Blog Archives

අතුරුදන් වූවන් වෙනුවෙන් ඥාතින් සිදුකරන උපවාස ව්‍යාපාරය

අතුරුදන් වූවන් වෙනුවෙන් ඥාතින් සිදුකරන උපවාස ව්‍යාපාරය

 

ත්‍රිකුණාමලයේ ප්‍රදේශයේ අතුරුදන් වූ තම පවුල්වල සාමාජිකයන් වෙනුවෙන් දැනට දින 25ක් තිස්සේ එම පවුල්වල සාමාජිකයන් නියැලෙන උපවාස ව්‍යාපාරයට  අද(29) දිනයේ නිදහස උදෙසා කාන්තා ව්‍යාපාරය සම්බන්ධ වී තිබේ.

යුද්ධයෙන් පසුව 2006 වසරේ සිට 2008 දක්වා ත්‍රිකුනාමල දිස්ත්‍රික්කයෙන් පමණක් පුද්ගලයන් 2000ක් පමණ අතුරුදන් වූ බව මේ උපවාසයට එක්ව සිටින අතුරුදන්වූවන්ගේ පවුල්වල සාමාජිකයන් පවසා සිටී. මේ ආන්ඩුව පත්වීමෙන් පසුව ඔවුන්ගේ දරුවන් ජීවත්ව සිටිනවාද නැත්නම් මරණයට පත් කර ඇත්ද යන්නවත් නොදැන මේ මව්පියන් උපවාසය තුළින් ඉල්ලා සිටින්නේ යුක්තියයි.කෙසේවෙතත් මෙම විරෝධතාවලට ආන්ඩුවෙන් තවමත් නිසි ප්‍රතිචාරයක් හිමිව නැති බව ජනතාව ප්‍රකාශ කරති.

 

උපැටුම:

[http://lankaviews.com/%e0%b6%85%e0%b6%ad%e0%b7%94%e0%b6%bb%e0%b7%94%e0%b6%af%e0%b6%b1%e0%b7%8a-%e0%b7%80%e0%b7%96%e0%b7%80%e0%b6%b1%e0%b7%8a-%e0%b7%80%e0%b7%99%e0%b6%b1%e0%b7%94%e0%b7%80%e0%b7%99%e0%b6%b1%e0%b7%8a/]

සරසවි සිසුන්ට එල්ල කළ මිලෙච්ඡ ප‍්‍රහාරය හෙලා දකිමු

Condemn the brutal attack on HNDA students

එච්.එන්.ඩී.ඒ සිසුන්ට එල්ල කළ මිලෙච්ඡ ප‍්‍රහාරය හෙලා දකිමු

2015 ඔක්තෝබර් 29 වැනි දින එච්.එන්.ඩී.ඒ සහ අන්තර් විශ්ව විද්‍යාල ශිෂ්‍ය බලමණ්ඩලයේ සිසුන් සහ ක‍්‍රියාකාරිකයින් විසින් එච්එන්ඞී හි ගිණුම්කරණ ඩිප්ලෝමාවට උපාධි සමානතාව ලබා දෙන ලෙස ඉල්ලමින් විශ්ව විද්‍යාල ප‍්‍රතිපාදන කොමිෂන් සභාව දක්වා සිදු කරන ලද විරෝධතා පාගමනට පොලීසිය විසින් මිලේච්ඡ ප‍්‍රහාරයක් එල්ල කරන ලදි.

ඊට කඳුළු ගෑස්, බැටන් ප‍්‍රහාර සහ ජල ප‍්‍රහාර යොදාගත් අතර සිසුන් සෑහෙන පිරිසක් තුවාල ලබා රෝහල් ගත කළ අතර 39 දෙනෙකු අත් අඩංගුවට ගනු ලැබුණු අතර මේ වන විට ඔවුන්ව ඇප මත නිදහස් කොට ඇති බව සැලයි.

වත්මන් රජය බලයට පත්වූයේ අධ්‍යාපනය සඳහා අටවැයෙන් වැඩි වෙන් කිරීමක් සිදුකරන බවත් ශිෂ්‍ය ගැටළු විසඳන බවත් යන පොරොන්දු ලබා දෙමිනි. බලයට පත්වූ සෑම ධනේශ්වර පාලක කල්ලියක් මෙන්ම මේ පොරොන්දු විගසින් අමතක කොට ඇත. විශ්ව විද්‍යාල, පාසැල්, උසස් අධ්‍යාපන ආයතන සහ කාර්මික අධ්‍යාපන ආයතන යන සෑම ඒකකයක්ම අර්බුද වගින් ගහණව පවතී. එහෙත් ඒවා විසඳා ගැනීමට අරගල ක‍්‍රියාමාර්ගයේ නියුතු දරුවන්ට ලැබෙනුයේ මිලේච්ඡ මර්ධනයයි.

ශිෂ්‍යන්ට මෙන්ම ශිෂ්‍යාවන්ට ද මිලේච්ඡ ලෙස පහර දෙන අයුරු මාධ්‍ය හරහා මුළු රටේම ජනතාව බලා සිටියහ. ස්ත‍්‍රියකට සලකන ආකාරයෙන් එම රාජ්‍යයේ ශිෂ්ඨත්වය මැන ගැනීම අපහසු නොවේ. ඔවුන්ගේ අතීත අපරාධ සිහියට නැගේ. දමිළ පුරවැසියන්ට එරෙහිව මහා ජන සංහාරයක් සිදු කළ ඔවුහු ස්ත‍්‍රී දූෂණ සහ අපරාධ සිදු කළ ආරක්ෂක අංශ වලින් ලෝකයේ මුල් තැනට පැමිණ තිබේ. ‘‘බුදුන්ගෙ දේශයේ රණ විරුවන් පැමිනෙන විට, ස්ත‍්‍රිය ඔබට කළ හැක්කේ ඔවුන්ගේ අවශ්‍යතාවයට ඉඩ දී වැතිර සිටීම පමණකි. අසරණ ඔබ කුමක් කරන්නද?’’ මේ අනාථ කඳවුරක දමිල ගැහැණියක් ලියූ වැකියකි. රතු පස්වල, තුන්නාන, වැලිකඩ සිර ගෙදර, අලූත්ගම ජාතිවාදී ප‍්‍රහාරය සහ අකුරැස්ස, තංගල්ල යන පෙදෙස් වල නිමක් නොමැතිව සිදු වූ ස්ත‍්‍රී දූෂණ ද ඇතුළත් සිය අපරාධ ලැයිස්තුව පාලක කල්ලිය විසින් තවත් විස්තීර්ණ කරමින් සිටී. තමන් යුධ අපරාධ සිදු නොකල බව කියමින් මේ දිනවල ඔවුන් හඬ නගන්නේ මෙවැනි තත්ත්වයක් තුළය.

අරගල කිරීමට, අයිතීන් වෙනුවෙන් සටන් වැදීමට මේ රටේ පුරවැසියන්ට පැහැදිලි අයිතියක් ඇත. පොලිස් මාධ්‍ය ප‍්‍රකාශක ඇතුළු කූට කල්ලියක් විසින් මෙහෙයවනු ලැබූ මාධ්‍ය සාකච්ඡාවේදී රාජ්‍ය ත‍්‍රස්තවාදය සහ පොලිස් මිලේච්ඡත්වය යුක්ති සහගත කරගනු ලැබිණි. ධනේශ්වර රාජ්‍ය තුළ පැන නැගී ඇති නව ප‍්‍රවණතාව වන්වේ පොලිස් රාජ්‍යයන් බවට ඒවා හැරවීමයි. මේ තුළ පොලීසිය විසින් කරනු ලබන ඕනෑම අපරාධයක් ව්‍යවස්ථාව අනුව සහ ඔවුන්ගේ නීතිය අනුව නීත්‍යානුකූල කරගැනීමට ඔවුන්ට හැකියාව ඇත. ඔවුන්ට මිනී මැරීමට, හිංසා කිරීමට, වධ දීමට සහ බිය වැද්දීමට නීත්‍යානුකූල අයිතියක් ලැබී ඇත.

ජනතාව මේ තත්ත්වය අවබෝධ කරගනිමින් මර්ධනය හමුවේ නොසැලී එකා වන්ව නැගී සිට අරගල කරන්නන්ට ලබා දෙන සහය තීව‍්‍ර කළ යුතුය. මේ ප‍්‍රහාර විසින් පාලක පංතිය පුළුල් පොදු ජනතාව කෙරෙන් හුදෙකලා කොට වඩාත් කොන් වී ජනතාවගේ කෝපය තමන් වෙත එල්ල කරගනු ඇති අතර අරගල කරන්නන් ජනතාවගේ සහය, අනුකම්පාව සහ ආදරය වඩ වඩා දිනා ගනු ඇත.

අරගල කිරීමට ජනතාවට අයිතියක් ඇත. මර්ධනය කිරීමට පාලකයින්ට කිසිදු අයිතියක් නැත.

මිලේච්ඡ ශිෂ්‍ය මර්ධනය වහා අකුලාගනු!
නිදහස් අධ්‍යාපනය වැනසීමට, අධ්‍යාපනය විකුණා දැමීමට දරණ ප‍්‍රයත්නයන් වහා නවතනු!
කොන්දේසි විරහිතව සියළු සිසු ගැටළු විසඳනු!

 

මාඕවාදී විප්ලවීය ලීගය
2015 ඔක්කෝබර් 2

—————————————————————————————

Yahapālanaya At Work: Brutal Police Attack On Students

Students who were engaged in the protest march organised by the Inter Student Collective for the Protection of Higher National Diploma in Accountancy (HNDA) being brutally attacked by the police near Town Hall yesterday. The students were on their way to the University Grants Commission (UGC) urging the authorities to enhance the HNDA to a degree status again.

 [October 30, 2015 | Filed under: Colombo Telegraph,News,STORIES  COLOMBO_TELEGRAPH  ]

07f000f6ff4a201510299f266d8147dd34ea2

0ed71a56201510297dc9f311f904ad66af1dadde

82d3bed020151029d8ee91293dc331c96a53812f8

201510292bec75c74ec113dc6dd45a4c6c

201510292c79e5125031d834490a3aaae9f1fb

201510293fe17e4d986b3929f266d8147dd34ea2

fa3fdb320151029d5316044962c64a8ad2cd85

IMG_0155

IMG_0582


IMG_04801


IMG_047800

Web_20151029anthare

ජනාධිපතිවරණය වර්ජනය කරමු!

ජනාධිපතිවරණය වර්ජනය කරමු!

Parlimen-boycot

සිය ධූර කාලය නිමවන්නටත් පෙරාතුව වර්තමාන ශ්‍රී ලංකාවේ ජාතිවාදී-ෆැසිස්ට්වාදී කොම්ප‍්‍රදෝරු ආඥදායකයා ජනාධිපතිවරණයක් කැඳවා තිබේ. අද ඔහුගේ ප‍්‍රබල විරුද්ධවාදියා වී ඇත්තේ එම පක්‍ෂයේම සිට දූෂිත ආණ්ඩුවේ වරප‍්‍රසාද භුක්ති විඳි තවත් එවැනිම දූෂිතයෙකි. මේ වන විට ලෝකයේ මෙන්ම ලංකාවේද දේශපාලනය ඓතිහාසික සන්ධිස්ථානයකට සේන්දු වී ඇත.

අපගේ සහෝදර ජනතාව දිගු කලක් රාජපක්‍ෂ ආඥදායක රජයේ යකඩ සපත්තුවට යටවී එහි සියළු මර්ධනයන් ලබා දුන් සියළු වේදනාවන් දරා සිටියහ. එය එහි පතුළටම කුණුවී දුගඳ හමන්නට පටන් ගත් තුවාලයක් වැනිය. ධනේශ්වර ක‍්‍රමය ශක්තිමත් කරගෙන පවත්වාගෙන යාමට සහ ලෝක අධිරාජ්‍යවාදීන්ට මේ භූමිය තුළ ඇති සම්පත් සහ මෙහි ජනතාව සූරා කෑමට එය කදිම සහයක් ලබා දී ඇත.

සිය පුද්ගලවාදී න්‍යාය පත‍්‍රය මෙන්ම ලෝක අධිරාජ්‍යවාදීන්ගේ පඹයෙක් ලෙස ක‍්‍රියා කරමින් ගෝලීය ධනවාදයේ අවශ්‍යතාවයන් ඉටු කිරීම ද එය ක‍්‍රියාවට නැංවීය. සිය දේශපාන බලය තහවුරු කරගැනීමට රදළ-නිළධාරිවාදී යාන්ත‍්‍රණය රට පුරාම අනුක‍්‍රමයෙන් ඉදි කළහ. හැම තැනෙකම ඇති සිය හෙංචයියන් සහ නිළ නොනිළ මැර සහ කුලී හමුදා නඩත්තු කිරීමට ඔවුන්ට තව තවත් ජනතාවට අපා දුක් පටවමින් බදු සහ කොමිස් මුදල් මහා පරිමාණයකින් රැස් කරන්නට සිදුවේ. උතුරු නැගෙනහිර දමිළ නිජ බිම් වල සාරවත් භූමි භාග චීන-ඉන්දීය ව්‍යාප්තවාදී ගිජු ලිහිණියන්ට අහර පිණිස කුණු කොල්ලයට විසි කරන්නට ඔවුන්ට කිසිදු පැකිලීමක් නොවීය.

