Category Archives: Sinhala

අජිත් සහෝදරයා නිදහස් කෙරේ!

අජිත් සහෝදරයා නිදහස් කෙරේ!

 

කොන්නාත් මුර්ලිදරන් නොහොත් අජිත් සහෝදරයා නිදහස් කිරීම ඉන්දියාවේ මාධ්‍ය මගින් වාර්තා කරන ලදි. 66 හැවිරිදි සුප‍්‍රකට මාඕවාදී නායකයෙකු හා න්‍යායාචාර්යවරයෙකු වන ඔහු 2015 වසරේදී ත‍්‍රස්ත-විරෝධී පනත යටතේ අත් අඩංගුවට ගනු ලැබිණි. අජිත් සහෝදරයා නිදහස් කර ගැනීමේ සතුට සමරමින්…

 

Advertisements

පිලිපීනය: නව මහජන හමුදාවේ ප‍්‍රහාරවලින් ෆැසිස්ට් සොල්දාදුවන් 43කට ජීවිත හානි

පිලිපීනය: නව මහජන හමුදාවේ ප‍්‍රහාරවලින් ෆැසිස්ට් සොල්දාදුවන් 43කට ජීවිත හානි


ජූලි 18 සි 22 දක්වා නීග්‍රොස් හි එම්සීසී (Mt. Cansermon Command) යටතේ නව මහජන හමුදාව සිදු කළ උපායික ප‍්‍රහාර වලින් සොල්දාදුවන් සහ පොලිස් නිළධාරීන් 43 දෙනෙකු ජීවිත හානි සිදුවී ඇති බවට වාර්තා වේ.

පසුගිය ජුනි 22, නව මහජන හමුදාවේ එම්සීසී ඒකකයක් විසින් දියත් කරන ලද සනයිපර් මෙහෙයුමෙන් සිටියෝ බුලෝ, බර්ගි, බන්ටොලිනාඕ, මන්ජුයෝද්, නීග්‍රෝස් පෙදෙස් වල 94 වෙනි අයිබීපීඒ සේනාංකයේ ජීවිත හානි තුනක් සිදු වූහ. සොල්දාදුවන් මරා දමන ලද්දේ 7වන පොලිස් කලාප කාර්යාලයේ අනුග‍්‍රහය ඇතිව සිදු කළ වෛද්‍ය මෙහෙයුම අතරතුරදීය.

94 වන අයිබීපීඑම්ඒ සහ 704 වන කලාප ජංගම සේනාංක බැටෑලියනය සටන් සහ පිරිසිදු කිරීමේ මෙහෙයම් දියත් කරද්දී අපි ඔවුන්ට විධානයට අනුව ක‍්‍රියාත්මක වන පිපිරුම් උපකරණ භාවිතයෙන් ඇම්බුෂ් එකක් එල්ල කළෙමු. තවද සිටියෝ කම්බුග්ටොන්ග්, බර්ගි, බන්ටොලිනාඕ, මන්ජුයාර්ඩ්, නීග්‍රෝස් ප‍්‍රත්‍යන්ත ප‍්‍රදේශවල වෙඩි හුවමාරු ඇති වූහ. ෆැසිස්ට්වාදී ප‍්‍රතිගාමී සේනාංක වලට ජීවිත හානි 20ක් සිදු වූහ. ඔවුන්ගේ මුහුණුවර රැකගැනීමට ප‍්‍රසිද්ධ කරන ලද්දේ එක් අයෙකු මරණයට පත් වී දෙදෙනෙකු තුවාල වූ බවයි.

මේ අතරතුර පසුගිය ජූලි 2 වෙනිදා නව මහජන හමුදාවේ එම්සීසී ඒකකයක්, 11වෙනි අයිබීචීඑම්ඒ බල ඇණිය විසින් සිතියෝ, බර්ග්, නලූන්දන්, බින්දෝයි, නිග්‍රෝස් යාබද පෙදෙස්වල සිදුකළ වැටලීම් මෙහෙයුමක් ව්‍යවර්ථ කර දමන ලදි. නව මහජන හමුදාවේ එම්සීසී ඒකකයක් ප‍්‍රතිප‍්‍රහාරයක් එල්ල කරන ලද අතර ඇම්බුෂ් එකක් සඳහා ස්ථානගත වී සිටියහ. පසුව පැයක් තිස්සේ සිදුවූ වෙඩි හුවමාරුව නිසා රාජ්‍ය හමුදාව පාර්ශවයෙන් දස දෙනෙකු මරණයට පත් වී 6 දෙනෙකු තුවාල ලදහ. කිසිදු හානියක් නොලද නව මහජන හමුදාව ගරිල්ලා යුධ උපක‍්‍රම භාවිතා කරමින් සතුරු වැටලීමෙන් සාර්ථකව පිටතට පැමිණියහ.

උපුටා ගැනීම,
මාධ්‍ය ප‍්‍රකාශනය, ඩියෝනිසියෝ මග්බුලියස්,
එම්සීසී – නව මහජන හමුදාව

1989 තියාන්මෙන් චතුරස‍්‍රයේ සංහාරයට දිනකට පෙර චීන විරෝධතාකරුවන් ජාත්‍යන්තර කම්කරු ගීතය ගායනා කරයි.

1989 තියාන්මෙන් චතුරස‍්‍රයේ සංහාරයට දිනකට පෙර චීන විරෝධතාකරුවන් ජාත්‍යන්තර කම්කරු ගීතය ගායනා කරයි.

Chinese protesters sing the socialist anthem The Internationale in China, in the days before the Tiananmen Square massacre in 1989.

Click bellow link to watch the video | වීඩියෝව බලන්න පහත ලින්ක් එකට පිවිසෙන්න

https://mobile.abc.net.au/news/2019-06-03/chinese-protesters-sing-the-communist-anthem/11167590?fbclid=IwAR10EecQYkBQ__rrAhHkfrtrle9F1_hQBaD6VL2mH0NzmR7EZGKYy3x38BM

 

කොමියුනිස්ට් ඩිජිටල් පුස්තකාලය යාවත්කාලීන කොට ඇත.

කොමියුනිස්ට් ඩිජිටල් පුස්තකාලය යාවත්කාලීන කොට ඇත.

2019 මැයි 29 වන දින Liberationbase පුස්තකාලයේ ඇතුලත් කරන සෑම ලේඛණයකටම පහත පරිදි සූචිකරණ ඇමුණුමක් ඇතුල් කරනු ලැබේ.

පාර්ලිමේන්තු සංශෝධනවාදීන් විසින් මෙම ලේඛන අවස්ථාවාදී කාර්යයන් සඳහා භාවිතා කිරීම වැළැක්වීම එහි අරමුණයි. ජවිපෙ LeftLibrary වැනි කණ්ඩායම් මෙම ඩිජිටල් පුස්තකාලයෙහි ලේඛණ පිටපත් කරමින් සහ ඒවා ඩිජිටල්කරණය කරනු ලැබු සහෝදරවරුන්ගේ ශ‍්‍රමය සහ කැපකිරීම නොතකා හරිමින් ලේඛණ සංරක්ෂණ ව්‍යාපෘතිය සහ වෙබ් අඩවිය සඳහා සම්බන්ධ කොට තිබූ සම්බන්ධක ඉවත් කරමින් වෙනත් පිටකවර ප‍්‍රතිස්ථාපනය කරමින් පළ කරනු ලැබ ඇත. ඕනෑම අයෙකුට liberationbase හි පළවන ලිපි සහ ලේඛණ කෘතීන් වෙනත් තැන්වල පළ කිරීමට හැකියාව ඇත. එකම ආචාර ධර්මය වනුයේ මූලාශ‍්‍රය සඳහන් කිරීමයි. එය මෙම ව්‍යාපෘතිය සඳහා කැප කළ සහෝදරවරුන්ගේ ඓතිහාසික කර්තව්‍ය සජීවීව තබා ගැනීමට කරන සහෝදරාත්මක උපකාරයකි. LeftLibrary හදිසියේම නිර්මාණය තොට එය ලංකාවේ පළමු අන්තර්ජාල පුස්තකාලය යන උත්ප‍්‍රාසාත්මක ප‍්‍රකාශය සමග කරලියට පැමිණ ඇත. එහි ඇති සියළුම අව්‍යාජ සහ නිර්ධනපංතියේ මාක්ස්වාදී ගුරුවරුන්ගේ න්‍යායික කෘතීන් අපගේ ව්‍යාපෘතිය හරහා සකස් කරනු ලැබූ ඒවා වෙති. අඩුම තරමින් ඒවා ලබාගත් මුලාශ‍්‍රයක් හෝ එහි සඳහන් කොට නොමැති අතර, එම අව්‍යාජ කෘති සමග නිර්මාක්ස්වාදී සංශෝධනවාදී වල් පල් සහිත කෘතීන් සහ ලිපි ප‍්‍රමාණයක් එම පුස්තකාලයෙහි අන්තර්ගත කොට තිබේ. ඒවායේ මූලාශ‍්‍රයන් ඉවත් කොට ඇත්තේ පාඨකයන් විසින් විද්‍යාත්මක දැනුමක් ලබා ගැනිම පිණිස liberationbase ට ප‍්‍රවේශ වීම වැළැක්වීම යැයි සිතිය හැකිය. එහි අදහස රට තුල දැනට නැගෙමින් තිබෙන නව විප්ලවීය ප‍්‍රවණතාවයන් සහ උත්තේජනය මොට කර දැමීමයි. ඉතිහාසය නැවත නැවතත් එකම දේ පුනරාවර්තනය කරමින් සිටී. මේ ප‍්‍රතිගාමී ක‍්‍රියාකාරකම් එම පාර්ශවය විසින්ම ඉතිහාසයේ කිහිප වරක්ම ඉතා විනාශකාරී ලෙස සිදුකොට ඇත.

