Blog Archives

2018 ඒකාබද්ධ මැයි දින ප‍්‍රකාශනය

2018 ඒකාබද්ධ මැයි දින ප‍්‍රකාශනය

‘‘සකල දේශවාසී නිර්ධනයිනි, සමගිවව්!’’

– කාල් මාක්ස්

2018 මැයි 1 වන දා – කාල් මාක්ස් ගේ 200 වන උපන් දින සැමරුම ත්, මාක්ස් එංගල්ස් විසින් රචිත කොමියුනිස්ට් පක්ෂයේ ප‍්‍රකාශනයේ පළමු නිකුතුව සිදුකොට 170 වෙනි සංවත්සරය ත් යෙදී ඇත. කොමියුනිස්ට් පක්ෂයේ ප‍්‍රකාශනය වූ කලී ඊයේ, අද සහ හෙට නිර්ධනීන්ට සහ කොමියුනිස්ට්වාදීන් ට සජීවී ආයුධයක් ලෙසින්, ඔවුන්ගේ වලංගුභාවය සහ බලය සහතික කර ගැනීමට ලබා දෙන ලද ශ්‍රේෂ්ඨ ආයුධයක් වන්නාහ.

‘‘සෑම සමාජයක ම ඉතිහාසය පංති අරගලයේ ඉතිහාසයයි.’’

‘‘සමස්ත සමාජය ම ප‍්‍රධාන සතුරු කඳවුරු දෙකකට නොහොත් එකිනෙකට ප‍්‍රතිවිරුද්ධ පංති දෙකකට කෙලින්ම බෙදී ඇත: එය ධනේශ්වර පංතිය සහ නිර්ධන පංතිය යි’’.

‘‘නවීන රාජ්‍යයේ දේශපාලන බලය වූ කලී සමස්ත ධනේශ්වර පංතියේම පොදු කටයුතු පරිපාලනය කරන කමිටුවකි.’’

ප‍්‍රකාශනයේ ලියා ඇති පරිදි – මේ ක‍්‍රමය අඛණ්ඩව අර්බුද නිර්මාණය කරයි. මේ අර්බුද වූ කලී අධිනිෂ්පාදනයේ අර්බුදයි. ‘‘ධනේශ්වර සම්බන්ධතාවයන් පටු වෙමින් නිෂ්පාදනය සීමා කරයි.’’

‘‘ධනේශ්වර පංතිය අර්බුද මැඩපැවැත්වීම සිදු කරන්නේ කෙසේද? ‘‘එක් අතකින් නිෂ්පාදන බලවේගයන්හි විශාල ප‍්‍රමාණයක් බලහත්කාරී ලෙස විනාශ කර දැමීමෙනි. එසේත් නැතිනම් නව වෙළඳ පොලවල් දිනා ගැනීමෙන් සහ දැනටමත් පවතින සූරා කෑම වඩාත් තීව‍්‍ර කිරීමෙනි’’.

නමුත් මෙය මගින් සිදු කරන්නේ නව සහ වඩාත් දරුණු අර්බුද නිර්මාණය කිරීම පමණකි.

නමුත් ධනේශ්වර පංතිය ඔවුන්ගේම මරණයේ අවි නිෂ්පාදනය කරනවා පමණක්ම නොව එම අවි ඔවුන්ට විරුද්ධව භාවිතා කළ හැකි මිනිසුන්ද බිහි කරයි.

‘‘මේ මිනිස්සු – ප‍්‍රකාශනයේ ලියන පරිදි – නූතන කම්කරුවා, එනම් නිර්ධන පංතිය, ඔවුන්ට කරන්නට වැඩ ලැබෙන තෙක් ජීවත්වන අතර ඔවුන්ගේ වැඩවලින් ප‍්‍රාග්ධනය වැඩි කළ හැකිතාක් ඔවුන්ට වැඩ සොයාගත හැකි වනු ඇත.’’.

‘‘වර්තමානයේ ධනේශ්වර පංතියට එරෙහිවන සියළුම පංති අතුරින්, නිර්ධනීන්ගෙන් සැදුම්ලත් පංතිය පමණක් සැබෑ විප්ලවවාදී පංතිය වෙයි; අනෙකුත් පංති දූෂිත සහ දිරාපත් වන ඒවා වන අතර ඔවුන්ට කලින් තිබූ වරප‍්‍රසාද ලබා ගන්නට අවශ්‍ය වූ විට ප‍්‍රතිගාමී සහ ගතානුගතික තත්ත්වයට පත්වෙයි; ඔවුහු නිර්ධන පංති ජනතාව අතරට ඇද වැටුණු විට ඔවුන්ද නිර්ධන පංති අරගලයේ කොටසක් බවට පත් වෙති.’’

නිර්ධනීන්ට සමාජ නිෂ්පාදන බලවේග අත්පත් කර ගැනීමට හැකි එකම විධිය නම්, පවතින සමස්ත නිෂ්පාදන ක‍්‍රමවේදය අහෝසි කිරීමෙන් පමණි.

‘‘ඉතිහාසය, පංති අරගලයේ ඉතිහාසය බැවින් මෙම පංති අරගලය අඩු වැඩි වශයෙන් පවතින සමාජය විවෘත විප්ලවයකින් පුපුරුවා දමා ධනේශ්වර පංතිය ප‍්‍රචණ්ඩකාරී ලෙස පෙරලා දමා නිර්ධනීහු බලය අත්පත් කර ගන්නා මොහොත තෙක් පවතින සමාජයට කරදර කරන සැඟවුණු ‘සිවිල් යුද්ධයක්’ වේ.’’

කොමියුනිස්ට්වාදීන්ගේ අරමුණ පැහැදිලි සහ නිවැරදි එකකි: එය නිර්ධනීන් පංතියක් ලෙස නිර්මාණය කිරීම, ධනේශ්වර ආධිපත්‍යය පෙරලා දැමීම සහ නිර්ධන පංතිය විසින් දේශපාලන බලය දිනා ගැනීම වේ.

කොමියුනිස්ට්වරුන්ගේ කාර්යභාරය නිත්‍ය සහ අත්හළ නොහැකි දෙයක් බවට කොමියුනිස්ට් ප‍්‍රකාශනය මගින් ඉදිරිපත් කොට ඇත. ‘‘කම්කරු පංතියේ ක්ෂණික අරමුණු සහ අභිලාශයන් සාක්ෂාත් කර ගැනීමට අරගල කරන අතරේම, ඔවුහු නියෝජනය කරන ව්‍යාපාරයේ අනාගතය උදෙසාද එකම මොහොතේ අරගල කරති.’’ ඔවුහු ධනේශ්වර පංතිය සහ නිර්ධන පංතිය අතර ඇති ප‍්‍රතීඝතාවයන් පිළිබඳව කම්කරුවන් සංවිඥණිකව අවදි කිරීමට හැකි සෑම විටම කටයුතු කරති. එසේම දේශපාලනික තත්ත්වයන් යටතේ කම්කරුවන් ධනේශ්වර පංතියට එරෙහි ආයුධ බවට පත් කළ හැකිය.

‘‘සෑම තැනකම සිටින කොමියුනිස්ට්වරු පවතින සමාජ සහ දේශපාලනික තත්ත්වයන්ට එරෙහි සෑම විප්ලවීය ව්‍යාපාරයකටම සහය දිය යුතුය. එසේම මේ සෑම අරගලයකම ප‍්‍රාග්ධනයේ අයිතිය පිළිබඳ ගැටළුව මූලික ගැටළුවක් ලෙස මතු කළ යුතුය.’’

‘‘කොමියුනිස්ට්වාදීහු යනු කවුරුන්දැයි වෙන කවරදාටවත් වඩා මාක්ස් එංගල්ස් අපට උගන්වයි – කොමියුනිස්ට්වාදීහු – සිය මතය සහ අරමුණු සැඟවීම පිළිකෙව් කරන අතර සිය අරමුණු සාක්ෂාත් කර ගත හැක්කේ පවතින සමස්ත සමාජ ක‍්‍රමය ප‍්‍රචණ්ඩකාරී ලෙස පෙරලා දැමීමෙන් පමණක් බව ප‍්‍රකාශ කරති… මක්නිසාද යත් නිර්ධන පංතියට දෑතේ යදම් හැර නැතිවන්නට කිසිවක් නැත, දිනාගැනීමට ලෝකයක් ඇත.’’

ලෙනින්ගේ ඉගැන්වීම් අනුව අධිරාජ්‍යවාදය බවට පත් වන, මාක්ස් විසින් විශ්ලේෂණය කරන ලද ධනවාදය, ගැඹුරු ආර්ථික අර්බුද හරහා දිගටම ගමන් කරමින් එය ලෝකයේ ජනතාව සහ නිර්ධනීන් මතට පටවනු ලැබේ.

ඔවුහු ‘‘විසඳුම්’’ ගැන කථා කළද සිදුව තිබෙන එකම දෙය නම් ලාභය, ධනය සහ යුධඅවි සඳහා වන තරඟය වැඩි වීම පමණකි.

නිර්ධනීන් සහ පොදු ජනතාව වන අපට විරැකියාව, අස්ථීර බව, සූරාකෑම සහ වහල්භාවය, දුප්පත්කම, අමුද්‍රව්‍ය සහ බලශක්ති සම්පත් කොල්ලකෑම, පරිසරය සහ භූමිභාග විනාශ කිරීමට මුහුණ දෙන්නට සිදුවෙයි.

මේ තත්ත්වයට එරෙහිව, නිර්ධනීන් සහ පොදු ජනතාව අධිරාජ්‍යවාදී රටවල මෙන්ම අධිරාජ්‍යවාදය මගින් පීඩාවට පත් කරනු ලැබූ රටවල කැරලි ගසනු ලබයි.

ජනතාව වහල්භාවයට පත් කිරීමේ අභිලාශයෙන් අධිරාජ්‍යවාදය විසින් මර්ධනයට පත් කරන රටවල්වල අධිරාජ්‍යවාදී ධනේශ්වරය සහ පාලක පංතිය, නිර්ධන පංතියේ සහ පීඩිත ජනතාවගේ කැරලිවලට මර්ධනයෙන් සහ සමූලඝාතනවලින් පිළිතුරු දෙයි. රාජ්‍යයන් හැම විටම වඩ වඩාත් ප‍්‍රතික‍්‍රියාවන්ගෙන් සහ ෆැසිස්ට්වාදය අතරින් ගමන් කරනු ලැබේ.

