Category Archives: MRL

A MARXIST LOOKS AT THE HISTORY OF CEYLON

ලංකා ඉතිහාසය දෙස මාක්ස්වාදී ඇසකින් |

A MARXIST LOOKS AT THE HISTORY OF CEYLON

ලංකා ඉතිහාසය දෙස මාක්ස්වාදී ඇසකින් – සිංහල බසින්

71 කැරළි සමයේ රඳවාගන සිටියදී ඇන්. ශන්මුගදාසන් විසිනි ලියන ලදි..

‘‘අපක්‍ෂපාතීත්වය, මෝඩයකුගේ කොදැනුවත්කමයි; නැත්නම්, චපලයකුගේ කෛරාටිකකමයි’’

 

A MARXIST LOOKS AT THE HISTORY OF CEYLON – In English Language

cover-NS-HC

Written in detention

Impartiality is Either the Ignorance of a fool of the trickery of a knave.

January 29-30-31 solidarity action day in Sri Lanka

January 29-30-31 solidarity action day activities in Sri Lanka
ජනවාරි 29-30-31 සහයෝගිතා දින‍‍යේදී ශ්‍රී ලංකා‍වේ ක්‍රියාකාරකම්

 

2015-solidarity-day

2015 ජනවාරි 29-30-31 ඉන්දියානු විප්ලවයට සහයෝගය දැක්වීමේ ජාත්‍යන්තර ක‍්‍රියාකාරී දිනට සමගාමීල ලංකා මාඕවාදීන් විසින් ප‍්‍රචාරක කටයුතු ගෙන ගියහ. ඉන්දියානු විප්ලවය ගැන දැනුවත් කිරීම සහ එයට සහය දීම සහ ඉන්දියානු ජනතාවට ජාත්‍යන්තරවාදී සහෝදරත්වය ප‍්‍රකාශ කිරීම අරමුණු කර ගනිමින් පෝස්ටර් ව්‍යාපාරයක් දියත් කොට තිබුණි.

Ceylon Maoists carried propaganda works parallel with January 29-30-31 in 2015 Solidarity action days for support to the PW in India. It has launched to spread news about Indian revolution, to give support and express internationalist fraternity to Indian People.

 

ජනාධිපතිවරණය වර්ජනය කරමු!

ජනාධිපතිවරණය වර්ජනය කරමු!

Parlimen-boycot

සිය ධූර කාලය නිමවන්නටත් පෙරාතුව වර්තමාන ශ්‍රී ලංකාවේ ජාතිවාදී-ෆැසිස්ට්වාදී කොම්ප‍්‍රදෝරු ආඥදායකයා ජනාධිපතිවරණයක් කැඳවා තිබේ. අද ඔහුගේ ප‍්‍රබල විරුද්ධවාදියා වී ඇත්තේ එම පක්‍ෂයේම සිට දූෂිත ආණ්ඩුවේ වරප‍්‍රසාද භුක්ති විඳි තවත් එවැනිම දූෂිතයෙකි. මේ වන විට ලෝකයේ මෙන්ම ලංකාවේද දේශපාලනය ඓතිහාසික සන්ධිස්ථානයකට සේන්දු වී ඇත.

අපගේ සහෝදර ජනතාව දිගු කලක් රාජපක්‍ෂ ආඥදායක රජයේ යකඩ සපත්තුවට යටවී එහි සියළු මර්ධනයන් ලබා දුන් සියළු වේදනාවන් දරා සිටියහ. එය එහි පතුළටම කුණුවී දුගඳ හමන්නට පටන් ගත් තුවාලයක් වැනිය. ධනේශ්වර ක‍්‍රමය ශක්තිමත් කරගෙන පවත්වාගෙන යාමට සහ ලෝක අධිරාජ්‍යවාදීන්ට මේ භූමිය තුළ ඇති සම්පත් සහ මෙහි ජනතාව සූරා කෑමට එය කදිම සහයක් ලබා දී ඇත.

සිය පුද්ගලවාදී න්‍යාය පත‍්‍රය මෙන්ම ලෝක අධිරාජ්‍යවාදීන්ගේ පඹයෙක් ලෙස ක‍්‍රියා කරමින් ගෝලීය ධනවාදයේ අවශ්‍යතාවයන් ඉටු කිරීම ද එය ක‍්‍රියාවට නැංවීය. සිය දේශපාන බලය තහවුරු කරගැනීමට රදළ-නිළධාරිවාදී යාන්ත‍්‍රණය රට පුරාම අනුක‍්‍රමයෙන් ඉදි කළහ. හැම තැනෙකම ඇති සිය හෙංචයියන් සහ නිළ නොනිළ මැර සහ කුලී හමුදා නඩත්තු කිරීමට ඔවුන්ට තව තවත් ජනතාවට අපා දුක් පටවමින් බදු සහ කොමිස් මුදල් මහා පරිමාණයකින් රැස් කරන්නට සිදුවේ. උතුරු නැගෙනහිර දමිළ නිජ බිම් වල සාරවත් භූමි භාග චීන-ඉන්දීය ව්‍යාප්තවාදී ගිජු ලිහිණියන්ට අහර පිණිස කුණු කොල්ලයට විසි කරන්නට ඔවුන්ට කිසිදු පැකිලීමක් නොවීය.

විපක්ෂය සහ වත්මන් ආණ්ඩුව අතර ප‍්‍රතිපත්තිමය හෝ ක‍්‍රියාකාරීත්වය අතර වෙනසක් ඇතැයි සිතීම මුලාවකි. ඔවුන්ගේ මතුපිට ස්වරූපය පමණක් වෙනස් වේ. මෙයට පෙර යූ.එන්.පී රජය ඇරඹූ සංවර්ධන ක‍්‍රියාදාමයන් (විදේශීය ආයෝජකයින්ට වාසි සහගත) සහ අනෙකුත් ව්‍යාපෘති එලෙසින්ම අඛණ්ඩව පවත්වාගෙන යෑමට වත්මන් ආණ්ඩුව ක‍්‍රියා කළහ. ධනේශ්වර සමාජ ක‍්‍රමය පවත්වාගෙන යෑමට ජනතාවගේ මනෝභාවයන් සංසුන්ව පවත්වාගැනීම වැදගත් වේ. මේ තත්ත්වය කලමනාකරණය කිරීමට ධනේශ්වර පාර්ලිමේන්තුව ඉමහත් පිටුවහළක් වේ. මැතිවරණ වූ කලී සූරාකන්නන්ගේ මූලස්ථානය වන එම ආයතනයට පීඩක නියෝජිතයින් තෝරා පත්කරගන්නා තරඟයයි. අනෙක් අතට ලංකාව සූරා කෑම පිණිස චීනය, ඉන්දියාව සහ එක්සත් ජනපදය අතර ඇති තරඟයේ ක‍්‍රිඩකයින් වන්නේ ද රජය සහ විපක්‍ෂයයි.

සමාජ-ෆැසිස්ට්වාදී, සමාජ ජාතිවාදී ජනතා විමුක්ති පෙරමුණ මෙම මැතිවරණයේදී කෙරතම් බංකොලොත්ව තිබේදැයි හෙළිවන්නේ ඔවුන්ට ජනතාව ඉදිරියේ සිය අභිප‍්‍රාය පවා ප‍්‍රකාශ කිරීමට ආත්ම ශක්තියක් නැත්තාහ. වත්මන් ඒකාධිපති රජය බලයට ගෙන ඒමේදී විපුල මෙහෙයක් ඔවුහු ඉටු කළහ. එමෙන්ම මිලේච්ඡ ෆැසිස්ට් අණ පනත් පාර්ලිමේන්තුවේදී සම්මත කිරීමට ඔවුහු සිය දෑත් ඔසවා සහය පල කළහ. සරණාගත ලාංකීය දමිළ පුරවැසියන්ගේ පුරවැසිකම අහෝසි කර ලීම වැනි ෆැසිස්ට්වාදී පනත් කැබිනට් මණ්ඩලයට යෝජනා කරමින්, සිය වාම වෙස්මුහුණ වනමින් ජනතාව මුලා කොට චීන අධිරාජ්‍යවාදීන්ගේ ව්‍යාප්තවාදී ආක‍්‍රමණික ආර්ථික ප‍්‍රතිපත්ති වලට හිතකර වාතාවරණයක් සකසමින් එමෙන්ම ඊට සුදුසු මතවාදයක් කලමනාකරනය කරමින් ඔවුහු මෙරටෙහි දශ ලක්‍ෂ ගණනක පීඩිත ජනතාවට ද්‍රේහී වූහ.

ඔවුහු වරින් වර තමන් මෙරට ඊළඟ විකල්පය බව පවසති. එහි සත්‍යයක් තිබේ. මෙරට ජනතාවට නිල් සහ කොළ යකුන් තිත්ත වූ දිනෙක මේ සූරාකන රාජ්‍ය යන්ත‍්‍රය මෙහෙයවීමට රතු යකෙකු ඉදිරිපත් කිරීමට අධිරාජ්‍යවාදීහු කිසිදු පැකිලීමක් නොදක්වති. ජවිපෙ මෙයට පෙර වාර ගණනකදී සිය අවස්ථාවාදී ව්‍යායාමයන් වලින් ඊට ඇති සුදුසුකම සනාථ කොට ඇත. චීන සහ ඉන්දීය ව්‍යාප්තවාදීන්ට උතුරු නැගෙනහිර භූමිවල සංචිත සම්පත් කොල්ලකෑමට සහ මෙරටට හදිසි සහ ක්‍ෂණික ආර්ථික ආක‍්‍රමණයක් කිරීමට ඉඩ සලසා ගැනීමට සිදු කළ දමිළ සංහාරයේදී ඔවුහු සිදු කළ සේවය අතිමහත්ය. 1,40,000කට වැඩි දමිල පුරවැසියන් ට සිය නිජ භූමිය අමු සොහොනක් කිරීමට රාජ්‍ය කුලී ඝාතක හමුදාවට ආසිරි පැන් ඉසීමේ සිට ෆැසිස්ට්වාදී පනත් කෙටුම්පත් සම්මත කිරීම සහ නින්දිත ජාතිවාදී විෂට, රැල්ලෙන් රැල්ල මෙරට ළපැටියාගේ සිට මහල්ලා දක්වාම ගොදුරු කිරීමට සිදු කළ ශිල්ප දැක්වීමෙන් ඔවුහු අධිරාජ්‍යවාදී ගිජු ලිහිණියන්ගේ මන ෙදාළ සපුරාලූහ. ලක් ඉතිහාසය තුළ ජවිපෙ තරම් ජාතිවාදී වූ දේශපාලන පක්‍ෂයක් තවත් තිබුණේ දැයි සැක සහිතය. ඔවුන්ගේ අවස්ථාවාදී ලාක්‍ෂණිකයට අනුව ඔවුහු සිය දුගඳ හමන අතීත කලූ ලප සඟවන්නට වැර දැරුවද, එකල ප‍්‍රසිද්ධියේ හඬ නැගූ ‘‘සිංහල බෞද්ධ සමාජවාදී රාජ්‍යයක් තැනීමට දමිළ ලේ සයුරක පිහිනන්නට වේය’’ යන ෆැසිස්ටවාදී ප‍්‍රවාදයේ කලූ අවතාරය ජනතාවට කිසි කලෙක අමතක නොවනු ඇත.

එහෙයින් සන්ධාන, ශ්‍රී ලං.නි.ප, යු.එන්.පී හෝ ජේ.වී.පී ලෙස හෝ වෙනයම් මුහුණුවරකින් කිසිවෙක් බලයේ සිටිත්ද, ධනේශ්වර පාලන තන්ත‍්‍රය තුළ එය ජනතාවගේ සුභසිද්ධිය උදෙසා නොවන්නේය. පිය ගැට පෙලක අනුක‍්‍රමයෙන් මේ ක‍්‍රමය තුළ පීඩනය සහ වේදනාව වැඩි වැඩියෙන් ජනතාවට දැනෙන්නට පටන් ගනී. රට තුළ සමස්ත විදේශීය ණය ප‍්‍රමාණය සලකා බැලූ කල එය එක් පුද්ගලයෙකුට හාරලක්‍ෂයට වඩා වැඩි යැයි කියැවේ. රාජපක්‍ෂ රජය බලයට පත්වන විට එය 77,000 පමණ විය. මෙතරම් ණය ප‍්‍රමාණයකින් ජනතාවට අත් වී ඇති ප‍්‍රතිලාභ මොනවාද? ඒ සියල්ල වක‍්‍ර ලෙස නැවත එම ණය පවරන්නන් විසින්ම උදුරා ගනු ලබන අතර ඒවා ඵලදායී නිෂ්පාදන හෝ සංවර්ධිත වැඩ සඳහා යෙදීමට ඔවුහු කිසි කලෙක ඉඩ නොහරින අතර ඔවුන්ගේ නිෂ්පාදනයන් මෙරටට ගෙන ඒමට හෝ මෙහි අමුද්‍රව්‍ය ඒ ඒ රටවල්වල නිෂ්පාදන ක්‍ෂේත‍්‍ර කරා ඉක්මනින් පැටවීමට අධිවේගී මාවත්, වරායවල් සහ ගුවන්තොටුපලවල් තැනීමට යොදනු ලැබේ. මෙරට ජනතාවට අවශ්‍ය කාර්මික නිෂ්පාදන සිදුකළ කම්හල් බොහෝ ගණනක් වසා දමා ඇති අතර විරැකියාව, බුද්ධි ගලනය සීඝ‍්‍ර ලෙස ඉහළ යයි. වැටුප් වැඩි කිරීම් සිදු කළද ඒවා සංඛ්‍යා විජ්ජාවන් පමණකි. ජනතාවගේ මිළදී ගැනීමේ හැකියාව වැටුප් ඉහළ දමන සෑම වාරයකදී ම පෙරට වඩා පහළට ඇද වැටී ඇත. අපේ රුපියල අඛණ්ඩව අවප‍්‍රමාණ වීම කෙතරම්ද යත් පාලනය කළ නොහැකි ලෙස භාණ්ඩ හා සේවා ගාස්තු ඉහළ යයි. එය ඛණිජ තෙල් හෝ වෙනයම් ආනයනික දෑ හරහා විදුලිය, බස් ගාස්තු, වෙනත් සැපයුම්, ආහාර ද්‍රව්‍ය, කාර්මික නිෂ්පාදන යන මේ සකල විධ භාණ්ඩයන්හි මිළ ගණන්වලට බලපෑම් කරයි.

අධ්‍යාපනය සහ සෞඛ්‍ය සේවා වැනි පොදු පහසුකම් සීඝ‍්‍ර ලෙස කපා දමා ඇත. සරසවි සිසුන් විරෝධතා නොදැක්වූ එක් සතියක් සොයැ ගැනීම අසීරු තරම්ය. දේශීය සිසුන්ට නිදහස් අධ්‍යාපනයේ ඇති ෙදාරටු වසා දමා එම හිඩැස මිලියන ගණන් අය කරමින් විදේශීය සහ වරප‍්‍රසාද ලත් පැළැන්තියක සිසුන්ට ලබා දෙයි. පෞද්ගලීකරණයේ දුෂ්ඨ හස්තයට අධ්‍යාපනය, සෞඛ්‍ය සේවාව බිලි ගෙන තිබෙන බව හැම තැනම පිපෙන පෞද්ගලික සරසවි සහ ආයතන, රෝහල් වලින් පෙනී යයි. ධනපති පාලකයින් විසින්ම ලියන ලද ආණ්ඩුක‍්‍රම ව්‍යවස්ථාවේ ජනතාවට ලබා දී ඇති මූලික මිනිස් අයිතිවාසිකම් කිසිවක්, කිසිවෙකුට සුරක්‍ෂිත නැත. මානව හිමිකම් කොමිසම පවා රාජ්‍ය පක්‍ෂපාතීය. අධිකරණය, මුලූමනින්ම අසාධාරණ තීන්දු දෙමින් පාලකයාගේ අභිලාශය අකුරටම ඉටු කරන බව බොහෝ අවස්ථාවන්හි පෙනී යයි. ඒවායේ විනිසුරුවරුන් බියට පත් කරයි, මුදලට යට කරයි, බලපෑමට නතු කරයි, එසේත නැතිනම් ශාරීරිකව විනාශ කරයි.

මාධ්‍ය සඳහා ඇති අවකාශය මීට දෙවෙනි නොවේ. කිසිදු පුරවැසියෙකුට සිය අභිමතය පරිදි සදාචාරාත්මක සිතුවිල්ලක් ජනිත කල නොහැකිය. ප‍්‍රකාශ කළ නොහැකිය. ඒවා රාජපක්‍ෂ හමුදා රජයට පටහැනි නම් පිළිතුරු කුලී ඝාතක ඒකක වලින් සැපයෙයි. සිය පෑන නිභයව මෙහෙයවූ ලලිත්, කූගන් වැනි බුද්ධිමතුන් ආරක්‍ෂක අංශ විසින් පැහරගෙන ගොස් අතුරුදන් කිරීම කාට නම් අමතක වේද? පසුගිය වකවානුවේදී මියගිය නිදහස් මතධරීන්ගේ ගණන කෙතරම්ද? මීට සමාන්තරව සමහර මාධ්‍ය ආයතන නිවට මාධ්‍යකරණයක් ප‍්‍රගුණ කරයි. තොරතුරු ප‍්‍රකාශනයේ මූලික සදාචාරාත්මකභාවය උල්ලංඝනය කරමින් රාජ්‍යගැති ජනතාද්‍රෝහී කුලී මාධ්‍ය බැලයින් දුෂ්ට ප‍්‍රචාරණයේ යෙදෙමින් සිටී. අපේ ආදරණීය දූ පුතුන් ට, සහෝදර පුරවැසියන්ට දිවා රෑ දෙකෙහිම මාධ්‍ය කුණු ගිලින්නට සිදුව තිබේ.

මෙම භූමිය තවදුරටත් මෙහි වැසියන්ට ආරක්‍ෂිත තැනක් නොවේ. රාජපක්‍ෂ රජය දක්‍ෂ ලෙස නව පන්නයක පොලිස් හමුදා පාලනයක් අත්හදා බලමින් සිටී. නිසැක ලෙසම ඔහුගේ ප‍්‍රතිවාදී අපෙක්‍ෂකයා එය තවදුරටත් පෝෂණය කරනු ඇත. ඔහු මැතිවරණ වේදිකාවල පවසන සමහර වදන්වලින් මතු එළඹෙන්නට තිබෙන ෆැසිස්ට් යුගය ගැන සේයාවන් අපට පෙනේ. කදිම දූෂිත හොර නඩයක් ඔහු සමග අත්වැල් බැඳගෙන සිටී. මේ රටෙහි තවමත් කේන්ද්‍රීය ප‍්‍රශ්නය ලෙස ජාතික ප‍්‍රශ්නය තවමත් පවතී. කිසි ලෙසකින්වත් එය විසඳා නැත. නාසි මොඩලයේ වද කඳවුරු වල දමිළ පුරවැසියන් දිනපතා වධ බන්ධනයන්ට ලක්වේ. කාන්තාවන් දිනපතා බෞද්ධ සොල්දාදුවන්ගේ කාම බිලි බවට පත්වේ. ඔවුහු සිය ශරීර කෘත්‍ය කළ යුත්තේද කුලී හේවායන්ගේ ඍජු පරීක්‍ෂාව යටතේයි. දමිළ ලෙස ඉපිද තිබීම වරදක් වී ඇති රටකි මෙය. බෞද්ධ අන්තවාදී කාෂාය ත‍්‍රස්තවාදය ඊට සමගාමීව මුස්ලිම් පුරවැසියන් පෙළමින් ඔවුන්ගේ ජීවිත පෙළයි. එය බිහිකලේත්, නඩත්තු කලේත් වත්මන් ආරක්‍ෂක ලේකම් වරයා විසිනි. බොහො ගැටුම් වලට විශේෂ කාර්ය බලකාය, බුද්ධි අංශ සහ කොමාන්ඩෝ ඒකක ද යෙදවූහ. අලූත්ගමදී මුස්ලිම් වැසියන්, කාන්තාවන් මහ රෑ වෙඩි තබා මරා දැමුවේ යුද හමුදා මිනී මරුවන් විසිනි.

