ගයකම ජන සංහාර සහ සමූලඝාතනවලට උල්පන්දම් දෙයි. මේ සඳහා ඔවුහු මිනිසුන් මිනිසුන්ටම එරෙහිව යොදවමින් අධිරාජ්‍ය-විරෝධී පෙරමුණ බෙදීමට ලක් කොට බොඳ කර දැමීමට පටන් ගෙන තිබේ.

පස් වසරකට වැඩි වූ අධිරාජ්‍යවාදී ආක‍්‍රමණයෙන් සිරියාව තුළ 470,000 මියගොස් මිලියනයකට ආසන්න ගණනක් තුවාල ලබා ඇත. එම පස් වසර තුළදී රටේ ආයු අපේක්ෂාව කෙතරම් පහළ වැටීද යත්, 2010 වන විට අවුරුදු 70 හි තිබූ එය 2015 වන විට අවුරුදු 55.4 දක්වා පහත වැටී ඇත. මේ සංඛ්‍යාවට 2015 දී සංක‍්‍රමණය වීමට උත්සාහ කොට මියගිය 5,350 ට නො අඩු මිනිසුන් ප‍්‍රමාණය ද ඇතුල්ය.

අපේ කාලයේ උග‍්‍ර වෙමින් තිබෙන ප‍්‍රධාන ප‍්‍රතිවිරෝධය වන පීඩිත ජාතීන් සහ අධිරාජ්‍යවාදය අතර තිබෙන ප‍්‍රතිවිරෝධය ලෝකය තුළ තිබෙන අනෙකුත් ප‍්‍රතිවිරෝධ වන අන්තර් අධිරාජ්‍යවාදී තරඟය සහ අධිරාජ්‍යවාදී රටවල්වල නිර්ධනීන් සහ ධනේශ්වර පංතිය අතර ඇති ප‍්‍රතිවිරෝධය ආදී ප‍්‍රතිවිරෝධයන් වඩාත් උත්සන්න කරයි.

රුසියාව සිරියාව තුළ යුද්ධයට සක‍්‍රීයව සම්බන්ධවීම වූ කලී සිරියාව සහ යුකේ‍්‍රනය තුළ දී සිය අභිලාශයන් ආරක්ෂා කරගැනීමේ අරගලයේ ම කොටසකි. කලාපයේ ආධිපත්‍යය වෙනුවෙන් අන්තර්-අධිරාජ්‍යවාදී ගැටුමේ භූමිකාවක් ලෙස, තුර්කියේ සහ සවුදි අරාබියේ ගැති රජයන් සෑම විධියකම කුපිත කිරීම් සිදු කරමින් යැංකි අධිරාජ්‍යවාදය දිරිමත් කරමින් කලාපය වඩ වඩාත් විනාශ කිරීමට සහ ඉරානය හුදෙකලා කොට වැඩිදුරටත් එය පරාජයට පත් කිරීමට කටයුතු කරයි – ෂියා නායකයින්ගේ හිස් ගසා දමා මෑතදී ප‍්‍රදර්ශනය කළේ එවැන්නකි. ජනතාවට කිසි ලෙසකින්වත් වාසිදායක තත්ත්වයක් අත් කර නොදෙන අන්තර්-අධිරාජ්‍යවාදී ගැටුම ඒ වෙනුවට අප සිරියාවේ, ඉරාකයේ, යෙමනයේ සහ ලිබියාවේ දුටු පරිදි යටත්විජත සහ අර්ධ-යටත්විජිත ආධිපත්‍යය උග‍්‍ර කරයි.

එබැවින්, කුර්දි ජනතාව තුර්කි රාජ්‍යයේ සහ මැද පෙරදිග රටවල ආධිපත්‍යයට එරෙහිව අරගල කිරීම වෙනුවට, අප නැවතත් තරයේ කියා සිටින්නේ ඔවුන්ගේ ජනතාවගේ විමුක්තිය සාක්ෂාත් කර ගැනීමට සහ සුළු ජාතීන් ගේ පරම අයිතිය වන ස්වයං තීරණ අයිතිය සහතික කර ගැනීමට මෙන්ම පූර්ණ වෙන්වීමට ඇති අයිතිය සහතික කර ගැනීමට හැකි වන්නේ මාක්ස්-ලෙනින්-මාඕවාදී පක්ෂ විසින් නායකත්වය දෙනු ලබන නව ප‍්‍රජාතන්ත‍්‍රවාදී විප්ලවයකින් පමණක් බවයි.

අර්බුද වලින් බියට පත්වන සංක‍්‍රමණිකයෝ විශාල ප‍්‍රමාණයක් සරණාගතයින් ලෙස යුරෝපීය අධිරාජ්‍යවාදී රටවලට පැමිණෙමින් සිටී. මේ යුරෝපීය රටවල් සහභාගි වන අධිරාජ්‍යවාදී යුද්ධවල ප‍්‍රතිඵලයක් ලෙස මේ අර්බුද හටගෙන ඇති අතර මැද පෙරදිග, ආසියානු සහ අප‍්‍රිකානු ප‍්‍රදේශ වල පීඩිත ජනතාව මෙයින් දුක්ඛිත තත්ත්වයකට සහ බලාපොරොත්තු විරහිත බවට පත්කොට ඇත. මේ නිසා ඔබට මහද්වීපය තුළින් දැවැන්ත විරැකියා ප‍්‍රමාණයක් විශේෂයෙන් තරුණයින් අතර සොයා ගත හැකිය.

මේ සංක‍්‍රමණික රැල්ල අධිරාජ්‍යවාදී කොල්ලයේම එක් අංගයකි. මක්නිසාදයත් අධිරාජ්‍යවාදී රටවල් තුළම ‘‘ජනගහන හිඟය’’ ට මුහුණ දීම නිසා සිය ආර්ථික වර්ධනය පවත්වා ගැනීමට අධිරාජ්‍යවාදයට සෑම වසරකදීම ලක්ෂ ගණනක් සංක‍්‍රමණික කම්කරුවන් අවශ්‍ය කරයි. 2060 වන තෙක් ජර්මනියේ ආර්ථිකයට වාර්ෂිකව සංක‍්‍රමණිකයින් 500,000 ක ප‍්‍රමාණයක් අවශ්‍ය කරයි. නමුත් මේ අධිරාජ්‍යවාදීන්ම ‘‘සංක‍්‍රමණික තර්ජනය’’ ගැන ප‍්‍රචාර පතුරුවන්නේ ජනතාව අතර අධිරාජ්‍යවාදී සීමාන්තික දේශානුරාගය පතළ කරමින්, ෆැසිස්ට්වාදයට අනුබල දෙමින් සංක‍්‍රමණික නිර්ධනයින් විශාල පරිමාණයේ නිර්ධන පන්තියෙන් වෙන්කොට තබා සිය අධිරාජ්‍යවාදී ආක‍්‍රමණවලට සහ ජනතාවට එරෙහි යුද්ධවලට හිතකර පොදු ජන මතයක් නිර්මාණය කර ගැනීම සඳහායි.

නිර්ධන පංතිය සහ ධනේශ්වර පංතිය අතර ඇති ප‍්‍රතිවිරෝධය, ජනතාව සහ අධිරාජ්‍යවාදී රජයන් සහ රාජ්‍යයන් අතර ඇති ප‍්‍රතිවිරෝධ ලෙස උත්සන්න වෙයි. ඊට අමතරව අධිරාජ්‍යවාදී යුද්ධ ‘‘නිවෙසටම ආපසු පැමිණ තිබේ.’’ පැරිස් සහ බ‍්‍රසල්ස් ප‍්‍රහාර සමගින්, ප‍්‍රංශයෙන් පටන් ගනිමින්, යුරෝපීය අධිරාජ්‍යවාදී ධනවාදය, සිරියාවේ කොල්ලකාරී යුද්ධය, ලිබියාව, මාලි යන රටවල්වල අධිරාජ්‍යවාදී මැදිහත්වීම් වලදී දැක්වූ සක‍්‍රීය සහයෝගය වෙනුවෙන් ඔවුන්ට වන්දි ගෙවන්නට සැලැස්වූහ.

ඔවුහු විදෙස් රටවල ආධිපත්‍යය සඳහා අධිරාජ්‍යවාදී යුද්ධ පුළුල් කරන විට, අභ්‍යන්තරිකව ඔවුහු සිය රටවල්වලම දිළිඳු ජනතාවට එරෙහිව යුද්ධයක නියැලී සිටී. අධිරාජ්‍යවාදය සෑම වර්ගයකම ප‍්‍රශ්න විසඳීම පිණිස යුද්ධ භාවිතා කරයි. ‘‘ත‍්‍රස්තවාදයට එරෙහි යුද්ධය’’ යන නාමයෙන් ඔවුහු රාජ්‍ය හදිසි නීතිය පනවමින්, සමස්ත සමාජයම මර්ධනයට සහ මිලිටරිකරණයට ලක් කරමින්, වර්ගවාදී  සහ සංක‍්‍රමණික අසල්වැසියන්ට එරෙහි විදේශික භීතිකාව පතුරන ප‍්‍රතිගාමී ව්‍යාපාර ඉස්මතු කරයි.

‘‘නව කම්කරු නීති සකස් කිරීමේ’’ ප‍්‍රතිපත්ති සමග ඔවුහු මර්ධනය දිගටම පවත්වාගෙන යමින් දිගු කාලීනව නිර්ධනීන්ගේ අයිතීන් මැඩ පවත්වන අතර වැටුප් ශ‍්‍රමය සූරා කෑම වැඩි වී ඇත. මිලියන ගණන් වැඩ කරන ජනතාව, විශේෂයෙන්ම තරුණයෝ, ප‍්‍රංශයේ සහ යුරෝපයේ අනිකුත් රටවල් වල බලසම්පන්න විරෝධතාවයන් සඳහා වීදි බැස ඇත.

කොමියුනිස්ට්වරුන් විසින් නායකත්වය දෙනු ලබන නිර්ධනීහු සහ ජනතාව, නිර්ධන පංති සහ ජනතා විරෝධතාවයන් අභ්‍යන්තර යුද්ධවලට එරෙහිව සහ අධිරාජ්‍යවාදී යුද්ධ විප්ලවීය යුද්ධ බවට හැරවීම පිණිස සූදානම් කිරීම ස්ථිර ලෙස ම පවරා ගත යුතුය.

අධිරාජ්‍යවාදී මෘගයාගේ උදරය තුළ සිට බොහෝ දේවල් සිදු කිරීමට, කොමියුනිස්ට්වරු නව මාඕවාදී පක්ෂ ඉදි කරමින්, ජනතාව සහ නිර්ධනීන් සමග ගැඹුරු බැඳීමක් ඇති කර ගැනීමට උත්සාහ දරමින්, විප්ලවීය ව්‍යාපාරය තුළ මතවාදී ආධිපත්‍යයක් දිනා ගනිමින්, නිර්ධන පංති නොවන සියළු මතවාදී පෙරමුණු, පුහුණු කරමින්, දේශපාලනික කරමින්, වඩාත්ම සූරාකෑමට ලක්වන වැඩ කරන පංතියේ ඒකක සහ දිළිඳුම ජනතාව සංවිධානය කරමින්, මහජන යුද්ධය ආරම්භ කිරීමේ සහ සංවර්ධනය කිරීමේ ක‍්‍රියාවලිය සූදානම් කිරීමට සහ ක‍්‍රියාත්මක කිරීමට කටයුතු කළ යුතුයි.