විප්ලවය ප‍්‍රධාන ප‍්‍රවණතාවය බව තහවුරු කරමින් නිර්ධනීහු සහ ජනතාව ප‍්‍රතිරෝධය දක්වමින් සිය අරගල සහ මහජන යුද්ධ සංවර්ධනය කරති.

ධනේශ්වර අධිරාජ්‍යවාදීහු සහ ප‍්‍රතිගාමී රජයන් අන්තර් අධිරාජ්‍යවාදී ගැටුම් තීව‍්‍ර කිරීම සඳහා වහල්භාවය ගෙන එන අතර බෙදීම සලකුණු කරන නව ලෝක යුද්ධයක ප‍්‍රවණතාවය පණ ගැන්වීමට වාණිජමය සහ තෙවන පාර්ශවීය යුද්ධ මුදා හරියි.

අධිරාජ්‍යවාදී යුද්ධවලට විරුද්ධ විය හැකි එකම ක‍්‍රමය නම් ඒවා විප්ලවකාරී සිවිල් යුද්ධ බවට පරිවර්තනය කිරීම සහ ජාත්‍යන්තර පරිමාණයෙන් මහජන යුද්ධ සංවර්ධනය කිරීමෙන් පමණකි.

සංශෝධනවාදීන් සහ සමාජ-ප‍්‍රජාතන්ත‍්‍රවාදීන් විසින් ලූහුබඳින මාවත වන, සංශෝධනවාදයේ මාවත, රජයන් සහ අධිරාජ්‍යවාදී රාජ්‍යයන් සමග සාමදාන වීමට සහ ඔවුන්ගේ සැලසුම් සාක්ෂාත් කර ගැනීමට, මහජන ව්‍යාපාර සහ කම්කරුවන් අතර විප්ලවීය මාවතට එරෙහිවෙයි.

ප‍්‍රතිසංස්කරණවාදයේ අර්බුදය හමුවේ, ජනතාව බෙදීමට කූට ප‍්‍රතිගාමී ජන නායකත්වයක් භාවිතා කරන සමාජ ප‍්‍රජාතන්ත‍්‍රවාදය සහ සංශෝධනවාදය, නව ජනතාවාදී පාර්ලිමේන්තු බලවේග, ජනතාව පාලක පංතියේ රථයන්ට ඇද ගනිමින් ධනේශ්වර පංතියේ සහ අධිරාජ්‍යවාදී රාජ්‍යයන් වල අභිලාශයන් ඉදිරියට ගෙනයයි. ජනතාවාදය, නව-නාසිවාදය සහ ෆැසිස්ට්වාදයට ඉන්ධන සපයනු ලබයි.

කොමියුනිස්ට්වාදීහු සහ අතිවිශාල නිර්ධන පංතිය ජනතාවගේ කැරලි විජයග‍්‍රාහී විප්ලවයන් කරා, අධිරාජ්‍යවාදය මගින් පෙලන රටවල්වල නව ප‍්‍රජාතන්ත‍්‍රවාදය හරහා සමාජවාදය දෙසට ගමන් කිරීමට, අධිරාජ්‍යවාදී රටවල්වල කොමියුනිස්ට්වාදය දෙසට ගමන් කරන සමාජවාදී සහ නිර්ධන පංති විප්ලවයන් බවට පත් කිරීමට වැඩ කළ යුතුය. ඒ ඒ රටවල විශේෂිත තත්ත්වයන්ට ආදේශ කළ මාක්ස්, ලෙනින් සහ මාඕගේ අදහස් මත පදනම් වූ කොමියුනිස්ට්වරු, නව සහ අව්‍යාජ විප්ලවීය කොමියුනිස්ට් පක්ෂ, සූරාකෑමට ලක්වන සියළු පීඩිත ජනතාව සහ නිර්ධනීන් විසින් මෙහෙයවනු ලබන එක්සත් පෙරමුණු, සටන් වදින බලඇණි සහ විප්ලවවාදී මහජන හමුදා බිහි කිරීම සහ සංවර්ධනය කිරීම සිදු කළ යුතුය.

ජනතාව සතුව මෙම ආයුධ පවතීනම් පමණක්, ඔවුන්ගේ වීරෝධාර සහ පරිත්‍යාගශීලී අරගලයට ජයගැනීමට හැකිවනු ඇත.

ලෝක පරිමාණයේදී, මාක්ස්වාදී-ලෙනින්වාදී-මාඕවාදී පක්ෂ විසින් නායකත්වය දෙනු ලබන මහජන යුද්ධ තීරණාත්මක සහ අත්‍යවශ්‍ය උපායික දර්ශකයන් වේ.

ඉන්දියාවේ මහජන යුද්ධය, කෙලින්ම අධිරාජ්‍යවාදයේ ප‍්‍රධාන අටල්ලකට සහ ලෝකය තුළ ප‍්‍රතික‍්‍රියාවකට බලපෑම් කරමින්, පිලිපීනය, පේරු, තුර්කි රාජ්‍යයන්වල මහජන යුද්ධ සමග බලසම්පන්න සමුද්දේශ ලක්ෂ්‍යයක් බවට පත්ව ඇත. අද ඔවුහු සුවිශේෂී ලෙස, නව සමාජයක් සහ නව බලයක් ඉදි කිරීම සඳහා සියළු ප‍්‍රතිගාමී බල ඇණිවල සහ අධිරාජ්‍යවාදයේ සූරාකෑම සහ මර්ධනය සහිත ක‍්‍රමයක් පෙරලා දමන ආකාරය පෙන්වා දෙයි.

මාක්ස්වාදී-ලෙනින්වාදී-මාඕවාදී කොමියුනිස්ට්වරු, ජාත්‍යන්තර කොමියුනිස්ට් ව්‍යාපාරයේ ශ්‍රේණීන් සංශෝධනවාදයෙන් සහ යටත්වීම්වාදී ප‍්‍රවණතාවයන්ගෙන් නිදහස් කරගෙන, එම විටම වඳ සුළු ධනේශ්වර විප්ලවවාදීත්වයට, පොතේගුරුවාදයට ඇද නොවැටී එක්සත්වීම සහ සිය එක්සත්වීම බලගැන්වීම සිදුකළ යුතුය.

බලය ලබා ගැනීම සඳහා වන අව්‍යාජ විප්ලවීය අරගලයක ක‍්‍රියාකාරීත්වයක් ලෙස, පංති අරගලයේ අග්නිය මැද ජනතාව සමග සමීප සම්බන්ධතාවයක් පවත්වා ගනිමින් පමණක් කොමියුනිස්ට් පක්ෂ ඉදිකිරීම සිදු කළ හැකිය.

කාල් මාක්ස්ගේ 200 වෙනි උපන්දින සංවත්සරයේ දී මාක්ස්වාදය-ලෙනින්වාදය-මාඕවාදය වූ කලී අපේ යුගයේ මාක්ස්වාදයයි!, හඬගා ප‍්‍රකාශ කළහ. එය සමස්ත ලෝකය පුරා සිටින කොමියුනිස්ට්වාදීන්ගේ සමගිය සඳහා වන මූලික පදනමයි.

‘‘සකල දේශවාසී නිර්ධනයිනි, සමගිවව්!’’ යන ශ්‍රේෂ්ඨ සටන්පාඨය මාක්ස් විසින් ඉදිරිපත් කොට ඇත. එය නිර්ධන පංති ජාත්‍යන්තරවාදයේ රතු ධජයයි. එය නව කොමියුනිස්ට් ජාත්‍යන්තරයක් ගොඩ නැගීම සඳහා වන ආයුධයයි.

කොමියුනිස්ට්වාදයේ අනාගතය අපගේ දෑත් මත රැඳී ඇත.

2018 මැයි 1

අත්සන් තබන ලද පක්ෂ සහ සංවිධාන

මාඕවාදී කොමියුනිස්ට් පක්ෂය ඉදිකිරීමේ කමිටුව, ගලීෂියාව, ස්පාඤ්ඤ රාජ්‍යය
ඇෆ්ගනිස්ථාන් කොමියුනිස්ට් මාඕවාදී පක්ෂය
නේපාල කොමියුනිස්ට් න්‍යෂ්ටිය
නේපාල කොමියුනිස්ට් පක්ෂය (විප්ලවීය මාඕවාදී)
ප‍්‍රජාතන්ත‍්‍රවාදය සහ පංති අරගලය, බි‍්‍රතාන්‍ය රාජ්‍යය
මාඕවාදී කොමියුනිස්ට් පක්ෂය – ඉතාලිය
මාඕවාදී කොමියුනිස්ට් පක්ෂය මනිපූර්
මාඕවාදී විප්ලවීය ලීගය – ශ‍්‍රී ලංකාව
කොමියුනිස්ට් කම්කරු සංවිධානය – ටියුනීසියාව
ඛදෙහිනස් පක්ෂය – ටියුනීසියාව
විප්ලවීය කොමියුනිස්ට් පක්ෂයය – කැනඩාව
කොමියුනිස්ට් කම්කරු සංගමය (මාක්ස්වාදී ලෙනින්වාදී මාඕවාදී) – කොලොම්බියාව
කම්කරු හඬ – මලයාසියාව
*ඉන්දියානු කොමියුනිස්ට් පක්ෂය (මාඕවාදී)

Advertisements

රතු, විප්ලවවාදී, ජාත්‍යන්තරවාදී මැයි දිනයක්!

රතු, විප්ලවවාදී, ජාත්‍යන්තරවාදී මැයි දිනයක්!