මේ සියලූ ගැටලූ තිබියදී මහා පරිමාණයෙන් කුඩු සහ වෙනත් මත්ද්‍රව්‍ය රට පුරා සංසරණය වන්නේ රාජපක්‍ෂ රජයේ හවුල්කරුවන් වන දේශීය ධනපතියන් කිහිප දෙනෙකුගේ පසුම්බි කලූ සල්ලි වලින් පුරවා ලමිනි. ළපැටි පාසැල් සිසුන් පවා එහි බිලි බවට පත් වී තිබේ. සමහර පෙදෙස්වල පාසැල් දරුවන් සහ තරුණයින් කුඩු බෙදා දෙන්නන් බවට පත් කොට ඇත. ගාමන්ට් සිර කඳවුරු වල සිය රුහිරු මස් දිය කරන තරුණ තරුණියන්ට ජීවිතයේ අවසන් සමය රෝගීන් ලෙස ගත කරන්නට මේ දුෂ්ට ක‍්‍රමය ඉඩ සලසා තිබේ. නැතහොත් ඔවුන් කාමුක ධනේශ්වර සලෙලූන්ට පහසුව සැලසීමට ගණිකා වෘත්තියට බලෙන් හෝ රවටා හෝ බලපෑම් සිදු කොට රැගෙන එති. වැඩි වන සංචාරක කර්මාන්තය ළපටි ළමා කැලට ළමා ගණිකාවන් වීමේ ඛෙදජනක ෙදාරටුව විවර කොට ඇත. පෙර කවරදාටත් වඩා ළමා අපයෝජන සහ ස්ත‍්‍රී හිංසනය අහස උසට නැගී ඇත. නීතිය බොහොවිට කාමාතුර අපරාධකරුවන්ට දඬුවම් නොදේ. ඔබට නගරයක අධ්‍යාපන හෝ සෞඛ්‍ය ආයතන වලට වඩා ස්ත‍්‍රීන් සහ සිසුවියන් නීත්‍යානුකූලව දූෂණය කීරීමේ ගෙස්ට් හවුස් හෝ තානායම් දක්නට ලැබේ. නින්දිත ධනපති මාධ්‍යකරණයට නිර්මාණ ලෙස කාමය සහ ස්ත‍්‍රියගේ නග්න බව හැරුණු විට වෙනත් වස්තු විෂයයන් සොයා ගත නොහැක. අපේ ආදරණීය දරුවන්, අනාගතයේදී මිනිස් වර්ගයාගේ පැවැත්ම නියෝජනය කරන අපේ පැටවුන්ගේ ඉහමොළ දූෂිත කිරීමට, ඔවුන් සහකම්පනයෙන් තොර, අතාර්තික, මිනිසුන් කිරීමට එමෙන්ම දුෂ්ට රදළ සහ විකෘති ධනේශ්වර චින්තාවන්ගේ ගොදුරු බවට පත් කිරීමට ඒවා කටයුතු කරන්නේ මේ ගර්භයටම කුණුවුණු, පීඩක, ධනේශ්වර ආඥදායක ක‍්‍රමය උපද්‍රව රහිතව පවත්වාගෙන යෑමටයි. සිතිය හැකි තාර්කික කිසිවෙකු, මේ ක‍්‍රමයට අවශ්‍ය නැත. ඔවුන්ට අවැසි වන්නේ නිෂ්පාදන යන්ත‍්‍රවල දැති රෝද කරකැවීමට හෝ කුලී සේනාංක වල අවි හරඹ දැක්වීමට හෝ වෙනයම් එවැනිම වැඩක යෙදීමට හැකිතරම් දැනුම් තේරුමක් ඇති, සවියක් ඇති අය පමණි.

මෙතෙකුත් දෑ තිබියදී ඔබට ඊට විරෝධය පෑමට ඔබේ වෘත්තීය අයිතීන් වෙනුවෙන් සටන් කිරීමට ඔවුහු ඉඩ නොතබයි. ඔවුන් ඔබ ජලය ඉල්ලූ විට හෝ සහනාධාර ඉල්ලූ විට නැතිනම් ජීවත් වීමට ඇති අයිතිය ඉල්ලූ විට ඔවුන්ගේ කුලියට මිනී මරණ සොල්දාදුවන් යොදවා ඔබට වෙඩි උණ්ඩ පොවයි. ඔවුන්ගේ උත්තරීතර නීතිය පැමිණ ඔබව සිර ගත කරයි. වෙනසක් නැතිව ආගමික පූජකවරු ඔබට කිසිදා ලබාගත නොහැකි සිහින වෙනෙුවෙන් බොරු පොරොන්දු ලබා දී ඔබව මුලා කරයි. ඔබ සටන් කළ නොහැකි මොට මිනිසෙකු බවට පත් කරයි. ඔබට ඇති එකම විකල්පය ලෙස සලාක ක‍්‍රමයට පවත්වන දූෂිත මැතිවරණයේදී ඡන්දය ප‍්‍රකාශ කිරීම බව ඒත්තු ගන්වයි. එය මහා වටිනා දෙයක් ලෙසට ගෝරනාඩු කරයි. ඡන්දය නොදැමීම මහත් අපරාධයක් බව බොහෝ සුළු ධනේශ්වර තක්කඩින් සිය ජීවිතය අහිමිවු කලෙක මෙන් මුමුණයි. අපරාධයක් වන්නේ ඔබේම සහෝදර පුරවැසියන්ගේ බෙලි කැපීමට, ඔවුන්ගේ ලේ උරා බීමට යක්‍ෂයින් රැලකට බලය ලබා දීම උදෙසා වන දුෂ්ට තරඟයට පේ‍්‍රක්‍ෂකයෙකු වී ඡන්දය පාවිච්චි කිරීමයි.

අපි ඔබට ආමන්ත‍්‍රණය කරමු. ඡන්දය වර්ජනය කරමු! අපේම සහෝදර පුරවැසියන් පෙලීමට, ඔවුන්ව තව වටයකින් සූරා කෑමට, මේ ධනේශ්වර ක‍්‍රමය තවදුරටත් පවත්වාගෙන යෑමට, දුෂ්ට පාර්ලිමේන්තුවාදයට සහය නොදෙමු. ඔබට හැකි එක් පලිගැනීමේ ආකාරයක් වන ඡන්දය නොදී සිටීමේ සටන්කාමී අරගලයට සහය වෙන්න. එය නව වෙනසක් සඳහා, පෙරට තබන එක් සටන්කාමී පියවරකි. ජනතාවට සැබෑ විමුක්තියක් අත් කර ගැනීමට, ජනතා ප‍්‍රජාතන්ත‍්‍රවාදය රජයන, නිර්ධන පංති පාලනයකින් යුත් රජයක් බිහි කිරීමට එය අත්‍යවශය. එය සිදු කිරීම මැතිවරණ වලින් සිදු කළ නොහැක. පාර්ලිමේන්තුව ජනතාව සතු ආයතනයක් හෝ ජනතාවට භාවිතා කළ හැකි උපකරණයක් නොවේ. එය ජනතාවගේ වහල් භාවය සනිටුහන් කරන මර්ධනය, දූෂණය, සංත‍්‍රාසය, විනාශය, නූගත්කම සහ අශීලාචාරත්වය ජනතාවට ළඟා කර දීමට වෙහෙසෙන ආයතනයයි.

අනුකම්පා විරහිතව සටන් කිරීමෙන් පමණක් පවතින සමාජ ක‍්‍රමවේදය එහි මුල් සමගම පෙරලා දැමීම සිදු කළ හැක. ඉන් පමණක් ජනතාවගේ ගැටළු විසඳීමේ ක‍්‍රමවේදයට ළඟා විය හැක. පෟතුගීසි, ලන්දේසි සහ ඉංග‍්‍රීසි යටත් විජිත වාදීන්ට එරෙහිව අභීතව වරින් වර ජනතාව සටන් වැද තිබුණි. එලෙසම ඔවුහු නැවත නැවතත් සටන් වදිනු ඇත. අපි එම උරුමය අඛණ්ඩව ගෙන යමු. අද නව යටත් විජිතවාදයට එරෙහිව සහ මෙරට සිටින උන්ගේ දේශීය නියෝජිතයින්ට එරෙහිව අනුකම්පා විරහිත අරගලයක් පූරණය කිරීම සඳහා පෙළ ගැසෙමු!

 ජනාධිපතිවරණය වර්ජනය කරමු!
පාර්ලිමේන්තුවාදය පිටු දකිමු!

මාඕවාදී විප්ලවීය ලීගය (MRL)
2014.12.27

Message from MRL Sri Lanka to PCAfghanistan maoist on the occasion of the death of Com. Aziz

Message from MRL Sri Lanka to PCAfghanistan maoist on the occasion of the death of Com. Aziz

Dear comrades,

We, the maoist revolutionary League one of the maost group of Sri Lanka share your deep condolence on behalf of the death of comrade Aziz. Revolutionary communist in the whole world are engaging in unstopable for liberation of the whole world. Comrade aziz is a one of the militant in that great struggle. He is a comrade who impelemnted “Serve to people” slogan in his revolutionary life. He serve to Communist movement in afghanisthan and in the world by fighting against rightist tendencies and reactionaries and also giving his best effort to build up revolutionary movement in afghanistan.

We pay our condolence to centrel commitee of the Communist (Maoist) Party of Afghanistan, and its all the cadres, supporters and family members of com. Aziz.

The international proletarian revolutionaries will pay homage to Comrade Aziz by carring out responsibilities in the world wide revolutinary struggle and sooner or later they will win dream of com. Aziz of world socialist revolution.

Lal Salam Com. Aziz!!!

Long Live Proletariet internationalism!

Long Live Marxism Leninism Maoism!

Com. Parakrama Veerasuriya
Maoist Revolutionary League
Sri Lanka
2014.09.09

තවත් මැයි දිනයක් පැමිණේ…

ඒකාබද්ධ මැයි දින ප‍්‍රකාශනය
2014 මැයි 1

තවත් මැයි දිනයක් පැමිණේ…

Cultural_REV_mao_I1

අධිරාජ්‍යවාදී ක‍්‍රමයේ දිග්ගැස්සණු අර්බුදයන්ගෙන් බිලියන ගණන් ජනතාව පීඩාවට පත්කරන කාලකණ්ණිකම සහ දුෂ්කරතාවයන් අතිශයන්ම උග‍්‍ර කරන ලද ලෝකයක, තවත් මැයි දිනයක් පැමිණේ. දශ ලක්‍ෂ ගණන් රැකියාවලින් පලවා හැර තිබේ. සමාජ ආරක්‍ෂාව අඩු කොට ඇත. මිළ වැඩි වීම තවදුරටත් සම්මත ජීවන තත්වයන් අඩු කරයි. වෛද්‍යප‍්‍රතිකාර සහ උසස් අධ්‍යාපනය දුෂ්ට ලෙස මිළ වැඩි තත්වයට පත් වී ඇත. ඒ අතර මේ සිත් පිත් නැති ක‍්‍රමයේ අපරාධකරුවෝ පිළිකුල් සහගත ලෙස විදහාපාන ඔවුන්ගේ වර්ධනය වන ධනය සහ බිලියනපතියන්ගේ ලැයිස්තු ගැන වන පුරසාරම් දෙඞීම යන සියල්ල අතරතුර, වඩාත් කුරිරු ජනතා විරෝධී ක‍්‍රමවේදයන් පවා සාදයි.

වහලුන් ලෙස වැඩකිරීමට සංක‍්‍රමණික කම්කරුවන්ට බලකෙරෙන්නේ කොතැනකද, ළමා සහ කාන්තා ජාවාරම් අතිවිශාල අනුපාතයකින් වැඩි වීමට පටන් ගෙන තිබෙන්නේ කොතැනකද, ‘පසුගාමී’ ඇෆ්ගනිස්ථානයේ හෝ ‘සංවර්ධිත’ ඇමෙරිකාවේ හෝ වෙනසක් නැතිව කාන්තාවන් දූෂණය කිරීම සහ මරා දැමීමේ කෲරත්වයෙන් පෙලීම දිගටම සිදුවන්නේ කොතැනකද, සුළු ජාතීන් හුදෙකලා කොට පීඩනයට ලක්කොට තිබෙන්නේ කොතැනකද, තරුණයින් දඩයම් කරනු ලබන සහ හිංසා කිරීමට ලක් කරන්නේ කොතැනකද, අඩුම තරමින් සාධාරණ වැටුපක් සහ ජීවන තත්වය උදෙසා වන ඉල්ලීම් වෙඩි උණ්ඩවලින් සහ සිරගත කිරීම්වලින් කපා දැමෙන්නේ කොතැනකද, තවත් මැයි දිනයක් එළඹ තිබේ.

ලාභය පිණිස සිදුකරන අන්ධ ලුහුබැඳයාම් නිසා සිදුවන පරිසර විනාශයන් මධ්‍යයේ, සෑම සමාජයක් තුළම සහ පීඩිත සහ අධිරාජ්‍යවාදී රටවල් අතර අසමානතාවයේ විවරය වේගයෙන් පළල් වෙන අතරවාරයේ, තවත් මැයි දිනයක් එළඹ තිබේ.

මර්ධනය සහ සූරාකෑම ප‍්‍රතිරෝධයන් උත්පාදනය කරයි. එමෙන්ම මේ ප‍්‍රතිරෝධයන් වර්ධනය කරයි. රටකට පසු රටක් වශයෙන් පංති අරගල සහ ජනතා කැරලි වල වර්ධනය වන රැල්ලට මේ ලෝකය සාක්‍ෂි දරයි. මේ ප‍්‍රචණ්ඩ කැළඹිලි වල ලෝකයයි. පුළුල් පරාසයක බලවේගයන් ක‍්‍රමයට එරෙහි අරගලය තුළට තල්ලු කෙරෙමින් තිබේ. වීදි තුළ කලහකාරීත්වය නව සමාජයක් ඉදි කිරීම උදෙසා, රැඩිකල් කඩා බිඳගෙන යෑමකට ප‍්‍රමාණවත් නොවන බවට කිසිදු සැකයක් නැත. එනමුදු එය සමස්ත නව පරපුරක් සමගම සම්බන්ධ වෙමින් කොමියුනිස්ට්වාදයේ විප්ලවීය මෙහෙයුමට ඔවුන් දිනාගනිමින් අතිවිශාල අවස්ථාවන් විවර කරයි. එය විප්ලවයට මග පාදයි. මෙය මූලධර්මයකි. එය දැඩි ලෙස ග‍්‍රහණය කළ යුතුමය.

දශකයකට පෙර හෝ ඊට කලකට පෙර, නිර්ධන පංතියේ පැවැත්ම ප‍්‍රශ්න කිරීමට ලක් වූහ. පංති අරගලය අනවශ්‍ය බව ප‍්‍රකාශ කෙරුණු අතර ඒ වෙනුවට මහජන ව්‍යාපාර ආදේශ කළ යුතු බව සලකනු ලැබිණි. ඉන්දියාව සහ චීනය වැනි රටවල් පමණක් නොව, තව තවත් අධිරාජ්‍යවාදී බලකඳවුරු වල පවා නැවත නැවතත් වූ සටන්කාමී කම්කරු අරගල අවස්ථාවන් අද ලෝකය පරීක්‍ෂාවට ලක් කොට ඇත. මේ සඳහා සෑම හේතුවක්ම ඇත. 21 වැනි ශත වර්ෂයේ තාක්‍ෂණික ආශ්චර්යයන් ගැන වූ පුරසාරම් කෙසේ වෙතත්, බංගලාදේශයේ ඇඟලුම් කර්මාන්තවල මිනීමරු බිම් තුළ, කටාර්හි වහල් ශ‍්‍රම කඳවුරු තුළ, චීනයේ ශ‍්‍රම බැරැක්ක තුළ හො අධිරාජ්‍යවාදී රටවල දැඩි ලෙස වැඩෙහි යොදවන වැඩ පළවල්වල, අතිවිශාල නිර්ධන පංතිකයින් ප‍්‍රමාණයකගේ තත්ත්වය 18 වැනි ශතවර්ෂයේ මෙන් කුරිරු වේ. ඒ අතරම, පැහැදිලි ලෙසම පාලනයේ මර්ධන ක‍්‍රමවේදයන් සහ වෙන කවරදාකටත් වඩා වැටුප් ශ‍්‍රමයේ නවීන මධ්‍යස්ථාන තුළ වැඩ ප‍්‍රමාණයන් වල වැඩි වීම නිර්ධනීන්ගේ හුස්ම හිර කරයි.

විවිධ මානයන්ගෙන්, ගෝලීයකරණයේ කොල්ලකෑම පීඩිත රටවල ගැඹුරින් සටහන් වී තිබේ. පුද්ගලීකරණය සහ නිදහස්වාදය සේවා නියුක්තියේ සමස්ත අංශ සහ කුඩා ව්‍යාපාර අතුගා දමා තිබේ. හැමවිටම අයහපත්, වැඩ කිරීමේ තත්ත්වය, දැරිය නොහැකි වී තිබේ. මෙය ගෝලීය අර්බුදයෙන් උග‍්‍ර කොට තිබේ. අති බහුතරයකගේ ජීවන තත්ත්වය නරක අතට හැරීමට ප‍්‍රතිලෝමව සමානුපාතිකව, පාලකයින් විසින් පැහැරගන්නා ලද අල්ලස් සහ ලාභ අභ්‍යවකාශයේ මුදුනටම ළඟා වී ඇත. ජනතාවගේ දු:ක්ඛිත බව වැඩිවෙන අතරවාරයේ, ඔවුන් ලබා ගන්නා විසල් කප්පාදු කිරීම් ගැන ඇස් හෙළමින් පාලකයෝ මුරණ්ඩු ලෙස දැවැන්ත ව්‍යාපෘති පසුපස හඹායති.

මේ සියල්ලටම යටින් නැවත නැවත සිදුවන කැරලි වල පිපිරීම් ඇති බව ලෝකය තුළ දක්නට ලැබේ. වෙළඳ ව්‍යාපාර සාමාන්‍ය ලෙස ගමන් නොකරයි. නියත අර්ථයෙන් මෙය අධිරාජ්‍යවාදීන්ට සහ උන්ගේ ගැත්තන්ටද සත්‍ය වේ. ඔවුන්ගේ වර්ධනය වන පොරය සෑහෙන පරිදි මෙය පෙන්වාදෙයි.

විප්ලවය සඳහා, කොමියුනිස්ට්වාදය සඳහා හඬගාන ලොකයක් තුළ, තවත් මැයි දිනයක් පැමිණේ; පංති විඥත නිර්ධනීන්ට සහ ඔවුන්ගේ පෙරමුණු බලඇණියට, මාඕවාදීන්ට, නිර්ධන පංතිකයින්ගේ ලෝකය පරිවර්තනය කිරීමේ මෙහෙයුමේ සහ නිර්ධන පංති ජාත්‍යන්තරවාදයේ ශ්‍රේෂ්ඨ සම්ප‍්‍රදායේ ග‍්‍රාහකය අල්ල ගැනීම උදෙසා වූ තවත් දිනයකි.

අද ලෝකයේ කිසිම තැනක සමාජවාදී රටක් නොමැත. පුළුල් වශයෙන් ප‍්‍රගතිශීලී වූ හෝ ජනතාවාදී වූ රජයක් පවා නොමැත. අතිමහත් දෙයක් කිරීමට තිබේ. එනමුදු නිර්ධනීන්ගේ ලෝකය නිදහස් කර ගැනීමේ මෙහෙයුම නොනවත්වා කරගෙන යෑමට ශක්තිය සහ විශ්වාසය ලබා දෙන සාධකද පවතී – මාක්ස්වාදය-ලෙනින්වාදය-මාඕවාදය හි පැහැදිලි බව සහ ප‍්‍රචණ්ඩා-බට්ටරායි කල්ලිය සහ එවේකියන්වාදය ඇතුළු සියළු පැහැයන්ගෙන් යුත් සංශෝධනවාදයට එරෙහි අරගලය ගැඹුරු වීම, ලෝකය පුරා දක්නට ලැබෙන අරගල රැල්ල, ඉන්දියාවේ සහ පිලිපීනයේ මහජන යුද්ධ සහ අනෙකුත් සමහර රටවල්වල ප‍්‍රතිසංවිධානය වීම් සහ සූදානම් වීම්, ජාත්‍යන්තරවාදී බැම්ම සහ මාඕවාදී පක්‍ෂ සහ සංවිධාන අතර ක‍්‍රියාකාරකම් ශක්තිමත් වීම.

මේ ශක්තීන් මත කරන ගොඩනැගීමෙන්, මාඕවාදීහු වීදි තුළ කැරලිකාරී ශක්තිය විප්ලවය දෙසට දැමීමේ දිශානතිය සඳහා සුදුසු සංවිධාන ආකරයන්, එහි මධ්‍යය ලෙස මාඕවාදී පක්‍ෂ ඉදිකිරීමෙන් සහ ශක්තිමත් කිරීමෙන් නිර්මාණාත්මකව සංවර්ධනය කළ යුතුය. ඔවුහු මාඕවාදී පක්‍ෂ සහ සංවිධානවල ජාත්‍යන්තර සංවිධානය සෑදීමේ කාර්යභාරය ඔසවා ගත යුතුයි. මෙය නිර්ධන පංතිකයින්ගේ සහ පීඩිත ජනතාවගේ සංවිධිත ජාත්‍යන්තර අධිරාජ්‍ය-විරෝධී පෙරමුණේ හරය විය යුතුයි. මෙලෙස මාඕවාදීන්ට, ජාත්‍යන්තර කොමියුනිස්ට් ව්‍යාපාරයේ නව සමගියක් සාක්‍ෂාත් කරගෙන, එය ලෝක ව්‍යාප්ත ජනතා අරගලවල පෙරමුණු රියෙහි තබා වත්මන් ලෝකයට විප්ලවීය විභවය මුළුමනින්ම මුදාහැර කුළු ගන්වා, මාක්ස්වාදය-ලෙනින්වාදය-මාඕවාදය පිහිටුවීමට සහ වර්ධනය කිරීමට හැකිවිය යුතුයි.