පාඨක ඔබ කියවන සහ පරිශීලනය කරන මෙම ඩිජිටල් ලේඛන සකස් කිරීම අතිශය වෙහෙසකර සහ පියවරයන් සහ අදියරයන් ගණනාවකින් යුක්ත ක‍්‍රියාවලියකි. මේ සෑම ලේඛණයක්ම අප විසින් මුද්‍රණය කළ හැකි තත්ත්වයට ඔබ වෙත ලබා දී ඇත. පරිගණක මෘදුකාංග ගණනාවක් හරහා මේ සෑම පිටුවක්ම ගමන් කොට ඇත. ඒවායේ පෞරාණික පෙනුම තත්වය, වෙනත් අපැහැදිලි සලකුණු මේ හැම එකක්ම සහෝදරවරු විසින් ඉවත් කරමින් ඉතා හොඳ මට්ටමේ ඩිජිටල් ලේඛණ ලබා දීමට කටයුතු කර ඇත. අපගේ අපේක්ෂාව වන්නේ කුමන හෝ ස්ථානයක සිටින අව්‍යාජ විප්ලවීය බලවේගවලට මෙම ලේඛණ නයායික අවි බවට පත්වනු ඇත යන්නයි. සෑම අව්‍යාජ ජාත්‍යන්තරවාදී කොමියුනිස්ට් බලවේගයක් සමගම අප සහෝදරත්වයේ දෑත් එක් කිරීමට සූදානමින් සිටී.

මෙම ඩිජිටල් පුස්තකාලය අරඹනු ලැබූවේ 2010 වසරේ සිටයි. එය 2013වසරේදී Liberationbase ලෙස නම වෙනස් කරන ලද්දේ වඩාත් සංවිධානාත්මක ආකාරයේ ක‍්‍රියාකාරීත්වයක් සනිටුහන් කිරීමත් සමගයි.

 

 

ඇතුල් කොට ඇති නව කෘතීන්

 

මාඕ සේතුං

BK-s

‘‘ග‍්‍රාමීය සමීක්ෂණ’’යට පෙරවදන හා පසුවදන

BK-s

පොතට වහල් වීමට විරුද්ධ වන්න

BK-s

වර්තමාන තත්ත්වය සහ අප සතු කර්තව්‍යයෝ

 

BK-s

ජපන් විරෝධී ජාතික එක්සත් පෙරමුණ සඳහා ලක්ෂ ගණනින් ජනතාව දිනා ගනිමු

 

BK-s

සභාග ආණ්ඩුව ගැන

 

බාගත කර ගැනීමට ඩිජිටල් පුස්තකාලයට පිවිසෙන්න

https://liberationbase.wordpress.com/library/writing-of-mao-tsethung/

 

වී අයි ලෙනින්

BK-s

ජාතික ප‍්‍රතිපත්තිය සහ නිර්ධන පංතික ජාත්‍යන්තරවාදය

 

බාගත කර ගැනීමට ඩිජිටල් පුස්තකාලයට පිවිසෙන්න

https://liberationbase.wordpress.com/library/writings-of-vi-lenin/

Long Live PW in India and Philippine!

Long Live PW in India and Philippine!

ඉන්දියාවේ සහ පිලිපීනයේ මහජන යුද්ධය දිගුකල් දිනේවා!

 

[Image from Mao Zedong Facebook Page]

එකක් දෙකට බෙදීම ගැන

එකක් දෙකට බෙදීම ගැන

ෂැංහයි නුවර එක් මධ්‍යම කාරක සභාවක් මධ්‍යම කාරක සභා දෙකකට කැඞී ගියහ; දිගු පා ගමනේදී, අපි චැන්ග් කුඕ-ටාඕගෙන් කැඞී ගියෙමු; කාඕ-ජාඕ සිදුවීම ආංශික කැඞී යාමකි. ආංශික කැඞී යාම් සාමාන්‍ය දේවල් වේ. අවසන් වසරේ පටන්, ජාතියේ පලාත් වලින් භාගයකම නායකත්ව කණ්ඩායම තුළ බෙදීම් ඇතිවී තිබේ.

මිනිස් සිරුර උදාහරණයක් ලෙස ගන්න. හැම දිනකම කෙස් සහ සම ඉවත් වේ. එය සෛල වලින් කොටසක් අභාවයට පත් වීමකි. ළදරු වයසේ සිටම සෛල වලින් කොටසක් අභාවයට පත් වේ. එය වර්ධනය සඳහා ඉඩ සලසයි. එවැනි විනාශයක් නොමැතිව, මිනිසාට පැවතිය නොහැකිය. කොන්ෆියුසියස්ගේ කාලයේ පටන් මිනිස්සු මිය නොගියේ නම් එය කළ නොහැකිය. මරණයෙන් වාසි සැලසෙයි; එයින් පොහොර නිෂ්පාදනය වෙයි. ඔබ කියන්නේනම් ඔබට පොහොර බවට පත් වීමට අවශ්‍ය නොවන්නේයැයි, ඇත්තෙන්ම ඔබ එය බවට පත් වෙයි. ඔබ එයට මානසිකව සූදානම් විය යුතුය. සෑම දිනකම ආංශික බෙදීමක් ඇතිවේ. හැම විටම බෙදීම සහ විනාශය පවතිනු ඇත. බෙදීමකින් තොරව සංවර්ධනයට පැවැත්මක් නැත. විනාශය වූ කලී නොවැළැක්විය හැකි ඓතිහාසික තත්ත්වයකි.

මාඕ සේතුං

 

ජාක්හෑන්ඩ්හි මාඕවාදී ප‍්‍රහාරයකින් ජවාන්ස් භටයින් 26ක් තුවාල ලබයි

ජාක්හෑන්ඩ්හි මාඕවාදී ප‍්‍රහාරයකින් ජවාන්ස් භටයින් 26ක් තුවාල ලබයි

[https://www.hindustantimes.com/india-news/maoist-attack-in-jharkhand-leaves-26-jawans-injured/story-FShUnroD47yAJo8Yggmb1K.html]

පොලිස් වසමේ රායි සින්ද්‍රි වල පුපුරවා හැරිය අයිඊඞී උපකරණයකින් ප‍්‍රාන්ත පොලීසියේ සහ මධ්‍යම පොලීසියේ ආරක්ෂක භටයින් 26 දෙනෙකු තුවාල ලබා තිබේ.

තුවාල ලැබූවන් ගුවන් මගින් රන්චිවල පිහිටි පෞද්ගලික රෝහලකට ඇතුල් කොට තිබේ. 209 වන කෝබ‍්‍රා බැටෑලියනයේ පුද්ගලයින් 24 දෙනෙකු, මාඕවාදීන්ට එරෙහි මෙහෙයුම්වල විශේෂඥ සීආර්පීඑෆ් කණ්ඩායමේ භටයෙකු සහ ජාක්හෑන්ඩ් ජගුවර්, ප‍්‍රාන්ත පොලිස් විශේෂ කාර්ය බලකායේ භටයෙකු තුවාල ලබා ඇත.

