Monthly Archives: December 2015

India 26 december – Maoists Call for Bandh

India 26 december – Maoists Call for Bandh – ICSPWI calls for a large information in proletarian ranks in all countries

Posted by icspwi  December 16, 2015

Maoists Call for Bandh in Agency on December 26

VISAKHAPATNAM: The Andhra Odisha Border Special Zonal Committee (AOBSZC) gave a call for Andhra Odisha Border (AOB) bandh on December 26 and urged the tribals to observe December 21 to December 27 as a protest week against the proposed bauxite mining in Visakhapatnam agency. In a letter which was released to the media at Visakhapatnam agency by the AOBSZC official spokesman Jagabandhu, he requested the tribals to fight against those leaders who have been opposing the bauxite mining while still continuing as leaders in political parties. Jaganbandhu asked the leaders to resign from the parties, failing which he suggested that the people should drive them away from the agency areas. The ultra alleged that the government has joined hands with private companies and is trying to benefit from it by hitting the lives of tribals.
The TDP government has been trying to divide and rule the tribals to lift the bauxite reserves. As part of the strategy, the State government has deployed huge forces into the agency and trying to intensify the attacks. The naxal leader in his letter also mentioned that Chief Minister Chandrababu Naidu has temporarily kept the bauxite issue on hold, which is his strategy. Very soon, he would announce packages and will impress the agitators to pave the road for mining. The red-rebel also stated that the opposition parties who are now actively participating in anti bauxite agitation are just doing so in order to get votes in the coming elections. “Both the TDP and Congress, when in power had tried to mine bauxite and disturb the agency. The YSRC party is a child of Congress,” he alleged.
http://www.newindianexpress.com/states/andhra_pradesh/Maoists-Call-for-Bandh-in-Agency-on-December-26/2015/12/15/article3178166.ece

Advertisements

බෑන්ලියස් කැරැල්ලේ දස වැනි සංවත්සරය වෙනුවෙන් පවත්වන ලද ජාත්‍යන්තර හමුවේ සාර්ථකත්වය

බෑන්ලියස් කැරැල්ලේ දස වැනි සංවත්සරය වෙනුවෙන් පවත්වන ලද ජාත්‍යන්තර හමුවේ සාර්ථකත්වය

බ්ලොක් රූජ් (මාඕවාදී එක්සත්කම) සහ මාඕවාදී ඉතාලි කොමියුනිස්ට් පක්ෂය විසින් සංවිධානය කරනු ලැබූ ජාත්‍යන්තර හමුව නොවැම්බර් 21, සෙනසුරාදා දින පවත්වන ලදි: ‘‘බෑන්ලියස් කැරැල්ලේ සිට නිර්ධන පංති විප්ලවය දක්වා!’’ බෑන්ලියස් කැරැල්ලේ දස වන සංවත්සරය අවුබවිලියස් වල පැවැත්වුණ අතර කැරැල්ල ඇරඹුනේ 2005 නොවැම්බර් හි දීය. මේ රැස්වීම අතිශය දුෂ්කර තත්ත්වයන් යටතේ පවත්වන ලදි.

පළමුවෙන්ම, මේ රැස්වීම සිදු නොවන තැනට වැඩ සැලසීමට පොලිස් පීඩනය යෙදිණි, මෙය අවුබවිලියර්ස් හි දී අපේ සහෝදරවරුන්ට හිංසා පීඩා කිරීමෙන් ක‍්‍රියාත්මක කෙරිණි. නොවැම්බර් 13 කෲර ඝාතනයෙන් පසු රජය හදිසි නීතිය පැනවීමෙන් පසු තත්ත්වය තවත් දුෂ්කර විය. ඒ වන විටත් නියම ස්ථානය දැනුම් දී තිබියදී ත් (සිය ගණන් පෝස්ටර් ඇලවිණි, දහස් ගණන් අත් පත‍්‍රිකා බෙදා හැරිණි) ස්ථානය වෙනස් කිරීමට අපට බල කෙරිණි.

මෙ සියල්ලටම රැස්වීම වැළැක්වීමට නොහැකි විය, එය සාර්ථකව අවසන් විය! ස්ථානය වෙනස් කොට තිබිය දී පවා, නව ශාලාව පිරී තිබුණි, අනෙකුත් රටවල්වල සහෝදරවරුන් විසින් එවන ලද සියළු ප‍්‍රකාශන කියවන ලදි. සියළුම ප‍්‍රකාශන සහ පණිවිඩ එකට එක් කොට පොත් පිංචක් ලෙස ප‍්‍රංශ, ඉතාලි සහ ඉංග‍්‍රීසි යන භාෂා වලින් පළ කෙරෙනු ඇත.

