Category Archives: CCP Maoist

නේපාලය – නව එක්සත්බවක්… නමුත් වඩාත් ම වැදගත් වන්නේ – මහජන යුද්ධය වෙනුවෙන් – මාඕවාදය වෙනුවෙන් සංශෝධනවාදයට එරෙහිවීමයි.

නේපාලය – නව එක්සත්බවක්… නමුත් වඩාත් ම වැදගත් වන්නේ – මහජන යුද්ධය වෙනුවෙන් – මාඕවාදය වෙනුවෙන් සංශෝධනවාදයට එරෙහිවීමයි …

නේපාල කොමියුනිස්ට් න්‍යෂ්ටිය සහ නේපාල කොමියුනිස්ට් පක්ෂය මාඕවාදී (විප්ලවකාරී) එක් පක්ෂයක් බවට පත්වීම නිවේදනය කරයි.

නේපාලය, කත්මණ්ඩු, ජුනි 16:

two-maoist-unified

දස වසරක මාඕවාදී ව්‍යාපාරය සම්පූර්ණ කිරීමට ආයුධ සන්නද්ධ විප්ලවය සඳහා මාඕවාදී පක්ෂ දෙකක් එක්සත් වෙයි. හේමන්ත ප‍්‍රකාශ් ඔලි (Hemanta Prakash Oli) විසින් නායකත්වය දෙන කොමියුනිස්ට් න්‍යෂ්ටි නේපාල පක්ෂය සහ භූපේන්ද්‍ර න්‍යුපානි (Bhupendra Neupane) විසින් නායකත්වය දෙන නේපාල කොමියුනිස්ට් පක්ෂය මාඕවාදී (විප්ලවවාදී) මාධ්‍ය ප‍්‍රකාශයක් නිකුත් කරමින් මාධ්‍යවේදීන්ට පවසා සිටියේ මහජන විප්ලවය සිදු කිරීමට ආයුධ සන්නද්ධ විප්ලවය දියත් කරන බවයි. එක්සත්වීමෙන් පසු පක්ෂයේ නව නාමය ලෙස ‘නේපාල කොමියුනිස්ට් න්‍යෂ්ටිය’ තෝරාගත්හ. පක්ෂයේ සම්බන්ධීකාරක ලෙස හේමන්ත ප‍්‍රසාද් ඔලි තේරී පත්වී ඇත.

Advertisements

A MARXIST LOOKS AT THE HISTORY OF CEYLON

ලංකා ඉතිහාසය දෙස මාක්ස්වාදී ඇසකින් |

A MARXIST LOOKS AT THE HISTORY OF CEYLON

ලංකා ඉතිහාසය දෙස මාක්ස්වාදී ඇසකින් – සිංහල බසින්

71 කැරළි සමයේ රඳවාගන සිටියදී ඇන්. ශන්මුගදාසන් විසිනි ලියන ලදි..

‘‘අපක්‍ෂපාතීත්වය, මෝඩයකුගේ කොදැනුවත්කමයි; නැත්නම්, චපලයකුගේ කෛරාටිකකමයි’’

 

A MARXIST LOOKS AT THE HISTORY OF CEYLON – In English Language

cover-NS-HC

Written in detention

Impartiality is Either the Ignorance of a fool of the trickery of a knave.

‘‘ලංකා ඉතිහාසය දෙස මාක්ස්වාදී ඇසකින්’’ ලිපියක් ස්පාඥ්ඥ බසින් පල වේ

‘‘ලංකා ඉතිහාසය දෙස මාක්ස්වාදී ඇසකින්’’ ලිපියක් ස්පාඥ්ඥ බසින් පල වේ

සහෝදර එන්. ශන්මුගදාසන් විසින් රචිත ‘‘ලංකා ඉතිහාසය දෙස මාක්ස්වාදී ඇසකින්’’ [Sinhalese PDF ; English PDF] කෘතියේ කොටසක් ස්පාඥ්ඥ බසට පෙරලමින් https://victoriaoprimidos.wordpress.com/2015/08/16/la-acumulacion-primitiva-de-capital-en-ceilan/ වෙබ් අවඩියේ පල කාට තිබේ. පරිවර්තනය කොට ඇත්තේ අදාල අඩවිය පවත්වාගෙන යන වික්ටොෙරියෝ ප‍්‍රයිමිඬේස් -victoriao primidos විසිනි.

https://victoriaoprimidos.wordpress.com/2015/08/24/division-en-las-filas-revolucionarias-de-ceilan/

https://victoriaoprimidos.wordpress.com/2015/08/16/la-acumulacion-primitiva-de-capital-en-ceilan/

ජාතික ප‍්‍රශ්නය පිළිබඳව කම්කරු පංති ස්ථාවරය කුමක් විය යුතුද?

ජාතික ප‍්‍රශ්නය පිළිබඳව කම්කරු පංති ස්ථාවරය කුමක් විය යුතුද?

            දශක දෙකක් පුරා දිවයිනේ උතුරු/නැගෙනහිර යුද්ධය ශ්‍රී ලංකාවේ දැවෙනතම දේශපාලන ප‍්‍රශ්නය බවට පත්වී ඇත. සියලූම ප‍්‍රශ්නයන් දිනෙන් දිනම උග‍්‍රවන අතර කටුනායක ප‍්‍රහාරයෙන් පසු එය තවත් තීව‍්‍රවී ඇත. එක්සත් ජනපද අධිරාජ්‍යවාදීන් ඇෆ්ගනිස්ථානයට එරෙහිව පටන් ගත් මිලේච්ඡ යුද්ධයෙන් පසු ලොව පුරා ජාතික ප‍්‍රශ්නයද අනෙකුත් ප‍්‍රශ්නයන් මෙන්ම බරපතල ලෙස අර්බුදයකට පත්ව ඇත. ශ්‍රී ලංකාවේ ජාතික ප‍්‍රශ්නයටද එය එලෙසින්ම බලපානු ඇත. මෙම යුද්ධයේ සියලූම බර පීඩිත ජාතීන් හා ජනතාව මතම එය පටවා ඇත. පසුගිය කාලය තුල වරින් වර පවත්වන ලද සාම සාකච්ඡා ගිවිසුම් පුම්බන ලද බැළුම් බවට පත්වී ඇත. ජනතාවගේ කිසිදු විශ්වාසනීයත්වයක් දිනාගැනීමට ඒවා සමත් වී නැත. කම්කරු පංතිය හා ගොවි ජනතාව මෙම ප‍්‍රශ්නයට මැදිහත්වීම සියුම් ලෙස වලකන අතර නොයෙකුත් උපමාරු යොදමින් රවටා ඇත. ඉතාමත්ම තීරණාත්මක හා වැදගත්ම දෙය කම්කරු පංතිය හා පීඩිත ජනතාව මෙම යුද්ධය කෙරෙහි ගනු ලබන ස්ථාවරයයි.

එල්.ටී.ටී.ඊ කාන්තා සෙබලියන් පෙරෙට්ටුවක, 2002 කිලිනොච්චිය

කම්කරු පංතියේ ඉතිහාසීය කාර්යභාරය

            ධනේශ්වර සමාජය බිහිවීමත් සමඟම සියලූම ධනය උපදවන ඒ සඳහා සිය ශ‍්‍රම ශක්තිය වැය කරන, නමුත් කිසිම නිෂ්පාදනයන්ගේ අයිතිය අහිමි කරනු ලැබූ, ඉතිහාසය ගොඩනඟන ප‍්‍රධාන බලවේගය බවට කම්කරු පංතිය පත් විය. සූරාකෑමේ ඉතිහාසීය යුගය අවසන් කරන, මිනිසා විසින් මිනිසා සුරාකෑමෙන් තොර පංති රහිත, කොමියුනිස්ට් සමාජය බිහිකරන, ඉතිහාසීය කාර්යභාරය පැවරී ඇත්තේද කම්කරු පංතියටයි. ලාංකීය කම්කරු පංතියද ඉතිහාසීය කාර්යභාරය පැවරී ඇති ලෝක කම්කරු පංතියේම අඛණ්ඩ කොටසකි. ඕනෑම පීඩිත පංතියක් විසින් පීඩනයට එරෙහිව ගෙන යන අරගලයේ දී කිසිම පැකිලීමකින් තොරව ඒ වෙනුවෙන් නැඟී සිටින පංතිය ද, කම්කරු පංතියයි. අධිරාජ්‍යවාදී යුගයේදී පීඩිත රටවල ගොවි ජනතාව නොයෙකුත් සූරාකෑමට පත්වී පරාධීන ජනතාවක් බවට පත්වේ. කම්කරු පංතිය හා ගොවි ජනතාව සියලූම ජාතීන්ට අයත්ය. මෙම යුද්ධයේ සියලූම බර මෙම පංතීන් උසුලයි. ඉතිහාසය ගොඩනගන කම්කරු පංතිය සියලූම ප‍්‍රශ්නවලදී මෙන්ම මෙහිදීද සිය ස්ථාවරය මත සටන් වැදිය යුතුය. එමනිසා ජාතික ප‍්‍රශ්නය කෙරෙහි කම්කරු පංතිය ගතයුතු ස්ථාවරය පැහැදිලි විය යුතුය. සියලූම ප‍්‍රගතිශීලී බලවේගයන් කම්කරු පංතියේ නායකත්වය බලාපොරොත්තු වෙයි. මේ නිසා යුද්ධයේ සියලූම පාර්ශවයන්ගේ පංති ස්වභාවයත් ඔවුන්ගේ ඉලක්කයනුත් ගැඹුරින් වටහා ගැනීමට කම්කරු පංතිය, පීඩිත ජාතීන් හා ජනතාව සමත් විය යුතුය. එමෙන්ම සෑම බලවේගයක්ම මෙතෙක් ගෙන ඇති ස්ථාවරයන් හා කි‍්‍රයාමාර්ගයන්ද වටහා ගත යුතුය.

ජාතික ප‍්‍රශ්නයේදී කම්කරු පංතිය කි‍්‍රයාකළ යුතු ආකාරය (මාක්ස්, ලෙනින්, මාඕ සේතුං)

            රදළ වැඩවසම් සමාජය බිඳ වැටෙන්නට පටන් ගත්තේ ධනේශ්වර ක‍්‍රමය ඒ තුළ වැඞී ධනේශ්වර පංතියට රාජ්‍ය බලය ලබාගැනිමේ ඓතිහාසික උවමනාවත් සමඟය. යුරෝපයේ ධනවාදය බිහිවීමේදී රදළ ආධිපත්‍යයට එරෙහිව ධනේශ්වර ප‍්‍රජාතන්ත‍්‍රවාදය සඳහා අරගල ආරම්භ විය. රදළ ආධිපත්‍ය බිඳ දැමීම සඳහා යුරෝපය පුරාම ගොවි යුද්ධ ඇති විය. ධනවාදය සමාජවාදයට පදනම සකසන බවත් එනම් නිෂ්පාදනය සමාජමය නිෂ්පාදනය බවට පත් කරන බවත් ඒ සඳහා නායකත්වය දෙන කම්කරු පංතිය, පුලූල් කරන නිසාත් ප‍්‍රවේනිදාස ක‍්‍රමයට එරෙහිව ගෙන ගිය සියලූම ගොවි යුද්ධ ප‍්‍රගතිශීලී බවත්, මාක්ස්වාදීන් එම අරගලවලට පක්‍ෂ වියයුතු බවත් මාක්ස්, එංගල්ස් පැවසීය. කම්කරු පංතිය එම අරගලවලට සහයෝගය දියයුතු බව මාක්ස්වාදය ආරම්භයේදීම ප‍්‍රකාශකර තිබුණි. වෙනත් ජාතියක විමුක්තිය වෙනුවෙන් සටන් නොකරන ජාතියකට සිය ජාතියේ විමුක්තිය උදාකරගත නොහැකි බවත් පැහැදිලිවම ප‍්‍රකාශකර තිබුණි. ධනේශ්වර ප‍්‍රජාතන්ත‍්‍ර විප්ලවය, නිර්ධන පංති විප්ලවයට බලපාන්නේ කෙසෙද? නිර්ධන පංතිය ධනේශ්වර ප‍්‍රජාතන්ත‍්‍ර විප්ලවය දෙස බැලිය යුත්තේ කෙසෙද? මෙම විප්ලවයන් එකිනෙකින් වෙන්කළ නොහැකිය. ධනවාදය විවිධ සංවර්ධනයන් හරහා කි‍්‍ර.ව. 1900 වන විට එහි ඉහලම හා අවසාන අවධිය වන අධිරාජ්‍යවාදය කරා ලඟාවී ඇති බව ලෙනින් විග‍්‍රහ කළේය. 1871 දී පැරිස් කොමියුනයේ අත්දැකීම් ග‍්‍රහණය කළ ලෙනින් නිර්ධන පංති ආඥදායකත්වය විග‍්‍රහ කළේය. මාක්ස්, එංගල්ස් ගේ අභාවයෙන් පසු දෙවන ජාත්‍යන්තරයේ නායකයින් වූ බර්න්ස්ටින්ගේ, එයට පසු කාල්කෞට්ස්කිගේ, මාක්ස් වාදයට ආසන්න පාටවලින් වසා තිබූ සංශෝධන වාදයට එරෙහිව දෘෂ්ටිමය අරගලය අඛණ්ඩව ගෙන ගියේය. එම අරගලයන් හරහා ශ්‍රෙෂ්ඨ ඔක්තෝබර් විප්ලවයට නායකත්වය දීමට ලෙනින්ට හැකි විය. ඒ නිසාම කම්කරු පංතිය දැන් ඒ ඉගැන්වීම් නැවත උගත යුතුය. අධිරාජ්‍යවාදී යුගය, අධිරාජ්‍යවාදයත් නිර්ධන පංති විප්ලවයත් අතර යුගයක් බව ලෙනින් පෙන්වාදුණි. රුසියාවේ රදළ වැඩවසම් පීඩනයට එරෙහිව ගෙනගිය ධනේශ්වර ප‍්‍රජාතන්ත‍්‍ර විප්ලවය දැනුවත්ව, කම්කරු පංතිය ඒවාට සහයෝගය දියයුතු බවත් ජාතීන්ගේ ස්වයං තීරණ අයිතිය පිලිගත යුතු බවත් නිර්ධන පංති වැඩපිලිවෙලෙහි ලෙනින් පැහැදිලිවම අන්තර්ගත කළේය. රුසියානු සමාජ ප‍්‍රජාතන්ත‍්‍රවාදී කම්කරු පක්‍ෂයෙහි වැඩපිලිවෙලෙහි ‘‘ස්වයංතීරණ අයිතිය’’, ජාතීන් සතු අයිතියක් බවත් එය නිර්ධන පංති වැඩපිලිවෙලෙහි අඛණ්ඩ කොටසක් බවත් ලෙනින් පැහැදිලිව පෙන්වා දුන්නේය. රෝහණ විජේවීර ලියද ලද ‘‘ජාතික ප‍්‍රශ්නයට නිර්ධන පංති විසඳුම’’ යන පොතෙහි මෙය ඔක්තෝබර් විප්ලවයට පසුව ලෙනින් අත්හැර දැමූ බවත් එය දෙවෙනි ජාත්‍යන්තරයේ කෞට්ස්කිලාගේ වැඩපිලිවෙලක් බවත් පවසමින් ලාංකීය දේශපාලනයේ වැරදි දිසාවකට මුළුමහත් ජනතාව යොමුකර ඇති බවත් තේරුම් ගත යුතුයි. ඒ නිසා මෙම පාඩම් නැවත නැවතත් කම්කරු පංතිය ග‍්‍රහණය කළ යුතුය. එසේ කළේ ඔවුන් වචනයෙන් මාක්ස් ලෙනින් වාදීන් හැටියට පෙනී සිටියද කි‍්‍රයාවෙන් මාක්ස් ලෙනින් වාදයෙන් පලා ගිය බැවිණි. ජාතිවාදීන් වූ බැවිණි. ඒ වැරැද්ද ඔවුන් පිට, පැටවීමත් බලවත් වරදකි. මන්ද යත් ආරම්භයේදීම වමේ ව්‍යාපාරයද මාක්ස් ලෙනින් වාදය අතහැර දමා තිබුණ බැවිණි.