විපක්ෂය සහ වත්මන් ආණ්ඩුව අතර ප‍්‍රතිපත්තිමය හෝ ක‍්‍රියාකාරීත්වය අතර වෙනසක් ඇතැයි සිතීම මුලාවකි. ඔවුන්ගේ මතුපිට ස්වරූපය පමණක් වෙනස් වේ. මෙයට පෙර යූ.එන්.පී රජය ඇරඹූ සංවර්ධන ක‍්‍රියාදාමයන් (විදේශීය ආයෝජකයින්ට වාසි සහගත) සහ අනෙකුත් ව්‍යාපෘති එලෙසින්ම අඛණ්ඩව පවත්වාගෙන යෑමට වත්මන් ආණ්ඩුව ක‍්‍රියා කළහ. ධනේශ්වර සමාජ ක‍්‍රමය පවත්වාගෙන යෑමට ජනතාවගේ මනෝභාවයන් සංසුන්ව පවත්වාගැනීම වැදගත් වේ. මේ තත්ත්වය කලමනාකරණය කිරීමට ධනේශ්වර පාර්ලිමේන්තුව ඉමහත් පිටුවහළක් වේ. මැතිවරණ වූ කලී සූරාකන්නන්ගේ මූලස්ථානය වන එම ආයතනයට පීඩක නියෝජිතයින් තෝරා පත්කරගන්නා තරඟයයි. අනෙක් අතට ලංකාව සූරා කෑම පිණිස චීනය, ඉන්දියාව සහ එක්සත් ජනපදය අතර ඇති තරඟයේ ක‍්‍රිඩකයින් වන්නේ ද රජය සහ විපක්‍ෂයයි.

සමාජ-ෆැසිස්ට්වාදී, සමාජ ජාතිවාදී ජනතා විමුක්ති පෙරමුණ මෙම මැතිවරණයේදී කෙරතම් බංකොලොත්ව තිබේදැයි හෙළිවන්නේ ඔවුන්ට ජනතාව ඉදිරියේ සිය අභිප‍්‍රාය පවා ප‍්‍රකාශ කිරීමට ආත්ම ශක්තියක් නැත්තාහ. වත්මන් ඒකාධිපති රජය බලයට ගෙන ඒමේදී විපුල මෙහෙයක් ඔවුහු ඉටු කළහ. එමෙන්ම මිලේච්ඡ ෆැසිස්ට් අණ පනත් පාර්ලිමේන්තුවේදී සම්මත කිරීමට ඔවුහු සිය දෑත් ඔසවා සහය පල කළහ. සරණාගත ලාංකීය දමිළ පුරවැසියන්ගේ පුරවැසිකම අහෝසි කර ලීම වැනි ෆැසිස්ට්වාදී පනත් කැබිනට් මණ්ඩලයට යෝජනා කරමින්, සිය වාම වෙස්මුහුණ වනමින් ජනතාව මුලා කොට චීන අධිරාජ්‍යවාදීන්ගේ ව්‍යාප්තවාදී ආක‍්‍රමණික ආර්ථික ප‍්‍රතිපත්ති වලට හිතකර වාතාවරණයක් සකසමින් එමෙන්ම ඊට සුදුසු මතවාදයක් කලමනාකරනය කරමින් ඔවුහු මෙරටෙහි දශ ලක්‍ෂ ගණනක පීඩිත ජනතාවට ද්‍රේහී වූහ.

ඔවුහු වරින් වර තමන් මෙරට ඊළඟ විකල්පය බව පවසති. එහි සත්‍යයක් තිබේ. මෙරට ජනතාවට නිල් සහ කොළ යකුන් තිත්ත වූ දිනෙක මේ සූරාකන රාජ්‍ය යන්ත‍්‍රය මෙහෙයවීමට රතු යකෙකු ඉදිරිපත් කිරීමට අධිරාජ්‍යවාදීහු කිසිදු පැකිලීමක් නොදක්වති. ජවිපෙ මෙයට පෙර වාර ගණනකදී සිය අවස්ථාවාදී ව්‍යායාමයන් වලින් ඊට ඇති සුදුසුකම සනාථ කොට ඇත. චීන සහ ඉන්දීය ව්‍යාප්තවාදීන්ට උතුරු නැගෙනහිර භූමිවල සංචිත සම්පත් කොල්ලකෑමට සහ මෙරටට හදිසි සහ ක්‍ෂණික ආර්ථික ආක‍්‍රමණයක් කිරීමට ඉඩ සලසා ගැනීමට සිදු කළ දමිළ සංහාරයේදී ඔවුහු සිදු කළ සේවය අතිමහත්ය. 1,40,000කට වැඩි දමිල පුරවැසියන් ට සිය නිජ භූමිය අමු සොහොනක් කිරීමට රාජ්‍ය කුලී ඝාතක හමුදාවට ආසිරි පැන් ඉසීමේ සිට ෆැසිස්ට්වාදී පනත් කෙටුම්පත් සම්මත කිරීම සහ නින්දිත ජාතිවාදී විෂට, රැල්ලෙන් රැල්ල මෙරට ළපැටියාගේ සිට මහල්ලා දක්වාම ගොදුරු කිරීමට සිදු කළ ශිල්ප දැක්වීමෙන් ඔවුහු අධිරාජ්‍යවාදී ගිජු ලිහිණියන්ගේ මන ෙදාළ සපුරාලූහ. ලක් ඉතිහාසය තුළ ජවිපෙ තරම් ජාතිවාදී වූ දේශපාලන පක්‍ෂයක් තවත් තිබුණේ දැයි සැක සහිතය. ඔවුන්ගේ අවස්ථාවාදී ලාක්‍ෂණිකයට අනුව ඔවුහු සිය දුගඳ හමන අතීත කලූ ලප සඟවන්නට වැර දැරුවද, එකල ප‍්‍රසිද්ධියේ හඬ නැගූ ‘‘සිංහල බෞද්ධ සමාජවාදී රාජ්‍යයක් තැනීමට දමිළ ලේ සයුරක පිහිනන්නට වේය’’ යන ෆැසිස්ටවාදී ප‍්‍රවාදයේ කලූ අවතාරය ජනතාවට කිසි කලෙක අමතක නොවනු ඇත.

එහෙයින් සන්ධාන, ශ්‍රී ලං.නි.ප, යු.එන්.පී හෝ ජේ.වී.පී ලෙස හෝ වෙනයම් මුහුණුවරකින් කිසිවෙක් බලයේ සිටිත්ද, ධනේශ්වර පාලන තන්ත‍්‍රය තුළ එය ජනතාවගේ සුභසිද්ධිය උදෙසා නොවන්නේය. පිය ගැට පෙලක අනුක‍්‍රමයෙන් මේ ක‍්‍රමය තුළ පීඩනය සහ වේදනාව වැඩි වැඩියෙන් ජනතාවට දැනෙන්නට පටන් ගනී. රට තුළ සමස්ත විදේශීය ණය ප‍්‍රමාණය සලකා බැලූ කල එය එක් පුද්ගලයෙකුට හාරලක්‍ෂයට වඩා වැඩි යැයි කියැවේ. රාජපක්‍ෂ රජය බලයට පත්වන විට එය 77,000 පමණ විය. මෙතරම් ණය ප‍්‍රමාණයකින් ජනතාවට අත් වී ඇති ප‍්‍රතිලාභ මොනවාද? ඒ සියල්ල වක‍්‍ර ලෙස නැවත එම ණය පවරන්නන් විසින්ම උදුරා ගනු ලබන අතර ඒවා ඵලදායී නිෂ්පාදන හෝ සංවර්ධිත වැඩ සඳහා යෙදීමට ඔවුහු කිසි කලෙක ඉඩ නොහරින අතර ඔවුන්ගේ නිෂ්පාදනයන් මෙරටට ගෙන ඒමට හෝ මෙහි අමුද්‍රව්‍ය ඒ ඒ රටවල්වල නිෂ්පාදන ක්‍ෂේත‍්‍ර කරා ඉක්මනින් පැටවීමට අධිවේගී මාවත්, වරායවල් සහ ගුවන්තොටුපලවල් තැනීමට යොදනු ලැබේ. මෙරට ජනතාවට අවශ්‍ය කාර්මික නිෂ්පාදන සිදුකළ කම්හල් බොහෝ ගණනක් වසා දමා ඇති අතර විරැකියාව, බුද්ධි ගලනය සීඝ‍්‍ර ලෙස ඉහළ යයි. වැටුප් වැඩි කිරීම් සිදු කළද ඒවා සංඛ්‍යා විජ්ජාවන් පමණකි. ජනතාවගේ මිළදී ගැනීමේ හැකියාව වැටුප් ඉහළ දමන සෑම වාරයකදී ම පෙරට වඩා පහළට ඇද වැටී ඇත. අපේ රුපියල අඛණ්ඩව අවප‍්‍රමාණ වීම කෙතරම්ද යත් පාලනය කළ නොහැකි ලෙස භාණ්ඩ හා සේවා ගාස්තු ඉහළ යයි. එය ඛණිජ තෙල් හෝ වෙනයම් ආනයනික දෑ හරහා විදුලිය, බස් ගාස්තු, වෙනත් සැපයුම්, ආහාර ද්‍රව්‍ය, කාර්මික නිෂ්පාදන යන මේ සකල විධ භාණ්ඩයන්හි මිළ ගණන්වලට බලපෑම් කරයි.

අධ්‍යාපනය සහ සෞඛ්‍ය සේවා වැනි පොදු පහසුකම් සීඝ‍්‍ර ලෙස කපා දමා ඇත. සරසවි සිසුන් විරෝධතා නොදැක්වූ එක් සතියක් සොයැ ගැනීම අසීරු තරම්ය. දේශීය සිසුන්ට නිදහස් අධ්‍යාපනයේ ඇති ෙදාරටු වසා දමා එම හිඩැස මිලියන ගණන් අය කරමින් විදේශීය සහ වරප‍්‍රසාද ලත් පැළැන්තියක සිසුන්ට ලබා දෙයි. පෞද්ගලීකරණයේ දුෂ්ඨ හස්තයට අධ්‍යාපනය, සෞඛ්‍ය සේවාව බිලි ගෙන තිබෙන බව හැම තැනම පිපෙන පෞද්ගලික සරසවි සහ ආයතන, රෝහල් වලින් පෙනී යයි. ධනපති පාලකයින් විසින්ම ලියන ලද ආණ්ඩුක‍්‍රම ව්‍යවස්ථාවේ ජනතාවට ලබා දී ඇති මූලික මිනිස් අයිතිවාසිකම් කිසිවක්, කිසිවෙකුට සුරක්‍ෂිත නැත. මානව හිමිකම් කොමිසම පවා රාජ්‍ය පක්‍ෂපාතීය. අධිකරණය, මුලූමනින්ම අසාධාරණ තීන්දු දෙමින් පාලකයාගේ අභිලාශය අකුරටම ඉටු කරන බව බොහෝ අවස්ථාවන්හි පෙනී යයි. ඒවායේ විනිසුරුවරුන් බියට පත් කරයි, මුදලට යට කරයි, බලපෑමට නතු කරයි, එසේත නැතිනම් ශාරීරිකව විනාශ කරයි.

මාධ්‍ය සඳහා ඇති අවකාශය මීට දෙවෙනි නොවේ. කිසිදු පුරවැසියෙකුට සිය අභිමතය පරිදි සදාචාරාත්මක සිතුවිල්ලක් ජනිත කල නොහැකිය. ප‍්‍රකාශ කළ නොහැකිය. ඒවා රාජපක්‍ෂ හමුදා රජයට පටහැනි නම් පිළිතුරු කුලී ඝාතක ඒකක වලින් සැපයෙයි. සිය පෑන නිභයව මෙහෙයවූ ලලිත්, කූගන් වැනි බුද්ධිමතුන් ආරක්‍ෂක අංශ විසින් පැහරගෙන ගොස් අතුරුදන් කිරීම කාට නම් අමතක වේද? පසුගිය වකවානුවේදී මියගිය නිදහස් මතධරීන්ගේ ගණන කෙතරම්ද? මීට සමාන්තරව සමහර මාධ්‍ය ආයතන නිවට මාධ්‍යකරණයක් ප‍්‍රගුණ කරයි. තොරතුරු ප‍්‍රකාශනයේ මූලික සදාචාරාත්මකභාවය උල්ලංඝනය කරමින් රාජ්‍යගැති ජනතාද්‍රෝහී කුලී මාධ්‍ය බැලයින් දුෂ්ට ප‍්‍රචාරණයේ යෙදෙමින් සිටී. අපේ ආදරණීය දූ පුතුන් ට, සහෝදර පුරවැසියන්ට දිවා රෑ දෙකෙහිම මාධ්‍ය කුණු ගිලින්නට සිදුව තිබේ.

මෙම භූමිය තවදුරටත් මෙහි වැසියන්ට ආරක්‍ෂිත තැනක් නොවේ. රාජපක්‍ෂ රජය දක්‍ෂ ලෙස නව පන්නයක පොලිස් හමුදා පාලනයක් අත්හදා බලමින් සිටී. නිසැක ලෙසම ඔහුගේ ප‍්‍රතිවාදී අපෙක්‍ෂකයා එය තවදුරටත් පෝෂණය කරනු ඇත. ඔහු මැතිවරණ වේදිකාවල පවසන සමහර වදන්වලින් මතු එළඹෙන්නට තිබෙන ෆැසිස්ට් යුගය ගැන සේයාවන් අපට පෙනේ. කදිම දූෂිත හොර නඩයක් ඔහු සමග අත්වැල් බැඳගෙන සිටී. මේ රටෙහි තවමත් කේන්ද්‍රීය ප‍්‍රශ්නය ලෙස ජාතික ප‍්‍රශ්නය තවමත් පවතී. කිසි ලෙසකින්වත් එය විසඳා නැත. නාසි මොඩලයේ වද කඳවුරු වල දමිළ පුරවැසියන් දිනපතා වධ බන්ධනයන්ට ලක්වේ. කාන්තාවන් දිනපතා බෞද්ධ සොල්දාදුවන්ගේ කාම බිලි බවට පත්වේ. ඔවුහු සිය ශරීර කෘත්‍ය කළ යුත්තේද කුලී හේවායන්ගේ ඍජු පරීක්‍ෂාව යටතේයි. දමිළ ලෙස ඉපිද තිබීම වරදක් වී ඇති රටකි මෙය. බෞද්ධ අන්තවාදී කාෂාය ත‍්‍රස්තවාදය ඊට සමගාමීව මුස්ලිම් පුරවැසියන් පෙළමින් ඔවුන්ගේ ජීවිත පෙළයි. එය බිහිකලේත්, නඩත්තු කලේත් වත්මන් ආරක්‍ෂක ලේකම් වරයා විසිනි. බොහො ගැටුම් වලට විශේෂ කාර්ය බලකාය, බුද්ධි අංශ සහ කොමාන්ඩෝ ඒකක ද යෙදවූහ. අලූත්ගමදී මුස්ලිම් වැසියන්, කාන්තාවන් මහ රෑ වෙඩි තබා මරා දැමුවේ යුද හමුදා මිනී මරුවන් විසිනි.