සමාප්තියෙදී යොමු වුනේ මේ රැස්වීම හුදෙක් සිදුවීමක් නොව, ඊට ප‍්‍රතිලෝමව දිගින් දිගටම ගෙන යා යුතු සහ විස්තීර්ණ කළ යුතු ක‍්‍රියාවලියක් වශයෙනි. අධිරාජ්‍යවාදී රටවල මහජන යුද්ධය පිළිබඳ ප‍්‍රශ්නයේ දී දිළිඳු නගරාන්ත ප‍්‍රදේශ තුළට තවදුරටත් ඇතුල් විය යුතු බව මෙහිදී සටහන් කෙරුණි.

බ්ලොක් රූජ් (මාඕවාදී එක්සත්කම)

බෑන්ලියස් කැරැල්ලේ දස වන සංවත්සරය සඳහා පවත්වන ලැබූ ජාත්‍යන්තර රැස්වීමෙහි සාර්ථකත්වය

රාජ්‍ය හදිසි නීතිය යටතේ, පැරීසියේ දී, යුරෝපයේ විවිධ රටවලින් පැමිණි මාඕවාදීහු සහ අධිරාජ්‍යවාදීන් විසින් පීඩාවට පත් කෙරෙන රටවල් වල පක්ෂ සහ සංවිධාන වල සහයෝගය ඇතිව සහ අනෙකුත් අධිරාජ්‍ය විරෝධී බලවේග වල පැමිණීමෙන්, කොවැම්බර් 15 ඩයිච් හි ප‍්‍රතිගාමී ප‍්‍රහාරය නිසා ඇති වූ තත්ත්වයට අභියෝග කරමින් විප්ලවීය රැස්වීමක් පවත්වන ලදි.

සටන්කාමී සහ කලහකාරී පසුබිමක් තුළ, 2005 වසරේ බෑන්ලියස් හිදී තරුණ ජනයා සහ නිර්ධනීන් කැරලි ගැසීම ආචාරයට ලක් කෙරුණු අතර එහි ඓතිහාසික වැදගත්කම නැවත ව්‍යාප්ත කෙරුණි, විශ්ලේෂණය ට ලක් කෙරුණි.

මාඕවාදීහු මැද පෙරදිග අධිරාජ්‍යවාදී යුද්ධ වලට සහ, ප‍්‍රංශයේ සහ අනෙකුත් රටවල්වල රාජ්‍ය හදිසි නීති වලට විරුද්ධ වන අතර ඔවුහු පැරීසියේ බෑන්ලියස් පොදු ජන අරගලයේ දී ද තරුණයන්ගේ පැත්ත ගන්නා බව උස් හඬින් කිව යුතුය.

සහභාගි වූ බලවේග, අධිරාජ්‍යවාදීන් සහ ඔවුන්ගේ යුද්ධ සමග සටන් කිරීමේ දී සිය වගකීම් ගැනීමට සූදානම් බවත්, සියළු අධිරාජ්‍ය විරෝධී මහජන අරගලවලට සහය දෙන බවත් මහජන යුද්ධයේ විශ්වනීයත්වය තරයේ ප‍්‍රකාශ කරන බවත් සඳහන් කළහ.

රැස්වීමේ සියළු කථා ඇතුළත් පොත් පිංච, සියළු විප්ලවවාදීන්, අධිරාජ්‍ය-විරෝධීන්, කොමියුනිස්ට් සහ මාඕවාදී බලවේග වලට සිය විප්ලවීය භාවිතාවත් සමග දිගටම සාකච්ඡාවක් ගෙන යාමට ඉඩ හැරිය යුතු බැවින් ඉදිරි සති වලදී ඉංග‍්‍රීසි, ප‍්‍රංශ සහ ඉතාලි බසින් පළ කෙරෙනු ඇත.

තොරතුරු සැපයීම – මාඕවාදී තොමියුනිස්ට් පක්ෂය ඉතාලිය

නොවැම්බර් 2015

සිග්නල් ෆයර් වෙතින් පරිවර්තනය කරන ලදි

මී මැස්සන් අතුරුදහන් වීම සහ පෘථිවියේ අනාගතය ගැන

මී මැස්සන් අතුරුදහන් වීම සහ පෘථිවියේ අනාගතය ගැන

2015 නොවැම්බර් 2. දිනා ගැනුමට ලොවක් ඇත’ පුවත් සේවය. මීට වසර දෙකකට ඉහත දී, මී මැස්සන් (honeybees) සහ ලේඩිබග් (ladybugs – කුඩා කුරුමිණි විශේෂයකි) ඇතුළුව බඹර මැස්සන් (bumblebees) යන සත්ත්ව ප‍්‍රභේදයන්හි මියගොස් සිටි සතුන් 25,000 සහ 50,000 ක් වූ විශාල තොගයක් එක්සත් ජනපදයේ ඔරෙන්ගෝ හි දී සොයාගනු ලැබිණි. ඊට ටික කලකට පසු, කැනඩාවේ, ඔන්ටාරියෝ හි එල්ම්වුඩ් වලින් මැරුණු මී මැස්සන් මිලියන 37 ක් සොයා ගන්නා ලදී.