මාඕ සේතුං හා චීන විප්ලවය

            ඔක්තෝබර් විප්ලවයෙන් පසු ලෝක තත්ත්වය සම්පූර්ණයෙන්ම වෙනස් වූ බව මාඕ සේතුං ප‍්‍රකාශ කළේය. කම්කරු පංතිය සෝවියට් දේශයෙහි බලයට පැමිණීම ලෝකය වෙනස් තත්ත්වයකට පැමිණීමට හේතුව විය. එම නිසා ධනේශ්වර ප‍්‍රජාතන්ත‍්‍ර විප්ලවය අලූත් ආකාරයක් ගන්නා බව ප‍්‍රකාශ කළේය. ඔක්තෝබර් විප්ලවයට පසු ධනේශ්වර ප‍්‍රජාතන්ත‍්‍ර වාදී විප්ලවය ගන්නා ආකාරය සම්පූර්ණයෙන්ම වෙනස් වන බව විග‍්‍රහ කළේය. කොටින් කියතොත් ඔක්තෝබර් විප්ලවයට පසු ධනේශ්වර ප‍්‍රජාතන්ත‍්‍ර විප්ලවයට නායකත්වය දීමට ධනේශ්වර පංතිය අසමත් බව ඔක්තෝබර් විප්ලවයේ අත්දැකීම් මත මාඕ සේතුං සහෝදරයා පෙන්වා දුන්නේය. එම නිසා ධනේශ්වර ප‍්‍රජාතන්ත‍්‍ර විප්ලවයේ කර්තව්‍යයන් ඉටුකිරීමටද පැවරී ඇත්තේ කම්කරු පංතියට බව පැවසීය. එම නිසා ධනේශ්වර ප‍්‍රජාතන්ත‍්‍ර විප්ලවයේ නායකත්වය කම්කරු පංතිය ගතයුතු බව පෙන්වා දුන්නේය. එය චීනයේ විශේෂිත තත්ත්වයන් හා ගලපමින් ධනේශ්වර ප‍්‍රජාතන්ත‍්‍ර විප්ලවය නව ප‍්‍රජාතන්ත‍්‍ර විප්ලවය ලෙස විග‍්‍රහ කළේය. ජාතික ප‍්‍රශ්නයත් නව ප‍්‍රජාතන්ත‍්‍ර විප්ලවයේම කොටසක් බවත්, එයද කම්කරු පංතිය දිනාදිය යුතු බවත් ඔක්තෝබර් විප්ලවයේ වෙඩි හඬ මාක්ස්, ලෙනින්වාදය චීනයට ගෙනා බවත් එය චීන විප්ලවයේ කි‍්‍රයාමාර්ගයට මඟ පෙන්වන බවත් පැහැදිලි කළේය.

            ඔක්තෝබර් විප්ලවයට නායකත්වය දුන් රුසියානු සමාජ ප‍්‍රජාතන්ත‍්‍රවාදී කම්කරු පක්‍ෂය විප්ලවයෙන් පසු රුසියානු කොමියුනිස්ට් පක්‍ෂය ලෙස නම් කළේය. එය අතීතයෙන් කැඩි වෙන්වීමක් බවත් නිර්ධන පංතියේ අනාගත කර්තව්‍යයන් එහි කැටිකරන බවත් පෙන්වා දුන්නේය. එය කොමියුනිස්ට් ප‍්‍රකාශනයට මාක්ස්, එංගල්ස් එම නම තැබීම හා සමානය. සියලූම ප‍්‍රතිසංස්කරණවාදීන්ගෙන්, සංශෝධනවාදීන්ගෙන්, සමාජ ජාතිවාදී බලවේගයන්ගෙන් වෙන්වීමත්, අනාගතය නියෝජනය කිරීමත් සඳහාය. චීන කොමියුනිස්ට් පක්‍ෂය ඔක්තෝබර් විප්ලවයේ අත්දැකීම් සංකේන්‍ද්‍රනය වීමකි.

            මේ රටේ සියලූම වාමාංශික යයි හඳුන්වන සියලූම සංවිධානවලට උපත දුන්නේ ලංකා සමසමාජ පක්‍ෂයයි. ලංකා සමසමාජ පක්‍ෂයේ නම දෙසම බලන්න. 1935 සිට අද දක්වා එහි කි‍්‍රයාමාර්ගයන් විමසා බලන්න. අද වාමාංශික විකල්පයක් ගැන අඬා වැලපෙන බලවේගයන් ඉතිහාසය විමසා බලන්නේ නම් ඉතිහාසයේ ගමන් මග වටහා ගැනීම අපහසු නොවනවා ඇත.

            මාඕ සේතුං සහෝදරයා ‘‘ස්වයංතීරණය’’ ගැන විග‍්‍රහ කරන්නේ කෙසේද? නැවත නැවතත් පැහැදිලි කරගත යුතුය. ඔක්තෝබර් විප්ලවයෙන් පසු ලෝක තත්ත්වය සම්පූර්ණයෙන්ම වෙනස් විය. ඔක්තෝබර් විප්ලවයට පෙර නිර්ධන පංතියට පැරිස් කොමියුනය හැර වෙනත් අත්දැකීමක් නොවීය. ඔක්තෝබර් විප්ලවයට පෙර ‘‘ජාතීන්ගේ ස්වයංතීරණය’’ ධනේශ්වර ප‍්‍රජාතන්ත‍්‍රවාදී විප්ලවයට අයත්ය. එහි නායකත්වය ධනේශ්වර පංතිය සතුය. දැන් ධනේශ්වර පංතිය ධනේශ්වර විප්ලවයට නායකත්වය දීමටත් අසමත්ය. නිර්ධන පංතිය බලයට ඒම වැලැක්වීම සඳහා ධනේශ්වර පංතිය රදළ පංතීන් හා අධිරාජ්‍යවාදීන් සමග සංධානගත වෙයි. එය ඉතිහාසයේ අත්දැකීම් වලින් මනාව පැහැදිලි වෙයි. දැන් ජාතීන්ගේ ස්වයංතීරණ අයිතියත් නිර්ධන පංති විප්ලවයේම කොටසකි. එමනිසා ජාතීන්ගේ ස්වයංතීරණ අයිතිය දිනාදීමත් නිර්ධන පංතියට පැවරෙන කාර්යයක් ලෙස මාඕ අවධාරණය කළේය. මාක්ස් ලෙනින්වාදය මෙසේ සිය වැඩපිළිවෙලෙහි අන්තර්ගත කරන්නේ චීන කොමියුනිස්ට් පක්‍ෂයයි.

ලංකාවේ ප‍්‍රජාතන්ත‍්‍රවාදී අරගලයේ ඉතිහාසය

            ලංකාවේ ජාතික ප‍්‍රශ්නයේ මූලයන් පළමුවන ලෝක යුද්ධයේ අවසානයත් සමග දේශපාලන වේදිකාවේ අවතීරණය වී ඇත. එතැන්සිට අද දක්වාම දිගින් දිගටම අනෙකුත් ප‍්‍රශ්නයන් මෙන්ම එයද විසඳුමක් ලැබෙනතුරු සමාජ සංවර්ධනයත් සමග උග‍්‍රවෙමින් ගමන් කරයි. එමනිසා මෙම ප‍්‍රශ්නයේ හරය වටහා ගැනීමට ලාංකීය ඉතිහාසය දෙස ආපසු හැරී බැලිය යුතුය. ප‍්‍රශ්නයන් උග‍්‍රවන සෑම විටකම විවිධ දේශපාලන සංවිධාන විවිධ විසඳුම් ඉදිරිපත් කර ඇත. ඒ සෑම විසඳුමකම පංති ස්වරූපයනුත් පංති උවමනාවනුත් අඩංගු වී ඇත. ඉදිරිපත්කර ඇති සෑම විසඳුමක්ම එම බලවේග එවැනි අවස්ථාවලදී කි‍්‍රයාකර ඇති ආකාරයත් විමසා බැලිය යුතුය.

            බි‍්‍රතාන්‍ය අධිරාජ්‍යවාදීන් 1815 මාර්තු ගිවිසුම හරහා උපායෙන් මෙරට යටත්කර ගන්නට යෙදුණි. රදළ වැඩවසම් සමාජයේ පාලනය බිඳවැටීම බි‍්‍රතාන්‍ය අධිරාජ්‍යවාදී පාලනය ඇරඹීමත් සමඟ සනිටුහන් කරයි. ශ්‍රී වික‍්‍රම රාජසිංහ රජු බි‍්‍රතාන්‍ය පාලකයන්ගේ සිරකරුවෙකු බවට පත්වෙයි. අවුරුදු දහස් ගණනක සූරාකෑ ඉතිහාසයකට උරුමය ඇති රදළ පාලනය මෙහි අවසන් වන්නේ එලෙසය. බි‍්‍රතාන්‍ය යටත්විජිත පාලනය ජනතාව කැමැත්තෙන් වැලඳගත්තේ නැත. 1818 දී උඩරට ගොවි කැරැල්ලකින් පටන්ගත් විමුක්ති අරගලය මිලේච්ඡ මර්ධනයකින් මැඩපැවැත් විය. රදළ පංතීන් වඩ වඩාත් බි‍්‍රතාන්‍ය අධිරාජ්‍යවාදීන් පසු පසම විය.

            බි‍්‍රතාන්‍ය අධිරාජ්‍යවාදීන් ගේ ආර්ථික උවමනාවන් මත මෙරට ආර්ථිකය හසුරුවන්ට විය. එයට අනුරූපව දේශපාලනය හැඩගැසෙන්නට විය. බි‍්‍රතාන්‍ය යටත් විජිත පාලනයට එරෙහිව සටන් වැදුණු ඉතිහාසයකින්, ඉතිහාසය පිරී ඇත. ජනතාව මත පටවන ලද බදුවලට එරෙහිව මාතලේ කැරැල්ල පැන නැඟුණි. ජනතාව එයටද ලෙයින් මිළ ගෙවීය. සටන් වැදුණු බලවේගයන් සෑම විටම පාලකයින් ගේ පැත්තෙන් මිලේච්ඡයන් ලෙස හංවඩු ගැසිණි.

            අධිරාජ්‍යවාදීන්ට අමුද්‍රව්‍ය සපයන බිමක් බවට ශ්‍රී ලංකාව පත්විය. උඩරට වනාන්තර විනාශකරමින් තේ වගාව ආරම්භ කරමින් ස්වයංපෝෂිත රදළ ආර්ථිකය තුල ධනවාදී ආර්ථිකයට මුලපිරුණි. වැව් හා වාරිමාර්ග උවමනාවෙන්ම විනාශ වී යාමට ඉඩහරිමින් කුඹුරු ගොවිතැන අඩාල කළේය. ධනවාදයත් සමගම කම්කරු පංතිය බිහිවීම ධනවාදයේ අනිවාර්ය ලක්‍ෂණයයි. බි‍්‍රතාන්‍ය අධිරාජ්‍යවාදීන් ගේ තවත් යටත් විජිතයක් වූ ඉන්දියාවෙන් ගෙන ආ ද්‍රවිඩ ජාතීන්ගෙන් මෙරට කම්කරු පංතිය බිහිවිය. මෙරට ධනවාදී ආර්ථිකයට මුල පිරුණේ එලෙසය. රදළ ආර්ථිකය හා රදළ පාලනය සම්පූර්ණ විනාශයකින් තොරව (ප‍්‍රතිසංස්කරණවාදීව) ධනවාදී ආර්ථිකය බිහිවිය. ලාංකීය සමාජයේ ද අනෙකුත් යටත් විජිත වල මෙන්ම ධනවාදයේ විශේෂිත ලක්‍ෂණයත් එයයි.

            බි‍්‍රතාන්‍යයින්ට උවමනාකළේ මෙරට සිත්සේ සූරා කමින් අධිරාජ්‍යවාදී පාලනය තහවුරු කිරීමයි. ඒ සඳහා ඔවුන් ධනවාදී ප‍්‍රතිසංස්කරණයන් කි‍්‍රයාවට නැංවීය. යටත්විජිතභාර මහලේකම්ලාට වගකියන මහරැජින පත්කරන ආණ්ඩුකාරයෙක් හරහා මෙරට පාලනය විය. බි‍්‍රතාන්‍ය පාලකයින් රදළ පංතීන් පාලනයට හවුල් කර ගන්නට විය. ඔවුන්ගේ නීතිය, ආගම, භාෂාව, සංස්කෘතිය මෙහි රජයන්නට විය. සෑම වර්ගයකම නායකයින් ඔවුන් පසුපස ඇදෙන්නට විය. නමුත් මෙරට සිංහල, දෙමළ, මුස්ලිම් කොටස් අතර ගැටුම් නොතිබිණි. ඔවුන්ගේ පොදු හතුරා බි‍්‍රතාන්‍ය අධිරාජ්‍යවාදීන් විය. ඔවුන් සියලූ දෙනාම තලා පෙලා දැමූයේ බි‍්‍රතාන්‍ය අධිරාජ්‍යවාදී පාලනයයි. බි‍්‍රතාන්‍ය අධිරාජ්‍යවාදීන් පලවා හැරීම ඔවුන්ට විමුක්තිය නිදහස ලැබීමට තිබූ මාවත විය. රදළ පංතීන්ද බි‍්‍රතාන්‍ය අධිරාජ්‍යවාදීන් පිටුපස පෙළගැසී ජනතාව සූරා කෑමට, ජනතාව පෙළීමට හවුල් විය.