අධිරාජ්‍යවාදයට අනාගතයක් නැත! අනාගතය කොමියුනිස්ට්වාදය සතුය!
සියළු රටවල නිර්ධන පංතිකයින් සහ පීඩිත ජනතාව, සමගිවව්!
අධිරාජ්‍යවාදය සහ එහි මුර බල්ලන් භංගවේවා!
නිර්ධන පංති ජාත්‍යන්තරවාදය දිගුකල් දිනේවා!
ලෝක නිර්ධන පංති විප්ලවය දිගුකල් දිනේවා!

2014  මැයි 1

මාඕවාදී කොමියුනිස්ට් පක්‍ෂය ඉදිකිරීමේ කමිටුව, ගලීෂියාව – ස්පාඤ්ඤ ජනරජය
ඇෆ්ගනිස්ථානයේ කොමියුනිස්ට් (මාඕවාදී) පක්‍ෂය;
ඉන්දියානු කොමියුනිස්ට් පක්‍ෂය (මාක්ස්-ලෙනින්වාදී) නක්සල්බාරි;
මාඕවාදී ඉන්දියානු කොමියුනිස්ට් පක්‍ෂය
ප‍්‍රජාතන්ත‍්‍රවාදය සහ පංති අරගලය – බි‍්‍රතාන්‍ය රාජ්‍ය
මහා කැළඹීම WSRP – වේල්සය බි‍්‍රතාන්‍ය රාජ්‍යය
කොමියුනිස්ට්වාදය දෙසට මහා පාගමන (මැඩ්රිඩ්, ස්පාඤ්ඤය);
මාඕවාදී කොමියුනිස්ට් කණ්ඩායම – එක්සත් ජනපදය
මාඕවාදී කොමියුනිස්ට් ව්‍යාපාරය ටියුනීසියාව
මාඕවාදී කොමියුනිස්ට් පක්‍ෂය-ප‍්‍රංශය;
මාඕවාදී කොමියුනිස්ට් පක්‍ෂය-ඉතාලිය;
මාඕවාදී කොමියුනිස්ට් පක්‍ෂය – තුර්කිය උතුරු කුර්දිස්ථාන්
මාඕවාදී විප්ලවීය ලීගය – ශ්‍රී ලංකාව
විප්ලවීය කොමියුනිස්ට් පක්‍ෂය (PCR-RCP කැනඩාව)
විප්ලවීය භාවිතාව – එක්සත් රාජධානිය
ජනතාවට සේවය කරනු – නොර්වේ කොමියුනිස්ට් ලීගය
කම්කරු හඬ – මලයාසියාව
ජනතාවට සේවය කරනු – ෂෙයිසායු
සොරෙල්හ් – ඔක්සිටානි – ප‍්‍රංශ රාජ්‍යය;

ABar-11

English copy…

Another May Day comes

Another May Day comes, in a world where the misery and deprivation suffered by billions of people is immensely aggravated by the prolonging crisis of the imperialist system. Millions have been thrown out of jobs. Social security is cut down. Growing price rise further depresses living standards. Medical treatment and higher education become atrociously expensive. Meanwhile the perpetrators of this merciless system workout even more vicious anti-people measures, all the while obnoxiously flaunting their swelling wealth and boasting of billionaire lists.

Another May Day, where immigrant workers are forced to labour as slaves, where the trafficking of women and children continue to increase in staggering proportions, where women continue to suffer the brutality of rape and murder no matter whether its ‘backward’ Afghanistan or ‘advanced’ USA, where minorities are isolated and suppressed, where the youth are hounded and persecuted, where the demand for something as minimal as fair wages and living conditions is cut down with bullets and imprisonment.

Another May Day, in the midst of environmental devastations caused by the blind pursuit of profit, in the midst of the rapidly widening chasm of inequality within each society and between imperialist and oppressed countries.

Oppression and exploitation generates resistance. And this resistance grows. This world is witness to the growing wave of class struggles and popular rebellions in country after country. This is a world of turmoil. A wide range of forces are being propelled into struggle against the system. The grooming of the streets is no doubt insufficient for a radical break, for the building of a new society. But it opens up tremendous opportunities for connecting with a whole new generation and winning them over to the revolutionary mission of communism. It paves the way to revolution. This is principal. It must be firmly grasped.

Just a decade or so ago, the existence of the proletariat itself was questioned. Class struggle was declared redundant and considered to be replaced by movements of ‘multitudes’. Today the world is marked by repeated occasions of militant workers struggles, not just in countries like India or China, but even more so in the citadels of imperialism. There is every reason for this. For all the tall talk of the technical wonders of the 21st century, whether in the killing fields of the garment industry in Bangladesh, the slave labour camps of Qatar, the labour barracks in China, or the sweat-shops of imperialist countries, the conditions in which the vast majority of proletarians labour are as atrocious as those of the 18th century. Meanwhile, explicitly oppressive methods of control and ever increasing workloads in the modern centres of wage slavery increasingly suffocate the proletarians.

At a different dimension, the ravages of globalisation have deeply marked the oppressed countries. Privatisation and liberalisation have wiped whole sectors of employment and small business. Working conditions, already bad, have become unbearable. This was aggravated by the global crisis. In inverse proportion to the worsening of living conditions of the vast majority, corruption and profit taking by the rulers have reached astronomic peaks. While the miseries of the people multiply, the rulers obstinately pursue grandiose projects eying the fat cuts they will get.

All of this underlies the repeated outbursts of rebellion seen in the world. Business cannot go on as usual. In a certain sense this is true of the imperialists and their lackeys too. Their growing contention amply indicates this.

Another May Day comes, in a world crying out for revolution, for communism; a day for the class conscious proletariat and their vanguard, the Maoists, to take stock of the world transforming mission of the proletariat and the great traditions of proletarian internationalism.

Today there is no socialist country. Not even a government that can be broadly qualified as progressive, pro people. There is much, much, to be done. But there are also factors that give strength and confidence in pursuing the world emancipatory mission of the proletariat—the clarity of Marxism-Leninism-Maoism and the deepening of the struggle against revisionism of all hues including those of the Prachanda-Bhattarai clique and Avakianism, the wave of struggles seen all over the world, the people’s wars in India and the Philippines and its reorganisation or preparation in some other countries, the strengthening of internationalist ties and activities among Maoist parties and organisations.

Building on these strengths, the Maoists must creatively develop forms of organisation suitable for orienting the rebellious energy of the streets towards revolution, with the building and strengthening of Maoist parties at its center. They must take up the task of building an international organisation of Maoist parties and organisations. This must be the core of an organised international anti-imperialist front of the proletarians and oppressed peoples. Thus the Maoists will be able to establish and develop Marxism-Leninism-Maoism, realise a new unity of the international communist movement, place it at the van of worldwide people’s struggles and fully unleash and realize the revolutionary potential of the present world.

Imperialism has no future! The future belongs to communism!
Proletarians and oppressed people of all countries, unite!
Down with imperialism and all its watchdogs!
Long live proletarian internationalism!
Long live world proletarian revolution!

May 1st, 2014

Committee for Building a Maoist Communist Party, Galicia – Spanish state
Communist (Maoist) Party of Afghanistan
Communist Party of India (M-L) Naxalbari
Communist Party of India (Maoist)
Democracy and Class Struggle – British State
Great Unrest WSRP – Wales British State
Long March Towards Communism (Spain)
Maoist Communist Group – USA
Maoist Communist Movement Tunisia
Maoist Communist Party France
Maoist Communist Party Italy
Maoist Communist Party – Turkey North Kurdistan
Maoist Revolutionary League – Sri Lanka
Revolutionary Communist Party (PCR-RCP Canada)
Revolutionary Praxis – United Kingdom
Serve the People – Communist League of Norway
Servir Le Peuple – Sheisau Sorelh – Occitany – French state
Workers Voice – Malaysia

ABar-11

දමිළ ඊළාම් අරගලය සහ එහි පාඩම් – II කොටස

II කොටස

දමිළ ඊළාම් අරගලය සහ එහි පාඩම්

[ඉන්දියාවේ විප්ලවීය සඟරාවක් වන, ජනතා සත්‍ය #7,  (http://www.bannedthought.net/India/PeoplesTruth/PeoplesTruth07.pdf) කලාපයෙනි, 2009 සැප්තැම්බර්, 20-30 පිටු සහ 12 වෙනි පිටුව.]

රවීන්ද්‍රන් විසිනි

[පරිවර්තනය :  ශ්‍රී කාන්ත]

II කොටස

ඉන්දීය ව්‍යාප්තවාදීන්ගේ භූමිකාව

ආරම්භයේ සිටම, සිය ව්‍යාප්තවාදී අභිලාශයන් සිත්හි තබාගෙන ඉන්දීය රජය ලංකාව තුළ හැම විටම මැදිහත්වීම් කළහ. දමිළයන්ට වචනයෙන් පමණක් සහය දෙන අතර ඉන්දීය රජය සිංහල-බෞද්ධ ජාතිවාදී පාලකයින්ට ලබා දුන් උපායික සහය පුළුල් කළහ. 1949 දී, සිංහල පාලක පංතිය බලය භාරගත් පසු, ඉන්දීය සම්භවයක් සහිත වතු කම්කරුවන්ගේ ප‍්‍රජා අයිතිය අහෝසි කිරීමට ඔවුන් සමග කුමන්ත‍්‍රණය කොට මිලියන ගණනක් වූ දමිළ වතු කම්කරුවන් රාජ්‍යයක් නැති තත්වයට පත් කළ 1949 පුරවැසි පනත ප‍්‍රසිද්ධ කිරීමට එකඟ වූහ. 1971 දී, සිරිමාවෝ බණ්ඩාරනායක රජයට ජවිපෙ කැරැල්ලෙන් තර්ජනයක් වෙන විට, ශ්‍රී ලංකාව තුළ ඉන්දියාවට තිබූ ප‍්‍රමුඛ තත්වය චීනයට දෙවෙනි කර ගන්නට අකමැති වූ නිසා ඉන්දියානු රජය කැරලිකරුවන් මැඩ පවත්වන්නට සියළු සහයෝගයන් සැලසූහ. 1974 දී නැවත, එම කාරණයටම, ඉතා පුරාණ කාලයේ සිටම තමිල්නාඩුවේ මත්ස්‍ය දිවයින් තොටක් වූ, කච්චතිවු, තමිල්නාඩුවේ ජනතාවගේ සහ ප‍්‍රාන්ත රජයේ විරුද්ධත්වය පසෙකට අතුගා දමමින් ශ්‍රී ලංකාවට පවරා දුන්හ. අද, එහි ප‍්‍රතිඵලයක් ලෙස, තමිල්නාඩුවේ මස් මරන්නන් හාරසියයකට අධික පිරිසක් ඝාතනය කොට දහස් ගණනක් අත් අඩංගුවට සහ වධ දීම්වලට ලක් කොට රුපියල් මිලියන ගණනක් වටිනා ඔවුන්ගේ ධීවර බෝට්ටු, දැල් සහ අනෙකුත් උපකරණ ශ්‍රී ලංකා නාවික හමුදාව විසින් විනාශ කර දමන ලදි. දමිළ ධීවර ප‍්‍රජාව විසින් සිදු කළ සිය ගණන් විරෝධතා සහ වර්ජනයන් සහ ජනතාවගේ විවිධ කොටස් වලින් සහ සියළු දේශපාලන පක්‍ෂ වලින් ධීවරයින් ආරක්‍ෂා කිරීමට සුදුසු පියවර ගන්නැයි කළ ආයාචනයන්, මේ ධීවරයින් LTTE යට ආවරණයක් වීයැයි යන ව්‍යාජ හේතුව මත සාමාන්‍යයෙන් ඉන්දීය රජය විසින් නොසලකා හරින ලදි.

සිය ව්‍යාප්තවාදී අභිලාශයන් පිරිමසා ගැනීම සඳහා ඉන්දීය රජය ශ්‍රී ලංකා ජාතිවාදීන් සතුටු කිරීම හෝ දමිළ ප‍්‍රශ්නය මත ඔවුන්ට බලපෑම් කිරීම සිදු කළහ. 1983 දී, දමිළ-විරෝධී මැර ක‍්‍රියාවන් ශ්‍රී ලංකාව තුළ පැන නැගෙන විට, මැදිහත් වීමට අවස්ථාවක් එළඹෙන තෙක් බලා සිටි, ඉන්දීය රජය, වහාම සිද්ධියට මැදිහත් වී ඉන්දියාව තුළ පුහුණු කඳවුරු සකසමින් LTTE යට ආයුධ ලබා දුන්හ. 1985 දී, ශ්‍රී ලංකාවේ නැගෙනහිර දමිලයන්ට බෝම්බ දැමුවා යයි ව්‍යාජ විරුද්ධත්වයක් පාමින්, ඉන්දියානු ගුවන් හමුදාවේ ජෙට් යානා ශ්‍රී ලංකා භූමියට ගෙනවිත් සියළු ජාත්‍යන්තර නීති සහ සම්මුතීන් උල්ලංඝණය කරමින් ආහාර සහ ඖෂධ වර්ග හෙලූහ.

ඉන්දියාව සහ ශ්‍රී ලංකා රජය අතර 1987 දී අත්සන් කළ ඉන්දු-ශ්‍රී ලංකා ගිවිසුමට අනුව පීඩිත දමිළයින්ට කිසිදු පිහිටක් හෝ විසඳුමක් නොදුන් නමුදු, මුළු ශ්‍රී ලංකාවම සිය බලපෑම යටතට ගත්හ. එය ඇත්ත වශයෙන්ම සියළු දමිළ කණ්ඩායම්වලට තර්ජනය කළහ. LTTE ය සහ ඊළාම් දමිළ ජනතාව ගිවිසුමට එරෙහි වන විට, ඔවුන්ගේ අව්‍යාජ ජාතික අභිලාශයන් පොඩි කර දැමිමට, හමුදා මෙහෙයුම් දියත් කළහ. ඇත්තෙන්ම, ජාතික විමුක්තිය සාක්‍ෂාත් කර ගැනීමේ අරගලය තුළ ඕනෑම දුෂ්කරතාවයක් දරා සිටීමට අධිෂ්ඨාන සහගත වූ ජනතාවගේ කැමැත්ත දිනා ගැනීමට අසමත් ඔවුහු, නින්දා සහගත පරාජයෙන් පසුව ආපසු පැමිණියහ. ජාතික විමුක්ති ව්‍යාපාරය බෙලහීන කිරීමට සහ එය ඉන්දියානු රජයේ ව්‍යාප්තවාදී අභිලාශයන් තල්ලූ කිරීමට අවියක් බවට පත්කර ගැනීමට, සිය බුද්ධි කාර්යාංශය වූ, පර්යේෂණ සහ විශ්ලේෂණ අංශය (RAW) හරහා, කුමන්ත‍්‍රණය කොට බිඳ දැමිමට LTTE ය තුළට ඇතුල් වූහ. තවද EPRLF, ENDLF වැනි අනෙකුත් සටන්කාමී සංවිධාන, ඊළාම් බෙදී වෙන්වීමේ අරගලයට එරෙහි වන විට ඔවුන්ට සම්පූර්ණ ආරක්‍ෂාව සපයමින්, සිය පන්දම්කරුවන් බවට පත් කළහ. එය සිය ඒජන්තයින් හරහා මහේන්ද්‍රරාජා මහත්තයියා (Mahendraraja Mahthaiah) වැනි LTTE යේ දෙවන අණදෙන ස්ථානයේ සිටි, ඉහළ පෙළ නායකයින් ලවා LTTE නායක ප‍්‍රභාකරන් ඝාතනය කිරීමට විවිධ ප‍්‍රයත්නයන් දැරූහ. නමුත් ඉන්දීය පාලකයින් විසින් දැරූ එම සියළු ප‍්‍රයත්නයන් අනුකම්පා විරහිතව LTTE ය මගින් මැඩ පැවැත්වුහ.

සිංහල රජයට සියළු යුධ ආධාර සැපයීමෙන් ඉන්දීය රජය ඇත්තෙන්ම දමිළ ජනතාවට එරෙහි ජන සංහාරක යුද්ධයේ කොටස්කරුවකු වීය. එය ශ්‍රී ලංකාවට නවීන අවි ආයුධ, රේඩාර් සහ අනෙක් යුධ යන්ත‍්‍ර සැපයූවා පමණක් නොව සිය යුධ නිළධාරීන් ශ්‍රී ලංකාවට එවා ඔවුන්ට පුහුණු කොට, සමහර අවස්ථාවල දී ‘ක්‍ෂේත‍්‍ර පුහුණුව’ ද ලබා දුන්හ. තමිල්නාඩු ජනතාව සහ සමහර විප්ලවවාදී සහ ජාතිකවාදී සංවිධාන ඉන්දීය රජය අපරාධවලට ඉඩ දීම ගැන චෝදනා කරන විට, රජය කරුණු විකෘති කරන්නට ප‍්‍රයත්න දැරූහ. නමුත් අවසානයේ තමන් ‘ආරක්‍ෂක කටයුතු’ සඳහා පමණක් යැයි සිතා ආයුධ සැපයූ බව, පිළිගන්නට බල කෙරිණි. රජිව් ගාන්ධි ඝාතනය කළේය යන ව්‍යාජය මත ඉන්දියාව තුළ LTTE ය තහනම් කොට, එයින් දමිළ ඊළාම් සඳහා වූ යුක්තිසහගත අරගලයට වූ සහය පුළුල් කිරීම වැළැක්වීමට, ඉන්දියවේ ජනතාවගේ, විශේෂයෙන්ම තමිල්නාඩුවේ, ප‍්‍රජාතාන්ත‍්‍රික අයිතීන් මැඩ පැවැත්වූහ. එය ඊළාම් අරගලයට සහය පුළුල් කරන්නන් අත් අඩංගුවට ගැනීමට ප‍්‍රාන්ත රජයට බල කළහ. දමිළ ජාතිකවාදීන් සහ විප්ලවවාදීන් NSA සහ අනෙකුත් ඉතා දරුණු නීති යටතේ ඊළාම් අරගලයට සහය දීම මත අත් අඩංගුවට ගත්හ. එය සිය නාවික සහ වෙරළ ආරක්‍ෂක යාත‍්‍රා LTTE යේ අධි වේගී යාත‍්‍රා සහ අනෙක් සැපයුම් සෝදිසි කිරීම පිණිස මුරට තැබූහ. එය විවිධ අවස්ථාවල ශ්‍රී ලංකා නාවික හමුදාවට ඔත්තු සැපයීම නිසා, ඊළාම් අරගලයට අතිමහත් හානියක් සිදු කිරීමට හේතු වූහ. LTTE යට බීඩි, ලූංගි, බැටරි කෝෂ යනාදිය සැපයීම නිසා තමිල්නාඩුවේ ධීවරයින් ඉන්දීය වෙරළ ආරක්‍ෂකයින් විසින් අත් අඩංගුවට ගැනුණි. තවද එය ජාතික විමුක්ති අරගල, විශේෂයෙන්ම LTTE ය, සිය තානාපති කාර්යාල සහ සිය ඒජන්තවරු වන බ‍්‍රාහ්මණ වංශික සුබ‍්‍රමන්‍යම් ස්වාමි සහ ජාතික පුවත්පත (ජාතික විරෝධී) වන ද හින්දු හරහා අපකිර්තියට පත් කිරීමේ ව්‍යාපාරයක් ගෙන ගියහ.

1983 සිට යුද්ධයෙන් මිය ගිය ප‍්‍රමාණය 70,000 (හැත්තෑදහස) කට වැඩි ප‍්‍රමාණයක් යයි ලැයිස්තු ගත කර නිළ වශයෙන් ඇස්තමේන්තු කර තිබේ. කෙසේ හෝ වොෂිංටන් සහ හාවර්ඩ් වෛද්‍ය විද්‍යලය කරනු ලැබූ ස්වාධීන අධ්‍යනයෙන්, මිය ගිය ප‍්‍රමාණය 338,000 (තුන් ලක්‍ෂ තිස් අට දහස) කට වැඩි යැයි ඇස්තමේන්තු කොට ප‍්‍රකාශ කරන ලදහ. 2008 ඔක්තෝබර් සිට 2009 මැයි දක්වා ජන සංහාරක යුද්ධය එහි උච්චත්වයට ළඟා වූ විට, 50,000 කට වැඩි ජනතාවක් මරණයට පත් වී එමෙන් දෙගුණයක් තුවාළ ලැබුවද, ඉන්දීය රජය මේ ලේ තැවරුණු ඝාතන හෙලා දකිමින් වචනයක් හෝ නොපැවසීය. සමහර වාර්තාවලට අනුව LTTE දේශපාලන නායක නඬේෂන් සහ තවත් ඉහළ පෙළේ නායකයෙකු වූ පුලිදේවන් ගේ ආරක්‍ෂාව සහතික කළ ඉන්දියානු රජය ආයුධ බිම තබා ශ්‍රී ලංකා හමුදාවට යටත් වන්නැයි, ඒ වන විටත් ඔවුන්ට ආරක්‍ෂාව ලබා දීමට එකඟ වී තිබෙන ශ්‍රී ලංකා ජනාධිපතිට කථා කොට ඇතැයි ප‍්‍රකාශ කොට ඇත. ඉන්දියාව විසින් ලබා දුන් සහතිකය විශ්වාස කළ, ඔවුහු සුදු කොඩි ඔසවාගෙන යටත් වීමට හමුදාව ඉදිරියට පැමිණිය ද, එක එල්ලේම වෙඩි කෑම සිදු වූ එකම දෙයයි. සිංහල අයෙකු වූ, නඬේෂන් ගේ බිරිඳ, නිරායුධව මේ භයංකර අපරාධයට විරෝධය දක්වනු ලදුව, වෙඩි තබා කෲර ලෙස ඝාතනය කළහ. LTTE නායක ප‍්‍රභාකරන් මරා දමා තිබේ යැයි ශ්‍රී ලංකා රජය ප‍්‍රකාශ කරන දින වන විට, එම දින දෙක තුළදී පමණක් මරා දැමුණු ප‍්‍රමාණය විසි දහසකට වැඩි යැයි වාර්තා වේ.