අධිරාජ්‍යවාදය විසින් පීඩාවට පත් කරන රටවල් ලෝක විප්ලවයේ කුණාටු මධ්‍යස්ථාන සහ මූල කඳවුරු බවට පත් වෙයි. ඉන්දියාව, පිලිපීනය, තුර්කිය සහ පේරු යන රටවල්වල ජනතාව සහ නව ප‍්‍රජාතන්ත‍්‍රවාදී විප්ලවයේ ප‍්‍රධාන බලවේගය වන ගොවීහු, සිය ඉඩම් ආරක්ෂා කරගැනීමට සහ අධිරාජ්‍යවාදය විසින් නිර්මාණය කරනු ලදුව නිළධාරිවාදී ධනවාදය විසින් ක‍්‍රියාවට නංවන ගම්බද ජනගහනය විතැන් කිරීමේ සැලසුම් පරාජය කිරීමට කෘෂිකාර්මික විප්ලව හරහා නැගී සිටිති.

ඉන්දියානු කොමියුනිස්ට් පක්ෂය (මාඕවාදී) විසින් සංවර්ධනය කරනු ලබන මහජන යුද්ධය අධිරාජ්‍යවාදයේ සහ සෑම ප‍්‍රතිගාමීත්වයකම පරාජය ඉස්මතු කරමින්, සතුරාගේ වටලෑම් සහ සමූලඝාතක යුධ ව්‍යාපාර අභිමුව පවා නොසැලී සිටියි. එය සමස්ත ලෝක ජනතාවට ගත යුතු මග පිළිබඳව ශ්‍රේෂ්ඨ නිදර්ශනයක් සපයයි. ඉන්දියානු කම්කරුවන් මිලියන සිය ගණන් ගොවි ජනතාව හා සම්බන්ධ වෙමින් ඉන්දියානු කොමියුනිස්ට් පක්ෂය (මාඕවාදී) හි මග පෙන්වීම යටතේ මහජන යුද්ධය ඔසවා තබයි. එය ලෝක නිර්ධන පංතියට විශාල ශක්තියකි.

ප‍්‍රතිගාමී මෝඩි කල්ලිය විසින් නායකත්වය උසුලන පැරණි ඉන්දීය රාජ්‍යය, ජනතාවට එරෙහි යුද්ධයේ එක් පැතිකඩක් ලෙස ආදිවාසි ගොවි ජනතාව සමූලඝාතනය කිරීම ඉහළ දමමින්, ගම්මාන සහ නගරවල දැවැන්ත අත්අඩංගුවට ගැනීම් වැඩි කරමින්, විප්ලවීය නායකයින් සහ ප‍්‍රජාතන්ත‍්‍රවාදී පුද්ගලයින් හිංසනයට පත් කරමින් විප්ලවය වළකාලන්නට බලාපොරොත්තු සුන්වූ ප‍්‍රයත්නයක් දරයි. මෙලෙස ඉන්දීය ප‍්‍රතිගාමීහු ඉන්දීය රාජ්‍යයේ සහ රජයේ සැබෑ ස්වරූපය සහ සිය පච ප‍්‍රජාතන්ත‍්‍රවාදය හෙලිදරවු කරයි.

මහජන යුද්ධය සංවර්ධනය කරමින් නව ප‍්‍රජාතන්ත‍්‍රවාදී විප්ලවයේ ජාතික විමුක්ති අරගල වලට සම්බන්ධ වෙමින් ඉන්දියානු කොමියුනිස්ට් පක්ෂය (මාඕවාදී) ජනතාව බෙදීමට ලක් කිරීම වළක්වයි. නව සංශෝධනවාදය පරාජයට පත් කොට ඇත; ජාත්‍යන්තර කොමියුනිස්ට් ව්‍යාපාරය සඳහා ආදර්ශයක් ඇත.

ලෝකයේ විප්ලවීය තත්ත්වය සංවර්ධනයේ අසමානතාවය, බ‍්‍රසීලය, ආජන්ටිනාව, ඉක්වදෝරය, වෙනිසියුලාව යනාදී සංශෝධනවාදී රජයන්වල බංකොලොත්භාවය යනාදිය මැතිවරණ සංශෝධනවාදයේ අර්බුද ප‍්‍රකාශ කරන අතර විප්ලවීය නිර්ධන පංති ව්‍යාපාරය සඳහා දැවැන්ත ශක්‍යතාවයක් විවර කොට ඇත.

බ‍්‍රසීලයේ නිළධාරිවාදී ධනවාදයේ ගැඹුරු දේශපාලන සහ ආර්ථික අර්බුද ඔවුන්ගේ නිළ ප‍්‍රචාරක මතය වන බ‍්‍රසීලය ‘‘නැගෙමින් සිටින බලවතෙක්’’ (‘‘බ‍්‍රසීලය’’ ලෝකයට නව යථාදර්ශනයක් යනාදී පාඨ.) යන්න පොඩි පට්ටම් කොට දමා ඇත. ආර්ථික අර්බුද මධ්‍යයේ සාම්ප‍්‍රදායික සහ නව දේශපාලනික පක්ෂ, විවිධ පංති කල්ලි නියෝජනය කරමින්, ඇද වැටුණු සහ නිමාවක් නැති අරගල කරමින් නිළධාරිවාදී රාජ්‍ය යන්ත‍්‍රයේ මුදුනට නැග ගැනීමට ප‍්‍රයත්න දරයි. බංකොලොත් අවස්ථාවාදීන් විසින් කොමියුනිස්ට්-විරෝධී නව රැල්ලක් අවුස්සවා තිබුණද, ගොවි කැරලි, නගරවල නැගීසිටීම් සමග එක්සත් වෙමින්, සමස්ත පැරණි ධූරාවලියම තැති ගන්වන්නට ප‍්‍රතිඥ දෙමින් පංති අරගලය නව තලයකට ඔසවා තබා ඇත.

ලෙනින් සහ මාඕ විශ්ලේෂණය කිරීමේ වටිනාකම නොසලකා ජාත්‍යන්තර කොමියුනිස්ට් ව්‍යාපාරය විශාල ප‍්‍රවාහයන් දෙකකට බෙදා වෙන් කරන  පේරුව තුළ පේරු කොමියුනිස්ට් පක්ෂයේ මොවාඩෙෆ්/මාක්ස්-ලෙනින්-මාඕවාදී පේරු කොමියුනිස්ට් පක්ෂයේ නව සංශෝධනවාදය සහ ප‍්‍රචණ්ඩා සහ ඒවේකියන් ගේ නව සංශෝධනවාදය හෙලිදරව් කළ යුතුය: පීඩිත ජනතාවගේ ජාතික විමුක්ති අරගලය සහ නිර්ධන පංති විප්ලවය අතර එක්සත්කම කොමියුනිස්ට් පක්ෂ මගින් සහතික කොට ඇත.

වෙන කවරදාටත් වඩා ජාත්‍යන්තර කොමියුනිස්ට් ව්‍යාපාරයේ දැනට ඇති විසිරීමේ තත්ත්වයේ සිට, මාක්ස්වාදී-ලෙනින්වාදී-මාඕවාදී පක්ෂ සහ සංවිධානවල එක්සත් ජාත්‍යන්තර සම්මේලනයක් සඳහා අරගල කිරීම මාක්ස්-ලෙනින්-මාඕවාදී ව්‍යාපාරයේ හදිසි කාර්යභාරයක් වී ඇත. මේ කාර්ය පසුපස හඹා යෑමෙන්, මතවාදී අරගලය හරහා, ලෝකය පුරා මාඕවාදී බලවේගයන්හි නව අවධියක සම්බන්ධීකරණයක් අත් කර ගත හැකිය. මෙය විප්ලවීය නිර්ධන පංතියේ ආධිපත්‍යය යටතේ නව මහජන යුද්ධ ඇවිලවීමට සහ අධිරාජ්‍ය-විරෝධී ව්‍යාපාරය උසස් කිරීමට හේතු වනු ඇත.

ශ්‍රේෂ්ඨ නිර්ධන පංති සංස්කෘතික විප්ලවයේ 50 වැනි සංවත්සරය සමරමු!

සභාපති මාඕ සේතුං විසින් නායකත්වය දී සංවර්ධනය කරනු ලැබූ, ශ්‍රේෂ්ඨ නිර්ධන පංති සංස්කෘතික විප්ලවය, ලෝක නිර්ධන පංති විප්ලවයේ වඩාත්ම දියුණුතම අවදිය සහ උසස්තම අදියරයි. එය නිර්ධන පංතියේ ආඥදායකත්වය පවතින තත්ත්වයක් යටතේ පංති අරගලයට නායකත්වය දෙන්නේ කෙසේද, (1956) සෝවියට් සංගමයේ ධනවාදී ප‍්‍රතිස්ථාපනය සාර්ථකව සිදු වූ පසුව සහ චීනය නැවත ධනවාදය කරා ගමන් කිරීම 10 වසරකට වළක්වාලමින් සමාජවාදය යටතේ විප්ලවය පවත්වාගෙන යමින් සමාජය කොමියුනිස්ට්වාදය දෙසට ගෙන යන්නේ කෙසේද යන ප‍්‍රශ්න ඉදිරියට දමා ඒවා විසඳා ලූහ.

ශ්‍රේෂ්ඨ නිර්ධන පංති සංස්කෘතික විප්ලවය, මිලියන සිය ගණනක ජනතාවක් නිර්ධන පංති ආඥදායකත්වය ආරක්ෂා කිරීම සඳහා ඒකාග‍්‍ර කරමින්, අද මාඕවාදය බවට පත්ව තිබෙන මාඕ සේතුං චින්තනයෙන් ජාත්‍යන්තර නිර්ධන පංතිය සන්නද්ධ කරමින්, ධනේශ්වර මතවාදය, දේශපාලනය සහ සංස්කෘතිය දැවැන්ත සිඳ බිඳ දැමීමකට ලක් කරමින් ඊට දැවැන්ත ප‍්‍රහාරයක් එල්ල කළහ.

සභාපති මාඕ සේතුං ධනේශ්වර මාවත ගත් බලය දරන්නන්ට එරෙහිව අරගලය ස්ථාපිත කිරීම ආරම්භ කළ අතර එය ශ්‍රේෂ්ඨ නිර්ධන පංති සංස්කෘතික විප්ලවයේ හදිසි කර්තව්‍යයි. කෙසේ හෝ මූලික දේ වූයේ ලෝක දෘෂ්ඨිමාර්ගයේ ගැටලූව විසඳීමයි; ගැටලූව නම් සංශෝධනවාදය මුලිනිපුටා දැමීමයි. එමනිසා අප විසින් ප‍්‍රභාමත් ශ්‍රේෂ්ඨ නිර්ධන පංති සංස්කෘතික විප්ලවය සහ මතවාදී වෙනසක් සඳහා ඇතිරූ එහි ඉගැන්වීම් ග‍්‍රහණය කරගත යුතුය. මේ හැඟීමෙන් යුතුව, නව රාජ්‍යය ආරක්ෂා කිරීමට හැකියාව ඇති, අතිවිශාල ජනතාවකගේ සහයෝගය ලත් මහජන හමුදාවක සහයෝගය ඇතිව (නිර්ධන) පංතියට බලය අල්ලා ගැනීම සඳහා ඇති ප‍්‍රමුඛ මාවත මාඕවාදය යැයි සම්පූර්ණයෙන්ම පිළිගත යුතුය.

ශ්‍රේෂ්ඨ නිර්ධන පංති සංස්කෘතික විප්ලවයට මුල පුරා වසර පනහක් ගත වුවද එහි බලසම්පන්න පෙරදිග සුළඟ අධිරාජ්‍යවාදය පෘථිවියෙන් අතුගා දමමින් හමා යයි. ඉන්දියාව, පේරු, පිලිපීනය සහ තුර්කිය යන රටවල්වල ශ්‍රේෂ්ඨ මහජන යුද්ධ සම්පූර්ණ පතන් ගින්නක් ඇවිළවීමේ තර්ජනය මතු කොට තිබේ. දහස් ගනන් දුෂ්කරතාවයන් තිබියදී පවා මේ මහජන යුද්ධ මගින් අධිරාජ්‍යවාදී දාමරිකයින් වූ කලී සැබෑ ත‍්‍රස්තවාදීන් බවත්, නව ලොවක් ගොඩ නැගීමේ සැබෑ වීරයින් වන්නේ පොදු මහ ජනතාව බවත්, අධිරාජ්‍යවාදය සහ සියළු ප‍්‍රතිගාමීන්  කඩදාසි කොටියන් බවත් සහ  සර්වබලධාරී වන්නේ ජනතාව බවත් තහවුරු කොට ඇත.