මේ සියලූ ගැටලූ තිබියදී මහා පරිමාණයෙන් කුඩු සහ වෙනත් මත්ද්‍රව්‍ය රට පුරා සංසරණය වන්නේ රාජපක්‍ෂ රජයේ හවුල්කරුවන් වන දේශීය ධනපතියන් කිහිප දෙනෙකුගේ පසුම්බි කලූ සල්ලි වලින් පුරවා ලමිනි. ළපැටි පාසැල් සිසුන් පවා එහි බිලි බවට පත් වී තිබේ. සමහර පෙදෙස්වල පාසැල් දරුවන් සහ තරුණයින් කුඩු බෙදා දෙන්නන් බවට පත් කොට ඇත. ගාමන්ට් සිර කඳවුරු වල සිය රුහිරු මස් දිය කරන තරුණ තරුණියන්ට ජීවිතයේ අවසන් සමය රෝගීන් ලෙස ගත කරන්නට මේ දුෂ්ට ක‍්‍රමය ඉඩ සලසා තිබේ. නැතහොත් ඔවුන් කාමුක ධනේශ්වර සලෙලූන්ට පහසුව සැලසීමට ගණිකා වෘත්තියට බලෙන් හෝ රවටා හෝ බලපෑම් සිදු කොට රැගෙන එති. වැඩි වන සංචාරක කර්මාන්තය ළපටි ළමා කැලට ළමා ගණිකාවන් වීමේ ඛෙදජනක ෙදාරටුව විවර කොට ඇත. පෙර කවරදාටත් වඩා ළමා අපයෝජන සහ ස්ත‍්‍රී හිංසනය අහස උසට නැගී ඇත. නීතිය බොහොවිට කාමාතුර අපරාධකරුවන්ට දඬුවම් නොදේ. ඔබට නගරයක අධ්‍යාපන හෝ සෞඛ්‍ය ආයතන වලට වඩා ස්ත‍්‍රීන් සහ සිසුවියන් නීත්‍යානුකූලව දූෂණය කීරීමේ ගෙස්ට් හවුස් හෝ තානායම් දක්නට ලැබේ. නින්දිත ධනපති මාධ්‍යකරණයට නිර්මාණ ලෙස කාමය සහ ස්ත‍්‍රියගේ නග්න බව හැරුණු විට වෙනත් වස්තු විෂයයන් සොයා ගත නොහැක. අපේ ආදරණීය දරුවන්, අනාගතයේදී මිනිස් වර්ගයාගේ පැවැත්ම නියෝජනය කරන අපේ පැටවුන්ගේ ඉහමොළ දූෂිත කිරීමට, ඔවුන් සහකම්පනයෙන් තොර, අතාර්තික, මිනිසුන් කිරීමට එමෙන්ම දුෂ්ට රදළ සහ විකෘති ධනේශ්වර චින්තාවන්ගේ ගොදුරු බවට පත් කිරීමට ඒවා කටයුතු කරන්නේ මේ ගර්භයටම කුණුවුණු, පීඩක, ධනේශ්වර ආඥදායක ක‍්‍රමය උපද්‍රව රහිතව පවත්වාගෙන යෑමටයි. සිතිය හැකි තාර්කික කිසිවෙකු, මේ ක‍්‍රමයට අවශ්‍ය නැත. ඔවුන්ට අවැසි වන්නේ නිෂ්පාදන යන්ත‍්‍රවල දැති රෝද කරකැවීමට හෝ කුලී සේනාංක වල අවි හරඹ දැක්වීමට හෝ වෙනයම් එවැනිම වැඩක යෙදීමට හැකිතරම් දැනුම් තේරුමක් ඇති, සවියක් ඇති අය පමණි.

මෙතෙකුත් දෑ තිබියදී ඔබට ඊට විරෝධය පෑමට ඔබේ වෘත්තීය අයිතීන් වෙනුවෙන් සටන් කිරීමට ඔවුහු ඉඩ නොතබයි. ඔවුන් ඔබ ජලය ඉල්ලූ විට හෝ සහනාධාර ඉල්ලූ විට නැතිනම් ජීවත් වීමට ඇති අයිතිය ඉල්ලූ විට ඔවුන්ගේ කුලියට මිනී මරණ සොල්දාදුවන් යොදවා ඔබට වෙඩි උණ්ඩ පොවයි. ඔවුන්ගේ උත්තරීතර නීතිය පැමිණ ඔබව සිර ගත කරයි. වෙනසක් නැතිව ආගමික පූජකවරු ඔබට කිසිදා ලබාගත නොහැකි සිහින වෙනෙුවෙන් බොරු පොරොන්දු ලබා දී ඔබව මුලා කරයි. ඔබ සටන් කළ නොහැකි මොට මිනිසෙකු බවට පත් කරයි. ඔබට ඇති එකම විකල්පය ලෙස සලාක ක‍්‍රමයට පවත්වන දූෂිත මැතිවරණයේදී ඡන්දය ප‍්‍රකාශ කිරීම බව ඒත්තු ගන්වයි. එය මහා වටිනා දෙයක් ලෙසට ගෝරනාඩු කරයි. ඡන්දය නොදැමීම මහත් අපරාධයක් බව බොහෝ සුළු ධනේශ්වර තක්කඩින් සිය ජීවිතය අහිමිවු කලෙක මෙන් මුමුණයි. අපරාධයක් වන්නේ ඔබේම සහෝදර පුරවැසියන්ගේ බෙලි කැපීමට, ඔවුන්ගේ ලේ උරා බීමට යක්‍ෂයින් රැලකට බලය ලබා දීම උදෙසා වන දුෂ්ට තරඟයට පේ‍්‍රක්‍ෂකයෙකු වී ඡන්දය පාවිච්චි කිරීමයි.

අපි ඔබට ආමන්ත‍්‍රණය කරමු. ඡන්දය වර්ජනය කරමු! අපේම සහෝදර පුරවැසියන් පෙලීමට, ඔවුන්ව තව වටයකින් සූරා කෑමට, මේ ධනේශ්වර ක‍්‍රමය තවදුරටත් පවත්වාගෙන යෑමට, දුෂ්ට පාර්ලිමේන්තුවාදයට සහය නොදෙමු. ඔබට හැකි එක් පලිගැනීමේ ආකාරයක් වන ඡන්දය නොදී සිටීමේ සටන්කාමී අරගලයට සහය වෙන්න. එය නව වෙනසක් සඳහා, පෙරට තබන එක් සටන්කාමී පියවරකි. ජනතාවට සැබෑ විමුක්තියක් අත් කර ගැනීමට, ජනතා ප‍්‍රජාතන්ත‍්‍රවාදය රජයන, නිර්ධන පංති පාලනයකින් යුත් රජයක් බිහි කිරීමට එය අත්‍යවශය. එය සිදු කිරීම මැතිවරණ වලින් සිදු කළ නොහැක. පාර්ලිමේන්තුව ජනතාව සතු ආයතනයක් හෝ ජනතාවට භාවිතා කළ හැකි උපකරණයක් නොවේ. එය ජනතාවගේ වහල් භාවය සනිටුහන් කරන මර්ධනය, දූෂණය, සංත‍්‍රාසය, විනාශය, නූගත්කම සහ අශීලාචාරත්වය ජනතාවට ළඟා කර දීමට වෙහෙසෙන ආයතනයයි.

අනුකම්පා විරහිතව සටන් කිරීමෙන් පමණක් පවතින සමාජ ක‍්‍රමවේදය එහි මුල් සමගම පෙරලා දැමීම සිදු කළ හැක. ඉන් පමණක් ජනතාවගේ ගැටළු විසඳීමේ ක‍්‍රමවේදයට ළඟා විය හැක. පෟතුගීසි, ලන්දේසි සහ ඉංග‍්‍රීසි යටත් විජිත වාදීන්ට එරෙහිව අභීතව වරින් වර ජනතාව සටන් වැද තිබුණි. එලෙසම ඔවුහු නැවත නැවතත් සටන් වදිනු ඇත. අපි එම උරුමය අඛණ්ඩව ගෙන යමු. අද නව යටත් විජිතවාදයට එරෙහිව සහ මෙරට සිටින උන්ගේ දේශීය නියෝජිතයින්ට එරෙහිව අනුකම්පා විරහිත අරගලයක් පූරණය කිරීම සඳහා පෙළ ගැසෙමු!

 ජනාධිපතිවරණය වර්ජනය කරමු!
පාර්ලිමේන්තුවාදය පිටු දකිමු!

මාඕවාදී විප්ලවීය ලීගය (MRL)
2014.12.27

සහෝදර ශන්මුගදාසන් දිගු කල් දිනේවා!!!

උපැටුම – A WORLD TO WIN    #19   (1993)

සහෝදර ශන්මුගදාසන් දිගු කල් දිනේවා!!!

සහෝදර ශන්මුගදාසන්ගේ අභාවය ගැන

විප්ලවීය ජාත්‍යන්තරවාදී ව්‍යාපාරයේ (RIM) කමිටුවේ ප‍්‍රකාශනය

1993 පෙබරවාරි 15

Com.Shan visit Mao during the GPCR

Com. Shan visit Mao during the GPCR

ලංකා කොමියුනිස්ට් පක්‍ෂයේ (මාඕවාදී) සම ලේකම් සහෝදර N.ශන්මුගදාසන් 74 වැනි වියැතිව සිටියදී ස්වාභාවික හේතුවක් නිසාවෙන් පෙබරවාරි 8 වන දින මිය ගිය පුවත සැලවීමෙන් විප්ලවීය ජාත්‍යන්තරවාදී ව්‍යාපාරයේ කමිටුව අත්‍යන්ත ශෝකයට පත් වූහ.

සහෝදර ශන්මුගදාසන් සිය ජීවිතය කොමියුනිස්ට්වාදය සාක්‍ෂාත් කර ගැනීමේ අභිලාශය වෙනුවෙන් කැප කළහ. ඔහු ශ්‍රී ලංකාවේ පුළුල් මහජන ගෞරවයට පාත‍්‍ර වූ අයකු මෙන්ම කම්කරු, ගොවි, විප්ලවවාදී බුද්ධිමතුන් සහ ප‍්‍රගතිශීලීන්ගේ පුළුල් කොටස්වල ආදරයට පාත‍්‍ර වූහ. ඔහුගේ ජීවිතය ශ්‍රී ලංකාවේ විප්ලවීය ව්‍යාපාරය සමග සහ ජාත්‍යන්තර විප්ලවීය ව්‍යාපාරයේ ඉතිහාසය සමග වෙළී බැඳී ඇත. ඔහු පැවසූ ලෙසම ‘‘1939 දී කොමියුනිස්ට්වාදියෙකු බවට පත් වූ මම නැවත කිසිවිටක ආපසු නොහැරුණෙමි.’’

එවක ලංකාව යටත් විජිතයක්ව පැවතියද සහෝදර ශන්මුගදාසන් අව්‍යාජ කොමියුනිස්ට් පක්‍ෂයක් ගොඩනැගීමේ අරගලයට සහභාගි වූහ. එවක ලංකාවේ වාමාංශික ව්‍යාපාරයේ ආධිපත්‍යය පතුරුවා සිටි ට්‍රොට්ස්කිවාදීන්ට එරෙහිව ඔහු සටන් වැදුණහ. ඔහු, ජෝශෆ් ස්ටාලින්ගේ නායකත්වය යටතේ සෝවියට් සංගමයේ නිර්ධන පංතිය ලබාගත් දේවල් ආරක්‍ෂා කිරීමේ දෘඩතර ආරක්‍ෂකයෙකි.

සහෝදර ශන්මුගදාසන් මාඕ සේතුං වටේ පෙළගැසුණු සහ කෘෂෙව්ගේ සංශෝධනවාදයට එරෙහිව දියත් කළ ශ්‍රේෂ්ඨ අරගලයේදී චීන කොමියුනිස්ට් පක්‍ෂය වටා පෙළ ගැසුණු පළමු කොමියුනිස්ට් නායකයින්ගෙන් කෙනෙක් විය. ජනතාව විසින් සිදු කරනු ලබන විප්ලවවාදී ප‍්‍රචණ්ඩත්වය සහ නිර්ධන පංති ආඥදායකත්වයේ අවශ්‍යතාවය සහෝදර ශන්මුගදාසන් විසින් ආරක්‍ෂා කරන ලදි.