මේ ලේ මිදෙන ඝාතනයන් ලෝක අවධානයෙන් වෙනතකට හැරවීමට ප‍්‍රභාකරන් ඝාතනය කළ පුවත ඕනෑකමින්ම ඉස්මතුවෙන්නට සැලැස් වූ බව වාර්තා වේ. මිය ගිය කොටි කාන්තාවන්ගේ මෘත දේහ දූෂණය කිරීම වීඩියෝගත කොට ලේ පිපාසිත ශ්‍රී ලංකා හමුදාව විසින් අන්තර්ජාලය පුරා සංසරණය වීමට සැලැස්වීම සහ මිය ගිය කොටි කාන්තාවන්ගේ ශරීර කොටස්, වෙළඳ පළ පෙදෙසේ මස් මෙන් අලෙවි කිරීම වැනි සාහසික කෲරකම් සිදු වූහ. ලෝකයේ විශාලතම ප‍්‍රජාතන්ත‍්‍රවාදී රටවල් ලෙස හැඳින්වූ පාලකයන්ට මේවායින් කිසිදු කෝපයක් ඇති නොවූහ. අනෙක් අතට, ජාතික ආරක්‍ෂක උපදේශක K.N. නරායනන් ශ්‍රී ලංකා මිනීමරු හමුදා ප‍්‍රධානී සරත් ෆොන්සේකා ‘‘ලෝකයේ හොඳම හමුදාපති’’ ලෙස අගය කළහ. පසුගිය මාස 6 තුළ දිල්ලිහි එක්සත් ප‍්‍රගතිශීලී සන්ධාන රජය සිවිල් වැසියන් ඝාතනය කිරීම නවත්වන්නැයි එක වරක් හෝ කොළඹින් ඉල්ලා නැත. කුලී මිනීමරු හමුදාව කෙසේ හෝ යුධ මුක්ත කලාප ලෙස හඳුන්වනු ලබන ස්ථානවලට බෝම්බ දමමින්, දහස් ගණන් කාන්තාවන්, දරුවන් සහ මහල්ලන් මරා දමන විට ඔවුන් කරන ලද සමස්තය වූයේ සිවිල් වැසියන්ගේ රක්‍ෂාවරණය සඳහා වැඩි වැඩියෙන් ‘යුධ මුක්ත කලාප’ හෝ NFZs සපයන්නැයි නව නාසීන්ගෙන් ඉල්ලා සිටීමයි. එය ජනතාව මුළා කිරීමට සිදු කළ කෛරාටික ක‍්‍රියාවක් මිස වෙන කිසිවක් නොවේ. ඉන්දීය රජය රඟ දැක්වූ භූමිකාව ෆැසිස්ට්වාදී මහින්ද රාජපක්‍ෂ විසින් ඉතා ඉහළින් අගය කොට ඔහු ප‍්‍රකාශ කළේ ‘‘ඉන්දියානු රජය විසින් සැපයූ උපකාර සහ පුළුල් සහයෝගය බෙහෙවින් සතුටුදායකය.’’ යුද්ධය ඉවර වූ බව ශ්‍රී ලංකා රජය ප‍්‍රකාශ කළ පසු, විමුක්ති අරගලය පාගා දැමීමට ඉන්දීය රජය දුන් සහයෝගය අගය කරමින් කොළඹින් පෝස්ටර් පවා අපට සොයා ගත හැකි විය. ජනසංහාරක යුද්ධයේ සමාප්තියෙන් පසුව පවා, ඉන්දීය රජය සිය යුධ නිළධාරීන් LTTE ය ඇතිරූ බිම් බෝම්බ ඉවත් කිරීමට පිටත් කළහ. තමිල්නාඩුවේ ජනතාව ඊළාම් අරගලයට දුන් පුළුල් සහයෝගය සහ ඊළාම් දමිළයන් සමග තිබූ ඔවුන්ගේ පෞරාණික මානවීය/නාභිගත බැ‍‍ඳීම ගණනකට නොගෙන, ඉන්දීය පාලකයෝ ඔවුන්ගේ ව්‍යාප්තවාදී ආකෘතිය ක‍්‍රියාවට නැංවූහ. යුද්ධය ගෙන ගියේ ශ්‍රී ලංකා රජය සහ ඉන්දීය රජය සහයෝගයෙන් යැයි කියන විට එය මුසාවක් නොවේ.

දශකයකට පෙර, ශ්‍රී ලංකාවේ ඉන්දීය මහ කොමසාරිස් ලෙස 1985-89 කාලය තුළ සේවය කළ J.N. ඩික්සිත්, 1998 දී, ශ්‍රී ලංකාවේ දමිළ ප‍්‍රශ්නය ගැන ඉන්දීය රජයට තිබූ අභිලාශයන් ගැන කිසිදු රහසක් නොවූයේ ඔහු විවෘතවම මෙය ප‍්‍රකාශ කළ නිසාය:

‘‘…එක්සත් ජනපදය, ඊශ‍්‍රායෙලය සහ පකිස්ථානය සමග යුධමය සහ බුද්ධිමය සහයෝගය පුළුල් කිරීමට සහ විශේෂ තත්වයන්ට (ශ්‍රී ලංකාවේ) ප‍්‍රතිචාරයක් ලෙස  දමිළ සටන්කරුවන් (ඉන්දියාවෙන්) සහය ලබාගත්හ. ඇස්තමේන්තුවලට අනුව මේ තත්ත්වයන් ඉන්දියාවට උපායික තර්ජනයක් මතු කරනු ඇත…’’ එම මතයම නැවත ප‍්‍රකාශ කරමින් අභ්‍යන්තර කටයුතු ඇමති ප‍්‍රනාබ් මුඛර්ජී 2009 මාර්තු වලදී පාර්ලිමේන්තුවට කීවේ ‘‘කලබලයට පත්වෙලා අපි එම දිවයිනේ පවතින උපායික වැදගත්කම අමතක නොකළ යුතුයි, එය ඔවුන්ගේ ආරක්‍ෂාව පමණක් නොවේ, එය අපගේ ආරක්‍ෂාව සමගද එකට බැඳී පවතී… .. ඇත්තෙන්ම, අප පිටුපසින් ජාත්‍යන්තර භූමිකා පවතිනවාට අපි අකමැති වෙමු’’.

ශ්‍රී ලංකාව තුළ ඉන්දීය මැදහත් වීම් සිය භූ-දේශපාලන වැදගත්කම් පිණිස මිස යුක්ති සහගත එකක් නොවේ. ඔවුන්ගේ උග‍්‍ර කෑදරකම නිසා සමස්ත ලංකාවම කොල්ලකෑමේ ආශාවකින් ඔවුහු පෙළේ. 1990 සිට 1996 දක්වා ඉන්දියාව ශ්‍රී ලංකාවට කළ අපනයනයන් වල වැඩි වීම 556% කි. 1998 දී ඉන්දියාවෙන් ශ්‍රී ලංකාවට ආනයනය කරන බඩු සඳහා සම්පූර්ණයෙන්ම බදු ඉවත් කළ ඉන්දු-ලංකා ද්වී පාර්ශවීය නිදහස් වෙළඳ ගිවිසුම (ILBFTA) ඉන්දියාව සහ ශ්‍රී ලංකාව අතර අත්සන් කෙරුණු අතර එම ගිවිසුමෙන් ශ්‍රී ලංකාව සමග වූ වෙළඳාම පිම්මක් ඉදිරියට තැබීය. ඉන්දීය කොම්ප‍්‍රදෝරුවන් දැඩි ලෙස ශ්‍රී ලංකාවේ ආයෝජනය කරති. CEAT ඉන්දියා, ඒසියන් පේන්ට්, L&T, අශෝක් ලේලන්ඩ්, ටාජ් ගෲප් හොටෙල්, ටාටා තේ, ACC, අල්ට‍්‍රා-ටෙක් සහ අම්බුජා සිමෙන්ති, RAMCO කර්මාන්ත කණ්ඩායම, ඉන්දියන් ඔයිල් කෝපරේෂන්, මහින්ද්‍රා සහ මහින්ද්‍රා, CADILA ඖෂධ කම්පැනිය, Exide බැටරි, TVS, බි‍්‍රටනියා, අන්සල් රියල් එස්ටේට් කම්පැනි, ජෙට් එයාවේස්, සහරා සහ ඉන්දියන් එයාලයින්ස්, ICICI, UTI, LIC, අර්වින්ද් මිල්ස්, එයාර්ටෙල් සහ විශාල වශයෙන් මහ ධනපති නිවාස ශ්‍රී ලංකාව තුළ සිය ව්‍යාපාර අරඹා ඇත. වසර 2000 වන විට 16 වෙනි ස්ථානයේ තිබුණු ඉන්දීය ආයෝජනයන්, 2005 දී 4 වෙනි ස්ථානයට නැංගේය. 2002 දී, චීන පෙට්‍රෝලියම් දැවැන්තයා වන, සයිනොපෙක්, ශ්‍රී ලංකාවේ කොළඹට පැමිණීම වැළැක්වීමට කටයුතු කර ත‍්‍රිකුණාමලය පෙට්‍රෝලියම් තොග ගබඩාව ඉන්දියන් තෙල් සමාගමට පවරා දීමට බල කළ අතර වසර 35 කට පෙට‍්‍රල් ගුදම් 100 කට වැඩි ප‍්‍රමාණයක් පිහිටුවීමට ඩොලර් මිලියන 75ක ආයෝජනයක් සඳහා ගිවිසුමක් අත්සන් කළහ. එයට ප‍්‍රතිඋපකාරයක් ලෙස LTTE යට එරෙහි යුද්ධයේදී ශ්‍රී ලංකාවට සියළු යුධමය සහයෝගයන් ලබා දීමට එකඟ වුණි. තවද එය ලංකා නාවික හමුදාවට ඉන්දීය සාගර කළාපය තුළ මුහුදු කොටින්ගේ හැසිරීම් නිරීක්‍ෂණයෙන් සහ බුද්ධි තොරතුරු ලබා දීමෙන් උදව් කළහ.

දැන්, ගිජුලිහිණියන් ශ්‍රී ලංකාවේ උතුරු සහ නැගෙනහිර ‘යළි ඉදි කිරීම’ තුළින් මංකොල්ලකෑමේ තරඟයක දැනටමත් යෙදෙමින් සිටී. ඉන්දියාව සහ ශ්‍රී ලංකාව අතර රටවල් දෙකේ බලශක්ති ජාලයන් එකට එක් කිරීමට මුහුද යටින් විදුලි රැහැන් එළීම පිණිස රුපියල් කෝටි 2,292 ක අවබෝධතා ගිවිසුමක් ඉක්මනින්ම අත්සන් කෙරෙනු ඇත.

ඉන්දියාවට දමිළ ඊළාම් ප‍්‍රශ්නය (‘සහය දීම’ හෝ විරුද්ධ වීම යන දෙකේදීම) ශ්‍රී ලංකාවට එරෙහිව භාවිතා කළ හැකි අවියක් පමණි. එය සිය බලපෑම ලංකාව තුළ වැඩි කිරීමට 1987 ට පෙර ජාතිවාදී ශ්‍රී ලාංකිකයින්ට එරෙහිව දමිළ ඊළාම් අරගලයට ‘උදව් කිරීමේ’ භූමිකාව රඟ දැක්වූහ. වරක් ගැලවුම්කරුවාගේ තත්වය අත්කරගෙන සිටි එය එහි ප‍්‍රතිවිරුද්ධ පසට හැරී, දමිළයින් සඳහා වෙනම නිජ බිමක් වෙනුවෙන් නොනැමුණු අරගලයක නිරත වුණු සංවිධානයක් වූ LTTE ය පරාජය කිරීමට ශ්‍රී ලංකා පාලකයින්ට උදව් කළහ. LTTE ය මුලිනුපුටා දැමීමෙන් පමණක් නොව ශ්‍රී ලංකාව තුළ ‘සාමය’ පවත්වා ගැනීමෙන් නොනැවතී ඉන්දියාවට හැම විටම එරෙහි වූ තමිල්නාඩුවේ ජාතික මනෝභාවයක් වශයෙන්, ජාතීන්ගේ සිර ගෙදරක් බවට පත් කළහ. එය හැමවිටම තමිල්නාඩුවේ පැන නගින ජාතික ව්‍යාපාර ගැන සැකමුසු සිතින් පසු වූහ. කුමන හෝ ස්ථානයක ජාතික ව්‍යාපාරයක කුමන හෝ වර්ධනයක්, එය සන්නද්ධ අරගලයක් වීම අවශ්‍ය නොවිණි, දිල්ලි පාලකයින්ගේ අනුකම්පා විරහිත මර්ධනයට මුහුණ පෑම නොවැළැක්විය හැකි දෙයක් විය. කාශ්මීරය, පන්ජාබය, ඇසෑම්, නාගලන්තය, මනිපූර්, ගෝර්කාලන්තය යන ජාතික ව්‍යාපාර පසුගිය පනස් දෙ වසරක කාලයක් මුළුල්ලේ මෙයට සාක්‍ෂි දරයි.

ජාත්‍යන්තර ප‍්‍රජාව ලෙස හැඳුන්වනු ලබන්නන් රඟපෑ භූමිකාව

ශ්‍රී ලංකාව ඉන්දියන් සාගරයේ අතිශය යුද්ධෝපායික වැදගත්කමකින් යුතු ස්ථානයක පිහිටා ඇත. ඉන්දියන් සාගරයට රටවල් 47 ක් සහ එය හාත්පස දිවයින් කිහිපයක්ද ඇත. චීනය සහ එක්සත් ජනපදය/ඉන්දියාව මේ කලාපය තුළ පාලනය ලබා ගැනීමට තරඟ කරන රටවල් වෙති. එක්සත් ජනපදයට දියේගෝ ගාර්සියා (Diego Garcia) හි නාවික සහ ගුවන් කඳුවරක් ඇත. ඉන්දියාව, ඉන්දියන් සාගරයේ ඔවුන්ට අයත් සීමාවෙන් ඔබ්බට මාලදිවයින දක්වා සැලකිය යුතු බලපෑමක් කර තිබේ. චීනයට අයත් කඳවුරක් මියන්මාරය අසල කෝකෝ (Coco) දවයිනේ ඇත.

ඉන්දියන් සාගරය වූ කලී ලෝකයේ සැපයුම් නෞකා වලින් අඩක්ම සංසරණය වන අතිශයින් වැදගත් ජල මාවතයි, එය හරහා යන තුනෙන් එකක් භාණ්ඩ නෞකා සහ තුනෙන් දෙකක්ම තෙල් නෞකා වේ. එය පෙට්‍රෝලියම් නිෂ්පාදන ප‍්‍රවාහනයෙන් බෙහෙවින් තදබදයට ලක්වේ.

එක්සත් ජනපදය 2007 මාර්තු 5 වන දින ශ්‍රී ලංකාව සමග, ඉන්ධන නැවත පිරවීමේ පහසුකම් සහ ප‍්‍රවර්ධන සැපයුම් ඇතුළුව අනෙකුත් දේවල් ද සලසන දස වසරක අත්කර ගැනීමේ සහ හරස් සේවා ගිවිසුමක් súiqula (Acquisition and Cross-Servicing Agreement – ACSA) අත්සන් කළහ. නිරීක්‍ෂණ කටයුතු සඳහා භාවිතා කළ හැකි, ඇමරිකන් සංස්ථාපනයක් ත‍්‍රිකුණාමලයෙහි ඇති කිරීම ගැන එක්සත් ජනපදය මේ වන විටත් අදහස් දක්වා තිබේ.

දැනටමත් සඳහන් කර ඇති ලෙස, 1987 ඉන්දු-ශ්‍රීලංකා ගිවිසුමේ අංගයක් ලෙස ඉන්දියාවට සහතිකයක් ලැබී ඇත, ‘‘ශ්‍රී ලංකාව සමග සම්මුතියට පැමිණ සිටින විදේශීය ගුවන් විදුලි සංවිධාන, ඔවුන් ශ්‍රී ලංකාව තුළ ස්ථාපනය කරන ඕනෑම පහසුකමක් තනිකරම පොදු ගුවන් විදුලි විකාශන පහසුකම් මිස කිසිදු යුධමය හෝ බුද්ධිමය අරමුණකට නොවන බවට වග බලා ගැනීමට පරීක්‍ෂාවට ලක් කෙරෙනු ඇත. ’’ එමෙන්ම ‘‘ඉන්දීය රජයේ අවශ්‍යතාවයන්ට බාධා පමුණුවන ලෙස වෙනත් රටකට ශ්‍රී ලංකාව තුළ ඇති ත‍්‍රීකුණාමලය හෝ වෙනත් වරායන් භාවිතා කිරීමට ඉඩ නොදීමට’’ ශ්‍රී ලංකා රජය එකඟ විය. ඇත්තෙන්ම, එක්සත් ජනපද-සෝවියට් අර්බුදය උච්චත්වයට නැග තිබූ එම කාලයේදී, ඉන්දියාව සෝවියට් පැත්ත සමග සිටියහ. එතැන් සිට, ජාත්‍යන්තර සමීකරණය වෙනස් වී තිබේ, අද ඉන්දියාව කලාපය තුළ ප‍්‍රධාන ඇමරිකන් පන්දම්කරුවා ලෙස ක‍්‍රියා කරයි.

1993 සිට ශුද්ධ තෙල් අපනයනකරුවෙකු වූ චීනය, එක්සත් ජනපදයට පසුව ලෝකයේ අංක දෙකේ තෙල් පරිභෝජකයා වෙයි. 2000 සිට 2004 කාලය තුළදී වර්ධනය වුණු ලෝක අමු තෙල් ඉල්ලූමේ චීනයේ ප‍්‍රමාණය 40%. බලශක්ති සම්පත් වෙත ප‍්‍රවේශ වීම චීන ආර්ථිකයේ වර්ධනය පවත්වා ගැනීමට ඉතා වැදගත් සාධකයකි. එතැන් සිට චීනය ඔවුන්ගේ තෙල් සැපයුම් සඳහා අත්‍යවශ්‍ය වන ප‍්‍රවාහන මාර්ග සහ මුහුදු මාර්ග අත් කර ගැනීම වෙත පියවර තබා තිබේ. 2005 සුනාමි ව්‍යසනයට පසුව, චීනය ඩොලර් මිලියන 4 ක අමතර ‘ආධාර’ සිය අවි සැපයුම්කරු වන නොරින්ගෝ ට අයත් අවි ගබඩාව පිහිටි ගාලූ නගරය ප‍්‍රතිනිර්මාණය කිරීමට ලබා දුන්හ. 2007 දී එම ගබඩාව වසා දැමූ විට එය පොලි ටෙක්නොලොජි වෙතින් වඩා දියුණු අවි, ලාබදායී මිළකට සැපයීමට එකඟ වූහ. පසුව, 2007 අපේ‍්‍රල් වල දී, පොලි ටෙක්නොලොජි ශ්‍රී ලංකාවට ඩොලර් මිලියන 36.5 ක අවි සැපයූහ. සන්නිවේදනය සඳහා රට පුරා පැතිරුණු යටිතල ව්‍යූහයක් ඉදි කිරීමට, චීන බුද්ධි අංශය වන MSS සමග සමීප සම්බන්ධතාවයක් ඇති චිනයේ හුවාවෙයි ට, ඩොලර් මිලියන 150ක කොන්ත‍්‍රාත්තුවක් ලබා දුන්හ. තවද චීනය දිවයිනේ දකුණු වෙරළෙහි හම්බන්තොට පෙදෙසේ සිය තෙල් නැව් වලට ආරක්‍ෂාව සහතික කිරීමට භාවිතා කළ හැකි වරාය ව්‍යාපෘතියක් සඳහා ශ්‍රී ලංකාව සමග තිබුණු එකඟතාව අවසන් කළහ. මෑතදී, 2009 ජුනි වල, හතරවන ඊළාම් යුද්ධය නිමාවෙන් පසු නොරොච්චෝලයි ගල් අඟුරු බලාගාරය සඳහා ඩොලර් මිලියන 891 ක ගිවිසුමක් අත්සන් කළහ. චීන සමාගම්වලට ආර්ථික කලාපයක් පිරිනැමූ අතර 33 වසරක් සඳහා ගිවිසුමක් අත්සන් කළහ. මීරිගම කලාපය තුළ ඉදිරි තෙවසර තුළ හුයිචෙන් ඉන්වෙස්මන්ට් හෝල්ඩින් ලිමිටඩ් ඩොලර් මිලියන 28 ක් අයෝජනය කිරීමට සිටී. පළමු වරට කොළඹ නගරයට බෙහෙවින් ආසන්න; විශේෂ ප‍්‍රදේශයක් විදේශීය රටකට ලබා දී ඇත. චීනය එක්සත් ජනපද-ඉන්දීය අක්‍ෂය බෙහෙවින් කලබලයට පත්වීමට හේතු වෙමින් ශ්‍රී ලංකාව තුළට බලසම්පන්න හදිසි ආක‍්‍රමණයන් කරමින් සිටී.