මේ මැයි දිනයේ, වෙන කවරදාකටවත් වඩා කුණාටු සහ අභියෝගවලින් ගහණ ලෝකයක් මධ්‍යයේ, ශ්‍රේෂ්ඨ නිර්ධන පංති සංස්කෘතික විප්ලවය සමරන්නේ අඛණ්ඩව රළ ප‍්‍රවාහයට එරෙහිව පිහිනමින්, ගැඹුරු මතවාදී සහ දේශපාලනික අරගලයේ කුණාටු සහ උදම් පහරට අභියෝග කරමින්, ජාත්‍යන්තර නිර්ධන පංතියට බලය අත්පත් කරගැනීමේ අරගලයේදී මාඕවාදය නගා සිටුවන්නටයි. ලෝකය වටේ සිටින කොමියුනිස්ට්වරු අධිරාජ්‍යවාදයට එරෙහි යුද්ධවලදී ක‍්‍රියාකාරී විය යුතුවා මෙන්ම පෘථීවි පෘෂ්ඨය මතින් අධිරාජ්‍යවාදය සදහටම අතුගා දැමීමට සහ ලෝක නිර්ධන පංති විප්ලවයක නව දැවැන්ත රැල්ලක් සඳහා මාඕවාදය අණ දෙන ස්ථානයක මෙන්ම මග පෙන්වීමේ ස්ථානයක තැබීම ද සිදු කළ යුතුය.

අධිරාජ්‍යවාදය පෘථීවි පෘෂ්ඨය මතින් සදහටම අතුගා දැමීමට සහ ලෝක නිර්ධන පංති විප්ලවය සිදු කිරීමට මාර්ගෝපදේශකත්වය ලබාදීමට සහ අණදෙන ස්ථානයට මාඕවාදය යෙදීමේ අරගලය ආරම්භ කිරීම අපි සමරන්නෙමු. ඒ සඳහා අවශ්‍ය කරන අභියෝගය වන්නේ තවමත් සිදු කිරීමට තිබෙන සහ සිදු කිරීමට ප‍්‍රමාදව තිබෙන කාර්ය වන ලෝකය පුරා මාක්ස්වාදී-ලෙනින්වාදී-මාඕවාදී කොමියුනිස්ට් පක්ෂ ඉදිකිරීමේ සහ නැවත ඉදිකිරීමේ කාර්ය ඉෂ්ට කිරීමෙන් මෙන්ම සෑම රටකම හැකිතාක් මහජන යුද්ධ පූරණය කිරීමෙනි.

අධිරාජ්‍යවාදී යුද්ධ භංග වේවා, මහජන යුද්ධය දිගු කල් දිනේවා!

නව මාඕවාදී ජාත්‍යන්තර මූලස්ථානයක් සහ නව ජාත්‍යන්තර එක්සත් මාඕවාදී සම්මේලනයක් උදෙසා!

අධිරාජ්‍යවාදය සහ සියළු ප‍්‍රතිගාමීන් කඩදාසි කොටියන් වෙති!

2016 මැයි 01

ඒකාබද්ධ මැයි දින ප‍්‍රකාශනයට අත්සන් කළ පක්ෂ සහ සංවිධාන…

ඇෆ්ගනිස්ථාන් කොමියුනිස්ට් (මාඕවාදී) පක්‍ෂය
ඉක්වදෝර් කොමියුනිස්ට් පක්‍ෂය රතු හිරු – CPE (RS *
ඉන්දියානු කොමියුනිස්ට් පක්‍ෂය (මාඕවාදී)*
ඉරාන මාඕවාදී සමූහය*
කම්කරු හඬ කම්කරු හඬ – මලයාසියාව
කොමියුනිස්ට් බ්ලොග් ජාලය
කොලොම්බියානු කොමියුනිස්ට් පක්ෂය නැවත ඉදිකිරීමේ මාඕවාදී සංවිධානය
චිලී කොමියුනිස්ට් පක්ෂය රතු ඛණ්ඩය
ජනතාවට සේවය කරනු – නෝර්වේ කොමියුනිස්ට් ලීගය
ජනතාවට සේවය කරනු – ෂෙයිසායු සොරෙල්හ් – ඔක්සිටානි – ප‍්‍රංශ රාජ්‍යය
තුර්කි කොමියුනිස්ට් පක්‍ෂය /මාක්ස් – ලෙනින්වාදී – TKP/M-L *
නේපාල කොමියුනිස්ට් න්‍යෂ්ටිය
පංති ස්ථාවරය, ජර්මනිය
පේරු ජනතා ව්‍යාපාරය (ප‍්‍රතිසංවිධාන කමිටුව)
ප‍්‍රජාතන්ත‍්‍රවාදය සහ පංති අරගලය, බි‍්‍රතාන්‍ය රාජ්‍යය
බොලීවියානු විප්ලවීය ජනතා පෙරමුණ මාක්ස්-ලෙනින්-මාඕවාදී
බ‍්‍රසීල කොමියුනිස්ට් පක්‍ෂය රතු ඛණ්ඩය – CPB (RF)
මාඕවාදී කණ්ඩායම ෂෝරේෂ් – ඉරානය (MSG)
මාඕවාදී කොමියුනිස්ට් කණ්ඩායම – එක්සත් ජනපදය
(මාඕවාදී) කොමියුනිස්ට් පක්‍ෂය ආරම්භ කිරීමේ කමිටුව, ඔස්ටි‍්‍රයාව
මාඕවාදී කොමියුනිස්ට් පක්‍ෂය ඉතාලිය
මාඕවාදී කොමියුනිස්ට් පක්‍ෂය ඉදිකිරීමේ කමිටුව, ගලීෂියාව, ස්පාඤ්ඤ රාජ්‍යය
මාඕවාදී කොමියුනිස්ට් පක්‍ෂය – ප‍්‍රංශය
මාඕවාදී කොමියුනිස්ට් පක්‍ෂය මනිපූර්
මාඕවාදී කොමියුනිස්ට් ව්‍යාපාරය ටියුනීසියාව
මාඕවාදී විප්ලවීය ලීගය – ශ්‍රී ලංකාව
මාක්ස්-ලෙනින්-මාඕවාදී පක්ෂය ඉදිකිරීමේ කමිටුව (ජර්මනිය) – MLM-PAK
විප්ලවීය කොමියුනිස්ට් පක්‍ෂය ( PCR-RCP කැනඩාව)
සර්බියානු කොමියුනිස්ට් ව්‍යාපාරය

* සන්නිවේදනයේ ඇති දුෂ්කරතාවයන් නිසා, නිළ අත්සන් කිරීම තවමත් අපෙක්ෂා කරයි.

ඉන්දියාව: හරිත දඩයම් මෙහෙයුම නවතනු – සායිබබා සහ මරුටි සුසුකි කම්කරුවන් සිරගත කිරීම නවතනු – ජන සංහාර නවතනු – මහජන යුද්ධයට සහය දෙමු!

ඉන්දියාව: හරිත දඩයම් මෙහෙයුම නවතනු – සායිබබා සහ මරුටි සුසුකි කම්කරුවන් සිරගත කිරීම නවතනු – ජන සංහාර නවතනු – මහජන යුද්ධයට සහය දෙමු!

http://maoistroad.blogspot.com/2017/04/india-stop-green-hunt-stop-prisons-life.html

 

ඔඩිෂා දුම්රිය ස්ථානය නක්සල්වරු විසින් පුපුරවා දමයි, දුම්රිය සේවා 13ක් අහෝසි කරයි

ඔඩිෂා දුම්රිය ස්ථානය නක්සල්වරු විසින් පුපුරවා දමයි, දුම්රිය සේවා 13ක් අහෝසි කරයි

නව දිල්ලිය: නක්සල්වාදී යැයි කියනු ලබන 20 ක පමණ කණ්ඩායමක් ඔඩිෂා දුම්රිය ස්ථානයට පුපුරණ ද්‍රව්‍ය යොදා පහර දී ඇත්තේ අගමැති නරේන්ද්‍ර මෝඩි එම පෙදෙසේ සංචාරය කිරීමට විරෝධය පෑමක් ලෙසයි.

ප‍්‍රහාරය සිදුවී තිබුණේ සෙනසුරාදා උදෑසන 12.15 ට (2017 මාර්තු 31) පමණ රයාගදා සහ තිතිලගාර් හි නැගෙනහිර වෙරළබඩ දුම්රිය මාර්ගය අතර මැද වූ දොයිකලූ ස්ථානයේයි. එය අගනුවර වූ භූභනේෂ්වාර් හි සිට කි.මී. 450 දුරින් පිහිටා තිබුණි. ඔවුහු එහි තිබුණි වෝකි ටෝකි උපකරණද රැගෙන ගොස් ඇත.

ඊළඟ මාසය තුළ භූබනේෂ්වර් හි භාරතීය ජනතා පක්ෂයේ දින දෙකක ජාතික විධායක රැස්වීමක් පවත්වන්නට මෝඩි සැලසුම් කොට තිබුණි.

නක්සල්වරු කුඩා ටින් බෝම්බයක් ස්ථානාධිපති කාර්යාලයේ සහ අංගනයේ නවත්වා තිබූ දුම්රිය ඇන්ජිමක සවි කොට පුපුරුවා හැර තිබේ. දුම්රිය එන්ජිමට යම්තම් හානි සිදුවී ඇති අතර ස්ථානාධිපති කාර්යාලයේ ඉලෙක්ට්‍රොනික උපංගවලට හානි සිදු වී තිබුණි. ප‍්‍රහාරයෙන් කිසිවකුටත් තුවාල සිදුවී නොමැති බව අම්බඩෝලා පොලීසිය පැවසීය.

‘‘දුම්රිය ස්ථානයේ කාර්යමණ්ඩලය හානියක් වී නොමැත. පාලන මධ්‍යස්ථානයට ඔවුන්ට කථා කරන්නට හැකි වී තිබුණි. ආරක්ෂක අංශ දුම්රිය ස්ථානය වෙත ළඟා වී තිබුණි,’’ පොලීසිය පැවසීය.

දුම්රිය ස්ථානාධිපති වාර්තා කරන අන්දමට උදෑසන 1.30 ට පමණ ප‍්‍රහාරය සිදු වී තිබුණි. සන්නද්ධ පුද්ගලයින් 25-30 අතර ප‍්‍රමාණයක් දුම්රිය ස්ථානයට ඇතුල්වී, කාර්යමණ්ඩලය ඉවතට ගෙන පුපුරණ ද්‍රව්‍ය යොදා දුම්රිය ස්ථානය පුපුරවා තිබුණි.


ප‍්‍රහාරයෙන් පසු දුම්රිය සේවා 13ක් අහිටුවා ඇත.