220px-Bees_Collecting_Pollen_2004-08-14

රොන් ගන්නා මී මැස්සෙක්

පසුගිය වසර 10 තුළ වැඩි වශයෙන්, මූලිකවම උතුරු ඇමෙරිකාවේ සහ යුරෝපයේ මී මැසි පාලකයන් විසින් මී වද වල පහළ වැටීම 30% හෝ ඊටත් වඩා වැඩි බව වාර්තා කෙරෙමින් තිබුණි. 2013 දී බි‍්‍රතාන්‍ය මී මැසි පාලකයින්ගේ සංගමය (BBKA) ඉතිහාසයේ වඩාත් නරකම වාර්ෂික මී මැස්සන්ගේ අඩුවීම වාර්තා කර ඇත. අඩුම තරමින් 34% මිය ගොස් තිබුණි. 2013 ශීත ඍතුවේ දී, බොහෝ ඇමරිකානු මී මැසි පාලකයන් 40% සිට 50% ක් දක්වා වන අඩුවීමක් හෝ, ඊටත් වඩා වැඩියෙන් – සමහර අවස්ථාවලදී මුළුමනින්ම වාගේ විනාශ වී යනු අත්දැක තිබුණි.

ශීත ඍතුවේ දී මී මැස්සන් විශාල ප‍්‍රමාණයක් මිය යාම සාමාන්‍ය දෙයකි, 19 වන සියවසේ මැද භාගයේ සිට ක‍්‍රමයෙන් අනුක‍්‍රමිකව වැඩිවන මරණයට පත් වීම් වාර්තා වී ඇත. නමුත් මෑත වාර්ෂික සංඛ්‍යාලේඛන වලින් පෙන්වන තත්ත්වය සාමාන්‍ය හෝ තිරසාර එකක් නොවේ. එක්සත් ජනපදයේ ජාතික කෘෂි කාර්මික සංඛ්‍යා ලේඛන පෙන්වන පරිදි මී මැස්සන් කෙතරම් අඩුවීදයත් 1947 දී මිලියන 6 ක් පමණ වූ මී වද ප‍්‍රමාණය 2008 දී මී වද මිලියන 2.4 ක් දක්වා පහත වැටී තිබුණු අතර එය 60% ක අඩු වීමකි.

250px-Bumblebee_October_2007-3a

බඹර මැස්සෙක් මලක් මත

මී මැසි ජනපද බිඳවැටීමේ අක‍්‍රමතාවය (Honeybee Colony Collapse Disorder – CCD), යන සහලක්ෂණය මී මැස්සන් ගහණය අඩු වීම සඳහා හේතුවන අතර, එය ඉතා ඉක්මනින් පියවර ගත යුතු අර්බුදයක් ලෙස හඳුනා ගෙන ඇත. 2007 සිට 2013 දක්වා, මිලියන 10 කට වැඩි මීවද ප‍්‍රමාණයක් මේ තත්ත්වය නිසා අහිමි වී ඇති බව ඇස්තමේන්තු කර ඇත. මීට අමතරව මී මැස්සන් විශාල සංඛ්‍යාවක් මිය යාම හැරුණු කොට, නොනැසී සිටින මී මැස්සන් ගේ සෞඛ්‍ය තත්ත්වය තිබෙනුයේ බරපතළ තර්ජනයක් යටතේ ය.

මෙම අර්බුදයේ මහත් කනස්සල්ලට හේතුවන මානය වනුයේ උදෑසන කෑම මේසයෙන් ප‍්‍රණීත සහ පෝෂ්‍යදායී අයිතමයන් අතුරුදන් වීමට ඇති හැකියාව නොවේ. මී මැස්සන් පැණි වලට වඩා මනුෂ්‍ය ජීවිත සහ පෘථිවියේ පරිසර පද්ධතිය සඳහා බෙහෙවින් වැදගත් වේ.

ලෝකයේ සපුෂ්ප ශාක විශේෂ බොහොමයක් සත්ත්වයින් මගින් පරාගනය වේ. (මෙයට සුළඟ මගින් පරාගනය වන තෘණ වර්ග වනතිරිඟු, බඩඉරිඟු සහ අනෙකුත් ප‍්‍රමුඛ බෝග ඇතුළත් නොවේ.) පරාගවාහකයින් පර පරාගනය අවශ්‍යවන සමහර විශේෂයන්ගේ අභිජනනය සහතික කරන අතර, ප‍්‍රධානතම දෙය වන්නේ අනෙක් ඒවා සඳහා ජාන විවිධත්වය සහතික කිරීමයි.

