Blog Archives

ජින්ගු නරසිංහ රෙඩ්ඩිගේ ලජ්ජාසහගත පාවාදීම සහ යටත්වීම හෙලාදකිමු

ජින්ගු නරසිංහ රෙඩ්ඩිගේ ලජ්ජාසහගත පාවාදීම සහ යටත්වීම හෙලාදකිමු

මධ්‍යම කාරක සභාව
ඉන්දියානු කොමියුනිස්ට් පක්ෂය (මාඕවාදී)

ඉන්දියානු කොමියුනිස්ට් පක්ෂය (මාඕවාදී) මධ්‍යම කාරක සභාව

මාධ්‍ය නිකුතුව

ජින්ගු නරසිංහ රෙඩ්ඩිගේ ලජ්ජා සහගත පාවාදීම සහ යටත්වීම හෙලාදකිමු!
ආත්මාර්ථයෙන් තොර පරිත්‍යාගයේ සහ සාමදානයක් නොමැති දැඩි අරගලයේ විප්ලවීය සම්ප‍්‍රදාය දිගුකල් දිනේවා!
මාවතේ ඇති සියළු දෑ අතුගා දමමින් රළ පහරක් මෙන් විප්ලවය ඉදිරියට ගමන් කරනු ඇත!

ජින්ගු නරසිංහ රෙඩ්ඩි (ජම්පන්නා, රාජේෂ්), සතුරාට යටත් වන්නට පෙර අපේ පක්ෂයේ මධ්‍යම කාරක සභාවේ සාමාජිකයෙකි. ඒ වන විටත් ඔහුට නිර්ධන පංති මතවාදයේ අපරාජිත බව, මාඕවාදී පක්ෂය, දිග්ගැස්සුණු මහජන යුද්ධය, විප්ලවීය ව්‍යාපාරය සහ පීඩිත ජනතාව ගැන තිබූ විශ්වාසය බිඳ වැටී තිබුණි. වාස්තවික තත්ත්වයන් මගින් ඇති කළ පංති අරගලයේ දුෂ්කර තත්ත්වයේ වෙනස්වීම සහ සතුරාගේ සියළු ආකාරයේ ප‍්‍රහාරවල තියුණු වීමත් සමග, ඔහු අරගලය අත්හැර දමා පලා යෑමේ සහ ලජ්ජා සහගත ලෙස සතුරා අබිමුව දණ ගැසීමේ අතිශයින්ම ආත්මාර්ථකාමී, දුෂ්ට සහගත සහ බියසුළු මාවත තෝරා ගත්හ. මෙය වූ කලී රටේ වැඩකරන ජනතාවගේ වීරෝධාර අරගලය සහ ඉන්දියානු විප්ලවය, ඉන්දියානු නිර්ධන පංතිය සහ ඔවුන්ගේ පක්ෂය එකහෙලා පාවාදීමකි. එය වූ කලී රාජේෂ් විසින් අද දින ලජ්ජා නැතිව වැළඳගන්නා පංති සතුරාට එරෙහිව ආත්මාර්ථයෙන් තොරව සටන් වැද දිවි පිදූ දහස් ගණන් විප්ලවවාදී දිවිපිදූවන්ට සිදු කළ අවමානයකි. මෙය සමග, විප්ලවීය ව්‍යාපාරය තුළ ඔහුගේ දශක තුනක දේශපාලන දිවිය නීච ලෙස අවසන් විය. මෙයත් සමග, අපේ මධ්‍යම කාරක සභාව ඔහුගේ පාවාදීම ඉතා දැඩි ලෙස හෙලාදකිමින් පක්ෂයේ නිළයන්ගෙන් සහ සාමාජිකයින්ගෙන්, සමස්ත විප්ලවීය කඳවුරෙන්, අති විශාල අරගලකාරී ජනතාවගෙන් සහ ඉන්දියානු විප්ලවයේ මිතුරන්ගෙන් ඉල්ලා සිටින්නේ මෙවැනි ද්‍රෝහීන් සහ ඔවුන්ගේ තුච්ඡ යටත්වීමේ මාවත එකහෙලාම ප‍්‍රතික්ෂේප කරන ලෙසයි. නරසිම්හ රෙඩ්ඩිගේ ඇද වැටීමෙන් සහ පිරිහීමෙන් කිසිදු හානියක් නොවුණු අපේ මධ්‍යම කාරක සභාව දැඩි ලෙස සහ පැහැදිලිව අපේ පක්ෂයේ හදිසි සහ අත්‍යන්ත අරමුණු ක‍්‍රියාවේ යෙදවීම පිණිස පංති අරගලයේ රක්ත වර්ණ ධජය දැඩි ඇල්මකින් ස්ථීරසාර ලෙස ඉදිරියට රැගෙන යන බවට වූ පක්ෂයේ ප‍්‍රතිඥව අළුත් කළහ.