සිය යුද්ධෝපායික භූ-දේශපාලනික සහ ආර්ථික අභිලාශයන් ට අනුව ශ්‍රී ලංකාවේ දමිළ ප‍්‍රශ්නයට ප‍්‍රවේශ වුණු ප‍්‍රධාන රටවල් මේවා වෙති. ශ්‍රී ලංකා හමුදාව යුද්ධය හමාර කිරීමට ආසන්න වන විට ‘අහිංසකයින්’ මරා දැමීම සහ ‘මානවවාදී අර්බුද’ ගැන එක්සත් ජනපද අධිරාජ්‍යවාදීහු විශාල ආන්ෙදා්ලනයක් සහ හඬගෑමක් ඇති කළහ. 2008 සැප්තැම්බර් සිට ඉදිරියට ජන සංහාරක යුද්ධය සිදු වන විට, 50,000 කට අධික ජනතාවක් මරා දැමෙනු දුටුවද ඔවුහු යුද්ධය අවසන් කිරීමට සැබෑ ප‍්‍රයත්නයක් නොගත්හ. මානව හිමිකම් සහ හිංසනයන් ගැන සහ ‘අහිංසකයන්’ ගේ ‘බිහිසුණු තත්වය’ ගැන කිඹුල් කඳුලූ හෙළමින් කළ ඔවුන්ගේ කෑ ගැසීම එක්සත් ජනපද අභිලාශයන්ට පටහැණිව ශ්‍රී ලංකා රජය කිසිවක් සිදු නොකළ යුතුය කියන සැඟවුණු තරවටුවකි – ඒ කෙසේද යත්, චීනය ඈතින් තැබිය යුතුය. චීනය ශ්‍රී ලංකාව වෙතට විශාල ආක‍්‍රමණයක් කිරීමත් සමග එක්සත් ජනපදය සිය පීඩනය ඉහළ නංවමින් සිටී. ශ්‍රී ලංකාවේ ජනාධිපති, මහින්ද රාජපක්‍ෂට උපදේශකවරයෙකු ලෙස වරක් වැඩ කළ (දැන් සම්බන්ධතාවයක් නොමැති), ඇමෙරිකන් නීතිඥයෙකු, එක්සත් ජනපද අධිකරණයක ශ්‍රී ලංකාව සිදු කළ යුධ අපරාධ ගැන නඩුවක් පිළියෙල කරයි. සිත්ගන්නා සුළු දෑ වන්නේ මහින්ද රාජපක්‍ෂගේ සොහොයුරා සහ ශ්‍රී ලංකා ආරක්‍ෂක ලේකම් වන ගෝඨාභය රාජපක්‍ෂ සහ හමුදා ප‍්‍රධානී සරත් පොන්සේකා යන දෙනොටම එක්සත් ජනපද පුරවැසිකම හිමිව තිබීමයි. චීනය ශ්‍රී ලංකාව තුළය යන පංගුපේරුවෙන් එක්සත් ජනපදයට, ඕනෑම මොහොතක, ශ්‍රී ලංකා රජයට බලපෑම් කිරීමට මෙය භාවිතා කළ හැකිය.

චීනය නව-නාසීන්ට නවීන අවි ආයුධ සහ ආධාර සැපයූවා පමණක් නොව දහස් ලණන් සිවිල් වැසියන් ඝාතනය කිරීම ගැන ශ්‍රී ලංකාව හෙළා දකිමින් එක්සත් ජාතීන්ගේ ආරක්‍ෂක කවුන්සිලයේ යෝජනාව ස්ථීර කිරීමේ ප‍්‍රයත්නය පවා දියකර දැමූහ. ඉන්දියාව ත් එම ජවනිකාවම රඟ පෑවේ යෝජනාවට එරෙහිවීමෙන් නොනැවතී සමහර අනෙක් රටවල් ද එයට එරෙහිව ඡන්දය දීමට නම්මවා ගනිමිනි.

එක්සත් ජාතීන්, යුධ මුක්ත කලාපයේ සිවිල් වැසියන්ගේ තත්වය අන්වේශණය කිරීමට යවා තිබුණු සිය නිරීක්‍ෂක, විජේ නම්බියාර්, ශ්‍රී ලංකා රජයට මුළුමනින්ම පිරිසදු සහතිකයක් ලබා දුන්හ. ඔහුගේ සොහොයුරු සතිෂ් නම්බියාර් ශ්‍රී ලංකා රජයේ ආරක්‍ෂාව හා සම්බන්ධ කාරණාවලදී උපදේශකයෙකු වන බව පෙන්වා දීම නුසුදුසු දෙයක් නොවේ. එක් සොහොයුරෙක් ජාතික විමුක්ති යුද්ධය අනුකම්පා විරහිතව පොඩි පට්ටම් කිරීමට උපදෙස් දෙන අතර අනෙක් සොහොයුරා ‘මානව හිමිකම්’ උල්ලංඝණය අධීක්‍ෂණය කරයි. සිවිල් වැසියන්ගේ තත්වය නිරීක්‍ෂණයට, ජන සංහාරක යුද්ධයට පසුව ලංකාවට පැමිණි, එක්සත් ජාතින්ගේ මහ ලේකම්, බරපතළ ෙදා්ෂාරෝපණයට ලක් වූහ. ඔහු ඇත්තෙන්ම ශ්‍රී ලංකා හමුදා ෆැසිස්ට්වාදීන් සිදුකළ සිවිල් වැසියන් ඝාතනය සහ අනෙකුත් යුධ අපරාධ සඟවා තැබූහ. ඇත්ත වශයෙන්ම කියතොත් එක්සත් ජාතීන් ශ්‍රී ලංකා රජය LTTE ‘ත‍්‍රස්තවාදීන්’ අභිබවා ලබාගත් ජයග‍්‍රහණය ඔසවා තබමින් යෝජනාවක් ස්ථීර කළහ. ලොව පුරා මිලියන ගණන් ජනතාව, විශේෂයෙන්ම දමිළ ජනතාව, ඝාතනයන් හෙළා දකිමින් මේ ජනසංහාරක යුද්ධය අවසන් කිරීමට බල කරමින් සිදු කළ විරෝධතා තිබියදී පවා එක්සත් ජාතීහු ඇත්ත වශයෙන්ම දමිළ සංහාරයට, ඉඩ හළහ. ඊලාම් දමිළයින් ද ඇතුළු, දමිළයින් 14 දෙනෙකු ජිනීවා හි එක්සත් ජාතීන්ගේ කාර්යාලය ඉදිරිපිට දිවිනසාගත්තද, ඔවුහු ඒ ගැන කරදර නොවූහ.

ලොව පුරා විරෝධතාවයන් සහ ජන මතය ගණනකට නොගෙන, මේ ප‍්‍රතිගාමීහු ඒකාබද්ධව අහිංසක වැසියන් බිහිසුණු ලෙස ඝාතනය කිරීම සිදුකරගෙන යද්දී, දශක කීපයක් තිස්සේ ක‍්‍රමානුකූලව ජනවාර්ගික පවිත‍්‍රකරණයකට ලක් වෙමින් සිටි ඊළාම් ජනතාව සඳහා යුක්තිසහගත නිජබිමක් වෙන් කිරීමට සහ නිදහස උදෙසා වූ අරගලය පොඩි පට්ටම් කර දැමීමෙන් ශිෂ්ට සම්පන්න සමාජයේ සියළුම ප‍්‍රජාතන්තවාදී ධර්මතාවන් නිග‍්‍රහයට ලක් කිරීම ප‍්‍රදර්ශනය කළහ. මේ මස්වැද්දන් අතිදුෂ්ඨ අපරාධ සිය කොල්ලකාරී අභිලාශයන්ට සේවය කිරීම පිණිස සිදු කරනු ඇත යන්නට සාක්‍ෂ්‍ය ලෙස එකම විදියේ ජන සංහාරයන් මේ ප‍්‍රතිගාමීන් විසින් ඉරාකයේ, ඇෆ්ගනිස්ථානයේ සහ දැන් පකිස්ථානයේ ස්වැට් කලාපයේ සිදු කොට තිබේ. කුමන වෙනස් කම් තිබුණත් පෙනෙන දෙයනම්, සිය අධිරාජ්‍යවාදී/ව්‍යාප්තවාදී අභිලාශයන් ලූහුබැඳීමට කලාපය තුළ යුද්ධෝපායික ආධිපත්‍යය අත් කර ගන්නේ කෙලෙසද යන්න ගැන පමණක් තැකීමයි.

LTTE යේ පරාජය සහ එහි පාඩම්

ජාතික විමුක්ති යුද්ධය සාර්ථකව දශක තුනකට වඩා වැඩි කාලයක් පවත්වාගෙන ගිය LTTE ය හතරවෙනි ඊළාම් යුද්ධය පරාජයට පත්වූවා පමණක් නොව තමන්ගේ සියළු කඳවුරු සහ දහස් ගණන් වූ සිය සොල්දාදුවන් ජීවිතක්‍ෂයට, තුවාළවීමට හෝ අත් අඩංගුවට පත් වූහ. අඩු පාඩු පිරිමසාගෙන වෙනම නිජබිමක් සඳහා වූ ඔවුන්ගේ අරගලය පෙරසේම පවත්වාගැනීමට ඔවුන්ට සැලකිය යුතු කාලයක් ගනු ඇත. LTTE ය විසින් මෙහෙයවනු ලැබූ යුද්ධය සූරාකෑමට, අයුක්තියට සහ පීඩනයට එරෙහිව සටන් වදින සියල්ලන්ටම, විශේෂයෙන්ම සන්නද්ධ අරගලවල නියුතු වන අයට ආශ්වාදයක් වනු ඇත. LTTE යේ පරාජය දමිළ ඊළාම් ජනතාවට පමණක් නොව පීඩකයන්ට එරෙහිව සන්නද්ධ අරගලවල නිරත වන සියල්ලන්ටම දැවැන්ත පාඩුවක් වන්නේය. මෙතරම් බලසම්පන්න සටන්කාමී බලසේනාවක් පරාජයට පත් වීම මේ අරගලයට සහයදක්වමින්/අනුබල දෙමින් සිටි ජනතාව අතර සැලකිය යුතු  තරමක බලාපොරොත්තු කඩවීමක් ඇති වීම ස්වාභාවික දෙයකි. එමනිසා, එහි පරාජයට හේතුපාදක වූ කරුණු පාඩම් ලෙස ගැනීමට වටහාගැනීම ලොව මුළුල්ලේ වූ සියළු ජාතික ව්‍යාපාරවලට සහ ඉන්දියාවේ සහ දකුණු ආසියාවේ සන්නද්ධ අරගලවල නියුතුවන බලවේග සඳහා බෙහෙවින් අවශ්‍ය කරන දෙයකි.

            මතු දැක්වෙන්නේ සැලකිල්ලට ගත යුතු ප‍්‍රධාන කාරණාවන්ය.

a) LTTE ය දශක තුනකටත් වඩා ජාතික විමුක්ති යුද්ධයක් මෙහෙයවමින් සිටි සටන්කාමී සංවිධානයකි. මේ කාලය මුළුල්ලේ එය බොහෝ උච්චාවචනයන්ට මුහුණ පා තිබුණු අතර මේ වන විට තමන්ගේ සියළු කඳවුරු අහිමි කරගෙන තිබේ. නමුත් ඔවුහු කවදාවත් ‘‘දමිළ ඊළාමය’’ සඳහා වන සිය අරමුණ, අතිශය දුෂ්කර අවස්ථාවලදී පවා අනතුරේ නොදැමූහ. එසේ වුවද, ඔවුන්ගේ මතවාදය සහ පංති පදනම ස්වභාවයෙන් ධනේශ්වර වේ. මේ නිසා, ඔවුන්ට සිය ආදරණීය අරමුණ වූ දමිළ ඊළාමයේ මිතුරන් සහ සතුරන් අතර වෙනස  හඳුනාගන්නට නොහැකි වූහ. ඔවුහු සිය ජනතාව – වෙතටම ප‍්‍රවේශ වූහ, උදාහරණ ලෙස, ඊළාම් දමිළ, දමිළ ඊළාමයේ කොටස්කරුවන් වන ශ්‍රී ලංකාවේ උතුරු නැගෙනහිර ජීවත්වන මුස්ලිම්වරුනුත්, ශ්‍රී ලංකාවේ මධ්‍යම කොටසේ වතුකරයේ ජීවත්වෙන දමිළයින්, සිංහල ජනතාව, දමිළ ඊළාම් අරමුණ වෙනුවෙන් හැම විදියකින්ම සහය පළ කළ ඉන්දියාවේ දමිළ ජනතාව, තමිල්නාඩුවේ ධනේශ්වර පක්‍ෂ, ඉන්දීය රජය සහ අධිරාජ්‍යවාදීහු – සියළු ම ආකාරයේ මේ විවිධ බෙලවේග ධනේශ්වර දෘෂ්ඨියෙන් දූෂිත වූහ. ඔවුහු සිංහල-බෞද්ධ වර්ගවාදීන් සමග කටයුතු කිරීමේ දී පාලක පංතිය සහ පීඩිත මහ ජනතාව අතර ඇති පංති වෙනස සැලකිල්ලට නොගෙන සිංහල වැඩ කරන ජනතාව පවා ඉලක්ක කර ගත්හ.

දමිළ-විරෝධී වැඩසටහන් වලට උල්පන්දම් දීමට සහ සිංහල ජාතිය ‘ආරක්‍ෂාකිරීම’ මුවාවෙන් දමිළයින්ට එරෙහි ඕනෑම විදියක කෲරකම් සිදු කරන්ට සහ සිංහල ජනයා ඔවුන්ගේ සැබෑ ප‍්‍රශ්නවලින් ඉවතට යවන්නට, ජාතිවාදයෙන් හැම විටම ශක්තිය ලබන ශ්‍රී ලංකා පාලක පංතියට මෙය විපුල අවස්ථාවන් උදා කර දුන්හ. එසේ වුවද අහිංසක මිනිසුන් මැරීමට ඉඩහළ, ජාතිවාදී මනෝභාවයන් වල ආධිපත්‍යය නිසා, වෙනම නිජබිමක් සඳහා වූ ඔවුන්ගේ අරගලයට සිංහල ජනතාවගේ අනුකම්පාව දිනාගත නොහැකි වනු ඇත. වැඩිදුරටත්, වෙන්වීමේ අයිතිය ඇතුළුව, ඊළාම් ජනතාවගේ ස්වයං-තීරණයේ අයිතිය පිළිගන්නා, ලංකා සම සමාජ පක්‍ෂය (LSSP) වැනි සංවිධාන පවතිද්දී, ශ්‍රී ලංකා පාලක පංතියට එරෙහිව එක්සත් අරගලයක නියැලීමේ හැකියාවක් තිබුණි, කොපමණ දුබල වුවත් එය විය හැකිව තිබුණි. නමුත් එහි ධනේශ්වර ජාතිකවාදී දර්ශනය නිසා, සිය උපායමාර්ගයන් වර්ධනය වුවද LTTE ය මේ පැති සැලකිල්ලට ගත්තේ නැත. ඔවුහු තමන්ගේම ජනතාව අතර වූ සම්බන්ධතාවයන්හි දී පවා, පංති වෙනස්කම් සැලකිල්ලට ගත්තේ නැත. යථාර්ථය වූයේ, වැඩ කරන පංතිය සහ ධනේශ්වර පංතිය අතර ගැටුම් පවතින විට ඔවුහු ධනේශ්වර පංතියට සහය දීමේ ස්ථාවරය ගැනීමයි.

එපරිද්දෙන්ම, ඔවුහු පුළුල් බහුජනතාවගේ සහයෝගය ලබා ගැනීමට පරිශ‍්‍රම දැරීමට වඩා ධනේශ්වර පංතියේ සහ තමිල්නාඩුවේ එම පක්‍ෂවල සහය ලබා ගැනීමට වඩ වඩා පෙළඹුණහ. පුළුල් බහුජනතාව – කම්කරුවන්, ගොවියන්, ශිෂ්‍යයින්, තරුණයින්, සුළු-ධනේශ්වර පංතිය සහ බුද්ධිමතුන් – දමිළ ජනතාවගේ අභිප‍්‍රායන්, සහ දමිළ ජනතාව සඳහා වෙනම නිජ බිමක් යන යුක්ති සහගත කාරණය පිළිගැනීම නිසා සිය සහයෝගය ස්වේච්ඡාවෙන්ම ලබා දුන්හ. තමිල්නාඩුවේ ජනතාව, විප්ලවවාදීහු සහ අනෙක් ප‍්‍රජාතන්ත‍්‍රවාදී බලවේග, සිය නොපසුබස්නා සහයෝගය ඊළාම් අරගලයට සහ LTTE යට ලබා දුන්හ. නමුත් LTTE ය ඉන්දියාවේ මාඕවාදී සංවිධාන සමග කිසිදු සම්බන්ධතාවයක් නොපවත්වන ලෙස දැඩි ලෙසම සිය කාඩර්වරුන්ට අවවාද කිරීම පවා සිදු කළහ. ජාත්‍යන්තර මට්ටමේදී පවා තත්ත්වය එයම විය. LTTE ය ලෝකය පුරා ශක්තිමත් ජාලයක් වන දමිළ ඩයස්පෝරාව පිහිටුවා තිබුණේය. නමුත් ඔවුහු කිසිදු බලවත් ප‍්‍රයත්නයක් සටන් වදින ජනතාව සමග හෝ සංවිධාන සමග සමීප සම්බන්ධතාවයන් ගොඩ නගා ගැනීමට හෝ ඔවුන්ගේ සහය ලබා ගැනීමට දරා නොතිබුණි. වඩාත් ඔවුහු අධිරාජ්‍යවාදී රජයන්ගේ හෝ එම රජයන්හි බලපුළුවන්කාරයින් ගේ උපකාරයෙන් ආරක්‍ෂාව සලසා ගැනීම කෙරේ යොමුවූහ. එය ජාතියකට සීමාවූ ආකල්පයක් පමණක් නොවන නමුදු බෙහෙවින්ම ජනතාවට වඩා ධනේශ්වර පංතිය කෙරේ බලපැවැත්වීමේ පංති දෘෂ්ඨිය වූහ.

මතවාදීව LTTE යේ අභිලාශයන්ට මාක්ස් ලෙනින් මාඕවාදය පටහැණි බව අතිශයින් පැහැදිලිය. වරක් එය ‘‘සමාජවාදී දමිළ ඊළාමය’’ ක් සඳහා යන සටන් පාඨය දැරීය. නමුත් කෙටි කලකින්ම එය ඉවත් කර ගත්තේ එය ඔවුන්ගේ පංති අවශ්‍යතාවයන්ට පටහැණි බැවිණි.

b) LTTE ය ජාතික විමුක්ති අරගලය සඳහා සන්නද්ධ අරගලය ආරම්භ කළේ ක‍්‍රියාකාරම් අතලොස්සක් පමණක් සිදු කළ ගරිල්ලා බල ඇණියක් ලෙසයි. 1983 දී විශාල පරිමාණයේ දමිළ-විරෝධී වැඩසටහන වන, ‘‘කළු ජූලිය’’ සමයේ දී එහි ශක්තිය හුදෙක් 30 දෙනෙක් පමණක් වූ අතර, හතරවන ඊළාම් යුද්ධය ඇරඹීමත් සමග 30,000-40,000 ක් පමණ ප‍්‍රමාණයක් වූහ. පසුගිය යුද්ධයේ අවසන් අදියරේදී LTTE ගරිල්ලන් 22,000 ක් පමණ මරණයට පත් වූ බව සහ තවත් 10,000 කට වැඩි ප‍්‍රමාණයක් තුවාල කරුවන් වී, අත් අඩංගුවට පත් වී හෝ යටත් වී ඇති බව ශ්‍රී ලංකා හමුදාව නිළ වශයෙන් ප‍්‍රකාශයට පත්කළහ. දේශපාලන බලය අල්ලා ගැනීම පිණිස සටන් කරන ඕනෑම සංවිධානයක් සතුරාගෙන් භූමිය අත්පත් කරගෙන එහි ජනතා පාලනයක් ඉදි කළ යුතුය. එබැවින් යුද්ධය ගරිල්ලා සංග‍්‍රාමයෙන් ස්ථානීය සංග‍්‍රාමය කරා සහ ගරිල්ලා හමුදාව සාමාන්‍ය/සම්මත හමුදාවක් බවට පරිවර්තනය වනු ඇත. 2006 ජූලි වල දී හතරවන ඊළාම් යුද්ධය මුලපිරීමට පෙර, ශ්‍රී ලංකාවේ උතුරු නැගෙනහිර තුළ වර්ග කිලෝමිටර 16,000 ක භූමි භාගයක් LTTE යේ පාලනයට නතුව මෙම ප‍්‍රදේශවල ඔවුන්ගේම සිවිල් සහ යුධ පාලනයක් පවත්වාගෙන ගියහ. මෙතැන් සිට, තෙවසරකට ආසන්න කාලයක් තුළදී ඔවුන් සිය භූමිය ටිකෙන් ටික අහිමි කර ගත්හ. වසරකට පසුව, 2007 ජූලි වලදී, තොප්පිගල පරාජයෙන් පසුව ඔවුහු නැගෙනහිර පළාතෙහි ත‍්‍රිකුණාමළයේ පාලනය මුළුමනින්ම නැති කර ගත්හ.