ඉන්දියාව: සායිබබා – වසන්තා විසින් දිල්ලි නුවර දී නිකුත් කළ මාධ්‍ය ප‍්‍රකාශනය

ඉන්දියාව: සායිබබා – වසන්තා විසින් දිල්ලි නුවර දී නිකුත් කළ මාධ්‍ය ප‍්‍රකාශනය

[http://maoistroad.blogspot.com/2017/03/india-saibaba-press-statement-issued-by.html]

අපේ නීතිඥයින් ඉක්මනින්ම ඉහළ උසාවිය කරා යොමුවනු ඇත. මේ තීන්දුව කම්පනයක් ඇති කරයි. සියළුම පුද්ගලයින්ගේ චෝදනා පත‍්‍ර මගින් සහ සෑම කොටසකින්ම ජීවිතාන්තය දක්වා සිර දඬුවවමකට වැරදිකරු කළ මහාරාෂ්ට‍්‍රා ඉතිහාසයේ පළමු නඩු තීන්දුව මෙයයි. සායිබබාගේ සහෝදරයා ගරු අධිකරණය ඉදිරියේ අපේ නීතිඥයින්ගේ තර්ක කිරීම් බොහොමයකට පැමිණියද විනිශ්චය විසින් ඒවා කෙරෙහි කිසිදු සැලකිල්ලක් නොදක්වා තිබුණු බව සොයා ගැණුණි. පැමිණිල්ල මගින් කිසිදු සාක්ෂියක් සනාථ කොට නැත. ඉලෙක්ට්‍රොනික සාක්ෂි මුද්‍රා තබා නැත. එය මගින් පෙන්වන්නේ ප‍්‍රාන්ත සහ මධ්‍යම රජය සංස්ථා සහ ආකර කොම්පැනි වල නියමයන්ට යටත් වෙමින් ජනතා විරෝධී සහ ප‍්‍රජාතන්ත‍්‍ර විරෝධී ප‍්‍රතිපත්ති ක‍්‍රියාවට නැංවීමට අධිකරණයට දැවැන්ත පීඩනයක් එල්ල කරන බවයි. රජය මේ රටේ සම්පත් කොල්ලකෑමට වාරණාත්මක ලෙස ජනතාවගේ හඬ මැඩ පවත්වයි. සායිබබා වැනි මිනිසුන් පසේකට තල්ලූ කොට බීජේපී රජයට ආර්එස්එස් න්‍යාය පත‍්‍රය නිරුවත් ලෙස ඉදිරියට තල්ලූ කරන්නට අවශ්‍ය කරයි.

රජය අධිකකරණය හරහා මෙම නඩුව තෝරා ගත්තේ ආචාර්ය සායිබබාගේ හඬ නිහඬ කිරීමටයි. උසාවියට ගරු කරමින් සායිබබා මේ සෑම වර්ෂයකම සහ අද පවා සිය පිරිහුණු සෞඛ්‍ය තත්ත්වය නොතකා උසාවියට පැමිණියහ. බිරිඳක් ලෙස මම යුක්තිය අපේක්ෂාවෙන් ඉහළ උසාවියේදී සටන් තුළ සටන් කරන්නෙමි. රජය දිල්ලිවල මගේ නිවස වට කිරීමෙන් පසුගිය සිව් වසර පුරාම නිර්දය පීඩනයක් පවුල වෙත එල්ල කළහ. මම ප‍්‍රජාතන්ත‍්‍රවාදීන්ගෙන්, ජනතා සංවිධානවලින්, බුද්ධිමතුන්ගෙන්, ශිෂ්‍යයින්ගෙන් රජයේ මේ විදියේ ප‍්‍රජාතන්ත‍්‍රවිරෝධී භූමිකාව හෙලා දකින ලෙස ඉල්ලා සිටිමි. තීන්දුව ප‍්‍රකාශ කිරීමෙන් පසුව, අධිකරණය අපේ නීතිඥයින්ගේ අභියාචනය මත කිසිදු නියෝගයක් නිකුත් කිරීම ප‍්‍රතික්ෂේප කළහ. නීතිඥයින් විසින් අවශ්‍ය ඖෂධ ලබා දීමට, සායිබබා ව්‍යාපාරයට අවශ්‍ය සහයෝගය ලබා දීමට, පිත්තාශය හා සම්බන්ධ සැත්කම සිදු කිරීම යනාදී දේවල් සඳහා බන්ධනාගාර අධිකාරියට නියෝග කරන ලෙස අධිකරණය මගින් ඉල්ලනු ලැබිණි. සායිබබා පරීක්ෂණ යටතේ සිරගතකොට තිබෙන අතරවාරයේදී පවා ඔහුට ලැබිය යුතු අවම අවශ්‍යතා ලබා දීමටවත් උසාවිය මගින් කටයුතු නොකරන ලදි.

-වසන්තා

නෝර්වේ – ජනතාවට සේවය කරනු

නෝර්වේ – ජනතාවට සේවය කරනු

‘‘ජනතාවට සේවය කරනු’’ සංවිධානයේ ක‍්‍රියාකාරිකයන් විසින් Værnes හි ට්‍රොන්ඩෙයිම් වල සිටින එක්සත් ජනපද නාවික සේනාංක වලට එරෙහිව ජනතා බුලටීන සහ අත් පත‍්‍රිකා බෙදා හැරීම සිදු කලහ.

3227-770

 

3226-770

නේපාලයේ විප්ලවීය සිහිනය – රූපමය දිගහැරුම

නේපාලයේ විප්ලවීය සිහිනය – රූපමය දිගහැරුම

[https://revolutionaryfrontlines.wordpress.com/2016/06/21/revolutionary-dreams-of-nepal-a-photoessay/]

[නේපාලයේ මහජන යුද්ධයේ කාලය තුළදී රට පුරා, මෙන්ම දකුණු ආසියාව මුළුල්ලේ සහ ලෝකය පුරා මිලියන ගණනකගේ සිහින සහ අපේක්ෂාවන් ඉහළට එසවුණි.]

ග‍්‍රාමීය පෙදෙස්වල ගොවියන් වැඩවසම් සහ අර්ධ-රදළ සහ රාජ්‍ය පීඩනයට එරෙහිව සටන් වදිමින් මාඕවාදයේ උපායික චින්තනයෙන් සහ සාරගර්භ පාඩම් සලකුණු කරමින් සමාජය නැවත හැඩගැන්වීමට බලවත් පරිශ‍්‍රමයක් දරමින් ඉදිරියට ගමන් ගත්හ. ග‍්‍රාමීය පෙදෙස්වල අරගලය සහ මුදාගත් කලාප අත්හැර දමමින් නගරයට (කත්මණ්ඩු) පිවිස, නාට්‍යමය සාමය නොහොත් යටත්වීම මගින් පාර්ලිමේන්තු-ඡන්ද තනතුරකින්-විප්ලවීය අල්ලසක් ගනිමින්, නේපාල කොමියුනිස්ට් පක්ෂයේ (මාඕවාදී) නායකත්වය ආපස්සට හැරෙන තෙක් මහජන විමුක්ති හමුදාව ප‍්‍රබල බලවේගයක් විය. පාවාදුන් අයවළුන් ඉන්දියාව වැනි කලාපීය බලවතුන් සහ බටහිර අධිරාජ්‍යවාදීන් සහ නව-යටත්විජිතවාදීන් විසින් වර්ණනා කරන ලදි. පහත දැක්වෙන රූපමය රචනාව සිත්හි රැඳුණු නේපාල මහජන විමුක්ති හමුදාවේ සටන් කරුවන් ගැනයි.

ලෑංග්ස්ටන් හියුජ්ගේ කවියකි:

පමා වූ සිහිනයට කුමක්වේද?
සූර්ය තාපයෙහි ලූ ඵල වැල මෙන්
වියැලේවිද එය?
නැතිනම් තුවාලයක් මෙන් පැසවාවිද-
දිව යන්නද එවිට?
පිළුණු මස මෙන් එය දුඟද හමයිද?
නැතිනම් සීනි තැවරූ
රස කැවිල්ලක්ද?
එය එල්ලා වැටේවිද
මහත් බරක් මෙන්
නැතිනම් පිපිරී යාවිද?

ප‍්‍රමාද වූ විප්ලවයට කුමක් සිදුවේද? නේපාලයෙන් ‘‘නේපාලයේ විප්ලවීය සිහිනය – රූපමය දිගහැරුම’’ නේපාලයේ සංචාරයේ යෙදෙන පූජා පාන්ට් සහ බික්කිල් ස්තාපිත් විසින් Raiot.in හි පල කරන ලදි. -ෆ‍්‍රන්ට්ලයින් සංස්කාරක]

2016 ජුනි 17 /පූජා පාන්ට් සහ බික්කිල් ස්තාපිත්

මම මගේ ස්වාමිපුරුෂයා සමග කඳවුරේදි ආදරයෙන් බැඳුණා මොකද එයා වැඩිය කතාබහ කලේ නැති නිසා. ඔහු අපේ කමාන්ඩර්ගෙන් අනුමැතිය අරගෙන අවුරුදු දෙකකට පස්සෙ විවාහ වුණා. දැන් අපි දෙන්නම කතා කරනවා නායකත්වය අපිව පාවල දුන්න ආකාරය ගැන.

img_004518

ජානකි භත්තා – අක්චම්, නට ලම්කි, කයිලාලි වල කුඩා හෝටලයක් පවත්වාගෙන යයි.

මට කළකිරීමක් ඇතිවෙනවා මගේ පුද්ගලික තත්ත්වය, මගේ පක්ෂයේ තත්වය සහ සමාජයේ තත්වය ගැන බැලූවම. මගේ කොටසක් මාඕවාදී සටන්කරුවෙක් ලෙස මට තිබුණ සිහින, මගේ කෝපය, මගේ ගින්දර බැඳ තබලා පසෙකින් තියල තියෙනවා. මගේ අනෙක් කොටසට ජීවත් වෙන්න වැඩ කරන්න සිදු වෙලා තියෙනවා.

img_004519

ඉෂ්වෝර් තිමිල්සිනා – කුයිකා, අක්චාම්, දැනට ලම්කි, කයිලාලි වල කුඩා හෝටලයක් පවත්වාගෙන යයි.

img_004517

මේ දවස්වල මට දැනෙන දෙය මට මාඕවාදී විප්ලවයට සම්බන්ධ වෙන්න නොහැකිනම් මගේ ජීවිතයෙදි මොනවහරි කරන්න අධ්‍යයන කටයුතුවල නියැලිය යුතුයි. මම අවුරුදු 6ක් සේනාවාසයක මුකුත් නොකර ජීවත් වුණා.

img_00459

බ‍්‍රම්හා කට්ටෙල්- බජුරා, දැනට ලම්කි, කයිලාලි වල රික්ෂෝ රියැදුරෙකු ලෙස සේවය කරයි.

img_004510

මගේ පාදයට වෙඩි වැදුනට පස්සෙ මම පැය 56 සැඟවිලා හිටියා ආහාර සහ ජලය නැතිව. මගේ තුවාල වල මැස්සො වහල තුවාලය මත බිත්තර දමල මගේ තුවාල මස මැස්සන් විසින් කනවා මම අසරණව බලාගෙන හිටියා. මගේ තුවාලය වටේම හිටිය උන් හෙලිකොප්ටර් වගේ. යුද්ධයෙන් පස්සෙ මට නිවසක් නැතිවුණ මම නිදාගන්නෙ කත්මණ්ඩු නගරයේ වීදි වල. මම මගේ සිරුර සහ මගේ ජීවිතය සුව කර ගත්ත. මම දන්නවා අපි නැවත දවසක ඉක්මනින්ම සටන් කළ යුතුයි අපේ රට සුව කර ගැනීමට.
img_004513

ගංගා ලාමා – කව්රේ, කත්මණ්ඩු වල දැානට කාපට් ෆැක්ටරියක් පවත්වාගෙන යයි.

img_004514

මම මහජන මිලීෂියාවට සම්බන්ධ වුණා. නේපාල රාජකීය හමුදාව මගේ පියා අතුරුදහන් කලාට පසුව මම මහජන හමුදාවට සම්බන්ධ වුණා. මම දැන් කුඩා දරුවන්ට ක‍්‍රීඩා උගන්වනවා. මට දැනෙන්නෙ ගිය අවුරුද්දෙ භූමිකම්පාවකින් මගේ රට විනාශ වුණා වගේ මගේ පෞද්ගලික ජීවිතයත් විනාශ වුණා වගෙයි.