වඩාත් පොදු පරාගවාහකයින් වන්නේ මී මැස්සන්, විශේෂයෙන් හීලෑ හනිබී, එමෙන්ම වල් බම්බල්බී සහ අනෙකුත් කෘමීන්, කුරුල්ලන් සහ වෙනත් සතුන්ය. තනි හනිබී කෙනෙක්, බම්බල්බී කෙනෙක් හෝ සමහර අනෙකුත් පරාගවාහකයින් පැවැත්ම සඳහා තමන්ගේ සමූහය මත ර‍‍ඳා පවතින බැවින්, අනුක‍්‍රමයෙන් එකිනෙකා මිය යනවා වෙනුවට සමස්ත ප‍්‍රජාවම එකවරම විනාශ වේ. උදාහරණයක් වශයෙන්, මී මැසි ජනපදයක් බිඳ වැටීමේ දී, පැණි සහ මැසි රැජින ඉතිරිව සිටියත් අනෙක් මී මැස්සන් බොහොමයක්ම සාමාන්‍යයෙන් අතුරුදන්ව ඇති බව දක්නට ලැබේ.

220px-Bienen_auf_Wabe_2

රාමුව ඉවත් කළ මී වදයක්

මී මැස්සන් පමණක් නොව වෙනත් වර්ග වල පරාග වාහකයන්ගේ ගහණයද අඩුවෙමින් පවතී. 2013 ගිම්හානය තුළදී, එක්සත් ජනපද නැගෙනහිර වෙරල තීරයේ මොනාර්ච් සමනලූන්  – තැඹිලි සහ කළු වර්ණ දරන, සංකීර්ණ ජීවන ක‍්‍රමයක් ඇති, මෙක්සිකෝව දක්වා දිගු දුරක් සංක‍්‍රමණය වන – ඔවුන්ගේ ගහණය පසුගිය වසරේ 59% තෙක් ඇද වැටී තිබුණි. මෙය අනෙකුත් පරාග වාහක විශේෂයන්ට සිදුවන්නේ කුමක්ද යන්න පෙන්වන සංකේතයකි.

මිනිසුන් කෑමට ගන්නා ශාක වලින් තුනෙන් දෙකක් සහ ගෝලීය ආහාර බෝග නිෂ්පාදනයෙන් තුනෙන් එකක් සත්ත්ව පරාගණය මත රඳා පවතී. ලෝකය පුරා අනුභවයට ගන්නා සෑම ආහාර ශාක වර්ග තුනෙන් එකක ම සාර්ථක අස්වැන්න පරාගනය මත රඳා පවතී.  තවදුරටත්, ශාක සත්තුන්ගේ ප‍්‍රාථමික ආහාර මූලය වන බැවින් ප‍්‍රාථමික පරාගවාහකයින් අතුරුදන්වීම, නැත්නම් අඩු වීම, අපේ පෘථිවියට අප‍්‍රමාණ ප‍්‍රතිවිපාක අත්කර දෙනු ඇත.

එසේම, වල් මී මැස්සන් හා අනෙකුත් පරාගවාහකයින්ගේ අඩුවීම අස්වනු බෝගවලට බරපතල තර්ජනයක් එල්ල කරයි. විද්‍යාඥයන් සෑම ජනාකීර්ණ මහාද්වීපයකම ක්‍ෂේත‍්‍ර  600 ක් තුළ බෝග 40 කට වැඩි සංඛ්‍යාවක පරාගණය අධ්‍යයනය කොට බීජ සහ ඵල නිෂ්පාදනයේ දී වල් පරාගවාහකයින් මී මැස්සන් ට වඩා දෙගුණයක් ඵලදායී බව සොයාගෙන ඇත.

220px-Bienenwabe_mit_Eiern_und_Brut_5

මී වදයක බිත්තර සහ පිළවුන් සිටින අයුරු

ඇමෙරිකන් විශේෂඥයෙකු වන චාල්ස් රොබට්සන් විසින් විසි වන සියවසේ මුල් භාගයේ දී වාර්තා කරන ලද මී මැසි විශේෂ 109 න් අඩක් විනාශ වී ගොස් ඇත. ඉතිරිව සිටින වල් කෘමීන් විසින් සපයනු ලැබෙන පරාගනය, ශාක වල පුෂ්ප හටගන්නා කාලය සහ මී මැස්සන් ක‍්‍රියාකාරී වන කාලය අතර ඇති නොගැලපීම නිසා විශේෂිත ශාක පරාගණය කිරීමට ඔවුන්ට ඇති හැකියාව අඩකටත් වඩා පහත වැටීමත් සමග, දැඩි ලෙස පහත වැටී ඇත.