            1914 දී අධිරාජ්‍යවාදීන් අතර වූ ලෝක යුද්ධය ලංකාවටද තීරණාත්මකව බලපෑවේය. අධිරාජ්‍යවාදයට එරෙහිව මෙරට ඇති විය හැකිව තිබූ ජනතා විරෝධය සිංහල මුස්ලිම් ගැටුමක් බවට හැරවීමට උපායශීලී විය. ලෝක යුද්ධය අවසාන වනවිට ලෝක තත්ත්වය සම්පූර්ණයෙන්ම වෙනස් විය. ලෝකයේ භූමි ප‍්‍රමාණයෙන් 1/6 ක ප‍්‍රදේශයක් අධිරාජ්‍යවාදී රදළවාදී පාලනයෙන් නිදහස්, කම්කරු පංති පාලනයෙන් යුත් සමාජවාදී රාජ්‍යයක් බවට පත් විය. බි‍්‍රතාන්‍ය අධිරාජ්‍යවාදී පාලනය දුර්වල විය. ඇමෙරිකන් අධිරාජ්‍යවාදය වර්ධනය විය.

            පළමුවන ලෝක යුද්ධයෙන් පසු බි‍්‍රතාන්‍ය අධිරාජ්‍යවාදීන්ට සිය යටත් විජිතවල පාලනය පෙරමෙන් පහසු නොවීය. එමනිසා දේශපාලන ප‍්‍රතිසංස්කරණ ඇතිකරන්නට සිදුවිය. මේ ප‍්‍රතිසංස්කරණ හේතුවෙන් ජාතික කොංග‍්‍රසයේ බෙදීම් ඇතිවිය. නායකත්වය අතර අසමගිය ඇති විය. බි‍්‍රතාන්‍ය පාලකයින්ගේ ප‍්‍රතිසංස්කරණ නිසා බෙදීම් ඇතිවූවද ඔවුන් පිටුපස පෙළගැසීමද වැඩිවිය. මෙම නායකයින් බි‍්‍රතාන්‍ය අධිරාජ්‍යවාදී උවමනාවන් වඩාත් හොඳින් ඉටුකිරීම වෙනුවෙන් ඉදිරිපත් විය.

            ව්‍යවස්ථාදායක මන්ත‍්‍රණ සභාවට නියෝජිතයන් පත්කිරීම හරහා බි‍්‍රතාන්‍ය අධිරාජ්‍යවාදීන්ට උවමනා රූකඩ පාලනය අත්හදා බලන්නට විය. 1931 දී ව්‍යවස්ථාදායක මන්ත‍්‍රණ සභාව පිහිටුවිය. සර්වජන ඡන්ද බලය ප‍්‍රදානය කෙරුණි. ව්‍යවස්ථාදායක මන්ත‍්‍රණ සභාවෙන් තමන්ට බලය අහිමි කිරීම ගැන උතුරේ ජනයා අතර ඡන්දය වර්ජනය කිරීමේ ව්‍යාපාරයක් දියත් විය. ඒ බි‍්‍රතාන්‍ය ප‍්‍රතිසංස්කරණයන්ට අනුව බලය නොලැබීමේ හේතුවයි. අධිරාජ්‍යවාදීන්ට කීකරුවී සිටි සිංහල ජන්මය ඇති රදළ පවුල්වලට බි‍්‍රතාන්‍ය අධිරාජ්‍යවාදීන් යටතේ බලය ලැබීම සිංහල, දෙමළ ජාතීන් අතර භේදය තීව‍්‍රර කිරීමට මඟ පෑදුවේය.

            බි‍්‍රතාන්‍ය අධිරාජ්‍යවාදය යටතේ මෙරට ධනවාදය ආරම්භ වීමත් සමග ලාංකීය සමාජය තුල ආර්ථික වර්ධනයේ විශේෂිත තත්ත්වයන් වෙනම සාකච්ඡා කළ යුතුය. බි‍්‍රතාන්‍ය අධිරාජ්‍යවාදී ආර්ථිකයට, දේශපාලනයට, සංස්කෘතියට හා භාෂාවට ගැතිවූ කොම්ප‍්‍රදෝරු පංතිය කම්කරු පංතිය හා අනිකුත් පංති ස්තරයන් ගැනද වෙනම සාකච්ඡා කළ යුතුය. 1931 දී ව්‍යවස්ථාදායක මන්ත‍්‍රණ සභාව ගැන උගතුන්, ප‍්‍රගතිශීලීන් ප‍්‍රකාශ කළ අදහස් මතුකර ගැනීමද වැදගත්ය.

වමේ ව්‍යාපාරය හා ජාතික ප‍්‍රශ්නය

            අවුරුදු සීයකටත් වඩා බි‍්‍රතාන්‍ය අධිරාජ්‍යවාදීන්ගේ හෙවණ මත වැඩුණු ඔවුන්ට ගැති බලවේගයන්ට දේශපාලන බලය ලැබෙන පරිදි භූමිය සකසා තිබුණි. සිංහල/දෙමළ භේදය උග‍්‍ර වන ආකාරයටත් සිංහල ජන්මය තිබූ රදළ පංතීන්ට අයත් ප‍්‍රභූ පවුල්වලට ව්‍යවස්ථාදායක මන්ත‍්‍රණ සභාවෙහි බලය ලැබෙන පරිදි කටයුතු සකසා තිබුණි. ඇමෙරිකාවේත් බි‍්‍රතාන්‍යයේත් අධ්‍යාපනය ලැබූ ප‍්‍රභූ පවුල්වල දරුවන්ගෙන් වමේ ව්‍යාපාරය මෙම අවධියේදී පටන් ගැනුණි. රදළයන්ට එරෙහිව කි‍්‍රයාකළ නමුත් රදළ ක‍්‍රමයට එරෙහිව විප්ලවීය ආකාරයෙන් සමාජය වෙනස් කිරීමේ අවශ්‍යතායවක් එහි නොවීය. අධිරාජ්‍යවාදීන්ගේ පාලන සමයෙහි පවා අධිරාජ්‍යවාදීන් පලවා හැර ජාතික විමුක්තිය දිනා ගැනීම වෙනුවට ධනේශ්වර ප‍්‍රජාතන්ත‍්‍රවාදය වෙනුවෙන් පෙනී සිටියේය. මෙම ව්‍යාපාරය 1931 පමණ ලංකා සමසමාජ පක්‍ෂයේ මුල්කාලීනයන්ගෙන් ආරම්භ විය. අද දක්නට ලැබෙන වමේ යයි හඳුන්වා ගනු ගබන සෑම දේශපාලන සංවිධානයකම මූලය එයයි. ඒ නිසා සමසමාජ පක්‍ෂයේ ගමන් මඟත් එහි කි‍්‍රයාකාරිත්වයත් ගැඹුරින් වටහා ගත යුතුය.

ලංකා සමසමාජ පක්‍ෂය

            ඔක්තෝබර් විප්ලවයේ වෙඩිහඬ මාක්ස්, ලෙනින්වාදය, චීනයට ගෙනා බව මාඕ සේතුං සහෝදරයා පැවසුවේය. දෙවන ජාත්‍යන්තරයේ සංශෝධනවාදී, ප‍්‍රතිසංස්කරණවාදී බර්න්ස්ටීන්ලාට, කෞට්ස්කිලාට එරෙහිව ගෙනගිය අඛණ්ඩ මතවාදී අරගලය සහ වැඩපිළිවෙලවල් හරහා රුසියානු කම්කරු පංතිය රදළ වැඩවසම් සාර් අධිරාජ්‍යවාදය පෙරලා දමා කම්කරු පංති රාජ්‍යයක් බිහිකිරීමේ පදනම ඇති කළේය. මෙම ළදරු කම්කරු පංති සමාජවාදී රාජ්‍යයට පිටතින් හා ඇතුලතින් විරුද්ධ වූ බලවේගයෝ වූහ. පිටතින් අධිරාජ්‍යවාදී පංති සමාජවාදී රාජ්‍යයට පිටතින් හා ඇතුලතින් විරුද්ධ වූ බලවේගයෝ වූහ. පිටතින් අධිරාජ්‍යවාදී බලවේගයෝය. සොවියට් දේශයේ විශාල ගොවිජනතාවක් පැවතීමේ හේතුවෙන් ගොවි ජනතාව ධනේශ්වර පංතිය ගොඩනඟන බවත් එනිසා කම්කරු පංති රාජ්‍යය ගොඩනැගිය නොහැකි බවට තර්ක කළ බලවේගයෝ ඇතුලතින් වූහ. ඒ අනුව කි‍්‍රයා කළහ. ලෙනින් හා ස්ටාලින් මෙම මතවාදයන්ට විරුද්ධව සටන් කළ අතර දුප්පත් ගොවි ජනතාව සමග කම්කරු පංතිය සංධාන ගත කළේය. බාහිර වූ අධිරාජ්‍යවාදී බලවේගයන් පරාජය කරමින් සමාජවාදී රාජ්‍යය ආරක්‍ෂා කළේය. සෝවියට් සමාජවාදී රාජ්‍යයට එරෙහිව ස්ටාලින්ගේ නායකත්වයට එරෙහිව ඇතුලතින් සටන් කළේ ට්‍රොට්ස්කිගේ නායකත්වයෙන් යුත් කණ්ඩායමයි. ලංකා සමසමාජ පක්‍ෂය ආරම්භ කරන්නේ ට්‍රොට්ස්කිවාදී දැක්මෙන්මය.

            ලංකා සමසමාජ පක්‍ෂය ආරම්භයේ සිටම ට්‍රොට්ස්කිවාදී විය. ඉන්දියානු සම්භවයක් ඇති වතුකම්කරුවන් හා නාගරික කම්කරු බලවේගයන් අතර ශක්තිමත් පදනමක් ඇතිකර ගන්නට හැකිවිය. ධනේශ්වර ප‍්‍රජාතන්ත‍්‍රීය අයිතීන් සඳහා උද්ඝෝෂණ කළේය. ජනතාවගේ ප‍්‍රධාන හතුරා වූයේ බි‍්‍රතාන්‍ය අධිරාජ්‍යවාදී පාලනයයි. බි‍්‍රතාන්‍ය අධිරාජ්‍යවාදී පාලනය පෙරළා දමා කම්කරු පංතියේ නායකත්වයෙන් ජාතික නිදහස දිනාගත යුතුව තිබුණි. නමුත් ඒ වෙනුවට කම්කරු ගොවි ආණ්ඩුවක් යන සටන් පාඨය ඉදිරිපත් කිරීමෙන් ජනතාව නොමඟ යැවීමට හවුල් විය. යටත් විජිත පාලනයට එරෙහි අධිරාජ්‍ය විරෝධී බලවේගයෝ වෙනත් දිශාවලට යොමු විය. නිදහස, භාෂාව , සංස්කෘතිය වෙනුවෙන් ජාතික මෙහෙවරට පෙළ ගැසී සිටි ප‍්‍රගතිශීලී බලවේගයෝ විය යුතු වූ පරිද්දෙන්ම හුදෙකලා විය. අධිරාජ්‍යවාදී පාලනයට එරෙහි එක්සත් පෙරමුණක් ගොඩනැගීම සිහිනයක්ම විය. මේ හේතුවෙන් ලංකා සමසමාජ පක්‍ෂය ආරම්භයේදීම ලංකාවේ යථා තත්ත්වයෙන් බැහැර වී අධිරාජ්‍යවාදීන්ගේ ප‍්‍රතිසංස්කරණ වලට නටන රූකඩ බවට පත්වූහ. මේ සඳහා ලංකා සමසමාජ පක්‍ෂයේ රුවන්වැල්ල මන්ත‍්‍රී වරයා වූ ඇන්. ඇම්. පෙරේරා දිවුරා පොරොන්දු වූයේ මෙලෙසය.

            ‘‘1936 මාර්තු 17 වෙනිදා රාජ්‍ය මන්ත‍්‍රණ සභාවේ රුවන්වැල්ල මන්තී‍්‍රවරයා ලෙස නානායක්කාර පතිරණගේ මාටින් පෙරේරා වන මම ශ්‍රී ලංකාද්වීපයේ රාජෝත්තමයාණන් වන නෛකශ්‍රීන් විරාජමාන අටවෙනි එඩ්වඩ් මහ රජ්ජුරුවන් වහන්සේටද, උන් වහන්සේගේ උරුමක්කාරයන්ටද උන්වහන්සේගේ ඇවෑමෙන් නීත්‍යානුකූලව රාජ්‍යයටද ප‍්‍රාප්තවන්නන්ටද භක්තිමත් වන බවටත් අවංකභාවයෙන් පක්‍ෂපාත වන බවටත් බහුමාන සහිතවද, අවංක ලෙසද සැබෑලෙසද, ප‍්‍රකාශ කොට මෙයින් සහතික කරමි.’’

(වලල්ගොඩ බන්දුතිලක – ඇන්. ඇම්. පිටු 42)

            ලංකා සමසමාජ පක්‍ෂය ගැන කෙසේ කල්පනා කළද එහි කි‍්‍රයාකාරිත්වය පාර්ලිමේන්තු වාදී මඩගොහොරුවේ එරී ගොඩ ගත නොහැකි වීමයි. එය පසු කාලයකදී සිට නොව ආරම්භයේදී වැරදි පදනමකින් ඇති වූවකි. ජාතික ප‍්‍රශ්නය කෙරෙහි පිවිසීම සිදුවූයේද වැරදි පදනමකින්ය. උන්නතිකාමී අරගල නිසා ජනතාව ඒ පිටුපස පෙල ගැසුනද ආගම් අබිං යැයි පැවසීමෙන් දුප්පත් ගොවි ජනතාව ගෙන් සම්පූර්ණයෙන් දුරස් වන්නට විය. කම්කරු පංතිය හා ධනේශ්වර ප‍්‍රතිසංස්කරණ තුල කොටු වන්නට විය. 1948 දී නව යටත් විජිත පාලකයින් ඉන්දියානු වතු කම්කරුවන්ගේ ඡන්ද අයිතිය අහෝසි කිරීමත් සමග වතු කම්කරුවන්ගේද දුරස් වන්නට විය. සමසමාජ පක්‍ෂයට උරුමව ඇත්තේ එවැනි ඉතිහාසයකි.