රජය වහාම මැතිවරණ නාටකය පවත්වා සිය ඒජන්තවරු සහ ද්‍රෝහී කරුණාගේ පක්‍ෂය පළාත් සභාව ලෙස පිහිටවූහ. නැගෙනහිර පළාත අත්පත් කර ගත් පසු ශ්‍රී ලංකා හමුදාව උතුරු පළාතේ ප‍්‍රහාර ගැන සිය අවධානය යොමු කළහ. 2007 සැප්තැම්බර් සිට ඉදිරියට LTTE ය සිය ප‍්‍රදේශයන් අහිමි කර ගන්නට පටන් ගත්තේ ඒවා එකින් එක ශ්‍රී ලංකා හමුදාව අතට පත් වීමෙනි. මේ සමස්ත කාලය තුළ සිය භූමි ප‍්‍රදේශ අහිමි වීම සහ වඩාත් දුර්වල තත්වයට පත් වීම සහ සතුරු ප‍්‍රහාරවලට වඩාත් නිරාවරණය වීම යන කාරණා ගැන නොතකා LTTE ය ස්ථානීය සංගාම මොඩලයෙහිම එල්ලී ගත්හ. ඔවුහු සිය ස්ථානීය සංග‍්‍රාමය ගරිල්ලා සංග‍්‍රාමය කරාවත් වෙනස් කළේ නැත. යම් ස්ථානයක් අත් නෑර තබාගැනීමෙන් හෝ අල්ලාගෙන සිටීමෙන් යුද්ධයේ ජයග‍්‍රහණය සාක්‍ෂාත් කර ගැනීම ස්ථානීය සංග‍්‍රාමයෙහි මූලධර්මය වේ. එම අවස්ථාව ඔබට වරක් අහිමි වූ විට එයින් ඉතිරිව තිබෙන ස්ථානයන් වෙතට සිය ප‍්‍රහාර මෙහෙයවීමට සතුරාට අධික ඉඩකඩක් සැපයීමෙන් එයම පවත්වාගැනීම නිරර්ථක දෙයකි. මෙහෙයුම් කළාපය පුළුල් කිරීම සහ ගරිල්ලා ක‍්‍රමය තෝරාගැනීම වෙනුවට, සතුරා සිය ප‍්‍රහාර නාභි ගත කරන විට, ජනතාව සමග ඔවුන්ගේ බල ඇණි වඩ වඩාත් කුඩා ප‍්‍රදේශයකට පසුබැස්සාහ. යුධ ක‍්‍රියාකාරකම් වලට ඔබට ප‍්‍රමාණවත් තරම් ඉඩ කඩක් නොලැබීම නිසා මේ උපාය සිය දිවි නසා ගැනීමකි. තමන් යුද්ධය ඉතා සුළු තත්වයක සිට ඉහළ මට්ටමක් කරා සංවර්ධනය කළාය යන කාරණය නොතකා, යුද්ධයේ අවශ්‍යතාවයන්ට සහ තත්වයන්ට අනුව, එක් සංග‍්‍රාම ක‍්‍රමයකින් තවත් සංග‍්‍රාම ක‍්‍රමයකට මාරු වීමේ නම්‍යශීලීතාවය, LTTE ය විසින් තෝරා නොගත්හ.

ගරිල්ලා සංග‍්‍රාමය, ජංගම සංග‍්‍රාමය සහ ස්ථානීය සංග‍්‍රාමය වැනි – විවිධ ආකාරයේ යුධ ක‍්‍රමයන් වල නියැලීමේ දැවැන්ත අත්දැකීම් සම්භාරයක් තිබියදී – ඔවුන් අසමත් වූයේ ඇයි? වැඩි වෙන සිවිල් ජීවිත හානි සමඟ ජාත්‍යන්තර ප‍්‍රජාව යැයි කියන අධිරාජ්‍යවාදීන්, ඉන්දීය රජය, ජන සංහාරක යුද්ධය නැවැත්වීමට ශ්‍රී ලංකා රජයට බල කරාවි යැයි අපෙක්‍ෂා කළහ. නමුත් මේ සියළු ප‍්‍රතිගාමීහු, මෙයට පෙර අප දැක තිබූ ආකාරයට ම, ඔවුන්ගේ අභිලාශයන් ඉෂ්ට සිද්ධ කර ගැනීමට කැමැත්තෝ මිස ඔවුන්ගෙන් කිසිවෙකුත් ජනතාව පෙළෙන පීඩාවන් ගැන හෝ ජාතික පීඩනයට එරෙහිව ගෞරවනීය විසඳුමක් ලබා ගැනීම ට උදව් කිරීම කෙරේ අවධානය යොමු නොකළහ. LTTE නායක ප‍්‍රභාකරන් 1993 දී වරක් පැවසූ පරිදි ‘‘මේ ලෝකයේ සෑම රටක්ම ඔවුන්ටම අයත් වූ අභිලාශයන්ට අනුව ඉදිරියට ගමන් කරයි. ඒවා වත්මන් ලෝකයේ ක‍්‍රියා පටිපාටිය වන ආර්ථික සහ වෙළඳ අභිලාශයන් මිස, යුක්තියේ සදාචාර ධර්මතාවයන් හෝ ජනතාවගේ අයිතීන් නොවේ. රටවල් අතර ජාත්‍යන්තර සම්බන්ධතාවයන් සහ තානාපතිකම් තීරණය වන්නේ එවැනි අභිලාශයන්ට අනුවයි. එමනිසා ජාත්‍යන්තර ප‍්‍රජාව විසින් අපේ අරමුණට සදාචාරමය සුජාතභාවයක් ඉක්මනින්ම ලබාදේවි යැයි අපට අපෙක්‍ෂා කළ නොහැක. …යථා තත්වයේදී, අපේ අරගලයේ සාර්ථක බව රඳා පවත්නේ අප මතයි, ලෝකය මත නොවේ. අපේ සාර්ථකත්වය අපේ ප‍්‍රයත්නයන් මත, අපේ ශක්තිය මත, අපේ ධෛර්ය්‍යය මත රඳා පවතී…’’ අධිරාජ්‍යවාදී සහ ප‍්‍රතිගාමී බලය ගැන සෑහෙන දුරට නිවැරදි අවබෝධයක් තිබියදී, LTTE ය එය භාවිතයට නැංවීමට අපෝහොසත් වූහ.

c) LTTE ය ශ්‍රී ලංකා රජයට එරෙහිව දැඩි ලෙස පසුගිය දශක තුන තිස්සේ ජාතික විමුක්ති අරගලයක නිරත වෙමින් තිබුණි. මේ අරගලය ශ්‍රී ලංකාවේ කොම්ප‍්‍රෙදා්රු පාලක පංතියට එරෙහිව තිබුණද, වාස්තවිකව එය ඍජුවම අධිරාජ්‍යවාදයට එරෙහිවත් යොමුවූහ. නමුත් LTTE යට කවදාවත් අධිරාජ්‍ය-විරෝධී දිශානතියක් හෝ වැඩසටහනක් ජාතික විමුක්ති අරගලය තුළ නොතිබුණි. නිදහස්, ස්වයං-විශ්වාසය ඇති දමිළ ඊළාමය සඳහා වූ එහි වැඩසටහන කොම්ප‍්‍රෙදා්රු පාලක පංතියෙන් වෙනම රාජ්‍යයක් දිනා ගැනීම ඉලක්ක වූවා මිස අධිරාජ්‍යවාදීන්ගේ සූරාකෑමෙන් සහ පීඩනයෙන් ගැලවීම කෙරේ ඉලක්කව නොතිබුණි. එය පමණක් නොව, එය අධිරාජ්‍යවාදී රජයන් දමිළ ඊළාමයේ මිතුරන් ලෙස දුටු අතර හැම විටම ඔවුන්ගේ සහය සිය අරගලයට ලබා ගැනීමට උත්සාහ කළහ. මෑත යුද්ධයේදී පවා එය, ලෝක ජනතාවගේ අංක එකේ හතුරා සහ ශ්‍රී ලංකාව ඇතුළු ලොව මුළුල්ලේ සියළු ප‍්‍රති-විප්ලවවාදී පාලක පංති වල නායකයා වන, එක්සත් ජනපද අධිරාජ්‍යවාදය, තමන් ගලවා ගැනීමට පැමිණේවියැයි, අවසන් මොහොත දක්වා අපේක්‍ෂා කළහ. මෙය දමිළ ඊළාම් ජනතාවගේ සහ ගරිල්ලන්ගේ අධිරාජ්‍ය-විරෝධී විඥතභාවය මොට්ට කර තිබුණි.

d) ඊළාම් විමුක්ති යුද්ධය ගරිල්ලා සංග‍්‍රාමයෙන් ස්ථානගත සංග‍්‍රාමය කරා මාරු වන විට එය අලූත් සහ නවීන යුද්ධායුධ කෙරේ පදනම් වීම අතිශයින්ම වැඩි විය. එය ප‍්‍රධාන වශයෙන්ම සිය සැපයුම් සඳහා අධිරාජ්‍යවාදී රටවල් සහ ජාත්‍යන්තර අවි වෙළඳසැල් කෙරේ පදනම් වූහ. එතැන් සිට, මේ රටවල්වල බලයෙන් එය පහර ගැසූහ. මෙය අවබෝධ කරගැනීමෙන්, ශ්‍රී ලංකා ජනාධිපති රාජපක්‍ෂ සාර්ථකව සිය තානාපති සම්බන්ධකම් අවි සැපයුම් නැවැත්වීමට යෙදවූහ. එපරිද්දෙන්ම එය යුරෝපයේ සහ උතුරු ඇමෙරිකාවේ ජීවත් වෙන්නන්ගෙන් ඊළාම් අරගලය සඳහා අරමුදල් ගැනීමද වළක්වා ලූහ. ‘ත‍්‍රස්තවාදයට එරෙහි යුද්ධය’ යන්නෙන් මේ රටවල් ෆැසිස්ට්වාදී රාජපක්‍ෂට උදව් කළ විට අධිරාජ්‍යවාදී රටවල් කෙරේ පදනම් වීම LTTE යට හානි කළහ. ස්වයං-විශ්වාසය, ආර්ථික සහ දේශපාලන කටයුතු මත පමණක් නොව ප‍්‍රතිගාමී රජයකට එරෙහිව සටන් කිරීමේදී ගරිල්ලාවන්ට බෙහෙවින් වැදගත් වන යුධමය සැපයුම් ගැනද විය යුතුය.

e) එක්සත් පෙරමුණ ගැන ප‍්‍රශ්නයේදී එයට වැරදි ප‍්‍රවේශයක් තිබුණි. එය පොදු සතුරාට එරෙහිව එක්සත් කළ හැකි සියළුම බලවේග එක්සත් කිරීමට අසමත් විය. ඇත්ත වශයෙන්ම එහි ප‍්‍රවේශය වී තිබුණේ ශ්‍රී ලංකා රජයේ හමුදාවට එරෙහිව සටන් කරන සියළු බලවේග එක්සත් කිරීම වෙතය. ආධිපත්‍ය සහ නායකත්ව ස්ථානය සඳහා වූ සිය අරගලය තුළදී අනෙකුත් සුළු-ධනේශ්වර සටන්කාමී කණ්ඩායම් වැනසීම සිදු වූවා පමණක් නොව, දමිළ ඊළාම් බෙදී වෙන්වීම සඳහා සටන්වැදුණු අව්‍යාජ බලවේග වන ඔවුන්ගෙන් බොහෝ දෙනෙකු ශ්‍රී ලංකා රජයේ හෝ ඉන්දීය රජයේ ඒජන්තවරු බවට පත් වූහ. මාක්ස් ලෙනින් මාඕවාදී මතවාදයෙන් යුතු වූ සහ නව ප‍්‍රජාතන්ත‍්‍රවාදී වැඩසටහනක් සහිත වූ දමිළ ඊළාම් ජාතික විමුක්ති පෙරමුණ (NLFT), දමිළ ඊළාම් ජනතා විමුක්ති පෙරමුණ (PLFT), නිර්ධනපංති පෙරමුණු සංවිධානය (PrOVO) වැනි විප්ලවවාදී බලවේගවලට දමිළ ප‍්‍රදේශ වල ක‍්‍රියාකාරී වීමට ඉඩ නොහළහ. එක්කෝ ඔවුන් සිය ක‍්‍රියාකාරකම් නැවැත්වීමට විමසීමට හෝ මරා දැමීමට ලක් විණි.

f) දමිළ ඊළාමයේ කලාප තුන වන යාපනය, වන්නිය සහ නැගෙනහිර යන කලාප අතර කලාපීය වෙනස්කම්, විශේෂයෙන්ම උතුරු සහ නැගෙනහිර, සැලකිල්ලට ගෙන තිබුණේ නැත. මේ තත්වයෙන් ප‍්‍රයෝජන ගැනීමට සහ නැගනහිර කලාපයේ ජනතාව LTTE යට විරුද්ධව හැරවීමට මෙය කරුණා වැනි ද්‍රෝහීන්ට ඉඩ සැලසූහ.

g) මුස්ලිම්වරුන්ට වැරදි ලෙස සැලකීම නිසා එය දමිළ ඊළාමයේ කොටසක් හෝ පංගුකරුවන් වීමට සිටි මුස්ලිම් ප‍්‍රජාව අමනාප කර ගත්හ. 1990 ඔක්තෝබර් වලදී, තමන් සතු සියළු දෑ සමග, මුස්ලිම්වරු 28,000 ක් යාපනයෙන් බලෙන් නෙරපීම දමිළ ඊළාම් අරගලයට දරුණු ලෙස බලපෑහ. ජනතාව බෙදීමට අවස්ථාවක් එන තෙක් හැම විටම බලා සිටි, පාලක පංතිය, එය ප‍්‍රයෝජනයට ගෙන දමිළයින් සහ මුස්ලිම්වරු අතර ස්ථීර බෙදීමක් ඇති කළහ. මුස්ලිම්වරු අතර සිටි ප‍්‍රභූවරු ශ්‍රී ලංකා පාලක පංතිය සමග සම්මුතියට එළඹ මුස්ලිම් ජනගහනයෙන් සැලකිය යුතු කොටසක් අරගලයෙන් ඉවතට ගත්හ.

h) ‘‘ජනතාව ඉතිහාසය නිර්මාණය කරයි’’ යන මාඕවාදී සිද්ධාන්තය වෙනුවට ‘‘වීරයෝ ඉතිහාසය නිර්මාණය කරති’’ යන්න LTTE යේ ප‍්‍රවේශය විය. මෙය අනුගමනය කිරීමෙන් මාඕවාදී ක‍්‍රමයට මහජන යුද්ධය සංවර්ධනය කිරීම වෙනුවට යුද්ධය සංවර්ධනය කිරීමේ ධනේශ්වර ක‍්‍රම යොදා ගත්හ. උදාහරණයක් ලෙස, ඉතා බලවත් සුපිරි බලවතෙකු වූ, එක්සත් ජනපද අධිරාජ්‍යවාදයට සහ එහි රූකඩ පාලකයින්ට එරෙහි ජාතික විමුක්ති යුද්ධයේදී, කොමියුනිස්ට් පක්‍ෂය විසින් නායකත්වය දෙනු ලැබූ ශ්‍රේෂ්ඨ වියට්නාම් ජනතාව ‘‘සන්නද්ධ ජනතාව සාගරයක’’ සිය සතුරා ගිල්වූහ. නමුත් ඊළාම් විමුක්ති යුද්ධයේදී ජනතාව යුද්ධයේ නියුතු LTTE යට සහය දැක්වීම පමණක් කළහ. ශ්‍රී ලංකා හමුදාවට එරෙහි යුද්ධයේදී ජනතාව දශක තුන හමාරක කාලයක් තිස්සේ සිවිල් යුද්ධයේ බියජනක බව දරා සිටියේය යන කාරණය සැලකිල්ලට නොගෙන LTTE ය ධනේශ්වර දර්ශනයේ ආකෘතියට අනුව ජනතාව සන්නද්ධ නොකළහ. ඔවුහු යුධකාමී හෝ දිග්ගැස්සුණු ඕනෑම අරගලයකදී ඉතිහාසයේ සැබෑ නිර්මාණකරුවන් වන්නේ ජනතාව සහ ජනතාවම පමණක්ය යන ලොව පුරා සටන් කරන ජනතාවගේ ඓතිහාසික සත්‍යය සහ  අත්දැකීම් උරා ගැනීමට අසමත් විය; මෙයින් ඉවත්වීම නොවැළැක්විය හැකි ලෙස පරාජයට මුහුණපායි.

සමාප්තිය

මේ සියළු දුබලකම් සහ සීමාවන් තිබියදී පවා LTTE ය මේ දක්වා ඉතා දැඩි ලෙස සටන් කොට ඇත. දහස් ගණන් සිය කාඩර්වරු සහ නායකයින් කීර්තිමත් සම්ප‍්‍රදායකට අනුව දිවි පුදා ඇත. සැකයකින් තොරව මෑත යුද්ධයේ LTTE යේ පරාජය ඔවුන්ගේ දීර්ඝ අරගලයේ පරාජයද වනු ඇත. එනමුදු දශක තුනක සන්නද්ධ අරගලය සහ වෙනම නිජ බිමක් සඳහා වූ දමිළ ඊළාම් ජනතාවගේ අව්‍යාජ අභිලාශයන් සහ ඔවුන්ගේ කැප කිරීම් අපතේ නොයනු ඇත. ශ්‍රී ලංකා රජය ප‍්‍රධාන ජයග‍්‍රහණයක් සනිටුහන් කොට LTTE ය සහ එයින් ජාතික විමුක්ති ව්‍යාපාරය  දුර්වල කිරීමට හැකි වුවද, එවැනි ව්‍යාපාරයක වර්ධනය තවමත් පවත්වාගැනීම සඳහා වන තත්වයන් වඩා බරපතල ලෙස පවා තවමත් පවතී. ඇරත්, ඔවුහු අවසානය දක්වාම සතුරා ඉදිරිපිට බියට පත් නොවී ඔවුන්ට යටත් නොවී සටන් වැදුණහ. අතීත වැරදිවලින් ඉගෙන ගනිමින්, නව පරපුරක විප්වවාදීන්ට ගිනි අවි අතට ගැනීමට මෙය ආශ්වාදයක් වනු ඇත.

යුද්ධය හමාර වී මාස දෙකකට පසුව පවා 300,000 වැඩි දමිළ ජනතාවක් තවම නාසි සමූලඝාතක කඳවුරු වලට වඩා නරක යුධ මුක්ත කලාපයේ, සැනසිල්ලක් බලාපොරොත්තුවෙන් සිටී. අද පවා නිදහස් මාධ්‍යවේදීන්ට හෝ ජාත්‍යන්තර ආධාර ඒජන්සියකට මෙම කඳවුරු වළට පැමිණීමට ඉඩ දී නැත. මෙම කඳවුරුවලින් කාන්දුවන ප‍්‍රවෘත්තිවලින් කියැවෙන්නේ දමිළයින්ට විඳීමට බල කොට ඇති භයංකර තත්වයයි. බාලයින් සහ කාන්තාවන් ක‍්‍රමානුකූලව ඔවුන්ගේ පවුල් වල සාමාජිකයින්ගෙන් වෙන් කොට හඳුනා ගත නොහැකි ලෙසට පත් කොට ඇත. ඔවුන්ගේ නිවෙස් වලට ආපසු යවන්නැයි ඔවුන්ගේ නිරන්තර ඉල්ලීම පිළිගෙන නොමැත. ආහාර, ජලය, සනීපාරක්‍ෂාව සහ අනෙකුත් මූලික පහසුකම් මිනිසුන්ට සපයා නැත. රාජපක්‍ෂ රජය පලස්තීනයේ යුදෙව්වාදීන්ගේ ක‍්‍රමවේදයට අනුව, දමිළ ප‍්‍රදේශ සිංහල ජනාවාස බවට පත් කිරීමට සැලසුම් කරමින් සිටී. ශ්‍රී ලංකා හමුදා ප‍්‍රධානී, සරත් ෆොන්සේකා, විවෘතවම ප‍්‍රකාශ කළේ දමිළයින් ලංකාව තුළ දෙවන පංතියේ පුරවැසියන් ලෙස ජීවත් වීමට සූදානම්ව සිටිය යුතු බවයි.