නරසිංහ රෙඩ්ඩි 1980 මුල් කාලයේදී ව්‍යාපාරයට සම්බන්ධ වූයේ හයිද්‍රාබාද් නගරයේ ෆැක්ටරියක තාක්ෂණික ශිල්පියෙකු ලෙස සේවය කරන විටයි. පසුව ඔහු වෘත්තීය විප්ලවවාදියෙකු වූ අතර පක්ෂය මගින් ඔහුව වරංගාල් දිස්ත‍්‍රික්කයේ එතුරුනාගරම් වනාන්තර ප‍්‍රදේශයේ ගරිල්ලා ස්ක්වේඩ් සාමාජිකයෙකු ලෙස වැඩ කිරීමට යවන ලදි. පසුව ඔහු 1986 සිට 1995 යන කාලය තුලදී ස්ක්වේඩ් කමාන්ඩර් කෙනෙකු ලෙස, ඒරියා කොමිටි සාමාජිකයෙකු ලෙස, දිස්ත‍්‍රික් කොමිටි සාමාජිකයෙකු ලෙස සහ දිස්ත‍්‍රික් කොමිටි ලේකම්වරයෙකු ලෙස ඉහළට ගමන් කලහ. 1995 දී උතුරු තෙලෙංගානා කලාප (ෂෝනල්) කමිටුව ඉදි කරන ලද්දේ එම කලාපය තුළ ගරිල්ලා යුද්ධය ඉහළ මට්ටමකට ගෙන ඒමේ සැලසුම ඇතිවයි. එම වසරේ පැවැත්වූ උතුරු තෙලෙංගානා කලාප කමිටුවේ පළමු සම්මේලනයේදීම ඔහු එයට තේරී පත්වූහ. 2000 වසරේදී, උතුරු තෙලෙංගානා කලාප කමිටුවේ ලේකම්වරයා ලෙස තේරී පත්වූ අතර ඒ ආකාරයෙන් 2007 දක්වා වැඩ කටයුතු කළහ. 2001 දී ඔහු මධ්‍යම කාරක සභාවට තේරී පත් වුණු අතර 2001 සහ 2007 යන කාලයේදී උතුරු තෙලෙංගානාවේ මධ්‍යම කාරක සභා සාමජිකයෙකු ලෙස වැඩ කළහ. 2007 දී මධ්‍යම මිලිටරි කොමිසමට ඇරයුම් ලැබූ ඔහු උතුරු තෙලෙංගානාවේ සහ මධ්‍යම කලාපයේ වැඩ කළහ. 2011 දී ඔහු ඔඩිෂාවලට මාරු කොට යැවූ අතර 2016 අගභාගය වන තෙක් ම එහි වැඩ කළහ. අවසන් වසරේදී ගැඹුරු ලෙස මතවාදී සහ දේශපාලනික අවිනිශ්චිතභාවයක ගිලී සිටි ඔහු යටත්වීමට ගත් තීරණය පිළිබඳව 2017 නොවැම්බර් වලදී මධ්‍යම මිලිටරි කොමිසමට දැනුම් දුන්හ.