‘‘ඔක්තෝම්බර් විප්ලවයේ ධජය අපරාජිතයි!’’
-මාඕ සේතුං

මේ වර්ෂය ඔක්තෝම්බර් විප්ලවයට සියවසක් සපිරෙන වසරයි.  අධිරාජ්‍යවාදීහු, ප‍්‍රතිගාමීහු, සංශෝධනවාදීහු, සහ සියළු වර්ගයේ අවස්ථාවාදීහු පසුගිය වසරේ ශ්‍රේෂ්ඨ නිර්ධන පංති සංස්කෘතික විප්ලවයේ 50 වැනි සංවත්සරයට සිදු කළාක් මෙන් මේ සිදුවීම මකා දමන්නට, අප‍්‍රකට කරන්නට, අපකීර්තියට පත් කරන්නට සහ දුර්වර්ණ කරන්නට ප‍්‍රයත්න දරමින් සිටියි. ඔවුහු එසේ කරනුයේ මක්නිසාදයත් මෙම සිදුවීම් වලින් නිර්ධන පංතිකයින්ට සහ ජනතාව වෙතට පැමිණි ශ්‍රේෂ්ඨ පණිවිඩය වඩ වඩාත් විද්‍යාමාන වන බැවිණි. අධිරාජ්‍යවාදය, ධනවාදය, යුද්ධ, නිර්ධනීන් සහ පීඩිත ජනතාව සූරාකෑම පිටු දැකීමට නම් අපි නිර්ධනපංති විප්ලවය සිදු කළ යුතු වෙමු. සිය බලය, සිය රාජ්‍යය─නිර්ධන පංතියේ ආඥදායකත්වය─ඉදි කොට, කම්කරු පංතිය පාලක පංතියෙන් බලය ඩැහැගත යුතු අතර සමාජවාදය ඉදි කළ යුතුය; එය සෑම රටකම විප්ලවය සංවර්ධනය කොට පවත්වාගෙන යා යුතු අතර ලෝකය තුළ සියළු අධිරාජ්‍යවාදී යදම් පිටු දැකීමට ලෝක ව්‍යාප්ත කොමියුනිස්ට්වාදය දෙසට ගමන් කල යුතුය.

ලෙනින් ‘‘අධිරාජ්‍යවාදය ධනවාදයේ ඉහළම අවධියයි’’ යන සිය ශ්‍රේෂ්ඨ කෘතිය මගින් විශ්ලේෂණය කළ පරිදිම අධිරාජ්‍යවාදී ක‍්‍රමය පිළුණු වූ දිරාපත්වුණු ක‍්‍රමයකි; අධිරාජ්‍යවාදය සහ එහි රජයන්, සෑම අක්ෂාංශයකම ගැඹුරු ආර්ථික සහ මූල්‍ය, දේශපාලන සහ සමාජ අර්බුද තුළින් යමින්, සිය අර්බුද අභ්‍යන්තරව නිර්ධන පංතිකයින් සහ ජනතාව මතට මෙන්ම ජාත්‍යන්තරව පීඩිත ජනතාවට සහ ජාතීන් මත පටවනු ලැබේ. අධිරාජ්‍යවාදය යනු, ආර්ථික යුද්ධයයි, ලෝකයේ නව බෙදීමක් ඇති කිරීම සඳහා වන ආක‍්‍රමණකාරී සහ කොල්ලකාරී යුද්ධයයි. අධිරාජ්‍යවාදය යනු ප‍්‍රතිගාමීත්වය සහ ෆැසිස්ට්වාදයයි. අධිරාජ්‍යවාදය ධනවාදයේ අවසන් අදියර වන අතර සෑම දිනයක් පාසාම එය පෙරළා දැමීමේ අවශ්‍යතාවය පෙන්වයි. අන්න එමනිසා වෙන කවරදාකටත් වඩා ලෙනින්ගේ පණිවිඩය සහ ඔක්තෝම්බර් විප්ලවය වඩාත් ජීවමාන වේ!

එක්සත් ජනපදය තුළ, ශක්තිමත්ම අධිරාජ්‍යවාදය යටතේ, ට‍්‍රම්ප්ගේ ජයග‍්‍රහණය යැංකි අධිරාජ්‍යවාදයේ අර්බුදය පරාවර්තනය කරයි.  එය හඬ නගමින් ආර්ථික යුද්ධ, හමුදා පාලනයන්, භූගෝලීය උපායික පෙදෙස් පාලනය කිරීම් වලින් ඉවත් වීම, ලෝකයේ වෙනස් යුධ වේදිකාවන් තුළ මිත‍්‍රකම් ගොඩනගා ගැනීම නැවත අර්ථ දක්වයි. ට‍්‍රම්ප්ගේ ජයග‍්‍රහණය ‘‘ඇමරිකානු ප‍්‍රජාතන්ත‍්‍රවාදය’’ ලෙස හඳුන්වන අසභ්‍යත්වය පෙන්වා දෙයි: බලයේ සිටින ෆැසිස්ට්වාදී බිලියනපතියා, අභ්‍යන්තරව දිළිඳු ජනතාවට සහ ජාත්‍යන්තරව පීඩිත ජනතාවට එරෙහිව යුද්ධයක නිරත වෙයි. ට‍්‍රම්ප්ගේ ජයග‍්‍රහණය, සියළු අධිරාජ්‍යවාදී රටවල්වල, ප‍්‍රතික‍්‍රියාව, පොලිස් රාජ්‍ය, හමුදාකරණය, ස්ථීර හදිසි නීති තත්ත්වය සහ නිර්ධන පංතිකයින්ට එරෙහි අභ්‍යන්තර යුද්ධ, කාන්තා අයිතිවාසිකම්, අප‍්‍රිකානු ඇමෙරිකානු ජනතාවට එරෙහිවීම, සංක‍්‍රමණිකයින්ට එරෙහිව වැට බැඳීම සහ නෙරපීම, මුස්ලිම්වරුන්ට සහ අරාබිවරුන්ට එරෙහිවීම, පාසැල්වල, විශ්ව විද්‍යාලවල, මාධ්‍ය ආයතන, සංස්කෘතික, කලා යන ඒවායෙහි කුමන විදියේ හෝ ප‍්‍රතිශීලී අදහස්වලට එරෙහිවීම පෝෂණය කරයි.

එක්සත් ජනපද අධිරාජ්‍යවාදයේ නව ආක‍්‍රමණකාරී අවධිය පරමාණුක සුපිරි බලවතෙක් වන, රුසියන් අධිරාජ්‍යවාදය, නව සමාජ-අධිරාජ්‍යවාදී බලවතෙක් වන චීනය; සහ දැනට ජර්මන් ආධිපත්‍යය යටතේ පවතින අධිරාජ්‍යවාදී යුරෝපයේ රටවල් සමග ඇති අන්තර්-අධිරාජ්‍යවාදී ප‍්‍රතිවිරෝධයන් තියුණු කරයි. වෙළඳපොළ බෙදාගැනීමට සහ බලශක්ති සම්පත් පාලනයට සටන් කිරීම සඳහා අධිරාජ්‍යවාදී රටවල් අතර ඇති ගෝලීය ගැටුම ලෝකය පුරා ආක‍්‍රමණකාරී සහ ප‍්‍රතිගාමී යුද්ධ, මරණය පැතිරවීම, ජනසංහාර සහ විනාශයන් උත්පාදනය කිරීම සහ පෝෂණය කිරීම සිදු කරයි.

ලෝකයේ සෑම මුල්ලකම ආක‍්‍රමණකාරී අධිරාජ්‍යවාදී යුද්ධ දැවැන්ත සංක‍්‍රමණික රැල්ලක් නංවනු ඇත! අධිරාජ්‍යවාදී යුද්ධවල මිලේච්ඡත්වය‘‘සිය නිවස්නටම පැමිණෙමින් තිබෙන’’ අතර මේ යුද්ධ අධිරාජ්‍යවාදී බලකොටුවල හදවත තුළට පවා පැමිණ අධිරාජ්‍යවාදී රටවල් තුළම වීදිවල ලේ වගුරුවයි!

සියළුම අධිරාජ්‍යවාදී රටවල් තුළ, ලෝකයේ හාම්පුතුන් වන රාජ්‍යයන් සහ රජයන්, අර්බුද, පීඩනය සහ මර්ධනය මගින් වඩ වඩාත් සටන් කිරීමට සහ කැරලි ගැසීමට තල්ලූ කරනු ලැබෙන නිර්ධන පංතිකයින් සහ ජනතාවට එරෙහි අභ්‍යන්තර යුද්ධයක් වර්ධනය කරයි.

අධිරාජ්‍යවාදීන් විසින් පීඩනයට ලක් කරන රටවල්වල, නිර්ධන පංතිය සහ පීඩිත ජනතාව අධිරාජ්‍ය-විරෝධී සහ ජාතික විමුක්ති අරගල තීව‍්‍ර කරයි; විශේෂයෙන්ම අපි පලස්තීන සහ අරාබි ජනතාව යුදෙව්වාදී රාජ්‍යයට සහ අධිරාජ්‍යවාදයට එරෙහිව සිදු කරන අරගලයට සහ මහජන යුද්ධයට සහය දිය යුතු වෙමු. ඉන්දියාවේ සිට පිලිපීනය දක්වා, තුර්කියේ සිට පේරුව දක්වා, මාක්ස්වාදී-ලෙනින්වාදී-මාඕවාදී පක්ෂ විසින් නායකත්වය දෙනු ලබන මහජන යුද්ධ වූ කලී අධිරාජ්‍යවාදයෙන්, ප‍්‍රතිගාමී රාජ්‍ය පාලනයන්ගෙන් නිදහස් වීමට සහ නව ප‍්‍රජාතන්ත‍්‍රවාදී රාජ්‍යයන් ඉදි කොට, සමාජවාදය දෙසට ගමන් කිරීමට ඇති මාවත සඳහා නිර්දේශයක් වේ. ඉන්දියාවේ මහජන යුද්ධය, අද ‘නක්සල්බාරි නැගීටීමේ’ 50 වෙනි සංවත්සරය සමරමින්  ජනසංහාර, හරිත දඩයම් මෙහෙයුම, මාඕවාදීන්ට, ආදිවාසී ජනතාවට, ප‍්‍රජාතන්ත‍්‍රවාදීන්ට සහ විප්ලවීය බුද්ධිමතුන්ට සහ ශිෂ්‍යයන්ට, කම්කරුවන්ට, ගොවියන්ට, කාන්තා අරගලවලට, සුළු ජාතීන්ට එරෙහි මර්ධනයට විරුද්ධව සටන් කරන මේ මාවත විවර කොට ඇත; මහජන යුද්ධය සහ ජනතාවගේ විමුක්ති අරගලය කිසිවකුට නැවැත්විය නොහැකිවා මෙන්ම ජාත්‍යන්තර සහයෝගයද කිසිවෙකුට නැවැත්විය නොහැකි බව එය පෙන්වා දෙයි.

සංශෝධනවාදයට සහ අවස්ථාවාදයට එරෙහිව අප සටන් නොකරන්නේනම් අධිරාජ්‍යවාදයට එරෙහිව සහ උන්ගේ රජයන්ට එරෙහිව අපට සටන් කළ නොහැකි බව ඔක්තෝම්බර් විප්ලවය සහ ශ්‍රේෂ්ඨ ලෙනින් පෙන්වා දී ඇත.

