Blog Archives

අතුරුදන් වූවන් වෙනුවෙන් ඥාතින් සිදුකරන උපවාස ව්‍යාපාරය

අතුරුදන් වූවන් වෙනුවෙන් ඥාතින් සිදුකරන උපවාස ව්‍යාපාරය

 

ත්‍රිකුණාමලයේ ප්‍රදේශයේ අතුරුදන් වූ තම පවුල්වල සාමාජිකයන් වෙනුවෙන් දැනට දින 25ක් තිස්සේ එම පවුල්වල සාමාජිකයන් නියැලෙන උපවාස ව්‍යාපාරයට  අද(29) දිනයේ නිදහස උදෙසා කාන්තා ව්‍යාපාරය සම්බන්ධ වී තිබේ.

යුද්ධයෙන් පසුව 2006 වසරේ සිට 2008 දක්වා ත්‍රිකුනාමල දිස්ත්‍රික්කයෙන් පමණක් පුද්ගලයන් 2000ක් පමණ අතුරුදන් වූ බව මේ උපවාසයට එක්ව සිටින අතුරුදන්වූවන්ගේ පවුල්වල සාමාජිකයන් පවසා සිටී. මේ ආන්ඩුව පත්වීමෙන් පසුව ඔවුන්ගේ දරුවන් ජීවත්ව සිටිනවාද නැත්නම් මරණයට පත් කර ඇත්ද යන්නවත් නොදැන මේ මව්පියන් උපවාසය තුළින් ඉල්ලා සිටින්නේ යුක්තියයි.කෙසේවෙතත් මෙම විරෝධතාවලට ආන්ඩුවෙන් තවමත් නිසි ප්‍රතිචාරයක් හිමිව නැති බව ජනතාව ප්‍රකාශ කරති.

 

උපැටුම:

[http://lankaviews.com/%e0%b6%85%e0%b6%ad%e0%b7%94%e0%b6%bb%e0%b7%94%e0%b6%af%e0%b6%b1%e0%b7%8a-%e0%b7%80%e0%b7%96%e0%b7%80%e0%b6%b1%e0%b7%8a-%e0%b7%80%e0%b7%99%e0%b6%b1%e0%b7%94%e0%b7%80%e0%b7%99%e0%b6%b1%e0%b7%8a/]

ඉන්දියාව: සායිබබා – වසන්තා විසින් දිල්ලි නුවර දී නිකුත් කළ මාධ්‍ය ප‍්‍රකාශනය

ඉන්දියාව: සායිබබා – වසන්තා විසින් දිල්ලි නුවර දී නිකුත් කළ මාධ්‍ය ප‍්‍රකාශනය

[http://maoistroad.blogspot.com/2017/03/india-saibaba-press-statement-issued-by.html]

අපේ නීතිඥයින් ඉක්මනින්ම ඉහළ උසාවිය කරා යොමුවනු ඇත. මේ තීන්දුව කම්පනයක් ඇති කරයි. සියළුම පුද්ගලයින්ගේ චෝදනා පත‍්‍ර මගින් සහ සෑම කොටසකින්ම ජීවිතාන්තය දක්වා සිර දඬුවවමකට වැරදිකරු කළ මහාරාෂ්ට‍්‍රා ඉතිහාසයේ පළමු නඩු තීන්දුව මෙයයි. සායිබබාගේ සහෝදරයා ගරු අධිකරණය ඉදිරියේ අපේ නීතිඥයින්ගේ තර්ක කිරීම් බොහොමයකට පැමිණියද විනිශ්චය විසින් ඒවා කෙරෙහි කිසිදු සැලකිල්ලක් නොදක්වා තිබුණු බව සොයා ගැණුණි. පැමිණිල්ල මගින් කිසිදු සාක්ෂියක් සනාථ කොට නැත. ඉලෙක්ට්‍රොනික සාක්ෂි මුද්‍රා තබා නැත. එය මගින් පෙන්වන්නේ ප‍්‍රාන්ත සහ මධ්‍යම රජය සංස්ථා සහ ආකර කොම්පැනි වල නියමයන්ට යටත් වෙමින් ජනතා විරෝධී සහ ප‍්‍රජාතන්ත‍්‍ර විරෝධී ප‍්‍රතිපත්ති ක‍්‍රියාවට නැංවීමට අධිකරණයට දැවැන්ත පීඩනයක් එල්ල කරන බවයි. රජය මේ රටේ සම්පත් කොල්ලකෑමට වාරණාත්මක ලෙස ජනතාවගේ හඬ මැඩ පවත්වයි. සායිබබා වැනි මිනිසුන් පසේකට තල්ලූ කොට බීජේපී රජයට ආර්එස්එස් න්‍යාය පත‍්‍රය නිරුවත් ලෙස ඉදිරියට තල්ලූ කරන්නට අවශ්‍ය කරයි.

රජය අධිකකරණය හරහා මෙම නඩුව තෝරා ගත්තේ ආචාර්ය සායිබබාගේ හඬ නිහඬ කිරීමටයි. උසාවියට ගරු කරමින් සායිබබා මේ සෑම වර්ෂයකම සහ අද පවා සිය පිරිහුණු සෞඛ්‍ය තත්ත්වය නොතකා උසාවියට පැමිණියහ. බිරිඳක් ලෙස මම යුක්තිය අපේක්ෂාවෙන් ඉහළ උසාවියේදී සටන් තුළ සටන් කරන්නෙමි. රජය දිල්ලිවල මගේ නිවස වට කිරීමෙන් පසුගිය සිව් වසර පුරාම නිර්දය පීඩනයක් පවුල වෙත එල්ල කළහ. මම ප‍්‍රජාතන්ත‍්‍රවාදීන්ගෙන්, ජනතා සංවිධානවලින්, බුද්ධිමතුන්ගෙන්, ශිෂ්‍යයින්ගෙන් රජයේ මේ විදියේ ප‍්‍රජාතන්ත‍්‍රවිරෝධී භූමිකාව හෙලා දකින ලෙස ඉල්ලා සිටිමි. තීන්දුව ප‍්‍රකාශ කිරීමෙන් පසුව, අධිකරණය අපේ නීතිඥයින්ගේ අභියාචනය මත කිසිදු නියෝගයක් නිකුත් කිරීම ප‍්‍රතික්ෂේප කළහ. නීතිඥයින් විසින් අවශ්‍ය ඖෂධ ලබා දීමට, සායිබබා ව්‍යාපාරයට අවශ්‍ය සහයෝගය ලබා දීමට, පිත්තාශය හා සම්බන්ධ සැත්කම සිදු කිරීම යනාදී දේවල් සඳහා බන්ධනාගාර අධිකාරියට නියෝග කරන ලෙස අධිකරණය මගින් ඉල්ලනු ලැබිණි. සායිබබා පරීක්ෂණ යටතේ සිරගතකොට තිබෙන අතරවාරයේදී පවා ඔහුට ලැබිය යුතු අවම අවශ්‍යතා ලබා දීමටවත් උසාවිය මගින් කටයුතු නොකරන ලදි.

-වසන්තා

India – Maoist links: DU professor GN Saibaba, JNU student and three others get life imprisonment

India – Maoist links: DU professor GN Saibaba, JNU student and three others get life imprisonment

[http://maoistroad.blogspot.com/2017/03/india-maoist-links-du-professor-gn.html]

The Gadchiroli sessions court today granted life imprisonment to Delhi University professor G N Saibaba, a JNU student and three other convicts in connection with their Maoist links. One convict Vijay Tirki got 10-years jail.

Earlier in the day, the six accused were convicted by the Gadchiroli court for their alleged links with Maoists and their involvement in anti-India activities.

Along with DU professor Saibaba, JNU student Hem Mishra, former journalist Prashant Rahi and three others have been convicted for Maoist links. The Gadchiroli court announced the punishment at 3 pm today. The other three convicts are couriers Mahesh Tirki, Pandu Narote and Vijay Tirki.

The court found Saibaba and five others guilty of waging a war against India. Saibaba was a professor at Delhi University’s Ram Lal Anand College. According to The Indian Express, Judge SS Shinde convicted the accused under sections 13, 18, 20, 38 and 39 of the Unlawful Activities (Prevention) Act.

Earlier, prosecution lawyer Prashant Sathianathan had demanded life imprisonment under section 20 of the Act for the accused. He also that Saibaba shouldn’t get any reprieve, even as he is disabled and wheelchair-bound. The prosecution argued that his handicap didn’t stop him from aiding and abetting activities that claimed several lives. Saibaba was out on bail since June last year.

Mishra and Rahi were first arrested in August and September 2013 from Aheri and Chhattisgarh respectively, according to police. Saibaba was arrested on May 9, 2014 from his residence in Delhi on the basis of the alleged incriminating material recovered from the two. The police claimed they had recovered documents, hard disks and pen drives.

During the argument in court in November, the prosecution said that the prosecution of the accused was being done as per the rules. “We told the court that the sanction was secured from the state government after submission of documents and material that establish the complicity of the three accused in the activities furthering the cause of the banned organization,” Prashant Sathiyanathan, Special Public Prosecutor, had told The Indian Express.

ඔස්ටි‍්‍රයාව: ජනවාරි 28 ඉන්දියාවේ දේශපාලන සිරකරුවන් නිදහස් කිරීමේ ජාත්‍යන්තර දිනයට ඔස්ටි‍්‍රයාවෙන් සහයෝගීතාවය…

ඔස්ටි‍්‍රයාව: ජනවාරි 28 ඉන්දියාවේ දේශපාලන සිරකරුවන් නිදහස් කිරීමේ ජාත්‍යන්තර දිනයට ඔස්ටි‍්‍රයාවෙන් සහයෝගීතාවය…

ගැලීෂියාව: ඉන්දියාවේ දේශපාලන සිරකරුවන් නිදහස් කිරීමේ ජනවාරි 28 පැවැත්වූ සම්මේලනයට සමගාමීව ගැලීෂියාවේ සිදු කළ ප‍්‍රචාරක කටයුතු…

ගැලීෂියාව: ඉන්දියාවේ දේශපාලන සිරකරුවන් නිදහස් කිරීමේ ජනවාරි 28 පැවැත්වූ සම්මේලනයට සමගාමීව ගැලීෂියාවේ සිදු කළ ප‍්‍රචාරක කටයුතු…

 

 

ඉන්දියාව: අත්අඩංගුවට ගත් මානව හිමිකම් ක‍්‍රියාකාරීහු නිදහස් කරන්න, කල්‍යාන් රාඕ කියයි

ඉන්දියාව: අත්අඩංගුවට ගත් මානව හිමිකම් ක‍්‍රියාකාරීහු නිදහස් කරන්න, කල්‍යාන් රාඕ කියයි

virasamraokalyan-800x445

චටිස්ගාර් පොලිස් කණ්ඩායමක් මගින් සකස් කරන ලද චෝදනා මත අත්අඩංගුවට ගෙන රඳවා සිටින සාමාජිකයින් 7 දෙනා කොන්දේසි විරහිතව වහාම නිදහස් කරන ලෙස විප්ලවීය ලේඛක ජී කල්‍යාන් රාඕ රජයට බල කළහ.