නිළ වාර්තා අනුව එහිදී මාඕවාදීන් සමග ඍජු ගැටුමක් ඇතිවී නොතිබිණි. ප‍්‍රහාරයෙන් පසුව මාඕවාදීහු පලා ගොස් ඇත. බල ඇණි විසින් මේ වන විට ප‍්‍රදේශයේ සෝදිසි මෙහෙයුම් දියත් කරමින් සිටී. සන්ධ්‍යාව වන විට පුද්ගලයින් 11 දෙනෙක් රෝහලෙන් ඉවත්ව ගොස් ඇති අතර තිදෙනෙකුගේ තත්ත්වය බරපතල බව වාර්තා වේ.

නිළධාරිවාදය ගැන ප‍්‍රකාශන විස්සක් – සභාපති මාඕ සේතුං

නිළධාරිවාදය ගැන ප‍්‍රකාශන විස්සක්

සභාපති මාඕ සේතුං

1970 පෙබරවාරි

[මූලාශ‍්‍රය: ඒකාබද්ධ පර්යේෂණ සේවාව, වොෂින්ටන්, ඩීසී]

  1. ඉහළම මට්ටම්වලදී පවතින්නේ ඉතාමත් ම අඩු දැනුමකි; ඔවුහු ජනතාවගේ මතයන් තේරුම් ගන්නට අපොහොසත් වෙති; ඔවුහු විමර්ශනය කිරීම සහ අධ්‍යනය කිරීම නොකරති; ඔවුහු විශේෂිත ප‍්‍රතිපත්ති ග‍්‍රහණය කර නොගනිති; ඔවුහු දේශපාලනික සහ මතවාදී වැඩ නොහසුරුවති; ඔවුහු යථාර්ථයෙන්, ජනතාවගෙන්, පක්ෂයේ නායකත්වයෙන් වියෝ වී සිටිති; ඔවුහු හැම විටම නියෝග නිකුත් කරති, එසේම නියෝග සාමාන්‍යයෙන් වැරදි ඒවා වෙති, ඔවුහු ඇත්තෙන්ම රට සහ ජනතාව නොමග යවති; අඩුම තරමින් ඔවුහු අඛණ්ඩව පක්ෂයේ මාර්ගය සහ ප‍්‍රතිපත්ති වලට අනුගතවීම අවහිර කරති; ඔවුන්ට ජනතාව මුණ ගැසෙන්නට නොහැකි වෙති.

  1. ඔවුහු මාන්නක්කාර, තෘප්තිමත් අය වෙති, ඔවුහු අරමුණක් නැතිව දේශපාලනය ගැන සාකච්ඡා කරති. ඔවුහු ඔවුන්ගේ වැඩ ග‍්‍රහණය කර නොගනිති, ඔවුහු මනෝමූලික පුද්ගලයින් වන අතර තනි පැත්තක් සහිත අය වෙති; ඔවුහු නොසැලකිලිමත් අය වෙති; ඔවුහු ජනතාවට සවන් නොදෙති; ඔවුහු ගැටුම්කාරී සහ අත්තනෝමතික අය වෙති; ඔවුහු නියෝගවලට බල කරති; ඔවුහු යථාර්ථය ගැන සැලකිල්ලක් නොදක්වති; ඔවුහු අන්ධ පාලනයක් ගෙන යති. මෙය අධිකාරිවාදී නිළධාරිවාදයයි.

  1. ඔවුහු උදෑසන සිට සන්ධ්‍යාව දක්වාම අතිශයින් කාර්යබහුල වෙති, ඔවුහු මුළු අවුරුද්ද පුරාම වෙහෙසෙති; ඔවුහු මිනිස්සු පරික්ෂාවට ලක් නොකරන අතර දේවල් විමර්ශනය නොකරති; ඔවුහු ප‍්‍රතිපත්ති අධ්‍යයනය නොකරති; ඔවුහු මහජනතාව මත රඳා නොපවතී; ඔවුහු සිය ප‍්‍රකාශ සූදානම් නොකරති; ඔවුහු සිය වැඩ සැලසුම් නොකරති. මෙය මොළයක් නැති, නොමග ගිය නිළධාරිවාදයයි. අනෙක් වචන වලින් කියතොත් චර්යානුගතවාදයයි.

  1. ඔවුන්ගේ නිළධාරිවාදී ආකල්පය අධික වෙති; ඔවුන් සතුව කිසිදු ඉලක්කයක් නොමැත; ඔවුහු ආත්මාර්ථකාමී වෙති; ඔවුහු මාවත එළි කර ගැනීමට සිය ගහණයට තඩිබායි; මිනිස්සු ඔවුන් දෙස බලන්නටවත් බිය වේ; ඔවුහු වරින් වර මිනිසුන්ට සෑම වර්ගයකම අපවාද එල්ල කරති; ඔවුන්ගේ වැඩ ශෛලිය සැර පරුෂ වේ; ඔවුහු ජනතාවට සමාන ලෙස නොසලකති. මෙය අධිපතිවාදී නිළධාරිවාදයයි.

  1. ඔවුහු උඩඟු වෙති; ඔවුහු කිසිවක් අසන්නට ලජ්ජා වෙති; ඔවුහු වැඩිකොට කියන අතර බොරු තෙපලයි; ඔවුහු අතිශයින් වැරදි සහගතය; ඔවුහු මිනිසුන්ට වැරදි ආරෝපණය කරති; ඔවුහු ගෞරවය තමන්ට ලබා ගනිති; ඔවුහු මධ්‍යම රජය දැඩි ලෙස රවටති; ඔවුහු ඔවුන්ට වඩා ඉහළින් සිටින්නන් මුළා කරන අතර තමන්ට වඩා පහළින් සිටින්නන් මෝඩයින් බවට පත් කරති; ඔවුහු වැරදි සඟවන අතර වැරදිවලට බාහිර ඔපයක් ලබාදෙයි. මෙය වංක නිළධාරිවාදයයි.

  1. ඔවුහු දේශපාලනය වටහා නොගනිති; ඔවුහු ඔවුන්ගේ වැඩ නොකරති; ඔවුහු දේවල් අනෙක් අය වෙත පටවති; ඔවුහු සිය වගකීම්වලට මුහුණ නොදෙති; ඔවුහු කේවල් කරති; ඔවුහු දේවල් ඉවතට අදිති; ඔවුහු අසංවේදී වෙති; ඔවුහු සිය පරික්ෂාකාරී බව අහිමි කර ගනිති. මෙය වගකීම් විරහිත නිළධාරිවාදයයි.

  1. ඔවුහු දේවල් නොතකා හරිති; ඔවුහු ඔවුන්ට හැකි පරිදි යැපෙන්නන් වෙති; ඔවුහු ජනතාව සමග කිසිවක් නොකරති; ඔවුහු හැමවිටම වැරදි සිදු කරති; ඔවුහු තමන්ට වඩා ඉහළින් සිටින්නන්ට ගරු බුහුමන් දක්වන අතර තමන්ට වඩා පහළින් සිටින්නන් නොතකා හරිති; ඔවුහු සෑම ගරු බුහුමනක් ගැනම සැලකිලිමත් වෙති; ඔවුහු පැති අටකින් යුක්ත වන අතර රෝද මෙන් ලිස්සා යති; මෙය නිළධාරීන් ලෙස වැඩ කරන සහ අමු අමුවේ ජීවත් වෙන අයගේ නිළධාරිවාදයයි.