විප්ලවය සඳහා වාස්තවික තත්ත්වය හිතකර තත්ත්වයක පවතී, මක්නිසාදයත් එය ලෝකයේ ප‍්‍රධාන ප‍්‍රවණතාවය වන බැවිණි. සියළු සමාජප‍්‍රජාතන්ත‍්‍රවාදී බලවේග, කලින් ‘කොමියුනිස්ට්’ පක්ෂ සංශෝධනවාදීන් සහ ප‍්‍රතිසංස්කරණවාදීන් බවට පත්ව ඇත; ඔවුහු ජනතාව අතර ගෞරවය අහිමි කර ගෙන, ජනතාවගේ ජීවන තත්වයන් සහ වැඩ කිරීමේ තත්ත්වයන් ආරක්ෂා කිරීමට, අධිරාජ්‍යවාදයට, යුද්ධයට, ෆැසිස්ට්වාදයට සහ පොලිස් රාජ්‍යයට එරෙහි වීමේදී පලක් නැති උපකරණ බවට පත්වී ඇති බව තහවුරු කොට ඇත. මෙම බලවේග වල අර්බුද හැරුණු කොට, ජනතාවාදී ප‍්‍රතිගාමී ප‍්‍රවණතාවයන් සහ මූලධර්මවාදී ප‍්‍රතිගාමී ව්‍යාපාරයන් වල නැගීම ගැන අපි සාක්ෂි කරුවන් වෙමින් සිටිමු. ඔවුහු ජනතාව බෙදීමට ලක් කොට ඔවුන් මේ හෝ අනෙක් අධිරාජ්‍යවාදී රථයට බැඳ තබාගැනීමට කටයුතු කරයි. අවසානයේදී අධිරාජ්‍යවාදයේ වඩාත්ම ප‍්‍රතිගාමී කොටස්, ධනේශ්වර පංතිය සහ රාජ්‍යයන් ඔවුන්ට සේවය කරනු ඇත. නිර්ධනීහු සහ ජනතාව, ඔවුන්ව නිරායුධ කරන, පාර්ලිමේන්තු මායාව සහ සාමකාමී මාවත දැඩි ලෙසම ප‍්‍රතික්ෂේප කොට ධෛර්ය සම්පන්න ලෙස විප්ලවීය මාවතට සේන්දු විය යුතුය.

විප්ලවය සාක්ෂාත් කර ගැනීමට තිබෙන උසස්තම ආකාරය මහජන යුද්ධයයි; අන්න එම නිසා සෑම රටකම සුවිශේෂී තත්ත්වයන්ට ආදේශ කරමින් මේ වන විටත් මහජන යුද්ධය ආරම්භ කොට තිබෙන සියළු රටවල්වලට සහ ඒ සඳහා මුල පිරීමට සූදානම් වන අනෙක් සියළු රටවල්වලටත් අපි සහය ලබා දිය යුතු වෙමු. කම්කරු පංතියේ ඉදිරි පෙරමුණ සහ සමස්ත ජනතාවගේ නායකත්ව අරටුව බවට පත්වන, අව්‍යාජ කොමියුනිස්ට් පක්ෂ ඉදිකිරීම අවශ්‍ය කර තිබේ. විප්ලවවාදී විද්‍යාව වන මාක්ස්වාදය-ලෙනින්වාදය-මාඕවාදය මත පදනම්ව, කොමියුනිස්ට් පක්ෂ ජනතාව සමග සමීප සම්බන්ධකම් පවත්වමින් පංති අරගලයට ගිනි අවුළුවමින්, මහජන යුද්ධය ආරම්භ කිරීමට සහ වර්ධනය කිරීමට යථා තත්ත්වයට ආදේශ කළ යුතුය. කොමියුනිස්ට් පක්ෂ විසින් සූරාකෑමට ලක්වන ජනතාවගේ, අධිරාජ්‍යවාදය මගින් පීඩනයට ලක් කරන සියළුම ඒකක වල  එක්සත් පෙරමුණු ඉදි කළ යුතු අතර දේශපාලන සහ යුධමය ආධිපත්‍යය පිහිටුවීමට අනුරූපව, අවශ්‍ය කරන උපාය මාර්ගයන් දියුණු කළ යුතුය.

අධිරාජ්‍යවාදී රටවල් තුළ, කොමියුනිස්ට් පක්ෂ නව සංක‍්‍රමණික නිර්ධනයින් සමග මුහු වෙමින් අධික සූරාකෑමට, වහල්භාවයට, වර්ගවාදයට එරෙහි ඔවුන්ගේ අරගලවල පෙරමුණු භූමිකාව රඟ දැක්විය යුතුය. කොමියුනිස්ට් පක්ෂ තරුණ අරගල සහ විප්ලවය සඳහා බලසම්පන්න බලවේගයක් වන කාන්තා අරගල සමග පෙල ගැසීම සහ ඒවා සංවිධානය කිරීම කළ යුතුය. ඔවුහු ප‍්‍රහාරයන්ට ලක්වුණු ජාතීන් හි ජනතාවන් ගේ පස දැඩි ලෙස ගනිමින්, නිර්ධන පංතිකයින්ගේ සහ පීඩිත ජනතාවන්ගේ ප‍්‍රධාන සතුරා ලෙස සලකමින් තමන්ගේ අධිරාජ්‍යවාදීන් සමග සටන් කළ යුතුය. අද විශේෂයෙන්ම අපි ඇෆ්ගනිස්ථානයේ අධිරාජ්‍යවාදී අත්පත් කර ගැනීමට, සිරියාවට එරෙහි අධිරාජ්‍යවාදී ආක‍්‍රමණයට එරෙහිව සහ උතුරු කොරියාවට එරෙහි න්‍යෂ්ටික තර්ජනයට එරෙහිව සටන් කළ යුතු වෙමු. මහජන යුද්ධයෙන් අධිරාජ්‍යවාදී යුද්ධවලට එරෙහිවීමට රතු හමුදාවේ න්‍යෂ්ටියක් ලෙස සටන් කරන බලවේග ඉදිකොට කොමියුනිස්ට් පක්ෂ විසින්ම සූදානම් වීමේ අවශ්‍යතාවය අධිරාජ්‍යවාදී යුද්ධ සහ ධනේශ්වර පංතියේ ප‍්‍රතිගාමී ආඥදායකත්වය විසින් රැගෙනවිත් තිබේ.

ජනසංහාරක ප‍්‍රතිපත්ති හැරුණු කොට, මහජන යුද්ධවලට, සාමසාකච්ඡා නැමැති උගුල් වලට මුහුණ දීමට ද සිදුවෙයි. එය උපායික ප‍්‍රහාරයන්ගේ දැක්මෙන් ශක්තිය සහ තහවුරු කර ගැනීම වර්ධනය කර ගැනීම සඳහා මහජන යුද්ධවල නියැලීමෙන් ඈත් කොට තබමින්, ඒවා වෙනතකට හරවන්නට, බෙදීම් ඇති කොට වනසා දමන්නට, යටත්වීම කරා මෙහෙයවන්නට ඉඩ සලසයි.

ජාත්‍යන්තරවාදය යනු පොදු සතුරාට එදිරිව ලෝකයේ නිර්ධන පංතිකයින් සහ පීඩිත ජනතාව අතර සමගියයි.

ජාත්‍යන්තරවාදය යනු ‘‘- මුළු හදවතින්ම සිය රටවල්වල විප්ලවීය ව්‍යාපාරයේ වර්ධනයට සහ විප්ලවීය අරගලයට වැඩ කිරීම සහ, කිසිදු පැකිලීමකින් තොරව සෑම රටකම මේ අරගලයට, මෙම මාවතට පමණක් සහය දීමයි (ප‍්‍රචාරක කටයුතු වලින්, අනුග‍්‍රහය දැක්වීමෙන්, සහ ද්‍රව්‍යමය ආධාර වලින්).’’ – ලෙනින්

ජාත්‍යන්තරවාදය යනු කොමියුනිස්ට්වරුන්ගේ වත්මන් ගැටළු අමතන, ජාත්‍යන්තර කොමියුනිස්ට් ව්‍යාපාරයේ පොදු මාවත දෙසට සහ නව කොමියුනිස්ට් ජාත්‍යන්තරයක් වෙතට ගමන් කළ හැති, නව ජාත්‍යන්තර සංවිධානයක් ගොඩ නැගීමයි.

ශ්‍රේෂ්ඨ ඔක්තෝම්බර් විප්ලවයේ ශත සංවත්සරය දිගුකල් දිනේවා!
අධිරාජ්‍යවාදයට විනාශය! සමස්ත ලෝකය පුරාම දිග්ගැස්සුණු මහජන යුද්ධ උදෙසා ඉදිරියට යමු!
ලෝකයේ නිර්ධනීන් සහ පීඩිත ජනතාවගේ අරගල දිගුකල් දිනේවා!
නිර්ධන පංති ජාත්‍යන්තරවාදය දිගුකල් දිනේවා!
රතු සහ සමාජවාදී අනාගතයක් උදෙසා, කොමියුනිස්ට්වාදය ට පෙළ ගැසෙමු!