මාඕවාදී අරගලයට සහය දීමට රැස්ව සිටි විරෝධතාකරුවන් ඉදිරිපස, ඔහු ප‍්‍රකාශ කලේ පසුගිය මාසයේ ඛම්මාන් දිස්ත‍්‍රික්කයේ ආදිවාසීන්ට එරෙහිව සිදු කළ ව්‍යාජ සටන පරික්ෂා කිරීමට ගිය බැවින් ඔවුන්ව අත්අඩංගුවට ගෙන ‘නීති විරෝධීව’ රඳවාගෙන සිටින බවයි.

ඉන්දියානු කොමියුනිස්ට් පක්ෂයේ (මාඕවාදී) මධ්‍යම කාරක සභාවේ සාමාජික අක්කිරාජු හරාගෝපාල් නොහොත් රාමක‍්‍රිෂ්ණා ලෙස හඳුන්වන ආර් කේ ගේ බිරිඳ වන කේ. සිරිෂා, තෙලෙංගානා පොලීසිය මගින් ඔස්මානියා විශ්වවිද්‍යාලයෙන් පැමිණි පර්යේෂකයින් සහ නීතිඥයින් ප‍්‍රජාතන්ත‍්‍ර විරෝධී ලෙස අත් අඩංගුවට ගැනීම තරයේ හෙලා දුටහ.

Source: MaoistRoad

ආර්කේ සහ ආදිවාසීන් නිදහස් කරනු: වරාවරා රාඕ

ඉන්දියාව
ආර්කේ සහ ආදිවාසීන් නිදහස් කරනු: වරාවරා රාඕ

 varavara-rao

විප්ලවීය ප‍්‍රජාතන්ත‍්‍රවාදී පෙරමුණේ සභාපති වරාවරා රාඕ, මාධ්‍ය නිවේදනයක් නිකුත් කරමින්, ආර්කේ සහ ආදිවාසීන් නව දෙනා යුධ සිරකරුවන් බැවින් ජාත්‍යන්තර නීතියට ගරු කොට ඔවුන් නිදහස් කරන ලෙස පොලීසියෙන් සහ රජයෙන් ඉල්ලා සිටී. ඔහු මල්කාංගිරි ව්‍යාජ සටනේ සමස්ත කතාව සවිස්තරව පැහැදිලි කළහ. ඔහු දක්වන ආකාරයට ‘‘මේ ප‍්‍රහාරය ‘ඔපරේෂන් ආර්කේ’ ලෙස හැඳින්වුවද, එහි සැබෑ අරමුණ අන්ද්‍රා ඔඩිෂා දේශසීමා ප‍්‍රදේශයේ ඇති වටිනා ඛණිජ සොයා ගැනීමයි. මේ මාඕවාදීන් සහ ආදිවාසීන් දඩයම් කිරීම ඇත්ත වශයෙන්ම හරිත දඩයම් මෙහෙයුමේ තෙවන අදියරයි. දැන් එය ‘මිෂන් 2016-ජනතාවට එරෙහි යුද්ධය’ ලෙස හඳුන්වනු ලැබේ. ප‍්‍රහාරවලට ලක්වූවන්ගෙන් අඩකටත් වඩා ආදිවාසීන් වන අතර එයිනුත් අඩකටත් වඩා කාන්තාවන් වේ.’’

————————————————————————————-

යුධ සිරකරුවන් වන තුවාල ලද ආර්කේ සහ අනෙකුත් ආදිවාසීන් 9 දෙනා නිදහස් කර ජාත්‍යන්තරයට ගරු කරනු. මේ අවස්ථාවේ ගේ‍්‍රහවුන්ඩ් සහ ඔවුන්ගේ ඔඩිෂා සගයින්ට කිසිදු අවස්ථාවක් හිමි නොවේ. හොඳින් ආයුධ සන්නද්ධව, 80ක් පමණ වූ ඔවුන් ප‍්‍රහාරයට දින තුනකට පෙර මුන්චින්ග්පුට් වලට හෙලිකොප්ටර් වලින් රැගෙන ගියහ. වියලි ඵල පමණක් ඉතිරි කරමින් ඔවුහු කිසිවෙකුගේ ඇසට හසුනොවන්නට සැලකිල්ලෙන් යුතුව කිලෝමීටර 25ක් ආවරණය කළහ. ‘සමහර වෙලාවල් වලදී මීටර් 200ක් ගමන් කිරීමට පැය දෙකක් පමණ ගත කළ අපි තවත් තැනෙක කිලෝමීටර් 2ක් මිනිත්තු 30කින් ගමන් කළෙමු. අපි දිය පහරවල් වල කරවටක් ජලයේ ගිලී පිහුණුවෙමු.’ සිය අනන්‍යතාවය හෙලි කිරීමට අකමැති වූ ගේ‍්‍රහවුන් කොමාන්ඩෝ කෙනෙකු පැවසීය. ඔවුහු රේඩියෝ යන්ත‍්‍ර නිහඬ කොට අදාල ප‍්‍රදේශයට ජීපීඑස් සංඥවලට අනුව ප‍්‍රවේශ වූහ.

ප‍්‍රහාරක කණ්ඩායම ‘V’ හැඩයට කඳවුරට ළඟා වී වෙඩි තබන්නට පටන් ගත්තේ මාඕවාදීන්ට පලා යාමට එක් දිසාවක් පමණක් විවර කරමිනි. ‘පලායන පෙදෙසේ උස් බිමක් වූ අතර අපේ මිනිසුන්ට හරස් වෙඩි වැදීමට ඉඩ ඇති බැවින් අපි කඳවුර වට නොකළෙමු. තනි මුරකාරයින් වෙඩි තැබීමෙන් නිදා සිටින කාඩර්වරුන්ට අනතුරු හඟවන්නටත් පෙර, අප පහරදුන් අතර ඔවුන්ගේ ප‍්‍රතික‍්‍රියාව අප අපේක්ෂා කළාටත් වඩා අඩු විය.’ එසේ කීවේ ප‍්‍රති-මාඕවාදී මෙහෙයුම්වල නියුතු ජ්‍යෙෂ්ඨ පොලිස් නිළධාරියෙකි.

මූලාශ‍්‍ර වල කියැවෙන අන්දමට ප‍්‍රහාරය සැලසුම් කිරීම ඔඩිෂා, අන්ද්‍රා ප‍්‍රදේශ් සහ චටිස්ගාර් හි ඉහළ පොලිස් නිළධාරීන් සහ පැරාමිලිටරි බල ඇණි අතර උපදෙස් ලබා දීමෙන් සිදුවිය.

මෙය 2016 ඔක්තෝම්බර් 31 ‘ද හින්දු’ වෙබ් අඩවියෙන් උපුටා ගත්තකි. මෙය මගින්, අන්ද්‍රා ඔඩිෂා දේශසීමා ප‍්‍රහාරය සැබෑ එකක් නොවන බවත් එය අන්ද්‍රා ප‍්‍රදේශ් ගේ‍්‍රහවුන් කොමාන්ඩෝ සහ ඔවුන්ගේ ඔඩිෂා සගයින් සහ මධ්‍යම රජයේ පැරාමිලිටරි සේනාංක සිදු කළ ඒක පාර්ශ්වික ප‍්‍රහාරයක් බවට අප සිදු කළ චෝදනාව සනාථ කරවයි. එය සැලසුම් කළ මිනීමැරුමකි.

මෙතෙක් සිදුවූ විශාලතම ප‍්‍රහාරය වන මෙය ඔක්තෝම්බර් 23 වන දින මධ්‍යම රාත‍්‍රියේ සිට ඇරඹි මෙහි පළමු අදියර අවසන් වූයේ ඔක්තෝම්බර් 29 වන දින අවසන් කරන්නට සිදු වූයේ පුද්ගලයින් 32 දෙනෙකු මරණයට පත්වීමට දැඩි ලෙස දෝෂාරෝපනයට ලක්වූ වාතාවරණයක් නිසාවෙනි. පළමු හානිය සිදුවූයේ ඔඩිෂා හි මල්කාංගිරි දිස්ත‍්‍රික්කයේ බෙජ්ජංගි රාමගුඩා ප‍්‍රදේශයේ 18.00 ට පමණය. එය බලිමෙලා ජලාශය අසල අන්ද්‍ර ප‍්‍රදේශ් සහ ඔඩිෂා අතර පිහිටා තිබුණු රක්ෂිත ප‍්‍රදේශයයි. මෙම ඝාතක ප‍්‍රහාරය 4 දෙනෙකුගේ අරඹා පසුව 2 දෙනෙක්ද, සහ 4 දෙනෙකුගෙන් අවසන් කළහ.

අපි එය දැන ගැනීමට 24 වන දින උදෑසන පැයේදී එම ස්ථානයට පැමිණියෙමු. අන්ද්‍රා එස්අයිබී හිතාමතාම ව්‍යාජ තොරතුරු ලබා දුන්හ. එය ‘ඔපරේෂන් ආර්කේ’ ලෙස හැඳින්විණි. ඉලක්කය වූයේ අක්කිරාජු හරාගෝපාල් නොහොත් රාමක‍්‍රිෂ්ණා (ඉන්දීය කොමියුනිස්ට් පක්ෂය මාඕවාදී හි මධ්‍යම කාරක සභා සාමාජිකයෙකි.), ගජර්ලා රවී නොහොත් උදේ (අන්ද්‍රා ඔඩිෂා සීමා විශේෂ ෂෝනල් කොමිටියේ ලේකම්වරයායි.), චලාපාති (අන්ද්‍රා ඔඩිෂා සීමා විශේෂ ෂෝනල් කොමිටියේ සාමාජිකයෙකි) සහ අරුණා (චලාපාතිගේ බිරිඳයි) යන අයයි.