සිය වැරදිවලින් ඉගෙනගෙන, දමිළයින්, ඔවුන්ගේ අරමුණ වන ජාතික පීඩනයෙන් සහ හිංසනයෙන් විමුක්තිය ලැබීම පමණක් නොව පංති සූරාකෑමෙන් සහ පීඩනයෙන්ද විමුක්තිය ලබන තෙක් සටන් කිරීමට බැඳිය යුතුය. ඉන්දියාවේ සහ ලෝකය පුරා සිටින සියළු ප‍්‍රගතිශීලී, ප‍්‍රජාතන්ත‍්‍රවාදී සහ විප්ලවීය ජනතාව වෙනම නිජබිමක් සඳහා ශ්‍රී ලංකාවේ දමිළ ජනතාවගේ යුක්ති සහගත අරගලයට සහය ලබා දෙනු ඇත.

~අවසානයි~

ABar-11

සහෝදර ශන්මුගදාසන් දිගු කල් දිනේවා!!!

උපැටුම – A WORLD TO WIN    #19   (1993)

සහෝදර ශන්මුගදාසන් දිගු කල් දිනේවා!!!

සහෝදර ශන්මුගදාසන්ගේ අභාවය ගැන

විප්ලවීය ජාත්‍යන්තරවාදී ව්‍යාපාරයේ (RIM) කමිටුවේ ප‍්‍රකාශනය

1993 පෙබරවාරි 15

Com.Shan visit Mao during the GPCR

Com. Shan visit Mao during the GPCR

ලංකා කොමියුනිස්ට් පක්‍ෂයේ (මාඕවාදී) සම ලේකම් සහෝදර N.ශන්මුගදාසන් 74 වැනි වියැතිව සිටියදී ස්වාභාවික හේතුවක් නිසාවෙන් පෙබරවාරි 8 වන දින මිය ගිය පුවත සැලවීමෙන් විප්ලවීය ජාත්‍යන්තරවාදී ව්‍යාපාරයේ කමිටුව අත්‍යන්ත ශෝකයට පත් වූහ.

සහෝදර ශන්මුගදාසන් සිය ජීවිතය කොමියුනිස්ට්වාදය සාක්‍ෂාත් කර ගැනීමේ අභිලාශය වෙනුවෙන් කැප කළහ. ඔහු ශ්‍රී ලංකාවේ පුළුල් මහජන ගෞරවයට පාත‍්‍ර වූ අයකු මෙන්ම කම්කරු, ගොවි, විප්ලවවාදී බුද්ධිමතුන් සහ ප‍්‍රගතිශීලීන්ගේ පුළුල් කොටස්වල ආදරයට පාත‍්‍ර වූහ. ඔහුගේ ජීවිතය ශ්‍රී ලංකාවේ විප්ලවීය ව්‍යාපාරය සමග සහ ජාත්‍යන්තර විප්ලවීය ව්‍යාපාරයේ ඉතිහාසය සමග වෙළී බැඳී ඇත. ඔහු පැවසූ ලෙසම ‘‘1939 දී කොමියුනිස්ට්වාදියෙකු බවට පත් වූ මම නැවත කිසිවිටක ආපසු නොහැරුණෙමි.’’

එවක ලංකාව යටත් විජිතයක්ව පැවතියද සහෝදර ශන්මුගදාසන් අව්‍යාජ කොමියුනිස්ට් පක්‍ෂයක් ගොඩනැගීමේ අරගලයට සහභාගි වූහ. එවක ලංකාවේ වාමාංශික ව්‍යාපාරයේ ආධිපත්‍යය පතුරුවා සිටි ට්‍රොට්ස්කිවාදීන්ට එරෙහිව ඔහු සටන් වැදුණහ. ඔහු, ජෝශෆ් ස්ටාලින්ගේ නායකත්වය යටතේ සෝවියට් සංගමයේ නිර්ධන පංතිය ලබාගත් දේවල් ආරක්‍ෂා කිරීමේ දෘඩතර ආරක්‍ෂකයෙකි.

සහෝදර ශන්මුගදාසන් මාඕ සේතුං වටේ පෙළගැසුණු සහ කෘෂෙව්ගේ සංශෝධනවාදයට එරෙහිව දියත් කළ ශ්‍රේෂ්ඨ අරගලයේදී චීන කොමියුනිස්ට් පක්‍ෂය වටා පෙළ ගැසුණු පළමු කොමියුනිස්ට් නායකයින්ගෙන් කෙනෙක් විය. ජනතාව විසින් සිදු කරනු ලබන විප්ලවවාදී ප‍්‍රචණ්ඩත්වය සහ නිර්ධන පංති ආඥදායකත්වයේ අවශ්‍යතාවය සහෝදර ශන්මුගදාසන් විසින් ආරක්‍ෂා කරන ලදි.

ඔහු චීනයේ ශ්‍රේෂ්ඨ නිර්ධන පංතික සංස්කෘතික විප්ලවය ආරක්‍ෂා කළ දෘඩතර ආරක්‍ෂකයෙකි. මාඕ සේතුං සහ චීන කොමියුනිස්ට් පක්‍ෂයේ අනෙකුත් විප්ලවීය නායකයින් සමග කළ සාකච්ඡාවන්හි පදනම්ව, සහෝදර ශන්මුගදාසන් ‘‘මාඕ සේතුං චින්තනයේ දීප්තිමත් රතු පතාකය ඔසවමු’’ යන හිසින් යුතු අත් පොත සකසන ලදි. මේ ප‍්‍රකාශනය, මාඕ සේතුංගේ සමහර ඉගැන්වීම් පතුරුවා ලීමට සහ ප‍්‍රචලිත කිරීමට උදව් කරමින්, ලොව පුරා පුළුල්ව සංසරණය වූහ.

1971 දී ශ්‍රී ලංකාවේ ප‍්‍රතිගාමී රජය විසින් සහෝදර ශන්මුගදාසන් ව වසරක කාලයක් සිරගත කරන ලදි.

1976 දී මාඕගේ මරණය සිදු වීමෙන් පසුව ඇති වූ කුමන්ත‍්‍රණයෙන් පසු, නව සංශෝධනවාදී පාලනයට එරෙහි වූ මුල් අය අතර සහෝදර ශන්මුගදාසන් විය. එන්වර් හෝක්සා මාඕ සේතුං චින්තනයට පහර දෙද්දී, බොහෝ දෙනෙකු පසෙකට වැනෙන විට සහෝදර ශන්මුගදාසන් දැඩිව නැගී සිටියහ.

සහෝදර ශන්මුගදාසන් විප්ලවීය ජාත්‍යන්තරවාදී ව්‍යාපාරය බිහිවීමට මං සැලසූ මාක්ස්-ලෙනින්වාදී පක්‍ෂ සහ සංවිධානවල පළමු සහ දෙවන ජාත්‍යන්තර සම්මේලන දෙකටම පැමිණියහ. එම ස්ථාවරයන් තිරසරව ඔසවාගෙන සිටිමින් දැඩි ලෙස අරගල කරමින් සහ අනෙක් අය සමග සමගිය පිණිස උත්සාහ දැරීම යන තැන්හි දී සහෝදර ශන්මුගදාසන් මේ ක‍්‍රියාවලිය තුළ තීරණාත්මක කාර්යභාරයක් ඉටු කළහ.

සහෝදර ශන්මුගදාසන් කළින් වූ ශ්‍රේෂ්ඨ අරගල තුළදී ඉදිරියට පැමිණ තිබුණු සහ චීනයේ සංස්කෘතික විප්ලවයේ බලපෑම යටතේ ඉදිරියට පැමිණි විප්ලවවාදීන් අතර වූ සජීවී සම්බන්ධතාවයන් කිහිපය අතරින් එක් අයෙකි. ඔහුගේ පරිණත බව සහ විශ්වාසනීයත්වය, ඔවුන් බිහි කළ විප්ලවීය ජාත්‍යන්තරවාදී ව්‍යාපාරයට පණ පෙවීමේදී බලවත් ලෝහයක් මෙන් විය; ඔහු ජාත්‍යන්තර කොමියුනිස්ට් ව්‍යාපාරයේ සැතපුම් කණුවක් ලෙස ගෞරවයට පාත‍්‍ර වේ.

සහෝදර ශන්මුගදාසන් දිවයිනේ උතුරු නැගෙනහිර දමිල ජනයාට එරෙහිව ගෙන ගිය ශ්‍රී ලංකා රජයේ යුද්ධයේදී ක‍්‍රියාශීලී විරුද්ධවාදියෙක් විය.

සහෝදර ශන්මුගදාසන් 1991 දී ලංකා කොමියුනිස්ට් පක්‍ෂයේ (මාඕවාදී) වැදගත් සම්මේලනයක් පෞද්ගලිකවම කැඳවමින් එය මෙහෙයවූහ. මෙලෙස, ඔහුගේ සෞඛ්‍ය තත්වය පිරිහෙමින් පවතින විටදී පවා, සිය පුද්ගල අභිලාෂයන්ට ඉහළින් නිර්ධන පංතියේ සහ විප්ලවයේ අභිප‍්‍රායන් තැබූහ, සහෝදර ශන්මුගදාසන් නව පරපුරක නායකත්වයක් ඇති කරමින් පක්‍ෂයේ අනාගතය සහතික කිරීමට ක‍්‍රියාකාරීව කටයුතු කළහ.

සහෝදර ශන්මුගදාසන් පේරු වේ මහජන යුද්ධයට උෙiා්ගිමත් ලෙස සහය දැක්වූවෙකි. ඔහුගේ අවසාන ප‍්‍රසිද්ධ කාර්ය වූයේ ආචාර්ය අබිමායෙල් ගුස්මාන්ගේ ජීවිතය ආරක්‍ෂා කිරීමට, ඉදි කිරීමේදී ඔහුද පුරෝගාමියෙකු වූ ජාත්‍යන්තර හදිසි කමිටුවේ ලන්ඩන්හි පළමු මාධ්‍ය සම්මේලනයේදී කථා කිරීමයි.

නිර්ධන පංතියට සහ ජනතාවට සිදුකළ ඔහුගේ දීර්ඝ කාලින විප්ලවීය සේවාව මුළුල්ලේදී, සහෝදර ශන්මුගදාසන් කොමියුනිස්ට්වාදයේ අත්‍යන්ත විජයග‍්‍රහණය පිළිබඳ වූ උසස් බලාපොරොත්තුව කිසි කළෙක නැති කර නොගත්හ. සහෝදර ශන්මුගදාසන්ගේ ජීවිත කාලය තුළදී ලංකාවේ විප්ලවය පිළිබඳ ව වූ තීරණාත්මක ගැටළු සියල්ලම විස\ නැති වූවත්, කොමියුනිස්ට්වරුන්ට, නිර්ධනීන්ට සහ ශ්‍රී ලංකාවේ ජනතාව සඳහා අතිශය වැදගත් ආරම්භයක් ඔහු ලබා දී ඇති අතර එය භාවිතයෙන් සිය විමුක්තිය සාක්‍ෂාත් කර ගැනීම පිණිස ඔවුහු ඉදිරියට ගමන් කරනු ඇත.

විප්ලවීය ජාත්‍යන්තරවාදී ව්‍යාපාරයේ කමිටුව සිය ගැඹුරු ශෝකය ලංකා කොමියුනිස්ට් පක්‍ෂයට (මාඕවාදී), සහ සහෝදර ශන්මුගදාසන්ගේ පවුලේ අයට සහ මිතුරන්ට ප‍්‍රකාශ කරයි. ලංකා කොමියුනිස්ට් පක්‍ෂය (මාඕවාදී) සහෝදර ශන්මුගදාසන් සිය ජීවිතයම කැප කරන්නට යෙදුණු කරතව්‍යයන් ඉදිරියට ගෙන යමින් ඔහුට ගෞරවය පුද කරනු ඇති බව අපට සහතිකය.

ABar-11

සහෝදර ශන්මුගදාසන්ගේ 20 වෙනි ගුණ අනුස්මරණය…

2013 ජනවාරි 6 වන බදාදා –  ඩිමොක‍්‍රටික්ක්ලාස්ස්ට‍්‍රගල් (Democratic class struggle)  සඟරාවෙනි

සහෝදර ශන්මුගදාසන්ගේ 20 වෙනි ගුණ අනුස්මරණය වෙනුවෙන් ඉන්දියානු සහෝදරවරුන්ගේ ප‍්‍රණාමය

Com. Shanmugathasan

Com. Shanmugathasan

සහෝදර ශන් ට ප‍්‍රණාමය (1993 පෙබරවාරි 7 මිය ගිය)

අද ලෝක කොමියුනිස්ට් ව්‍යාපාරය ලංකාවේ සිට සහෝදර ශන්මුගදාසන්ගේ 20 වෙනි ගුණ අනුස්මරණය සමරනු ලබයි. ඔහුගේ මුළු ජීවිතයේම එක් අංගයක් වූයේ ජාත්‍යන්තර ප‍්‍රශ්න ගැන හෝ අභ්‍යන්තර දමිල වාර්ගික ප‍්‍රශ්නය ගැන වූ මාක්ස්වාදී-ලෙනින්වාදී ස්ථාවරයන් ආරක්‍ෂා කළ අනුකම්පා විරහිත ආත්මයයි.

විප්ලවීය විවාදයන්හි විශිෂ්ට විශාරදයෙක් වූ සහෝදර ශන් ට්‍රොට්ස්කිවාදී, හෝක්සාවාදී සහ නව වාමාංශික ප‍්‍රවණතාවයන් ප‍්‍රතික්‍ෂේප කොට හෙළා දුටහ. ඔහු දීප්තිමත් ලෙස 1950 දී ලංකාවේ මාක්ස්වාදී ව්‍යාපාරයේ ආධිපත්‍ය පතුරුවා සිටි ට්‍රොට්ස්කිවාදී බුද්ධිමතුන් ප‍්‍රතික්‍ෂේප කළහ.

ඔහුගේ ජීවිතයේ අවසාන දින දක්වාම ඔහු මාක්ස්-ලෙනින්-මාඕසේතුං චින්තනයේ ගිනි සිළුව ප‍්‍රතිරාව කළහ. ඔහු චේ ගුවේරාගේ ෆොකෝ න්‍යාය සහ ලූවිස් අල්තුසර් (Louis Althusser) වැනි දාර්ශනිකයින් උග‍්‍ර ලෙස විවේචනයට ලක් කළ අයෙකි. ඇවිළෙන රතු ආලෝකයක් හැම තැනම විහිදවූ රණශූරයෙකු වැනි ඔහු මාක්ස්-ලෙනින්වාදී මතවාදයේ ධජය රැගෙන ගියහ. පසුගිය දශලක හතරක කාලය තුළ දී එවැනි මතවාදී පැහැදිලි බවක් සහ විවාදයන්හි කෙළ පැමිණියන් වූයේ කිහිප දෙනෙකි. වඩාත්ම ගැලපෙන දෙය වන්නේ සංස්කෘතික විප්ලවය සමයෙහි සහෝදර මාඕ මුණ ගැසීමට චීනයට පිටතින් පැමිණි පළමු සහෝදරවරු අතරින් එක් අයකු වීමයි. ශන් රතු ආරක්‍ෂකයින්ගේ රැස්වීමක් පවා අමතන ලදි.

සහෝදර ශන් වර්ගවාදී සමාජයක උපතින්ම දමිල වූ අයෙකි. 1972 දී සිරිමා බණ්ඩාරනායක රජය විසින් ඔහුගේ දේශපාලන මතවාදයන් නිසා ඔහුව අත් අඩංගුවට ගනු ලැබිණි. සිර ගෙදරදී ඔහුගේ රචනාවන් කලාතුරකින් ලංකා ඉතිහාසයෙහි අත් දකින්නට ලැබෙන අයුරින් පොදුජන මතය ඝට්ටනයට ලක් කළහ. එතරම් පුළුල් ලෙස ජනතාවට අනුගත වූ වෙනත් වාමාංශික පරමාදර්ශ කථනයක් නොවීය.

සහෝදර ශන් දමිල ජාතික විමුක්ති අරගලය සමග නැගී සිටි අතර දමිල කොටින්ගේ නිර්ධන පංති විශ්ලේෂණයෙහි වූ අඩුව විවේචනයට ලක් කළහ. LTTE නායකත්වය දුන් ප‍්‍රභාකරන් සහ ජාන් මුක්ති පෙරුමාන්නගේ ජාතිවාදී ප‍්‍රවණතාවයන් ඔහු ප‍්‍රතික්‍ෂේප කළහ.

ඔහු දමිල විමුක්ති අරගලයේ විප්ලවීය පක්‍ෂයක නායකත්වයේ අවශ්‍යතාවය මුවහත් කරමින් සහ අනාවරණය කරමින් ආරක්‍ෂා කළහ.

දමිල ජනතාවගේ ජාතික විමුක්ති අරගලයේ අභිලාශයන් ආරක්‍ෂා කළ ඔහු කොටින්ගේ අරගලයට ඔල්වරසන් දුන්හ. එසේ වුවත් ඔහු දිගටම ඔවුන්ගේ යුධ උපක‍්‍රමය වල ෙදා්ෂ පෙන්වා දුන්හ. බොහෝ විට පොදු දමිල මතය මෙයට එරෙහි වුවද අභීත සොල්දාදුවෙකු ලෙස අනුකම්පා විරහිතව ඔහුගේ චින්තනයන් සහ මහජන යුද්ධය පිළිබඳව වූ සහෝදර මාඕ සේතුංගේ විශ්ව නීතීන් ආරක්‍ෂා කළහ.

ප‍්‍රභාකරන් විසින් නායකත්වය දුන් දමිල කොටින්ගේ පරාජයට එක් ප‍්‍රධාන හේතුවක් වූයේ දිග්ගැස්සුණු මහජන යුද්ධය ගැන වූ මාඕවාදී න්‍යාය ග‍්‍රහණය කිරීමට ඔවුන් දැක් වූ අසමත් බවයි. සහෝදර ශන්ගේ මතවාදයන්ට ගරු සරු නොදක්වමින් එය විනාශ වූහ. ඇත්ත වශයෙන්ම කියතොත් සහෝදර ශන්ගේ තර්ක විතර්ක ඇසෑම් සහ කාශ්මීර් හි සන්නද්ධ කණ්ඩායම් හෝ ශ්‍රී ලංකාවේ පවා  ජාතික අරගල ඔසවා තැබූ ඉන්දියාවේ මාඕවාදී විප්ලවවාදීන්ට ප‍්‍රබල ඉගැන්වීම් වනු ඇත.

සියල්ලන්ටම ඉහළින් ඔහු සහෝදර ගුස්මාන්ගේ නායකත්වය යටතේ පේරු කොමියුනිස්ට් පක්‍ෂය දියත් කළ මහජන යුද්ධයේ එක් ප‍්‍රබල ආරක්‍ෂකයෙකු විය. විප්ලවීය ජාත්‍යන්තරවාදී ව්‍යාපාරය ඉදි කිරීමට ප‍්‍රමුඛ කාර්යභාරයක් ඉටු කළ  ඔහු සිය අවසන් හුස්ම පොද දක්වා පේරු කොමියුනිස්ට් පක්‍ෂයේ සභාපති සහෝදර ගුස්මාන් අත් අඩංගුවෙන් මුදා ගැනීමට ප‍්‍රයත්න දැරූහ.

දැඩි සිතැති කොමියුනිස්ට්වාදියෙකු වශයෙන් මුවහත් අසි පතින් මාක්ස් ලෙනින්වාදයේ ප‍්‍රතිපත්ති ආරක්‍ෂා කිරීම පිළිබඳ ඔහුගේ මතකයන් සහෝදර ශන්ගේ ජීවිතයේ හොඳම අනුස්මරණයන් වන්නාහ. ඔහුගේ ජීවිතයේ අවසන් දශකයේ බොහොමයක් රෝගාබාධ වලට එරෙහිව නැගී සිටි ඔහුගේ අභ්‍යන්තර ආත්මය රතු ගිනි සිළුවක් මෙන් රාව ප‍්‍රතිරාව දෙමින් ඔහුගේ පෑනෙන් පරාවර්තනය වූහ.

අද දක්වා ජාත්‍යන්තර කොමියුනිස්ට් ව්‍යාපාරයේ ශේෂ වී තිබෙන අපගමනය වන ප‍්‍රවණතාවයන් අභිමුව සටන් කිරීමේදී මිල කළ නොහැකි කාර්ය භාරයක් ඉටු කළ සහෝදර ශන්ගේ අහිමිවීම සමස්තයක් ලෙස  සමස්ත කොමියුනිස්ට් ව්‍යාපාරයටම සිදු වූ පාඩුවකි.

අද දින සහෝදර ශන්ගේ 20 වෙනි ගුණ අනුස්මරණයට අපි සැම අපේ රතු උත්තමාචාරය පුද කොට ඔහුගේ මතකය වෙනුවෙන් අපගේ රුධිරය ගල්වා තබමු!