අත්සන් කරුවන්ගේ ලැයිස්තුව:

ඉරාන මාඕවාදී සමූහය
මාඕවාදී කොමියුනිස්ට් පක්ෂය ඉදිකිරීමේ කමිටුව, ගලීෂියාව, ස්පාඤ්ඤ රාජ්‍යය
ඇෆ්ගනිස්ථාන් කොමියුනිස්ට් මාඕවාදී පක්ෂය
සර්බියානු කොමියුනිස්ට් ව්‍යාපාරය
නේපාල කොමියුනිස්ට් න්‍යෂ්ටිය
බ‍්‍රසීල කොමියුනිස්ට් පක්ෂය රතු ඛණ්ඩය
ඉන්දියානු කොමියුනිස්ට් පක්ෂය මාඕවාදී
නේපාල කොමියුනිස්ට් පක්ෂය (විප්ලවීය මාඕවාදී)
ප‍්‍රජාතන්ත‍්‍රවාදය සහ පංති අරගලය, බි‍්‍රතාන්‍ය රාජ්‍යය
පංති ස්ථාවරය, සංස්කාරක මණ්ඩලය, ජර්මනිය
මාඕවාදී කොමියුනිස්ට් ව්‍යාපාරය ටියුනීසියාව
මාඕවාදී කොමියුනිස්ට් පක්ෂය – ප‍්‍රංශය
මාඕවාදී කොමියුනිස්ට් පක්ෂය – ඉතාලිය
මාඕවාදී කොමියුනිස්ට් පක්ෂය මනිපූර්
මාඕවාදී විප්ලවීය ලීගය – ශ‍්‍රී ලංකාව
කොමියුනිස්ට් කම්කරු සංවිධානය – ටියුනීසියාව
ඛදෙහිනස් (khadéhines) පක්ෂය – ටියුනීසියාව
විප්ලවීය කොමියුනිස්ට් පක්ෂය (ඛ්‍යුබෙක් දිස්ත‍්‍රික්කය)
විප්ලවීය කොමියුනිස්ට් පක්‍ෂය ( PCR-RCP කැනඩාව)
විප්ලවීය භාවිතාව – මහා බි‍්‍රතාන්‍ය
කොමියුනිස්ට් කම්කරු සංගමය (මාක්ස්වාදී-ලෙනින්වාදී-මාඕවාදී) – කොලොම්බියාව
කම්කරු හඬ – මලයාසියාව
කොරියන්ටේ ඩෙල් පුඑබ්ලෝ සොල් රෝජෝ ඔසාකා – මෙක්සිකෝව *

 

* මැයි 1 දිනයට පසුව එකතු කරන ලද අත්සනකි

 

ඒකාබද්ධ මැයි දින ප‍්‍රකාශනය 2014 මැයි 1

ඒකාබද්ධ මැයි දින ප‍්‍රකාශනය

2014 මැයි 1

තවත් මැයි දිනයක් පැමිණේ…

අධිරාජ්‍යවාදී ක‍්‍රමයේ දිග්ගැස්සණු අර්බුදයන්ගෙන් බිලියන ගණන් ජනතාව පීඩාවට පත්කරන කාලකණ්ණිකම සහ දුෂ්කරතාවයන් අතිශයන්ම උග‍්‍ර කරන ලද ලෝකයක, තවත් මැයි දිනයක් පැමිණේ. දශ ලක්‍ෂ ගණන් රැකියාවලින් පලවා හැර තිබේ. සමාජ ආරක්‍ෂාව අඩු කොට ඇත. මිළ වැඩි වීම තවදුරටත් සම්මත ජීවන තත්වයන් අඩු කරයි. වෛද්‍ය ප‍්‍රතිකාර සහ උසස් අධ්‍යාපනය දුෂ්ට ලෙස මිළ වැඩි තත්වයට පත් වී ඇත. ඒ අතර මේ සිත් පිත් නැති ක‍්‍රමයේ අපරාධකරුවෝ පිළිකුල් සහගත ලෙස විදහාපාන ඔවුන්ගේ වර්ධනය වන ධනය සහ බිලියනපතියන්ගේ ලැයිස්තු ගැන වන පුරසාරම් දෙඞීම යන සියල්ල අතරතුර, වඩාත් කුරිරු ජනතා විරෝධී ක‍්‍රමවේදයන් පවා සාදයි.

වහලලුන් ලෙස වැඩකිරීමට සංක‍්‍රමණික කම්කරුවන්ට බලකෙරෙන්නේ කොතැනකද, ළමා සහ කාන්තා ජාවාරම් අතිවිශාල අනුපාතයකින් වැඩි වීමට පටන් ගෙන තිබෙන්නේ කොතැනකද, ‘පසුගාමී’ ඇෆ්ගනිස්ථානයේ හෝ ‘සංවර්ධිත’ ඇමෙරිකාවේ හෝ වෙනසක් නැතිව කාන්තාවන් දූෂණය කිරීම සහ මරා දැමීමේ කෲරත්වයෙන් පෙලීම දිගටම සිදුවන්නේ කොතැනකද, සුළු ජාතීන් හුදෙකලා කොට පීඩනයට ලක්කොට තිබෙන්නේ කොතැනකද, තරුණයින් දඩයම් කරනු ලබන සහ හිංසා කිරීමට ලක් කරන්නේ කොතැනකද, අඩුම තරමින් සාධාරණ වැටුපක් සහ ජීවන තත්වය උදෙසා වන ඉල්ලීම් වෙඩි උණ්ඩවලින් සහ සිරගත කිරීම්වලින් කපා දැමෙන්නේ කොතැනකද, තවත් මැයි දිනයක් එළඹ තිබේ.

ලාභය පිණිස සිදුකරන අන්ධ ලුහුබැඳයාම් නිසා සිදුවන පරිසර විනාශයන් මධ්‍යයේ, සෑම සමාජයක් තුළම සහ පීඩිත සහ අධිරාජ්‍යවාදී රටවල් අතර අසමානතාවයේ විවරය වේගයෙන් පළල් වෙන අතරවාරයේ, තවත් මැයි දිනයක් එළඹ තිබේ.

මර්ධනය සහ සූරාකෑම ප‍්‍රතිරෝධයන් උත්පාදනය කරයි. එමෙන්ම මේ ප‍්‍රතිරෝධයන් වර්ධනය කරයි. රටකට පසු රටක් වශයෙන් පංති අරගල සහ ජනතා කැරලි වල වර්ධනය වන රැල්ලට මේ ලෝකය සාක්‍ෂි දරයි. මේ ප‍්‍රචණ්ඩ කැළඹිලි වල ලෝකයයි. පුළුල් පරාසයක බලවේගයන් ක‍්‍රමයට එරෙහි අරගලය තුළට තල්ලූ කෙරෙමින් තිබේ. වීදි තුළ කලහකාරීත්වය නව සමාජයක් ඉදි කිරීම උදෙසා, රැඩිකල් කඩා බිඳගෙන යෑමකට ප‍්‍රමාණවත් නොවන බවට කිසිදු සැකයක් නැත. එනමුදු එය සමස්ත නව පරපුරක් සමගම සම්බන්ධ වෙමින් කොමියුනිස්ට්වාදයේ විප්ලවීය මෙහෙයුමට ඔවුන් දිනාගනිමින් අතිවිශාල අවස්ථාවන් විවර කරයි. එය විප්ලවයට මග පාදයි. මෙය මූලධර්මයකි. එය දැඩි ලෙස ග‍්‍රහණය කළ යුතුමය.

දශකයකට පෙර හෝ ඊට කලකට පෙර, නිර්ධන පංතියේ පැවැත්ම ප‍්‍රශ්න කිරීමට ලක් වූහ. පංති අරගලය අනවශ්‍ය බව ප‍්‍රකාශ කෙරුණු අතර ඒ වෙනුවට මහජන ව්‍යාපාර ආදේශ කළ යුතු බව සලකනු ලැබිණි. ඉන්දියාව සහ චීනය වැනි රටවල් පමණක් නොව, තව තවත් අධිරාජ්‍යවාදී බලකඳවුරු වල පවා නැවත නැවතත් වූ සටන්කාමී කම්කරු අරගල අවස්ථාවන් අද ලෝකය පරීක්‍ෂාවට ලක් කොට ඇත. මේ සඳහා සෑම හේතුවක්ම ඇත. 21 වැනි ශත වර්ෂයේ තාක්‍ෂණික ආශ්චර්යයන් ගැන වූ පුරසාරම් කෙසේ වෙතත්, බංගලාදේශයේ ඇඟලලුම් කර්මාන්තවල මිනීමරු බිම් තුළ, කටාර්හි වහල් ශ‍්‍රම කඳවුරු තුළ, චීනයේ ශ‍්‍රම බැරැක්ක තුළ හො අධිරාජ්‍යවාදී රටවල දැඩි ලෙස වැඩෙහි යොදවන වැඩ පළවල්වල, අතිවිශාල නිර්ධන පංතිකයින් ප‍්‍රමාණයකගේ තත්ත්වය 18 වැනි ශතවර්ෂයේ මෙන් කුරිරු වේ. ඒ අතරම, පැහැදිලි ලෙසම පාලනයේ මර්ධන ක‍්‍රමවේදයන් සහ වෙන කවරදාකටත් වඩා වැටුප් ශ‍්‍රමයේ නවීන මධ්‍යස්ථාන තුළ වැඩ ප‍්‍රමාණයන් වල වැඩි වීම නිර්ධනීන්ගේ හුස්ම හිර කරයි.

විවිධ මානයන්ගෙන්, ගෝලීයකරණයේ කොල්ලකෑම පීඩිත රටවල ගැඹුරින් සටහන් වී තිබේ. පුද්ගලීකරණය සහ නිදහස්වාදය සේවා නියුක්තියේ සමස්ත අංශ සහ කුඩා ව්‍යාපාර අතුගා දමා තිබේ. හැමවිටම අයහපත්, වැඩ කිරීමේ තත්ත්වය, දැරිය නොහැකි වී තිබේ. මෙය ගෝලීය අර්බුදයෙන් උග‍්‍ර කොට තිබේ. අති බහුතරයකගේ ජීවන තත්ත්වය නරක අතට හැරීමට ප‍්‍රතිලෝමව සමානුපාතිකව, පාලකයින් විසින් පැහැරගන්නා ලද අල්ලස් සහ ලාභ අභ්‍යවකාශයේ මුදුනටම ළඟා වී ඇත. ජනතාවගේ දු:ක්ඛිත බව වැඩිවෙන අතරවාරයේ, ඔවුන් ලබා ගන්නා විසල් කප්පාදු කිරීම් ගැන ඇස් හෙළමින් පාලකයෝ මුරණ්ඩු ලෙස දැවැන්ත ව්‍යාපෘති පසුපස හඹායති.

මේ සියල්ලටම යටින් නැවත නැවත සිදුවන කැරලි වල පිපිරීම් ඇති බව ලෝකය තුළ දක්නට ලැබේ. වෙළඳ ව්‍යාපාර සාමාන්‍ය ලෙස ගමන් නොකරයි. නියත අර්ථයෙන් මෙය අධිරාජ්‍යවාදීන්ට සහ උන්ගේ ගැත්තන්ටද සත්‍ය වේ. ඔවුන්ගේ වර්ධනය වන පොරය සෑහෙන පරිදි මෙය පෙන්වාදෙයි.

විප්ලවය සඳහා, කොමියුනිස්ට්වාදය සඳහා හඬගාන ලොකයක් තුළ, තවත් මැයි දිනයක් පැමිණේ; පංති විඥත නිර්ධනීන්ට සහ ඔවුන්ගේ පෙරමුණු බලඇණියට, මාඕවාදීන්ට, නිර්ධන පංතිකයින්ගේ ලෝකය පරිවර්තනය කිරීමේ මෙහෙයුමේ සහ නිර්ධන පංති ජාත්‍යන්තරවාදයේ ශ්‍රේෂ්ඨ සම්ප‍්‍රදායේ ග‍්‍රාහකය අල්ල ගැනීම උදෙසා වූ තවත් දිනයකි.

