Blog Archives

පිලිපීනය: මාඕවාදී ගරිල්ලෙකු රැඳවුමෙන් පලා යයි.

පිලිපීනය: මාඕවාදී ගරිල්ලෙකු රැඳවුමෙන් පලා යයි.

නව මහජන හමුදාවේ බ‍්‍රහස්පතින්දා රාත‍්‍රියේ උතුරු සමාර් හි අල්ලෙන් රඳවාගැනීමේ මධ්‍යස්ථානයේ සිට පලා විත් තිබේ. මාඕවාදී ගරිල්ලෙකුවන අල්ජොන් ටමොයන්ග් මිනී මැරීම සහ ප‍්‍රචණ්ඩත්වය ගිනි අවි සහ වෙඩි උණ්ඩ භාවිතා කිරීම පිළිබඳ සාමාන්‍ය නීතිය යටතේ චෝදනා ලැබූවෙකි. පිලිපීනයේ නැගෙනහිර විශ්ව විද්‍යාලයේ අපරාධ විද්‍යාව පිළිබඳ ශිෂ්‍යයෙකු වූ ඔහු අත් අඩංගුවට ගනු ලැබුවේ මාර්තු 28 මාඕවාදීන් 50 දෙනෙකු විසින් වික්ටෝරියා පොලිස් ස්ථානය වැටලීමේ අසාර්ථක ප‍්‍රයත්නයේදීය. එහිදී ගරිල්ලා භටයින් තිදෙනෙකු මරණයට පත් විය.

පිලිපීනයේ නව මහජන හමුදාව පිළිබඳව වාර්තා වැඩ සටහනක්

පිලිපීනයේ නව මහජන හමුදාව පිළිබඳව වාර්තා වැඩ සටහනක්

ලෝකයේ ඉතා ස්ථාවර සහ දිග්ගැස්සුණු මහජන යුද්ධයක් පවතින රටවල් වලින් එකකි පිලිපීනය. එහි නව මහජන හමුදාව පිලිපීන කොමියුනිස්ට් පක්ෂයේ නායකත්වය යටතේ ජනතාව වෙනුවෙන් සහ ලෝක නිර්ධන පංති සමාජවාදී රාජ්‍යයක් වෙනුවෙන් සටන් වදිමින් සිටී. මෙම දෘෂ්‍ය පටය හරහා දිගහැරෙන්නේ ඒ විරෝධාර අරගලය පිළිබඳ වෘත්තාන්තයයි.

 

India news – Ajith released from Pune jail

India news – Ajith released from Pune jail

[]https://maoistroad.blogspot.com/2019/07/india-news-ajith-released-from-pune-jail.html
Pune: Alleged Maoist sympathiser Konnath Muralidharan (Comrade Ajith), arrested near Pune in 2015, walked out of the Yerawada central jail here on Tuesday –– two months after the Supreme Court dismissed the Maharashtra government’s plea challenging the bail granted to him by the Bombay High Court in February.
Muralidharan’s release was held up owing to a verification process as the person who furnished a solvent surety on his behalf hailed from Kerala. The Pune court had sent the relevant documents to Kerala for confirming veracity of the same.
His lawyer Rahul Deshmukh told TOI, “Muralidharan was released around 5.30pm on Tuesday from the Yerawada jail after all bail formalities, including verification of his solvent surety, were completed. He executed the bail bond and other relevant papers.”
The Pune unit of the state anti-terrorism squad (ATS) had arrested Muralidharan and one of his aides from their hideout at Talegaon near Pune on May 8, 2015. The ATS then claimed to have seized objectionable material of the banned CPI (Maoist) organization, a forged PAN card, a merger declaration of the CPI (Maoist) and the CPI (Maoist/Leninist) Naxalbari and various electronic devices.
A special UAPA court in Pune had rejected his bail plea in September 2016.ource: https://timesofindia.indiatimes.com/city/kochi/maoist-sympathiser-released-from-pune-jail/articleshow/70353220.cms

එකක් දෙකට බෙදීම ගැන

එකක් දෙකට බෙදීම ගැන

ෂැංහයි නුවර එක් මධ්‍යම කාරක සභාවක් මධ්‍යම කාරක සභා දෙකකට කැඞී ගියහ; දිගු පා ගමනේදී, අපි චැන්ග් කුඕ-ටාඕගෙන් කැඞී ගියෙමු; කාඕ-ජාඕ සිදුවීම ආංශික කැඞී යාමකි. ආංශික කැඞී යාම් සාමාන්‍ය දේවල් වේ. අවසන් වසරේ පටන්, ජාතියේ පලාත් වලින් භාගයකම නායකත්ව කණ්ඩායම තුළ බෙදීම් ඇතිවී තිබේ.

මිනිස් සිරුර උදාහරණයක් ලෙස ගන්න. හැම දිනකම කෙස් සහ සම ඉවත් වේ. එය සෛල වලින් කොටසක් අභාවයට පත් වීමකි. ළදරු වයසේ සිටම සෛල වලින් කොටසක් අභාවයට පත් වේ. එය වර්ධනය සඳහා ඉඩ සලසයි. එවැනි විනාශයක් නොමැතිව, මිනිසාට පැවතිය නොහැකිය. කොන්ෆියුසියස්ගේ කාලයේ පටන් මිනිස්සු මිය නොගියේ නම් එය කළ නොහැකිය. මරණයෙන් වාසි සැලසෙයි; එයින් පොහොර නිෂ්පාදනය වෙයි. ඔබ කියන්නේනම් ඔබට පොහොර බවට පත් වීමට අවශ්‍ය නොවන්නේයැයි, ඇත්තෙන්ම ඔබ එය බවට පත් වෙයි. ඔබ එයට මානසිකව සූදානම් විය යුතුය. සෑම දිනකම ආංශික බෙදීමක් ඇතිවේ. හැම විටම බෙදීම සහ විනාශය පවතිනු ඇත. බෙදීමකින් තොරව සංවර්ධනයට පැවැත්මක් නැත. විනාශය වූ කලී නොවැළැක්විය හැකි ඓතිහාසික තත්ත්වයකි.

මාඕ සේතුං

 

ජාත්‍යන්තරවාදී රතු මැයි දිනයක් සඳහා!