2004 ට පෙර, ගජර්ලා රවි නොබෙෙදුණු අන්ද්‍ර ප‍්‍රදේශ් රජය සමග පැවැත්වූ ‘සාකච්ඡාවන්ට’ සහභාගි වූහ. ඔහු එවකට උතුරු තෙලෙංගානා විශේෂ කලාප කමිටුවේ ප‍්‍රාන්ත කොමිටි සාමාජිකයෙකි.

පසුව චලපාති සහ අරුණා ආරක්ෂිත බවත් ආර්කේ තුවාල ලද බවත් දැනගන්නට ලැබුණද අනතුර පහව ගොස් නොතිබුණි. ගේ‍්‍රහවුන් ඔවුන්ගේ ඉලක්ක ඝාතනය කර දැමීමට අසමත් වූ බැවින්,  විශාකාපත්නම් පොලිස් අධ්‍යක්ෂ ජෙනරාල් සහ ප‍්‍රාදේශීය එස්පී සහ අන්ද්‍රා ප‍්‍රදේශ් පොලිස් අධ්‍යක්ෂ ජෙනරාල් සිතා මතාම වැරදි තොරතුරු ප‍්‍රචාරය කොට හැරියේ මාඕවාදී පක්ෂයේ නායකයින් සහ කාඩර්වරු සහ ආදිවාසීන්ගේ ආරක්ෂාව ගැන සැලකිලිමත්ව අවදියෙන් සිටි ජනතාව නොමග යවනු පිණිසයි.

ඔක්තෝම්බර් 25 වන දින, දිවිපිදූවන්ගේ ඥතීන් සහ මිතුරන්, පවුල්වල අයගේ සංවිධානය වන අමරුලූ බන්ධු මිතෘලා සන්ගම් (ඒබීඑම්එස්) නායකත්වය යටතේ, මරණයට පත්වූ අය මල්කාංගිරිවල දමා ගොස් ඇති බවට සැක කරන බව ප‍්‍රකාශ කළහ. චීති බාබු (ඒපීසීඑල්සී සභාපති), ජී කල්‍යාන් රාඕ (වීරසාම්) සහ මම ඔවුන්ව විශාකාපත්නම් වල සිට රැගෙන ගියහ.

සවස 2 ට පමණ, මිය ගිය පුද්ගලයින් දෙදෙනෙකුගේ සේයාරූ වට්ස්ඇප් වල ප‍්‍රදර්ශනය වූහ. ඔවුන් විශාකාපත්නම් දිස්ත‍්‍රික්කයේ ගනේෂ් නොහොත් වෙන්කත‍්‍රමානා සහ තෙලෙංගානා ප‍්‍රාන්තයේ යාධරී දිස්ත‍්‍රික්කයේ, දසිරෙද්දිගුඩා වල දයා නොහොත් සමලා ක‍්‍රිස්තයියා වූහ. ඔවුන් දෙදෙනාම අන්ද්‍රා ඔඩිෂා සීමා විශේෂ ෂෝනල් කොමිටියේ සාමාජිකයින් වූහ. මල්කාංගිරි වලට ළඟා වන විට, අන්ද්‍රා ඔඩිෂා සීමා විශේෂ ෂෝනල් කොමිටියේ මාධ්‍ය ප‍්‍රකාශක ජගබන්ධු විසින් 18 දෙනෙකුගේ නම් ඇතුළත් ප‍්‍රකාශනයක් නිකුත් කොට ඇති බව දැනගන්නට ලැබුණි.

පසුව එයට පීකේඑම් ප‍්‍රභාකර් නොහොත් ගන්ගුලූ ද ඇතුළත් වූහ. ඔහු වූ කලී ප‍්‍රජා කලා මණ්ඩලී පිහිටවූ ආරම්භකයා වන අතර, පසුගිය 25 වසර පුරාම සුප‍්‍රකට රංගන ශිල්පියෙකු සහ සංස්කෘතික ක‍්‍රියාකාරිකයෙකු ලෙස ක‍්‍රියා කළ අයෙකි. 2014 දී තෙලෙංගානා ප‍්‍රාන්තය පිහිටවූ පසු ඔහු රහසිගතයට ගියහ. ඔහු වත්මන් තෙලෙංගානාවෙහි මෙද්චාල් දිස්ත‍්‍රික්කයේ කාන්ටොන්මන්ට් ප‍්‍රදේශයේ යප‍්‍රාල් වල අයෙකි. ඔහුගේ බිරිඳ චයිතන්‍යා මහිලා සංගමයේ නායිකාව වන දේවේන්ද්‍රා, ඇයගේ මිතුරිය වන ස්වප්නා සමග සිය නැන්දණිය වන භාරතී නොහොත් ලතාගේ (අන්ද්‍රා ඔඩිෂා සීමාවේ ඒරියා කොමිටි සාමාජිකාවකි.) මෘතසිරුර රැගෙන යාමට පැමිණි බව බොරුවකි. මැදි වියේ කාන්තාවක් වන භාරතී ඩුබා ශංකර්ගේ (අන්ද්‍රා ඔඩිෂා සීමා විශේෂ කලාප කමිටුවේ ප‍්‍රාන්ත කමිටු සාමාජිකයෙකි) බිරිඳයි. දැන් එය දෙවේන්ද්‍රා ඇයගේ ස්වාමියා ප‍්‍රභාකර්ගේ මෘත දේහය රැගෙන යන්නට පැමිණී බවට හැරවී ඇත.

රාම ක‍්‍රිෂ්ණාගේ බිරිඳ වන සිරිෂා, සිය පුත‍්‍රයා වන පෘත්වි නොහොත් මුන්නා රැගෙන යාමට පැමිණීමට නියමිත විය (අන්ද්‍රා ඔඩිෂා සීමාවේ සෙක්ෂන් කමාන්ඩර්). ඇය අන්ද්‍ර ප‍්‍රදේශ් වල ප‍්‍රකාසම් දිස්ත‍්‍රික්කයේ, අලකුරපාදු වල සිට පැමිණියහ. දැන් ඇයගේ ස්වාමිපුරුෂයා වන ආර්කේ ගේ ජීවිතය අනතුරේය.

මල්කාංගිරි එස්පී කාර්යාලයේදී, මෘත සිරුරු 28ක් දැව පෙට්ටිවලට අසුරනු ලැබීය. ඒවන විට 14 දෙනෙකු පොලීසිය මගින් හඳුනාගෙන තිබුණි. මිය ගිය අයගේ ඡායාරූප පෙට්ටි සමග අංක ගතකොට තිබුණි. එන්එච්ආර්සී එකට අනුව පශ්චාත් මරණ පරීක්ෂණය සිදු කළේද නැද්ද යන වග සහ දැනට ශ්‍රේෂ්ඨාධිකරණය දුන් තීන්දුව දැන ගන්නට නැත. මෘත සිරුරු අයිස් පෙට්ටි (අධිශීතකරණ) තුළ තබා සංරක්ෂණය කොට නොතිබුණි. පශ්චාත් මරණ පරීක්ෂණය සිදු කළද, එය සිදු කරන්නට පෙර මෘත සිරුරු ඥතීන්ට නොපෙන්වන ලදි. අධිකාරීන් පවසන දේ කුමක් වුවත්, නීතියට අනුව මෘත සිරුරු සංරක්ෂණය කොට නොතිබුණි. සිරුරු වලින් රුධිරය වෑස්සී තිබුණු අතර සෑම සිරුරකටම දැඩි ලෙස වධ දුන් බව පෙනෙන්නට තිබුණි. මුහුණු විකෘති කොට තිබුණි, පාද කපා තිබුණි, බඩවැල් සහ මස් ඉවතට ඇදී තිබුණි, කාන්තාවන්ගේ පියයුරු කපා දමා තිබුණි. අංක 20 ලෙස නම්කොට තිබුණි පෙට්ටියේ හිස ගැසූ කාන්තාවක්ගේ මෘත සිරුරක් අපට සොයාගන්නට හැකි වූ අතර එයින් අපි කම්පනයට පත් වුණෙමු. අපි එස්පීට පැමිණිලි කළෙමු. ඔහු අපට මිය ගිය අයගේ ඡායාරූප පෙන්වා පශ්චාත් මරණ පරීක්ෂණය සිදු කරන විට වෛද්‍යවරයා විසින් එය ඉවත් කරන්නට ඇති බවත් එය අවසන් කරද්දී යළි සැකසීමට ඔහුට අමතක වන්නට ඇති බවත් ප‍්‍රකාශ කළහ. එය මගින් පෙන්වූයේ, මිය ගිය මනුෂ්‍යයෙකුට පවා රළු පරළු ගෞරව රහිත නොසැලකිලිමත් කමකි. ඒ ඔවුන් මාඕවාදීන් වූ බැවිනි.

ප‍්‍රහාරය මල්කාංගිරි ඝාතක බිම්වල සිට විශාකාපත්නම් දිස්ත‍්‍රික්කයේ පදේරු දක්වා ඔක්තෝම්බර් 29 වන තෙක් පවත්වාගෙන ගියහ.  පදේරු අයිටීඞීඒ මූලස්ථානයයි. මෘත සිරුරු 2+2 ප‍්‍රමාණයක් 28 සහ 29 වන දින වල රජයේ රෝහල්වලට විසි කොට තිබුණි. මේ පදේරු වූ කලී මාඕවාදී ඉන්දියානු කොමියුනිස්ට් පක්ෂයේ නායකත්වය යටතේ ඩුබායි කම්පැනියක් විසින් බොක්සයිට් කැණීමට එරෙහිව චින්තපල්ලි වනයේ ආදිවාසීන්ගේ 16 වසරක දිගු අරගලයේ අපිකේන්ද්‍රයයි. ආදිවාසී කාන්තාවන් වන විකාපල්ලි සහ භල්ලූගුඩා බොක්සයිට් මාෆිසාවට එරෙහිව සටන් කිරීම නිසා ගේ‍්‍රහවුන් කොමාන්ඩෝ අතින් සමූහ දූෂණයට ලක් වූහ. සමූහ දූෂණයන් සිදුවූ මේ ප‍්‍රදේශය මුළු රටෙහිම අවධානයට ලක්වූහ. එය ශ්‍රේෂ්ඨාධිකරණය දක්වා ගෙන ගියහ. දකුණු ඔඩිෂා වේදාන්ත සහ පොස්කෝ සමාගම් වලට එරෙහිව අරගල කිරීමට මහත් ප‍්‍රසිද්ධියක් උසුලයි.