වෙනත් කිසිදු තනි සත්ත්ව විශේෂයක් මිනිසුන් වන අප පොදුවේ ලබා ගන්නා ආහාර නිෂ්පාදනයේ දී එතරම් තීරණාත්මක කාර්යභාරයක් ඉටු නොකරන බැවින්, මී මැසි ගහණය මියයාමේ ප‍්‍රතිවිපාකය අපේ ආහාර දාමයේ ඉහළ ම මට්ටම සමග ගැටී, අපේ පැවැත්ම සඳහා දැවැන්ත තර්ජනයක් මතු කරමින් තිබේ.

පරාගවාහකයන් අහිමි වීමේ දරුණු ප‍්‍රතිවිපාකයට උදාහරණයක් ලෙස නිරිත දිග චීනයේ ඇපල් හා පෙයර් පළතුරු වතු වල වල් මී මැස්සන් මුළුමනින්ම වාගේ විනාශව ගොස් ඇත. මෑත වසරවල් වල දී, ගොවියන්ට සිය ශාක හස්ත පරාගනයට ලක් කරන්නට පරාග බඳුන් ගෙන යමින් තීන්ත බුරුසු වල ආධාරයෙන් මලෙන් මල පරාගනය කිරීම ට සහ ඔවුන්ගේ ළමයි යොදා ගෙන ගස් මත නංවා ඉහළ තැන් වල ඇති මල් පොකුරු පරාගනය කරන්නට සිදු වී ඇත. එහෙත් ලෝකයේ ඇති සියළු බෝග අතින් පරාගනය කිරීම සඳහා මනුෂ්‍යන් ප‍්‍රමාණවත් නැත.

මී මැස්සන් ව මරන්නේ කුමකින්ද?

උග‍්‍ර පළිබෝධනාශක විෂ නිසා මී මැසි ගහනය විශාල පරිමාණයෙන් ඛාදනය වීමට හේතුවන ප‍්‍රධාන සාධකයක් බවට විද්‍යාත්මක සම්මුතියක් පවතී. සමහරවිට එය ජනපද බිඳවැටීමේ අක‍්‍රමතාවය නමැති සංකීර්ණ ගතිකත්වයට බලපවත්නා වඩාත් ප‍්‍රධානතම හේතු සාධය වනු ඇත. විදයාඥයෝ දුම්කොළ වල ඇති නිකොටින් වලට රසායනික ව සමාන නියෝනිකොටිනොයිඩ් ලෙසින් හඳුන්වන කෘමිනාශක කාණ්ඩයක් විශේෂයෙන් අවධාරණය කර තිබේ. නියෝනිකොටිනොයිඩ් වූ කලී විශේෂයෙන් ම එක්සත් ජනපදය තුල, සහ ලෝකයේ වඩාත් පුළුල් ලෙසින් භාවිතා කරන කෘමිනාශක වේ.

ladybug-daisy.jpg.adapt.945.1

ලේඩි බග්/ ලේඩි බර්ඩ්

ඉතා දරුණු හා නිදන්ගත විෂ ලෙස ප‍්‍රසිද්ධියක් උසුලන ඒවා, එක් මී මැස්සෙකුට පමණක් නොව, සම්පූර්ණ ජනපදය විෂ සහිත කරයි. මී මැස්සන් කෘමිනාශක-ප‍්‍රතිකාර කරන ලද ශාක වලින් දූෂිත වූ පැණි මී වද කරා ආපසු ගෙන ගොස්, සියලූ මී මැස්සන් සඳහා උග‍්‍ර විෂ සහිත ජීවන පරිසරයක් නිර්මාණය කරයි. විෂ වැඩි වීමෙන් මී මැස්සන්ගේ ‘මධ්‍ය ස්නායු පද්ධතිය’ විනාශ වීම නිසා ඔවුන් මංමුලාවට පත් වේ. අවසානයේදී මී මැස්සන් ට පියාසර කිරීමට හෝ නැවත ඔවුන්ගේ කූඩුව කරා යාමට මග සොයා ගැනීමට නොහැකි වනු ඇත.