ඔහු චීනයේ ශ්‍රේෂ්ඨ නිර්ධන පංතික සංස්කෘතික විප්ලවය ආරක්‍ෂා කළ දෘඩතර ආරක්‍ෂකයෙකි. මාඕ සේතුං සහ චීන කොමියුනිස්ට් පක්‍ෂයේ අනෙකුත් විප්ලවීය නායකයින් සමග කළ සාකච්ඡාවන්හි පදනම්ව, සහෝදර ශන්මුගදාසන් ‘‘මාඕ සේතුං චින්තනයේ දීප්තිමත් රතු පතාකය ඔසවමු’’ යන හිසින් යුතු අත් පොත සකසන ලදි. මේ ප‍්‍රකාශනය, මාඕ සේතුංගේ සමහර ඉගැන්වීම් පතුරුවා ලීමට සහ ප‍්‍රචලිත කිරීමට උදව් කරමින්, ලොව පුරා පුළුල්ව සංසරණය වූහ.

1971 දී ශ්‍රී ලංකාවේ ප‍්‍රතිගාමී රජය විසින් සහෝදර ශන්මුගදාසන් ව වසරක කාලයක් සිරගත කරන ලදි.

1976 දී මාඕගේ මරණය සිදු වීමෙන් පසුව ඇති වූ කුමන්ත‍්‍රණයෙන් පසු, නව සංශෝධනවාදී පාලනයට එරෙහි වූ මුල් අය අතර සහෝදර ශන්මුගදාසන් විය. එන්වර් හෝක්සා මාඕ සේතුං චින්තනයට පහර දෙද්දී, බොහෝ දෙනෙකු පසෙකට වැනෙන විට සහෝදර ශන්මුගදාසන් දැඩිව නැගී සිටියහ.

සහෝදර ශන්මුගදාසන් විප්ලවීය ජාත්‍යන්තරවාදී ව්‍යාපාරය බිහිවීමට මං සැලසූ මාක්ස්-ලෙනින්වාදී පක්‍ෂ සහ සංවිධානවල පළමු සහ දෙවන ජාත්‍යන්තර සම්මේලන දෙකටම පැමිණියහ. එම ස්ථාවරයන් තිරසරව ඔසවාගෙන සිටිමින් දැඩි ලෙස අරගල කරමින් සහ අනෙක් අය සමග සමගිය පිණිස උත්සාහ දැරීම යන තැන්හි දී සහෝදර ශන්මුගදාසන් මේ ක‍්‍රියාවලිය තුළ තීරණාත්මක කාර්යභාරයක් ඉටු කළහ.

සහෝදර ශන්මුගදාසන් කළින් වූ ශ්‍රේෂ්ඨ අරගල තුළදී ඉදිරියට පැමිණ තිබුණු සහ චීනයේ සංස්කෘතික විප්ලවයේ බලපෑම යටතේ ඉදිරියට පැමිණි විප්ලවවාදීන් අතර වූ සජීවී සම්බන්ධතාවයන් කිහිපය අතරින් එක් අයෙකි. ඔහුගේ පරිණත බව සහ විශ්වාසනීයත්වය, ඔවුන් බිහි කළ විප්ලවීය ජාත්‍යන්තරවාදී ව්‍යාපාරයට පණ පෙවීමේදී බලවත් ලෝහයක් මෙන් විය; ඔහු ජාත්‍යන්තර කොමියුනිස්ට් ව්‍යාපාරයේ සැතපුම් කණුවක් ලෙස ගෞරවයට පාත‍්‍ර වේ.

සහෝදර ශන්මුගදාසන් දිවයිනේ උතුරු නැගෙනහිර දමිල ජනයාට එරෙහිව ගෙන ගිය ශ්‍රී ලංකා රජයේ යුද්ධයේදී ක‍්‍රියාශීලී විරුද්ධවාදියෙක් විය.

සහෝදර ශන්මුගදාසන් 1991 දී ලංකා කොමියුනිස්ට් පක්‍ෂයේ (මාඕවාදී) වැදගත් සම්මේලනයක් පෞද්ගලිකවම කැඳවමින් එය මෙහෙයවූහ. මෙලෙස, ඔහුගේ සෞඛ්‍ය තත්වය පිරිහෙමින් පවතින විටදී පවා, සිය පුද්ගල අභිලාෂයන්ට ඉහළින් නිර්ධන පංතියේ සහ විප්ලවයේ අභිප‍්‍රායන් තැබූහ, සහෝදර ශන්මුගදාසන් නව පරපුරක නායකත්වයක් ඇති කරමින් පක්‍ෂයේ අනාගතය සහතික කිරීමට ක‍්‍රියාකාරීව කටයුතු කළහ.

සහෝදර ශන්මුගදාසන් පේරු වේ මහජන යුද්ධයට උෙiා්ගිමත් ලෙස සහය දැක්වූවෙකි. ඔහුගේ අවසාන ප‍්‍රසිද්ධ කාර්ය වූයේ ආචාර්ය අබිමායෙල් ගුස්මාන්ගේ ජීවිතය ආරක්‍ෂා කිරීමට, ඉදි කිරීමේදී ඔහුද පුරෝගාමියෙකු වූ ජාත්‍යන්තර හදිසි කමිටුවේ ලන්ඩන්හි පළමු මාධ්‍ය සම්මේලනයේදී කථා කිරීමයි.

නිර්ධන පංතියට සහ ජනතාවට සිදුකළ ඔහුගේ දීර්ඝ කාලින විප්ලවීය සේවාව මුළුල්ලේදී, සහෝදර ශන්මුගදාසන් කොමියුනිස්ට්වාදයේ අත්‍යන්ත විජයග‍්‍රහණය පිළිබඳ වූ උසස් බලාපොරොත්තුව කිසි කළෙක නැති කර නොගත්හ. සහෝදර ශන්මුගදාසන්ගේ ජීවිත කාලය තුළදී ලංකාවේ විප්ලවය පිළිබඳ ව වූ තීරණාත්මක ගැටළු සියල්ලම විස\ නැති වූවත්, කොමියුනිස්ට්වරුන්ට, නිර්ධනීන්ට සහ ශ්‍රී ලංකාවේ ජනතාව සඳහා අතිශය වැදගත් ආරම්භයක් ඔහු ලබා දී ඇති අතර එය භාවිතයෙන් සිය විමුක්තිය සාක්‍ෂාත් කර ගැනීම පිණිස ඔවුහු ඉදිරියට ගමන් කරනු ඇත.

විප්ලවීය ජාත්‍යන්තරවාදී ව්‍යාපාරයේ කමිටුව සිය ගැඹුරු ශෝකය ලංකා කොමියුනිස්ට් පක්‍ෂයට (මාඕවාදී), සහ සහෝදර ශන්මුගදාසන්ගේ පවුලේ අයට සහ මිතුරන්ට ප‍්‍රකාශ කරයි. ලංකා කොමියුනිස්ට් පක්‍ෂය (මාඕවාදී) සහෝදර ශන්මුගදාසන් සිය ජීවිතයම කැප කරන්නට යෙදුණු කරතව්‍යයන් ඉදිරියට ගෙන යමින් ඔහුට ගෞරවය පුද කරනු ඇති බව අපට සහතිකය.

ABar-11

ජනතා සටන්කාමීත්වයේ සංකේතය – 1953 අගෝස්තු හර්තාලය

PDF File: 1953 අගෝස්තු හර්තාලය (88KB)

අරුණළු

ප‍්‍රකාශන

අංක : 02

ජනතා සටන්කාමීත්වයේ සංකේතය

1953 අගෝස්තු හර්තාලය

එක්දහස් අටසිය හැට ගණන්වල සිට ලංකාවේ විවිධ මට්ටමේ විවිධ ක්‍ෂෙත‍්‍ර තුළ වැඩවර්ජන සිදු කෙරුනි. දෙවන ලෝක යුද්ධයෙන් පසු බි‍්‍රතාන්‍යයන්ට අප රටට ‘‘ඩොමීනියන්’’ ආණ්ඩු ක‍්‍රමයක් ලබාදීමට තරම් බලපෑමක් කළ එක් සාධකයක් වූයේ 1946 සහ 1947 වසරවල මෙරට කම්කරු පංතිය ප‍්‍රමුඛ අන් පීඩිත සංවිධානාත්මක වැටුප් ශ‍්‍රමිකයන් දියත් කළ මහා වැඩවර්ජනයි. එම අරගල හුදෙක් වෘත්තීය සටන් වූ හෙයින් බහුජන සහභාගීත්වය පිළිබඳ වැඩි අවශ්‍යතාවයක් පැන නොනැගුණි.

එහෙත් බහුජන සටනක් වශයෙන් දියත් කෙරුණු ‘‘1953 අගෝස්තු හර්තාලය’’ මෙරට ජනතාවගේ පංති හා දේශපාලන සටන් ව්‍යායාමයන්ට නව අත්දැකීමක් වූවා පමණක් නොව, විප්ලවවාදී දේශපාලනයකට අවශ්‍ය නව මං විවෘත කළ ඓතිහාසික සන්ධිස්ධානයක් වූ බවත් වටහා ගනිමින් අගෝස්තු හර්තාලය දෙස ආපසු හැරී බලමු.

බි‍්‍රතාන්‍ය අධිරාජ්‍යවාදීන් මෙරට ජනතාව මත පැටවූ ධනේශ්වර පාර්ලිමේන්තුවාදී දේශපාලනයට අභියෝග කළ, ජනතා ශක්තිය මෙය යැයි මොනවට කියා පෑ අප රටේ ග‍්‍රාමීය හා නාගරික පීඩිත ජනතාවන්ගේ ප‍්‍රථම මෙන්ම තීරණාත්මක අරගලය ලෙස ඉතිහාස ගතවී ඇති හර්තාලය ක‍්‍රියාත්මක වී දශක හයක්, ඔව්, වසර 60 ක් ගතවී හමාරය. එහෙත් එදා ජනතාව ජීවිත පරිත්‍යාගයන් තුළින් ජීවය ලබා දෙමින් දිනාගැනීමට උත්සාහ කළ මනුෂ්‍යත්වය රජ වූ නව ලෝකය ගොඩනගා ගැනීමට හෝ එවැන්නක් සඳහා අවශ්‍ය වන මූලික පදනම් ගොඩනගාගැනීමට හෝ අද වන තුරුත් අපොහොසත් වී ඇති බව ද බැහැර නොකර හර්තාලය ගැන අධ්‍යයනය කිරීම වැදගති.

ඒ ශ්‍රේෂ්ඨ ජනතා නැගිටීම සමරණ අද වැනි දිනක මෙරට වත්මන් මාක්ස් ලෙනින්වාදීන් තම අවධානය යොමු කළ යුත්තේ කිනම් අරමුණක් සපුරා ගැනීමටද? තමන් මෙතෙක් කළ පංති හා දේශපාලන සටන් තුළින් ලැබූ අත්දැකීම් උපයෝගී කරගනිමින්, තම දේශපාලන කටයුතු පිළිබඳ විවේචනාත්මකවත්, විචාරාත්මකවත් බලමින් නිවැරදි මාක්ස් ලෙනින්වාදී පක්‍ෂයක් ගොඩනගා ගැනීමට හර්තාලයේ ජීවය යොදා ගන්නේ කෙසේද යන්න විමසා බැලීමට නොවේද? එම අත්දැකීම් මෙරට නිර්ධන පංති දේශපාලනය ජයග‍්‍රාහී මාවතකට යොමු කිරීමට යොදාගත හැකිය. විශේෂයෙන් නාගරික හා ග‍්‍රාමීය පීඩිත ජනතාවන්ගේ පංති හැඟීම් අවදි කිරීමටත්, කම්කරු පංතිය ධනේශ්වර පාර්ලිමේන්තුවාදී හා වෘත්තීය සමිතිවාදී දේශපාලනයෙන් මුදවා ගැනීමටත් මෙම සැමරීම ප‍්‍රබල උත්පේ‍්‍රරකයක් මෙන්ම ජීවී ශක්තියක් බවට පත් කරගත හැක.

විශේෂයෙන් වෘත්තීය සමිති ව්‍යාපාරය කම්කරු පංතිය ප‍්‍රමුඛ අන් වැටුප් ශ‍්‍රමිකයන් නිර්ධන පංති දේශපාලනය වෙත යොමු කරවන ගමන්මග හා දොරටුව බවට පත්කරවීමටත්, අන් පීඩිත ජන කොටස් ස්වශක්තිය කෙරහි විශ්වාසය තබා තමන් නිරත වන ක්‍ෂේත‍්‍ර තුළ එම ක්‍ෂේත‍්‍රයන්ට ආවේණික වු වෘත්තීය හා දේශපාලන ක‍්‍රියාමාර්ගයන් නිර්මාණය කරමින් නිර්ධන පංති දේශපාලනයට නව මං විවෘත කරදීමට යොමු කරවීමටත් හර්තාලය සැමරීම තරම් ප‍්‍රබල හා වැදගත් වෙනත් සංසිද්ධියක් ලාංකීය දේශපාලන වංශ කතාව තුළ හමු නොවෙතැයි කීවද එය නිවැරදිය.

1815 අප බි‍්‍රතාන්‍යයන්ට යටත් වූවායින් පසු ඔවුනට එරෙහිව කලින් කලට සිදු කළ විවිධ කැරලි ගැසීම් හා සටන්කාමී නැගිටීම්, එනම්, 1818, 1848, 1915, මෙන්ම 1946, 1947 වැඩවර්ජනත්, ඉන්පසු 1966 හා 1980 දියත් කළ මහා වැඩවර්ජනත් සමඟ සැසඳීමේදී 1953 අගෝස්තු හර්තාලයට හිමිවන්නේ අද්විතීය මෙන්ම විශේෂ ස්ථානයකි. මෙම සත්‍යය ධනේශ්වර ඉතිහාසඥයින් විවෘතව හුවා නොදක්වන්නේ එහි පංති ස්වරූපයත්, එමගින් ධනේශ්වරයට කෙරුණු විවෘත අභියෝගයත් නිසාවෙන් බව තරයේ ග‍්‍රහනය කරගත යුතුය.