කෙසේ වුවත් ‘ඔපරේෂන් ආර්කේ’ ලෙසින් හැඳින්වූ මේ ප‍්‍රහාරය හරහා, සිදු කළේ අන්ද්‍රා ඔඩිෂා සීමා ප‍්‍රදේශයේ වටිනා ඛණිජ සෙවීමේ මෙහෙයුමකි. මේ ආදිවාසීන් සහ මාඕවාදීන් දඩයම් කිරීම හරිත දඩයම් මෙහෙයුමේ තෙවන අදියරයි. දැන් එය ‘2016 මෙහෙයුම – ජනතාවට එරෙහි යුද්ධය’ ලෙස හඳුන්වනු ලැබේ. ප‍්‍රහාරවලට ලක්වුණු පුද්ගලයින්ගෙන් අඩකටත් වඩා ආදිවාසීන් වන අතර ඉනුත් අඩකටත් වඩා කාන්තාවන් වේ.

මේ නිසා, ප‍්‍රාන්ත දෙකෙහි සහ මධ්‍යම රජය විසින් මේ ඝාතක බිම්වල සිය බලඇණි විහිදුවා ඇති බැවින්, අපි ශ්‍රේෂ්ඨාධිකරණයෙන් අපක්ෂපාතී පරීක්ෂණයක් ඉල්ලා සිටිමු. බියජනක ලෙස, සතියකටත් වඩා කාලයක් තිස්සේ ඉන්දියානු කොමියුනිස්ට් පක්ෂය මාඕවාදී හි මධ්‍යම කාරක සභා සාමාජිකයෙකු වන ආර්කේ ගේ තොරතුරු පිළිබඳව කිසිවක් නොදනී. රට පුරාම ජනතාව විශේෂයෙන්ම තෙලූගු ප‍්‍රාන්ත දෙකේ ජනතාව වික්ෂිප්තව සිටී. ඔහු නොබෙදුනු අන්ද්‍රා ප‍්‍රදේශ් රජය සමග (2004 ඔක්තෝම්බර්) කළ ‘සාකච්ඡා’ කාලය තුළ මාධ්‍ය හරහා හොඳින් දැක පුරුදු අයෙකු විය. එම නිසා ජනතාවට ඔහුව පහසුවෙන් හඳුනා ගත හැකිය. මෙයට පෙර ඉන්දියානු කොමියුනිස්ට් පක්ෂයේ මාඕවාදීන් එම්එල්ඒ හි දේශපාලන නායකයින් සහ, අයිඒඑස් නිළධාරීන් ප‍්‍රාණ ඇපකරුවන් ලෙස තබාගෙන සිටියදී, ප‍්‍රජාතන්ත‍්‍රවාදී බලවේගවල ඉල්ලීම සහ මැදිහත්වීමත් සමග කිසිදු හානියක් නොකොට ඔවුන්ව නිදහස් කළහ. චටිස්ගාර්, ජාක්හෑන්ඩ් සහ අන්ද්‍රා ප‍්‍රදේශ් වල පොලිස් කොස්තාපල්වරු ප‍්‍රාණ ඇපකරුවන් ලෙස ගත්විට එයම සිදුවිය. බොහෝ අවස්ථාවලදී, මුහුණට මුහුණ සටනක් නොවුණි නම් මාඕවාදී ඉන්දියානු කොමියුනිස්ට් පක්ෂය ප‍්‍රාණ ඇපකරුවන් කෙදිනක හෝ නිදහස් කරන ලදි.

  1. ආර්කේ සහ ආදිවාසීන් 9 දෙනා යුධ සිරකරුවන් බැවින් ජාත්‍යන්තර නීතියට ගරුකොට ඔවුන්ව නිදහස් කරන ලෙස අපි රජයෙන් සහ පොලීසියෙන් ඉල්ලා සිටිමු.

  2. හයිද්‍රාබාද් ඉහළ උසාවි ඩිවිෂන මණ්ඩලයේ නිරීක්ෂණ වලට අනුව (2016 ඔක්තෝම්බර් 31) ‘මාඕවාදී පක්ෂයේ තොරතුරු වල අන්තර්ගතය ගැන අවතක්සේරු කිරීම නොකළ යුතුය.’ මාඕවාදී නායක, ආර්කේ අන්ද්‍රා ප‍්‍රදේශ් බුද්ධි අංශවල අන්වේෂණ තත්ත්වයට ලක් කිරීම අපි හෙළා දකිමු.

  3. ඩිවිෂන මණ්ඩලයේ වැඩිදුර නිරීක්ෂණ වල, ‘තත්ත්වය බෙහෙවින් කලබලකාරීය. වෙන කිසිවකටත් වඩා, මානව වර්ගයාගේ ජීවිත බෙහෙවින් වටිනා එකකි – එයට ඔහු මාඕවාදියෙක්ද නැද්ද යන වග අයත් නොවේ. රජයේ ප‍්‍රාථමික වගකීම විය යුත්තේ මිනිස් ජීවිත ආරක්ෂා කිරීමේ කාර්යයි.’

  4. එමනිසා තුවාල ලබා සිටින සහ පොලිස් භාරයේ හෝ එවැනි තත්ත්වයක සිටින ආර්කේ සහ අනෙකුත් ආදිවාසීන් 9 දෙනා කිසිදු උසාවියක හෝ නීතියකට අනුකූල නොවන ලෙස තබා ගැනීම ඔවුන්ගේ ජීවිත වලට හානියක් විය හැකි බැවින් නිදහස් කර සිටින ලෙස බල කර සිටිමු.

වරාවරා රාඕ
සභාපති, විප්ලවීය ප‍්‍රජාතන්ත‍්‍රවාදී පෙරමුණ

 

ඉන්දියාව: ගඩාර් ලාල් සලාම් ගීතය ගයයි

ඉන්දියාව: ගඩාර් ලාල් සලාම් ගීතය ගයයි – මල්කාංගිරි දිස්ත‍්‍රික්කයේ දී දිවි පිදූ අපේ විප්ලවවාදී සහෝදරවරුන්ට රතු උත්තමාචාරය

ඉන්දියානු විප්ලවයේ ආත්මය ගඩාර් තුළ ජීවත් වෙයි

චිත‍්‍රපට දෙකක රඟපා තිබේ. ගුම්මාදි විට්ටාල් රාඕ සිය සිරුරේ වෙඩි උණ්ඩයක් සහිතව ජීවත් වෙයි.

ගායකයෙක් ලෙස බෙහෙවින් ප‍්‍රකට ඔහුගේ ගීත වල පිටපත් දහස් ගණනක් ඉන්දියාව පුරා විකිණි ඇත.

අන්ද්‍රා ප‍්‍රදේශ් පොලිසියේ මාඕවාදීන්ට සහය දෙන පුද්ගලයන්ගේ ලැයිස්තුවේද ඔහු සිටී.

තවම අනුප‍්‍රාප්තික රජය නීතිවිරෝධී මාඕවාදීන් සමග අසාර්ථක සාමයකට මුල පිරීමට ඔහුගේ සේවය කිහි වරක් ලබා ගත්හ.

වාමාංශික කව වල ඔහු පුරාවෘත්තයකි. ඔහු ගඩාර්ය. ගීත ගයන්නෙකි.

අනෙකුත් වාමාංශික ලේඛකයන් සහ කවියන් මෙන් නොව ගඩාර් එකලෙස ග‍්‍රාමීය සහ නාගරික යන පෙදෙස්වල ප‍්‍රකටය. රූපවාහිනී තිරය තුළ, විරෝධතා වැඩසටහන් තුළ සහ උද්වේගකර විවාදවල ඔහු පලපුරුදු මුහුණකි.

ඔහු ප‍්‍රදේශ, ආගම්, භාෂා, කුළ සීමාවන් සිය ගායනය තුළින් බිඳ දැමූහ.

ප‍්‍රමුඛ පෙලේ ආචාර්යවරුයෙකු වන ආචාර්ය කන්චා ඉපයියාගේ වචන වලට අනුව, ‘ගඩාර් වූ කලී නිෂ්පාදනයේ යෙදෙන ජනතාව සහ සාහිත්‍යමය දේවල ඇත්ත වශයෙන්ම ජනතාව සහ අධ්‍යාපන ආයතන අතර සම්බන්ධතාවයක් තැනූ තෙලෙංගානාවෙහි පළමු බුද්ධිමතායි.

[http://democracyandclasstruggle.blogspot.com/2016/10/india-gaddar-sings-lal-salam.html]

 

අජිත් නිදහස් කරනු! – CPI (Maoist) CC ප‍්‍රකාශනය

අජිත් නිදහස් කරනු! – ඉන්දියානු කොමියුනිස්ට් පක්ෂය (මාඕවාදී) මධ්‍යම කාරක සභාවේ ප‍්‍රකාශනය

ABar-11

ඉන්දියානු කොමියුනිස්ට් පක්ෂය (මාඕවාදී)
මධ්‍යම කාරක සභාව

cpimflagok

16-05-2015

සහෝදර මුරලි සහ ඉස්මායිල් අත්අඩංගුවට ගැනීම දැඩි ලෙස හෙලා දකිමු!
සියළුම ජ්‍යෙෂ්ඨ සහ රෝගී වී සිටින මාඕවාදී දේශපාලන සිරකරුවන් නිදහස් කර ගැනීම සඳහා අරගල කරන්න!