ජනපද බිඳවැටීමේ අක‍්‍රමතාවයට බලපාන තවත් සාධකයක් වන්නේ මී මැසි ජනපද වලට කල්පවත්නා ලොකු අනතුරක් වන, වරෝආ ගුල්ලන් (Varroa mite) වැනි මීවද වල රැස්වී උපද්‍රව ඇති කරන කුඩා පරපෝෂිතයින්ය. 1987 දී වරෝආ ගුල්ලන් සොයාගනු ලැබූ විට එක්සත් ජනපදයේ මොන්සන්ටෝ, ඩොව්, බේයර් සහ යුරෝපයේ අනෙකුත් රසායනික නිෂ්පාදකයෝ පරපෝෂිත උවදුරට ක්ෂණික සහ ඉක්මන් පිළියමක් ලෙස ජානමය ලෙස වැඩිදියුණු කරන ලද කෘමිනාෂක සහ වල්නාශක විකුණමින් ආක‍්‍රමණකාරී ලෙස මී මැසි කර්මාන්තය ඉලක්ක කළහ. නමුත් මෙය මී මැස්සන්ට පරපෝෂිතයින් සමග සටන් කිරීමට ඇති ‘ස්වාභාවික ජාන ආරක්ෂාව’ දුර්වල කළ හැක. මොන්සැන්ටෝ බැසිලස් තුරින්ජෙයින්සිස් (Bacillus Thuringeinsis – BT )ලෙසින් හඳුන්වන කෘමිනාශකයක් ජානමය වශයෙන් වෙනස් කරන ලද බඩඉරිඟු වලින් නිෂ්පාදනය කළ අතර, එය වරක් මී මැස්සන් විසින් අවශෝෂණය කරගත් පසු ඔවුන්ගේ උදරයේ අභ්‍යන්තර ආවරණයේ ප‍්‍රතිගාහක වල බැඳීමෙන්, අභ්‍යන්තර උදර බිත්තිය බිඳවැටීමට ලක් වෙමින් මී මැස්සන් පහසුවෙන්ම බීජානු සහ බැක්ටීරියා වල හානියට පාත‍්‍රවේ. පරාග තුළ තිබී මී මැස්සන් ට ස්පර්ශ වන දිලීර නාශක ද ඔවුන්ගේ ප‍්‍රතිශක්තිකරණ පදධතිය දුර්වල කරයි. පෙනෙන විදියට ‘‘ප‍්‍රතිකාර’’ ප‍්‍රශ්නය බොහෝ සෙයින් උග‍්‍ර කොට ඇත.

එවැනි ව්‍යසනයක් හමුවේ අවබෝධයෙන් යුතු මිනිසුන්ගේ, විශේෂයෙන් පරිසරවේදීන්ගේ සහ මි මැසි පාලකයින් ගේ විරෝධතා වැඩි වන්නට වූ අතර, 2013 ආරම්භයේදී යුරෝපා ආහාර ආරක්ෂක අධිකාරිය මී මැස්සන්ට නිදන්ගත හානි පමුණුවන විශේෂිත නියෝනිකොටිනොයිඩ් කෘමිනාශක තුනකට එරෙහිව ප‍්‍රකාශයක් නිකුත් කළහ. මෙහි ප‍්‍රතිඵලයක් ලෙස, යුරෝපා කොමිසම මේ කෘමිනාශක සඳහා වසර දෙකක තහනමක් හඳුන්වා දෙන ලදි.

ඊට වෙනස් ආකාරයකින්, එක්සත් ජනපද රජයේ පරිසර ආරක්ෂණ ඒජන්සිය මී මැස්සන් මිලියන ගණනක් මිය යාම සඳහා වගකිව යුතු යැයි විශ්වාස කරන ජී.එම්.ඕ (GMO) කෘමිනාශකයට අනුමැතිය ලබා දුන්හ. කෘමිනාශකවල සාපේක්ෂ බර සහ වරෝආ ගුල්ලන් මී මැසි වද විනාශ වීමට හේතු වීම ගැන ‘‘සම්පූර්ණ විද්‍යාත්මක නිශ්චිතභාවයක් නොමැතිකම’’ යන අවසරය පදනම් කරගෙන, එක්සත් ජනපද රජය ඒවා භාවිතය තහනම් කිරීම ප‍්‍රතික්ෂේප කළහ.

Tetragonula_carbonaria_(14521993792)

Bee ලෙස හඳුන්වන කෘමි විශේෂය (Bee යනු මී මැස්සන් නොවේ. ඔවුන් මෙන්ම මල් පැණි රැස් කරන, වද බඳින, පරාගනයට දායක වෙන කෘමි වර්ගයකි)