ඒකාබද්ධ මැයි දින ප‍්‍රකාශනය

2019 මැයි 1

ජාත්‍යන්තරවාදී රතු මැයි දිනයක් සඳහා!

ලෝකයේ නිර්ධනයිනි, පීඩිතයිනි සමගිවව්!

ගැඹුරු අර්බුදයක් හරහා අධිරාජ්‍යවාදී ක‍්‍රමය ගමන් කරමින් තිබේ. එය තුලනය කර ගැනීමට අධිරාජ්‍යවාදීන් සහ ප‍්‍රතිගාමීන් වර්තමානයේ දරන ප‍්‍රයත්නය අසාර්ථක එකක් වේ. එම අර්බුදය ගැඹුරු වෙමින් සහ පුළුල් වෙමින් තිබේ.

මූල්‍ය ක්ෂේත‍්‍රයේ හටගත් අර්බුදය, නිෂ්පාදන ක්ෂේත‍්‍රයට බලපා ඇති බැවින් එහි ප‍්‍රතිඵලයක් ලෙස අද වන විට නව පසුබැස්මක් ඇති කොට ඇත. ගෝලීය අන්තර්-අධිරාජ්‍යවාදී අර්බුද සහ ප‍්‍රතිවිරෝධතාවයන් තියුණු වෙමින් පවතී. මේ නව අර්බුද වෙළඳ යුද්ධ ලෙස ඇරඹෙමින්, දේශපාලන-යුධමය භූ-උපායික ප‍්‍රතිවිරෝධයන් බවට හරවමින් සිටී. එහි ප‍්‍රතිඵලයක් ලෙස අධිරාජ්‍යවාදය මගින් පීඩාවට පත් කරන රටවල්වල ආක‍්‍රමණකාරී, අත්කරගැනීමේ සහ එදිරිවාදී යුද්ධ පුළුල් වෙමින් ලෝකය නැවත බෙදීම සඳහා අධිරාජ්‍යවාදීන් අතර නව ලෝක යුද්ධයක ප‍්‍රවණතාවය වර්ධනය වෙමින් තිබේ.

අධිරාජ්‍යවාදී අර්බුද ගැඹුරු වීම සහ පුලූල් වීමෙහි අරුත වන්නේ නිර්ධන පංතිය සහ ජනතාව මතට අධිරාජ්‍යවාදීන් සහ ප‍්‍රතිගාමීන් විසින් සිය බර මුදා හරින බවයි. එහි අදහස ධනය කේන්ද්‍රගත වුණු අතලොස්සක් අධිරාජ්‍යවාදී රටවල් අතර සහ මානව සංහතියේ දරිද්‍රතාවයෙන් පෙලෙන හතරෙන් තුනක් වෙසෙන අධිරාජ්‍යවාදය විසින් පීඩාවට පත් කරන රටවල් සහ ඒ එක් එක් රටවල පාලක පංතිය සහ නිර්ධනීන්, ගොවියන් සූරාකෑමට ලක්වෙන ජනතාව අතර පරතරය වැඩි වෙන බවයි. ලෝකයේ පීඩිත ජාතීන් සහ ජනතාව හා අධිරාජ්‍යවාදය අතර ප‍්‍රතිවිරෝධතාවයන් සහ අධිරාජ්‍යවාදී ධනවාදය සහ අධිරාජ්‍යවාදී රටවල නිර්ධන පංතිය සහ ජනතාව අතර ප‍්‍රතිවිරෝධතාවයන් තියුණු වීමට හේතු ඇති වී තිබේ.
අධිරාජ්‍යවාදයේ ප‍්‍රතිපත්ති ක‍්‍රමය මත ගැටුමක් ඇති කරමින් සහ අවුස්සමින් අනර්ථකාරී පාරිසරික සහ ස්වභාවික ව්‍යසනයන් වඩ වඩාත් ජනිත කරයි.

අධිරාජ්‍යවාදී රටවල් තුළ ෆැසිස්ට්වාදයට සහ විවෘත ආඥදායකත්වයට ඇති නැඹුරුව වර්ධනය වේ.

හැමවිටම ප‍්‍රතිගාමී සහ අධිරාජ්‍යවාදී බලවතුන්ට දාසකම් කරන, ජාතියේ නාමයෙන් මිත්‍යාව වපුරන, ජනප‍්‍රිය සහ අධිරාජ්‍ය-විරෝධී පාලක රජයන් තිබෙන, අධිරාජ්‍යවාදයේ පීඩාවට ලක් වූ පාලක රෙජීමයන් බිඳවැටෙමින් තිබේ, නැතිනම් විවෘත ෆැසිස්ට්වාදී ආඥදායකත්වයක් සමග මිලිටරි චරිත ඉදිරියට පැමිණෙමින් තිබේ.

අධිරාජ්‍යවාදය යනු දුක්ඛිතබව, ප‍්‍රතිගාමීබව සහ යුද්ධයයි. අධිරාජ්‍යවාදී ක‍්‍රමයේ පාලනයත් සමග සංවර්ධනය, ධනය, ප‍්‍රජාතන්ත‍්‍රවාදය සහ සාමය, සෞඛ්‍ය සහ පරිසරයේ සුරක්ෂිතබව ඊට පරස්පර ලෙස පිරිහෙයි.

මේ ක‍්‍රමයට සහ එහි අර්බුද වලට එරෙහිව නිර්ධනීන් සහ ජනතාව අධිරාජ්‍යවාදී රටවල සහ අධිරාජ්‍යවාදය මගින් පීඩාවට පත් කරන රටවල් වල කැරලි ගසමින් සිටී. පංති අරගලය, ජාතික විමුක්ති අරගලය, මහජන යුද්දය සඳහා වන වාස්තවික තත්ත්වය වඩාත් තියුණු වෙමින් පවතී.
මනෝමූලික මට්ටමේදී, උපාය, උපක‍්‍රම සහ සංවිධානයන් සංවර්ධනය කිරීමේදී තවම පසුගාමී තත්ත්වයක සිටින නිර්ධනීන් සහ ඔවුන්ගේ මාක්ස්වාදී-ලෙනින්වාදී-මාඕවාදී සංවිධාන අධිරාජ්‍යවාදී රටවල සහ අධිරාජ්‍යවාදය මගින් පීඩාවට පත් කරන රටවල ඉස්මතුවී ඇති මනෝමූලික තත්ත්වයට අභියෝග කිරීමට අසමත් වෙයි.