  1. ඔවුහු දේශපාලනය ගැන මුළුමනින්ම ඉගෙන නොගනිති; ඔවුහු සිය වැඩ වලදී දියුණුවක් නොකරති; ඔවුහු කථා කරන ආකාරය නීරස වෙති; ඔවුහු සතුව සිය නායකත්වය තුළ කිසිදු දිශානතියක් නැත; ඔවුහු වැටුප් ලබන අතර සිය කාර්යාලවල කටයුතු නොතකා හරිති; ඔවුහු දේවල් ප‍්‍රයෝජනවත් දෑ ලෙස වෙස් ගන්වයි. කම්මැලියෝ ඤඋදා: ඉඩම් හිමියන්% කිසිවක් ආරම්භ නොකරති, නමුත් ප‍්‍රධාන වශයෙන්ම සිය අලසකම මතම රැඳී සිටිති; වෙහෙස මහන්සි වී වැඩ කරන අය ගුණවත් ලෙස සලකන අතර නිළධාරීන් ලෙස පෙනී නොසිටින අය කෙරෙහි අඩුවෙන් සැලකිල්ලක් දක්වති. මෙය කෛරාටික, අදක්ෂ නිළධාරිවාදයයි.

  1. ඔවුහු මෝඩයෝ වෙති; ඔවුහු ව්‍යාකූල වෙති; ඔවුන්ට තමන්ගේ වැඩ ගැන හැඟීමක් නැත; ඔවුහු වැදගැම්මකට නැති කාමුක අය වෙති; ඔවුහු අවසානයේදී දින ගණනක දේවල් ගොඩ ගසා ගනිති; ඔවුහු හැම විටකම අකාර්යක්ෂම වේ, ඔවුහු අස්ථායී වන අතර ඔවුහු මෝඩයින් වෙති. මෙය අමනෝඥ, නිෂ්ඵල නිළධාරිවාදයයි.

  1. ඔවුන්ට අනෙක් අයට ලේඛණ කියවන්නට අවශ්‍ය වෙති; අනෙක් අය කියවන විට ඔවුන්ට නින්ද යති; ඔවුහු දේවල් දෙස බැලීමෙන් තොරව විවේචනය කරති; ඔවුහු වැරදි විවේචනය කරන අතර මිනිසුන්ට බැන වදිති; ඔවුන්ට වැරදි සමග කිරීමට කිසිවක් නැත; ඔවුහු දේවල් සාකච්ඡා නොකරති; ඔවුහු දේවල් පසෙකට කොට නොතකා හරිති; ඔවුහු තමන්ට වඩා ඉහළින් සිටින මිනිසුන්ට එහෙයි කියන පුද්ගලයින් වෙති; ඔවුහු ඔවුන්ට වඩා පහළ අය අවබෝධ කොට නොගෙන සිටියද අවබෝධ කොට ගත් බවට බොරුවට අඟවති; ඔවුහු ඉඟි වලින් අදහස් පවසති; ඔවුහු ඔවුන් හා සම තත්ත්වයේ සිටින්නන් සමග අසම්මුතිය වගා කර ගනිති. මෙය උදාසීන නිළධාරිවාදයයි.

  1. රාජ්‍ය නිළධාරීහු වඩ වඩා වර්ධනය වෙති; දේවල් වඩාත් ව්‍යාකූල වෙති; එහි වැඩ ඇති ප‍්‍රමාණයට වඩා මිනිසුන් සිටිති; ඔවුහු රවුමක් වටේ ගමන් කරති; ඔවුහු රණ්ඩු සරුවල් සහ නිකරුණේ කළහ ඇති කර ගනිති; අමතර දේවල් කිරීමට මිනිස්සු අකමැති වෙති; ඔවුහු සිය විශේෂිත රාජකාරී ඉටු නොකරති. මෙය රාජ්‍ය නිළධාරීන්ගේ නිළධාරිවාදයයි.

  1. ලේඛණ අති විශාල වෙති; එහි රතු පටියක්ද ඇත; උපදෙස් අධික ලෙස ඉහළ යයි; එහි නොකියවන ලද වාර්තා විශාල ගණනක් වන අතර ඒවා විවේචනයට භාජනය වී නොමැත; වගු සහ කාර්ය සටහන් බොහෝ ගණනක් අඳිනු ලැබුවද ඒවා භාවිතා නොකරති; රැස්වීම් පැවැත්වීම නිමක් නොවන අතර කිසිවක් සම්මත වන්නේ නැත; එහි යාබද සමිති ගණනාවක් වන අතර කිසිවක් ඉගෙන නොගනිති; මෙය රතු පටියේ සහ ආකෘතිවාදයේ නිළධාරිවාදයයි.

  1. ඔවුහු විනෝදය අපේක්ෂා කරන අතර දුෂ්කරතාවයන්ට බිය වෙති; ඔවුහු පිටුපසින් ඞීල් දැමීම සිදු කරති; එක් පුද්ගලයෙකු නිළධාරියෙකු වූ විට ඔහුගේ සමස්ත පවුලම ප‍්‍රතිලාභ ලබති; එක් පුද්ගලයෙකු නිර්වාණයට පැමිණි කළ ඔහුගේ සමීපතයින් සියල්ලෝම දෙව්ලොවට නැග ගනිති; එහි පාර්ශවයන් පවතින අතර ඒවා විද්‍යාමාන වෙති. . . මෙය අසාමාන්‍ය නිළධාරිවාදයයි.

  1. ඉහළ පෙලේ නිළධාරියෙකු පැමිණෙන විට, සිය මනෝභාවයන් වඩා අයහපත් වෙති; ඔහුට වඩ වඩාත් ඉහළට නගින්නට උපකාර කරන්නැයි ඔහු ඉල්ලා සිටී; ඔහුගේ නිවස සහ ගෘහභාණ්ඩ වඩ වඩාත් සුඛෝපභෝගී වෙයි; වඩ වඩාත් දක්ෂ ලෙස ඔහු දේවල් ලබා ගනිති. ඉහළ ස්ථරය විශාල පංගුවක් බෙදා ගන්නා විට පහළ ස්ථරය අධික මිළක් ගෙවයි; එහි පමණ ඉක්මවා පරිභෝජනය සහ නාස්තිය ඇත; ඉහළ සහ පහළත් වම සහ දකුණත් ඔවුන්ගේ දෑත් ඉහළට ඔසවති. මෙය නිළධාරීන් අහසේ තැබීමේ නිළධාරිවාදයයි.

  1. ඔවුහු ගර්වයෙන් පිරුණු අය වෙති; ඔවුහු පොදු කාරණා වලදී පවා පෞද්කලික දෑ සපුරා ගනිති; එහි අයථාපරිහරණය සහ අනුමාන කල්පනාව වෙති; ඔවුහු වැඩියෙන් කා දමන විට ඔවුන්ට වැඩියෙන් අවශ්‍ය කරති; ඔවුහු කිසිවිටෙක ආපසු හැරී බැලීමක් හෝ යටත්වීමක් සිදු නොකරති. මෙය ගර්වයෙන් පිරුණු නිළධාරිවාදයයි.

  1. ඔවුහු බලය සහ මුදල් පිණිස ඔවුනොවුන් සමග ගැටුම් ඇති කර ගනිති; ඔවුහු පක්ෂය වෙත සිය දෑත් යොමු කරති; ඔවුන්ට කීර්තිය සහ සෞභාග්‍යය අවශ්‍ය කරති; ඔවුන්ට තනතුරක් අවශ්‍ය වන අතර එය නොලැබුණිනම් අසතුටින්පසු වෙති; තරබාරු වීම හෝ කෙසඟ වීම ඔවුහු තෝරා ගනිති; ඔවුහු වැටුප් ගැන අධික සැලකිල්ලක් දක්වති; ඔවුහු සුවපහසු බව සිය සහෝදරවරුන් වෙත පැමිණෙන විට සුවපහසු ලෙස සිටියද පොදු ජනතාව ගැන කිසිදු සැලකිල්ලක් නොදක්වති. මෙය මුදල් සහ බලය වෙනුවෙන් සටන් කරන නිළධාරිවාදයයි.

  1. බහුවිධ නායකත්වයකට සංහිඳියාවෙන් සමගි විය නොහැකිය; ඔවුහු එකිනෙකා විවිධ දිශාවන්වලට ගමන් කරති, ඔවුන්ගේ වැඩ අවුල් සහගත තත්ත්වයේ පවතියි; ඔවුහු එකිනෙකා වෙත අනෙක් අය රැස්කරවා ගැනීමට වෙර දරති; ඉහළ මුදුන පහළ මට්ටම කෙරෙන් වියෝ වී ඇති අතර කිසිදු මධ්‍යගත වීමක් නොමැත, එමෙන්ම ප‍්‍රජාතන්ත‍්‍රවාදයක්ද නොමැත. මෙය භේදකාරී නිළධාරිවාදයයි.