img_004515

කෙෂාබ් ඛනාබ් – ෂ්‍යන්ගි, දැනට කත්මණ්ඩු වල ක‍්‍රීඩා ගුරුවරයෙකු ලෙස සේවය කරයි.
img_004516

මම ඛාරා වල සටනින් තුවාල ලැබුවෙමි. දැන් මට එහෙ මෙහෙ ඇවිදින්නත් අමාරුයි. මං කරන එකම දෙය ගෙදරට වෙලා ඉන්න එක. මහජන යුද්ධයේදී තුවාල ලැබූ අප වැනි අය දැන් දුක්ඛිත තත්වයක ඉන්නෙ.

img_00455

කාල් බහදූර් බෝගති – කැලිකොට්, දැනට ලම්කි, කයිලායි වල ආබාධිතයෙක් ලෙස දිවි ගෙවයි.
img_00456

දුප්පතුන් නිදහස් කරගන්න සටන් කරන්න හිතපු නායකයින්ම ඔවුන්ගේ කෑදරකමට යටවෙලා දුප්පතුන් මාවත මැද තනිකලා. නමුත් අද පවා වෙන දේශපාලන පක්ෂයක් සටන් කරන්න තීරණය කරල විප්ලවය ඉදිරියට ගෙනියනවනම් මම නැවතත් සටන් කරන්න එකතු වෙනවා.

img_00451

ප්‍රෙම් බහදූර් බායෙක් – ලම්කි, කයිලායි දැනට ප‍්‍රජා ක‍්‍රියාකාරිකයෙකි.
img_00452

ධන්සාරි බයාක් – ලම්කි, කයිලායි, දැනට නිවසේ සිට ඇඳුම් මහන්නියක් ලෙස වැඩ කරයි.

අපි ආඩම්බර වෙනවා මහජන යුද්ධයේදී අපේ ජීවිත කැප කරපු එක ගැන. නමුත් නායකයින් ඒක පාවා දෙන විට අපි කණගාටු වුණා. නේපාල සමාජයේ කුඩා හෝ වෙනස්කමක් කරන්න අවශ්‍ය නම් පාර්ලිමේන්තු ක‍්‍රමයෙන් ඉවත්වෙලා මහජන ක‍්‍රමය ස්ථාපනය කරන්න අවශ්‍යයි. ඒක පමණයි අපිට නේපාලයට සහ නේපාල ජාතිකින්ට වඩා හොඳ අනාගතයක් ඉදි කරන්න ඉතිරිවෙලා තියෙන්නෙ.

img_00453

img_00457

img_00458

අපේ රට කෘෂිකාර්මික රටක්. එය දිළිඳු කමේ රේඛාවටත් පහලින් පිහිටා තිබෙන්නෙ. මගේ අවබෝධයේ හැටියට විදේශීය සංවිධාන මූල්‍ය ක‍්‍රීඩාවකයි නියැලූනේ. අනන් ඒ නිසයි අපිට අපේම මාවතක් අවශ්‍ය වන්නෙ. මේ තත්වය වෙනස් කිරීමට අපිට තවත් විපලවයක් අවශ්‍යයි.

img_004511

මහේන්ද්‍ර බහදූර් බූධා – රිෂී දාහා, අක්චම්, දැනට ලම්කි, කයිලාලි වල ගොවියෙකු ලෙස ජීවත් වෙමින්.

img_004512

රජයේ ඹභඵෂභ සැලැස්ම යටතේ අපේ මහජන හමුදාව අයෝග්‍ය දෙයක් ලෙස සලකා ඉවත දමන ලදි. දැන් මේ අයෝග්‍ය මිතුරන් රජය සඳහා වැඩ කරමින් සිටී. නමුත් ඔවුන් හමුදා සේනාංකයන් තුළ අයෝග්‍ය වූයේ ඇයි? නැවත පුනරුත්තාපනය කරනු ලැබූ මහජන විමුක්ති හමුදාව මුදල් ටිකකට විකුණා දමන ලදි. ඔවුන්ට ලක්ෂ 5 ක මුදලක් සමග ජීවත් විය හැකිද?

img_00454

බිපන්නා මල්ලා-ලම්කි, කයිලාලි දැනට කුඩා වෙළඳසලක් පවත්වාගෙන යයි

නොදන්නා සංස්කෘතික විප්ලවය

නොදන්නා සංස්කෘතික විප්ලවය

චීනයේ ජීවිත සහ ගම්මාන වල වෙනස්වීම

1966-1976 දක්වා චීනයේ ශ්‍රේෂ්ඨ නිර්ධන පංතික සංස්කෘතික විප්ලවයට (GPCR-Great Proletarian Cultural Revolution) ලෝක ජනගහනයෙන් හතරෙන් එකක් දායක වුණි. එය නිදහස උදෙසා වූ අරගලය මානව ඉතිහාසයේ නොදුටු ඉහළ තලයකට ගෙන ගියහ. නමුත් අද චීනයේ සංස්කෘතික විප්ලවය ගැන ජනතාවට ඇහෙන දේවල් පටු අසත්‍යයන්ය. මෙය ලියන ඩොන්පිං හෑන් (Dongping Han) වැඩුණේ ශ්‍රෙෂ්ඨ නිර්ධන පංති සංස්කෘතික විප්ලවය සමයේදීය. ‘‘නොදන්නා සංස්කෘතික විප්ලවය-චීනයේ ජීවිත සහ ගම්මාන වල වෙනස්වීම’’ නැමැති පොතේ කතුවරයාද ඔහුය. ඔහුගේ කථාව සංස්කෘතික විප්ලවයේ සත්‍යය දැන ගැනීමට සුබදායී දායකත්වයක් සපයයි. 2008 දෙසැම්බර් මාසයේදී, විප්ලවය පොත්, සත්‍ය වාර්තා ගැලපීමේ ව්‍යාපෘතිය, සහ නිව්යෝර්ක් පුස්තකාලයේ මහජන දැනුම පිළිබඳ ආයතනයේ අනුග‍්‍රහයෙන් පැවති  ‘‘චීන සංස්කෘතික විප්ලවය යළි සොයා ගැනීම: කලාව සහ දේශපාලනය, ජීවමානවූ අත්දැකීම්, විමුක්තියේ උරුමයන්’’ යන ඉතා වැදගත් කතිකාවට  ඩොන් පින් හෑන් සහභාගි වුණි. 2008 දෙසැම්බර් 12 වන දා, කතිකාවතේ ආරම්භක දින රාත‍්‍රී ඩොන්පින් හෑන් විප්ලවය පොත් හලේදී කථා කළේය. බායි ඩයි (Bai Di) ද, මෙම කතිකාවේදී කථා කළ අතර ඇය ද සංස්කෘතික විප්ලවය කාලයේදී හැදී වැඩුණු අතර ඈ සමග සිදු කළ සම්මුඛ සාකච්ඡාවක් revcom.us වෙබ් අඩවියෙන් ලබා ගත හැක.

පහත දැක්වෙන්නේ ඩොන්පින් හෑන් ගේ කථාවේ සංස්කරණය කළ පිටපතයි.

මගේ පොත සංස්කෘතික විප්ලවය සමයේ චීන අධ්‍යාපනයේ ප‍්‍රතිසංස්කරණ පිළිබඳවය. මම විප්ලවය සමග ජීවත් වූ අයෙක් වෙමි. මම චීනයේ සමූහ ගොවිපළවල වැඩුණු අයෙක්මි. මම අවුරුදු නවයෙහිදී ගොවිපළේ වැඩ කරන්න පටන් ගතිමි. ඒ දිනවල චීනයේ පාසැල් දින දෙකක් සහ හවස් වරු දෙකකුත්, ඉරිදා දිනයකුත් ළමුන්ට ගොවිපළ වල වැඩ කිරීම සඳහා වසා දමති. එම නිසා පාසැලේ ඉඳිමින්ම මම දින දෙකක් වැඩ කළෙමි. සමූහ ගොවිපළ වලින් ළමුන්ගේ වැඩ සඳහා වැඩ ලකුණු1 ලැබුණි. වැඩිහිටියන් හට දිනක වැඩ සඳහා වැඩ ලකුණු 10 ක් ලැබුණි. ගොවිපළේ වැඩ කරමින් මම හැම දිනයකම වැඩ ලකුණු 5.7 ක් ලබා ගත්හ. එලෙස වයස නවයේදීම මට විප්ලවයට දායක වන්නට ඉඩ ලැබුණි. සෑම කෙනෙකුටම ගොවිපළේ වැඩ කරන්න පුළුවන් වුණි. ඔබට වැඩ කරන්න ඕනෑ වුනි නම් හැම විටම රැකියාවක් ලැබුණි. ඒ දිනවල මගේ රැකියාව ඉතා පහසු එකකි. උදාහරණයක් ලෙස වැඩිහිටියො වගාවලට නදියෙන් වතුර රැගෙන එන අතර මම පැළවලට වතුර දැමුවෙමි.

මගේ පොතෙන් මම විග‍්‍රහ කරන්නේ සංස්කෘතික විප්ලවයේ අධ්‍යාපන ප‍්‍රතිසංස්කරණ සහ පිටිසරබද පෙදෙස් වල ඒ පිළිබඳ ආකල්පයන් පිළිබඳවයි. මගේ තරුණ කාලයේදී ගමේ හිටිය බොහෝ පුද්ගලයින් නූගත් උදවියයි. මගේ දෙමව්පියොත් නූගත් අයයි. චීන කොමියුනිස්ට් පක්‍ෂය බලයට ඒමට පෙර චීනයේ බොහෝ ගොවීන් පාසැල් යාමට තරම් හැකියාවක් නොමැති ලෙසට දිළිඳු අයයි. වයස අවුරුදු 12 දී ම මගේ පියා පූර්ණකාලීනව කර්මාන්තශාලාවක වැඩ කිරීම අරඹා ඇත. මගේ මව ගමේ තිබුණු එම්බ්‍රොයිඩර් වැඩ පළක වැඩ කිරීම අරඹා තිබුණේ ඇයට වයස අවුරුදු 6 ක් වන විටයි. එනිසා ඔවුනට කිසිම අධ්‍යාපනයක් ලැබී නැහැ. මට ඥති සහෝදර සහෝදරියන් පස් දෙනෙක් විය. මම වැඩෙන විට ගමේ මට වඩා වයසින් වැඩි බොහෝ දරුවන්ට පාසැල් යාමට නොහැකි වුණා. මගේ ඥති සහෝදරයන්ට සහ මගේ වැඩිමහල් සහෝදරියටද පාසැල් යාමට නොහැකි වුණා.

චීන කොමියුනිස්ට් පක්‍ෂයට ගැමි ජනතාව උදෙසාවූ අධ්‍යාපන ක‍්‍රමයක් උරුමව තිබුණි. ගමේ දරුවන්ට පාසැල් යෑම ඉතා දුෂ්කර වුණි. මම පළවන පන්තිය පටන් ගන්නා විට, විභාගයක් සමත් වීමට තිබුණා. දරුවන්ට පාසැල් යාමට අවශ්‍ය නම් පාසැලට යාමට පෙර ලිවීමේ හැකියාව ලබා ගැනීම අවශ්‍ය වුණා. එපමණක් නොවෙයි 100 ට ගණන් කිරීමේ හැකියාව ලබා ගත යුතුව තිබුණා.