අද ලෝකයේ කිසිම තැනක සමාජවාදී රටක් නොමැත. පුළුල් වශයෙන් ප‍්‍රගතිශීලී වූ හෝ ජනතාවාදී වූ රජයක් පවා නොමැත. අතිමහත් දෙයක් කිරීමට තිබේ. එනමුදු නිර්ධනීන්ගේ ලෝකය නිදහස් කර ගැනීමේ මෙහෙයුම නොනවත්වා කරගෙන යෑමට ශක්තිය සහ විශ්වාසය ලබා දෙන සාධකද පවතී – මාක්ස්වාදය-ලෙනින්වාදය-මාඕවාදය හි පැහැදිලි බව සහ ප‍්‍රචණ්ඩා-බට්ටරායි කල්ලිය සහ එවේකියන්වාදය ඇතුළු සියළු පැහැයන්ගෙන් යුත් සංශෝධනවාදයට එරෙහි අරගලය ගැඹුරු වීම, ලෝකය පුරා දක්නට ලැබෙන අරගල රැල්ල, ඉන්දියාවේ සහ පිලිපීනයේ මහජන යුද්ධ සහ අනෙකුත් සමහර රටවල්වල ප‍්‍රතිසංවිධානය වීම් සහ සූදානම් වීම්, ජාත්‍යන්තරවාදී බැම්ම සහ මාඕවාදී පක්‍ෂ සහ සංවිධාන අතර ක‍්‍රියාකාරකම් ශක්තිමත් වීම.

මේ ශක්තීන් මත කරන ගොඩනැගීමෙන්, මාඕවාදීහු වීදි තුළ කැරලිකාරී ශක්තිය විප්ලවය දෙසට දැමීමේ දිශානතිය සඳහා සුදුසු සංවිධාන ආකරයන්, එහි මධ්‍යය ලෙස මාඕවාදී පක්‍ෂ ඉදිකිරීමෙන් සහ ශක්තිමත් කිරීමෙන් නිර්මාණාත්මකව සංවර්ධනය කළ යුතුය. ඔවුහු මාඕවාදී පක්‍ෂ සහ සංවිධානවල ජාත්‍යන්තර සංවිධානය සෑදීමේ කාර්යභාරය ඔසවා ගත යුතුයි. මෙය නිර්ධන පංතිකයින්ගේ සහ පීඩිත ජනතාවගේ සංවිධිත ජාත්‍යන්තර අධිරාජ්‍ය-විරෝධී පෙරමුණේ හරය විය යුතුයි. මෙලෙස මාඕවාදීන්ට, ජාත්‍යන්තර කොමියුනිස්ට් ව්‍යාපාරයේ නව සමගියක් සාක්‍ෂාත් කරගෙන, එය ලෝක ව්‍යාප්ත ජනතා අරගලවල පෙරමුණු රියෙහි තබා වත්මන් ලෝකයට විප්ලවීය විභවය මුළුමනින්ම මුදාහැර කුළු ගන්වා, මාක්ස්වාදය-ලෙනින්වාදය-මාඕවාදය පිහිටුවීමට සහ වර්ධනය කිරීමට හැකිවිය යුතුයි.

අධිරාජ්‍යවාදයට අනාගතයක් නැත! අනාගතය කොමියුනිස්ට්වාදය සතුය!

සියළු රටවල නිර්ධන පංතිකයින් සහ පීඩිත ජනතාව, සමගිවව්!

අධිරාජ්‍යවාදය සහ එහි මුර බල්ලන් භංගවේවා!

නිර්ධන පංති ජාත්‍යන්තරවාදය දිගුකල් දිනේවා!

ලෝක නිර්ධන පංති විප්ලවය දිගුකල් දිනේවා!

මාඕවාදී කොමියුනිස්ට් පක්‍ෂය ඉදිකිරීමේ කමිටුව, ගලීෂියාව – ස්පාඤ්ඤ ජනරජය
ඇෆ්ගනිස්ථානයේ කොමියුනිස්ට් (මාඕවාදී) පක්‍ෂය;
ඉන්දියානු කොමියුනිස්ට් පක්‍ෂය (මාක්ස්-ලෙනින්වාදී) නක්සල්බාරි;
මාඕවාදී ඉන්දියානු කොමියුනිස්ට් පක්‍ෂය
ප‍්‍රජාතන්ත‍්‍රවාදය සහ පංති අරගලය – බි‍්‍රතාන්‍ය රාජ්‍ය
මහා කැළඹීම WSRP – වේල්සය බි‍්‍රතාන්‍ය රාජ්‍යය
කොමියුනිස්ට්වාදය දෙසට මහා පාගමන (මැඩ්රිඩ්, ස්පාඤ්ඤය);
මාඕවාදී කොමියුනිස්ට් කණ්ඩායම – එක්සත් ජනපදය
මාඕවාදී කොමියුනිස්ට් ව්‍යාපාරය ටියුනීසියාව
මාඕවාදී කොමියුනිස්ට් පක්‍ෂය-ප‍්‍රංශය;
මාඕවාදී කොමියුනිස්ට් පක්‍ෂය-ඉතාලිය;
මාඕවාදී කොමියුනිස්ට් පක්‍ෂය – තුර්කිය උතුරු කුර්දිස්ථාන්
මාඕවාදී විප්ලවීය ලීගය – ශ්‍රී ලංකාව
විප්ලවීය කොමියුනිස්ට් පක්‍ෂය (PCR-RCP කැනඩාව)
විප්ලවීය භාවිතාව – එක්සත් රාජධානිය
ජනතාවට සේවය කරනු – නොර්වේ කොමියුනිස්ට් ලීගය
කම්කරු හඬ – මලයාසියාව
ජනතාවට සේවය කරනු – ෂෙයිසායු
සොරෙල්හ් – ඔක්සිටානි – ප‍්‍රංශ රාජ්‍යය;

https://liberationbase.wordpress.com

slradical@ymail.com

තවත් මැයි දිනයක් කරා

තවත් මැයි දිනයක් කරා

මාඕවාදය ක‍්‍රියාකාරීත්වයේ

අධිරාජ්‍යවාදයට, සංශෝධනවාදයට සහ සියළු වර්ගයේ අවස්ථාවාදයන්ට එරෙහිව!

2010-2011-2012-2013 ඒකාබද්ධ ප‍්‍රකාශන වලට පසුව,

විප්ලවීය ජාත්‍යන්තරවාදී ව්‍යාපාරය (RIM) බිඳ වැටීමෙන් පසු  මාක්ස්වාදී ලෙනින්වාදී මාඕවාදී පක්‍ෂ සහ සංවිධානවල නව ඒකාබද්ධ ප‍්‍රකාශනයකට පැමිණ තිබේ!

පිටපත් මිලියනයක් ලොව පුරා….

 

ABar-11

ඒකාබද්ධ මැයි ප‍්‍රකාශනය 2013

ඒකාබද්ධ මැයි ප‍්‍රකාශනය 2013

මහ ජනතාවට ධනවාදී, අධිරාජ්‍යවාදී රජයන් සහ ඒවාට කඹුරන රජයන් පෙරලා දැමීමට අවශ්‍යයි!
විප්ලවයට පෙළ ගැසීම සඳහා නිර්ධනීන්ට සමගිය අවශ්‍යයි!
ලෝක නිර්ධන පංති විප්ලවය උදෙසා මහජන යුද්ධ දියුණු කිරීමට සහ අධිරාජ්‍ය විරෝධී අරගල වලට කොමියුනිස්ට්වරු සහය දෙති!

අධිරාජ්‍යවාදය ‘‘ධනවාදයේ ඉහළම අවධියයි’’ – එය ‘‘පරපෝෂිත සහ නටඹුන් වන’’ අවධියකි (ලෙනින්, අධිරාජ්‍යවාදය, ධනවාදයේ ඉහළම අවධියයි). හැකි ඉක්මනින් එය වළලා දැමීමට දැන් කාලය එළඹ තිබේ. ධනවාදයේ අර්බුද වූ කලී වේදනාව පුපුරු ගස්වන නිදන්ගත රෝගයකි. එය එහි විනාශය සඳහා පදනම සකසයි.

ධනවාදී සමාජයේ අර්බුදය යනු අධිනිෂ්පාදනය නැමැති අර්බුදයයි: ‘‘මෙම අර්බුද වලදී ඊට කලින් හැම වකවානුවකදීම අමන කි‍්‍රයාවක් සේ පෙනී යා හැකි සාමාජීය වසංගතයක් – අධි නිෂ්පාදනය නැමැති වසංගතය දසත පැතිර යයි. හිටිහැටියේ සමාජය ම්ලේච්ඡුත්වය කරා ආපසු ඇද වැටුණු සැටියක් දැනෙයි.’’ (මාක්ස් එංගල්ස් කොමියුනිස්ට් පක්‍ෂයේ ප‍්‍රකාශනය)

මේ පැමිණ ඇත්තේ අර්බුදයට වන්දි ගෙවීම සඳහා ධනේශ්වර පංතිය විසින් නිර්ධනීන් සහ ජනතාව නිර්මාණය කිරීම තීව‍්‍ර කරන කාලයයි. මාක්ස් සහ එංගල්ස් වසර 150 කට පමණ පෙර කොමියුනිස්ට් පක්‍ෂයේ ප‍්‍රකාශනයේදී ලියූ පරිදි ‘‘රදළ ක‍්‍රමය මුළින් උපුටා දැමීමට ධනපති පංතිය පාවිච්චි කළ අවි, දැන් ධනපති පංතියට එරෙහිව එල්ල වීමට පටන් ගෙන ඇත. තමනට මරණය ළඟා කරන අවි ධනපති පංතිය නිපදවූවා පමණක් නොව, මෙම අවි තමනට විරුද්ධව එල්ල කරන මිනිසුන්ද, එනම් සමකාලීන කම්කරුවන්, නිර්ධනීන් බිහි කළේය.’’