  1. එහි කිසිදු සංවිධානයක් නැත; ඔවුහු පෞද්ගලික මිතුරන්ට සේවය කරති; ඔවුහු කට්ටිවාදී වේති; ඔවුහු රදළ සම්බන්ධතාවයන් පවත්වාගෙන යති; ඔවුහු සිය පෞද්ගලික අභිලාශයන් ට ආධාර කර ගැනීම සඳහා කල්ලි සාදති; ඔවුහු එකිනෙකා ආරක්ෂා කරති, තනි අයෙකු ඕනෑම දෙයක් වෙනුවෙන් නැගී සිටිති; මේ නොවැදගත් නිළධාරීහු ජනතාවට හානි සිදු කරති. මෙය නිකායවාදී නිළධාරිවාදයයි.

  1. ඔවුන්ගේ විප්ලවවාදී කැමැත්ත දුර්වල වෙති; ඔවුන්ගේ දේශපාලනය පිරිහෙන අතර එහි චරිත ස්වභාවය වෙනස් වෙති; ඔවුහු තමන් ඉහළම සුදුසුකම් ලද පු්ගලයින් ලෙස හැසිරෙති; ඔවුහු නිළධාරීන්ව අහසේ තබති; ඔවුහු සිය මනස සහ දෑත් පුරුදු පුහුණු නොකරති. ඔවුහු සෑම දිනකම සිය පංගුව කා දමති; ඔවුහු ලෙහෙසියෙන්ම අමාරු වැඩ අත් හරිති; ඔවුහු තමන් අසනීප නොවන විටත් වෛද්‍යවරයෙකුට කථා කරති; ඔවුහු විනෝදාස්වාදය පිණිස කඳුවලට සහ මුහුදු වෙරළට යති; ඔවුහු දේවල් සිදු කරන්නේ මතු පිටින් පමණකි; ඔවුහු සිය තනි පුද්ගල අවශ්‍යතා කෙරෙහි සැලකිල්ලක් දක්වති, එසේ වුවද ඔවුහු ජාතික අව්‍යතාවයන් මොනවාද යන්න ගැන තැකීමක් නොකරති. මෙය ගුණයෙන් වැහැරෙන නිළධාරිවාදයයි.

  1. ඔවුහු වැරදි සහගත ප‍්‍රවණතාවයන් වලට සහ ආත්මීය ප‍්‍රතික‍්‍රියාවන්ට උල්පන්දම් දෙති; ඔවුහු වැරදි මිනිසුන්ගේ වැරදි දුටු විට නිහඬව සිටිමින් වැරදි තත්ත්වයන්ට ඉඩ හරියි; ඔවුහු නීතිය උල්ලංඝණය කිරීමෙහි සහ සාහසික දෑ කිරීමෙහි නිරත වෙති; ඔවුහු අනුමාන කල්පනාවන්හි නිරත වෙති; ඔවුහු පක්ෂයට සහ රාජ්‍යයට තර්ජනයකි; ඔවුහු ප‍්‍රජාතන්ත‍්‍රවාදය උල්ලංඝණය කරති; ඔවුහු සටන් කිරීම සහ පළිගැනීම සිදු කරති, ඔවුහු නීති රීති උල්ලංඝණය කරති; ඔවුහු නරක ආරක්ෂා කරති; ඔවුහු අප සහ සතුරා අතර වෙනසක් ඇති නොකරති. මෙය වැරදි සහගත ප‍්‍රවණතාවයේ සහ ප‍්‍රතික‍්‍රියාවේ නිළධාරිවාදයයි.

පරිවර්තනය – ශ‍්‍රී කාන්ත

ජාත්‍යන්තරවාදී රතු මැයි දිනයක් සඳහා!

ඒකාබද්ධ මැයි දින ප‍්‍රකාශනය

2019 මැයි 1

ජාත්‍යන්තරවාදී රතු මැයි දිනයක් සඳහා!

ලෝකයේ නිර්ධනයිනි, පීඩිතයිනි සමගිවව්!

ගැඹුරු අර්බුදයක් හරහා අධිරාජ්‍යවාදී ක‍්‍රමය ගමන් කරමින් තිබේ. එය තුලනය කර ගැනීමට අධිරාජ්‍යවාදීන් සහ ප‍්‍රතිගාමීන් වර්තමානයේ දරන ප‍්‍රයත්නය අසාර්ථක එකක් වේ. එම අර්බුදය ගැඹුරු වෙමින් සහ පුළුල් වෙමින් තිබේ.

මූල්‍ය ක්ෂේත‍්‍රයේ හටගත් අර්බුදය, නිෂ්පාදන ක්ෂේත‍්‍රයට බලපා ඇති බැවින් එහි ප‍්‍රතිඵලයක් ලෙස අද වන විට නව පසුබැස්මක් ඇති කොට ඇත. ගෝලීය අන්තර්-අධිරාජ්‍යවාදී අර්බුද සහ ප‍්‍රතිවිරෝධතාවයන් තියුණු වෙමින් පවතී. මේ නව අර්බුද වෙළඳ යුද්ධ ලෙස ඇරඹෙමින්, දේශපාලන-යුධමය භූ-උපායික ප‍්‍රතිවිරෝධයන් බවට හරවමින් සිටී. එහි ප‍්‍රතිඵලයක් ලෙස අධිරාජ්‍යවාදය මගින් පීඩාවට පත් කරන රටවල්වල ආක‍්‍රමණකාරී, අත්කරගැනීමේ සහ එදිරිවාදී යුද්ධ පුළුල් වෙමින් ලෝකය නැවත බෙදීම සඳහා අධිරාජ්‍යවාදීන් අතර නව ලෝක යුද්ධයක ප‍්‍රවණතාවය වර්ධනය වෙමින් තිබේ.

අධිරාජ්‍යවාදී අර්බුද ගැඹුරු වීම සහ පුලූල් වීමෙහි අරුත වන්නේ නිර්ධන පංතිය සහ ජනතාව මතට අධිරාජ්‍යවාදීන් සහ ප‍්‍රතිගාමීන් විසින් සිය බර මුදා හරින බවයි. එහි අදහස ධනය කේන්ද්‍රගත වුණු අතලොස්සක් අධිරාජ්‍යවාදී රටවල් අතර සහ මානව සංහතියේ දරිද්‍රතාවයෙන් පෙලෙන හතරෙන් තුනක් වෙසෙන අධිරාජ්‍යවාදය විසින් පීඩාවට පත් කරන රටවල් සහ ඒ එක් එක් රටවල පාලක පංතිය සහ නිර්ධනීන්, ගොවියන් සූරාකෑමට ලක්වෙන ජනතාව අතර පරතරය වැඩි වෙන බවයි. ලෝකයේ පීඩිත ජාතීන් සහ ජනතාව හා අධිරාජ්‍යවාදය අතර ප‍්‍රතිවිරෝධතාවයන් සහ අධිරාජ්‍යවාදී ධනවාදය සහ අධිරාජ්‍යවාදී රටවල නිර්ධන පංතිය සහ ජනතාව අතර ප‍්‍රතිවිරෝධතාවයන් තියුණු වීමට හේතු ඇති වී තිබේ.
අධිරාජ්‍යවාදයේ ප‍්‍රතිපත්ති ක‍්‍රමය මත ගැටුමක් ඇති කරමින් සහ අවුස්සමින් අනර්ථකාරී පාරිසරික සහ ස්වභාවික ව්‍යසනයන් වඩ වඩාත් ජනිත කරයි.

අධිරාජ්‍යවාදී රටවල් තුළ ෆැසිස්ට්වාදයට සහ විවෘත ආඥදායකත්වයට ඇති නැඹුරුව වර්ධනය වේ.

හැමවිටම ප‍්‍රතිගාමී සහ අධිරාජ්‍යවාදී බලවතුන්ට දාසකම් කරන, ජාතියේ නාමයෙන් මිත්‍යාව වපුරන, ජනප‍්‍රිය සහ අධිරාජ්‍ය-විරෝධී පාලක රජයන් තිබෙන, අධිරාජ්‍යවාදයේ පීඩාවට ලක් වූ පාලක රෙජීමයන් බිඳවැටෙමින් තිබේ, නැතිනම් විවෘත ෆැසිස්ට්වාදී ආඥදායකත්වයක් සමග මිලිටරි චරිත ඉදිරියට පැමිණෙමින් තිබේ.