නරසිංහ රෙඩ්ඩි සාපේක්ෂව දිගු කාලයක්, දශක තුනකට වැඩි කාලයක් සිය දායකත්වය විප්ලවීය ව්‍යාපාරයට ලබා දී ව්‍යාපාරයේ ඉහළම නායකත්ව කොමිටිය වන, මධ්‍යම කාරක සභාවේ සාමාජිකයෙකු වීමට තරම් දේශපාලනිකව ඉහළට වර්ධනය වී ව්‍යාපාරයේ ක‍්‍රියාකාරීත්වයට දායකත්වය ලබා දුන් බව සත්‍යයකි. නමුත් එකම විටදී, ඔහු සතුව බරපතල දුර්වලකම් කිහිපයක්, පුද්ගලවාදීත්වය, නිළධාරිවාදය සහ ව්‍යාජ කීර්තිය වැනි නිර්ධන පංතිමය නොවන ප‍්‍රවණතාවයන් සහ සීමාවන් ඔහුගේ දේශපාලන ජීවිතය මුළුල්ලේම පැවතිණි.

ඔහු සමග ගරිල්ලා ස්ක්වේඩයන්හි සහ පක්ෂ කොමිටිවල වැඩ කළ සහෝදරවරු හෝ නායකත්ව මට්ටමේ සහෝදරවරු දිගින් දිගටම ඔහුගේ ඍණාත්මක ආකල්ප වලට එරෙහිව මේ සමස්ත කාලය මුළුල්ලේම අරගල කළහ. අදාල කොමිටි මගින් සෑම පියවරකදී ම ඔහුව නිවැරදි කිරීමට වෑයම් කළ අතර ඔහු පවා බොහෝ අවස්ථාවල එක් හෝ වෙනත් ආකාරයකින් එය පිළිගත්හ. නමුත් ඔහුගේ දුර්වලකම්, අත්වැරදීම් සහ සීමාවන් දිගටම නොනැසී පැවතිණි. විශේෂයෙන්ම පසුගිය අවුරුදු කිහිපයේදී, මේ ඍණාත්මක ආකල්පයන් අනුක‍්‍රමයෙන් විශාල වී අවසානයේ පක්ෂය සහ ව්‍යාපාරය වර්තමානයේ මුහුණදී ඇති දුෂ්කර තත්ත්වය යටතේ එය ප‍්‍රමුඛ තත්ත්වයකට පත් විණි. සතුරා විසින් ඇති කළ බිය අධි තක්සේරු කළ ඔහුට අවසානයේ පක්ෂය විසින් පැවරූ කාර්යයන් පවා නිසි පරිදි සම්පූර්ණ කරන්නට නොහැකි විය. සතුරු ප‍්‍රහාර එල්ලවිය හැකියැයි යන අවසරය මත ඔහු වැදගත් රැස්වීම් වලට පවා පැමිණීම ප‍්‍රතික්ෂේප කළේ අනෙක් සහෝදරවරු පවා සිරභාරයට ලක්විය හැකි ඔහුට සමාන තත්ත්වයක සිටියදීය. ඉහළ කොමිටිවල සහෝදරවරුන් හැරුණු විට, ඔහුගේ ආරක්ෂාවට සිටි සහෝදරවරුන් පවා ඔහුගේ බියසළු හැසිරීම සහ පරාජිතවාදය විවේචනයට ලක් කළහ. පැතිර පවත්නා තත්ත්වය සහ සතුරාගේ ප‍්‍රබල ප‍්‍රහාර විසින් පක්ෂයේ ඉහළ පෙලේ සිටින නායකත්ව මට්ටමේ සහෝදරවරුන්ට යුධ පිටියේ දී දැඩිව සහ විශ්වාසයෙන් යුතුව සිටින්නටත්, පක්ෂය, මහජන විමුක්ති ගරිල්ලා හමුදාව සහ ව්‍යාපාරය මගින් වෙන් කළ නොහැකි කොටසක් ලෙස ඔවුනොවුන් විසින් ධෛර්ය සම්පන්න ලෙස ආරක්ෂා වීමටත් අභියෝග කෙරී ඇත.