කොමියුනිස්ට් පක්‍ෂය

            දෙවන ලෝක යුද්ධයේ බලපෑම ලංකාව පුරා බලපවත්වන්නට විය. සියලූම දේශපාලන පක්‍ෂ සහ බහුජන සංවිධාන වලටද එකසේ බලපෑවේය. එම සංවිධාන දෙවන ලෝක යුද්ධය පිළිබඳව ගත් ස්ථාවරය විමසා බැලිය යුතුය. ලංකා සමසමාජ පක්‍ෂයටත්, ට්‍රොට්ස්කිවාදීන්ටත් අනුව එය අධිරාජ්‍යවාදීන් අතර වූ යුද්ධයක් විය. එය නිවැරදිය. එමෙන්ම ඔවුන් සෝවියට් සමාජවාදී රාජ්‍ය දෙස බැලූවේ කෙසේද? ඔවුන්ට එයත් ජර්මන්, ජපන් හා බි‍්‍රතාන්‍ය අධිරාජ්‍යවාදී බලවේගයන් හා සමාන විය. ස්ටාලින් ඔවුන්ට අනුව ද්‍රෝහියෙකි. එය අන්ත ප‍්‍රතිගාමී ස්ථාවරයකි. එමඟින් සෝවියට් රාජ්‍යයටත් එහි නායකත්වය දැරූ ස්ටාලින් සහෝදරයාටත් එරෙහි ව්‍යාපාරයක් දියත් කිරීමට සමසමාජ පක්‍ෂය ඉදිරිපත් විය. විය යුතු පරිද්දෙන්ම ලංකා සමසමාජ පක්‍ෂය භේදය ඇති විය. සෝවියට් රාජ්‍යයත් ස්ටාලින් සහෝදරයාත් ආරක්‍ෂා කළ යුතුය, යන ස්ථාවරයේ සිටි ප‍්‍රගතිශීලී බලවේගයන් ලංකා සමසමාජ පක්‍ෂයෙන් නෙරපා දැමීම සිදුවිය. මෙම බලවේගයන්ගෙන් ලංකා කොමියුනිස්ට් පක්‍ෂය බිහිවිය. ආරම්භය සෝවියට් සමාජවාදී රාජ්‍ය හා ස්ටාලින් සහෝදරයා ආරක්‍ෂා කිරීමයි. මූලය ලංකා සමසමාජ පක්‍ෂයයි.

            ලංකා කොමියුනිස්ට් පක්‍ෂයේ වැඩපිලිවෙල වූයේ කුමක්ද? ජාතික විමුක්ති යුද්ධයක් සඳහා ජනතාව පෙලගැස්සීමේ වැඩපිලිවෙලක් නොතිබුණි. තමන්ගේ හතුරා ජනාතාවගේ හතුරා බවට පත් කළේය. ජනතාවගේ හතුරා තමන්ගේ හතුරා බවට පත් කර නොගත්තේය. ජනතාවගේ හතුරා වූයේ බි‍්‍රතාන්‍ය අධිරාජ්‍යවාදී පාලනයයි. නමුත් කොමියුනිස්ට් පක්‍ෂයේ ප‍්‍රධාන හතුරා වූයේ ලංකා සමසමාජ පක්‍ෂයයි. ජනතාව අතර සමඟිය වෙනුවට භේදය වැපිරවීමට මුල් විය.

            ශ්‍රේෂ්ඨ නිර්ධන පංති නායකයෙක් වූ ස්ටාලින් සහෝදරයාගේ අභාවයෙන් පසු සෝවියට් සමාජවාදී රාජ්‍යය සංශෝධනවාදී බලවේගයන් අතට පත් විය. එහි නායකත්වය දැරුවේ ද්‍රෝහී කෘෂෙව්ය. ඔහු හරහා සෝවියට් කොමියුනිස්ට් පක්‍ෂය නූතන සංශෝධනවාදී කි‍්‍රයාමාර්ගය ලොව පුරා කි‍්‍රයාත්මක කිරීමට නායකත්වය දුන්නේය.

            ස්ටාලින් ද්‍රෝහී මිනීමරුවෙක් ලෙස හංවඩු ගැසීය. පාර්ලිමේන්තුව හරහා සාමකාමීව සමාජවාදයට පරිවර්තනය විය හැකි බව ප‍්‍රචාරය කළේය. නිර්ධන පංති ආඥදායකත්වය ප‍්‍රතික්‍ෂේප කළේය. සෝවියට් දේශය සමස්ථ ජනතාවගේ පක්‍ෂය හා රාජ්‍යය ලෙස නම් කළේය. ලංකා කොමියුනිස්ට් පක්‍ෂයද ස්ටාලින් ආරක්‍ෂා කිරීමේ පදනමෙන් බිහිවූවද වේගයෙන් ද්‍රෝහී කෘෂෙව්ගේ කි‍්‍රයාමාර්ගය අනුගමනය කළේය. මෙම කි‍්‍රයාමාර්ගයන්ට එරෙහිව ස්ටාලින් සහෝදරයා ශ්‍රේෂ්ඨ නිර්ධන පංති නායකයෙකු ලෙස ආරක්‍ෂා කරමින් කෘෂෙව්ගේ නූතන සංශෝධනවාදයට එරෙහිව මාඕ සේතුං සහෝදරයාගේ නායකත්වයෙන් චීන කොමියුනිස්ට් පක්‍ෂය කි‍්‍රයාමාර්ගයක් දියත් කළේය. විය යුතු පරිද්දෙන්ම නූතන සංශෝධනවාදයට එරෙහි මතවාදය ලංකා කොමියුනිස්ට් පක්‍ෂය බල පෑම් ඇති කළේය. පක්‍ෂය දෙකට බෙදුණි. පක්‍ෂයේ බහුතරය නූතන සංශෝධනවාදයට එරෙහිවීම නිසා පක්‍ෂ නායකත්වය පක්‍ෂ සම්මේලනයක් පැවැත්වීමට එඩිතර නොවීය. නූතන සංශෝධනවාදයට අනුව යමින් ලංකා කොමියුනිස්ට් පක්‍ෂය තුල නිළධාරිවාදී ලෙස කේනමන් කණ්ඩායම බලය අත්පත් කර ගත්තේය. නූතන සංශෝධනවාදයට එරෙහි බලවේග පක්‍ෂයෙන් නෙරපා දැමිණ.

ජනතා විමුක්ති පෙරමුණ

            ලංකා සමසමාජ පක්‍ෂයේත් කොමියුනිස්ට් පක්‍ෂයෙත් සංශෝධනවාදී, ප‍්‍රතිසංස්කරණවාදී වැඩ පිළිවෙල හා යටත්වීම් වාදය නිසා එම පක්‍ෂ ජනතාවගේ අප‍්‍රසාදයට පත්ව තිබුණි. එමෙන්ම කෘෂෙව්ගේ සංශෝධනවාදයට එරෙහිව ස්ටාලින් ආරක්‍ෂා කරමින් චීන කොමියුනිස්ට් පක්‍ෂය ජාත්‍යන්තර මට්ටමේ මතවාදී අරගලයක් දියත් කළේය. ධනවාදයෙන් සමාජවාදයට සාමකාමීව පරිවර්තනය විය හැකි බව, පාර්ලිමේන්තුවෙන් සමාජවාදය ගොඩනැගිය හැකි බව කෘෂෙව් ඉදිරිපත් කළ නූතන සංශෝධන වාදයයි. කි‍්‍රයාවට නැගුවේ රුසියානු කොමියුනිස්ට් පක්‍ෂයයයි. සෝවියට් දේශයේ සමාජවාදය ගොඩනැගීමේ කාලපරිච්ෙඡ්දයේ අත්දැකීම් මාඕ සම්පිණ්ඩනය කළේය. සමාජයෙහි පංති පවතිනතාක් කොමියුනිස්ට් පක්‍ෂය තුලද පංති අරගලය පවතින බවත් ජනතාවගේ සෝදිසිමත්භාවය වැඩිදියුණු කරමින් නිර්ධන පංති ආඥදායකත්වය යටතේ විප්ලවය අඛණ්ඩව ගෙනයාමේ න්‍යාය ගොඩ නගමින් චීනය තුල ශ්‍රේෂ්ඨ නිර්ධන පංති සංස්කෘතික විප්ලවයට මාඕ සේතුං සහෝදරයා නායකත්වය දුන්නේය. ඔක්තෝබර් විප්ලවයෙන් පසු ලෝකය පුරා සංස්කෘතික විප්ලවයේ වෙඩි හඬ පැතිරුණි. සියලූම කොමියුනිස්ට් පක්‍ෂ තුල මතවාදී අරගලය දියත් විය. ලංකාවේද එලෙසම සිදුවිය. විය යුතු පරිද්දෙන්ම නූතන සංශෝධනවාදීන්ටත්, සංශෝධනවාදයටත්, එරෙහි මතවාදයන් ලංකා කොමියුනිස්ට් පක්‍ෂයට බලපෑම් කෙරුණි. පක්‍ෂය දෙකට බෙදුණි. මධ්‍යගත ප‍්‍රජාතන්ත‍්‍රවාදය වෙනුවට ආධිපත්‍ය කි‍්‍රයාවේ යෙදුණි. පක්‍ෂය පක්‍ෂ සම්මේලනයක් පැවැත්වීමට පවා බිය විය. පක්‍ෂයේ වැඩි දෙනා නූතන සංශෝධනවාදයට විරුද්ධව පෙළගැසුනු නිසාවෙන් කේනමන් කණ්ඩායම කුමන්ත‍්‍රනකාරීව පක්‍ෂයේ බලය අල්ලා ගත්තේය. ඊට විරුද්ධ බලවේගයන් පක්‍ෂයෙන් නෙරපා හැරින. චීන පිල හා මොස්කව් පිල වශයෙන් බෙදුණේ එම ජාත්‍යන්තරවාදී අරගලයේදී ගත් ස්ථාවරයන් අනුවය. ඉවත් කළ අය ලංකා කොමියුනිස්ට් පක්ෂය (චීන පිල), චීනයේ කොමියුනිස්ට් පක්‍ෂය දියත් කරන ලද මතවාදී අරගලය වෙනුවෙන් පෙනී සිටියේය. චීන කොමියුනිස්ට් පක්‍ෂය, විප්ලවීය මතවාදය වූ මාක්ස්, ලෙනින්, මාඕ සේතුං චින්තනය ප‍්‍රචාරය කළේය. එය ලංකා කොමියුනිස්ට් පක්‍ෂයේ ආරම්භයයි. නිර්ධන පංතිය වෙනුවෙන් මෙරට මෙතෙක් කර ඇති අනගිතම වැඩ කොටස එයයි. ශ්‍රේෂ්ඨ සංස්කෘතික විප්ලවයෙන් ඔද වැඩුණු විශාල පිරිසක් මෙහි විය. මෙම පිරිසට නායකත්වය දුන්නේ ශන්මුගදාසන් සහෝදරයායි. ජාත්‍යන්තරය මතුකළ නිර්ධන පංතියේ ගැඹුරුතම අභියෝගයෙන් බැහැරව ‘‘ශන් විප්ලවය කරන්නේ නැතැයි’’ ‘‘ශන් ලේවලට බයයි’’ යනුවෙන් හඬ නගමින් සම්පූර්ණයෙන්ම ජනතාව වැරදි දිශාවකට යොමු කරමින් රෝහණ විජේවීරගේ නායකත්වයෙන් ජනතා විමුක්ති පෙරමුණ බිහි විය. (රෝහණ විජේවීර සෝවියට් දේශයෙන් ලූමුම්බා විශ්ව විද්‍යාලයේ වෛද්‍ය විද්‍යාව හදාරා මෙම අවදියේ ශ්‍රී ලංකාවට පැමිණියේය. ඔහු මෙම මතවාදයේදී චීන මතවාදය ගත් නිසා නැවත රුසියාවට යෑම තහනම් කළ බව ප‍්‍රකාශ කර ඇත. ඔහු ලංකා කොමියුනිස්ට් පක්‍ෂයට (චීන පිල) එක්වී ඇත. ඔහු 1966 ජනවාරි සුප‍්‍රසිද්ධ ජාතිවාදී පෙළපාලියේ යාම නිසා පක්‍ෂයෙන් ඉවත් කර ඇත.) සමාජ විප්ලවය සඳහා ඉදිරිපත් වූ ජනතා විමුක්ති පෙරමුණේ සම්පූර්ණ කි‍්‍රයාවලිය විමසා බැලිය යුතුය. ලංකා සමසමාජ පක්‍ෂයත්, ශ්‍රී ලංකාවේ කොමියුනිස්ට් පක්‍ෂයත් අනුගමනය කරමින් ජනතා විමුක්ති පෙරමුණත්, ජනතාව පාර්ලිමේන්තු මඩ ගොහොරුවට ඇද දමමින් සිටියි. ජනතාව අතර සමඟිය වෙනුවට අසමඟිය වර්ධනය කෙරෙන කි‍්‍රයාමාර්ගයක ගමන් කරමින් සිටියි.

නව යටත් විජිත පාලනයෙන් පසු දේශපාලනය

            විශේෂයෙන්ම බි‍්‍රතාන්‍ය අධිරාජ්‍යවාදයට, දෙවෙනි ලෝක යුද්ධයෙන් පසු, පෙර පැවැති යටත් විජිත එලෙසම පවත්වාගෙන යාම අසීරු විය. යටත් විජිත පාලනයන්ට එරෙහිව එවැනි රටවල්වල ජාතික විමුක්ති ව්‍යාපාර බිහිවී තිබුණි. බොහෝ රටවල කොමියුනිස්ට් පක්‍ෂද තිබුණි. චීනයේ කොමියුනිස්ට් පක්‍ෂ නායකත්වය යටතේ දිග්ගැස්සුණු මහජන යුද්ධයක් දියත් වී තිබුණි. ඉන්දු චීනයේ ද කොරියාවේ ද ඉන්දියාවේ ද අනෙකුත් බොහෝ යටත් විජිත වලද නිදහස් ව්‍යාපාර බිහිවී තිබුණි. මෙම ව්‍යාපාර මැඬලීමට ගියහොත් ඒවා රුසියාව, චීනය දෙසට හැරෙන බව දුටු බි‍්‍රතාන්‍ය අඕධිරාජ්‍යවාදීන් ඔවුන් කාලයක් තිස්සේ ගොඩ නැගූ නිවට මානසිකත්වයක් ඇති අධිරාජ්‍ය ගැති රදළ සම්භවයක් ඇති පංතීන්ට දේශපාලන බලය ලබාදුණි. උත්සවශ්‍රීයෙන් යටත් විජිත රටවල පාලකයින් ‘‘නිදහස’’ සමරන්නේ එලෙසයි. ලංකාවේද සිදුවූයේ එයයි. ලාංකීය නව යටත් විජිතයේ පළමුවරට බලයට පත් වූ රූකඩ පාලකයින් කළේ ඉන්දියානු සම්භවයක් ඇති වතුකම්කරුවන්ගේ ඡන්ද බලය අහෝසි කිරීමයි. පුරවැසිභාවය අහෝසි කිරීමයි.