අධිරාජ්‍යවාදය යනු දුක්ඛිතබව, ප‍්‍රතිගාමීබව සහ යුද්ධයයි. අධිරාජ්‍යවාදී ක‍්‍රමයේ පාලනයත් සමග සංවර්ධනය, ධනය, ප‍්‍රජාතන්ත‍්‍රවාදය සහ සාමය, සෞඛ්‍ය සහ පරිසරයේ සුරක්ෂිතබව ඊට පරස්පර ලෙස පිරිහෙයි.

මේ ක‍්‍රමයට සහ එහි අර්බුද වලට එරෙහිව නිර්ධනීන් සහ ජනතාව අධිරාජ්‍යවාදී රටවල සහ අධිරාජ්‍යවාදය මගින් පීඩාවට පත් කරන රටවල් වල කැරලි ගසමින් සිටී. පංති අරගලය, ජාතික විමුක්ති අරගලය, මහජන යුද්දය සඳහා වන වාස්තවික තත්ත්වය වඩාත් තියුණු වෙමින් පවතී.
මනෝමූලික මට්ටමේදී, උපාය, උපක‍්‍රම සහ සංවිධානයන් සංවර්ධනය කිරීමේදී තවම පසුගාමී තත්ත්වයක සිටින නිර්ධනීන් සහ ඔවුන්ගේ මාක්ස්වාදී-ලෙනින්වාදී-මාඕවාදී සංවිධාන අධිරාජ්‍යවාදී රටවල සහ අධිරාජ්‍යවාදය මගින් පීඩාවට පත් කරන රටවල ඉස්මතුවී ඇති මනෝමූලික තත්ත්වයට අභියෝග කිරීමට අසමත් වෙයි.

සමස්ත ලෝකයේම පාලක පංතිය, සිය බලය සහ සිය සැලසුම් ආරක්ෂා කර ගැනීමට මෙන්ම වර්ධනය වන මහජනතාවගේ අසහනය සහ විරෝධය වෙනතකට හැරවීමට ෆැසිස්ට්වාදය සමග සමීප සම්බන්ධතා පැවැත්වීම වැඩිවෙමින් තිබේ.

අධිරාජ්‍යවාදය විසින් පීඩාවට පත් කරන රටවල්වල ජනතාවගේ කැරලි එක් හෝ තවත් මහ ධනේශ්වර, සුළු ධනේශ්වර සහ මධ්‍යම පන්තික, හෝ වැඩවසම් බලවේගවලට පවා නැතිනම් තවත් අධිරාජ්‍යවාදී කණ්ඩායමකට බැඳී පවතී. මේ විධියෙන් නව ප‍්‍රජාතන්ත‍්‍රවාදය සහ සමාජවාදය දිනාගැනීමට අව්‍යාජ විප්ලවීය අරගලයක් සොයා ගත නොහැකිය.

ප‍්‍රංශය වැනි, ජනතා අරගල වර්ධනය වෙමින් තිබෙන, අධිරාජ්‍යවාදී රටවල්තුළ පවා, ෆැසිස්ට්වාදී-ජනතාවාදී සට කපට ජන නායකත්වය මතු වෙමින්, අධිරාජ්‍යවාදය නිසා බිහිවී ඇති විශාල සංක‍්‍රමණික රැල්ල භාවිතා කරමින් ජනතාවගේ කෝපය ආධිපත්‍ය දරන පාලක ධනේශ්වර පංතියෙන් ඉවතට ගෙන සංක‍්‍රමණිකයින් වෙත එල්ල කරමින්, දිළින්ඳන් අතරම යුද්ධයක් අවුස්සනු ලැබේ.

මේ ජාතික සහ ලෝක තත්ත්වය තළ කොමියුනිස්ට්වාදීන්ගේ, විප්ලවවාදීන්ගේ සහ ප‍්‍රගතිශීලී බලවේගවල කාර්යභාරය අතිවිශාල එකක් වේ.
වැටුප් වහල් ක‍්‍රමය, සූරාකෑම, පීඩනය, ආධිපත්‍යය, දුක්ඛිතබව, පරිහානිය, විනාශය, අර්බුද සහ අද දින ධනවාදය විසින් බිහි කරන යුද්ධ වලට ඇති එකම විකල්පය වන්නේ සමාජවාදය සහ කොමියුනිස්ට්වාදය යන පරම සත්‍ය බිඳ හෙලිය නොහැකි ලෙස තහවුරු වී ඇත.

ජනතාව අතර මුල් බැස ගැනීම සඳහා, කම්කරු පන්තියේ පක්ෂ ඉදිකිරීමට සහ සංවිධානය කිරීමට; මාක්ස්වාදය-ලෙනින්වාදය-මාඕවාදය මත පදනම්ව නිර්ධන පංතියේ මතවාදී සහ දේශපාලන ස්වාධීනත්වය වෙනුවෙන් ජනතාවගේ ශ්‍රේණි අතර දෘඩතර අරගලයක නියැලීමට; ප‍්‍රතිගාමී මූලධර්මවාදී ඉස්ලාම්වාදී කබලේ බලපෑමෙන් මෙන්ම අවශේෂ සමාජ ප‍්‍රජාතන්ත‍්‍රවාදී සහ ප‍්‍රතිසංස්කරණවාදී බලවේගයන්ගෙන් බලපෑමෙන් ජනතාව ගලවාගෙන අරගල කරන ජනතාවගේ කොටස්වලට නායකත්වය දීමට හැකියාව ඇති, මේ පක්ෂවල නායකත්වය යටතේ මහජන සංවිධාන බිහි කිරීමට; ආර්ථිකවාදයට, නීතිවාදයට, අධිරාජ්‍යවාදී ජාත්‍යෝන්මාදයට එරෙහිව සටන් කිරීමට කටයුතු කළ යුතුය.

අභ්‍යන්තර ප‍්‍රතිගාමී යුද්ධ වලට එරෙහිව නිර්ධනීන්ගේ සහ ජනතාවගේ විරෝධතාවයන් සංවිධානය කිරීමට සහ තවද අධිරාජ්‍යවාදී යුද්ධ ඉදිරියට පැමිණෙන විට, ඒවා විප්ලවයක් කරා පරිවර්තනය කිරීමට වැදගත් පූර්ව සූදානමක් ඇති කිරීමට; රාජ්‍ය මර්ධනයට සහ ෆැසිස්ට්වාදී කණ්ඩායම්වලට එරෙහිව ප‍්‍රතිචාර දැක්වීමට ජනතාවගේ යුධමය සහ සටන් වදින බලඇණි ඉදි කිරීමට; අධිරාජ්‍යවාදය, සහ එහි රාජ්‍යයන්, එහි රජයන් පෙරලා දමා නිර්ධන පංති බලයක් ඉදිකිරීමට සැබෑ විප්ලවීය අරගලයක් දෙසට මාවත හෙලි කිරීමට සහ මෙහෙයවීමට කටයුතු කළ යුතුය.

එක් එක් රට තුළ සටන් වැදිය යුතු, මේ යුද්ධය, පවත්නා ජාත්‍යන්තර සන්දර්භය තුළ, ජාත්‍යන්තර දැක්මක්, ජාත්‍යන්තර සම්බන්ධතා, නිර්ධන පංතියේ සහ පීඩිත ජනතාවගේ ජාත්‍යන්තර පරිමාණයේ පොදු සටනක් ඉල්ලා සිටියි.