1818 කැරැල්ල ජනතාව යටත්විජිතවාදීන්ට එරෙහිව දියත් කළ නැගිටීමක් වුවත්, (පීඩිත ප‍්‍රදේශයන්ගේ ජනතාව වැඩිවන මර්දනයට හා පීඩනයට එරෙහිව සිදු කළ නැගිටීමක් වුවත්) වරප‍්‍රසාද අහිමි රදළ නායකයින් විසින් තවත් රදළයෙකු සිංහාසනාරූඩ කරවීමට දැරූ ප‍්‍රයත්නයක් බවට පත්වී තිබුණි. එය ඉතිහාසය ආපස්සට ගෙන යාමට කළ උත්සාහයක් හා සමාන වූවකි.

එසේ වුවත් 1848 කැරැල්ල 1818 කැරැල්ලට වඩා විශේෂ වන්නේ එය සමාජ සංවර්ධනයට අනුකූල වන නවීන පරමාර්ථයන් පදනම් කරගනිමින් දියත් කළ කැරැල්ලක් වූ හෙයිනි.

ඒ වන විට කන්ද උඩරට රාජධානියේ පාලක පංතියව සිටි රදළ කොටස් බෙලහීන බලවේගයක් බවට පත්වී තිබීමත්, පංතියක් වශයෙන් වර්ධනය වන ධනපති පංතිය ජනතාවගේ ඉඩම් කොල්ලකෑමටත්, බලෙන් අයිතිය පැහැර ගැනීමටත් යොමු වූ නිසාවෙන් ගම්බද ජනතාව දියත් කළ ප‍්‍රබල සටනකි, 1848 කැරැල්ල. එහෙත් මෙම නැගිටීමට නායකත්වය දීමට පුද්ගලික නායකයන් හා ප‍්‍රාදේශීය නායකයන් ඉදිරිපත් වුවද, සංවිධානාත්මක පංතිමය නායකත්වයක් නොතිබීම මෙහි පරාජයට ප‍්‍රධාන හේතුව වුණි.

කන්ද උඩරට රාජධානිය තුළ නායකත්වයේ සංකේතය ලෙස ජනතාව දුටු රදළ නායකත්වය මෙම කැරැල්ල තුළ නොතිබුනි. කිරුළු පළඳා රාජ්‍යත්වයට පත් කළත් ගොන්ගාලේගොඩ බණ්ඩා සහ පුරන් අප්පු පහත රට සාමාන්‍ය ජනතාවගෙන් මතු වූ නිසාවෙන් ඔවුනට කන්ද උඩරට රදළයින්ගේ පූර්ණ සහය නොලැබීමත්, එම රදළ බලවේග හා බැඳි ජනතාව මෙම නායකත්වය නොපිළිගැනීමත් නිසාවෙන් මෙම කැරැල්ලද පරාජය වූවා පමණක් නොව මෙම කැරැල්ල නිසා වියලි කලාපයට පසුබෑ කැරැල්ලේ සටන්කාමීන් වෙනුවෙන් සමාජමය බලපෑමක් නිර්මාණය කිරීමට තරම් ශක්තියක් හෝ එහි නොතිබීම විශේෂ ලක්‍ෂණයක් ලෙස අප දැකිය යුතුය. එය සමාජ සංවර්ධනය හා ජන විඥාණය වර්ධනය වන ආකාරය වටහාගැනීමට උපයෝගී කරගත හැකි කදිම ආදර්ශයක් වනු ඇත.

කෙසේ වෙතත් මෙම කැරැල්ලෙහි වූ සාමාන්‍ය ජනතාවගෙන් මතු වූ නායකත්වයත්, ජනතාවගේ වීරෝදාර සටන්කාමීත්වයත්, (මාතලේදී බි‍්‍රතාන්‍යයන් ලැබූ පරාජය කන්ද උඩරට රාජධානිය යටත් කරගැනීමෙන් පසු ඔවුන් ලැබූ දරුණුම පරාජය ලෙස සැලකේ.) අප රටේ ජනතාව තම ස්වෛරීභාවය හා නිදහස කෙරෙහි දක්වන බැඳීම, ගරුත්වය හා කැපවීම මොනවට සනාථ කරන ඓතිහාසික අවස්ථාවක් බවත් පිළිගත යුතු සත්‍යයකි.

1915 සටන 1818 හා 1848 සටන් සමඟ සැසඳීමේදී පැහැදිලි ලෙස දැකිය හැකි වෙනසක් වන්නේ එම සටනේදී ඒ වන විට අප රටේ නැගී එන ධනපති පංතියේ දේශපාලනමය සහභාගීත්වය හා එහි ස්වරූපයත් හෙළිදරවු වීමයි. ආගමික හා වාර්ගික ප‍්‍රතිවිරෝධයන් මතු වීමත්, එම ප‍්‍රතිවිරෝධ එනම් සංස්කෘතික ප‍්‍රතිවිරෝධ ආර්ථික ප‍්‍රතිවිරෝධ අභිබවා ඉස්මතු වීමත්, ආණ්ඩුව එම ප‍්‍රතිවිරෝධ තම වාසියට යොදා ගනිමින් වාර්ගික භේද උත්සන්න වන ආකාරයට කටයුතු කිරීමත්, එසේ කළේ ඇයිද යන්නත්, එම අසම්මත කටයුතු සැලසුම් කළේ කෙසේද යන්නත් අධ්‍යයනය කිරීම වත්මන් දේශපාලන අර්බුද මතු වන ආකාරයන් මෙන්ම මතු කරවන ආකාරයන්් වටහා ගැනීමට ප‍්‍රයෝජනවත් වනු නොඅනුමානය.

යටත්විජිත ආණ්ඩුව ජනතාවගේ අවධානය වෙන අතකට යොමු කරමින් ජනතාවගේ පංති වෛරය මොට කිරීමට මෙම වාර්ගික ගැටීම යොදා ගත්තේ එමගින් ජනතාව බෙදා වෙන්කර පාලනය කිරීමේ අධිරාජ්‍යවාදී දේශපාලන න්‍යාය අප රටේ ක‍්‍රියාත්මක කිරීමට අවශ්‍ය පදනම සකසා ගැනීමට මං හෙළිපෙහෙළි කරගනිමිනි.

කෙසේ වෙතත් මෙම අරගලය තුළ අධිරාජ්‍ය විරෝධී ස්වරූපයක් ගැබ්වී තිබුණු මුත් එම අභ්‍යන්තර ප‍්‍රතිවිරෝධය ජනතාව තුළට කාන්දු නොවූ අතර, විවෘතව පෙන්නුම් කෙරුනේද නැත.

එසේ වුවත් මෙම ගැටුම අප රටේ නිදහස් සටනේ නව ආරම්භයක් සනිටුහන් කරමින් නව මං විවෘත කළ සන්ධිස්ථානයක් බව බැහැර නොකළ යුතුය.

දෙවන ලෝක යුද්ධයෙන් පසු බි‍්‍රතාන්‍ය අධිරාජ්‍යවාදීන්ට අන් සියලූ අධිරාජ්‍යවාදීන්ට මෙන්ම තම යටත්විජිත පවත්වාගැනීම අසීරු කරුණක් වුණි. එසේ වූයේ තමන් මුහුණ දුන් ආර්ථික අර්බුදත්, යටත්විජිතයන්හි ජනතාවන් ජාතික නිදහස සඳහා සටන්වැදීම මෙන්ම, සෝවියට් සමූහාණ්ඩුව ප‍්‍රමුඛ සමාජවාදී බලවේගයන් ගෙන් එම සටන්කාමීන් ලැබූ දිරිගැන්වීම් හා අධිරාජ්‍ය විරෝධී සහයෝගයත් නිසාවෙනි. එහිදී ඔවුන් ඔවුන්ගේ යටත්විජිත පාලනය කිරීම සඳහා නව ආණ්ඩු ක‍්‍රම මෙන්ම සූරාකෑම සහ ගසාකෑම සඳහා ආර්ථිකයේ නව උපායඋපක‍්‍රමද යොදා ගත්තේ අධිරාජ්‍යවාදයේ නව වර්ධනයන් නිර්මාණය කරමිනි.

එම යථාර්ථයට මුහුණ දීම සඳහා බි‍්‍රතාන්‍යයන් අප රටේ ස්ථාපිත කළ ඩොමීනියන් ආණ්ඩු ක‍්‍රමය පදනම් කරගත් ධනපති පාර්ලිමේන්තු ක‍්‍රමයට හා ධනපති පංතියට එරෙහිව දියත් කළ ප‍්‍රථම මෙන්ම තීරණාත්මක අරගලය ලෙස 1953 අගෝස්තු හර්තාලය ඉතිහාස ගතවී හමාරය.

මෙහිදී පෙර සඳහන් කළ කැරලි ගැසීම් මෙන් නොව මෙරට පීඩිත ජනතාව, නාගරික මෙන්ම ගම්බද පීඩිත ජනතාව පෙරට විත්, මහමඟට පැමිණ තම විරෝධය පල කරමින් ආණ්ඩු විරෝධී ක‍්‍රියාවන්හි නිරතවීමට නොබියව ඉදිරිපත් වුණි. ඔවුහු රාජ්‍ය මර්ධනයට පවා නොබියව මුහුණ දුනි.

පාලන මිලකට සැපයූ හාල් සේරුවක මිල සත 25 සිට තුන් ගුණයකට ආසන්න ප‍්‍රමාණයකින්, එනම් සත 70 දක්වා වැඩි කිරීමත්, සීනි මිල එදා මිල ගණන් අනුව විශාල මිල වැඩිකිරීමක් වූ සත 15 කින් වැඩි කිරීමත්, පාසල් දරුවන්ට ලබාදුන් දිවා ආහාරය කප්පාදු කිරීමත්, කුඩා දරුවන්ට කිරි ලබා දුන් මධ්‍යස්ථාන වසා දැමීමත්, දුම්රිය ගාස්තු හා තැපැල් ගාස්තු වැඩි කිරීමත්, අනාථාධාර කැපීමත් වැනි ජනතා විරෝධී පියවරයන් ගත් ඩඞ්ලි සේනානායකගේ ආණ්ඩුවට එරෙහිව ජනතාව මෙලෙස නැගී සිටියේ එම ආණ්ඩුවට වත්මන් රජයට මෙන්ම ව්‍යවස්ථාව වෙනස් කිරීමට තරම් වන මහා ශක්තියක්, නැතහොත් වැඩි මන්ත‍්‍රී සංඛ්‍යාවක්, බලය කේන්ද්‍රගත වූ පාර්ලිමේන්තුව තුළ පවා තිබියදී බව බැහැර නොකළ යුතු සත්‍යයකි.

එදා කේන්ද්‍රගත වූ බලය සහිත පාර්ලිමේන්තුවේ විශාල ශක්තියක් ඇතිව, එම බලය යොදා, ජනතාවට ඇහුම්කන් නොදී දියත් කළ ජනතා විරෝධී කටයුතු සිදු කළ ආකාරය පිළිබඳව වත්මන් මාක්ස්වාදීන්ගේ අවධානය යොමු විය යුතුය. බලය කේන්ද්‍රගත වූ ජනාධිපති ධූරයේ බලයත්, පාර්ලිමේන්තුව තුළ වත්මන් ආණ්ඩුව සතු මහා ශක්තියත් යොදා ගනිමින් සිදු කෙරෙන ජනතා විරෝධී කටයුතු පිළිබඳව ජනතාව දැනුවත් කිරීම ඔවුන්ගේ වගකීමක් වන බවත්, හර්තාලයේ ජීවගුණය එයම බවත් මෙහිලා සටහන් කළ යුතුව ඇත.

1953 වන විට මෙරට ජනතාවට වැඩවර්ජන ගැන යම් අත්දැකීමක් ලැබී තිබුණත් හර්තාල් කිරිම ගැන කිසිදු පූර්ව දැනුමක් නොතිබිණි. අද මෙන් ජනමාධ්‍ය දියුණු තත්වයක නොතිබුණ හෙයින් එමගින්ද ඔවුන්ට දැනුවත් වීමේ අවස්ථා නොතිබිණි. එසේ වුවත් ‘පොලීසියට බැටන් පොළු තිබේ නම් අපට පොල් ලෙලි තලන කිතුල් පොලූ තිබේ’ යැයි කාන්තාවන් පිරිසක් පොලිස් නිලධාරීන්ට කීවේ ජන ජීවිතය පදනම් කරගත් ජනතා ශක්තිය අසීමිත බව මොනවට සනාථ කරමිනි.

එදා ප‍්‍රබල කම්කරු මධ්‍යස්ථානයන් වූ වැල්ලවත්ත රෙදි මෝල, වරාය වැනි ස්ථානයන්හි රජයේ ජනතා විරෝධී ක‍්‍රියාපටිපාටියට විරෝධය දැක්වීම සඳහා හර්තාලයට පෙර, එනම් එම වසරේ ජුලි අගභාගයේ පැවැත්වූ වරුවේ සංකේත වැඩවර්ජනය ගැන රජය කිසිදු තැකීමක් නොකළේ රජය බලකාමීත්වයෙන් මත්වී සිටි නිසා යැයි එකල විරුද්ධ පක්‍ෂයේ දේශපාලනඥයෝ පුනපුනා කී සැටියෙන්ම, වත්මනේදී මෙම රජය ජනතා විරෝධය නොසලකා හරිමින් ගෙන යන පාලනය ෆැසිස්ට්වාදී ආණ්ඩුවක් ස්ථාපිත කිරීමේ ව්‍යායාමයක්ද යන්න අධ්‍ය්‍යනය කිරීම හර්තාලය සමරන්නන්ගේ වගකීම විය යුතුය. හර්තාලයේදී ජීවිත පරිත්‍යාගයෙන් සටන් කළ වීරෝධාර ජනතාකාමීන් වෙනුවෙන් කළ හැකි ඉහළම ගෞරවය වන්නේ ඕනෑම රජයක් ගන්නා ජනතා විරෝධී ක‍්‍රියාමාර්ගයන්ට එරෙහිව සටන්වැදීම බවද මෙහිලා සටහන් කළ යුතුව ඇත.