            දෙමළ ජනතාව, ලංකා දෙමළ හා ඉන්දියානු දෙමළ වශයෙන් බෙදීමයි. ලංකා සමසමාජ පක්‍ෂයට වතු කම්කරුවන් තුල තිබූ පදනම මෙයින් දියකර දැමීය. සමසමාජ පක්‍ෂය එහි ඉතිරිව තිබූ සෑම හොඳ දෙයක්ම අහිමි කර ගත්තේය. 1951 දී යූ. ඇන්. පී යෙන් බණ්ඩාරනායක ඉවත්වීම පැරණි යටත් විජිත තුල ඇමෙරිකන් අධිරාජ්‍යවාදය කි‍්‍රයාත්මක වීමේ ප‍්‍රතිඵලයයි. යූ. ඇන්. පීය ප‍්‍රධාන වශයෙන් බි‍්‍රතාන්‍ය අධිරාජ්‍යවාදයට බරවූ අතර ජනතාව තුල එයට විරුද්ධව ප‍්‍රබල විරෝධයක් තිබුණි. මෙම බලවේගයන් වෙනත් දිශාවකට යොමු කිරීමට බණ්ඩාරනායක දක්‍ෂවිය. වතු කම්කරුවන්ට එරෙහිව යූ. ඇන්. පීය කළාමෙන් අධිරාජ්‍ය විරෝධී බලවේග අතර සමඟිය සුනුවිසුනු කිරීමට බණ්ඩාරනායක තවත් පියවරක් ඉදිරියට තැබීය. ‘‘සිංහලය රාජ්‍ය භාෂාව කිරීම’’ ‘‘බුද්ධාගම රාජ්‍ය ආගම කිරීම’’ යන සටන් පාඨ ජනපි‍්‍රය කිරීම තුලින් සිංහල බෞද්ධ අධිරාජ්‍ය විරෝධී බලවේග සිංහල ජාතිවාදයේත්, බෞද්ධාගමේත් සිරකරුවන් බවට පත් කරන ලදි. එම බලවේගවලට අද පවා එම මානසික පරාජයෙන් මිදීමට හැකිවී නැත. අධිරාජ්‍යවාදයට එරෙහිව චීන කොමියුනිස්ට් පක්‍ෂය ගෙන ගිය නිර්ධන පංති නායකත්වය යටතේ කම්කරු – ගොවි සංධානය ප‍්‍රධාන කරගත් ජාතික එක්සත් පෙරමුණ වෙනුවට සඟ, වෙද, ගුරු, ගොවි, කම්කරු පංච මහා බලවේගය යටතේ කම්කරු පංතිය නව අධිරාජ්‍ය ගැති පාලක පංතියක් පිටුපස පෙළ ගස්සන ලදි. එය ශ්‍රී ලංකා නිදහස් පක්‍ෂයට ප‍්‍රගතිශීලී බව ඇති කරන ලදි. මෙම මානසිකත්වයෙන් අධිරාජ්‍ය විරෝධී බලවේගයන්ට මිදීමට කාලය පැමිණ ඇත. දෙමළ ජනතාවගෙන් නැග ආ විරෝධය හමුවේ ‘‘බණ්ඩාරනායක – චෙල්වනායගම්’’ ගිවිසුම ඇති විය. බලයට පත් අධිරාජ්‍ය ගැති පාලක කල්ලිය දෙමළ ජනතාවගේ ප‍්‍රශ්න විසඳීමේ උවමනාව බොරුවට මවාපායි. බලයෙන් පහවූ අධිරාජ්‍ය ගැති පාලක කල්ලිය බලයට ඒම සඳහා එයට විරෝධය පලකරයි. එම විරෝධය බහුතර සිංහල බෞද්ධ ජනතාව මත පටවයි. ජනතාවගේ විරෝධය නැග ආ පසු ඒ පාලක පංතීන් විලිලජ්ජා නැතිව තමන් අත්සන් කරනු ලැබූ ගිවිසුම් ඉරා දමයි. පාලක පංතීන් පීඩිත දෙමළ ජනතාව මර්ධනය කරයි. සිංහල, දෙමළ, මුස්ලිම් ජාතීන් අතර අසමඟිය වර්ධනය කරයි. සූරාකෑම උග‍්‍ර කරයි. පීඩිත සිංහල ජනතාව අධිරාජ්‍ය ගැති සිංහල මහ ධනේශ්වර පංතිය පිටුපස පෙළ ගස්වයි. දෙමළපීඩිත ජනතාව දෙමළ මහධනේශ්වර පංතිය පිටුපස පෙළ ගස්වයි. මුස්ලිම් පීඩිත ජනතාව මුස්ලිම් මහ ධනේශ්වර පංතිය පිටුපස පෙළ ගස්වයි. ඉන් පසු මුලූ මහත් පීඩිත ජාතීන් තවත් වටයකින් අධිරාජ්‍යවාදීන්ගේ ග‍්‍රහණයට නතු කරයි. දිගින් දිගටම ඉතිහාසයේ අද දක්වා සිදු වී ඇත්තේ මෙය නොවේද?

            දෙමළ ධනේශ්වර නායකයින් සිංහල මහා ධනේශ්වර පංතිය සමඟ කේවල් කිරීම සඳහා දියත්කරන ලද සාමකාමී උද්ඝෝෂණ සහ සත්‍යග‍්‍රහ වලදී අධිරාජ්‍ය ගැති පාලක කල්ලීන් ඔවුන්ව මර්ධනය කර ඇත. මෙම අවස්ථාවලදී කම්කරු පංතිය සිය ඓතිහාසික පංති කාර්්‍යභාරය සමඟ ඉදිරියට යොමු නොවුණේ ඇයි?

            1965 දී බලයට පත් අධිරාජ්‍ය ගැති පාලක පංතියෙන් ඩඩ්ලි – තිරුචෙල්වම් ගිවිසුම බිහි විය. රටසභා පනත ලෙස ඉදිරිපත් විය. මෙම ගිවිසුමට ශ්‍රී ලංකා නිදහස් පක්‍ෂය, ලංකා සමසමාජ පක්‍ෂය, ශ්‍රී ලංකාවේ කොමියුනිස්ට් පක්‍ෂය එකතුව සැදුම් ලත් සමඟි පෙරමුණ ඊට එරෙහිව 1966 ජනවාරි 08 වෙනි දින ජාතික විරෝධතා ව්‍යාපාරයක් දියත් කළේය. මෙම විරෝධතා පෙලපාලියට ජනතා විමුක්ති පෙරමුණේ නිර්මාතෘ රෝහණ විජේවීරද සහභාගි වී ඇත. සමසමාජ පක්‍ෂය, ශ්‍රී ලංකාවේ කොමියුනිස්ට් පක්‍ෂය නව යටත් විජිත ආණ්ඩුවේ තනතුරු ලබා ගැනීම සඳහා ඉතිහාසයේ දරුණුතම පාවාදීම කළේය. මෙම පක්‍ෂය කෙරෙහි සුළු ජාතීන්ගේ යම් බැඳීමක් තිබුනි නම් එයද සහමුලින්ම නැති විය. 1970 දී නව යටත් විජිත රජයේ පාලක පංතිය ලෙස, ගෙන එන ලද 1972 ව්‍යවස්ථාවෙන් දෙමළ ජාතිය හිමිකරගෙන තිබූ ප‍්‍රජාත‍්‍රන්ත‍්‍රීය අයිතීන් අහෝසි කරන ලදි.

            1977 දී සමගි පෙරමුණ රජයට එරෙහිව මැතිවරණ ප‍්‍රකාශනයේ දෙමළ ජනතාවගේ ප‍්‍රශ්න විඳීම සඳහා වටමේස සාකච්ඡාවක් හරහා කි‍්‍රයාකරන බවට එක්සත් ජාතික පක්‍ෂය දෙමළ සංවිධාන වලට පොරොන්දු විය. ඔවුන් එසේ කළේ මැතිවරණයෙන් පසු ආණ්ඩුවක් පිහිටුවීම සඳහා අවශ්‍ය මැතිවරණ ආසන ප‍්‍රමාණය ලබාගත නොහැකිය යන විශ්වාසයෙනි. මැතිවරණ ආසනවලින් 5/6 ක බලයක් එක්සත් ජාතික පක්‍ෂයට ලැබීමත් සමඟ සියලූ පොරොන්දු අමතක විය. දෙමළ විමුක්ති එක්සත් පෙරමුණ විරුද්ධ පක්‍ෂය බවට පත් විය. ප‍්‍රශ්න විසඳීම කෙසේ වෙතත් අධිරාජ්‍යවාදීන්ගේ උවමනාවන් ආරක්‍ෂා කිරීම සඳහාම ව්‍යවස්ථාව වෙනස් කිරීමට 5/6 බලය උපයෝගී කර ගත්තේය.

            1980 දශකය වන විට ලෝකය අධිරාජ්‍යවාදී කඳවුරු දෙකක් වෙක කේන්ද්‍ර ගත වී තිබුණි. සෝවියට් සමාජ අධිරාජ්‍යවාදී කඳවුරත්, ඇමෙරිකාව ප‍්‍රමුඛ බටහිර අධිරාජ්‍යවාදී කඳවුරත් වශයෙනි. සාමකාමී මාවතෙන් සමාජවාදයට ගමන් කිරීමේ නූතන සංශෝධනවාදීන්ගේ කි‍්‍රයාමාර්ගය හෙළිදරව් වී තිබුණි. අධිරාජ්‍යවාදී බලවතුන්ට පෙර බෙදා පැවතුණු ලෝකය නැවත බෙදා ගැනීමේ අනතුර ඉදිරියේ ලෝකය පැවතුණි. ලෝකයේ බොහෝ රටවල් මෙම කඳවුරු දෙක අතර පෙලගැසීම වේගවත් විය. ලෝකයේ බොහෝ රටවල් තුල පාලක පංතීන්ට එරෙහිව සන්නද්ධ ව්‍යාපාර බිහිවිය. මෙම අරගල පිටුපස අධිරාජ්‍යවාදීන් සිය උවමනාවන් සඳහා ඒවා මෙහෙයවීමට, ග‍්‍රහණයට ගැනීමට සැලසුම් දියත් කළේය. නව යටත් විජිත රටවල පාලක පංතීන් ‘‘නොබැඳි සමුළුව’’ තුල මධ්‍යස්ත ලෙස පෙනීසිටිමින් මෙම කඳවුරු දෙකෙන්ම ප‍්‍රයෝජන ගැනීමට මාන බැලූහ. සිය රටවල පීඩිත පංතීන් හා ජාතීන් නොමඟ යැවීමට සමඟි වූහ.

            ශ්‍රී ලංකාව, ඇෆ්ගනිස්ථානය, නිකරගුවාව ඇතුළු ලෝකයේ බොහෝ නව යටත් විජිත රටවල සිදුවූ කි‍්‍රයාදාමය එයයි. (අධිරාජ්‍යවාදීන් යම් රටක පාලක පංතීන් පෙරලා දමා තමන්ට පක්‍ෂ ගැති පාලක කල්ලියක් බලයට ගෙන ඒම ඔවුන්ගේ උපාය විය.) ඇෆ්ගනිස්ථානයේ ඇමෙරිකාවට හිතවත් පාලකයින් පෙරළා දමා සෝවියට් කඳවුරට පක්‍ෂපාතී බලවතෙක් බලයට පත් කළේය. ඉන් අනතුරුවම එම පාලනය බිඳ වැටෙන තුරු එම රටේ යුද්ධයක් දියත් විය. ජනතාවගේ ජීවිත සම්පත් විනාශ විය. ලෝකයේ බොහෝ රටවල එලෙස සිදුවිය. දූෂිත පාලක පංතීන්ට එරෙහිව එම රටවල් තමන්ට පක්‍ෂපාතී සන්නද්ධ කණ්ඩායම් ඇති කළේය. ආධාර කළේය. යුද්ධ කළේය. ශ්‍රී ලංකාවේ ද තත්ත්වය එසේ විය. ප‍්‍රධාන දේශපාලන පක්‍ෂ වල ප‍්‍රධාන පුද්ගලයින් ඔවුන් වෙත දිනා ගැනීම සඳහා නොයෙකුත් උපක‍්‍රම යොදයි. උතුරේ දෙමළ ජාතියේ ප‍්‍රශ්න මුල් කරගෙන එයට විසඳුම් ලෙස ‘‘ඊලාම්’’ රාජ්‍යය සඳහා සටන් වැදුණු බලවේගයන් තුලද මෙයම ප‍්‍රකාශ විය. සමහර කණ්ඩායම් පිටුපස ඇමෙරිකන් අධිරාජ්‍යවාදීන් විය. ඒ මැද ඉන්දියානු ව්‍යාප්තවාදීන් විය. සමහර කණ්ඩායම් පිටුපස සෝවියට් සමාජ අධිරාජ්‍යවාදීන් විය. ඒ මැද ඉන්දියානු ව්‍යාප්තවාදීන් විය. මෙම සියලූ කණ්ඩායම් වල ඉල්ලීම ‘‘දෙමළ ජාතීන්ට වෙනම රාජ්‍යයක්’’ යන්නයි. ඉල්ලීම එකක් වුවද මෙම බලවේගවලට එකම ධජයක් යටතට ඒමට නොහැකි වූයේ ඇයි? ඔවුන් අතර සන්නද්ධ ගැටුම් ඇති වූයේ ඇයි? ඔවුන් පිටුපස සිටි බලවේග කි‍්‍රයාකළ ආකාරය නිසයි.

            දකුණේ සංවිධාන තුලද මෙම බෙදීම පැහැදිලිව දක්නට ලැබුණි. මෙම අධිරාජ්‍යවාදී කඳවුරු දෙකෙන්ම පෝෂණය ලැබූ බලවේගද විය. එක් එක් කඳවුරෙන් වෙන වෙනම පෝෂණය ලැබූ බලවේගද විය. ඒ අනුව දකුණේ ජනතාව තුලද කි‍්‍රයාත්මක විය. සමාජ අධිරාජ්‍යවාදී කඳවුරට හිතවත් බලවේග වලට සමාජවාදී ලේබලය ඇලවූ අතර එයට විරුද්ධ වන සංවිධාන ඇමෙරිකන් අධිරාජ්‍යවාදයේ අත කොලූ ලෙස හැඳින්විය.