නිර්ධන පංතිය ජාත්‍යන්තරවාදී පංතියකි. එය වඩාත්ම විප්ලවවාදී පංතියයි. අධිරාජ්‍යවාදී ක‍්‍රමය සහ සියළු ප‍්‍රතිගාමීත්වය විනාශ කරමින්, ලෝක සමාජවාදී විප්ලවය ජයග‍්‍රහණය තෙක් මෙහෙයවීමේ ලෝක කාර්යභාරය ඉෂ්ට කිරීමෙන් සහ එලෙස කොමියුනිස්ට්වාදය දෙසට ගමන් කිරීමෙන්, සමස්ත මානව සංහතියේ විමුක්තිය උදාකරගැනීමේ මෙහෙයුම සම්පූර්ණ කිරීමෙන් පමණක් එම පංතියට විමුක්තිය උදාකරගත හැකිවෙයි.
මේ වසර ලෙනින් විසින් පිහිටුවන ලද සහ ස්ටාලින් විසින් නායකත්වය දෙන ලද තුන්වන කොමියුනිස්ට් ජාත්‍යන්තරය පිහිටුවා වසර සියයක් ගතවෙන වසරයි.එය ලෝක පංතියක් ලෙස නිර්ධන පංතියේ ජාත්‍යන්තර සංවිධානයේ සහ නිර්ධන පංති ජාත්‍යන්තරවාදයේ ඉහළම ආකාරයයි.

ලෙනින් දක්වා ඇති ආකාරයට: ‘‘තුන්වන, කොමියුනිස්ට් ජාත්‍යන්තරයේ යුගයකට මුල පිරූ ඓතිහාසික වැදගත්කම, එහි ආරම්භයේදීම මාක්ස්ගේ ප‍්‍රමුඛ සටන්පාඨය ක‍්‍රියාවට නැංවීම තුළ රැඳී තිබුණි, එය සමාජවාදයේ හා කම්කරු පන්ති ව්‍යාපාරයේ ශතවර්ෂ ගනන් පැරණි සංවර්ධනය සම්පිණ්ඩනය කළ සටන්පාඨය විය, එය නිර්ධන පංති ආඥදායකත්වයේ සංකල්පය ප‍්‍රකාශ කළ සටන්පාඨය විය.’’ (තුන්වන කොමියුනිස්ට් ජාත්‍යන්තරය සහ ඉතිහාසය තුළ එයට හිමි තැන 1919)

සිය ආරම්භයේ සිටම වීර වෘත්තාන්තයක් වුණු එය, ලෝකයේ සෑම අස්සක් මුල්ලකම සිය වර්ධනය සහ ඵලදායී බව මගින් නිර්ධන පංතියේ සහ ජාත්‍යන්තර කොමියුනිස්ට් ව්‍යාපාරයේ අති දැවැන්ත ඉදිරි පියවරක් නියෝජනය කළහ. එය ලෝකයේ සෑම අස්සක් මුල්ලකම අව්‍යාජ කොමියුනිස්ට් පක්ෂ බිහි කරමින් ඔක්තෝම්බර් විප්ලවයේ ලෝක ඓතිහාසික වැදගත්කම පුළුල් වීමට ඉඩ හළහ. එය අධිරාජ්‍යවාදී රටවල මෙන්ම අධිරාජ්‍යවාදය මගින් පීඩාවට පත් කරන රටවල නිර්ධන පංතියේ ජයග‍්‍රහණය සඳහා අවශ්‍ය වන උපාය සහ උපක‍්‍රම පිළිබඳ ගැටලු සමග ගනුදෙනු කොට එම ගැටලූ විසඳනු ලැබූහ. එය නාසි-ෆැසිස්ට්වාදය සහ අධිරාජ්‍යවාදී දෙවෙනි ලෝක යුද්ධය පරාජය කරන්නට සිදු කළ සුවිශාල සහ වෘත්තාන්තගත සටන තුළට ලෝකයේ ජනතාව සහ නිර්ධන පංතිය එක්සත් කරන්නට ඉඩ සැලසූහ. ජාත්‍යන්තර කොමියුනිස්ට් ව්‍යාපාරය තුළ වර්ධනය වුණු සංශෝධනවාදය පහළ වීමට එරෙහිව න්‍යායික, දේශපාලනික සහ සංවිධානමය අරගලයක් සැපයූ එය ජාත්‍යන්තර කොමියුනිස්ට් ව්‍යාපාරය විසුරුවා හැරීමෙන් පසුව පවා, සමාජවාදය සහ නිර්ධනපංති ආඥදායකත්වය අත්හැර දැමීමට එරෙහිව සහ ධනේශ්වර රාජ්‍ය ප‍්‍රචණ්ඩකාරී ලෙස බිඳහෙලීමේ විප්ලවයේ මාවත අත්හැර දැමීමට එරෙහිව ඓතිහාසික, න්‍යායික සහ දේශපාලනික උරුමයක් සැපයූහ.
මාඕ සේතුං මෙසේ ප‍්‍රකාශ කළහ: ‘‘එය පැවති සමස්ත කාලය තුළ සෑම රටකම සැබෑ විප්ලවවාදී කම්කරු පක්ෂයක් සංවිධානය කරන්නට උදව් කරමින් ශ්‍රේෂ්ඨතම සේවාව ලබා දුන්හ. තවද එය ෆැසිස්ට්-විරෝධී යුද්ධය සංවිධානය කිරීමේ ශේෂ්ඨ කර්තව්‍යට අතිවිශාල දායකත්වයක් ලබා දුන්හ.’’ (කොමියුනිස්ට් පක්ෂයේ කාඩර්වරුන්ට කළ කථාව, 1943, මැයි 26).

මාඕ සේතුං එය පිළිබඳව සහ එහි වැරදි අඩුපාඩු පිළිබඳවද, එසේම සෝවියට් සමාජවාදී සමූහාණ්ඩු සංගමයේ සමාජවාදය ඉදි කිරීම පිළිබඳවද තීරණාත්මක සමාලෝචනයක් ද සංවර්ධනය කළහ. තවත් පියවරක් ඉදිරියට තැබීමක් ලෙස 70 දශකයේ දැවැන්ත කැරලි රැල්ලකට ආශ්වාදය ලබා දුන්, ශ්‍රේෂ්ට නිර්ධන පංති සංස්කෘතික විප්ලවය දක්වා ඔසවා තැබූහ.

ජාත්‍යන්තර කම්කරු පංති ව්‍යාපාරයේ සහ කොමියුනිස්ට් මාක්ස්වාදී-ලෙනින්වාදී-මාඕවාදී ව්‍යාපාර වල සැබෑ ඉදිරිගමනක් ලබා ගැනීමේ, අරමුණට හානි කරන දෙවෙනි සතුරෙකු වන ‘වාමාංශික’ අවස්ථාවාදය, පොතේගුරුවාදය සහ සුළු ධනේ්ශවර විප්ලවවාදය මෙන්ම යටත්වීම්වාදයට මං සලසන දක්ෂිනාංශික සංශෝධනවාදී-අවස්ථාවාදයේ බලපෑමෙන් සක‍්‍රීය මතවාදී අරගලය සහ ද්වි-දර්ශනීය අරගලය නිදහස් කර ගැනීමට මේ ඓතිහාසික උරුමය උකහා ගැනීම වෙන කවරදාකටත් වඩා අවශ්‍ය කොට තිබේ.

මේ මැයි දිනයේදී, අව්‍යාජ මාක්ස්-ලෙනින්-මාඕවාදී පක්ෂවල ආමන්ත‍්‍රණය මෙයයි:
-ලෝක නිර්ධන පංති විප්ලවය සංවර්ධනය කිරීමට මහජන යුද්ධයේ මාවත වෙනුවෙන්, මාක්ස්වාදී-ලෙනින්වාදී-මාඕවාදී පක්ෂවල සමගියක් ඇති කර ගැනීම. නව ප‍්‍රජාතන්ත‍්‍රවාදී සහ සමාජවාදී විප්ලව සංවර්ධනය කිරීම වෙනුවෙන්, නිර්ධන පංතියේ සහ ජනතාවගේ ඍජු අත්දැකීම් තුළින් පංති අරගලයට නායකත්වය දීමට හැකි නිර්ධන පංති පක්ෂ ඉදි කිරීමේදී ඉදිරියේදී මතුවන පොදු පියවරයන් තුලදී අන්‍යෝන්‍ය උපකාරය සහ සහයෝගය වෙනුවෙන් සමගියක් ඇති කර ගැනීම.