එසේ වුවත් හර්තාලයේ අත්දැකීම් තුළින් වටහා ගත යුතු මූලික මෙන්ම ප‍්‍රධාන කරුණ වන්නේ ජනතාව ආණ්ඩු විරෝධීව නැගී සිටියත්, ජනතාවගේ ශක්තිය කොතරම් ප‍්‍රබල වුවත් එවන් බලවේගයක් ජනතා ජයග‍්‍රහන කරා මෙහෙයවීමට අවශ්‍ය දේශපාලන නායකත්වයක් හර්තාලය තුළ නොතිබුණ බවයි. එදා ක‍්‍රියාත්මක වෙමින් තිබූ ලංකා සම සමාජ පක්‍ෂයත්, ලංකා කොමියුනිස්ට් පක්‍ෂයත්, වෙනත් වාමාංශික සංවිධානත් එවන් ජනතා නැගිටීමකට නායකත්වය දීම කෙසේ වෙතත් මුහුණ දීමටවත් සූදානම්ව නොසිටි බව පැහැදිලි ලෙස දැකිය හැකි සත්‍යයකි. ඒ වන විටත් පූර්ණ ධනේශ්වර පාර්ලිමේන්තුවාදී, සමාජ ප‍්‍රජාතන්ත‍්‍රවාදී දේශපාලනයක නිරත වූ මාක්ස්වාදී යැයි කියාගත් එම පක්‍ෂ ජනතාවගේ මෙවන් යෝධ විරෝධතාවයක් මෙහෙයවීම සඳහා අනිවාර්යයෙන් අවශ්‍ය වන සංවිධාන රටාවක් ගොඩනගා නොතිබුණි.

අරගලයේ පූර්ව සිදුවීම් ඇති වූ අවස්ථාවන්හිදී එක්සත් පෙරමුණක අවශ්‍යතාවය පැහැදිලිව දැකිය හැකි වුවත් ට්‍රොට්ස්කිවාදයේ බොළඳ නිර්මාණයක් වූ ‘ස්ටාලින්වාදී පක්‍ෂ හා ආණ්ඩු’ යන සංකල්පය කරපින්නා ගත් ලංකා සමා සමාජ පක්‍ෂය නිසාවෙන් එම අවශ්‍යතාවය සපුරාලීම කළ නොහැක්කක් බවට පත්වී තිබුණි.

බහුජන ක්‍ෂේත‍්‍රයේ සංවිධාන කටයුතුද මීට නොදෙවෙනි දුර්වලතාවයක් පෙන්නුම් කළත්, ජනතාව සියලූ පක්‍ෂ භේද නොතකා තමන්ගේම වූ ‘ගොනුවීම්’ හා සංවිධාන වීම් ලෙස සටන් කොමිටි නිර්මානය කර ඇත්තේ වත්මන් මාක්ස්වාදීන්ට එක්සත් පෙරමුණක අවශ්‍යතාවයත් බහුජන ක්‍ෂේත‍්‍රයේ කටයුතු කළ යුතු ආකාරයත් ගැන පූර්ව ආදර්ශයක් සපයමිනි.

පාර්ලිමේන්තුවාදී නොවන එක්සත් පෙරමුණක් පිළිබඳවත් එමගින් වෘත්තීය හා දේශපාලන සටන්වලදී අවශ්‍ය ‘සටන් කොමිටි’ ගොඩනගා ගැනීමේ අවශ්‍යතාවය ගැනත්, හැකියාව හා පදනම් ගැනත් වත්මන් මාක්ස්වාදීන් අවධානය යොමු කළ යුතු බව හර්තාලය දෙස ආපසු හැරී බලන්නෝ වටහා ගත යුතුය.

ජනතාව ජීවිත පරිත්‍යාගයෙන් ලබාගත් එම දැනුම, එම පාඩම, වත්මන් මාක්ස් -ලෙනින්වාදීන් ග‍්‍රහනය කරගත යුතුය. එතෙකින් නොනැවතී එම අඩුපාඩු නිවැරදි කරගැනීමට වසරක් පාසා පැරිස් කොමියුනයේ පාඩම් ගැන කථා කරන්නා ක් මෙන් මෙම ශ්‍රේෂ්ඨ නැගිටීම නැවතනැවතත් සිහිපත් කරමින් මෙරට මාක්ස් ලෙනින්වාදී ව්‍යාපාරයේ මෙතෙක් වූ අඩුපාඩු සපුරා ගැනීමට අවශ්‍ය පියවර නිර්මාණය කරගැනීමට යොදා ගත හැකිය. අවදියේ ඓතිහාසික මෙහෙවර එයම බව වටහා ගනිමින් තමන් මෙතෙක් ලැබූ අත්දැකීම් හා ගොනු කරගත් දැනුම නිවැරදි මාක්ස් ලෙනින්වාදී පක්‍ෂයක් ගොඩනැගීමට යොදා ගත යුතුය.

හර්තාලය තුළින් අධිරාජ්‍යගැති එක්සත් ජාතික පක්‍ෂයේ සැබෑ ස්වරූපය ජනතාව වටහා ගත් මුත්, එහි ඵලය ශ‍්‍රී ලංකා නිදහස් පක්‍ෂය ප‍්‍රමුඛ එදා දේශීය ධනේශ්වර බලවේග නියෝජනය කළ කඳවුර දිනාගැනීමත්, එමගින් ජනතාව තවදුරටත් ධනේශ්වර දේශපාලනය තුළ රඳවාගැනීමට ධනේශ්වරයට හැකි වීමත් ගැන විචාරාත්මකව විශ්ලේශනය කරගත යුතුය.

එමෙන්ම පැරණි මාක්ස්වාදී දේශපාලන පක්‍ෂ හා සංවිධාන පූර්ණ පාර්ලිමේන්තුවාදී වී කෙමෙන් දියවීමත්, කම්කරු පංති ව්‍යාපාරය පූර්ණ වෘත්තීය සමිතිවාදී වීම හා සුභසාධන සංවිධානයන්ගේ තත්වයට පත්වීමත්, නීති උපදේශක ආයතන බවට පත්වීමත් පිළිබඳව ද වත්මන් මාක්ස්වාදීන්ගේ අවධානය යොමු විය යුතුය. මෙම වෙනස සිදු වූයේ කෙසේද යන කරුණු පිළිබඳව අධ්‍යයනය කිරීමද ඉතා වැදගත් වනු නොඅනුමානය.

ජනතාව හර්තාල් ක‍්‍රියාවලියේදී ප‍්‍රබල ලෙස ආණ්ඩු විරෝධීව නැගීසිටියත් පැරණි වාමාංශික පක්‍ෂ සහ සංවිධාන (ඔවුන් මාක්ස්වාදීන් ලෙස පෙනී සිටිමින්) ජනතාවට නායකත්වය දීමටවත්, මෙම ජනතා නැගිටීම රාජ්‍ය විරෝධී විප්ලවවාදී දේශපාලන ව්‍යාපාරයක ආරම්භය බවට පත්කිරීමටවත් අපොහොසත් වූයේ එම සංවිධාන විප්ලවවාදී දේශපාලන ක‍්‍රියාමාර්ගයක නිරතවීමට අවශ්‍ය පදනමකින් ගොඩනගා නොතිබුනු නිසාවෙන් යැයි කීම නිවැරදිය.

එදා පැවැති රජය ස්ටාලින්වාදී යයි කීමට තරම් බොළඳ පදනමක හර්තාලයේ නියමු කාර්යභාරයක් ඉටු කළා යැයි කියන ලංකා සම සමාජ පක්‍ෂයත්, එහි ආචාර්යවරුන්ගෙන් සමන්විත වූ නායකත්වයත් සිටි බැවින් එක්දින විරෝධතාවයක් වශයෙන් ඇරඹුනු හර්තාලය පෙරට ගෙන යෑමට ඔවුන් ඉදිරිපත් නොවූ බව අකමැත්තෙන් වුව පිළිගත යුතුය. එහි ඵලය වූයේ රාජ්‍ය මර්දනයට ජනතාව බිළි දීම නොවේද?

ඔවුන් ධනේශ්වර පාර්ලිමේන්තු දේශපාලනය කෙරෙහි කොතෙක් දුරට යොමු වී සිටියේද යන්න වටහා ගැනීමට කදිම නිදසුනක් වනුයේ ලංකා සම සමාජ පක්‍ෂයත්, කොමියුනිස්ට් පක්‍ෂයත් එක්ව ගත් නිගමනයන්ය. කම්කරු පංතියේ නායකත්වයෙන් යුත් ආණ්ඩුවක් පිහිටුවීමට ඔවුන් නිගමනය කර ඇත්තේ ධනේශ්වර, විශේෂයෙන් අධිරාජ්‍යවාදී අවශ්‍යතාවයන් සපුරාලීමට ධනේශ්වර දේශපාලන, ආර්ථික, සංස්කෘතික හා සමාජමය බලවේග පදනම් කරගත් ධනේශ්වර පාර්ලිමේන්තුව තුළ වීම ඔවුන්ගේ ජනතාවාදී නොවන, විප්ලවාවදී නොවන අවස්ථාවාදී සුළු ධනේශ්වර දේශපාලනයේ යථාර්ථය හෙළි කරන කැඩපතක් බඳුය. මෙය මාක්ස් ලෙනින්වාදීන්ගේ නිගමනයක් නොවන බව නම් සහතිකය. බි‍්‍රතාන්‍යයේ කම්කරු පක්‍ෂය වැනි දේශපාලන සංවිධානයන්ට මෙවන් නිගමන සුදුසු වුවත් නිර්ධන පංතියේ දේශපාලනය වන මාක්ස් ලෙනින්වාදී දේශපාලනයට මෙවන් නිගමන නොපෑහෙන බව හර්තාලයේ ඉතිහාසය විග‍්‍රහ කිරීමේදී තේරුම් ගත යුතුව ඇත. අවම වශයෙන් මෙම නිගමනයෙන් පසුව හෝ ඔවුන්ගේ පක්‍ෂ හර්තාලයේ අත්දැකීම් ග‍්‍රහනය කරගනිමින් පාර්ලිමේන්තුවාදී නොවන නිවැරදි මාක්ස් ලෙනින්වාදී දේශපාලනයක නිරතවීමට යොමු වූයේ නම් හර්තාලයේ ජීවය උකහා ගත්තා යැයි කිව හැක. එහෙත් සිදුවී ඇත්තේ අනෙකකි. ඔවුන් තවතවන් පාර්ලිමේන්තුවාදී වී දිය වී යෑම පමණි. තමන් මාක්ස්වාදී හෝ මාක්ස් ලෙනින්වාදී යැයි කියාගත් පැරණි වාමාංශික දේශපාලන පක්‍ෂ ගනු ලැබූ මෙවන් දේශපාලන නිගමන හා ක‍්‍රියාමාර්ග ගැන විචාරාත්මකව විශ්ලේෂණය කිරීම ඉතිහාසය දෙස මාක්ස්වාදී දෘෂ්ඨියකින් බැලිය හැකි බුද්ධිමතුන්ට භාර කරමු.

එදා වාමාංශික ව්‍යාපාරය තුළ ක‍්‍රියාත්මක වූ විවිධ මාක්ස්වාදී පක්‍ෂ සහ සංවිධාන එක් සංවිධානයක් බවට ගොනු වීම කෙසේ වෙතත්, අවම වශයෙන් එක්සත් පෙරමුණක් වශයෙන් අවම එකඟතාවයකට පැමිණ ජනතාවගේ අවශ්‍යතාවයන් වෙනුවෙන් පොදු ක‍්‍රියාමාර්ගයක් ගැනීමට හෝ ඒකරාශී නොවූයේ ඔවුන්ගේ දේශපාලන දෘෂ්ඨිය නිර්ධන පංතියේ දෘෂ්ඨියට වඩා ධනේශ්වර ප‍්‍රජාතන්ත‍්‍රවාදී පාර්ලිමේන්තුවාදී දේශපාලන දෂ්ඨියෙන් සන්නද්ධ වී තිබුණු හෙයිනි.

හර්තාලයේදී ප‍්‍රදර්ශනය වූ තවත් වැදගත් කරුණක් වූයේ එදා පැවැති මධ්‍යම පංතික වෘත්තීය සමිති ආණ්ඩු විරෝධී සටන්කාමී ක‍්‍රියාමාර්ගයන්හිදී හෝ වෘත්තීය සමිති විරෝධතාවයන්හිදී ඇල්මැරුනු ස්වරූපයකින් කටයුතු කළ ආකාරයයි. මෙම තත්වය 1947 වැඩවර්ජනයේදී පිළිබිඹු වූ දැඩි සටන්කාමී ස්වරූපයට හාත්පසින්ම ප‍්‍රතිවිරුද්ධ වූවකි. ආණ්ඩුවේ ලිපිකරු සේවා සංගමය, ලංකා වෙළෙඳ සේවක සමිතිය වැනි මධ්‍යම පංතික වෘත්තීය සමිති මෙසේ කටයුතු කළත් එම සංවිධාන තුළම එම ක‍්‍රියාමාර්ගයන්ට විරුද්ධ බලවේග මතුවූයේ ආණ්ඩුවේ අත්තනෝමතික මෙන්ම මර්දනකාරී ක‍්‍රියාවන්ගේ ප‍්‍රතිඵලයක් වශයෙන් පමණක් නොව ජනතාවගේ සටන්කාමීත්වයේ ඵලයක් ලෙසිනි.