මෙය යුධමය අවස්ථා ඇතුළු සමස්ත විප්ලවවාදී වැඩකටයුතු වලදී සිදු කළ යුතුව තිබේ. නමුත් මධ්‍යම මිලිටරි කොමිසමේ සාමාජිකයෙකු වශයෙන්, නරසිංහ රෙඩ්ඩි, ඉහළ මට්ටමේ දේශපාලන දැනුවත්කමක්, සූදානම්වීමක්, ධෛර්ය සම්පන්න බව, විනයගරුක බව, ආත්මාර්ථයෙන් තොර පරිත්‍යාගය, ස්වයං-විවේචනයේ ආකල්ප සහ අනෙකුත් නායකත්ව ගුණාංග ප‍්‍රදර්ශනය කරමින් පක්ෂය විසින් ඔහුට පවරන ලද ඉහළ මට්ටමේ වගකීම් සහ කාර්යයන් ඉෂ්ට කිරීම සඳහා ජීවත් වීමට අසමත් වූහ.

අපේ මධ්‍යම කාරක සභාව නරසිංහ රෙඩ්ඩිගේ බරපතල මට්ටමට පැමිණ තිබූ ඔහුගේ පැවති දුර්වලකම් සහ සීමාවන් විශ්ලේෂණය කළහ. ඔහු දැඩි ලෙස මනෝමූලිකවාදයේ ගිලී ඇති බවත් එහි ප‍්‍රතිඵලයක් ලෙස ඔහු විසින් සතුරා අධිතක්සේරු කොට විප්ලවීය ව්‍යාපාරය සහ ජනතාව අවතක්සේරු කොට ඇති බව මධ්‍යම කාරක සභාව තීන්දු කළහ. ඔහු සිය ඉවසීම සහ විශ්ලේෂණාත්මක හැකියාව අහිමි කරගෙන, පක්ෂයේ නායකත්ව කොමිටියේ සාමාජිකයෙකු ලෙස වාස්තවික තත්ත්වය විශ්ලේෂණය කිරීමට අසමත්ව, දිගින් දිගටම වැරදි සංවිධානමය ක‍්‍රමවේදයන් අනුගමනය කළ අතර ඔහු ගැන විශ්වාසය තබා පැවරූ වැදගත් වගකීම් සම්පූර්ණ කිරීමට මුළුමනින්ම අසමත් විය. මෙය ඔහුගේ දිගුකාලීන දුර්වලතාවයක් වූ පක්ෂ කොමිටි ගැන පුද්ගලවාදී ලෙස සහ මනෝමූලවාදී ලෙස සිතීම සමග සංකලනය විය. නිර්ධන පංති විනය සහ මධ්‍යගත ප‍්‍රජාතන්ත‍්‍රවාදය උල්ලංඝණය කරමින්, තනි පුද්ගල ගැටළු වලදී නිකායවාදී සහ අභිමත ආකාරයට අතාර්කික විවාද සහ අර්බුද ඇති කර ගැනීම ඔහුගේ පුරුද්දක් බවට පත්ව තිබුණි. සමහර අවස්ථාවලදී ඔහු විසින් අදාල පක්ෂ කොමිටි වල ක‍්‍රියාකාරිත්වය මුළුමනින්ම අක‍්‍රීය කරනු ලැබූ අතර අනෙක් සහෝදරවරුන්ගේ විවේචනයට ලක් වන විට රැස්වීම්වලට සහභාගිවීමෙන් වළකින බවට තර්ජනය කළහ. අනුක‍්‍රමයෙන් ඔහුගේ මේ සංවිධාන විරෝධී හැසිරීම සහ ක‍්‍රියාකාරිත්වය නිසා, සිය සහෝදරවරුන්ගේ විශ්වාසය සිඳගත් ඔහු හුදෙකලා තත්ත්වයට පත් වූහ. මේ සියළු වැරදි ගති ලක්ෂණ අදාල පක්ෂ කමිටුවල සහෝදරවරු විසින් අවස්ථා කිහිපයකදී ම සමගිය-අරගලය-සමගිය යන පදනමේ සිට ඔහුගේ වැරදි සහ දුර්වලකම් නිවැරදි කරගැනීමට උදව් කිරීමේ අරමුණ ඇතිව විවේචනය කළහ. නමුත් ඔහුගේ ඍණාත්මක අභිලාශයන්වල බැරෑරුම්කම වටහා ගැනීමට නොහැකිවූ ඔහු, හිතුවක්කාර ලෙස ස්වයං විවේචනයේ ක‍්‍රමය පිළිගැනීම ප‍්‍රතික්ෂේප කළහ. එසේම, මාක්ස්-ලෙනින්-මාඕවාදයෙන් ඔහුගේ ලෝක දෘෂ්ඨිය නැවත වාත්තු කර ගැනීමට අසමත් වූහ. මෙය ඔහුව පහලට ඇද වැටීමට පමණක් නොව පක්ෂයට විශාල හානි සිදු කිරීමට හේතු වූහ.