ABar-11

සහෝදර ශන්මුගදාසන් ගැන අත්දැකීම් සිහිකරනු වස්

උපැටුම – A WORLD TO WIN    #19   (1993)

සහෝදර ශන්මුගදාසන් ගැන අත්දැකීම් සිහිකරනු වස්

shan_w_Mao

M.N.රවුන්නි… ඉන්දියානු කොමියුනිස්ට් පක්‍ෂය තුළ ප‍්‍රති-සංශෝධනවාදී අරගලයට සහය දැක්වීමට සහ දිරිමත් කිරීම සඳහා වූ ඔහුගේ නොවෙනස් වුණු ජාත්‍යන්තරවාදී කාර්යභාරය ගැන නොදන්නා දේ කුමක්ද…

CPI නායකත්වය 1962 ඉන්දු-චීන යුද්ධයේදී, නරකම ගණයේ ජාතික උග‍්‍රසීමාන්තික දේශානුරාගයට පිරිහෙන විට, යුද්ධයට හේතු වූ සැබෑ වැරදිකරුවන් සහ අධිරාජ්‍යවාදීන්ගේ සහ ඉන්දීය කොම්ප‍්‍රෙදා්රු පාලක රජයේ අරමුණු හෙළිදරවු කරමින්, ඔහු වරින්වර ලංකා කොමියුනිස්ට් පක්‍ෂය විසින් පළ කළ දමිල සඟරාව වන තොෂිල්ලායි (Thozhilali) වෙත ලිපි ලියූහ.

ඉන්දු-චීන සම්බන්ධතා බිඳවැටුණු පසු කෘෂෙව්වාදය හෙළිදරවු කරමින් චීන කොමියුනිස්ට් පක්‍ෂය පළ කළ මතවාදී ලිපි වල පිටපත් ලබා ගැනීම අතිශයින් දුෂ්කර කාර්යයක් විය. විශේෂයෙන්ම සංශෝධනවාදීහු සෝවියට් කොමියුනිස්ට් පක්‍ෂයේ සැපයුම් හොඳින් ලබන අතරතුර, මෙය අපේ කණ්ඩායම දුෂ්කරතාවයට පත් කරලීය. සහෝදර ශන්මුගදාසන් අපට උදවු කිරීමට ඉදිරියට පැමිණියහ. බොහොමයක් වැදගත් ලිපි දමිල සහ මලයාලම් භාෂාවලට පරිවර්තනය කොට ඒවා අප වෙනුවෙන් ශ්‍රී ලංකාවේ මුද්‍රණය කොට, ඔහු චීන කොමියුනිස්ට් පක්‍ෂයේ ශාස්ත‍්‍රීය ලිපිලේඛණ සාමාන්‍ය ලෙස අපට ලැබෙන්නට සැලැස්වූහ. ‘තොග්ලිඅත්ති ගැන’ සහ ‘තොග්ලිඅත්ති ගැන වැඩිදුරට’ වැනි ඔහු විසින්ම සකසන ලද ශ්‍රේෂ්ඨ විවාදවල වැදගත් ලිපි වල පරිවර්තන කියැවීම මට සිහිපත් වේ. මේ සහායකත්වය තමිල්නාඩු සහ කේරලය පුරා මදුරාසිය මධ්‍යස්ථානය කොටගත් සංශෝධනවාදී-විරෝධී ක‍්‍රියාකාරකම් පතුරුවාලීමේ ප‍්‍රධාන කාර්යභාරයක් ඉටු කළහ.

1964 දී CPI බිඳී CPM බිහි විය. නමුත් එහි නායකත්වය ඉක්මනින්ම සිය සංශෝධනවාදී පැහැය හෙළිදරව් කළහ. සහෝදර සම්බන්ධතාවයන්වල ධර්මතාවයන් උල්ලංඝණය නොකරමින් සහෝදර ශන්මුගදාසන් ස්ථීරවම ඔවුන්ගේ වැරදි විවේචනය කළහ. CPM හි 7 වන සම්මේලනය ‘සංශෝධනවාදය ගැන’ විසඳුමක් තෝරා ගත් විට, ඔහු එවිගසම එම අදහස් උදහස්වල අන්තර්ගතව තිබූ සංශෝධනවාදය හෙළිදරවු කරමින් දිගු විවේචනයකින් ප‍්‍රතිචාර දැක්වූහ. මෙය CPM නායකත්වය වෙත ලබා දීමේ දුතයා වීමට මට සිදු වූ අතර ඔහු උඩඟු ලෙස එය ප‍්‍රතික්‍ෂේප කළහ. නමුත් එහි වැදගත්කම CPM තුළ වූ කොමියුනිස්ට්වරුන්ට සිය අරගලය සහ කැරලි ගැසීම පවත්වාගෙන යන්නට යහපත් දිශානතියක් ලෙස පැවතුණි.

1967 දී නක්සල්බාරි සන්නද්ධ කැරල්ල පැන නැගුණු විට සහෝදර ශන්මුගදාසන් සහ ඔහුගේ පක්‍ෂය එයට ආචාර කළහ. මේ වකවානුවේදී මා කේරලයට යවා තිබුණද, ඔහු ඉක්මනින්ම රහසිගත සම්බන්ධතාවයන් පවත්වාගැනීමට ක‍්‍රමයක් සොයා ගත්හ. ‘විමුක්තිය’ (සමස්ත ඉන්දියා විප්ලවවාදීන්ගේ සංවිධාන කමිටුවේ නිළ සඟරාව) හි පළවුණු ඔහු විසින් ලියන ලද ‘ඉන්දියානු විප්ලවයේ ජයග‍්‍රහණයට නායකත්වය දිය හැක්කේ මාඕසේතුං චින්තනයට පමණි’ යන්න මූලික ලිපි 4 න් එකක් ලෙස තෝරා ගත්හ. කේරලයෙහි පමණක් එහි මලයාලම් පරිවර්තනය මුද්‍රණයන් ගණනාවක් සහිතව පිටපත් දහස් ගණනින් පළ වූහ. විවේචන කිරීමේදී සහෝදර ශන්මුගදාසන් ඔහු විසින් තේරුම්ගෙන තිබූ සංවිධායක කමිටුවේ නිකායවාදී වැරදි ගැන විවේචන මතු කිරීමට වග බලා ගත්හ.

… සහෝදර ශන්මුගදාසන් සංශෝධනවාදයට එරෙහිව අරගල කළ ආධුනික කොමියුනිස්ට්වරුන් වූ අපිට මිල කළ නොහැකි සහයක් ලබා දුන්හ.

සහෝදර M.N.රවුන්නි 60 දශකයේ සංශෝධනවාදයට එරෙහිව සිදු කළ අරගලයේදී වැදගත් කාර්යභාරයක් ඉටු කළ ප‍්‍රවීණ කොමියුනිස්ට්වාදියෙකු විය. ඔහු නක්සල්බාරි සන්නද්ධ කැරැල්ල මගින් ගිණි අවුළුවා ලූ විප්ලවීය මාක්ස්-ලෙනින්වාදී ව්‍යාපාරය බිහි කිරීමට සක‍්‍රීයව දායක වූ අතර 13 වසරක් තිස්සේ සිර ගත කරන ලදි. ඔහු දැනට කේරල කොමියුනිස්ට් පක්‍ෂයේ සාමාජිකයෙකු වන අතර එහි ප‍්‍රචාරක කමිටුවේ වත්මන් ලේකම්වරයා වෙයි.

ඉන්දියාවේ සියළුම දේශපාලන සිරකරුවන් කොන්දේසි විරහිතව නිදහස් කරනු!

Download PDF (915K)

ඉන්දියාවේ සියළුම දේශපාලන සිරකරුවන් කොන්දේසි විරහිතව නිදහස් කරනු!

2014 ජනවාරි 25 සහය දැක්වීමේ සහ අරගල කිරීමේ ශ්‍රේෂ්ඨ ජාත්‍යන්තර දිනය!

ඉන්දියාවෙහි සිර ගෙවල් තුළ 10,000 කට වැඩි මාඕවාදීන් ප‍්‍රමාණයක් නිකරුණේ කල් ගෙවමින් සිටී, ජාතික විමුක්ති ව්‍යාපාර (කාශ්මීරය, මනිපූර් ආදී) සහ අනෙක් ප‍්‍රජාතන්ත‍්‍රවාදී ව්‍යාපාර වල නියැලූන දහස් ගණන් සිරකරුවන් ඔවුන්ට ඇතුල් කොට තිබේ.

Jail-Naxal

නායකයින්, කාඩර්වරුන් සහ මහජන විමුක්ති ගරිල්ලා හමුදාවේ සාමාජිකයින් හැරුණු විට, 90% වැඩි දෙනා බලෙන් ඉවත් කිරීමට විරෝධය දැක්වූ ආදිවාසී ගම්වැසියන් වේ; අධිරාජ්‍යවාදීන්ට ස්වාභාවික සම්පත් කොල්ලකෑම කරගෙන යෑමට සහ ජනතාව සූරාකෑමට රජය විසින් අත්සන් කළ එකඟතා ගිවිසුම් සහ ප‍්‍රතිපත්ති වලට එරෙහිව අරගල කළ ගොවියන්; නැගී එන හින්දු වර්ගවාදී ෆැසිස්වාදී තර්ජනයට එරෙහිව සංවිධානය වුණු සුළු ජාතික ක‍්‍රියාකාරීන්; ඉන්දියානු රජය නිරතවන ජනතාවට එරෙහි යුද්ධයට විරුද්ධව නැගීසිටීමට වරදකරුවන් වූ ශිෂ්‍යයින්, බුද්ධිමතුන්, විප්ලවීය ප‍්‍රජාතන්ත‍්‍රවාදී පෙරමුණේ සහ අනෙකුත් ප‍්‍රජාතන්ත‍්‍රවාදී සංවිධානවල කලාකරුවන්, ජනතාවට එරෙහි යුද්ධයේ අවියක් ලෙස සන්නද්ධ සහ පොලිස් බල ඇණි සහ පැරාමිලිටරි ෆැසිස්ට් කණ්ඩායම් රාජ්‍ය අනුග‍්‍රහය ඇතුව කරනු ලබන මහා පාරිමාණයෙන් සිදු වන ස්ත‍්‍රී දූෂණයන්ට එරෙහිව එක්සත්ව කැරලි ගැසූ ජනතාවගේ ස්ත‍්‍රීවාදී කාන්තාවන්.

Militia-Women

බන්ධනාගාර තුළ සිරකරුවන් සෑම ආකාරයකටම හිරිහැර කිරීම් වලට, වධ දීම්වලට, ඇප දීම ප‍්‍රතික්‍ෂේප කිරීමට, අමානුෂික තත්වයන් යටතේ ජීවත් වීමට, අත්තනෝමතික මාරු කිරීම්වලට, කෲර පහර දීම්වලට, හුදෙකලාව සිරකර තැබීම සහ බොහෝවිට කාන්තා රැඳවියන් දූෂණය කිරීම්වලට ලක් වේ.

සිර අඩස්සියේ ඇති බිහිසුණු තත්ත්වයන් නොතකා විප්ලවීය ආත්මයෙන් යුතුව සිරකරුවෝ විරෝධය දක්වමින් සහ අරගල කරමින් අඳුරු සිරකුටි ඉන්දියාවේ නැගී එන ෆැසිස්ට්වාදයට සහ ඉන්දීය පාලනයට එරෙහි යුධ පෙරමුණු බවට පත් කරමින් සිටී.

ඔවුන්ගේ කොන්දේසි විරහිතව නිදහස් කිරීම පිණිස උදෙසා වන අරගලය සියළු සහයෝගිතා බලවේග සහ ඉන්දියානු ජනතාවගේ මිතුරන්ගේ හදිසි කර්තව්‍යයක් වන අතර, එය ඔවුන්ගේ විමුක්ති යුද්ධයේ ජයග‍්‍රහණයට සහය දැක්වීම පිණිස අනකූල වූවකි.

එනමුදු මුළු මහත් ඉන්දියාවම පාලක පන්තිය විසින් ‘‘ජනතා ව්‍යාපාරවලට’’ සිරකඳවුරක් බවට පත් කිරීමේ යෙදී සිටී.

අධිරාජ්‍යවාදීන්ගේ සහය සහ මගපෙන්වීම ඇතිව 2009 මැදභාගයේ සිට ඉන්දීය පාලක පංතිය සමස්ත රට පුරාම – මාඕවාදී ව්‍යාපාරය මුලිනුපුටා දැමීමට සහ ජනතාවගේ අව්‍යාජ අරගල මර්ධනය කිරීමට  ‘‘හරිත දඩයම් මෙහෙයුම’’ නමින් හඳුන්වන බහු-දැති ආක‍්‍රමණය දියත් කළහ.

maoist-corridor-india

පීඩිත ජනතාව කෙරේ මර්ධනය පැටවීම ඕනෑම සූරාකන රාජ්‍යයක ප‍්‍රමුද්‍රාවක් වෙනවා මෙන්ම එය හැම විටම ඉන්දියානු රජයේ අංගයක්ව තිබේ, හරිත දඩයම් මෙහෙයුම මෙයට පෙර පැවති සියළුම මෙහෙයුම් ප‍්‍රමාණයෙන් සහ කෲරත්වයෙන් යන දෙවිධියෙන්ම ඉක්මවා ගොස් ඇත.

දහස් ගණන් විප්ලවවාදීහු සහ ප‍්‍රජාතන්ත‍්‍රවාදී මහජන සංවිධානවල නායකයින් සහ සාමාජිකයින් ඝාතනය කිරීම්වලට, වධදීම්වලට සහ සිරගත කිරීමට ලක් කොට තිබේ. ව්‍යාජ චෝදනා වලට ලක්ව බොහෝ දෙනා කෲර දඬුවම් වලට මුහුණ දෙමින් සිටී.

සන්නද්ධ බල ඇණි විසින් සමූල ඝාතන, සමූහ දූෂණ, මංකොල්ලකෑම් සහ විනාශ කිරීම් සිදු කිරීම දින චර්යාවක් බවට පත්ව තිබේ.

ජනතාවට එරෙහි යුද්ධය – හරිත දඩයම් මෙහෙයුම – මාඕවාදී ව්‍යාපාරය මුලිනුපුටා දැමීම ඉලක්ක කළද, ජනතාවගේ ඕනෑම අව්‍යාජ ප‍්‍රජාතන්ත‍්‍රවාදී ඉල්ලීමක්, ඉන්දියානු කොමියුනිස්ට් පක්‍ෂය (මාඕවාදී) සමග සම්බන්ධ යැයි ජනතා නායකයින් සහ අරගල කරුවන්  මධ්‍යම සහ ප‍්‍රාන්ත රජයේ දුෂ්ඨ නීති වලට අනුව ‘‘දේශ ද්‍රෝහීන්’’ සහ ‘‘ත‍්‍රස්තවාදීන්’’ ලෙස හංවඩු ගසයි.

හරිත දඩයම් මෙහෙයුම නවතා දමනු, ජනතාවට එරෙහි යුද්ධය නවතා දමනු!

ඉන්දියානු ජනතාවගේ විමුක්ති යුද්ධය සිය දේශපාලනමය සහ සදාචාරාත්මක සහයෝගය වැඩි කරගන්නවා මිස එය මිලේච්ඡ මර්ධනයෙන් නවතා දැමිය නොහැක.

naxalites-Rally

හැම්බර්ග් ශ්‍රේෂ්ඨ ජාත්‍යන්තර සම්මේලනය සහ සහයෝගය දැක්වීමේ ජාත්‍යන්තර කමිටුව සංවිධානය කළ ජාත්‍යන්තර දින ක‍්‍රියාකාරකම් ඇතුළු විවිධ ජාත්‍යන්තර මුලපිරීම් සහ ප‍්‍රයත්නයන් ඉන්දියානු ජනතාව සමග සහයෝගය ගොඩ නැගූ අතර ඔවුන්ගේ විමුක්තිය සඳහා වූ අරගලයට සහය ලබා දුන්හ. මේ මුලපිරීම් ලෝකය පුරා සහ ඉන්දියාව තුළ ද බලපෑම් ඇති කළ අතර, අධිරාජ්‍යවාදයට සහ ඉන්දීය පාලනයට පහර ගැසූහ, අද ප‍්‍රතික‍්‍රියා දැක්වීම් වශයෙන්, පළමුවෙන්ම යුරෝපයේ රජයන්ගෙන් සහයෝගිතාවයන් සඳහා වන මුල පිරීම් නවත්වා දමන ලෙස ඉල්ලමින් සිටී.

එම නිසා වෙන කවරදාකටවත් වඩා සහයෝගීතාවය පුළුල් කිරීම අද අවශ්‍යව තිබේ.

එම නිසා ඉන්දියාවේ දේශපාන සිරකරුවන් කොන්දේසි විරහිතව නිදහස් කිරීමේ අරගලයට සහය දැක්වීමට 2014 ජනවාරි 25 වන දින විශාල ජාත්‍යන්තර දිනයක් ලොව පුරා හැකි හැම තැනකම පැවැත්වීමට, ජාතික මට්ටමින් සහයෝගිතා බලවේග සහ කොමිටි මගින් තීරණය කරන ලද හැකි සෑම ආකාරයකටම, වීදි ක‍්‍රියාමාර්ගයන්, ජනතාව සහභාගි කරවීමේ ආමන්ත‍්‍රණ, දැනුවත් කිරීමේ ක‍්‍රියාමාර්ගයන් සහ තානාපති කාර්යාල සහ ජාත්‍යන්තර මාධ්‍ය සහ මානවවාදී කාර්යාල ඉදිරිපිට විරෝධතා ජාත්‍යන්තර දිනයට පෙර සතිය තුළ පැවැත්වීම සඳහා අපි ආමන්ත‍්‍රණය කරමු.

ඉන්දියාවේ මහජන යුද්ධයට සහය දීමේ ජාත්‍යන්තර කමිටුව
2014 දෙසැම්බර් 5
තොරතුරු සඳහා සම්බන්ධවන්න:
csgpindia@gmail.com
නව බ්ලොග් අඩවිය (ඉංග‍්‍රීසියෙන්):
icspwindia.wordpress.com

==================================

ඉන්දියාව පුරා නව ප‍්‍රජාතන්ත‍්‍රවාදී විප්ලවය සාක්‍ෂාත් කර ගැනීම සඳහා වන සන්නද්ධ ජනතා අරගලයක් දියත් වන අතර එය ඉන්දියාවේ ප‍්‍රාන්ත 20 කට අධික ගණනක පැතිර පවතී. මේ සන්නද්ධ මහජන යුද්ධයට නායකත්වය දෙනු ලබන්නේ ඉන්දියානු කොමියුනිස්ට් පක්‍ෂය (මාඕවාදී) මගිනි. එය අද ලෝකයේ තිබෙන බලවත්ම සහ විශාලතම කොමියුනිස්ට් පක්‍ෂය වන අතර අනාගත සමාජවාදී ජනරජයක අරුණළු පහල වෙමින් තිබේ. රතු කොරිඩෝව ලෙසින් හඳුන්වන නැගෙනහිර ඉන්දියාවේ තමිල්නාඩුවේ සිට නේපාල දේශ සීමාව දක්වා ඉන්දියාවේ තුනෙන් එකක පමණ භූමි ප‍්‍රදේශය ඉන්දියානු කොමියුනිස්ට් පක්‍ෂය (මාඕවාදී) හි පාලනයට නතු වී තිබේ. ඉන්දීය ජනතාවගේ මේ වීරෝධාර ශ්‍රේෂ්ඨ අරගලය ආරක්‍ෂා කර ගැනීම ලොව පුරා සිටින විප්ලවවාදීන්ගේ සහ ප‍්‍රජාතන්ත‍්‍රවදීන්ගේ සහ ප‍්‍රගතිශීලීන්ගේ උරමත වැටී ඇති කාලීන කර්තව්‍යයකි. මේ වන විට ලෝක නිර්ධන පංති විප්ලවයේ මූලස්ථානය ඉන්දියාව බවට පත්ව ඇත. එහි පිටිසර බද ගම් බිම් වලින් සහ වන පෙත් වලින් එහි හොඳම දූ පුතුන් සිය රුධිරය වගුරුවමින් ගෙන යන ඓතිහාසික අරගලයේ රණ හඬ ලොවට පැතිරී යයි. එක්සත් ජනපදය ඇතුළු ලෝකයේ බලවත්ම අධිරාජ්‍යවාදීන්ගේ සහය සහ උපදෙස් ඇතිව ඉන්දීය පාලක පංතිය එම අරගලය මිලේච්ඡ ලෙස මර්ධනය කිරීමට ධවල භීෂණයක් එම ප‍්‍රදේශවල ගෙන යන අතර නොසැලී සිටිමින් මාඕවාදී මහජන විමුක්ති ගරිල්ලා හමුදාවේ සහෝදර සහෝදරියෝ එයට ප‍්‍රතිචාර දක්වති. ජනවාරි 25 දින ජාත්‍යන්තර දිනය ලොව පුරා කොමියුනිස්ට්වරුන්ගේ එක්සත්කමින් කැඳවනු ලැබූයේ අඳුරු සිර මැදිරි තුළ සිර කොට තිබෙන ජනතාවාදී අරගලකරුවන් නිදහස් කර ගැනීමටයි.