මහාරාෂ්ට‍්‍රා පොලීසියේ කුප‍්‍රකට නීතිවිරෝධී ඒකකයක් වන – ත‍්‍රස්ත-විරෝධී ස්ක්වේඩය (ATS) විසින් – අපේ පක්ෂයේ මධ්‍යම කාරක සභාවේ සාමාජිකයෙකු වන මුරලි කන්නම්බල්ලි (අජිත්) පූනේ වලට ආසන්න තලිගාඔන් දභාදේ හි පිහිටි රෝහලක සිටින විට 2015 මැයි 8 වෙනි දින අත්අඩංගුවට ගනු ලැබූහ. ඔහුව බලාකියා ගැනීමට රෝහලට පැමිණි සහෝදර ඉස්මායිල් හම්ෂා චිරග්පල්ලි ද අත්අඩංගුවට ගනු ලැබූහ. පැය ගණන් තිස්සේ ඔවුන්ගෙන් ප‍්‍රශ්න කරනු ලදුව පසු දින ඔවුන් මුහුණු ආවරණය කොට අත් වලට මාංචු දමා උසාවියට ඉදිරිපත් කළහ. උසාවියට ගෙන යන අතරතුර මාධ්‍යයට කතා කරමින් මුරලි සහෝදරයා, තමා ඉන්දියානු කොමියුනිස්ට් පක්ෂයේ (මාඕවාදී) සාමාජිකයෙකු නොවේ යැයි කිසිවිටෙකත් ප‍්‍රකාශ නොකළහ. නමුත් ප‍්‍රතිකාර ගැනීම සඳහා රෝහලට යන අතරතුර අශෝබන නීතිවිරෝධී සහ අමානුෂික ආකාරයට අත්අඩංගුවට ගැනීම ගැන විරෝධය පළ කළහ.

අත්අඩංගුවට ගන්නා මොහොතේ නීතිවේදියෙකු ගේ සහය පැතීමට ඇති අයිතියද ඔවුහු ප‍්‍රතික්ෂේප කළහ. ත‍්‍රස්ත-විරෝධී ස්ක්වේඩය විසින් ගොඩ නගා තිබූ චෝදනා මතුපිටින් බලා, විනිශ්චය කලින් සැලසුම් කළ ආකාරයට ‘‘බැලූ බැල්මට ජාති-විරෝධී ක‍්‍රියාවන්ට සම්බන්ධයැයි’’ ඔවුන්ව විත්තිකාරයන් කොට ත‍්‍රස්ත-විරෝධී ස්ක්වේඩයේ සිරභාරයට පත් කළහ. පසුව දිල්ලි, මහාරාෂ්ට‍්‍රා, අන්ද්‍රා ප‍්‍රදේශ් සහ චටිස්ගාර්හ් යනාදී විවිධ මධ්‍යම සහ ප‍්‍රාන්ත විශේෂ බුද්ධිතොරතුරු ඒජන්සි විසින් මුරලි සහ ඉස්මායිල් දැඩි ප‍්‍රශ්න කිරීම් වලට ලක් කළ අතර ඒ කාලය තුළදී, කිහිප වාරයකදීම ඔවුන්ගේ සිරගතකාලය දික් කරනු ලැබූහ. ඉන්දියානු දණ්ඩ නීති සංග‍්‍රහයේ (IPC) විවිධ වගන්ති සහ ඉතා දරුණු පනතක් වන නීතිවිරෝධී ක‍්‍රියාකාරකම් වැළැක්වීමේ පනත (UAPA) වැනි පනත් ඔවුන්ට එරෙහිව යොදා ව්‍යාජ නඩු ගණනාවකටම ඔවුන්ව හසු කරනු ලැබූහ. ඉන්දියානු කොමියුනිස්ට් පක්ෂයේ (මාඕවාදී) මධ්‍යම කාරක සභාව ඉන්දීය රජය විසින් සහෝදර මුරලි සහ ඉස්මාල් නීති විරෝධීව අත් අඩංගුවට ගැනීම දැඩි ලෙසම හෙළා දකියි. මුරලි ට අවශ්‍ය සියළු ම වෛද්‍යාධාර ලබා දෙන ලෙසත්, ඔවුන්ට එරෙහිව ගොනු කොට ඇති සියළුම නඩු ඉවත් කොට කොන්දේසි විරහිතව ඔවුන් නිදහස් කරන ලෙසත් බල කොට සිටී.

මුරලි විප්ලවීය ව්‍යාපාරයට සම්බන්ධවූයේ 1976 මැද භාගයේදී කොෂිකෝඩි, කලාප ඉංජිනේරු විද්‍යාලයේ අධ්‍යයනයේ නියැලෙන අතරේදීය. 1976 පෙබරවාරි වලදී, විප්ලවවාදීහු රිටි, ලී දඬු සහ ගෘහස්ථ ආයුධ රැගෙන ගාස් කොෂිකෝඩි වල පෙරම්බ‍්‍රා වලට ආසන්න කයන්නා පොලිස් ස්ථානයට පහර දී ආයුධ අල්ලා ගත්හ. මේ සිදුවීමට සම්බන්ධ යැයි මුරලි ඇතුලූ 18 දෙනෙකුට පොලීසිය චෝදනා කළහ. එලෙස චෝදනා ලැබූවන්ගෙන් එක් අයෙකු වූ  මුරලි සමග සිටි ශිෂ්‍යයෙකු සහ සමීප අයෙකු වූ පී රාජන් කොෂිකෝඩි අසල පොලිස් කඳවුරෙහි තබා ගනිමින් අත් අඩංගුවේ සිටියදී වධ දී මරා දමනු ලැබූහ. මේ සිදුවීම දැවැන්ත මහජන විරෝධතාවයකට හේතු වූ අතර කේරලයේ ප‍්‍රධාන අමාත්‍ය කේ කරුණාකරන් ඉල්ලා අස්වූහ. මුරලිද රඳවා තබා ගනිමින් පොලීසිය විසින් ප‍්‍රශ්න කරනු ලැබූහ. පොලීසියට ඔවුන්ගේ චෝදනා සනාථ කර ගැනීමට නොහැකි වූ නිසා අධිකරණය විසින් ඔවුන් සියල්ලන්ම නිදහස් කරනු ලැබූහ. නමුත් 1976 වන විට සිය අධ්‍යයන කටයුතු අත්හැර දැමූ මුරලි වෘත්තීය විප්ලවවාදියෙකු ලෙස විප්ලවීය ව්‍යාපාරයට එක්වූහ.

1970 දී සමස්ත ඉන්දියාවේම ව්‍යාපාරය පසුබැසීම් සහ බෙදීම් වලට ලක්වූවාට පසුව, මුරලි සහ කේරලයේ අනෙක් සහෝදරවරු කොටස් වලට කැඞී සිටි අව්‍යාජ විප්ලවීය බලවේගයන් එක්සත් කරන්නට දැඩි වෑයමක් ගත්හ. මේ වෑයමෙහි ප‍්‍රතිඵලයක් ලෙස රවූෆ් සහෝදරයා සහ අනෙකුත් විප්ලවවාදීන් විසින් නායකත්වය දුන් අන්ද්‍රා ප‍්‍රදේශ් ප‍්‍රතිසංවිධාන කමිටුව සමග ඒකාබද්ධවීමෙන් කේ වේනු සහ කේ එන් රාමචන්ද්‍ර විසින් නායකත්වය දුන් ඉන්දියානු කොමියුනිස්ට් පක්ෂය (මාක්ස්-ලෙනින්වාදී) [ප‍්‍රතිසංවිධාන කමිටුව] ඉදි කරන ලදි. පසුව 1979 දී ඉන්දියානු කොමියුනිස්ට් පක්ෂයේ (මාක්ස්-ලෙනින්වාදී) මධ්‍යම ප‍්‍රතිසංවිධාන කමිටුව බිහි කරන ලදි. මුරලි ප‍්‍රතිසංවිධාන කමිටුව සහ මධ්‍යම ප‍්‍රතිසංවිධාන කමිටුව යන දෙකෙහිම ප‍්‍රමුඛ පෙලේ සාමාජිකයෙකු විය. චාරු මෂුම්දාර්ගේ සහ ඉන්දියානු කොමියුනිස්ට් පක්ෂයේ (මාක්ස්-ලෙනින්වාදී) මතවාදී-දේශපාලන-යුධමය දැක්ම ආරක්ෂාකොට නගා සිටුවීමට සහ කේ එන් රාමචන්ද්‍රගේ දක්ෂිණාංශික පීලිපැනීමට සහ යටත්වීම්වාදයට එරෙහිව ද ඉන් පසුව කේ වේනු ගේ මාක්ස්වාදී විරෝධී දැක්මට එරෙහිව තියුණු මතවාදී අරගලයක් අඛණ්ඩව පැවතිණි. මේ අරගලවලදී වැදගත් කාර්යභාරයක් ඉටු කළ මුරලි සහෝදරයා 1990 දී රාමචදැන්ද්‍ර සහ වේනු ගේ දියකරහැරීම්වාදී දැක්ම ඉවතලමින් මාක්ස් ලෙනින්වාදී ඉන්දියානු කොමියුනිස්ට් පක්ෂයේ මාඕවාදී එක්සත් මධ්‍යස්ථානය පිහිටුවීමට නායකත්වය දුන් සහෝදරවරුන්ගෙන් කෙනෙකු විය. නොබෝ කලකින්ම රාවූෆ් සහෝදරයාගේ නායකත්වය යටතේ 1998 දී ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි පිහිටුවන ලදි. එහිදී මාඕවාදී එක්සත් මධ්‍යස්ථානය සහ ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි ඒකාබද්ධ වූ අතර මුරලි එහි මධ්‍යම කාරකසභාවේ සාමාජිකයෙකු විය. ඔහු ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි හි ආරම්භක ලේකම් වූ රාවූෆ් 2006 දී වියපත්වීම නිසා හටගත් රෝගී තත්ත්වයන් හේතුවෙන් විශ‍්‍රාම ගන්නා විට එහි ලේකම් ලෙස වැඩ භාරගත්හ. ඉන්දියානු කොමියුනිස්ට් පක්ෂය (මාඕවාදී) සහ ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි අතර එක්සත්වීමේ කටයුතු ඒ වනවිටත් ආරම්භ වී තිබුණ අතර එය කාලයක් තිස්සේ පවතිමින්, අවසානයේදී එය 2014 මැයි වලදී එම පක්ෂ දෙක ඒකාබද්ධවීමෙන් අවසන්විය. මේ එක්සත්කම සාක්ෂාත් කරගැනීමට මුරලි සහෝදරයා ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි පැත්තෙන් තීරණාත්මක කාර්යභාරයක් ඉටු කළහ. එතැන් සිට ඔහු ඉන්දියානු කොමියුනිස්ට් පක්ෂය (මාඕවාදී) හි මධ්‍යම කාරකසභාවේ සාමාජිකයෙකු ලෙස සිය වගකීම් ඉටු කළහ.