            ඉන්දියානු ව්‍යාප්තවාදීන්ගේ බලපෑම යටතේ ප‍්‍රසිද්ධ ඉන්දු – ශ්‍රී ලංකා ගිවිසුම යටතේ සමාජ අධිරාජ්‍යවාදීන් පිටුපස සිටි බලවේග එය ජාතික ප‍්‍රශ්නයට ඇති විසඳුම ලෙස පිලිගත්තේය. ‘‘වෙනම රාජ්‍යය’’ ‘‘ස්වයංතීරණය’’ අත්හැර ඉන්දු – ශ්‍රී ලංකා ගිවිසුම ‘‘දෙමළ ජාතික ප‍්‍රශ්න’’ සඳහා විසඳුම් ලෙස පිලිගත්තේය. ඒ අනුව කි‍්‍රයා කළේය. ඉන්දු – ශ්‍රී ලංකා ගිවිසුම අධිරාජ්‍යවාදීන්ට, ඉන්දීය ව්‍යාප්තවාදීන්ට යටත් වීම ලෙස දුටු අධිරාජ්‍ය විරෝධී ඉන්දීය – ව්‍යාපත්වාදීන්ට විරුද්ධ වූ බලවේග එයට විරුද්ධව පෙළගැසුණි. ඇමෙරිකන් අධිරාජ්‍යවාදීන් පිටුපසින් වූ බලවේගද එය පිටුපස සිට ගිවිසුමට විරුද්ධ විය. ඉන්දු – ශ්‍රී ලංකා ගිවිසුමට විරුද්ධ වූ ඇමරිකන් බලවේග ඒ හරහා බලයට පැමිණියේය. ඊට එරෙහි වූ අධිරාජ්‍ය විරෝධී, දේශපේ‍්‍රමී බලවේග අතර අසමඟිය වර්ධනය කර කෲර ලෙස මර්ධනය කළේය. එක් අධිරාජ්‍යවාදී කඳවුරක සිට අනික් අධිරාජ්‍යවාදී කඳවුර වෙත බලවේග මාරු විය. ඒ සෝවියට් සමාජ අධිරාජ්‍යවාදී කඳවුර බිඳවැටීමේ ප‍්‍රථිඵලයකි. ලෝක පරිමාණයෙන් ඇමෙරිකන් අධිරාජ්‍යවාදය ඉදිරියට ඒමයි. එම බලවේග විවෘත ආර්ථිකයට මානුෂික මුහුණුවරක් දීමට ඉදිරිපත් විය.

            ඉන්දු – ශ්‍රී ලංකා ගිවිසුමට පක්‍ෂපාත වූ උතුරේ සටන් කළ සංවිධාන ස්වයංතීරණය අත්හැර දැමීය. එම සංවිධාන දුර්වල විය. දකුණේ ස්වයංතීරණයට පක්‍ෂපාත වූ බොහෝ සංවිධාන සාම වැඩපිලිවෙලවල් ඔස්සේ ඇමෙරිකන් අධිරාජ්‍යවාදයේ උවමනාවට මාරු විය. ගිවිසුමට විරුද්ධ වූ සුළු ධනේශ්වර සංවිධාන (ජනතා මර්ධනයෙන් පසු) එම ගිවිසුමේ කොන්දේසි වලට යටත්ව නැවතත් දේශපාලනය කරගෙන යති. වරප‍්‍රසාද භුක්ති විඳිති.

            ඉතිහාසය විසින් සියලූම ප‍්‍රශ්න උග‍්‍රකර විසඳුම් ඉල්ලා සිටින අර්බුදයක් කරා තල්ලූකර ඇත. අධිරාජ්‍යවාදීන්ටත් උන්ට ගැති පාලක කල්ලීන්ටත් ජනතාවගේ එකදු මූලික ප‍්‍රශ්නයක්වත් විසඳිය නොහැක. දෙමළ ජනතාවගේ ප‍්‍රශ්න විසඳීමේ මහා ඝෝෂාව හරහා පීඩිත දෙමළ ජාතියේ ඉරණම විසඳීමේ අයිතිය ඇමෙරිකානු, බි‍්‍රතාන්‍ය, නෝර්වේ අධිරාජ්‍යවාදීන් පවරා ගෙන ඇත. ඒ හරහා මෙරට වසන සියලූම ජාතීන් තවත් වටයකින් අධිරාජ්‍යවාදීන්ට උවමනා විදිහට යටපත් කිරීම සිදු වී ඇත. මෙරට වරායවල්, ගුවන් තොටුපලවල් ඕනෑම අවස්ථාවක ප‍්‍රයෝජනය ගැනීම සඳහා අයිතිය ඇමෙරිකානු අධිරාජ්‍යවාදය පවරාගෙන ඇත. ති‍්‍රකුණාමලයේ තෙල් ටැංකි සංකීර්ණය ඉන්දියානු ව්‍යාප්තවාදීන් පවරා ගෙන ඇත. ඉතිරිව ඇති සියලූම සම්පත් අත්පත් කර ගැනීම සඳහා අධිරාජ්‍යවාදීන් කූට උපක‍්‍රම තවතවත් යොදනවා ඇත. සියලූම දේශපාලන දේශපාලන සංවිධාන ඔවුන් පසුපස කම්කරු පංතියත් ගොවි ජනතාවත් පෙළ ගස්වා ගැනීමට ඔවුන්ගේ පාවාදීමේ කි‍්‍රයාමාර්ග හා වැඩපිලිවෙලවල් දියත් කර ඇත. ‘‘වාමාංශික’’ හා ජාතිවාදී බලවේග ඉතිහාසය පුරාම කර ඇත්තේ එයයි.

            කම්කරු පංතිය සටන් කරන බලවේගයන්ගේ ජාතිය, වර්ගය, ආගම, කුලය නොව ඔවුන්ගේ අරගලවලට හේතු ඉදිරිපත් කරමින් එම අරගලයන්ගේ ජයග‍්‍රහණය වෙනුවෙන් නැඟී සිටිය යුතුය. සියලූම පීඩිත පංතීන්ගේ හා ජාතීන්ගේ විමුක්තිදායකයා ලෙස ඉදිරිපත් විය යුතුය. සූරාකෑමෙන් තොර පංති රහිත සමාජය වූ කොමියුනිස්ට් සමාජය බිහිකිරීමේ අරමුණින් ශ්‍රේෂ්ඨ නිර්ධන පංති නායකයින්ගේ ඉගැන්වීම් වලින් සන්නද්ධව නායකත්වය දිය යුතුය. නැතිනම් සටන් කරන බලවේගයන්ට නිශ්චිත අරමුණක් නොමැතිව අධිරාජ්‍යවාදීන්ගේ විසඳුම් වලට සීමාවන නිසාය. අරගලය පාවාදීමට සිදුවන නිසාය. සෝවියට් සමාජවාදී රාජ්‍යයෙහි නිර්ධන පංති රාජ්‍ය බලය ස්ටාලින්ගේ අභාවයෙන් පසු නූතන සංශෝධනවාදීන් අතට පත් විය. සමාජවාදී චීන රාජ්‍යයෙහි නිර්ධන පංති රාජ්‍ය බලයද මාඕ සේතුං සහෝදරයාගේ අභාවයෙන් පසු චීන සංශෝධනවාදීන් අතට පත් විය. සෝවියට් – චීන සංශෝධනවාදීන් කර ඇත්තේ ජනතාවගේ ශ්‍රෙෂ්ඨ ජයග‍්‍රහණයන් අධිරාජ්‍යවාදීන්ට විකිණීමකි. මේ නිසා වෙන කිසිම කාලපරිච්ෙඡ්දයකට වඩා කම්කරු පංතිය බරපතල අභියෝගයකට මුහුණදීමට සූදානම් විය යුතුය.

            කම්කරු පංතිය ජාතීන්ගේ ස්වයංතීරණ අයිතිය ඉහලින්ම එසවිය යුතුය. දෙමළ ජාතීන්ට ස්වයංතීරණය ඉල්ලන දකුණේ සංවිධාන බලවේග වලින් කැඞී වෙන්විය යුතුය. ජාතීන්ගේ ස්වයංතීරණ අයිතිය පිළිගත්තේ ලෙනින්ගේ නායකත්වයෙන් යුත් රුසියානු කොමියුනිස්ට් පක්‍ෂයයි. ශ්‍රේෂ්ඨ ඔක්තෝබර් විප්ලවයෙන් පසු ධනේශ්වර පංතීන්ට ස්වයංතීරණ අයිතිය දිනාදිය නොහැකි බව විග‍්‍රහකළේ මාඕගේ නායකත්වයෙන් යුත් චීන කොමියුනිස්ට් පක්‍ෂයයි. පීඩිත ජාතියක ස්වයංතිරණය දිනාදිය යුතු බවත්, එය දිනා දිය හැක්කේ කම්කරු පංතියට පමණක් බවත් (නිර්ධන පංතියට) පැහැදිලි කළේ චීන කොමියුනිස්ට් පක්‍ෂයයි. කම්කරු පංතියේ ක‍්‍රියාමාර්ගය විය යුත්තේ එම මාර්ගයේ ගමන් කිරීමට අධිෂ්ඨාන සහගත වීමයි.

මාක්ස්වාදී අධ්‍යයන කණ්ඩායම
(2005 වසරේ ලියන ලදි)

 

සහෝදර ශන්මුගදාසන් දිගු කල් දිනේවා!!!

උපැටුම – A WORLD TO WIN    #19   (1993)

සහෝදර ශන්මුගදාසන් දිගු කල් දිනේවා!!!

සහෝදර ශන්මුගදාසන්ගේ අභාවය ගැන

විප්ලවීය ජාත්‍යන්තරවාදී ව්‍යාපාරයේ (RIM) කමිටුවේ ප‍්‍රකාශනය

1993 පෙබරවාරි 15

Com.Shan visit Mao during the GPCR

Com. Shan visit Mao during the GPCR

ලංකා කොමියුනිස්ට් පක්‍ෂයේ (මාඕවාදී) සම ලේකම් සහෝදර N.ශන්මුගදාසන් 74 වැනි වියැතිව සිටියදී ස්වාභාවික හේතුවක් නිසාවෙන් පෙබරවාරි 8 වන දින මිය ගිය පුවත සැලවීමෙන් විප්ලවීය ජාත්‍යන්තරවාදී ව්‍යාපාරයේ කමිටුව අත්‍යන්ත ශෝකයට පත් වූහ.

සහෝදර ශන්මුගදාසන් සිය ජීවිතය කොමියුනිස්ට්වාදය සාක්‍ෂාත් කර ගැනීමේ අභිලාශය වෙනුවෙන් කැප කළහ. ඔහු ශ්‍රී ලංකාවේ පුළුල් මහජන ගෞරවයට පාත‍්‍ර වූ අයකු මෙන්ම කම්කරු, ගොවි, විප්ලවවාදී බුද්ධිමතුන් සහ ප‍්‍රගතිශීලීන්ගේ පුළුල් කොටස්වල ආදරයට පාත‍්‍ර වූහ. ඔහුගේ ජීවිතය ශ්‍රී ලංකාවේ විප්ලවීය ව්‍යාපාරය සමග සහ ජාත්‍යන්තර විප්ලවීය ව්‍යාපාරයේ ඉතිහාසය සමග වෙළී බැඳී ඇත. ඔහු පැවසූ ලෙසම ‘‘1939 දී කොමියුනිස්ට්වාදියෙකු බවට පත් වූ මම නැවත කිසිවිටක ආපසු නොහැරුණෙමි.’’

එවක ලංකාව යටත් විජිතයක්ව පැවතියද සහෝදර ශන්මුගදාසන් අව්‍යාජ කොමියුනිස්ට් පක්‍ෂයක් ගොඩනැගීමේ අරගලයට සහභාගි වූහ. එවක ලංකාවේ වාමාංශික ව්‍යාපාරයේ ආධිපත්‍යය පතුරුවා සිටි ට්‍රොට්ස්කිවාදීන්ට එරෙහිව ඔහු සටන් වැදුණහ. ඔහු, ජෝශෆ් ස්ටාලින්ගේ නායකත්වය යටතේ සෝවියට් සංගමයේ නිර්ධන පංතිය ලබාගත් දේවල් ආරක්‍ෂා කිරීමේ දෘඩතර ආරක්‍ෂකයෙකි.

සහෝදර ශන්මුගදාසන් මාඕ සේතුං වටේ පෙළගැසුණු සහ කෘෂෙව්ගේ සංශෝධනවාදයට එරෙහිව දියත් කළ ශ්‍රේෂ්ඨ අරගලයේදී චීන කොමියුනිස්ට් පක්‍ෂය වටා පෙළ ගැසුණු පළමු කොමියුනිස්ට් නායකයින්ගෙන් කෙනෙක් විය. ජනතාව විසින් සිදු කරනු ලබන විප්ලවවාදී ප‍්‍රචණ්ඩත්වය සහ නිර්ධන පංති ආඥදායකත්වයේ අවශ්‍යතාවය සහෝදර ශන්මුගදාසන් විසින් ආරක්‍ෂා කරන ලදි.

ඔහු චීනයේ ශ්‍රේෂ්ඨ නිර්ධන පංතික සංස්කෘතික විප්ලවය ආරක්‍ෂා කළ දෘඩතර ආරක්‍ෂකයෙකි. මාඕ සේතුං සහ චීන කොමියුනිස්ට් පක්‍ෂයේ අනෙකුත් විප්ලවීය නායකයින් සමග කළ සාකච්ඡාවන්හි පදනම්ව, සහෝදර ශන්මුගදාසන් ‘‘මාඕ සේතුං චින්තනයේ දීප්තිමත් රතු පතාකය ඔසවමු’’ යන හිසින් යුතු අත් පොත සකසන ලදි. මේ ප‍්‍රකාශනය, මාඕ සේතුංගේ සමහර ඉගැන්වීම් පතුරුවා ලීමට සහ ප‍්‍රචලිත කිරීමට උදව් කරමින්, ලොව පුරා පුළුල්ව සංසරණය වූහ.

1971 දී ශ්‍රී ලංකාවේ ප‍්‍රතිගාමී රජය විසින් සහෝදර ශන්මුගදාසන් ව වසරක කාලයක් සිරගත කරන ලදි.

1976 දී මාඕගේ මරණය සිදු වීමෙන් පසුව ඇති වූ කුමන්ත‍්‍රණයෙන් පසු, නව සංශෝධනවාදී පාලනයට එරෙහි වූ මුල් අය අතර සහෝදර ශන්මුගදාසන් විය. එන්වර් හෝක්සා මාඕ සේතුං චින්තනයට පහර දෙද්දී, බොහෝ දෙනෙකු පසෙකට වැනෙන විට සහෝදර ශන්මුගදාසන් දැඩිව නැගී සිටියහ.