සමස්ත ලෝකයේම පාලක පංතිය, සිය බලය සහ සිය සැලසුම් ආරක්ෂා කර ගැනීමට මෙන්ම වර්ධනය වන මහජනතාවගේ අසහනය සහ විරෝධය වෙනතකට හැරවීමට ෆැසිස්ට්වාදය සමග සමීප සම්බන්ධතා පැවැත්වීම වැඩිවෙමින් තිබේ.

අධිරාජ්‍යවාදය විසින් පීඩාවට පත් කරන රටවල්වල ජනතාවගේ කැරලි එක් හෝ තවත් මහ ධනේශ්වර, සුළු ධනේශ්වර සහ මධ්‍යම පන්තික, හෝ වැඩවසම් බලවේගවලට පවා නැතිනම් තවත් අධිරාජ්‍යවාදී කණ්ඩායමකට බැඳී පවතී. මේ විධියෙන් නව ප‍්‍රජාතන්ත‍්‍රවාදය සහ සමාජවාදය දිනාගැනීමට අව්‍යාජ විප්ලවීය අරගලයක් සොයා ගත නොහැකිය.

ප‍්‍රංශය වැනි, ජනතා අරගල වර්ධනය වෙමින් තිබෙන, අධිරාජ්‍යවාදී රටවල්තුළ පවා, ෆැසිස්ට්වාදී-ජනතාවාදී සට කපට ජන නායකත්වය මතු වෙමින්, අධිරාජ්‍යවාදය නිසා බිහිවී ඇති විශාල සංක‍්‍රමණික රැල්ල භාවිතා කරමින් ජනතාවගේ කෝපය ආධිපත්‍ය දරන පාලක ධනේශ්වර පංතියෙන් ඉවතට ගෙන සංක‍්‍රමණිකයින් වෙත එල්ල කරමින්, දිළින්ඳන් අතරම යුද්ධයක් අවුස්සනු ලැබේ.

මේ ජාතික සහ ලෝක තත්ත්වය තළ කොමියුනිස්ට්වාදීන්ගේ, විප්ලවවාදීන්ගේ සහ ප‍්‍රගතිශීලී බලවේගවල කාර්යභාරය අතිවිශාල එකක් වේ.
වැටුප් වහල් ක‍්‍රමය, සූරාකෑම, පීඩනය, ආධිපත්‍යය, දුක්ඛිතබව, පරිහානිය, විනාශය, අර්බුද සහ අද දින ධනවාදය විසින් බිහි කරන යුද්ධ වලට ඇති එකම විකල්පය වන්නේ සමාජවාදය සහ කොමියුනිස්ට්වාදය යන පරම සත්‍ය බිඳ හෙලිය නොහැකි ලෙස තහවුරු වී ඇත.

ජනතාව අතර මුල් බැස ගැනීම සඳහා, කම්කරු පන්තියේ පක්ෂ ඉදිකිරීමට සහ සංවිධානය කිරීමට; මාක්ස්වාදය-ලෙනින්වාදය-මාඕවාදය මත පදනම්ව නිර්ධන පංතියේ මතවාදී සහ දේශපාලන ස්වාධීනත්වය වෙනුවෙන් ජනතාවගේ ශ්‍රේණි අතර දෘඩතර අරගලයක නියැලීමට; ප‍්‍රතිගාමී මූලධර්මවාදී ඉස්ලාම්වාදී කබලේ බලපෑමෙන් මෙන්ම අවශේෂ සමාජ ප‍්‍රජාතන්ත‍්‍රවාදී සහ ප‍්‍රතිසංස්කරණවාදී බලවේගයන්ගෙන් බලපෑමෙන් ජනතාව ගලවාගෙන අරගල කරන ජනතාවගේ කොටස්වලට නායකත්වය දීමට හැකියාව ඇති, මේ පක්ෂවල නායකත්වය යටතේ මහජන සංවිධාන බිහි කිරීමට; ආර්ථිකවාදයට, නීතිවාදයට, අධිරාජ්‍යවාදී ජාත්‍යෝන්මාදයට එරෙහිව සටන් කිරීමට කටයුතු කළ යුතුය.

අභ්‍යන්තර ප‍්‍රතිගාමී යුද්ධ වලට එරෙහිව නිර්ධනීන්ගේ සහ ජනතාවගේ විරෝධතාවයන් සංවිධානය කිරීමට සහ තවද අධිරාජ්‍යවාදී යුද්ධ ඉදිරියට පැමිණෙන විට, ඒවා විප්ලවයක් කරා පරිවර්තනය කිරීමට වැදගත් පූර්ව සූදානමක් ඇති කිරීමට; රාජ්‍ය මර්ධනයට සහ ෆැසිස්ට්වාදී කණ්ඩායම්වලට එරෙහිව ප‍්‍රතිචාර දැක්වීමට ජනතාවගේ යුධමය සහ සටන් වදින බලඇණි ඉදි කිරීමට; අධිරාජ්‍යවාදය, සහ එහි රාජ්‍යයන්, එහි රජයන් පෙරලා දමා නිර්ධන පංති බලයක් ඉදිකිරීමට සැබෑ විප්ලවීය අරගලයක් දෙසට මාවත හෙලි කිරීමට සහ මෙහෙයවීමට කටයුතු කළ යුතුය.

එක් එක් රට තුළ සටන් වැදිය යුතු, මේ යුද්ධය, පවත්නා ජාත්‍යන්තර සන්දර්භය තුළ, ජාත්‍යන්තර දැක්මක්, ජාත්‍යන්තර සම්බන්ධතා, නිර්ධන පංතියේ සහ පීඩිත ජනතාවගේ ජාත්‍යන්තර පරිමාණයේ පොදු සටනක් ඉල්ලා සිටියි.