මේ ආකාරයට, ඔහුගේ විප්ලවීය ජීවිතයේ දශක ගණනාවක් මුළුල්ලේ මුරලි සහෝදරයා රට තුළ සහ ජාත්‍යන්තර කොමියුනිස්ට් ව්‍යාපාරය තුළ සංශෝධනවාදයේ විවිධ පැහැයන්ට එරෙහිව මාක්ස්-ලෙනින්-මාඕවාදය ආරක්ෂා කිරීමේ අරගලයට දායකත්වය ලබා දුන්හ. ඉන්දියානු කොමියුනිස්ට් පක්ෂය (මාක්ස්-ලෙනින්වාදී) මධ්‍යම ප‍්‍රතිසංවිධාන කමිටුව පිහිටවූ කාලයේ සිටම, දශක ගණනාවක් තිස්සේ මුරලි සහෝදරයා ජාත්‍යන්තර පරිමාණයේ වැඩ කටයුතුවල නිරත වූහ. ඉන්දියාවේ නව ප‍්‍රජාතන්ත‍්‍රවාදී විප්ලවය වර්ධනය කිරීමට සෑම ප‍්‍රාන්තයකම මහජන යුද්ධය දියත් කළ යුතුයැයි හැමවිටම මතු කළ ඔහු ඒ වෙනුවෙන් අඛණ්ඩව කටයුතු කළහ. ඔහු කේරලයේ සහ වෙනත් ප‍්‍රාන්ත කිහිපයකම විප්ලවීය ව්‍යාපාරය දියුණු කිරීමේ ප‍්‍රයත්නයන්හි නියැළුණු අයෙකි. කාඩර්වරුන්ගේ දේශපාලන අධ්‍යාපනය සඳහා අඛණ්ඩව වැඩ කළ ඔහු වෙහෙස නොබලා විප්ලවීය ප‍්‍රචාරක කටයුතු ගෙන ගියහ. ඔහු භූමි, ජාති, බන්ධනම් (ඉඩම්, කුළය, වහළ්කම) 2002 දී පළවුණු කේරලයේ සමාජ සම්බන්ධතා ගැන මාක්ස්වාදී දෘෂ්ඨියෙන් යන පොත්වල කතෘ විය. ඔහුව අත්අඩංගුවට ගැනෙන කාලය වන විට ඔහු කෘතියක නව සංස්කරණයේ වැඩ කටයුතු වල නියැලී සිටි අතර එහි ඉංග‍්‍රීසි පරිවර්තනය සම්පූර්ණ කොට තිබුණි. ඔහු දිනාගැනුමට ලොවක් ඇත (A World to Win), ජන මාවත (Mass Line) සහ නක්සල්බාරි යන සඟරා ගණනාවකම සංස්කාරක ධූරය දැරූ අතර දශක ගණනාවක් තිස්සේ විවිධ මාතෘකා යටතේ ලිපි විශාල ගණනක් රචනා කළහ. ඉන්දියානු කොමියුනිස්ට් පක්ෂය (මාඕවාදී) සහ ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි එක් පක්ෂයක් බවට පත් වූවාට පසු විප්ලවීය අන්තර්ජාල සඟරාව වන පීපල්ස් මාර්ච් (ජනතාවගේ රැළිය) හි සංස්කාරකවරයෙකු විය.

මුරලි සහෝදරයා වසර කිහිපයකට ඉහතදී හෘද සැත්කමකට මුහුණ දුන් බැවින්, ඔහුට නැවත ප‍්‍රකෘති තත්ත්වයට පත් වීමට අඛණ්ඩ අත්උදව් අවශ්‍ය වූහ. ජනතාවට සේවය කිරීම සඳහා මුරලිගේ ජීවිත කාලය පුරා පැවති කැපවීම නිසා ආශ්වාදයට පත්, ඉස්මායිල් හම්ෂා චිරප්පල්ලි සහෝදරයා, සිය උපකාරය පුද කොට ඔහුට අවශ්‍යවම තිබූ උදව් පදව් සපයමින් සිටියහ. ඉස්මායිල් සහෝදරයා රටේ විප්ලවීය ව්‍යාපාරයේ ජ්‍යෙෂ්ඨ නායකයෙකු වෙනුවෙන් සිදුකළ පරාර්ථකාමී මෙහෙවර වෙනුවෙන් අපේ මධ්‍යම කාරකසභාව සතුට ප‍්‍රකාශ කරන අතර ඔහුට විප්ලවීය සුභපැතුම් එක් කරයි. ඉන්දියානු රජය රෝගියෙකු සහ ඔහුගේ උදව්කරුවෙකු රෝහලේදී අත් අඩංගුවට ගෙන ඔවුන්ව සිරකුටියට තල්ලූකර දැමීමට ගත් තීරණය පාලක පංතිය විසින් මාඕවාදී විප්ලවවාදීන් සහ ඔවුන්ගේ ආධාරකරුවන් මර්ධනය කිරීමේදී යොදවන අන්ත ක‍්‍රෑරත්වය ගැන හඬගා කියයි.

මුරලි සහෝදරයා අත්අඩංගුවට ගැනීම වූ කලී විප්ලවීය ව්‍යාපාරයට එරෙහිව ඉන්දීය පාලක පංතිය රටපුරා ගෙන යන ප‍්‍රතිවිප්ලවවාදී යුද්ධයේ එක් අංගයකි. ඉන්දියානු කොමියුනිස්ට් පක්ෂය (මාඕවාදී) මැඩ පැවැත්වීමට සහ නායකත්වයේ සිටින විප්ලවීය ජනතාව අහිමිකරදැමීමට, ප‍්‍රතිගාමී රජය සෑම ආකාරයකින්ම පක්ෂයේ සෑම මට්ටමකම නායක සහෝදරවරු සහ විශේෂයෙන්ම එහි උපායික මධ්‍යම නාකත්වය දැඩි විනාශයකට ලක් කිරීමට උපක‍්‍රම යොදයි. ඉන්දියානු කොමියුනිස්ට් පක්ෂය (මාඕවාදී) පිහිටවූ දා සිටම, මධ්‍යම කාරකසභාවේ සහෝදරවරු ගණනාවක් ව්‍යාජ හේතු මත අත්අඩංගුවට ගෙන සිර කුටි තුළ භයංකර තත්ත්වයන් යටතේ වසර ගණනාවක් තිස්සේ නිකරුණේ කල් ගෙවීමට සලස්වා ඇත. මධ්‍යම කාරකසභාවේ සහෝදරවරු කිහිපදෙනෙක් ප‍්‍රාන්තය තුළ ව්‍යාජ ගැටුම් වලින් සැලසුම්ගත ක‍්‍රමයකට මරා දමා ඇත. මාඕවාදී ව්‍යාපාරයට හානි කිරීමට බෙහෙවින් ක‍්‍රෑර, මායාකාරී, වංචනික හරිද දඩයම් මෙහෙයුමේ තෙවන අදියර දියත් කිරීමට නාස්ති කිරීමට තරම් කාලයක් නොමැති බ‍්‍රාහ්මණ හින්දු-ෆැසිස්ට්වාදී භාරතීය ජනතා පක්ෂය පසුගිය වසරේ බලයට පත්වූ දා සිටම එවැනි ප‍්‍රහාර එල්ල කිරීම තීව‍්‍ර කොට ඇත. මුරලි සහෝදරයා අත් අඩංගුවට ගැනීම වූ කලී මෙහි ප‍්‍රතිඵලයකි.

ඉන්දියානු කොමියුනිස්ට් පක්ෂය (මාඕවාදී) සහ ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි එක් පක්ෂයක් බවට පත් වීමෙන් සතුරා තැතිගැන්වීමට පත් වුණු අතර එහි ප‍්‍රතිඵලයක් ලෙස මාඕවාදී ව්‍යාපාරය ශක්තිමත් වී ඇත. එක්සත්කම නිසා විශේෂයෙන්ම බටහිර ඝාට්ස් වල ව්‍යාපාරය ඉහළට නැගේවියැයි බියෙන්, එක්වීම නිවේදනය කළ මොහොතේ සිට මධ්‍යම සහ ප‍්‍රාන්ත රජයන් කේරල-කර්නාටක-තමිල්නාඩු ත‍්‍රිත්ව සන්ධිය තුළ තීව‍්‍ර කරන ලද ප‍්‍රති-විප්ලවවාදී සන්නද්ධ ව්‍යාපාරයක් ගෙන යමින් සිටී. ප‍්‍රාන්ත තුන තුළ විප්ලවවාදීන්, ප‍්‍රජාතන්ත‍්‍රවාදීන් අත්අඩංගුවට ගැනීම පෙර නොවූ විරූ ලෙස ඉහළ යෑමක් පසුගිය වසර තුළ මේ කලාපය තුළ, විශේෂයෙන්ම කේරලය තුළ දක්නට ලැබිණි. තවදුරටත්, කේරලය තුළ පීඩිත ජනතාවගේ පැත්ත ගෙන සිටි ප‍්‍රජාතන්ත‍්‍රවාදී සංවිධාන, සිවිල් අයිතිවාසිකම් පිළිබඳ ක‍්‍රියාකාරිකයින් සහ ප‍්‍රගතිශීලී පුද්ගලයින් රජය විසින් ඉලක්ක කරනු ලබන්නේ අත් අඩංගුවට ගැනීම්, නීතිවිරෝධී රඳවාගැනීම්, ප‍්‍රශ්න කිරීම්, ඔත්තු බැලීම්, අනපේක්ෂිත ව්‍යාජ නඩු, තර්ජන, විකෘති කරන තොරතුරු පතුරුවා හැරීමේ ව්‍යාපාර යනාදිය මගිනි. විශේෂයෙන්ම 2014 නොවැම්බර් වල දී බටහිර ඝාට්ස් විශේෂ කලාප කමිටුව විසින් දේශපාලන-යුධමය ව්‍යාපාරය ආරම්භ කලාට පසුව, පුද්ගලයින් දුසිම් ගණනක් පමණ හුදෙක් මාඕවාදීන් යැයි සැක කොට අත්අඩංගුවට ගෙන සිර කරනු ලැබූහ. සහෝදර මුරලි සහ ඉස්මායිල් අත් අඩංගුවට ගැනීමට සති කිහිපයකට පමණ පෙර පොලීසිය අපේ පක්ෂයේ ජ්‍යෙෂ්ඨ කාඩර්වරු සහ නායකයින් වන කොම්රේඩ් රූපේෂ්, ෂියානා, කන්නන්, අනූප් සහ වීරමනී කොයිම්බතවුර් වල දී අත් අඩංගුවට ගෙන ව්‍යාජ නඩු ගණනකට ඇද දැමූහ.