සහෝදර ශන්මුගදාසන් විප්ලවීය ජාත්‍යන්තරවාදී ව්‍යාපාරය බිහිවීමට මං සැලසූ මාක්ස්-ලෙනින්වාදී පක්‍ෂ සහ සංවිධානවල පළමු සහ දෙවන ජාත්‍යන්තර සම්මේලන දෙකටම පැමිණියහ. එම ස්ථාවරයන් තිරසරව ඔසවාගෙන සිටිමින් දැඩි ලෙස අරගල කරමින් සහ අනෙක් අය සමග සමගිය පිණිස උත්සාහ දැරීම යන තැන්හි දී සහෝදර ශන්මුගදාසන් මේ ක‍්‍රියාවලිය තුළ තීරණාත්මක කාර්යභාරයක් ඉටු කළහ.

සහෝදර ශන්මුගදාසන් කළින් වූ ශ්‍රේෂ්ඨ අරගල තුළදී ඉදිරියට පැමිණ තිබුණු සහ චීනයේ සංස්කෘතික විප්ලවයේ බලපෑම යටතේ ඉදිරියට පැමිණි විප්ලවවාදීන් අතර වූ සජීවී සම්බන්ධතාවයන් කිහිපය අතරින් එක් අයෙකි. ඔහුගේ පරිණත බව සහ විශ්වාසනීයත්වය, ඔවුන් බිහි කළ විප්ලවීය ජාත්‍යන්තරවාදී ව්‍යාපාරයට පණ පෙවීමේදී බලවත් ලෝහයක් මෙන් විය; ඔහු ජාත්‍යන්තර කොමියුනිස්ට් ව්‍යාපාරයේ සැතපුම් කණුවක් ලෙස ගෞරවයට පාත‍්‍ර වේ.

සහෝදර ශන්මුගදාසන් දිවයිනේ උතුරු නැගෙනහිර දමිල ජනයාට එරෙහිව ගෙන ගිය ශ්‍රී ලංකා රජයේ යුද්ධයේදී ක‍්‍රියාශීලී විරුද්ධවාදියෙක් විය.

සහෝදර ශන්මුගදාසන් 1991 දී ලංකා කොමියුනිස්ට් පක්‍ෂයේ (මාඕවාදී) වැදගත් සම්මේලනයක් පෞද්ගලිකවම කැඳවමින් එය මෙහෙයවූහ. මෙලෙස, ඔහුගේ සෞඛ්‍ය තත්වය පිරිහෙමින් පවතින විටදී පවා, සිය පුද්ගල අභිලාෂයන්ට ඉහළින් නිර්ධන පංතියේ සහ විප්ලවයේ අභිප‍්‍රායන් තැබූහ, සහෝදර ශන්මුගදාසන් නව පරපුරක නායකත්වයක් ඇති කරමින් පක්‍ෂයේ අනාගතය සහතික කිරීමට ක‍්‍රියාකාරීව කටයුතු කළහ.

සහෝදර ශන්මුගදාසන් පේරු වේ මහජන යුද්ධයට උෙiා්ගිමත් ලෙස සහය දැක්වූවෙකි. ඔහුගේ අවසාන ප‍්‍රසිද්ධ කාර්ය වූයේ ආචාර්ය අබිමායෙල් ගුස්මාන්ගේ ජීවිතය ආරක්‍ෂා කිරීමට, ඉදි කිරීමේදී ඔහුද පුරෝගාමියෙකු වූ ජාත්‍යන්තර හදිසි කමිටුවේ ලන්ඩන්හි පළමු මාධ්‍ය සම්මේලනයේදී කථා කිරීමයි.

නිර්ධන පංතියට සහ ජනතාවට සිදුකළ ඔහුගේ දීර්ඝ කාලින විප්ලවීය සේවාව මුළුල්ලේදී, සහෝදර ශන්මුගදාසන් කොමියුනිස්ට්වාදයේ අත්‍යන්ත විජයග‍්‍රහණය පිළිබඳ වූ උසස් බලාපොරොත්තුව කිසි කළෙක නැති කර නොගත්හ. සහෝදර ශන්මුගදාසන්ගේ ජීවිත කාලය තුළදී ලංකාවේ විප්ලවය පිළිබඳ ව වූ තීරණාත්මක ගැටළු සියල්ලම විස\ නැති වූවත්, කොමියුනිස්ට්වරුන්ට, නිර්ධනීන්ට සහ ශ්‍රී ලංකාවේ ජනතාව සඳහා අතිශය වැදගත් ආරම්භයක් ඔහු ලබා දී ඇති අතර එය භාවිතයෙන් සිය විමුක්තිය සාක්‍ෂාත් කර ගැනීම පිණිස ඔවුහු ඉදිරියට ගමන් කරනු ඇත.

විප්ලවීය ජාත්‍යන්තරවාදී ව්‍යාපාරයේ කමිටුව සිය ගැඹුරු ශෝකය ලංකා කොමියුනිස්ට් පක්‍ෂයට (මාඕවාදී), සහ සහෝදර ශන්මුගදාසන්ගේ පවුලේ අයට සහ මිතුරන්ට ප‍්‍රකාශ කරයි. ලංකා කොමියුනිස්ට් පක්‍ෂය (මාඕවාදී) සහෝදර ශන්මුගදාසන් සිය ජීවිතයම කැප කරන්නට යෙදුණු කරතව්‍යයන් ඉදිරියට ගෙන යමින් ඔහුට ගෞරවය පුද කරනු ඇති බව අපට සහතිකය.

ABar-11

සහෝදර ශන්මුගදාසන්ගේ 20 වෙනි ගුණ අනුස්මරණය…

2013 ජනවාරි 6 වන බදාදා –  ඩිමොක‍්‍රටික්ක්ලාස්ස්ට‍්‍රගල් (Democratic class struggle)  සඟරාවෙනි

සහෝදර ශන්මුගදාසන්ගේ 20 වෙනි ගුණ අනුස්මරණය වෙනුවෙන් ඉන්දියානු සහෝදරවරුන්ගේ ප‍්‍රණාමය

Com. Shanmugathasan

Com. Shanmugathasan

සහෝදර ශන් ට ප‍්‍රණාමය (1993 පෙබරවාරි 7 මිය ගිය)

අද ලෝක කොමියුනිස්ට් ව්‍යාපාරය ලංකාවේ සිට සහෝදර ශන්මුගදාසන්ගේ 20 වෙනි ගුණ අනුස්මරණය සමරනු ලබයි. ඔහුගේ මුළු ජීවිතයේම එක් අංගයක් වූයේ ජාත්‍යන්තර ප‍්‍රශ්න ගැන හෝ අභ්‍යන්තර දමිල වාර්ගික ප‍්‍රශ්නය ගැන වූ මාක්ස්වාදී-ලෙනින්වාදී ස්ථාවරයන් ආරක්‍ෂා කළ අනුකම්පා විරහිත ආත්මයයි.

විප්ලවීය විවාදයන්හි විශිෂ්ට විශාරදයෙක් වූ සහෝදර ශන් ට්‍රොට්ස්කිවාදී, හෝක්සාවාදී සහ නව වාමාංශික ප‍්‍රවණතාවයන් ප‍්‍රතික්‍ෂේප කොට හෙළා දුටහ. ඔහු දීප්තිමත් ලෙස 1950 දී ලංකාවේ මාක්ස්වාදී ව්‍යාපාරයේ ආධිපත්‍ය පතුරුවා සිටි ට්‍රොට්ස්කිවාදී බුද්ධිමතුන් ප‍්‍රතික්‍ෂේප කළහ.

ඔහුගේ ජීවිතයේ අවසාන දින දක්වාම ඔහු මාක්ස්-ලෙනින්-මාඕසේතුං චින්තනයේ ගිනි සිළුව ප‍්‍රතිරාව කළහ. ඔහු චේ ගුවේරාගේ ෆොකෝ න්‍යාය සහ ලූවිස් අල්තුසර් (Louis Althusser) වැනි දාර්ශනිකයින් උග‍්‍ර ලෙස විවේචනයට ලක් කළ අයෙකි. ඇවිළෙන රතු ආලෝකයක් හැම තැනම විහිදවූ රණශූරයෙකු වැනි ඔහු මාක්ස්-ලෙනින්වාදී මතවාදයේ ධජය රැගෙන ගියහ. පසුගිය දශලක හතරක කාලය තුළ දී එවැනි මතවාදී පැහැදිලි බවක් සහ විවාදයන්හි කෙළ පැමිණියන් වූයේ කිහිප දෙනෙකි. වඩාත්ම ගැලපෙන දෙය වන්නේ සංස්කෘතික විප්ලවය සමයෙහි සහෝදර මාඕ මුණ ගැසීමට චීනයට පිටතින් පැමිණි පළමු සහෝදරවරු අතරින් එක් අයකු වීමයි. ශන් රතු ආරක්‍ෂකයින්ගේ රැස්වීමක් පවා අමතන ලදි.

සහෝදර ශන් වර්ගවාදී සමාජයක උපතින්ම දමිල වූ අයෙකි. 1972 දී සිරිමා බණ්ඩාරනායක රජය විසින් ඔහුගේ දේශපාලන මතවාදයන් නිසා ඔහුව අත් අඩංගුවට ගනු ලැබිණි. සිර ගෙදරදී ඔහුගේ රචනාවන් කලාතුරකින් ලංකා ඉතිහාසයෙහි අත් දකින්නට ලැබෙන අයුරින් පොදුජන මතය ඝට්ටනයට ලක් කළහ. එතරම් පුළුල් ලෙස ජනතාවට අනුගත වූ වෙනත් වාමාංශික පරමාදර්ශ කථනයක් නොවීය.

සහෝදර ශන් දමිල ජාතික විමුක්ති අරගලය සමග නැගී සිටි අතර දමිල කොටින්ගේ නිර්ධන පංති විශ්ලේෂණයෙහි වූ අඩුව විවේචනයට ලක් කළහ. LTTE නායකත්වය දුන් ප‍්‍රභාකරන් සහ ජාන් මුක්ති පෙරුමාන්නගේ ජාතිවාදී ප‍්‍රවණතාවයන් ඔහු ප‍්‍රතික්‍ෂේප කළහ.

ඔහු දමිල විමුක්ති අරගලයේ විප්ලවීය පක්‍ෂයක නායකත්වයේ අවශ්‍යතාවය මුවහත් කරමින් සහ අනාවරණය කරමින් ආරක්‍ෂා කළහ.

දමිල ජනතාවගේ ජාතික විමුක්ති අරගලයේ අභිලාශයන් ආරක්‍ෂා කළ ඔහු කොටින්ගේ අරගලයට ඔල්වරසන් දුන්හ. එසේ වුවත් ඔහු දිගටම ඔවුන්ගේ යුධ උපක‍්‍රමය වල ෙදා්ෂ පෙන්වා දුන්හ. බොහෝ විට පොදු දමිල මතය මෙයට එරෙහි වුවද අභීත සොල්දාදුවෙකු ලෙස අනුකම්පා විරහිතව ඔහුගේ චින්තනයන් සහ මහජන යුද්ධය පිළිබඳව වූ සහෝදර මාඕ සේතුංගේ විශ්ව නීතීන් ආරක්‍ෂා කළහ.

ප‍්‍රභාකරන් විසින් නායකත්වය දුන් දමිල කොටින්ගේ පරාජයට එක් ප‍්‍රධාන හේතුවක් වූයේ දිග්ගැස්සුණු මහජන යුද්ධය ගැන වූ මාඕවාදී න්‍යාය ග‍්‍රහණය කිරීමට ඔවුන් දැක් වූ අසමත් බවයි. සහෝදර ශන්ගේ මතවාදයන්ට ගරු සරු නොදක්වමින් එය විනාශ වූහ. ඇත්ත වශයෙන්ම කියතොත් සහෝදර ශන්ගේ තර්ක විතර්ක ඇසෑම් සහ කාශ්මීර් හි සන්නද්ධ කණ්ඩායම් හෝ ශ්‍රී ලංකාවේ පවා  ජාතික අරගල ඔසවා තැබූ ඉන්දියාවේ මාඕවාදී විප්ලවවාදීන්ට ප‍්‍රබල ඉගැන්වීම් වනු ඇත.

සියල්ලන්ටම ඉහළින් ඔහු සහෝදර ගුස්මාන්ගේ නායකත්වය යටතේ පේරු කොමියුනිස්ට් පක්‍ෂය දියත් කළ මහජන යුද්ධයේ එක් ප‍්‍රබල ආරක්‍ෂකයෙකු විය. විප්ලවීය ජාත්‍යන්තරවාදී ව්‍යාපාරය ඉදි කිරීමට ප‍්‍රමුඛ කාර්යභාරයක් ඉටු කළ  ඔහු සිය අවසන් හුස්ම පොද දක්වා පේරු කොමියුනිස්ට් පක්‍ෂයේ සභාපති සහෝදර ගුස්මාන් අත් අඩංගුවෙන් මුදා ගැනීමට ප‍්‍රයත්න දැරූහ.

දැඩි සිතැති කොමියුනිස්ට්වාදියෙකු වශයෙන් මුවහත් අසි පතින් මාක්ස් ලෙනින්වාදයේ ප‍්‍රතිපත්ති ආරක්‍ෂා කිරීම පිළිබඳ ඔහුගේ මතකයන් සහෝදර ශන්ගේ ජීවිතයේ හොඳම අනුස්මරණයන් වන්නාහ. ඔහුගේ ජීවිතයේ අවසන් දශකයේ බොහොමයක් රෝගාබාධ වලට එරෙහිව නැගී සිටි ඔහුගේ අභ්‍යන්තර ආත්මය රතු ගිනි සිළුවක් මෙන් රාව ප‍්‍රතිරාව දෙමින් ඔහුගේ පෑනෙන් පරාවර්තනය වූහ.

අද දක්වා ජාත්‍යන්තර කොමියුනිස්ට් ව්‍යාපාරයේ ශේෂ වී තිබෙන අපගමනය වන ප‍්‍රවණතාවයන් අභිමුව සටන් කිරීමේදී මිල කළ නොහැකි කාර්ය භාරයක් ඉටු කළ සහෝදර ශන්ගේ අහිමිවීම සමස්තයක් ලෙස  සමස්ත කොමියුනිස්ට් ව්‍යාපාරයටම සිදු වූ පාඩුවකි.

අද දින සහෝදර ශන්ගේ 20 වෙනි ගුණ අනුස්මරණයට අපි සැම අපේ රතු උත්තමාචාරය පුද කොට ඔහුගේ මතකය වෙනුවෙන් අපගේ රුධිරය ගල්වා තබමු!