නිර්ධන පංතිය ජාත්‍යන්තරවාදී පංතියකි. එය වඩාත්ම විප්ලවවාදී පංතියයි. අධිරාජ්‍යවාදී ක‍්‍රමය සහ සියළු ප‍්‍රතිගාමීත්වය විනාශ කරමින්, ලෝක සමාජවාදී විප්ලවය ජයග‍්‍රහණය තෙක් මෙහෙයවීමේ ලෝක කාර්යභාරය ඉෂ්ට කිරීමෙන් සහ එලෙස කොමියුනිස්ට්වාදය දෙසට ගමන් කිරීමෙන්, සමස්ත මානව සංහතියේ විමුක්තිය උදාකරගැනීමේ මෙහෙයුම සම්පූර්ණ කිරීමෙන් පමණක් එම පංතියට විමුක්තිය උදාකරගත හැකිවෙයි.
මේ වසර ලෙනින් විසින් පිහිටුවන ලද සහ ස්ටාලින් විසින් නායකත්වය දෙන ලද තුන්වන කොමියුනිස්ට් ජාත්‍යන්තරය පිහිටුවා වසර සියයක් ගතවෙන වසරයි.එය ලෝක පංතියක් ලෙස නිර්ධන පංතියේ ජාත්‍යන්තර සංවිධානයේ සහ නිර්ධන පංති ජාත්‍යන්තරවාදයේ ඉහළම ආකාරයයි.

ලෙනින් දක්වා ඇති ආකාරයට: ‘‘තුන්වන, කොමියුනිස්ට් ජාත්‍යන්තරයේ යුගයකට මුල පිරූ ඓතිහාසික වැදගත්කම, එහි ආරම්භයේදීම මාක්ස්ගේ ප‍්‍රමුඛ සටන්පාඨය ක‍්‍රියාවට නැංවීම තුළ රැඳී තිබුණි, එය සමාජවාදයේ හා කම්කරු පන්ති ව්‍යාපාරයේ ශතවර්ෂ ගනන් පැරණි සංවර්ධනය සම්පිණ්ඩනය කළ සටන්පාඨය විය, එය නිර්ධන පංති ආඥදායකත්වයේ සංකල්පය ප‍්‍රකාශ කළ සටන්පාඨය විය.’’ (තුන්වන කොමියුනිස්ට් ජාත්‍යන්තරය සහ ඉතිහාසය තුළ එයට හිමි තැන 1919)

සිය ආරම්භයේ සිටම වීර වෘත්තාන්තයක් වුණු එය, ලෝකයේ සෑම අස්සක් මුල්ලකම සිය වර්ධනය සහ ඵලදායී බව මගින් නිර්ධන පංතියේ සහ ජාත්‍යන්තර කොමියුනිස්ට් ව්‍යාපාරයේ අති දැවැන්ත ඉදිරි පියවරක් නියෝජනය කළහ. එය ලෝකයේ සෑම අස්සක් මුල්ලකම අව්‍යාජ කොමියුනිස්ට් පක්ෂ බිහි කරමින් ඔක්තෝම්බර් විප්ලවයේ ලෝක ඓතිහාසික වැදගත්කම පුළුල් වීමට ඉඩ හළහ. එය අධිරාජ්‍යවාදී රටවල මෙන්ම අධිරාජ්‍යවාදය මගින් පීඩාවට පත් කරන රටවල නිර්ධන පංතියේ ජයග‍්‍රහණය සඳහා අවශ්‍ය වන උපාය සහ උපක‍්‍රම පිළිබඳ ගැටලු සමග ගනුදෙනු කොට එම ගැටලූ විසඳනු ලැබූහ. එය නාසි-ෆැසිස්ට්වාදය සහ අධිරාජ්‍යවාදී දෙවෙනි ලෝක යුද්ධය පරාජය කරන්නට සිදු කළ සුවිශාල සහ වෘත්තාන්තගත සටන තුළට ලෝකයේ ජනතාව සහ නිර්ධන පංතිය එක්සත් කරන්නට ඉඩ සැලසූහ. ජාත්‍යන්තර කොමියුනිස්ට් ව්‍යාපාරය තුළ වර්ධනය වුණු සංශෝධනවාදය පහළ වීමට එරෙහිව න්‍යායික, දේශපාලනික සහ සංවිධානමය අරගලයක් සැපයූ එය ජාත්‍යන්තර කොමියුනිස්ට් ව්‍යාපාරය විසුරුවා හැරීමෙන් පසුව පවා, සමාජවාදය සහ නිර්ධනපංති ආඥදායකත්වය අත්හැර දැමීමට එරෙහිව සහ ධනේශ්වර රාජ්‍ය ප‍්‍රචණ්ඩකාරී ලෙස බිඳහෙලීමේ විප්ලවයේ මාවත අත්හැර දැමීමට එරෙහිව ඓතිහාසික, න්‍යායික සහ දේශපාලනික උරුමයක් සැපයූහ.
මාඕ සේතුං මෙසේ ප‍්‍රකාශ කළහ: ‘‘එය පැවති සමස්ත කාලය තුළ සෑම රටකම සැබෑ විප්ලවවාදී කම්කරු පක්ෂයක් සංවිධානය කරන්නට උදව් කරමින් ශ්‍රේෂ්ඨතම සේවාව ලබා දුන්හ. තවද එය ෆැසිස්ට්-විරෝධී යුද්ධය සංවිධානය කිරීමේ ශේෂ්ඨ කර්තව්‍යට අතිවිශාල දායකත්වයක් ලබා දුන්හ.’’ (කොමියුනිස්ට් පක්ෂයේ කාඩර්වරුන්ට කළ කථාව, 1943, මැයි 26).

මාඕ සේතුං එය පිළිබඳව සහ එහි වැරදි අඩුපාඩු පිළිබඳවද, එසේම සෝවියට් සමාජවාදී සමූහාණ්ඩු සංගමයේ සමාජවාදය ඉදි කිරීම පිළිබඳවද තීරණාත්මක සමාලෝචනයක් ද සංවර්ධනය කළහ. තවත් පියවරක් ඉදිරියට තැබීමක් ලෙස 70 දශකයේ දැවැන්ත කැරලි රැල්ලකට ආශ්වාදය ලබා දුන්, ශ්‍රේෂ්ට නිර්ධන පංති සංස්කෘතික විප්ලවය දක්වා ඔසවා තැබූහ.