අද ලෝක නිර්ධන පංතිය වෙන කවරදාකටත් වඩා සංඛ්‍යාත්මකව විශාල වී සිටිත්, ජනතාව සමග ඔවුහු ලෝක ජනගහනයෙන් අවම වශයෙන් සියයට 90 ක් වත් නියෝජනය කරති, මේ සියයට 90 වූ කලී අර්බුද වලින් බැට කමින් සිටින සමාජය තුළ විප්ලවීය වෙනසක් අපේක්‍ෂා කරන කොටසයි. ‘‘නිර්ධන පංතික ව්‍යාපාරය, අති බහුතරයේ වුවමනාවන් සඳහා වූ අති බහුතරයේ ස්වාධීන ව්‍යාපාරයයි.’’ (එම)

ගෝලීය ධනවාදයේ මූල්‍ය අර්බුද ගැඹුරු වෙමින් සහ පළල් වෙමින් පවතී. පසුගාමී රටවල සියළු සම්පත් (මානව සහ ද්‍රව්‍යමය) කොල්ලකෑම අරබයා අධිරාජ්‍යවාදීහු අතරම කුලල්කා ගැනීම් හටගෙන ඇත, මීට අමතරව මේ අර්බුද ලිහා ගැනීමට ඔවුන්ගේම රටවල්වල කම්කරුවන් සහ මධ්‍යම පන්තිකයින් සූරා කෑම උග‍්‍රවී ඇත.

මෙය ලාභ ශ‍්‍රමය ඇති රටවල්වල, මහත් විනාශකාරී රැකියා සහ කම්කරුවන්ගේ සෞඛ්‍ය සහ ආරක්‍ෂක වියදම්වලට අළුත් සහ තව තවත් නිෂ්පාදන ක‍්‍රම හඳුන්වාදෙමින් නිෂ්පාදනය විතැන් කිරීමට මග සලසමින් යුරෝපයේ සහ ධනවාදී රටවල, නිෂ්පාදන, වෙළඳ සහ සේවාවන් ප‍්‍රතිව්‍යූහගත කිරීමෙන් හටගත් ප‍්‍රතිඵලයකි. මේ මොහොතේදී, බදු වැඩි කරමින්, ප‍්‍රතිලාභ අඩුකොට වැටුප් පහත හෙළයි. සාමාන්‍යයෙන් අර්බුදය තීව‍්‍රකරණය යන්නෙන් අදහස් කරනුයේ ‘‘කුඩා වෙළඳුන්, සිල්ලර වෙළෙන්දන් සහ ගම්බද වෙළෙන්දන් අනුක‍්‍රමයෙන් නිර්ධන පංතිය දක්වා කිදා බැසීමයි’’ (එහිම..).

අධිරාජ්‍යවාදය මගින් පීඩනයට පත් කරනු ලබන රටවල්වල, සිය ප‍්‍රාදේශීය මුරබල්න්ගෙන් ආරක්‍ෂාව ලබා ගෙන සිටින, අධිරාජ්‍යවාදී බලවතුන්ගේ ඒකාධිපතීත්වයට නිර්ධනීන් සහ අප‍්‍රිකානු, ආසියානු සහ ලතින් ඇමෙරිකානු ජනතාව යටත් කොට තිබේ; මේ බලවත්තු ප‍්‍රාදේශීය මුරබල්ලන් තමන්ගේ අභිලාෂයන් ආරක්‍ෂා නොකරන විට හෝ තදින්ම ආරක්‍ෂා නොකරන විට ඔවුන්ව නොතකා හරියි. ‘‘බෙදා වෙන්කිරීමේ සහ පාලනයේ’’ ප‍්‍රතිපත්ති භාවිතා කරන අධිරාජ්‍යවාදී බලවත්තු – ඔවුන්ගේ සේවයකයින් වී සිටින පාලනයන්ට සහ ඔවුන්ට නොදිරවන ඒවා පෙරලා දමන්ට යන මේ දෙකටම කිසිදු පැකිලීමක් තොරව හමුදාමය මැදිහත්වීම් සිදු කරති – එමෙන්ම ඔවුන්ගේ මර්ධනයට එරෙහි මහජන විරෝධය බිඳ දැමීමට සහ ඔවුන්ගේ අභිලාෂයන් රැක ගැනීමට වාර්ගික සහ ආගමික ඝට්ටනයන් අවුස්සවති. ඔවුහු ඔවුන්ගේ ආර්ථික, දේශපාලනික, සහ මතවාදී ආධිපත්‍යය හසුරුවා ගැනීමට උපායයන් ලෙස ආගමික ලෙස බුද්ධිය අවරෝධනය (බුද්ධිය විනාශ කිරීම) කිරීම හෝ ආගමික නොවන විමුක්තිය මත බලාපොරොත්තු තබති. තුන්වන ලෝක බලවතුන් බවට පත්ව සිටින – චීනය, ඉන්දියාව, බ‍්‍රසීලය හෝ දකුණු අප‍්‍රිකාව – සහ අනෙක් පීඩිත රටවල පාලක පංති, උපරිම ලෙස ශ‍්‍රම බලවේග සූරා කෑමට සහ අධිරාජ්‍යවාදී ක‍්‍රමයේ අභිලාෂයන් තුළම අමු ද්‍රව්‍ය හැසිරවීමට බලය ලබා ගැනීම සහතික කරගැනීමට තමන්ට කළ හැකි හැම දෙයක්ම කරමින් සිටී.

අධිරාජ්‍යවාදී සහ පීඩිත රටවල පාලක පංති, නිර්ධනීන් සහ ජනතාව සූරාකෑමේ සහ පරිපීඩනය කිරීමේ සිය ප‍්‍රතිපත්ති භාවිතාවට නගන ප‍්‍රතිගාමී දක්ෂිණාංශික බලවේග මෙන්ම ප‍්‍රතිසංස්කරණවාදී, සමාජ ප‍්‍රජාතන්ත‍්‍රවාදී සහ සංශෝධනවාදී බලවේග තමන්ගේ මුර බල්ලන් ලෙස භාවිතා කරත්. නිළ වෙළඳ සංගම් විවිධ රජයන් සමග ,සකසුරුවම් ක‍්‍රියාමාර්ගයන්, සහ පෞද්ගලීකරණය කිරීමේ කූටෝපායයන් සඳහා සහයෝගිතාවයෙන් වැඩ කරමින් එමෙන්ම රජයට සහ අධිකාරීන්ට එරෙහිව හැප්පෙන අරගල නවතා ලීමට කම්කරුවන් ඔවුන් සමග සාමදාන කරවයි. සමාදාන වීම් හැමවිටම ධනවාදීන්ගේ ශක්තිය වැඩි කිරීමට ඉඩහරින අතර වසර සිය ගණනක් තිස්සේ අරගලවලින් යටිකූට්ටු උගුල් ඇද කම්කරු පන්තිය අභිබවීමෙන් ඔවුන් සිය විනාශකාරී වැඩ පිළිවෙල දිගටම ගෙන යනු ලබයි.

අධිරාජ්‍යවාදී රටවල්වල, වඩාත් එළිපිට ප‍්‍රතිගාමී දක්‍ෂිණාංශික සහ ප‍්‍රතිසංස්කරණවාදී සහ සමාජප‍්‍රජාතන්ත‍්‍රවාදී ‘‘වම’’ ජනතාවගේ සහ නිර්ධනීන්ගේ කොටස ශක්තිමත් කරනු වෙනුවට විවිධ ආකාරයන් හරහා ‘‘ජාතික අනන්‍යතාවය’’ ඔසවා, පැරණි සහ නව ෆැසිස්ට්වාදයන්ට ෙදාර මෙලෙස විවර කරයි. බොහෝ ජනතාවාදී, ෆැසිස්ට්වාදී සහ නව නාසි පක්‍ෂ සහ සංවිධාන සියළුම සම්ප‍්‍රදායික පක්‍ෂ සහ ආයතන මගින් වගාකරන ලද පොලොව මත වැඩෙමින් පවතී. ධනේශ්වර පංතිය සිය ක‍්‍රමය සහ එහි ආයතන පොලිස් රාජ්‍යයන් මගින් සහ ජනතාව මැතිවරණ වලට සහභාගි කරවා ගැනීම මගින් ආරක්‍ෂා කර ගනී. අන්න ඒ නිසා නිර්ධනීහු සහ ජනතාව ඡන්ද වර්ජනය කිරීම දියුණු කිරීම සහ පංති අරගලය තියුණු කිරීම සිදු කළ යුතුයි.

‘‘කැරලි ගැසීම යුක්ති සහගතයි’’ (මා ඕ සේතුං)

අර්බුදයට මුහුණ දීමත් සමග නිර්ධනීහු – නරගවල සහ ගම්වල කම්කරුවන් කැරලි ගසමින් සිටී. කම්හල් වැසීමේහි තර්ජනයට ලක්ව සිටින ඒවායේ කම්කරුවෝ, වැඩ කිරීමෙහි තත්ත්වය පහත හෙලීමට, වැටුප් කැපීමට සහ වැඩ කිරීමේ කාලය ඉහළ දැමීමට එරෙහිව සටන් වදින්නේ මේ අර්බුදයට වන්දි ගෙවීමට ඔවුන්ට අවශ්‍ය නොවන නිසාය. ගොවි සහ කෘෂි කටයුතු කම්කරුවන් විරෝධතාවයන් දක්වන අතර සමහර විට ඉඩම් අත්පත් කර ගනියි. නිවාස වලින් එළවා දැමීමට, බදු වැඩි කිරීමට, ඔවුන්ගේ පරිසරය වැනසීමට, මහජන සේවා ලිහිල් කිරීමට, සංගම්වල නිදහසට සහ තරුණ අයිතීන්ට, කාන්තාවන්ට පහරදීමට යනාදී මේවාට එරෙහිව සටන් වැදීමට ජනතාව එක්රොක් වෙයි.

ප‍්‍රංශය, බෙල්ජියම, ජර්මනිය, සහ ඉතාලියේ මෝටර් රථ සහ ලෝහ වැඩ කම්කරුවෝ, ස්පාඥ්ඥයේ ආකර කම්කරුවෝ, නිවෙස් අහිමිවීමට එරෙහිව ජනතාව සටන් වදින අතරතුර, කැනඩාවේ දැවැන්ත ශිෂ්‍ය අරගල සහ එමෙන්ම අනෙක් රටවලද අධ්‍යාපනයට පහරදීමට සහ බදු වැඩි කිරීමට එරෙහිව සිදුවන මේ අරගල ලෝකයේ සෑම රටකම සිදු වෙමින් පවතී. තවදුරටත්, මෙලෙස, දශලක්‍ෂ සිය ගණන් කම්කරුවන් ඉන්දියාවේ වැඩවර්ජනය කිරීම නැතිනම් දකුණු අප‍්‍රිකාවේ කම්කරුවන් තලන පෙළන සුරාකන කළු සහ සුදු පාලක පංති වලට එරෙහිව ආකර කම්කරුවන් කැරලි ගැසීම, බ‍්‍රසීලයේ දිළිඳු ගොවියන් සහ ඉඩම් අහිමි අය ඉඩම් අල්ලාගෙන වැඩ කිරීම ආදී ලෙස අරගල ප‍්‍රකාශ වෙයි.