-අධිරාජ්‍යවාදී රටවල්වල සහ අධිරාජ්‍යවාදය මගින් පීඩාවට පත් කරන රටවල්වල මූලික ක්ෂේත‍්‍ර වල ඒකීය ක‍්‍රියාකාරිත්වයක් ඇති කර ගැනීම: වෙනස් අවධිවලට සංවර්ධනය වී ඇති විවිධ රටවල මහජන යුද්ධවලට සහය දැක්වීම – ඉන්දියාව, පිලිපීනය සහ පේරුව, තුර්කිය ඇතුලූ අනෙක් රටවල්; ලෝකයේ දේශපාලන සහ යුධ සිරකරුවන් ආරක්ෂා කරගැනීම සහ නිදහස් කර ගැනීම; ෆැසිස්ට්-විරෝධී සහ අධිරාජ්‍ය-විරෝධී පෙරමුණු සංවර්ධනය කිරීම; පංතිමය වෘත්ති සමිති සංවිධාන වල සමගිය ඇති කර ගැනීම; කාන්තා අරගලය සහ නිර්ධනපංති ස්ත‍්‍රීවාදී විප්ලවීය සංවිධාන සංවර්ධනය කිරීම.

මේ අරමුණු සාක්ෂාත් කර ගැනීමට, මේ ගැන වූ මතවාදී දේශපාලනික කාරණා පිළිබඳව සෑහෙන සාකච්ඡාවන් සහ රැස්වීම් සමග, අද අපට මාක්ස්වාදී-ලෙනින්වාදී-මාඕවාදී පක්ෂවල සහ සංවිධානවල මාක්ස්වාදී-ලෙනින්වාදී-මාඕවාදී ඒකාබද්ධ ජාත්‍යන්තරවාදී සම්මේලනයක් අවශ්‍ය කොට තිබේ.

තුන්වන කොමියුනිස්ට් ජාත්‍යන්තරයේ සියවෙනි සංවත්සරය යෙදී තිබෙන මේ වසරේ, මේ ජාත්‍යන්තර සම්මේලනය කරා ළඟා වීමට ප‍්‍රාරම්භක රැස්වීමක් සංවිධානය කරමු.

ලෝකයේ සෑම තැනකම අධිරාජ්‍යවාදය සමග සටන් වදින්න

ජනතා විමුක්ති අරගල වලට සහය දෙන්න, අධිරාජ්‍යවාදී රටවල පංති අරගලය තීව‍්‍ර කරන්න

සෑම ක්ෂේත‍්‍රයකම ෆැසිස්ට්වාදී බලවේගවල ඉදිරිගමන නවත්වන්න

එක් එක් රටවල විශේෂිත තත්ත්වයන්ට අනුව, ප‍්‍රතිසංස්කරණවාදී සහ ජනතාවාදී පාර්ලිමේන්තු මාවතට එරෙහිව සටන් කරන්න

ජනතාව සමග සමීප බැඳීමක් සහිතව පංති අරගලයේ ගිනි දළු මධ්‍යයේ කොමියුනිස්ට් පක්ෂ ඉදි කරන්න

ඒ ඒ රටවල තත්ත්වයන්ට අනුව නව ප‍්‍රජාතන්ත‍්‍රවාදී විප්ලවයට සහ සමාජවාදී විප්ලවයට ඇති මාවත වන මහජන යුද්ධයේ මාවත ස්ථාපනය කරන්න

නිර්ධන පංති ජාත්‍යන්තරවාදය දිගුකල් දිනේවා!

තුන්වන කොමියුනිස්ට් ජාත්‍යන්තරයේ අමරණීය උපාය සහ උපක‍්‍රමික පාඩම් සහ එහි ශත සංවත්සරය දිගුකල් දිනේවා!

මාක්ස්වාදය-ලෙනින්වාදය-මාඕවාදය දිගුකල් දිනේවා!

අත්සන් කළ පක්ෂ සහ සංවිධාන:

ඇෆ්ගනිස්ථාන් කොමියුනිස්ට් (මාඕවාදී) පක්ෂය
එල්ඛදෙහින් පක්ෂය – ටියුනීසියාව
කම්කරු හඬ – මලයාසියාව
කොමියුනිස්ට් කම්කරු සංගමය (මාක්ස්වාදී ලෙනින්වාදී මාඕවාදී) – කොලොම්බියාව
තුර්කි කොමියුනිස්ට් පක්ෂය මාක්ස්වාදී-ලෙනින්වාදී
නව කොමියුනිස්ට් පක්ෂය – ටියුනීසියාව (ඉදිකෙරෙමින් පවතී)
නේපාල කොමියුනිස්ට් පක්ෂය (විප්ලවීය මාඕවාදී)
ප‍්‍රජාතන්ත‍්‍රවාදය සහ පංති අරගලය, බි‍්‍රතාන්‍ය රාජ්‍ය
මාඕවාදී කොමියුනිස්ට් පක්ෂය – ඉතාලිය
මාඕවාදී කොමියුනිස්ට් පක්ෂය ඉදිකිරීමේ කමිටුව, ගලීෂියාව, ස්පාඤ්ඤ රාජ්‍යය
මාඕවාදී කොමියුනිස්ට් පක්ෂය – ප‍්‍රංශය
මාඕවාදී කොමියුනිස්ට් පක්ෂය මනිපූර්
මාඕවාදී විප්ලවීය ලීගය – ශ‍්‍රී ලංකාව
රතු තරුණයෝ – ජර්මනිය
විප්ලවීය කොමියුනිස්ට් පක්ෂයය – කැනඩාව

සමීක්ෂණවලට අනුව සෝවියට් නායක ස්ටාලින්ගේ ඓතිහාසික චරිතය අනුමත කරන පිරිස වැඩිවෙයි

සමීක්ෂණවලට අනුව සෝවියට් නායක ස්ටාලින්ගේ ඓතිහාසික චරිතය අනුමත කරන පිරිස වැඩිවෙයි

නව සමීක්ෂණ වාර්තා වලට අනුව රුසියානුන්ගෙන් සියයට 50කට වැඩි පිරිසක් සෝවියට් නායක ජෝසෆ් ස්ටාලින් සහ රටේ ඉතිහාසය තුළ ඔහුගේ භූමිකාව පිළිබඳව ධනාත්මක දැක්මක් ඇතිව සිටී.

ලෙවාඩා මධ්‍යස්ථානය විසින් පවත්වන ලද පර්යේෂණයට අනුව, ස්ටාලින්ව ගෞරවයෙන් සලකන පිරිස සියයට 12කින් ඉහත ගොස් ඇත. එසේම සෝවියට් නායකයා පිළිබඳව වෙනස් විදියකට හෝ ඍණාත්මක ආකාරයට කල්පනා කරන ප‍්‍රමාණය 2015 දී මෙන් තුන් ගුණයකින් අඩු වී ඇත.

සියයට 70කට වැඩි පිරිසක් ස්ටාලින්ව, රටේ ඉතිහාසය තුළ දැක්වූ භූමිකාවේදී ‘‘තරමක් ධනාත්මක’’ අයෙකු ලෙස සලකන අතර නාසින් පරාජය කිරීම උදසා ගෞරවයට පාත‍්‍ර කරති.

රුසියානුන්ගෙන් සියයට 45ක් ස්ටාලින්ගේ කාලයේ සිදුවූ යැයි කියන මර්ධනය යුක්තිසහගත යැයි නොකියයි. තවද එම චෝදනා ඉදිරිපත් කළ ප‍්‍රමාණය 2008 වසරේදී 60% වු අතර මේ වන විට එය හතරෙන් පංගුවක් දක්වා පහත බැස ඇත.

ලවාඩා අධ්‍යයනයෙන් පෙන්වා දෙන පරිදි ජෝසෆ් ස්ටාලින් පිළිබඳව ධනාත්මක අවබෝධය කොමියුනිස්ට් පක්ෂයේ ආධාරකරුවන් සහ සෝවියට් නායකයාගේ සම්ප‍්‍රදායික හිතවාදීන් අතර පමණක් නොව දේශපාලන කණ්ඩායම් අතරද වැඩි වෙමින් පවතී.

සෝවියට් සංගමය බිඳ වැටීමෙන් පසුව, රතු චතුරස‍්‍රයෙන් ස්ටාලින්ගේ සොහොන් කොත ඉවත් කිරීමට විශාල ප‍්‍රයත්නයන් ගණනාවක් දරන ලදි. නමුත් එය එහි තවමත් විද්‍යාමාන වේ. එසේ වුවද එය කොමියුනිස්ට් විරෝධී කොල්ලකරුවන්ගේ ඉලක්කයක් බවට පත් වූහ.