ජාත්‍යන්තර කම්කරු පංති ව්‍යාපාරයේ සහ කොමියුනිස්ට් මාක්ස්වාදී-ලෙනින්වාදී-මාඕවාදී ව්‍යාපාර වල සැබෑ ඉදිරිගමනක් ලබා ගැනීමේ, අරමුණට හානි කරන දෙවෙනි සතුරෙකු වන ‘වාමාංශික’ අවස්ථාවාදය, පොතේගුරුවාදය සහ සුළු ධනේ්ශවර විප්ලවවාදය මෙන්ම යටත්වීම්වාදයට මං සලසන දක්ෂිනාංශික සංශෝධනවාදී-අවස්ථාවාදයේ බලපෑමෙන් සක‍්‍රීය මතවාදී අරගලය සහ ද්වි-දර්ශනීය අරගලය නිදහස් කර ගැනීමට මේ ඓතිහාසික උරුමය උකහා ගැනීම වෙන කවරදාකටත් වඩා අවශ්‍ය කොට තිබේ.

මේ මැයි දිනයේදී, අව්‍යාජ මාක්ස්-ලෙනින්-මාඕවාදී පක්ෂවල ආමන්ත‍්‍රණය මෙයයි:
-ලෝක නිර්ධන පංති විප්ලවය සංවර්ධනය කිරීමට මහජන යුද්ධයේ මාවත වෙනුවෙන්, මාක්ස්වාදී-ලෙනින්වාදී-මාඕවාදී පක්ෂවල සමගියක් ඇති කර ගැනීම. නව ප‍්‍රජාතන්ත‍්‍රවාදී සහ සමාජවාදී විප්ලව සංවර්ධනය කිරීම වෙනුවෙන්, නිර්ධන පංතියේ සහ ජනතාවගේ ඍජු අත්දැකීම් තුළින් පංති අරගලයට නායකත්වය දීමට හැකි නිර්ධන පංති පක්ෂ ඉදි කිරීමේදී ඉදිරියේදී මතුවන පොදු පියවරයන් තුලදී අන්‍යෝන්‍ය උපකාරය සහ සහයෝගය වෙනුවෙන් සමගියක් ඇති කර ගැනීම.

-අධිරාජ්‍යවාදී රටවල්වල සහ අධිරාජ්‍යවාදය මගින් පීඩාවට පත් කරන රටවල්වල මූලික ක්ෂේත‍්‍ර වල ඒකීය ක‍්‍රියාකාරිත්වයක් ඇති කර ගැනීම: වෙනස් අවධිවලට සංවර්ධනය වී ඇති විවිධ රටවල මහජන යුද්ධවලට සහය දැක්වීම – ඉන්දියාව, පිලිපීනය සහ පේරුව, තුර්කිය ඇතුලූ අනෙක් රටවල්; ලෝකයේ දේශපාලන සහ යුධ සිරකරුවන් ආරක්ෂා කරගැනීම සහ නිදහස් කර ගැනීම; ෆැසිස්ට්-විරෝධී සහ අධිරාජ්‍ය-විරෝධී පෙරමුණු සංවර්ධනය කිරීම; පංතිමය වෘත්ති සමිති සංවිධාන වල සමගිය ඇති කර ගැනීම; කාන්තා අරගලය සහ නිර්ධනපංති ස්ත‍්‍රීවාදී විප්ලවීය සංවිධාන සංවර්ධනය කිරීම.

මේ අරමුණු සාක්ෂාත් කර ගැනීමට, මේ ගැන වූ මතවාදී දේශපාලනික කාරණා පිළිබඳව සෑහෙන සාකච්ඡාවන් සහ රැස්වීම් සමග, අද අපට මාක්ස්වාදී-ලෙනින්වාදී-මාඕවාදී පක්ෂවල සහ සංවිධානවල මාක්ස්වාදී-ලෙනින්වාදී-මාඕවාදී ඒකාබද්ධ ජාත්‍යන්තරවාදී සම්මේලනයක් අවශ්‍ය කොට තිබේ.

තුන්වන කොමියුනිස්ට් ජාත්‍යන්තරයේ සියවෙනි සංවත්සරය යෙදී තිබෙන මේ වසරේ, මේ ජාත්‍යන්තර සම්මේලනය කරා ළඟා වීමට ප‍්‍රාරම්භක රැස්වීමක් සංවිධානය කරමු.

ලෝකයේ සෑම තැනකම අධිරාජ්‍යවාදය සමග සටන් වදින්න

ජනතා විමුක්ති අරගල වලට සහය දෙන්න, අධිරාජ්‍යවාදී රටවල පංති අරගලය තීව‍්‍ර කරන්න

සෑම ක්ෂේත‍්‍රයකම ෆැසිස්ට්වාදී බලවේගවල ඉදිරිගමන නවත්වන්න

එක් එක් රටවල විශේෂිත තත්ත්වයන්ට අනුව, ප‍්‍රතිසංස්කරණවාදී සහ ජනතාවාදී පාර්ලිමේන්තු මාවතට එරෙහිව සටන් කරන්න

ජනතාව සමග සමීප බැඳීමක් සහිතව පංති අරගලයේ ගිනි දළු මධ්‍යයේ කොමියුනිස්ට් පක්ෂ ඉදි කරන්න

ඒ ඒ රටවල තත්ත්වයන්ට අනුව නව ප‍්‍රජාතන්ත‍්‍රවාදී විප්ලවයට සහ සමාජවාදී විප්ලවයට ඇති මාවත වන මහජන යුද්ධයේ මාවත ස්ථාපනය කරන්න

නිර්ධන පංති ජාත්‍යන්තරවාදය දිගුකල් දිනේවා!

තුන්වන කොමියුනිස්ට් ජාත්‍යන්තරයේ අමරණීය උපාය සහ උපක‍්‍රමික පාඩම් සහ එහි ශත සංවත්සරය දිගුකල් දිනේවා!

මාක්ස්වාදය-ලෙනින්වාදය-මාඕවාදය දිගුකල් දිනේවා!