අරාබි රටවල්වල, විශේෂයෙන්ම ටියුනීසියාව සහ ඊජිප්තුවෙහි, තමන්ගේ අභිලාෂයන් ආරක්‍ෂා කිරීමට සහ නව මුරබල්ලන්ට සහය දීමට අධිරාජ්‍යවාදීන්ගේ උපායික මෙහෙයුම් තිබියදීත්, ජනතාව සහ කම්කරුවන් සුරාකෑමට අමතරව කැරලි විප්ලව බවට පත්වීමට පෙර ඒවා මැඩ පැවැත්වීම සිදු කරන මේ මුරබල්ලන් ආගමෙහි වෙස්මුහුණ පිටුපස සැඟවී සිටීම පවා නොතකා, ජනතාව තමන්ගේ මාවත සොයන්නේ, සිය වැරදිවලින් පාඩම් ඉගෙන ගනිමින්, කම්කරු පංති නායකත්වයක් නොමැතිව අව්‍යාජ නව ප‍්‍රජාතන්ත‍්‍රවාදී විප්ලවය සාක්‍ෂාත් කර ගත නොහැකි බව අවබෝධ කර ගෙනයි, මෙය විප්ලවීය උපායයන්ගේ, සන්නද්ධ අරගලයේ සහ පෙරමුණු පක්‍ෂයක් ඉදි කිරීම පිළිබඳ ප‍්‍රශ්න මතු කරයි.

පලස්තීනයේ සිට ඉරාකය, ඇෆ්ගනිස්ථානය, ලතින් ඇමරිකාව දක්වා ලෝකය තුළ පවතින අධිරාජ්‍ය විරෝධී අරගල සහ ලිබියාව, සිරියාව, මාලි හි නව අධිරාජ්‍යවාදී මැදිහත් වීම් වලට එදිරිව සිටීම, නැවැත්වීමට හෝ වැනසීමට අධිරාජ්‍යවාදීන්ට හෝ ඔවුන්ගේ මැදිහත්වීම්වලට නොහැකිය.

ඔබට සාමකාමී මාර්ගයෙන් විප්ලවය සිදු කළ නොහැක!

මුළු ලෝකයම සිටින්නේ අරගලවලයි; පැරණි සමාජය මුලිනුපුටා දමා පැරණි එකෙහි භෂ්ම මත නව සමාජයක් ඉදි කිරීමට අවශ්‍ය කරන, අධිරාජ්‍යවාදයේ ස්වභාවය සහ අර්බුද ගැන වූ සවිඥණක දැනීම පිළිබඳ මතවාදී අවබෝධ කරගැනීම නිර්ධන පංතිකයින් සහ ජනතාව සිදු කරනු ලබන්නේ, බිඳෙන් බිඳ හෝ පිමි සමග, ඉදිරියට යෑම් සහ පසුබැසීම් සමග යන ආකාරයෙනි.

අරගල සහ සටන්වල මේ නව රැල්ල තුළ, සමාජවාදය සහ කොමියුනිස්ට්වාදය කරා යන ගමන වෙත දිවෙන විමුක්තිය සහ නව ප‍්‍රජාතන්ත‍්‍රවාදය සඳහා වන අරගල ශක්තිමත් කිරීමට අපි සහය දිය යුතු වෙමු. ලෝක නිර්ධන පංති විප්ලවයේ මතුවීම් සහ වර්ධනයන් වල සම්භාව්‍ය නව රැල්ලේ සන්දර්භය මෙයයි. එහි සමුද්දේශ (නිර්දේශ) ගතිගුණ සහ උපායික නැංගූරම ලෙස මා ඕවාදී පක්‍ෂ විසින් නායකත්වය දෙනු ලබන මහජන යුද්ධ ක‍්‍රියා කරයි.

විප්ලවය සිදු කිරීමට ඇති වඩා උසස්ම ක‍්‍රමය මහජන යුද්ධයයි, එම නිසා, බල ඇණි රැස් කිරීම මගින් සූදානම් වීම, සහ එක් එක් රටවල සංකීර්ණ තත්ත්වයන්ට අනුව ප‍්‍රායෝගිකත්වය ක‍්‍රියාවට යොදවා සංවිධානය වන සෑම රටකම අපි සහය දිය යුතු වෙමු. මා ඕවාදී ඉන්දීය කොමියුනිස්ට් පක්‍ෂය සාර්ථක ලෙස සතුරු ප‍්‍රහාරවලට එරෙහිව ප‍්‍රතිරෝධය දක්වමින් එය වඩා වර්ධනය කිරීමට සහ පුළුල් කිරීමට හැකි බලයකි අත් කරගෙන සිටී. මා ඕවාදය ඉහළට ඔසවා තබමින් පිලිපීනය තුළ පිලිපීන කොමියුනිස්ට් පක්‍ෂය විසින් නායකත්වය දෙනු ලබන මහජන යුද්ධය ක‍්‍රමයෙන් පුළුල් වෙමින් තිබේ. පේරුව තුළ දී එය, දියකරහැරීම්වාදීන්ගේ ක‍්‍රියාකාරිත්වය නොතකා පවත්වාගෙන යයි. තුර්කිය තුළ මා ඕවාදීන් විසින් නායකත්වය දෙන විප්ලවීය අරගලය මහජන යුද්ධයේ උපායික තත්ත්වයට අනුකූලව ඉදිරියට ගමන් කරමින් සිටී. අනෙක් රටවල්වල, සූදානම්වීම සඳහා නව මුල පිරීම් සහ ප‍්‍රගමනයට පත් වීම් සිදුවේ.

අතීත අත්දැකීම් කල්පනාවට ගනිමින් ඒවා අද දින අධිරාජ්‍යවාදී ක‍්‍රමයේ පවත්නා තත්ත්වයන්ට අනුව යොදමින් අපට අයත් රටවල්වල විප්ලවය සඳහා නිර්ධන පංති පක්‍ෂ, නව පන්නයක පක්‍ෂ, මාක්ස්වාදී-ලෙනින්වාදී-මා ඕවාදී පක්‍ෂ ඉදි කිරීම සහ ශක්තිමත් කිරීම සිදු කළ යුතුය.

ඉන්දියාවේ මහජන යුද්ධයට සහය දීම සඳහා රටවල් 20 කටත් වැඩියෙන් නියෝජනය කළ මා ඕවාදී පක්‍ෂ සහ සංවිධාන, විප්ලවවාදී සහ අධිරාජ්‍ය විරෝධී සංවිධානවල සිය ගණනක නියෝජිතයන්ගෙන් සැදුම්ලත්, 2012 නොවැම්බර් 24 වන දින හැම්බර්ග් නුවර පැවැත් වූ ශ්‍රේෂ්ඨ සම්මේලනය සෑම රටකම පංති අරගලයන් ශක්තිමත් කිරීමට සහ එක්සත් කිරීමට ආමන්ත‍්‍රණය කොට ඇත. එය ජාත්‍යන්තරවාදය පිළිබඳ විශිෂ්ට උදාහරණයකි. අපි තවදුරටත් ශක්තිය වැඩි කර ගැනීම සඳහා ඉදිරියට යමින් නිර්ධන පංති ජාත්‍යන්තරවාදයට සංවිධානමය ස්වරූපයක් ලබා දිය යුතුය.

අධිරාජ්‍යවාදයට එරෙහිව සටන් කිරීමට සහ ප‍්‍රතික‍්‍රියා දැක්වීමට නව ජාත්‍යන්තර සංවිධානයක් ඉදිකිරීම කරා සහ සමාජවාදය සහ කොමියුනිස්ට්වාදය සඳහා නව කොමියුනිස්ට් ජාත්‍යන්තරයක් සඳහා පෙළ ගැසීමට ලෝකයේ කොමියුනිස්ට්වරුන්ගේ ජාත්‍යන්තර සමගිය පසුපස අප ලූහුබැඳ යා යුතුය.

සියළු රටවල පීඩිත සහ නිර්ධන පංතික ජනතාව සමගි වව්!
අධිරාජ්‍යවාදය සහ එහි මුර බල්ලන් භංග වේවා!
නිර්ධන පංති ජාත්‍යන්තරවාදය දිගු කල් දිනේවා!
ලෝක නිර්ධන පංති විප්ලවය දිගු කල් දිනේවා!

ඇෆ්ගනිස්ථාන් කොමියුනිස්ට් (මාඕවාදී) පක්‍ෂය
ඉන්දියානු කොමියුනිස්ට් පක්‍ෂය (මාක්ස්වාදී-ලෙනින්වාදී) (නක්සල්බාරි)
මා ඕවාදී කොමියුනිස්ට් පක්‍ෂය – ප‍්‍රංශය
මා ඕවාදී කොමියුනිස්ට් පක්‍ෂය – ඉතාලිය
විප්ලවීය කොමියුනිස්ට් පක්‍ෂය (PCR-RCP කැනඩාව)
මාඕවාදී කොමියුනිස්ට් පක්‍ෂය (MKP), උතුරු කුර්දිස්තාන් – ප‍්‍රංශය
මාඕවාදී කොමියුනිස්ට් ව්‍යාපාරය, ටියුනීසියාව
පංති සහ ප‍්‍රජාතන්ත‍්‍රවාදය, වේල්සය – එක්සත් රාජධානිය
මාඕවාදී කොමියුනිස්ට් පක්‍ෂය ඉදිකිරීමේ කමිටුව ගලීෂියාව, සපාඥ්ඥ රාජ්‍යය
කොමියුනිස්ට්වාදය උදෙසා මහා පාගමන (මැඞ්රිඞ් – ස්පාඥ්ඥ රාජ්‍යය)
නව මාක්ස්වාදී අධ්‍යයන කණ්ඩායම (NMSG), ශ්‍රී ලංකාව
ජනතා අරගල සහයෝගීතාවය ඉන්දුනීසියාව
ෆියුචර් රූජ් (Future Rouge) කොමියුනිස්ට් සංවිධානය – ප‍්‍රංශය
Servir le peuple (ජනතාවට සේවය කරනු) – Sheisau sorelh -Occitany – ප‍්‍රංශ රාජ්‍යය