මේ අත්අඩංගුවට ගැනීම් වලින් පසුව, විශේෂයෙන්ම මුරලි සහෝදරයා අත්අඩංගුවට ගැනීමත් සමග, දකුණු ඉන්දියාවේ මාඕවාදී ව්‍යාපාරයේ ‘‘පිට කොන්ද බිඳ දැමූ බව’’ පාලක පංතිය ප‍්‍රකාශ කළහ. මාඕවාදී විප්ලවවාදීන්ගේ සමගිය නොඉවසූ සමහර පුද්ගලයෝ මේ අත්අඩංගුවට ගැනීම් සිදුවූයේ ඉන්දියානු කොමියුනිස්ට් පක්ෂය (මාඕවාදී) සහ ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි ඒකාබද්ධවීම ‘අසාර්ථක’ වීමේ ප‍්‍රතිඵලයක් නිසා යැයි හංවඩු ගසන්නට වූහ. තවත් බොහෝ දෙනෙකු වර්තමාන කේරලයට දිග්ගැස්සුණු මහජන යුද්ධය යෙදවිය නොහැකි බව ප‍්‍රකාශ කළහ. මෙවැනි තර්ක විතර්ක මගින් ඔවුහු කේරලයේ සහ බටහිර ඝාට්ස් වල මාඕවාදී ව්‍යාපාරය දැඩි ලෙස මුල් බැස ගැනීමට ඇති හැකියාව ගැන පීඩිත ජනතාවගේ සිත් සතන් තුළ සැකයන් වපුරන්නට වූහ. එවැනි ප‍්‍රකාශ, කෙසේ හෝ, සත්‍යයයෙන් තොරවූ අතර එවැනි අභිප‍්‍රායන් පොදුවේ පුළුල් පීඩිත ජනතාවගේ අභිලාශයන් තුළ නොවූහ. මෑතදී සිදුවූ අත්අඩංගුවට ගැනීම් වලින් බටහිර ඝාට්ස් වල ව්‍යාපාරය දැඩි පසුබෑමකට ලක් වී ඇති බවනම් සත්‍යයකි.

මුරලි සහෝදරයාගේ අත්අඩංගුවට ගැනීම සුවිශේෂ එකක් වන අතර එය අපේ පක්ෂයට සහ මධ්‍යම කාරක සභාවට දැවැන්ත පාඩුවකි. මේ පරාජයන් මාඕවාදී ව්‍යාපාරයේ අසමත්භාවය හෝ ඉන්දියානු කොමියුනිස්ට් පක්ෂය (මාඕවාදී) සහ ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි ඒකාබද්ධ වීමේ අසමත්භාවයන් ලෙස දකින්නන් විප්ලවීය ව්‍යාපාරයක සැබෑ ශක්තියේ මූලාශ‍්‍ර සහ විප්ලවීය සමගියක සැබෑ හරය අවබෝධ කරගැනීමට අසමත්ව සිටී. විප්ලවීය බලවේගවල සමගියේ පදනම වන්නේ මතවාදී-දේශපාලන දැක්මයි, එය සෑම අව්‍යාජ එක්සත්කමක් සමගින්ම ශක්තිය වඩවා ගනී. ඉන්දියානු කොමියුනිස්ට් පක්ෂය (මාඕවාදී), ඉන්දියානු කොමියුනිස්ට් පක්ෂය (මාක්ස්-ලෙනින්වාදී) නක්සල්බාරි සමග එක්සත්වීමේ ප‍්‍රතිඵලයක් ලෙස නිරිත දිග කලාපයේ ව්‍යාපාරය අළුතින් පිබිදී බටහිර ඝාට්ස්හි නව යුධ පෙරමුණක් විවර කරමින් ශක්තිය වඩවා ගෙන ඇත.

අපේ පක්ෂය නිවැරදි විප්ලවීය දැක්මෙන් මග පෙන්වීමෙන් සහ නිවැරදි ප‍්‍රතිපත්ති සහ උපායයන් අනුගමනය කිරීමෙන්, බටහිර ඝාට්ස්හි ව්‍යාපාරය සැකයකින් තොරවම උච්චාවචනයන් හරහා අභීත ලෙස තාවකාලික පරාජයන් ජයගනිමින් ඉදිරිය කරා සිය ගමන ප‍්‍රතිවර්තනය කරනු ඇත. ඉන්දියානු කොමියුනිස්ට් පක්ෂය (මාඕවාදී), මධ්‍යම කාරක සභාව මුරලි සහ ඉස්මායිල් සහෝදරවරු නීති විරෝධී ලෙස අත්අඩංගුවට ගැනීම දැඩි ලෙස හෙලා දකින ලෙසත් ඔහුට අවශ්‍ය කරන වෛද්‍යාධාර ලබා ගැනීමට ඉක්මනින්ම නිදහස් කිරීමට බල කරන ලෙසත් කේරලයේ සහ රට තුළ විප්ලවවාදී, ප‍්‍රජාතන්ත‍්‍රවාදී සහ ප‍්‍රගතිශීලීන්ට – දේශපාලනික සහ සිවිල් අයිතිවාසිකම් සංවිධානවලට, ප‍්‍රජාතන්ත‍්‍රවාදී බුද්ධිමතුන්ට, කලාකරුවන්ට, ලේඛකයන්ට, නීතිවේදියන්ට, ශිෂ්‍යයින්ට සහ වැඩ කරන ජනතාවට ආයාචනා කර සිටියි. තවද ඉන්දීය රජය විසින් රට තුළ විවිධ සිර මැදිරි තුළ රඳවාගෙන සිටින සියළු වියපත් සහ රෝගී ජ්‍යෙෂ්ඨ මාඕවාදී දේශපාලන සිරකරුවන් නිදහස් කර ගැනීමට ප‍්‍රයත්න දරන ලෙස අපි ඔවුන්ගෙන් ඉල්ලා සිටිමු.

අභේ
මාධ්‍ය ප‍්‍රකාශක
මධ්‍යම කාරකසභාව
ඉන්දියානු කොමියුනිස්ට් පක්ෂය (මාඕවාදී)

ABar-11

ඉන්දියාව – සහෝදර අජිත් වහා නිදහස් කරනු!

ඉන්දියාව –  සහෝදර අජිත් වහා නිදහස් කරනු!

India- Free Comrade Ajith!!!

posterajithit

මහාචාර්ය ජී හරාගෝපාල්, ආරක්ෂක කමිටුව, දේශපාලන සිරකරුවන් නිදහස් කරගැනීමේ කමිටුව

වරාවරා රාඕ, සභාපති, විප්ලවීය ප‍්‍රජාතන්ත‍්‍රවාදී පෙරමුණ, ප‍්‍රාරම්භක, විප්ලවීය ලේඛකයින්ගේ සංගමය

රාජ්කිෂෝර්, සම ලේකම්, විප්ලවීය ප‍්‍රජාතන්ත‍්‍රවාදී පෙරමුණ

මහාචාර්ය ජී එන් සායිබාබා, නියෝජ්‍ය ලේකම්, විප්ලවීය ප‍්‍රජාතන්ත‍්‍රවාදී පෙරමුණ

වරාලක්ෂ්මී, ලේකම්, වීරසාම් ( විප්ලවීය ලේඛකයින්ගේ සංගමය)

මහාචාර්ය සී ෂෙෂායියා, සභාපති, ඒපීසීඑල්සී

මහාචාර්ය ජී ලක්ෂ්මන්, සභාපති, තෙලෙන්ගානා සිවිල් නිදහස් කමිටුව

ප‍්‍රජාතන්ත‍්‍රවාදී අයිතීන් පිළිබඳ වූ ක‍්‍රියාකාරිකයි, බුද්ධිමතුන් සහ සිවිල් ස්වාධීනතා කොමිටි මහාරාෂ්ට‍්‍රා රජයට සහ මධ්‍යම රජයට බල කොට සිටී

කේ.මුරලිදරන් සහෝදරයා තදබල හෘදයාබාධයක් නිසා පුනේ රජයේ රෝහලට ඇතුලත් කොට තිබුණු බව මේ වන විට, රට පුරා සහ ලෝකය පුරා ජනතාව දැනගෙන තිබේ.

ඔහුගේ සාත්තුවට අයෙකු සිටිය යුතු වුවද පොලීසිය ඒ සඳහා ඉඩ දී නොමැති බැවින් ඔහු මාරාන්තික උපවාසයක් අරඹා තිබේ. පොලීසිය වෛද්‍යවරුන්ගේ උපදෙස් වලට එරෙහි වීමෙන් ඔහුව මාරාන්තික උපවාසයකට තල්ලූ කොට යවා ඇත. මේ වන විට සිරගතව සිටින ඔහුගේ සෞඛ්‍ය තත්ත්වය බෙහෙවින් අස්ථිර තත්ත්වයකට එළඹ ඇත.