අත්සන් කළ පක්ෂ සහ සංවිධාන:

ඇෆ්ගනිස්ථාන් කොමියුනිස්ට් (මාඕවාදී) පක්ෂය
එල්ඛදෙහින් පක්ෂය – ටියුනීසියාව
කම්කරු හඬ – මලයාසියාව
කොමියුනිස්ට් කම්කරු සංගමය (මාක්ස්වාදී ලෙනින්වාදී මාඕවාදී) – කොලොම්බියාව
තුර්කි කොමියුනිස්ට් පක්ෂය මාක්ස්වාදී-ලෙනින්වාදී
නව කොමියුනිස්ට් පක්ෂය – ටියුනීසියාව (ඉදිකෙරෙමින් පවතී)
නේපාල කොමියුනිස්ට් පක්ෂය (විප්ලවීය මාඕවාදී)
ප‍්‍රජාතන්ත‍්‍රවාදය සහ පංති අරගලය, බි‍්‍රතාන්‍ය රාජ්‍ය
මාඕවාදී කොමියුනිස්ට් පක්ෂය – ඉතාලිය
මාඕවාදී කොමියුනිස්ට් පක්ෂය ඉදිකිරීමේ කමිටුව, ගලීෂියාව, ස්පාඤ්ඤ රාජ්‍යය
මාඕවාදී කොමියුනිස්ට් පක්ෂය – ප‍්‍රංශය
මාඕවාදී කොමියුනිස්ට් පක්ෂය මනිපූර්
මාඕවාදී විප්ලවීය ලීගය – ශ‍්‍රී ලංකාව
රතු තරුණයෝ – ජර්මනිය
විප්ලවීය කොමියුනිස්ට් පක්ෂයය – කැනඩාව

ඉන්දියාව – අෂාඩ්:‘‘ජනතාව මැතිවරණයෙන් කිසිවක් අපේක්ෂා නොකරයි’’

ඉන්දියාව – අෂාඩ්:‘‘ජනතාව මැතිවරණයෙන් කිසිවක් අපේක්ෂා නොකරයි’’

පහත දැක්වෙන්නේ ඉන්දියානු කොමියුනිස්ට් පක්ෂයේ (මාඕවාදී), බිහාර්-ජාක්හෑන්ඩ් විශේෂ කලාප කමිටුවේ මාධ්‍ය ප‍්‍රකාශක, අෂාඩ්, ටයිම්ස් ඔෆ් ඉන්දියා මාධ්‍යවේදී ජයිදීප් ඩියෝඝරියා සමග විවිධ ගැටලූ පිළිබඳව සිදු කළ සාකච්ඡාවෙන් සිදු කළ උපුටා ගැනීමකි.

ප‍්‍රශ්නය: රජය කියනවා ඔබේ පක්ෂය පසු බැසීමකට ලක්වී ජාක්හෑන්ඩ් වල දිස්ත‍්‍රික්ක කිහිපයකට පමණක් සීමාවී ඇති බව. එවැනි තත්ත්වයකදි, ඔබ කොහොමද ලොක් සභා ඡන්දය වර්ජනය කිරීමේ සැලැස්මක් ක‍්‍රියාවට නංවන්නෙ?

පිළිතුර: අපි යුදමය පසුබැසීමක් ලබල තියෙනව කියන කාරණය සත්‍යයක්. සුධාකාර් රෙඩ්ඩි (මධ්‍යම කාරක සභාවේ සාමාජිකයෙක්) ඇතුලූ බොහෝ නායකයින්, යටත් වී තිබෙනවා. නමුත් අපේ සාමාජිකයින්ට අපේ මතවාදය පිළිබඳව නොසෙල්වෙන විශ්වාසයක් තිබෙනවා. ඔවුන් දන්නවා මේ ඡන්ද වලින් අපට කිසිවක් ලැබෙන්නෙ නැහැ කියල. මිනිස්සු සාමාන්‍යයෙන් තේරුම් අරගෙන තියෙන්නෙ, බලයට පත්වෙන රජයන්ගෙන් කිසිවක් ලැබෙන්නෙ නැහැ කියන දෙය. මන්මෝහන් සිං අපව විශාලතම අභ්‍යන්තර තර්ජනය ලෙස හඳුන්වා දුන්නා. මිනිස්සු භාරතීය ජනතා පක්ෂය බලයට පත් කර ගත්තා. නමුත් මිනිස්සු සෑහෙන්න දුක් වින්\. මේ නිසයි ඡන්දය වර්ජනය කරන ලෙස සිදු කරන අපේ ඉල්ලීමට යහපත් ප‍්‍රතිචාරයක් ලැබෙන්නෙ.

ප‍්‍ර: ඔබට හිතන්නෙ නැද්ද එවැනි ක‍්‍රියාදාමයකින් නිවැරදි රජයක් පත්කරගැනීමට මිනිසුන්ට ඇති අයිතිය අහිමි වෙනවා කියල.

පි: ජනතාව එච්චර දුර යන්නෙ මොකටද? රෝහල්වල වෛද්‍යවරු නැහැ. පාසැල්වල ගුරුවරු නැහැ. දූෂණය, නියඟය සහ විරැකියාව හැම තැනම ඉහළ නැංවෙනවා. රජය මුල් තැන දෙන්නෙ පාරවල් ඉදිකරන්න සහ ඛනිජ සම්පත් ප‍්‍රවාහනයට පහසුකම් සලසන්න ආරක්ෂක කඳවුරු ඉදි කරන්න පමණයි.

ප‍්‍ර: ඡන්දය වර්ජනය කරන්නැයි සිදු කරන ඔබේ ඉල්ලීමට සවන් නොදෙන අයට ඔබ දඬුවම් කරනවද?

පි: නැහැ, අපි ජීවත් වෙන්නෙ, වැඩ කරන්නෙ ඔවුන් සමග. මේ කාලයේ තමයි මහුවා සහ අනෙකුත් වනාන්තර නිෂ්පාදන එකතු කරන්නෙ. ඉතින් මිනිසුන්ට ඡන්ද පෝලිම් වල හිටගෙන කාලය නාස්ති කරන්න විදියක් නැහැ.

ප‍්‍ර: කලින් අවස්ථාවේදීත්, ඡන්දය දැමීමෙන් වළකින්නැයි ඔබ මිනිසුන්ගෙන් ආයාචනා කළා. එසේ තිබියදීත්, ඔබේ ප‍්‍රදේශයේ ඡන්දදායකයින්ගේ හැසිරීම පුදුම එළවන සුලූයි.