මධ්‍යම පංතික වෘත්තීය සමිති මෙලෙස කටයුතු කළත්, රජයේ මෙන්ම පුද්ගලික අංශයේ කම්කරු සංවිධාන එතෙක් කිසිදු අවස්ථාවක සිදු නොකළ ආකාරයට වැඩවර්ජනයට සහභාගී වෙමින් ආණ්ඩු විරෝධී සටනේ පෙරමුණ ගෙන කටයුතු කර ඇත්තේ පංති අරගලයේ හා නිර්ධන පංති දේශපාලනයේ අනාගත කාර්යභාරය පිළිබඳ පූර්ව ආදර්ශ සපයමිනි. මෙහි ජීවය කොතරම් ප‍්‍රබල වූයේද යත්, දැඩි සංවිධානාත්මක පදනම්වල නොසිටි විසිරී සිටි කඩ සාප්පු සේවකයන්, කුඩා පරිමාණයේ කර්මාන්ත ශාලා සහ වැඩපලවල්වල සේවකයින් පවා සංවිධානාත්මක නොවූවත් තම පංති යුතුකම ඉටු කරමින් වැඩවර්ජනයේ කොටස්කරුවන් වී සිටි බව හර්තාලයේ ඉතිහාසය සනාථ කරනුයේ වත්මන් කම්කරු පංතියට පැහැදිලි පණිවුඩයක් ලබාදෙමිනි. එදා නාගරික මෙන්ම ග‍්‍රාමීය ප‍්‍රදේශයන්හි කම්කරුපංතිය ප‍්‍රමුඛ අන් පීඩිත ජනතාවන් ආණ්ඩු විරෝධී ක‍්‍රියාකාරකම්වල නිරත වෙමින් හර්තාලය සාර්ථක කරගැනීමට දුන් දායකත්වය ලංකා සම සමාජ පක්‍ෂය මෙන්ම කොමියුනිස්ට් පක්‍ෂය අපේක්‍ෂා නොකළ තරම් ප‍්‍රබල මෙන්ම දැඩි වූ බව එම පක්‍ෂවල නායකත්වයන් එදා ප‍්‍රසිද්ධියේම ප‍්‍රකාශ කර ඇත. එසේ ප‍්‍රකාශ කර ඇත්තේ හර්තාලයට දේශපාලන නායකත්වයක් ලබාදීමට තරම් වන විප්ලවවාදී දෘෂ්ඨිමය පදනමක මෙන්ම සංවිධානාත්මක පදනමක එම පක්‍ෂ නොතිබුණු බැවිනි. මාක්ස්වාදී විප්ලවවාදී පක්‍ෂ ගැන පුරසාරම් දොඩවන්නෝ මෙම අත්දැකීම් මගින් ලබාදී ඇති ‘‘දැනුම’’ දැඩිව ග‍්‍රහනය කරගත යුතුය. කම්කරු පංතිය පංතියක් වශයෙන් තම දේශපාලනය දෙස බැලිය යුතුය යන සත්‍යය සනාථ කෙරෙන ආදර්ශ සැපයීම ද හර්තාලයෙන් සිදු වූ තවත් වැදගත් මෙහෙවරකි. ජාතිවාදීව වහල් කඳවුරක් බවට පත්කර ගනු ලැබූ වතු කම්කරුවන් හර්තාල් ක‍්‍රියාමාර්ගයෙන්, අවම වශයෙන් වැඩවර්ජන කිරීමෙන් හෝ සහභාගී නොවී දවසේ වැඩ නිමා කිරීමෙන් පසු විරෝධය පල කිරීමේ රැස්වීම් පැවැත්වීමට පමණක් යොමු වූයේ එදා තොණ්ඩමන්ලාගේ ජාතිවාදී උපක‍්‍රමය තුළින් කම්කරු පංතිය බෙදා වෙන්කර තිබූ නිසාවෙනි. එසේ වුවත් ප‍්‍රතිවිරුද්ධ පංතියේ, ධනේශ්වර පංතියේ පංති හැඟීම් මොනවට ප‍්‍රදර්ශනය කරමින් ශ‍්‍රී ලංකා නිදහස් පක්‍ෂය හර්තාලයට සහභාගී නොවීම කම්කරු පංතියටද පංති හැඟීමෙන් දේශපාලන හා වෘත්තීය සටන් දෙස බැලීමට මග පෙන්වන කදිම අදර්ශයක් ලෙස දැකිය යුතුය.

හර්තාලයේ සිදුවීම් දෙස ආපසු හැරී බැලීමේදී පැහැදිලි වන තවත් කරුණක් වනුයේ ලංකා සම සමාජ පක්‍ෂයට ශක්තියක් තිබූ ග‍්‍රාමීය ප‍්‍රදේශයන්හි දිළිඳු ගොවි ජනතාවන් හර්තාල් ක‍්‍රියාදාමයේ ප‍්‍රබල බලවේගයක් වෙමින් ඉටු කළ මෙහෙවරයි. එමගින් සිදුවූවේ ගොවි ජනතාව ප‍්‍රතිවිප්ලවීය බලවේගයක් වශයෙන් හඳුන්වන ට්‍රොට්ස්කිවාදී න්‍යායන් භාවිතාවෙන් ම ප‍්‍රතික්‍ෂේප වීමයි. මහමඟ ආප්ප පුච්චමින් මාර්ග අවහිර කිරීමට තරම් එඩිතර වූ ග‍්‍රාමීය ගොවි ජනතාව මාක්ස්වාදය හා මාක්ස් ලෙනින්වාදය යැයි කියමින් ට්‍රොට්ස්කිවාදයත්, සංශෝධනවාදයත්, ධනවාදයත් අනුව කටයුතු කළ එදා වාමාංශික බලවේගයට නව මං හෙළි කළ මුත්, එමගින් ඵලප‍්‍රයෝජන ලැබූයේ දේශීය ධනේශ්වර පංතියේ දේශපාලන සංවිධානය වූ (එදා) ශ‍්‍රී ලංකා නිදහස් පක්‍ෂයයි. මේ අතර මාක්ස්වාදී පක්‍ෂ වශයෙන් සමාජ ගත වී සිටි ලංකා සම සමාජ පක්‍ෂය, කොමියුනිස්ට් පක්‍ෂය හා විප්ලවකාරී ලංකා සම සමාජ පක්‍ෂය වැනි දේශපාලන සංවිධාන ධනේශ්වර පාර්ලිමේන්තුවාදය වෙත නැඹුරු වීම තවදුරටත් වර්ධනය කරගනිමින් ඔවුන්ගේ වෘත්තීය සමිති වෘත්තීය සමිතිවාදය නමැති මඩගොහොරුවේ ගිල්වමින් තමන්ගේ දේශපාලන මිනීවලවල් කපාගැනීම සිදු කරගති.

මෙවැනි දුර්වලතාවයන් හා පසුබෑම් සිදුවී තිබුණ මුත්, අගෝස්තු හර්තාලය වත්මන් මාක්ස් ලෙනින්වාදීන්ට ඓතිහාසික අත්දැකීමක් පමණක් නොව, මෙරට මාක්ස් වාදීන් ගත යුතු ක‍්‍රියාමර්ගයන් පිළිබඳ එහි නිවැරදි මෙන්ම වැරදි ක‍්‍රියාකාරකම් හා ජයග‍්‍රාහී මෙන්ම පරාජිත ප‍්‍රතිඵල තුළින් සපයන දැනුම් සම්භාරය අසීමිතය. එසේම මෙම අරගලයේදී කම්කරු පංතියෙන් හා ගොවි ජනතාවගෙන් මතු වූ නායකයින් එම පක්‍ෂ තුළින් ඉවත් කෙරුණේ කෙසේද යන්න විමසා බැලීමද, ඒ පිළිබඳව අධ්‍යයනය කිරීමද මාක්ස් ලෙනින්වාදී පක්‍ෂයක අභ්‍යන්තර ප‍්‍රතිවිරෝධ නිවැරදිව විශ්ලේෂණය කරගැනීමට හා සාර්ථකව විසඳා ගැනීමට උපකාරී වන පූර්වාදර්ශ සපයනවා නොඅනුමානය.

ලක් ඉතිහාසයේ ප‍්‍රථම වරට කම්කරුවන්ගේ හා ගොවීන්ගේ සහභාගීත්වයෙන්, පැහැදිලි නායකත්වයකින් තොරව (ප‍්‍රාදේශීය නායකත්වයන් මතුවූ බව සත්‍යයකි.) කෙරුණු ‘හර්තාලය’ එතෙක් අප රටේ සිදු කළ වැඩවර්ජන, මැතිවරණ ව්‍යාපාර වැනි ක‍්‍රියාමාර්ගයන්ට වඩා හාත්පසින්ම වෙනස් වූවකි. මෙය අප රටේ ධනපති පාලනයට එරෙහිව ජනතාව නැගීසිටි ප‍්‍රථම අවස්ථාව වූ හෙයින් සුවිශේෂ වැදගත්කමක් පෙන්නුම් කරන අතර, එමගින් ලැබූ අත්දැකීම් හා දැනුම් සම්භාරය තීරණාත්මක බවද බැහැර නොකළ යුතුය. විශේෂයෙන් ජාතික නිදහස දිනාගැනීම මෙන්ම ජනතාවාදී හා ජනහිතකාමී බව ගැන පුරසාරම් දොඩවන්නෝ එදා මෙන්ම අදත් නොඅඩුව සිටින හෙයින් මේ හැම අතුරින් ජනතාවගේ මිතුරන් හා සතුරන් කවුදැයි පැහැදිලිව හෙළිදරව් කරගැනීමට අවශ්‍ය ආදර්ශ ලබාගත හැකි ප‍්‍රබලතම සංසිද්ධියක් ලෙස 1953 අගෝස්තු හර්තාලය උපයෝගී කරගැනීම වැදගත් වනු ඇත.

ලාංකික පීඩිත ජනතාවන්ගේ හෙට දවස වෙනුවෙන් තමන්ගේ අද දවස පමණක් නොව මුලූ ජීවිතයම පරිත්‍යාග කළ 1953 හර්තාලයේ වීරෝධාර සොහොයුරන්ගේ නම් සහ ඔවුන් තම දායකත්වය ලබාදුන් ප‍්‍රදේශයන් මෙහිලා සඳහන් කිරීම අපගේ වගකීමක් ලෙස සලකන්නෙමු. එකල ටයිම්ස් පුවත්පතේ 21 දෙනෙක් මිය ගිය බව සඳහන් කර තිබුණු මුත්, දැනට අප ගොනු කරගත් කරුණු මත පිහිටා මෙහිලා සටහන් කරනු ලබන නාමයන් මෙසේය.

කේ. එඞ්වින් පිටකොටුව

අලූමදුරගේ අල්විස් රජ්ගම

එස්.එච්. රූබල් ඌරගහ

ටී.ඇම් පනාගොඩ දොඩන්දූව

එච්.කේ.ඒ. පියසේන දොම්පේ

කේ.ඒ. සාදිරිස් දොම්පෙ

එස්.කේ.ඒ. වික‍්‍රමසිංහ දොම්පෙ

ටී. සිරිසේන කිරුළපන

ඩග්ලස් නිකලස් මෝදර

සමාජවාදය හරහා කොමියුනිස්ට්වාදය ගොඩනැගීම සඳහා වන මාක්ස් ලෙනින්වාදීන්ගේ දේශපාලන අරගලය නැතහොත් නිර්ධන පංතියේ විප්ලවීය දේශපාලන ක‍්‍රියාදාමය, ධනේශ්වර පාර්ලිමේන්තුවාදී දේශපාලනයෙන් බැහැර වී වෘත්තීය සමිතිවාදී නොවී, කම්කරු පංතියේ නායකත්වයෙන් ගොවි ජනතාවගේ ශක්තිය මත පිහිටා දියත් කළ යුතු විප්ලවීය අරගලයක් බව හර්තාලයට හැට (60) වසරක් සපිරෙන අද වැනි දිනෙක හෝ පිළිගැනීමට මෙරට මාක්ස් වාදීන් සූදානම් වේ නම් නිවැරදි මාක්ස් ලෙනින්වාදී පක්‍ෂයක් ගොඩනැගීමේ ආරම්භක පියවර එම නිගමනයම බව මෙහිලා සඳහන් කළ යුතුය. හර්තාලය ගැන අධ්‍යයනය කිරීම අතීතයේ මුල් හෑරීමක් පමණක් නොව අනාගතය දැකීමට අවශ්‍ය ආලෝකය සපයන අනාගතය පිළිබිඹු කරන කැඩපතකි.

* විසි එක් වන සියවස වන විට මාක්ස්වාදය මාක්ස් ලෙනින්වාදය බවටත්, මාක්ස් ලෙනින්වාදී මාඕවාදය බවටත් පත් කළ මාක්ස්වාදයේ සංවර්ධනය මත පිහිටමු !

* ශ්‍රේෂ්ඨ මහජන යුද්ධයේ න්‍යාය ක‍්‍රියාත්මක කරමු !

* කම්කරු ගොවි සමගියේ ශක්තිය විදහා දැක් වූ 1953 හර්තාලයෙන් පාඩම් උගෙනිමු !

2013 අගොස්තු 12

[අරුණළු යනු ශ්‍රී ලංකාව තුළ වූ තවත් මාඕවාදී කණ්ඩායමකි. මේ ලිපිය අරුණළු මගින් පළ කරනු ලැබූවකි.]

ඉන්දියානු විප්ලවය අපේ විප්ලවයයි. එයි ජයග‍්‍රහණය අපේ ජයග‍්‍රහණයයි. එහි පරාජය අපේ පරාජයයි.