නමුත් බොහෝ දෙමාපියන්ට ඔවුන්ගේ දරුවන් හට මේ ටික ඉගැන්වීමට දක්‍ෂතාවයක් නොතිබුණ බැවින් ඔවුනගේ ළමුන් පාසැල් වලට නොතේරුණි. ප‍්‍රතික්‍ෂේප වුණි. ගම්බද පාසැල් වල අවශ්‍ය ප‍්‍රමාණයට ඉඩ කඩ නොතිබුණ බැවින් මෙම කාලයේදී පාසැලට ඇතුලත් වීමේ විභාගය අවශ්‍ය විය. නමුත් වසර තුනක් ඇතුළත, සංස්කෘතික විප්ලවය සමයේදී, මගේ පළාතේ හැම ගමකම ප‍්‍රාථමික පාසැලක් ඇරඹීමට කටයුතු යෙදුණා. ඒ කාලයෙහි මගේ පළාතේ ගම්මාන 1050 ක් තිබුණා. සංස්කෘතික විප්ලවයේ වසරක් ඇතුලත සෑම ගමකම පාසැලක් ඇරඹුණා. පාසැල් යන වයසේ සෑම ළමයෙක්ම නොමිලේ අධ්‍යාපනය ලැබීම සඳහා පාසැල් වලට ඇතුළු වුණා. අද චීන රජය සහ චීන රජයට පක්‍ෂපාත කොටස් චීන සංස්කෘතික විප්ලවය සමයේ පැවති චීන අධ්‍යාපනය විනාශකාරී යැයි පවසනව. මෙය ඉතා සරල මිත්‍යාවකි.

සංස්කෘතික විප්ලවයේ දසවන වසරේදී චීනයේ ගම්බද අධ්‍යාපනය දියුණුවට පත් වුණා. සෑම ගම්මානයකම පාසැල් 4 ක් එකතු කර ඒකාබද්ධ මධ්‍ය විද්‍යාල ඇති කළා. එම නිසා ප‍්‍රාථමික අධ්‍යාපනය හොඳින් ලබාගත් සෑම ළමයෙක්ම ඇතුළත් වීමේ විභාගයකින් තොරව මධ්‍ය විද්‍යාල වලට ඇතුලත් කර ගන්නා ලදි. ඔනෑම කෙනෙකුට ඒවාට ඇතුල්වීමට ඉඩ කඩ ලැබුණු අතර අධ්‍යාපනය මුලූමනින්ම නොමිලේ විය. මගේ පළාතේ කොමියුනයේ උසස් අධ්‍යාපනය සඳහා පාසැල් 4ක් තිබුණි. සංස්කෘතික විප්ලවයට පෙර උසස් අධ්‍යාපනය සඳහා තිබුණේ එක් උසස් අධ්‍යාපන ආයතනයකි. එහිද තිබුණේ පන්ති දෙකක් පමණි. 1950-1966 දක්වා වූ 17 වසර තුළ එම උසස් අධ්‍යපන ආයතනය උපාධිධාරීන් 1500 ක් බිහි කළේය. 800 ක් අධ්‍යාපන ආයතනයට ගියත් ආපසු නොපැමිණියේය. ඉතිරි 700 ක් දෙනා රජයේ සේවයේ යෙදුණි නැතිනම් හමුදාවට බැදුණි. උසස් අධ්‍යාපනය සාර්ථකව නිමකළ කිසිවෙක් බිහි නොවුණි.

1972 දී මම කොමියුනයේ උසස් පාසැලට ඇතුලූවන විට මගේ පාසැලේ මගේ වයසේ ළමුන් 1000 පමණ සිටියා. මම පාසැලෙන් සමත් වන විට, මගේ ගමේ පාසැලෙන් උපාධි ලැබූ ළමුන් 100 පමණ සිටියා. මෙම උපාධිධාරීහු චීනයේ පිටිසර බද පෙදෙස් සංවර්ධනය කිරීමෙහි ලා විශාල වැඩ කොටසක් ඉටු කරන ලදි. ඔවුන්හට ඔවුන්ගේ වැඩිහිටියන් ඉටු කර තිබුණාට වඩා වැඩි වැඩ කොටසක් චීනය වෙනුවෙන් ඉටු කරන්න ලැබුණි.

සංස්කෘතික විප්ලවයට පෙර අපි ගොවිතැනෙහි පමණක් යෙදුණෙමු. සංස්කෘතික විප්ලවය සමයේ උසස් අධ්‍යාපන ආයතනයේ උපාධි ලද අය ගමේ ආර්ථිකය දියුණු කිරීමට උපකාර කළා. උසස් පාසැලේ උපාධිධාරීන්ගෙන් සැදුම් ලත් වන ජීව කණ්ඩායමක් අපට තිබුණි. ඔවුන් විවිධ වර්ගයේ පළතුරු, ගම්මිරිස්, සහ වෙනත් ගස් වර්ග වගා කළහ. අප විසින් කර්මාන්ත ශාලාවක්ද ගොඩ නගන ලදි. පුද්ගලයෝ 175 දෙනෙක් එහි සේවයෙහි නිරත විය. අද චීනයේ ගම්බද තරුණයන්ට රැකියා සොයා නගරයට පැමිණීමට සිදුව ඇත. නමුත් සංස්කෘතික විප්ලවය සමයේ, අපට කොහේවත් යාමට සිදු වුණේ නැත. අපි කිසිවෙක් තව අයෙකුගේ වහළෙකු නොවීමු. අපි අපේ අනාගතය සඳහා වැඩ කළෙමු. කර්මාන්තශාලාවේ වැඩ කළ 175 දෙනා සාමූහිකව ඉපයුවා. එය ගොවීන්ගේ ජීවිත සංවර්ධනය කරන ලදි.

කර්මාන්ත ශාලාව ගමට අවශ්‍ය කෘෂි උපකරණ නිපදවීය. අපට ට‍්‍රැක්ටර් දෙකක් සහ පිකප් රථ දෙකක් තිබුණි. ආපසු හැරී බැලූ විට මට හිතෙනව, නිෂ්පාදනය ඉහළ ගිය නිසා සංස්කෘතික විප්ලවයේ අවුරුදු වලදී ගොවීන්ගේ ජීවිත සෑම අංශයකින්ම උසස් සංවර්ධනයක් අයත් කර ගත් බව. මේ දස වර්ෂය තුළදී මගේ රටේ ධාන්‍ය අස්වැන්න දෙගුණයකට වඩා ඉහළ නැංග අතර ආදායම ද දෙගුණයකටත් වඩා ඉහළට නැඟුණි. නමුත් ධනේෂ්වර චීන රජය ප‍්‍රකාශ කළේ චීන ආර්ථිකය ප‍්‍රපාතයකට ඇද වැටුණු බවයි. මේවා අර්ථ ශූන්‍ය ප‍්‍රලාපයන් වෙති.

චීන රජය සමූහ ගෙවි පොළවල් විසුරුවා හැර ඔවුන්ගේ අයිතියට පවරා ගැනීමට ගොවියන්ගෙන් විමසු විට මගේ ප‍්‍රදේශයේ ගොවියෝ ඊට දැඩි විරෝධයක් දැක්වීය. රජය සමූහ ගොවි පළවල් විසුරුවා හැරීම සඳහා මගේ ප‍්‍රදේශයේ සියලූ ජනපද රාජ්‍ය නායකයින් ඉවත් කරගත්තා. මගේ ගමේ තිබුණු සියළුම දෑ පෞද්ගලීකරණය වුණේ නැහැ. නමුත් ගමේ සියලූ ඉඩම් ටික රජය මිළ දී ගත්තා. ජනයා එයට එරෙහි වුණා. ඔවුන් අපේ ඉඩම් ගත්තා නම් අපේ ඉඩම්වලට වෙනත් ප‍්‍රදේශවල ඉඩම් වලින් වන්දි ගෙවන්න ඔවුන්ට සිදු වුණා. එනිසා අපට අපේ ඉඩම් නැති වුණේ නැහැ. ගම්වල තවම ඒවා තමන්ගෙ විදියට යොදා ගන්න ඉඩම් තිබෙනවා. ගම් වැසියෝ ඒවායෙ තවම හොඳින් කටයුතු කරනවා. ගොවීන්ට අද විශ‍්‍රාම ගැනීමට හැකියාව ලැබී තියෙනවා. මගේ අම්ම තවම සමූහ ගොවිපළෙන් සෑම මාසයකම විශ‍්‍රාම දීමනාවක් ලබනවා. අනෙක් ප‍්‍රදේශවල පෞද්ගලික දේපලවුණු ඉඩම්වල ගොවීන් තවමත් දැඩි දුෂ්කරතාවයන්ගෙන් පීඩා විඳිනවා.

1986 දී මම චීනයේ ග‍්‍රාමීය ප‍්‍රදේශ පර්යේෂණය කිරීමේ ඇමෙරිකානු පර්යේෂණ කණ්ඩායමට සම්බන්ධ වුණෙමි. එහි ඇමෙරිකානු විශේෂඥයින් දෙදෙනෙක් සහ මා සේවයෙහි නිරත විය. අපි හූනාන් වල (Hunan) ගම්මාන කීපයකට ගියා. ඒ වකවානුවේ ග‍්‍රාමීය ප‍්‍රදේශ වල විදේශිකයෙක් දැකීම දුර්ලභ විය. එනිසා අප යන යන තැන අප පසුපස විශාල ජනතාවක් සිටියා. විශේෂයෙන් තරුණ කාන්තාවෝ සහ පිරිමි විය. ඔවුන්ට විදේශිකයෙක් මොන වගේ දැයි දැන ගැනීමට අවශ්‍ය වුණා.

එක දවසක් මම දිවා ආහාරය ගන්නා විට, මම තරුණ ළමයි කීප දෙනෙකුට පත්තරයක ශීර්ෂ පාඨ කීපයක් කියවන්නැයි කීවෙමි. එහෙත් ඔවුහු සිය හිස වැනුවා පමණි. මා මුලදි සිතුවේ ඔවුහු ලජ්ජාවෙන් එසේ කරනු ඇති යන්නයි. සමහර ළමයි කිව්ව ඔවුන් පාසැල් ගොස් නැති බව. මට එය ඇසීම අති විශාල වේදනාවක් ගෙන දුන්නා. කොමියුනය විසුරුවා හැරිය දා සිට සියලූ අධ්‍යාපන ආයතන, සියලූ සෞඛ්‍ය ආයතන කොමියුනය සමගම නැතිව ගොස්ය. මම සංස්කෘතික විප්ලවය සමයේ තිබුණ අධ්‍යාපන ප‍්‍රතිසංස්කරණ ගැන සිතන්න පටන් ගත්තා.

1988 දී මම වැඩි දුර අධ්‍යාපනයට සිංගප්පූරුව වෙත පිටත් වුණෙමි. එතැනින් ඇමෙරිකාවේ ඉගනෙීම සඳහා ශිෂ්‍යත්වයක් මට ලැබුණි. ඇමෙරිකාවේ විදේශ ප‍්‍රතිපත්තිය සහ රාජ්‍යතන්ත‍්‍රික සබඳකම් වල ඉතිහාසය ඉගෙන ගැනීම මගේ අදහස විය. ඇමෙරිකාවේදි මම චීන විප්ලවය පිළිබඳව එහි උගතුන් ලියූ දෑ කියෙව්වෙමි. ඔවුන් ලියා තිබුණේ මා අත්දුටු චීන විප්ලවය පිළිබඳව නම් නොවෙයි. ඔවුන් චීනය ගැන ලියා තිබූ දේවල් ගැන මම විමතියට පත්වුණෙමි. ඇමෙරිකාවේ සිදුවන දේවල් ගැන දැඩි ලෙස කණගාටුවට පත් වුණෙමි.