මේ සියල්ල සැලකිල්ලට ගනිමින්, ඔහු සිය වැරදි සහ දුර්වලකම් අවබෝධ කරගෙන සිය සහෝදරවරුන්ගේ උදව් ඇතිව ඒවා නිවැරදි කරගැනීමට දැඩි ලෙස වෑයම් කරනු ඇතැයි යන අපේක්ෂාවෙන් යුතුව, මේ වසර මුලදී නරසිංහ රෙඩ්ඩිට වසර දෙකකට මධ්‍යම කාරක සභාව තහනම් කිරීමට අපේ මධ්‍යම කාරක සභාව තීරණය කරන ලදි. කෙසේ හෝ, ඔහු මේ තීරණය ධනාත්මක එකක් ලෙස පිළිනොගත්තා මෙන්ම කිසිදු හෝ ස්වයං විවේචනයක් හෝ සිදු නොකළහ. එසේම මධ්‍යම කාරක සභාව විසින් ඔහුව ප‍්‍රාන්ත කමිටුවට පත් කළද එහි වගකීම් දැරීම ඔහු විසින් ප‍්‍රතික්ෂේප කරන ලදි. සුළු ධනේශ්වර පුහු කීර්තිය සහ ආත්මාර්ථකාමී පටු මනෝභාවයන් මගින් යටපත්වුණු ඔහු පක්ෂයේ තීන්දුව ක‍්‍රියාත්මක කිරීම සහ ඔහු තුළ වූ නිර්ධන පංති නොවන ලක්ෂණයන්ට එරෙහිව අරගල කිරීම ප‍්‍රතික්ෂේප කළහ. ඔහු තමන්ව කොමියුනිස්ට් විප්ලවවාදියෙකු ලෙස නැවත සකස් කරගැනීමට අසමත් වූහ. නිහතමානීව විප්ලවයට සේවය කිරීම සහ ජනතාව සමග නිරහංකාරව ජීවත්වීමට වඩා සතුරාට සේවය කිරීම පිණිස සතුරාට යටත්ව නීච දාසයෙකු වීම වඩා යෙහෙකැයි ඔහු කල්පනා කළහ. මේ ආකාරයෙන්, විප්ලවවාදියෙකු හිතුවක්කාරී සහ නම්‍යශීලී නොවන ද්‍රෝහියෙකු සහ ප‍්‍රයෝගකාරයෙකු බවට පත්විය.

මධ්‍යම කාරක සභාව ඔහු ගැන තහනම් කිරීමේ තීරණය ගන්නා විට, ඔහු පක්ෂ මතවාදයේ ඇති දේශපාලන වෙනස්කම් ඉස්මතු කළහ. ‘‘ඉන්දියාව දැන් අර්ධ රදල – අර්ධ යටත් විජිත රටක් නොවේ, එය ධනවාදී රටක් බවට පරිවර්තනය වී ඇත.’’ යන්න ගැන සාකච්ඡා කළහ. මෙලෙස අපේ පක්ෂයේ දැක්ම තත්ත්වයන්ට අනුව වෙනස් කළ යුතු වුණු අතර පක්ෂය ඉන්දියාවේ නවතම තත්ත්වයන්ට අනුව කැරලි ඇති කිරීමේ මාවතක් ගත යුතු විය. මේ දේශපාලන වෙනස්කම් ඔහුගේ පිරිහීම වසාගන්නට මිස වෙන කිසිවක් නොවේ.