ABar-11

සහෝදර ශන්මුගදාසන් ගැන අත්දැකීම් සිහිකරනු වස්

උපැටුම – A WORLD TO WIN    #19   (1993)

සහෝදර ශන්මුගදාසන් ගැන අත්දැකීම් සිහිකරනු වස්

shan_w_Mao

M.N.රවුන්නි… ඉන්දියානු කොමියුනිස්ට් පක්‍ෂය තුළ ප‍්‍රති-සංශෝධනවාදී අරගලයට සහය දැක්වීමට සහ දිරිමත් කිරීම සඳහා වූ ඔහුගේ නොවෙනස් වුණු ජාත්‍යන්තරවාදී කාර්යභාරය ගැන නොදන්නා දේ කුමක්ද…

CPI නායකත්වය 1962 ඉන්දු-චීන යුද්ධයේදී, නරකම ගණයේ ජාතික උග‍්‍රසීමාන්තික දේශානුරාගයට පිරිහෙන විට, යුද්ධයට හේතු වූ සැබෑ වැරදිකරුවන් සහ අධිරාජ්‍යවාදීන්ගේ සහ ඉන්දීය කොම්ප‍්‍රෙදා්රු පාලක රජයේ අරමුණු හෙළිදරවු කරමින්, ඔහු වරින්වර ලංකා කොමියුනිස්ට් පක්‍ෂය විසින් පළ කළ දමිල සඟරාව වන තොෂිල්ලායි (Thozhilali) වෙත ලිපි ලියූහ.

ඉන්දු-චීන සම්බන්ධතා බිඳවැටුණු පසු කෘෂෙව්වාදය හෙළිදරවු කරමින් චීන කොමියුනිස්ට් පක්‍ෂය පළ කළ මතවාදී ලිපි වල පිටපත් ලබා ගැනීම අතිශයින් දුෂ්කර කාර්යයක් විය. විශේෂයෙන්ම සංශෝධනවාදීහු සෝවියට් කොමියුනිස්ට් පක්‍ෂයේ සැපයුම් හොඳින් ලබන අතරතුර, මෙය අපේ කණ්ඩායම දුෂ්කරතාවයට පත් කරලීය. සහෝදර ශන්මුගදාසන් අපට උදවු කිරීමට ඉදිරියට පැමිණියහ. බොහොමයක් වැදගත් ලිපි දමිල සහ මලයාලම් භාෂාවලට පරිවර්තනය කොට ඒවා අප වෙනුවෙන් ශ්‍රී ලංකාවේ මුද්‍රණය කොට, ඔහු චීන කොමියුනිස්ට් පක්‍ෂයේ ශාස්ත‍්‍රීය ලිපිලේඛණ සාමාන්‍ය ලෙස අපට ලැබෙන්නට සැලැස්වූහ. ‘තොග්ලිඅත්ති ගැන’ සහ ‘තොග්ලිඅත්ති ගැන වැඩිදුරට’ වැනි ඔහු විසින්ම සකසන ලද ශ්‍රේෂ්ඨ විවාදවල වැදගත් ලිපි වල පරිවර්තන කියැවීම මට සිහිපත් වේ. මේ සහායකත්වය තමිල්නාඩු සහ කේරලය පුරා මදුරාසිය මධ්‍යස්ථානය කොටගත් සංශෝධනවාදී-විරෝධී ක‍්‍රියාකාරකම් පතුරුවාලීමේ ප‍්‍රධාන කාර්යභාරයක් ඉටු කළහ.

1964 දී CPI බිඳී CPM බිහි විය. නමුත් එහි නායකත්වය ඉක්මනින්ම සිය සංශෝධනවාදී පැහැය හෙළිදරව් කළහ. සහෝදර සම්බන්ධතාවයන්වල ධර්මතාවයන් උල්ලංඝණය නොකරමින් සහෝදර ශන්මුගදාසන් ස්ථීරවම ඔවුන්ගේ වැරදි විවේචනය කළහ. CPM හි 7 වන සම්මේලනය ‘සංශෝධනවාදය ගැන’ විසඳුමක් තෝරා ගත් විට, ඔහු එවිගසම එම අදහස් උදහස්වල අන්තර්ගතව තිබූ සංශෝධනවාදය හෙළිදරවු කරමින් දිගු විවේචනයකින් ප‍්‍රතිචාර දැක්වූහ. මෙය CPM නායකත්වය වෙත ලබා දීමේ දුතයා වීමට මට සිදු වූ අතර ඔහු උඩඟු ලෙස එය ප‍්‍රතික්‍ෂේප කළහ. නමුත් එහි වැදගත්කම CPM තුළ වූ කොමියුනිස්ට්වරුන්ට සිය අරගලය සහ කැරලි ගැසීම පවත්වාගෙන යන්නට යහපත් දිශානතියක් ලෙස පැවතුණි.

1967 දී නක්සල්බාරි සන්නද්ධ කැරල්ල පැන නැගුණු විට සහෝදර ශන්මුගදාසන් සහ ඔහුගේ පක්‍ෂය එයට ආචාර කළහ. මේ වකවානුවේදී මා කේරලයට යවා තිබුණද, ඔහු ඉක්මනින්ම රහසිගත සම්බන්ධතාවයන් පවත්වාගැනීමට ක‍්‍රමයක් සොයා ගත්හ. ‘විමුක්තිය’ (සමස්ත ඉන්දියා විප්ලවවාදීන්ගේ සංවිධාන කමිටුවේ නිළ සඟරාව) හි පළවුණු ඔහු විසින් ලියන ලද ‘ඉන්දියානු විප්ලවයේ ජයග‍්‍රහණයට නායකත්වය දිය හැක්කේ මාඕසේතුං චින්තනයට පමණි’ යන්න මූලික ලිපි 4 න් එකක් ලෙස තෝරා ගත්හ. කේරලයෙහි පමණක් එහි මලයාලම් පරිවර්තනය මුද්‍රණයන් ගණනාවක් සහිතව පිටපත් දහස් ගණනින් පළ වූහ. විවේචන කිරීමේදී සහෝදර ශන්මුගදාසන් ඔහු විසින් තේරුම්ගෙන තිබූ සංවිධායක කමිටුවේ නිකායවාදී වැරදි ගැන විවේචන මතු කිරීමට වග බලා ගත්හ.

… සහෝදර ශන්මුගදාසන් සංශෝධනවාදයට එරෙහිව අරගල කළ ආධුනික කොමියුනිස්ට්වරුන් වූ අපිට මිල කළ නොහැකි සහයක් ලබා දුන්හ.

සහෝදර M.N.රවුන්නි 60 දශකයේ සංශෝධනවාදයට එරෙහිව සිදු කළ අරගලයේදී වැදගත් කාර්යභාරයක් ඉටු කළ ප‍්‍රවීණ කොමියුනිස්ට්වාදියෙකු විය. ඔහු නක්සල්බාරි සන්නද්ධ කැරැල්ල මගින් ගිණි අවුළුවා ලූ විප්ලවීය මාක්ස්-ලෙනින්වාදී ව්‍යාපාරය බිහි කිරීමට සක‍්‍රීයව දායක වූ අතර 13 වසරක් තිස්සේ සිර ගත කරන ලදි. ඔහු දැනට කේරල කොමියුනිස්ට් පක්‍ෂයේ සාමාජිකයෙකු වන අතර එහි ප‍්‍රචාරක කමිටුවේ වත්මන් ලේකම්වරයා වෙයි.

Long Live Com. N.Shanmugathasan

Long Live Com. N.Shanmugathasan

He was a founding leader (general secretary) of Ceylon communist Party (CCP), later it became as CCP (Maoist). He was fighting to defend Cultural Revolution and against revisionist capitalist roaders of china. Com. Shan was beloved leader among the workers, peasants, intellectuals, revolutionaries and Maoists comrades of Sri Lanka. He firmly rejects the parliamentary road and his party line targeted to armed revolution and the party was underground decades. So it spread widely on the country as well as northern and southern, after the death of Com. Shanmugathasan the party becomes to liquidation due to revisionist activities of later leaders.  He was one of the live connections of GPCR in the RIM.

shanmugadasan300

Mao_Shanmugathasan_000

Com. Shanmugathasan meet Chairman Mao Thethung

On the Death of Comrade Sanmugathasan

– Statement by the Committee of the Revolutionary Internationalist Movement

15 February 1993

It was with great grief that the Committee of the Revolutionary Internationalist Movement learned of the death of Comrade N. Sanmugathasan, General Secretary of the Ceylon Communist Party (Maoist) on 8 February at the age of 74 of natural causes.

Comrade Sanmugathasan devoted his life to the goal of achieving communism. He was a widely respected public figure in Sri Lanka and loved by broad sections of workers, peasants, revolutionary intellectuals and progressives. His life was intertwined with the history of the revolutionary movement in Sri Lanka and the international communist movement. As he put it, “I became a Communist in 1939 and never looked back.”

Comrade Sanmugathasan participated in the struggle to establish a genuine Communist Party in what was then colonial Ceylon. He fought against the Trotskyites that had dominated the Left movement in that country. He was an ardent defender of the accomplishments of the proletariat of the Soviet Union under the leadership of Joseph Stalin.

Comrade Sanmugathasan was one of the first Communist leaders to rally around Mao Tsetung and the Communist Party of China in the great struggle against Khrushchevite revisionism. Comrade Sanmugathasan defended the need for the revolutionary violence of the masses and the dictatorship of the proletariat.

Comrade Sanmugathasan was an ardent defender of the Great Proletarian Cultural Revolution in China. On the basis of discussions with Mao Tsetung and other revolutionary leaders of the CPC, Comrade Sanmugathasan prepared a pamphlet entitled, “Hold High the Bright Red Banner of Mao Tsetung Thought”. This publication, widely circulated throughout the world, helped popularize and spread some of the important teachings of Mao Tsetung.

In 1971 Comrade Sanmugathasan was imprisoned for one year by the reactionary regime in Sri Lanka.

In 1976 following the coup d’etat in China after Mao’s death, Comrade Sanmugathasan was among the first to oppose the new revisionist rulers. When Enver Hoxha attacked Mao Tsetung Thought, Comrade Sanmugathasan stood firm while many others wavered.

Comrade Sanmugathasan attended both the First and Second International Conference of Marxist-Leninist Parties and Organizations which resulted in the formation of the Revolutionary Internationalist Movement. Comrade Sanmugathasan played an important role in this process, both through struggling hard for those positions he held firmly and in his striving for unity with others.

Comrade Sanmugathasan was one of the few living links between the revolutionaries who came forward under the influence of the Cultural Revolution in China and those who had come forward in earlier great battles. His maturity and staunchness was an important alloy in the forging of the Revolutionary Internationalist Movement whose formation he hailed as a “milestone in the history of the international communist movement”.

Comrade Sanmugathasan was a vigourous opponent of the Sri Lankan government’s war against the Tamil people in the North and East of the island.

In 1991 Comrade Sanmugathasan personally convoked and led an important conference of the Ceylon Communist Party (Maoist). Thus, even as his health was failing, and putting the cause of the proletariat and the revolution above personal interest, Comrade Sanmugathasan took an active role in promoting a new generation of leadership and assuring the future of the Party.

Comrade Sanmugathasan was an enthusiastic supporter of the People’s War in Peru. His last public act was to speak at the first press conference in London of the International Emergency Committee to Defend the Life of Dr Abimael Guzmán, of which he was a founder.

Throughout his long lifetime of revolutionary service to the proletariat and the people, Comrade Sanmugathasan never lost confidence in the ultimate triumph of the cause of communism. Although crucial problems of the revolution in Sri Lanka were not resolved in Comrade Sanmugathasan’s lifetime, he laid down vital building blocks which the communists, proletariat and people of Sri Lanka will use in advancing toward their liberation.

The Committee of the Revolutionary Internationalist Movement extends its deepest sympathy to the Ceylon Communist Party (Maoist), and to the family and friends of Comrade N. Sanmugathasan. We are sure that the Ceylon Communist Party (Maoist) will honour the memory of Comrade Sanmugathasan by carrying forward in deeds the cause to which he dedicated his life.

 

Excerpts From AWTW Magazine

Excerpts
Reminiscences on Comrade Sanmugathasan

By M.N. Ravunni …What is not so known is his consistent internationalist role in assisting and encouraging the anti-revisionist struggle within the Communist Party of India…

When the CPI leadership degenerated into the worst type of national chauvinism during the 1962 Indo-Sino war, he continuously wrote articles in the Thozhilali, a Tamil journal published by the Ceylon Communist Party, exposing the real culprits causing the war and the aims of the imperialists as the Indian comprador state….

After the breakdown in Indo-Sino relations it was exceedingly difficult to get copies of CPC ideological documents exposing the Khrushchevites. This put our group in difficulties, especially since the revisionists were well supplied with CPSU material. Comrade Sanmugathasan stepped in to help us. He arranged regular supply of CPC literature, translated most of the important documents into Tamil and Malayalam and got them printed in Sri Lanka for our use. I remember reading translations of important texts of the Great Debate such as ‘On Togliatti’ and ‘More on Togliatti’ made available by him. This assistance played a major role in spreading the activities of the anti-revisionist group centred in Madras throughout Tamilnadu and Kerala.

In 1964 the CPI split and the CPM was formed. But its leadership soon revealed its revisionist colours. Without violating the norms of fraternal relations Comrade Sanmugathasan consistently criticized their errors. When the 7th Congress of the CPM adopted a resolution ‘On Revisionism’, he promptly responded with a long critique exposing the revisionism embodied in those views. I happened to be the courier for reaching this critique to the CPM leadership which arrogantly rejected it. But its significance remained as a good direction to the communists within the CPM to continue their struggle and rebel.

When the Naxalbari armed rebellion broke out in 1967 Comrade Sanmugathasan and his party saluted it. Though I had shifted to Kerala by this time, he soon found out a channel to keep up clandestine connections with us. An article written by him ‘Only Mao Tsetung Thought can lead the Indian revolution to victory’ was published in “Liberation” (organ of the All India Co-ordination Committee of Revolutionaries) and was adopted as one of the four basic texts. In Kerala alone thousands of copies of its Malayalam translation were published in several editions. Comrade Sanmugathasan also took care to raise criticisms of what he perceived as the sectarian errors of the co-ordination Committee….

…Comrade Sanmugathasan was of invaluable assistance to us fledgling communists struggling against revisionism. We have yet to redeem his trust and take up our own internationalist responsibilities.

Comrade M.N. Ravunni is a veteran communist who played an important role in the struggle against revisionism during the ’60s. He actively participated in the emerging revolutionary Marxist-Leninist movement sparked off by the Naxalbari armed rebellion and was jailed for 13 years. He is currently a member of Kerala Communist Party and is at present secretary of its Propaganda Committee.