පි: අයෙකුට සිදුවෙනවා ඡන්දය පැවැත්වෙන්නෙ කොහොමද කියල තේරුම් ගන්න. අධිරාජ්‍යවාදීන්ට සහ ධනවාදී රජයන්ට වැඩ කරන ඒජන්තයින් වන ප‍්‍රාදේශීය පරිපාලනය සහ මැතිවරණ කොමිසම ඡන්ද ප‍්‍රතිඵල පුම්බල පෙන්වනව. ආරක්ෂක නිලධාරීන් ජනතාවට ඡන්ද පෝලිමට යන්නැයි බල කරනවා. සත්‍ය ඡන්ද ප‍්‍රකාශ කිරීම් කිහිපයකට පසුව, ඡන්ද ප‍්‍රතිශතය වැඩි කොට පෙන්වන්න නිලධාරීන් විසින්ම ඡන්දය දමන්න පටන් ගන්නවා. ඒක පැහැදිලිව වැටහෙනව ඔබ ගණනය කොට බලනවනම් ඡන්ද දායකයෙකුට ඡන්දය ප‍්‍රකාශ කරන්න කොතරම් වෙලාවක් ගත වෙනවද කියන එක පරීක්ෂා කිරීමෙන්. විශාල ඡන්ද ප‍්‍රමාණයක් වාර්තා වුණු ප‍්‍රදේශවල සවස 3.00 වන විට ඡන්දය දැමීම අවසන් වුණා. එක් පුද්ගලයෙක් ඡන්දය ප‍්‍රකාශ කරන්න විනාඩි දෙකක් ගත කරනවනම්, මිනිස්සු 30 දෙනෙකුට ඡන්දය දාන්න පැයක් ගතවෙනවා. මේකෙන් අදහස් කරන්නෙ පැය අටකදි මිනිස්සු 240කට පමණයි ඡන්දය දාන්න පුලූවන්. නමුත් ඇත්තටම ඡන්ද ප‍්‍රමාණය 1000 කට ආසන්න නම් සිදුවී තිබෙන්නේ කුමක්ද?

ප‍්‍ර: ඡන්දයෙන් ජනතාව ඈත් කර තැබීමට ඔබ මොන විදියේ ක‍්‍රියාමාර්ගයන්ද ගෙන තිබෙන්නේ?

පි: මේ වන විට, අපි පෝස්ටර් සහ බැනර් බෙදා හැර තිබෙනවා. මේ හැම දෙයක්ම බටහිර සින්ග්භූම් වල බුන්දු, රන්චි, පරස්නාත්, දුම්කා, ලොහර්දගා, ලටේහාර්, පලමු, ගර්වා යන ප‍්‍රදේශ වලත් බිහාරයේ ගයා, අවුරන්ගාබාද්, ජෙහානාබාද් සහ අනිකුත් ස්ථානවල දකින්නට පුලූවන්.

ප‍්‍ර: බොහෝ විට අසන්නට ලැබෙනවා මාඕවාදී අණදෙන්නන් ඡන්දය දීමට කලින් දවසෙ මිනිසුන්ගෙන ඒ පිළිබඳව විමසීම් කරනව කියන කාරණය. ඒක ඇත්තක්ද?

පි: මේකෙ යම්කිසි සත්‍යයක් තියෙනවා. සමහරවෙලාවට, මතවාදීව සහ මානසිකව ශක්තිමත් නැති ප‍්‍රාදේශීය කමිටු කමාන්ඩර්ලා අපේක්ෂකයින්ගෙන් අල්ලස් ගන්න තැනට වැටිල තියෙනවා. මේවා සිදුවෙන්නෙ පක්ෂයේ අනුමැතියකින් තොරව. ඔවුන් එය සිදු කරනවා ඉක්මනට මුදල් උපයන්න. සෑම මැතිවරණයකටම පසුව, අපි එවැනි වංචාකාරයින් හඳුනාගෙන ඔවුන්ට ජනතා අධිකරණ වලදී දඬුවම් දෙනු ලබනවා.

නේපාල කොමියුනිස්ට් පක්ෂයට එල්ලකළ තහනම ඉවත් කිරීමට මලයාසියාවෙන් බලකිරීම්

නේපාල කොමියුනිස්ට් පක්ෂයට එල්ලකළ තහනම ඉවත් කිරීමට මලයාසියාවෙන් බලකිරීම්

මලයාසියාවේ ජනතා ප‍්‍රගතිශීලී පෙරමුණ නේපාල කොමියුනිස්ට් පක්ෂය තහනම් කිරීම පිළිබඳව සැලකිල්ලට ගෙන තිබේ. එම පෙරමුණ විසින් නිකුත් කරන ලද මාධ්‍ය සටහනකට අනුව, සීකේ රාවුත් ගේ රජය සමාජ ෆැසිස්ට්වාදී එකක් බවට හැරෙමින් තිබේ.

‘ජනතාවගේ අයිතීන්ට එරෙහිව ක‍්‍රියා කිරීම නිසා රජයට වන්දි ගෙවීමට සිදුවනු ඇත.’ එහි වැඩි දුරටත් ‘රජය විසින් සිය විරුද්ධ මතධාරීන්ගේ සහ ජනතාවගේ අයිතීන් තහනම් කොට ඇත.’

ඉන්දියාව – නිර්මලක්කා නිදහස් වෙයි – ඉන්දියාවේ සියලූම දේශපාලන සිරකරුවන්ට නිදහස ලබා දෙනු! – ICSPWI

ඉන්දියාව – නිර්මලක්කා නිදහස් වෙයි – ඉන්දියාවේ සියලූම දේශපාලන සිරකරුවන්ට නිදහස ලබා දෙනු! – ICSPWI

දොළොස් වසරකට පසු ව්‍යාජ චෝදනා 157 කට සිරගත කළ නිර්මලක්කා නිදහස් කෙරේ

අපේ‍්‍රල් 2 වෙනි දින අධිකරණය මගින් නිර්මලක්කා අවසන් චෝදනාවෙන්ද නිදහස් කර හරින ලදි. ඇයට එරෙහිව චෝදනා 157ක් ඉදිරිපත් කොට තිබුණු අතර ඇය දින 4,380ක් තිස්සේ එනම් වසර 12ක් සිරගත කොට තිබුණි, තෙලෙංගානා පුරවැසියෙක් ඇය නිදහස් වීමෙන පසු සිදු කරන්නේ කුමක් දැයි ඇසූ විට ඇය තුළ දැඩි ශෝකයක් පෙනෙන්නට තිබුණි.