එබැවින්, මහාචාර්ය නෝම් කොම්ස්කි සහ සමස්ත රට පුරා සහ ලෝකය පුරා ප‍්‍රජාතන්ත‍්‍රවාදී අයිතීන් උදෙසා සටන් වදින අනෙකුත් ක‍්‍රියාකාරිකයින් සමග අපි රජයට බල කොට සිටින්නේ ඔහුව තාවකාලිකව ඇප මත නිදහස් කොට රෝහලකට ඇතුල් කොට ඔහුගේ ජීවිතය ආරක්ෂා කර දෙන ලෙසයි. මේ වන විටත් ඔහු හෘද රෝග නිසා බයිපාස් සැත්කමකට මුහුණ දී තිබේ. මේ තත්ත්වය උඩ අපි කේ. මුරලිදරන් සහෝදරයා ගැන කෙටි විස්තරයක් ඉදිරිපත් කරමු.

මුරලි කන්නම්පිලි, හෝ කේ මුරලිදරන් නැතිනම් අජිත් සහෝදරයා (ලිපි වල පෙනී සිටියේ බොහෝ විට මේ නමිනි) ශිෂ්‍යයෙකුව සිටි මුල් දිනවලදී ම සිට කොමියුනිස්ට් දේශපාලනය හා සම්බන්ධ විප්ලවවාදියෙකු වූ ඔහු සිය ඉංජිනේරු උපාධිය හදාරන කාලයේදීම නක්සල්වාදී ව්‍යාපාරය වෙත ඇදී ගියහ. මුලින් සිසුවෙකු ලෙස ව්‍යාපාරයට සම්බන්ධ වූ මුරලි, පසුව එම ව්‍යාපාරයේම ප‍්‍රභාමත් ගුරුවරයෙකු බවට පත්වූහ. ඔහු දේශපාලන ආර්ථශාස්ත‍්‍රයෙහි සහ මාඕවාදී මතවාදය පිළිබඳ එහි සිටි විශිෂ්ඨතම විශාරදයෙකු විය.

ඔහු දැඩි ලෙසම කේ වේනුගේ ධනේශ්වර මතවාදයට විරුද්ධ වූ අතර කේරලයේ ඉන්දියානු කොමියුනිස්ට් පක්ෂයේ (මාක්ස්-ලෙනින්වාදී) මධ්‍යම ප‍්‍රතිසංවිධාන කමිටුව ස්ථාපනය කරමින් එහි විප්ලවීය ව්‍යාපාරය ආරක්ෂා කර ගැනීමට සහ වර්ධනය කර ගැනීමට වෙහෙස නොබලා කටයුතු කළහ. ඔහුගේ ප‍්‍රධාන දේශපාලන වැඩ අතර භූමි, ජාති, බන්ධනම් (භූමිය, කුලය සහ දාසභාවය), ඉඩම් පිළිබඳ නව අධ්‍යයනයක්, ප‍්‍රතිසංස්කරණ, කුළය සහ කේරලයේ කෘෂිකාර්මික සම්බන්ධතා, එවේකියන්වාදයට එරෙහිවන්න, එක්සත් ජනපද විප්ලවීය කොමියුනිස්ට් පක්ෂයේ ආධානග‍්‍රාහී-සංශෝධනවාදී නායකයා බොබ් එවේකියන් පිළිබඳ මතවාදී විවේචනයක් යනාදිය වේ. ප‍්‍රමුඛපෙළේ මාඕවාදී චින්තකයෙකු සහ න්‍යායාචාර්යවරයෙකු ලෙස, අජිත් විසින් ලිංගය සහ කුළය හා සම්බන්ධ ගැටළු වලට මාඕවාදී දෘෂ්ටියෙන් යුතුව ඉතා වැදගත් ලිපි ගණනාවක්ම රචනා කරන ලදි. ඔහු, ලෝකය මුළුල්ලේ වූ විවිධ මාඕවාදී පක්ෂ සහ සංවිධාන වල සම්බන්ධීකාරක මධ්‍යස්ථානය වූ විප්ලවීය ජාත්‍යන්තරවාදී ව්‍යාපාරය (RIM) විසින් පළ කරනු ලැබූ ජාත්‍යන්තර සඟරාව වූ ‘‘දිනාගැනුමට ලෝකයක් ඇත’’ (A World to Win)සඟරාවෙහි සංස්කාරක විය. කුඩා දරුවකුව සිටියදී සිය පියා වූ කරුනාකර මෙනොන් කන්නම්පිලි, එවකට මහජන චීන සමූහාණ්ඩුවේ, පීකිංහි ඉන්දීය තානාපති කාර්යාලයේ, උපදේශකවරයෙකු ව සිටියදී (1958-61) ඔහු සමග සංචාරය කරන්නට පුරුදුව සිටියහ. එහිදී ඔහු වරක් සභාපති මාඕට මල්දමක් පළඳවන්නට දුර්ලභ අවස්ථාවක් හිමිකර ගත්හ.

ඔහු පසුගිය වසරේ මැයි වලදී පූනේ වල ATS මගින් අත්අඩංගුවට ගන්නා ලද අතර, එතැන් පටන් යෙර්වාද සිරමැදිරියේ රඳවා ඇත. බයිපාස් සැත්කමකට මුහුණ දී සිටින හෘද රෝගියෙකු වූ ඔහු, පපුවේ හටගත් වේදනාවක් නිසා මේ මස 15 වෙනිදා රෝහල් ගත කළහ. කෙසේ හෝ, අධිකාරිය විසින් ඔහුට රෝහලට ඇතුල්වීමට පවා ඉඩ නොහළ අතර පසුව නැවත සිර කුටියට රැගෙන ගියේ මනා ප‍්‍රතිකාරවලින් තොරවය. මෙවන් තීරණාත්මක තත්ත්වයක දී කලට වේලාවට විශේෂඥ ප‍්‍රතිකාර ලබාදීම අත්‍යවශ්‍යය, අධිකාරීහු අමානුෂික ලෙස මූලික අයිතිවාසිකම් පවා නොසලකා හැර ඇත. දුෂ්ට පනතක් වන නීතිවිරෝධී ක‍්‍රියාකාරකම් වැළැක්වීමේ පනත (UAPA) යටතේ රඳවාගෙන සිටිනු හැරුණු විට ඔහුට එරෙහිව වෙන කිසිදු චෝදනාවක් නැත. මේ දුෂ්ට නීතිය යටතේ කිසිදු වගවිභාගයකින් තොරව පුද්ගලයින් අත්අඩංගුවට ගෙන කිසිදු හේතුවකින් තොරව හෝ කිසිදු අපරාධ නඩුවකට ලියාපදිංචි නොකොට කිසිදු සාක්ෂියක් නොමැතිව රඳවා තබා ගන්නා අතර ඔහු මේ නීතියට ගොදුරු වූ තවත් එක් අයෙකි. ඇත්ත වශයෙන්ම, මුරලි සිරගත කොට සිටි පසුගිය මාස 15 තිස්සේ ඔහුව උසාවියට ඉදිරිපත් කරනු ලැබුවේ එක් වතාවක් පමණි.

මානව හිමිකම් ක‍්‍රියාධරයින් විසින් අධිකාරීත්වයට දැඩි ලෙස කියනු ලබන්නේ වහාම විශේෂඥ ප‍්‍රතිකාර මුරලිට ලබා දෙන ලෙසත්, එමෙන්ම අඩුම තරමින් ඔහුගේ පුතාට හෝ ඔහු සමග නැවතී ඔහුට සත්කාර කිරීමට ඉඩ ලබා දෙන ලෙසත් නැතිනම් සෞඛ්‍ය තත්ත්වයන් මත ඔහුට ඇප ලබා දෙන ලෙසත්ය. ලෝක ප‍්‍රකට බුද්ධිමතුන් සහ ශාස්ත‍්‍රීය සහ මානව හිමිකම් උපදේශකවරුන් වන නෝම් කොම්ස්කි, ගයත‍්‍රි චක‍්‍රවර්ති ස්පිවාක්, පාර්තා චටර්ජී, ආනන්ද් ටෙල්ටුම්බේ, ප‍්‍රභාත් පට්නායික්, බර්නාඩ් ඞී මෙලෝ, මීනා කන්දසාමි යන අය අත්සන් කළ මෑත ප‍්‍රකාශනයෙන් අධිකාරීන් අමතමින් ‘‘සාධාරණ, විනිවිදභාවයෙන් යුතු සහ කඩිනම් නඩු විභාගයක් මුරලිදරන් වෙනුවෙන් සහතික කරන ලෙසත් නැතිනම් ඇප මත ඔහුව නිදහස් කරන ලෙසත්’’ සිදු කළ ඉල්ලීම ඉන්දීය රජයේ නිහඬතාවයට හෝ නැතිනම් දේශපාලන සිරකරුවන් විනාශ කර දැමීමට සහ ඔවුන්ගේ හඬ නිහඬ කර දැමීමට ඇති අභිලාශයට එරෙහිව ජාත්‍යන්තර පරිමාණයෙන් සහයෝගීතාවයක් සහ විරෝධතාවයක් ඉස්මතු කරයි.

මහාචාර්ය ජී හරාගෝපාල්, ආරක්ෂක කමිටුව, දේශපාලන සිරකරුවන් නිදහස් කරගැනීමේ කමිටුව

වරාවරා රාඕ, සභාපති, විප්ලවීය ප‍්‍රජාතන්ත‍්‍රවාදී පෙරමුණ, සම ආරම්භක, විප්ලවීය ලේඛකයින්ගේ සංගමය

රාජ්කිෂෝර්, සම ලේකම්, විප්ලවීය ප‍්‍රජාතන්ත‍්‍රවාදී පෙරමුණ

මහාචාර්ය ජී එන් සායිබාබා, නියෝජ්‍ය ලේකම්, විප්ලවීය ප‍්‍රජාතන්ත‍්‍රවාදී පෙරමුණ

වරාලක්ෂ්මී, ලේකම්, වීරසාම් ( විප්ලවීය ලේඛකයින්ගේ සංගමය)

මහාචාර්ය සී ෂෙෂායියා, සභාපති, ඒපීසීඑල්සී

මහාචාර්ය ජී ලක්ෂ්මන්, සභාපති, තෙලෙන්ගානා සිවිල් නිදහස් කමිටුව

හයිද්‍රාබාද්

2016 සැප්තැම්බර් 8