කෙසේ වෙතත්, නියෝනිකොටිනොයිඩ් වලට දැමූ යුරෝපා තහනම මී මැස්සන්, මානව ජීවිත සහ පරිසරය ගැන සැලකිල්ලට ගෙන අවශ්‍යයෙන්ම සිදු කළ එකක් නොවේ. මෙම තහනම යුරෝපා හා එක්සත් ජනපද ආහාර කර්මාන්ත අතර ඇති තරඟය හා බෙහෙවින් සම්බන්ධ වන අතර, ඉන් අපේක්ෂා කළේ ඇමරිකානු සමාගම් වෙළෙඳ පොළට ප‍්‍රවේශ වීම වළක්වා ලීමයි. එපරිද්දෙන්ම, එක්සත් ජනපදය ‘‘සම්පූර්ණ විද්‍යාත්මක නිශ්චිතභාවයක් නොමැතිකම’’ යන සාධාරණිකරණය භාවිතා කළේ වත්මන් විද්‍යාත්මක පැහැදිලි කිරීම්වල නිරවද්‍යතාවය සැලකිල්ලට ගෙන නොවේ. මෙම රසායනික ද්‍රව්‍යය මගින් ජනතාවගේ ජීවිත නෂ්ටාවශේෂ කොට පරිසරය විනාශ කළද, එය ප‍්‍රධාන වශයෙන් ලෝක ආර්ථිකයට ආධිපත්‍යයක් පතුරන සහ සිය අධිරාජ්‍යයේ සේවාවට කැප ව සිටින එක්සත් ජනපදයේ දැවැන්ත සමාගම් ආරක්ෂා කිරීමටයි.

ජනපද බිඳවැටීමේ අක‍්‍රමතාවයේ සංකීර්ණ සාධක නොතකා, ලාභය කරා දිව යෑම වූ කලී ඔවුනොවුන් අතර දිවෙන හූයකි. උදාහරණයක් ලෙස, උපරිම ලාභ අපේක්ෂාවෙන්, එක්සත් ජනපදයේ මී මැසි ගොවිපලවල් කාර්මීකරණය කිරීම වූ කලී උපරිම පැණි පලදාවක් ලබා ගැනීමට බොහෝ විට මී මැස්සන් ට පරිභෝජනය සඳහා වත් මී පැණි ඉතිරි නොකරන තරම් වූ කෑදරකමකි. මේ මී පැණි ආහාරයට ගැනීම මී මැස්සන්ට හෝමෝනමය වාසි අත්කොට දෙන අතර, දිගු කලක් ඔවුන්ට තර්ජනය කරන පරපෝෂිතයින් සහ වයිරස් වලට එරෙහිව ආරක්ෂාව සලසා ගැනීමට ඔවුන්ට ඇති හැකියාව වැඩි කරයි. ඔවුන්ගේ මී පැණි වෙනුවට ඔවුන්ට ලබා දෙනු ලබන අධි ෆෘක්ටෝස් බඩඉරිඟු සිරප් එක මගින් ඔවුන්ගේ ප‍්‍රතිශක්තිකරණ පද්ධතිය සහ රෝග වලින් ආරක්ෂා වීමට ඇති හැකියාව දුබල කරන බව විශ්වාස කෙරේ.

තීව‍්‍ර කරන ලද ගොවිතැනත් සමග (එමනිසා රසායනික ද්‍රව්‍ය මත පදනම්ව තිබෙන) උතුරු ඇමෙරිකාවේ සහ යුරෝපයේ පරාගවාහක විශේෂ වඳ වී යෑමේ අනුපාතය වඩා වේගවත්ව තිබෙන අතර එය ලතින් ඇමරිකාව, අප‍්‍රිකාව සහ ආසියාවේ මන්දගාමී තත්ත්වයක පසුවේ. මෙය පරාගවාහකයින් වඳ වී යෑම සහ පළිබෝධනාශක හා කෘමිනාශක අතර සම්බන්ධතාවයක් පවතින්නේය යන අදහස ඉදිරිපත් කරයි. එහෙත් වඩා සාම්ප‍්‍රදායික ගොවිතැන් ක‍්‍රම භාවිතා කරන සහ පළිබෝධනාශක හා කෘමිනාශක අඩුවෙන් භාවිතා කරන රටවල්, හැම තැනම වර්ධනය වෙමින් පවතින මේ තර්ජනය ට මුළුමනින්ම ගොදුරුව නැත.

විද්‍යාඥයින් විශ්වාස කරන ආකාරයට රසායනික ද්‍රව්‍ය දැඩි ලෙස භාවිතය නිසා එම රසායනික ද්‍රව්‍ය වල අතුරු ප‍්‍රතිඵල ලෙස රෝග සහ රෝගවාහකයින් පැතිරීමට අමතරව දේශගුණික විපර්යාස, වන විනාශය, වායු දූෂණය ද වැදගත් සාධක වේ.