‘‘මට මුකුත් කියන්නට අවශ්‍ය නැහැ,’’ ඇය කඳුලූ හෙළමින් කියන්නීය.
2007 වසරේදී චටිස්ගාර්හි අගනුවර වන රායිපූර්හිදී, නිර්මලක්කා අත්අඩංගුවට ගනු ලැබුයේ ඇයගේ ස්වාමි පුරුෂයාද සමගිනි.

බස්තාර් සහ දන්තෙවාද යන නගරවල මෙන්ම, චටිස්ගාර්හි උසාවි ගණනාවකම නිර්මලක්කා සහ ඇයගේ ස්වාමි පුරුෂයාට එරෙහිව චෝදනා ගණනාවක් ගොනු කොට තිබුණි. ඇයට එරෙහිව චෝදනා 157ක් ගොනු කොට තිබුණි. නක්සල්වරුන්ට සම්බන්ධ විවිධ චෝදනා ඇතුළුව, ඇය දන්දකර්ණයාහි විප්ලවකාරී ආදිවාසී මහිලා සංගමයේ ලේකම් ලෙසද නම් කොට තිබුණි.

කෙසේ හෝ සාක්ෂි නොමැතිකම නිසා, සියලූම උසාවි මගින් නිර්මලක්කා පසුගිය වසර 12 තිස්සේ එකින් එක නිදහස් කළහ. නමුත් සමහර චෝදනා නිසා ඇයට දිගටම සිරගෙදර සිටින්නට සිදුවිය.

ඇයගේ ස්වාමි පුරුෂයා වන රෙඩ්ඩි 2017 දෙසැම්බර් වලදී නිදහස් වනවිට සිර ගෙදර වසර 10ක් ගත කොට තිබුණි. අපේ‍්‍රල් 2 වෙනිදා අධිකරණය මගින් නිර්මලක්කා අවසන් චෝදනාවෙන්ද නිදහස් කරනලදි. කෙසේ හෝ, 2007, 2008, 2014 සහ 2015 යන වසරවල ඇයට එරෙහිව අලූත් චෝදනා ගොනු කොට තිබුණි. මේ චෝදනා වලට ඇයව සම්බන්ධ යැයි ඔප්පු කිරීමට කිසිදු සාධකයක් නොවීය. පසුගිය වසර ගණනාවම සිරගතව සිටි ඔබ නිදහස් වූ පසු කරන්නට බලාපොරොත්තු වන්නේ කුමක්දැයි ඇසූවිට ඇය නිහඬ විය, ඇගේ දෑස් කඳුළින් බර විය.

‘‘මට අවශ්‍ය මගේ පවුලත් එක්ක කාලය ගත කරන්න,’’ ඇය පැවසීය.

මාඕවාදීහු එල්ල කළ ප‍්‍රහාරයකින් භාරතීය ජනතා පක්ෂයේ නීති සම්පාදකයා සහ ආරක්ෂක නිලධාරීන් 4 දෙනෙකු මිය යයි.

මාඕවාදීහු එල්ල කළ ප‍්‍රහාරයකින් භාරතීය ජනතා පක්ෂයේ නීති සම්පාදකයා සහ ආරක්ෂක නිලධාරීන් 4 දෙනෙකු මිය යයි.

 

කුඅකොන්ටා සහ ෂ්‍යම්ගිරි දක්වා ගමන් කළ භාරතීය ජනතා පක්ෂයේ රථ පෙළකට දන්තෙවාද හිදී ප‍්‍රහාරයක් එල්ල විය. ප‍්‍රහාරය සිදු වූවාට පසු එම ස්ථානයේ විශාල වළක් හෑරී තිබෙනු දක්නට හැකි විය.

භාරතීය ජනතා පක්ෂයේ නීති සම්පාදකයා වූ භීමා මන්දවී ඇතුළු ආරක්ෂක නිලධාරීන් සිව් දෙනෙකු මරණයට පත්වී ඇති බව ජ්‍යෙෂ්ඨ පොලිස් නිලධාරියෙකු ප‍්‍රකාශ කොට තිබේ.

පොලීසිය පවසන පරිදි මාඕවාදීහු විසින් රථ පෙළ ගමන් කරන් විට අයිඊඞී උපාංගයක් පුපරුවා හැර තිබේ.

ප‍්‍රහාරයෙන් භාරතීය ජනතා පක්ෂයේ නීති සම්පාදකයා ඇතුළු ආරක්ෂක නිලධාරීන් සිව් දෙනෙකු මිය ගොස් ඇත. මෙම සිදුවීම සිදුවී තිබෙන්නේ ලොක් සභා ඡන්දයේ පළමු අදියරය පැවැත්වීම දින දෙකකට කලිනි.

මේ දැවැන්ත පිපිරීම මගින් වෙඩි නොවදින රථය කැබලිවලට කැඞී ගොස් තිබිණි. පිපිරීමත් සමග වෙඩි හුවමාරුවක්ද සිදු වී ඇත.

ඉන්දියාවේ සියළු දේශපාලන සිරකරුවන් නිදහස් කරනු – අජිත් නිදහස් කරගැනීමේ ව්‍යාපාරය නොනවත්වනු!

ඉන්දියාවේ සියළු දේශපාලන සිරකරුවන් නිදහස් කරනු – අජිත් නිදහස් කරගැනීමේ ව්‍යාපාරය නොනවත්වනු!

 

රෝමය, ඉන්දියානු මහ කොමසාරිස් කාර්යාලය අජිත් නිදහස් කරනු! ඉන්දියානු මාඕවාදී කොමියුනිස්ට් පක්ෂයේ විප්ලවීය බුද්ධිමතෙකු වීම අපරාධයක් නොවේ! ඉන්දීය ජනතාවට සහ නක්සල්වාදී විප්ලවයට වසර 40 ක් සේවය කළ, අජිත් වහා නිදහස් කළ යුතුය!

රෝමය: ඉන්දියානු දේශපාලන සිරකරුවන්ට නිදහස! ඉන්දියාවේ කම්කරු අරගලය සමග සහයෝගීතාවය! හරිත දඩයම් මෙහෙයුම නවනත්වනු.

රෝමය, ඉන්දියානු එම්බසිය, ජාත්‍යන්තරවාදී මාඕවාදී, අජිත් වහා නිදහස් කරනු!


රෝමය

රෝමය, MFPR බැනරය

රෝමය