සෑම විප්ලවයක්ම පෙරලීම් හැරීම්, උච්චාවචන සහ දුෂ්කර තත්ත්වයන් හරහා ගමන් කොට ඇත. නිර්ධන පංති පක්ෂයකට මුවහත්වී විප්ලවය ජයග‍්‍රහණය දක්වා මෙහෙයවීමට හැකියාවක් අත් කර ගත හැකි වනු ඇත්තේ එවැනි අභියෝග සමග නිර්භය ලෙස ක‍්‍රියා කිරීමෙන් පමණකි. මෙවැනි වකවානුවක, මෙය සියළුම කොමියුනිස්ට්වාදීන්ට – විශේෂයෙන්ම නිර්ධන පංති නොවන පංති ස්ථරවලින් කොමියුනිස්ට් පක්ෂයට සම්බන්ධවුණු පුද්ගලයින්ට – සිය මතවාදී සහ දේශපාලනික වටහා ගැනීම් ගැඹුරු කර ගැනීමට, නිර්ධන පංති ලෝක දෘෂ්ඨිය ඔවුන් විසින්ම තෝරා ගැනීමට සහ එය කෙරේ දැඩිව ඇලී සිටිමින් නැවත සකස්වීමට බෙහෙවින් අවශ්‍ය වී ඇත. ඔවුහු වඩාත් තිරසර ලෙස මධ්‍යගත ප‍්‍රජාතන්ත‍්‍රවාදයේ මූලධර්ම ක‍්‍රියාවෙහි යෙදවීමත්, පක්ෂයේ අයෝමය විනය බැඳී සිටීමත්, සහෝදරවරුන් සහ ජනතාව අතර වඩා සමීප සබඳතාවයක් පවත්වා ගැනීමත්, භාවිතයෙන් ඉගෙන ගැනීමත්, සිය වැරදි නිවැරදි කර ගැනීමත්, ස්වයංව සටන් කිරීමත්, ආත්මාර්ථයෙන් තොරව ජනතාවට සේවය කිරීමත් සහ අවසානය දක්වාම කැපවී සිටින විප්ලවවාදියෙකු ලෙස අරගලයේ ඉදිරි පෙරමුණෙහි සිට ගැනීමත් වැදගත්ය. මෙවැනි පරීක්ෂණ අවධි වලදී අසමත් වන්නන් හැමවිටම සිටී. තමන්ව නැවත නැවත සකසා නොගන්නා සහ ස්වකීය පැවැත්ම උදෙසා දැඩි ප‍්‍රමුඛත්වයක් ලබා දෙමින්, තීරණාත්මක මං සන්ධිවලදී ව්‍යාපාරයේ රැඳී සිට දීර්ඝ ගමනක කැපකිරීම් සඳහා සූදානම් නොවන අතලොස්සක් දෙනෙකුට මෙය මුළුමනින්ම පොදු තත්ත්වයක් බව ඉතිහාසය පෙන්වා දෙයි. ඔවුහු විප්ලවයේ කඳවුර අත්හැර දමමින් කලෙකදී ප‍්‍රති-විප්ලවවාදීන් බවට පත්ව සතුරාට සේවය කරයි. නරසිංහ රෙඩ්ඩි කාඩර්වරු සහ ජනතාව සමග සම්බන්ධවීම අත්හැර දැමූ, සිය දුර්වලකම් වලට එරෙහිව සටන් කිරීම නවතා දැමූ විප්ලවවාදියෙකුගේ බරපතල ඍණාත්මක ලක්ෂණ ප‍්‍රදර්ශනය කරමින් සතුරා විසින් භීතියට පත් කොට යටත් කර ගත් අයෙකු බවට පත් වූහ. බියගුළු කමින් පහරකනු ලැබූ, ඔවුහු ශෝකජනක ලෙස පංති සතුරා ඉදිරියේ මුණින් වැටී සිය දෑත්වලින්ම ජනතාව වෙනුවෙන් ඔවුන් තුළ වූ ඵලදායී බව අවසන් කර ගනිති. පංති අරගලයේ ක‍්‍රියාවලිය තුළදී කලින් කලට විප්ලවය විසින් එවැනි මිනිසුන් ඉවතලන අපද්‍රව්‍ය ලෙස බැහැර කරනු ලැබේ.