දේශගුණික විපර්යාස, ස්වාභාවික වාස භූමි අහිමි වීමට හේතු පාදක වේ, භූමිය වෙනස් වීම නිසා නව වාසස්ථාන වලට අනුවර්තනය වීමේ තත්ත්වයට මුහුණ දීමේදී ශාක හා සත්ත්ව විශේෂවලට ගැටළු මතුවේ. මේ දේශගුණික විපර්යාස නිසා, බොහෝ ස්ථාන වල ශාක වල පුෂ්ප හට ගැනීමට පෙර මී මැස්සන් වර්ෂය තුළ ඉතා වේලාසනින්ම මතු වෙයි. එසේම, දේශගුණික විපර්යාස සහ දැඩි කුණාටු, වඩා ශීත ඍතු, වඩා උණුසුම් ග‍්‍රීෂ්ම ඍතුව සහ ඉඩෝරය, යන මේ සියල්ල පෝෂණ ඌණතාවය සඳහා හේතු සාධක වේ. කෙටියෙන් කිවහොත්, පෘථිවි වායුගෝලයේ කාබන් ඩයොක්සයිඩ් සහ අනෙකුත් හරිතාගාර වායු මී මැසි ජනපද විනාශ වීමට වක‍්‍රව බලපෑවද, එම හානිය මී මැස්සන්ගේ සමූහ විනාශයට හේතු වෙන්නේ එහි කොටස් කරුවන් ලෙස විශාල පරිසර පද්ධති සහ පෘථිවියද ඇතුල් කර ගනිමිනි.

අධික ලෙස රසායනික ද්‍රව්‍යය භාවිතය, වනාන්තර එළි පෙහෙළි කිරීමෙන් නව වගා බිම් ඉදිකිරීම ඇතුළු තීව‍්‍ර කරන ලද ගොවිතැන භෝග අස්වැන්නෙහි සාමාන්‍යය සහ සමස්ත ආහාර නිෂ්පාදනය යන දෙකම වැඩි කොට ඇති බවට කිසිදු සැකයක් නැත. නමුත් මේ වාසි ලබා ගැනීමට භාවිතා කරන ක‍්‍රමවේදය පැදවෙනු ලැබෙන්නේ උපරිම ලාභ අත් කර ගැනීමේ බලාත්කාරය මගින් වන බැවින්, පෘථිවියට සහ ජනතාවට තර්ජනයක් මිස මානව වර්ගයාට විශාල වාසියක් ඇති නොකරයි.

විසඳුම්?

විනාශදායී ලෙස මීවද පහත වැටීමේ තත්ත්වය හමුවේ, එක්සත් ජනපද රජය සත්ත්ව විශේෂ හිඟ කමින් ගෝලීය ආහාර නිෂ්පාදනය ඇණ හිටීමට හේතුවන සතුන් ආරක්ෂා කර ගැනීමට ඩොලර් මිලියන 3 ක සහනාධාරයක් පමණක් දී ඇත. මේ අතර, පසුගිය වසර ගණනාවක් පුරා රසායනික කර්මාන්ත මගින් ඔවුන්ගේ නිර්දෝෂීභාවය ඔප්පු කිරීමට මහජන සම්බන්ධතා වැඩසටහන් වලට ඩොලර් මිලියන 11.2 ක් වැය කර ඇත.

වැඩිපුර මුදලක් ලබාදීමෙන් මේ ඛේදවාචකයට සැබෑ විසඳුමක් ලබා දිය හැකි බව මේ කාරණයෙන් අදහස් නොකෙරේ. අතිශයින් කෙටි-දුරදක්නා බව පමණක් නොව ධනේශ්වර රාජ්‍ය ප‍්‍රතිපත්ති මෙන්ම නිෂ්පාදනයේ ධනේශ්වර ආකාරය, විශාල ධනයක් සංචය කර ගැනීමට ක්ෂණික ප‍්‍රාග්ධන ලාභ අපේක්ෂා කිරීම අරභයා, අවශ්‍යයෙන්ම මාරාන්තික තරඟයක් ඇති කරන අතර එය බරපතල ප‍්‍රතිවිපාක ගැන සැලකිල්ලක් දැක්වීමට අපොහොසත් වනු ඇත.

ම්ලේච්ඡ සහ කැත ධනපති ක‍්‍රමය දිගින් දිගටම අපගේ පෘථිවිය විනාශ කරමින් සිටී. පරිසර පද්ධතිය බරපතල අනතුරක පවතී. වන ශාක, මල් වර්ග, සහ අනෙකුත් විශේෂයන් දහස් ගණනක් සදහට ම අහිමි වීමට ගත වන දිනය වැඩි ඈතක නොවේ.  ගෝලීයකරණය විසින් මෙම ක‍්‍රියාවලිය වේගවත් කර ඇත.

පරාගනය කරන විශේෂයන්ගේ ඉරණම අනෙකුත් වනජීවීන්ගේ ඉරණමෙන් වෙනස් නොවේ – නමුත් එය බෙහෙවින් ප‍්‍රමුඛය. ලෝකය තුළ දැනට බල පවත්නා සමාජ සහ ආර්ථික සබඳතා වලට අපේ පෘථිවිය ආරක්ෂා කර ගැනීමට නොහැකි බව තහවුරු කොට ඇත. ඒ වෙනුවට ඔවුහු එය විනාශ කරමින් සිටී.