මම මුලින්ම ඇමෙරිකාවට ආව විට ඇමෙරිකාව කොයි වගේද යන්න දැන නොසිටියෙමි. චීනයේ සිටි ඇමෙරිකානු ගැති වූ අය කී පරිදි අසා තිබුණේ ඇමෙරිකාව පුදුම සහගත දියුණු රටක් ලෙසයි. මම ඇමෙරිකාවේ, වර්මොට් (Vermont) හි බර්ලින්ටන් (Burlington) පෙදෙස්හි මුලින්ම ජීවත් වුණෙමි. එය චැම්ප්ලේන් වැව අසල පිහිටි ලස්සන ස්ථානයක් විය. මම නගරයේ උතුරු පෙදෙසේ දිළිඳු අසල්වැසියන් සමග ජීවත් වුනෙමි. මගේ අසල්වැසි නිවසේ ළමයි හැම වෙලාවෙම බඩගින්නෙ තමයි හිටියෙ. හැමදාම පාසැල නිමවී ආවාම, ඔවුහු මගේ පුතා සමග සෙල්ලම් කරන්න මගේ නිවසට පැමිණෙති. ඔවුන්ට බඩගිනියි කියල ඔවුහු කියති. එවිට මම ඔවුන්ට චීන පාන් කැබැල්ලක් කන්නට දෙන්නෙමි. මට ඇමෙරිකාව දැකීම විශාල කම්පනයක් ගෙන දෙයි. ලෝකයේ ධනවත්ම රට එයයි. ඒත් කුසගින්නේ ඉන්න ජනතාව මෙහේ සිටිති. මම මෙහි වසර දෙකක් ජීවත් වුණෙමි.

ඉන් පසු මම බොස්ටන් නගරයට පැමිණ එහි සිටි පොහොසත් මිනිසුන් සමග ජීවත් වන්නට පටන් ගතිමි. එක දවසක් මගේ නිවාස හිමිය මගෙන් ඇහුව, ඇමෙරිකාව ගැන ඔබට හිතෙන්නෙ මොකද්ද? මට කිසිම හැඟීමක් නැති බව ඔහුට කී විට මගේ අදහසින් ඔහු කළබල වුණි. ඊට හේතුව ඔහු මගෙන් විමසුවා; ‘‘චීනයේ ඉන්න විට අපි හරි දුප්පත්, එත් අපිට නිවාස නැති මිනිස්සු හිටියේ නැහැ. සමාජවාදය යටතේ හැම කෙනෙකුටම රැකියාවක් ලැබුණා. හැම කෙනෙකුටම නිදහස් අධ්‍යාපනය නිදහස් සෞඛ්‍ය පහසුකම් තිබුණා. නමුත් ලෝකයේ පොහොසත්ම රටේ මේව නැහැ.’’ මම කීවෙමි. මගේ නිවාස හිමිය හිතුවෙ මගේ අදහස් වල (දර්ශනයේ)ගැටලූවක් ඇති බවයි.

1949 දී චීන විප්ලවය සාර්ථක වූ විට කොමියුනිස්ට් නිළධාරීන් සිතුවේ විප්ලවය පිළිබඳ කටයුතු කරල ඔවුන් අපහසුතාවයෙන් පසුවෙන බවයි. දැන් විප්ලවය සාර්ථකයි. දැන් ඔවුන්ගේ ජීවිත සතුටින් ගත කිරීමට කාලයයි. ඔවුහු ඔවුන්ගේ ළමයි සඳහා විශේෂ පාසැල් හදල තිබුණ. චීනයේ සමාජවාදය ගොඩ නැගුවත් චීනයේ පංති ස්වභාවය ඉතා බලවත්. ඉහළ නිළධාරීන්හට විශේෂ වරප‍්‍රසාද තිබුණ.

සංස්කෘතික විප්ලවය යනු විප්ලවය තුළම පොදු ජනතාවට සැබෑ බලය ලබා දිමේ විප්ලවයයි. එමගින් චීනයේ නියම සමාජවාදය බිහි කිරීම ඇරඹීමයි. රුසියාවේ සිදු වුණු දෙය චීනයේ සිදු නොවීමට වග බලා ගැනීමේ ක‍්‍රියාවලියයි. ඒ කාලය තුළ සියලූ චීන නිළධාරීන්ට වැඩ කරන ජනතාව සමග එකට වැඩ කිරීමට සිදු වුණා. ශිෂ්‍යයින්, ගුරුවරුන්, මහාචාර්යවරුන් ශාරීරික ශ‍්‍රමය යොදා වැඩ කිරීම කළ යුතු වුණා. මම කර්මාන්තශාලාවේ කළමනාකාරයා වීමි. මට කර්මාන්තශාලාවේයේ අනෙක් අය වැඩ කර උපයනවාට වඩා වැඩි වැටුපක් ගෙව්වේ නැහැ. පාසැල් ගුරුවරුන්ට ගෙව්වේත්, වැඩ බිම් වල වැඩ කරන අයට ගෙවන පඩියමයි. සෙරෙප්පු සපත්තු නොපැළඳූ වෛද්‍යවරුන්ටද2 ගෙවන ලද්දේ එකම වැටුපකි. එහෙමයි සමාජවාදය යටතේ ක‍්‍රියාත්මක වුණේ. අපට එහෙම ක‍්‍රියාවලියක් තියේ නම් අපට දැන් තිබෙන ආකාරයේ මූළ්‍යමය දියවී යෑමක් (කඩා වැටීමක්) ඇති වන්නේ නැහැ.

පසුගිය සති කීපයේ ඇමෙරිකාවේ මූල්‍ය අර්බුදයක් ඇති වුණා. මගේ ශිෂ්‍යයො බොහොම දෙනෙක් ඒ ගැන කම්පනයට පත් වුණා. මේ අවස්ථාව ඉතා වැදගත් බව මම ඔවුන්ට කිවෙමි. අපි නොසැලකිලිමත් ලෙස දිගු කාලයක සිට පරිභෝජනය කරන්නෙමු. එය නැවතීමට දැන් අපට කාලයයි. අප මෙලෙස ජීවත් විය යුතු නැහැ. නිවාස නැතිව අප වේදනා විඳිය යුතු නැහැ. මේ සමාජයෙ අපට ඕනැ තරම් දේවල් තියෙනව. හැම කෙනෙකුටම යැපීමට ප‍්‍රමාණවත් තරම් නිෂ්පාදනයක් අප විසින් උපයා තිබේ. නමුත් එක් ප‍්‍රශ්නයක් ඇත. කෑදරකමින් පිරුණු සුළු පිරිසකට ඉන් විශාල කොටසක් අවශ්‍යව ඇත. එමනිසා අපි හැම මිනිසෙකුටම අගහිඟයක් නොමැති වෙනස් සමාජයක් ගොඩනැගිය යුත්තෙමු.

1949 දී පීඩනය සහ විදේශීය පාලනය ඉවතට වීසි කර දමමින් චීන විප්ලවය බලයට පත් විය. සභාපති මාඕ සේතුං ගේ නායකත්වය යටතේ චීන ජනතාව මුලූමනින්ම නව්‍ය වූ සමාජයක් ගොඩ නැගීම ඇරඹීය. නමුත් 1966 පංති අරගලයේදී, චීනය සමාජවාදය ගොඩ නැගීම කරා ගමන් කරාවිද, – නැවත ධනේශ්වර සමාජ ක‍්‍රමය ස්ථාපිත කරයිද යන මත දෙක අතිශයින් තියුණු විය. මෙය කොමියුනිස්ට් පක්‍ෂය ඇතුළතින්  – ජනතාවට කොමියුනිස්ට්වාදය දෙසට ගමන් කිරීමට නායකත්වය දුන් ඉහළ විප්ලවීය නායකත්වය සහ චීනය නැවත ධනේශ්වර මාවත වෙතට සහ පීඩනයට නැවත ඇද දැමීමේ ප‍්‍රතිපත්ති ඇති අයවලූන් අතර ප‍්‍රකාශ විය. මේ නිසා, ධනවාදී මග ගත්තන් බිඳ හෙළීමට සහ ඔවුන් සතුව රජයේ සහ සමාජය තුළ තිබූ පාලන බලයේ කොටස් නැවත අත් පත් කර ගැනීමට මාඕ විසින් ශ්‍රේෂ්ඨ නිර්ධන පංතික සංස්කෘතික විප්ලවය දියත් කැරිණි. නමුත් එයටත් වඩා මෙය ‘‘විප්ලවය තුළ විප්ලවයක්’’ විය. එය මුළු මහත් සමජයේම දිශානතිය කොමියුනිස්ට්වාදය දෙසට හැරවීය. මාඕ සේතුංගේ ස්ථාවරය අනුව, ධනවාදී මග ගත්තන් පහ කර දැමීම සහ පොදු ජනතාවගේ සමස්ත විඥණය, දර්ශනය සහ පුරුෂාර්ථ පරිවර්තනය කිරීම සංස්කෘතික විප්ලවයේ ඉලක්කය විය යුතුය.

ගම සහ නගරය අතර, මානසික සහ කායික ශ‍්‍රමය අතර, ගොවියන් සහ කම්කරුවන් අතර අසමානතාවයන් සහ වෙනස්කම් හීන කිරීමට සහ අවසානයේ ඒවා බැහැර කිරීමට අරගලය කිරීම ශ්‍රේෂ්ඨ නිර්ධන පංතික සංස්කෘතික විප්ලවයේ ඉතා වැදගත් කොටසක් විය. සමාජයේ සෑම කොටසකම පරිපාලනයට සහභාගිවීමට සහ ඍජුවම බලය සඳහා ජනතාව පුහුණු කිරීමට හැකිකම ලබා දීමට නව සහ නිර්මාණාත්මක ක‍්‍රමවේදයන් සොයා යෑමට සිදු කළ පුළුල් සමාජ-ව්‍යාප්ත අරගලයකි මෙය. ශ්‍රේෂ්ඨ නිර්ධන පංතික සංස්කෘතික විප්ලවය සංස්කෘතියේ, අධ්‍යාපනයේ, විද්‍යාවේ සහ වැඩ බිම්වල ‘‘සමාජවාදී නව්‍ය දෑ’’, විශ්මයට පත්කරමින් ඉදිරියට ගෙනගිය අතර ධනේශ්වර ප‍්‍රතිනිර්මාණය දස වසරකට නිහඬ කරවීය. නමුත් 1976 දී මාඕ මිය ගිය පසු ඩෙන්ග් ෂියාඕපිං (Deng Xiaoping) ප‍්‍රමුඛ කොමියුනිස්ට් පක්‍ෂයේ ඉහළ නායකයෝ ප‍්‍රතිවිප්ලවවාදී කුමන්ත‍්‍රණය දියත් කළහ. මාඕට සහය දැක්වූවන් සහ ඉතා ඉහළ තළයේ නායකයින් සිරගත කොට හෝ මරා දමමින් දස දහස් ගණනින් අත් අඩංගුවට ගැනීම හෝ මැඩලීම සිදු කළහ.

සටහන්

1 වැඩ ලකුණු: චීනයේ සමාජවාදී ගම්බද පෙදෙස්වල ගොවියන්ට, ආදායම බෙදී යාම සඳහන් කරන ක‍්‍රමයකි මෙය. සාමූහික ක‍්‍රමය තුළ මිනිසුන් ජීවත්වන විට සහ වැඩ කරන විට ඔවුන් විසින් සිදු කරනු ලබන වැඩ ප‍්‍රමාණයන්ට කිසියම් නිශ්චිත වැඩ ලකුණක් ප‍්‍රදානය කරන ලදි. මෙය ‘‘හැම එකෙකුගේම හැකියාව අනුව, හැම එකෙකුගේම ශ‍්‍රමයට’’ යන සමාජවාදී මූලධර්මයේ සුවිශේෂී භාවිතාවකි.