ඉන්දියානු විප්ලවය අපේ විප්ලවයයි. එයි ජයග‍්‍රහණය අපේ ජයග‍්‍රහණයයි. එහි පරාජය අපේ පරාජයයි.

චටිස්ගාර් කලාපය තුළ මාඕවාදී ඉන්දියානු කොමියුනිස්ට් පක්‍ෂයේ මහජන විමුක්ති ගරිල්ලා හමුදාව විසින් ෆැසිස්ට්වාදී නායකයින්ට මෑතකදී එල්ලකළ ප‍්‍රහාරය ඉන්දියානු පාලක පංතියට එල්ල වූ බලවත් පහරක් වන අතර දිවි පිදූ ඉහළ පෙලේ නායකයින් වන සහෝදර අෂාඞ් සහ කිෂෙන්ජි සහ ෆැසිස්ට්වාදී සල්වා ජුදුම්, ප‍්‍රාන්ත සහ මධ්‍යම රජයේ ඝාතක යන්ත‍්‍රය මගින් සිදු කරනු ලැබූ මර්ධනය නිසා කාලක්ණ්ණි ලෙස ජීවත් වීමට සිදු ජනතාව වෙනුවෙන් සිදු කළ විශිෂ්ට පළි ගැනීමකි. ලොව පුරා සිටින විප්ලවවාදී සොහොයුරන්ට සහ ජනතාවට එය අතිශයින් ප‍්‍රීතිමත් ප‍්‍රවෘත්තියකි. මේ මොහොතේ අපි මහජන විමුක්ති ගරිල්ලා හමුදාවේ අභීත සොහොයුරන්ට සහ මේ අභීත ප‍්‍රහාරය සඳහා සිය සහයෝගය ලබා දුන් විප්ලවීය ජනතාවට සහ ඉන්දියාවේ මහජන යුද්ධය තීව‍්‍ර කරමින් සිටින ඉන්දියානු කොමියුනිස්ට් පක්‍ෂය (මාඕවාදී) ට අපේ රතු උත්තමාචාරය පුද කරමු.

හරිත දඩයම් මෙහෙයුමේ අතිශය දුෂ්කර තත්ත්වයන් යටතේ ගතවන සෑම දිනකම ඉන්දියානු සහෝදරවරු සමස්ත ඉන්දියාව තුළ විප්ලවීය ව්‍යාපාරය වර්ධනය කරමින් සිටී. මුළු මහත් ඉන්දියාව පුරාම විප්ලවීය ජනතාව මර්ධනය කර දැමීමට ඉන්දියානු රජය අධි බලැති යුධ තාක්‍ෂණය, චන්ද්‍රිකා, ඩිජිටල් (සංඛ්‍යාංක) ඉලෙක්ට්‍රොනික පද්ධති සහ නව යුධ දැනුම භාවිතා කරයි. මාඕවාදී මතවාදය අපරාජිත බව ඉතා පැහැදිලිය. සහෝදර මා ඕ සේතුං විසින් නායකත්වය දෙනු ලැබූ ශ්‍රේෂ්ට නිර්ධන පංතික සංස්කෘතික විප්ලවය නිර්ධන පංතියේ අත්දැකීම් වල ඉහළම කඳු මුදුන වේ. ආරම්භයේ සිටම සහෝදර චාරු මෂුම්දාර් ශ්‍රේෂ්ට නිර්ධන පංතික සංස්කෘතික විප්ලවය සමග තදින් බැඳී එහි ආත්මය උරා ගනිමින් මා ඕගේ න්‍යායයන් භාවිතාවේ යෙදවූහ. චීන නිර්ධන පංති ආඥදායකත්වය බිඳ වැටීමෙන් පසු ලෝකයේ කිසිදු සමාජවාදී රටක් නොවීය. නමුත් ශ්‍රේෂ්ට නිර්ධන පංතික සංස්කෘතික විප්ලවය මුළු මහත් ලොව පුරා ගිණි පුපුරු විසි කළ අතර ඉන්දියාව, පිලිපීනය, තුර්කිය, පේරුව සහ කොලොම්බියාව වැනි නව පතන් ගිණි අවුළුවාලූහ. එම නිසා ලොව පුරා පීඩිත සහ විප්ලවීය ජනතාවට ඉන්දියාවේ මහජන යුද්ධය ශ්‍රේෂ්ට උරුමයක් වනු ඇත.

ෆැසිස්ට්වාදී ඉන්දීය පාලක පංතිය අමෙරිකන් අධිරාජ්‍යවාදීන්ගේ ආධාර ඇතුව ජනතාවට එරෙහි දැවැන්ත යුද්ධයක් පවත්වාගෙන යයි. සෑම දිනකම අතිවිශාල ආයුධ සහ පතරොම් ප‍්‍රමාණයක් විප්ලවීය ව්‍යාපාරය වළලා දැමීම පිණිස නිෂ්පාදනය කරමින් තිබේ. නිර්ධන පංති ජාත්‍යන්තරවාදයේ දෑත් තබමින් ලෝක විප්ලවයේ මූලස්ථානය ලෙස අපි ඉන්දියානු විප්ලවය ආරක්‍ෂා කරගත යුතු වෙමු. සාරවත් ඛණිජ සහ සම්පත් පොළොව යට වැළලී තිබෙන දිළිඳු ආදිවාසී ජනතාවගේ ඉඩම් උදුරාගැනීමට මහ ධනපති ගිජුලිහිණියන් බලා සිටී. මාඕවාදී ව්‍යාපාරය සමූලඝාතනය නොකොට එකදු බිම් අඟලක් වත් අල්ලා ගත නොහැකි බව ඔවුහු දනිති. ඔවුන්ට මේ සම්පත් සූරාකන්නට අවශ්‍ය වන්නේ ඔවුන්ගේ දැවැන්ත ආර්ථික අර්බුද වල තුවාල සුව කර ගැනීමටයි.

අප රටේ ජනතාව අතර ඉන්දියානු විප්ලවය ප‍්‍රචලිත කිරීමට අප විසින් විවිධ ක‍්‍රියාමාර්ගයන් ගෙන යන්නෙමු. අපි මාඕවාදී ඉන්දියානු කොමියුනිස්ට් පක්‍ෂයේ ලිපි ව්‍යාප්ත කරන අතර මාඕවාදී ඉන්දියානු කොමියුනිස්ට් පක්‍ෂයේ මධ්‍යම කාරක සභාව විසින් පළ කරනු ලැබූ සහෝදර කිෂන්ජි ගැන වූ කෘතිය විප්ලවීය නායකත්වය පිළිබඳව අධ්‍යයනය කිරීමට සහ අව්‍යාජ සහ තිරසර විප්ලවවාදියෙකු ලෙස වැඩ කරන්නේ කෙසේද යන්න උගෙනීමට අත් පොතක් ලෙස භාවිතා කරන්නෙමු. ජනතාව වෙතට ඉන්දියානු විප්ලවයේ පණිවුඩය ගෙනයාමට සහ මැතිවරණ ක‍්‍රියාකාරකම් වර්ජනය කරන ලෙස ආමන්ත‍්‍රණය කරමින් අපි සමහර ප‍්‍රදේශවල පෝස්ටර් ව්‍යාපාර දියත් කිරීමද සිදු කළෙමු.

අප රට තුළ බොහෝ දෙනෙකු ඉන්දියානු විප්ලවය ගැන නොදනිති. තමන් සමාජවාදීන් සහ මාඕවාදීන් ලෙස හංවඩු ගසාගෙන සිය පුද්ගල අභිලාෂයන් ඉෂ්ට සිද්ධ කර ගන්නා සමහර නින්දිත සංශෝධනවාදී දේශපාලන පක්‍ෂ සහෝදර ශන්මුගදාසන්ගේ විප්ලවීය උරුමය කෙලසන අතර විප්ලවීය ව්‍යාපාරය තියුණු කිරීමට හෝ වර්ධනය කිරීමට ඔවුන්ට අවශ්‍යතාවයක් නැත. නමුත් මේ වන විට අපගේ ක‍්‍රියාකාරීත්වය නිසා ජනතාවගෙන් ටික දෙනෙක් ඉන්දියාවේ විප්ලවීය යුද්ධය පිළිබඳව තතු දැන සිටී. විවිධ ආකාරයන්ගෙන් වඩ වඩාත් අපි එය ජනතාව අතරට ගෙන යමින් සිටින්නෙමු. එය මුවග රැව්දෙන වචනයක් තරමට පත් කිරීමට අපිට අවශ්‍යයි.

තවද ඉන්දියාවේ මහජන යුද්ධය දකුණු ආසියානු කලාපය තුළ පාලක පංතීන්ට කරනු ලබන අනතුරු හැඟවීමක්ද වෙයි. මන්ද යත් ශ්‍රී ලංකාවේ සහ අනෙක් රටවල්වල පාලක පංතිය එය ඔවුන්ගේ ඊළඟ අනතුර ලෙස දකී. විප්ලවීය ව්‍යාපාරයේ ඓතිහාසික වටිනාකම් විකෘත කරමින් ධනේශ්වර මාධ්‍යය මාඕවාදී ත‍්‍රස්තවාදයේ නැගීම පිළිබඳව තොරතුරු පළ කරයි, විකාශය කරයි. ඉන්දියානු විප්ලවය පිළිබඳව උද්වේගකර ප‍්‍රවෘත්ති ජනතාව අතර පළ වන විට ඔවුහු එමගින් අනුප‍්‍රාණයක් ලැබීමට සහ විප්ලවීය ආත්මය උරා ගැනීමට නැඹුරු වෙයි. එම නිසා එය හැමතැනෙකම පාලක පංතීන්ට බරපතළ බාධකයකි. එමනිසා අද දින ලෝක අධිරාජ්‍යවාදයට තිබෙන බරපතළම තර්ජනය මා ඕවාදයයි. අන්න ඒ නිසා වීරෝධාර ජනතාවගේ සන්නද්ධ අරගලය තලා පොඩිකර දැමීමෙන් විප්ලවය වළලා දැමීමට ලෝක අධිරාජ්‍යවාදයට අවශ්‍යව තිබේ.

ඉතා පැහැලිවම සමකාලීන ලෝක ඉතිහාසය තුළ මා ඕවාදය යනු පීඩිත ජනතාවගේ විමුක්තිය උදෙසා වන අනභිභවනීය දේශපාලන ගමන් මග ලෙස තහවුරු වී ඇත. සෑම විප්ලවවාදියෙකුම ඉන්දියානු විප්ලවය ඔසවා තැබිය යුතුයි. ඉන්දියානු විප්ලවය සමග තද බැඳීමක් නොමැතිව, ඉන්දියාවේ ශ්‍රේෂ්ට මහජන යුද්ධය ආරක්‍ෂා කිරීමට සහය දෙන්නේ නැතිව කිසිවෙකුට ලෝක නිර්ධන පංති ව්‍යාපාරයේ කොටස්කරුවෙකු විය නොහැක. නිර්ධනීන්ගේ ජාත්‍යන්තර සමගිය නොමැතිව කිසිදු විප්ලවයකට විශිෂ්ට සාර්ථකත්වයක් අත්කර ගත නොහැක. ඉන්දියානු විප්ලවය අපේ විප්ලවයයි. එයි ජයග‍්‍රහණය අපේ ජයග‍්‍රහණයයි. එහි පරාජය අපේ පරාජයයි. අපි එයට සහය දිය යුතුය, එය ආරක්‍ෂා කළ යුතුය.

එමනිසා ඉන්දියානු විප්ලවය හැමතැනෙකම ප‍්‍රචලිත කිරීමෙන් සහ පැතිරවීමෙන්, මා ඕවාදයේ ශ්‍රේෂ්ට ධජය යටතේ අපගේ රටවල්වල විප්ලවීය ව්‍යාපාරය තියුණු කිරීමෙන් සහ අපිට කළ හැකි සෑම දෙයක්ම සිදු කිරීමෙන් එයට සහය දැක්වීමට හැකිය.

ඉන්දියානු විප්ලවයට සහය දීමේ ජාත්‍යන්තර දිනය වන ජූලි 1 වන දින සහයෝගීතාවයට අපගේ මුළු හදවතින්ම සහය පළ කර සිටිමු. නිර්ධන පංති ව්‍යාපාරයේ නව රැල්ලක් ඇති කිරීමට ජූලි 1 ව්‍යාපාරය මග පාදනු ඇත. සහෝදර අෂාඞ්, කිෂෙන්ජි සහ අනෙකුත් දිවි පිදූවන්ගේ මතකය සහයෝගිතා ව්‍යාපාරයේ සෑම තැනෙකම ජීවමානව විහිදෙනු ඇත.

අපි උස් හඬින් නැවත නැවත හඬගා සිටිමු: ඉන්දියානු විප්ලවය අපේ විප්ලවයයි. එයි ජයග‍්‍රහණය අපේ ජයග‍්‍රහණයයි. එහි පරාජය අපේ පරාජයයි.

ඉන්දියාවේ මහජන යුද්ධය දිගු කල් දිනේවා!
දිවි පිදූ දහස් ගණන් වූ විප්ලවීය සොහොයුරන්ට, රතු ගරිල්ලා භටයින්ට සහ විප්ලවීය ජනතාවට අපගේ රතු උත්තමාචාරය!
අධිරාජ්‍යවාදයට විනාශය!
ඉන්දියානු කොමියුනිස්ට් පක්‍ෂය (මාඕවාදී) දිගු කල් දිනේවා!
මාක්ස්වාදය ලෙනින්වාදය මාඕවාදය දිගු කල් දිනේවා!

 

මාඕවාදී විප්ලවීය ලීගය (MRL)
ශ්‍රී ලංකාව
2013 ජුනි 17