2 පාවහන් නොපැළඳූ වෛද්‍යවරු: ශ්‍රේෂ්ඨ නිර්ධන පංතික සංස්කෘතික විප්ලවයේදී නගරවල දියුණු කරන ලද සෞඛ්‍ය පහසුකම් පිටිසර බද පෙදෙස්වලටද එලෙසින්ම කේන්ද්‍රගත කිරීම හා පිහිටුවීම සිදු කරන ලදි. ‘‘පාවහන් නොපැළඳූ වෛද්‍යවරු’’ ව්‍යාපාරය මෙම විප්ලවීය පරිවර්තනයේ කොටසක් විය. තරුණ ගොවීන්ට සහ නගරබද තරුණයින්ට මූලික සෞඛ්‍ය කටයුතු සහ බොහොමයක් පොදු රෝගාබාධ ගැන සහ නිතර මුණ ගැසෙන මූලික අවශ්‍යතාවයන්ට අවැසිවන වෛද්‍ය කර්මයන් පුහුණු කොට පිටිසරබද පෙදෙස්වලට යවන ලදි. වෛද්‍යවරු ග‍්‍රාමීය පෙදෙස්වලට ගියහ – දෙනු ලබන ඕනෑම වේලාවක නාගරික වෛද්‍යවරු තිදෙනෙක් ගම්බදෙහි සිටියහ. 1949 සිට 1976 දක්වා මාඕගේ නායකත්වයෙන් යුත් පාලන කාලය තුළදී වසර 32 ක් ව පැවති ආයු අපේක්‍ෂාව වසර 65 දක්වා දෙගුණ විය.

ABar-11

            විප්ලවීය ඇමෙරිකන් කොමියුනිස්ට් පක්‍ෂයේ (RCP) නිළ පුවත්පත වන ‘‘විප්ලවය’’ (Revolution) හි  2009 අගෝස්තු 30 පළ වූ 174 වන කලාපයේ ලිපියකින් පරිවර්තනය කරන ලදි.

භගත් සින් – ‘‘මා අදේවවාදියෙකු වූයේ මන්ද’’

PDF File: භගත් සින් – ‘‘මා අදේවවාදියෙකු වූයේ මන්ද’’ (49KB)

භගත් සින්‘‘මා අදේවවාදියෙකු වූයේ මන්ද’’

bhagat-singh_3

උපත: 1907 සැප්තැම්බර් 28
ජරන්වාලා තෙසිල්, පන්ජාබ්, බි‍්‍රතාන්‍ය ඉන්දියාව

මරණය: 1931 මාර්තු 23 (වයස අවුරුදු 23 දී)
ලාහෝර්, පන්ජාබ්, බි‍්‍රතාන්‍ය ඉන්දියාව

භගත් සින් යනු ඉන්දියානු නිදහස් ව්‍යාපාරය වෙනුවෙන් සිය ජීවිතය කැප කළ එක් සුන්දර, තිරසර මිනිසෙකි. දැඩි ලෙස දේවවාදී මතයන්ට, පාරභෞතිකවාදයට විරුද්ධ වූ ඉන්දියාවේ එකළ නැගුණු විප්ලවවාදී පරපුර ඔහු නියෝජනය කරයි.

ගාන්ධි වැනි දේශීය ධනේශ්වරයේ ඒජන්තවරු ඊනියා සාමකාමී ව්‍යාපාර, සත්‍යග‍්‍රහ හඳුන්වා දෙමින් ඉන්දීය නිදහස් අරගලය ඉංග‍්‍රීසි අධිරාජ්‍යවාදීන්ට එරෙහි සටන්කාමී නොවන ස්ථාවරයක පවත්වාගෙන යෑමට වග බලා ගත්හ. එවැනි සමහර සත්‍යග‍්‍රහ අරගල පොලිස් නිළධාරීන් කිහිප දෙනෙකු වෙඩි තැබීම මගින් පමණක් විසුරුවා හැරීම අසිරු නොවීය. භගත් සින් විසින් ඊට ප‍්‍රතිපක්‍ෂව සටන්කාමී ලෙස අධිරාජ්‍යඨවාදයට එරෙහිව අරගල කිරීම වඩා ඵලදායී බව ඉස්මතු කරමින් ඉන්දියාව පුරා විප්ලවීය ව්‍යාපාරය ඇවිළවීමට තමන්ගේ සගයින් සමග ජීවිත පරිත්‍යාගයෙන් වැඩ කළහ. පසුව ඉංග‍්‍රීසීන්ගේ අත් අඩංගුවට පත් වූ ඔහු එල්ලා මරා දමන ලදි. එවිට ඔහුගේ වයස 23ක් විය. ‘‘මා අදේවවාදියෙකු වූයේ මන්ද’’ යන ශ්‍රේෂ්ඨ ලිපිය ඔහු විසින් රචනා කරන ලද්දේ මරණ දණ්ඩනය නියමව සිරගතව සිටියදීය.

එසේ ඇරඹුණු ඉන්දියාවේ විප්වවාදී ව්‍යාපාරයේ නොනිමි ගමන අද දක්වාම එහි සටන්කාමී භූමි භාග සිසාරා පැතිර යයි… ඉන්දියාවේ කදිම දූ පුතුන්, නැක්සලයිවරු (මාඕවාදීන්) ලෙස හඳුන්වන ඔවුහු ශ්‍රේෂ්ඨ නිර්ධන පංති ජාත්‍යන්තවාදයේ ජීව ගුණයෙන් නව ලොවක් පිබිදවීම උදෙසා සටන් වදියි… ඒ අභිත අරගලය ලොව පුරා සියළු ප‍්‍රජාතන්ත‍්‍රවාදීන්ගේ, විප්ලවවාදීන්ගේ සහ කොමියුනිස්ට්වාදීන්ගේ අරගලය ද වන්නාහ…

ඔහු විසින් ලියූ ‘‘මා අදේවවාදියෙකු වූයේ මන්ද’’ කෘතිය ඉදිරියේදී මාඕවාදී විප්ලවීය ලීගය විසින් මෙහි පළ කිරීමට කටයුතු කරයි…

මේ එයින් උපුටාගත් පාඨ කිහිපයකි…

“ඔබේ ඇස් ඇර බලන්න හිර ගෙවල්වල භයානක ඇඳිරි කාමරවලට වඩා අපිරිසිදු මුඩුක්කුවල සහ පැල්පත්වල මිලියන ගනන් මිනිසුන් හාමතින්……..”

“ධනවත් ජාතීන් සිය අතිරික්ත නිෂ්පාදනය දුප්පත් සහ කිසිවක් නැති අය අතර බෙදා දෙනවා වෙනුවට මුහුදට විසි කරන අයුරු බලන්න. මිනිස් ඇටකටු මත ඉදිකරන ලද රජවරුන්ගේ මාළිගා තිබේ…”

 “දෙවියන් සම්භවය (බිහි වීම) වීම සම්බන්ධයෙන් ගත් කල , මිනිසා සිය දුබලකම්, සීමාවන් සහ අඩුලූහුඬුකම් අවබෝධ කරගත් විට සිය මනහ්කල්පනය තුළ දෙවියන් නිර්මිත කළේය යන්න මගේ සිතුවිල්ල වේ. මේ ආකාරයෙන් ඔහු තැත් කරන ලද සිය`ඵ ම කාරණාවන්ට මුහුණ දීමට සහ සිය ජීවිතය තුළ වෙසෙසින් හටගන්නා සියළු අන්තරායන්ට මුහුණ පෑමට මෙන්ම සමෘද්ධිමත් සහ පොහොසත් බවේදී සිය කලහකාරීත්වය මැඩ පැවැත්වීමට ඔහු ධෛර්ය ලබා ගත්හ. දෙවියන්ව, මනස් පරිකල්පනය තුළ වෛවර්ණ ආකරයෙන් සර්වබලධාරී හැකියාවන් සහ ස්නේහවන්ත උදාරත්වය සමග පින්තාරු කරන ලදි. මිනිසා සමාජයට අනතුරුදායක නොවන්නකු සේ වග බලා ගැනීමට වරින් වර දෙවියන්ගේ කෝපය සහ ඔහුගේ නීති ප‍්‍රචාරණය කරමින් ඔහුව පලිගැනීමේ සාධකයක් ලෙස භාවිතා කරන ලදි. පීඩිත ආත්මයේ වැළපීම බවට ඔහු පත් කරනු ලදුව මිනිසා හුදෙකලාබවට සහ අසරණ බවට පත්වන පීඩාකාරී වෙලාවේදී නැගිට සිටුවීමට සිටින මවෙක් සහ පියෙක්, සොහොයුරියක් සහ සොහොයුරෙක්, සොහොයුරෙක් හෝ මිතුරෙක් ලෙස විශ්වාස කරනු ලැබූහ. ඔහු සර්වබලධාරී වූ අතර ඕනෑම දෙයක් කළ හැකි විය. පීඩාවෙන් සිටින මොහොතේදී දෙවියන් පිළිබඳ අදහස මිනිසාට ප‍්‍රයෝජනවත් විය…”

“සමාජය ප‍්‍රතිමාවලට වැඳීම සහ අනෙකුත් පටු ආගමික සංකල්පයන්ට එරෙහිව සටන් කලා මෙන්ම දෙවියන් ගැන වූ මේ විශ්වාසයට එරෙහිව සටන් කළ යුතුය. මේ ආකාරයට මිනිසා ඔහුගේ දෙපතුලින් සිට ගැන්මට උත්සහ කළ යුතුය. යථා තත්වය දකිමින්, ඔහුට ඔහුගේ ඇදහිලි පසෙකට විසි කර දමා සියළු එදිරිවාදිකම්වලට ධෛර්යයෙන් යුතුව සහ නීර්භීතව මුහුණ දීමට සිදුවනු ඇත. මෙය නිසැක ලෙසම මගේ මනසෙහි තිබෙන ස්ථාවරයයි. මගේ මිතුරනි, එය අහංකාරයක් නොවේ; එය මාව අදේවවාදියෙකු කළ මගේ සිතීමේ ආකාරය වෙයි. දෙවියන් ගැන මගේ විශ්වාසය බලවත් කරමින් දිනපතාම ඔහුට යාඥ කිරීමට මම කල්පනා නොකරමි, (මෙය මිනිසා තුළ වූ ඉතාම අධම අංගයක් ලෙස මම සලකමි. ) මගේ තත්වය තුළ වැඩි දියුණුවක් ඇති කිරීමට මට හැකිය, එසේ නැතිව එය තවදුරටත් පහතට දැමීම නොවේ. බොහෝ අදේවවාදීන් කරදර වලට අභීත ලෙස මුහුණ දුන් බව මම කියවා ඇත්තෙමි, එබැවින් පෝරකය මත දී වුව; මම අවසානය දක්වාම හිස ඔසවාගෙන කෙලින් තබාගෙන මිනිසෙකු ලෙස නැගී සිටීමට උත්සාහ කරමි…”

“මගේ අචල බව කෙතරම් ද බලන්න. මගේ මිතුරකු මට යාඥ කරන්නැයි කීහ. මා අදේවවාදියෙකු බව දැනුම් දුන් විට, ඔහු මෙසේ කීය, ‘‘ඔබේ අවසන් දවස් එළඹුණු පසු, ඔබ විශ්වාස කරන්නට පටන් ගනීවි.’’ මම කීවෙමි, ‘‘නැත, ආදරණීය මහත්මයා, එය කවදාවත් සිදු නොවේ. මම එය නින්දා සහගත සහ දූෂිත ක‍්‍රියාවක් ලෙස සලකමි. එවැනි පටු ආත්මාර්ථකාමී අභිප‍්‍රායන් වෙනුවෙන්, මම කිසිදා යාඥ නොකරමි.’’ පාඨකයෙනි මිතුරනි, එය අහංකාර බවක්ද? එය එසේ නම්, මම එය සඳහා නැගී සිටිමි…”

————