මෙවැනි නින්දිත පුද්ගලයින් සතුරාගේ තනුවෙන්ම ගයන්නට පටන් ගනිමින් පක්ෂයට, එහි නායකත්වයට, විප්ලවීය ව්‍යාපාරයට සහ ඉන්දියානු විප්ලවයේ අනාගතයට අපවාදවලින් දමා ගැසීම පුදුම විය යුතු කරුණක් නොවේ.. සතුරාගෙන් රුකුල් ලැබූ ඔවුහු පක්ෂය සහ විප්ලවයට හානි කිරීමේ එකම අරමුණ ඇතිව (‘‘ව්‍යාජ’’) ‘බුද්ධිමතුන්’, ‘මාධ්‍යවේදීන්’, ‘සමාජ ක‍්‍රියාකාරිකයින්’ වැනි නව අවතාර ලෙස ජනතාව ඉදිරියේ පෙනී සිටිති. අපේ සහෝදරවරුන්, මිතුරන් සහ ඉන්දියානු විප්ලවයට සුභ පතන්නන් එවැනි අවස්ථාවන් ගැන සෝදිසියෙන් හිඳ ඒවාට ඔබින ප‍්‍රතිචාර දැක්විය යුතු වෙයි. ඔවුන් සතුරාගේ ගොබෙල්සියානු ප‍්‍රචාරක යන්ත‍්‍රයෙහි කොටසක් බව වටහා ගනිමින්, පංති විඥත වැඩ කරන ජනතාව එවැනි ද්‍රෝහීන්ගේ පුහු ක‍්‍රියාවන් කසල ගොඩට විසි කොට දැමිය යුතු වෙයි.

ද්‍රෝහීන්ට සහ පාවා දෙන්නන්ට සාමූහික විසඳුමක් ලෙස, සෑම නිර්ධන පංති විප්ලවවාදියෙක්ම අවසන් හුස්ම පොද තෙක් ජනතාවට සේවය කරන අනුකම්පා විරහිත කොමියුනිස්ට් සටන්කරුවන් ඉදිරියට රැගෙන යා යුතුය. ආත්මාර්ථයෙන් තොර කැප කිරීම් සිදු කළ දහස් ගණනක් වීරෝධාර දිවි පිදූවන්ගේ දීර්ඝ සහ ශ්‍රේෂ්ඨ උරුමයක් ඇති ඉන්දියානු විප්ලවය ගැන කිසිදු සැකයක් නැත. ඔවුන් අතර අපේ ආදරණීය ශ්‍රේෂ්ඨ නායකයන් සහ කාඩර්වරුන් වූ චාරු මෂුම්දාර් සහ කන්හයි චටර්ජී, සරෝජ් දුත්තා, සුෂිතාල් රෝයි චවුධුරී, අමුල්යා සෙන්, චන්ද්‍රෂේඛර් දාස්, ක‍්‍රිෂ්ණමූර්ති, සත්‍යම්, කයිලාෂම්, අප්පු, වාර්ගීස්, බිස්වාකර්මා, බාලන්, දිනකර්, ෂ්‍යාම්, මහේෂ්, මුරලි, කරම් සිං, පරිමාල් සෙන්, සන්දේ රාජමවුල්ලි, වද්කාපූර් චන්ද්‍රමවුල්ලි, අනුරාධා ගාන්ධි, පටෙල් සුධාකර්, චෙරුකුරි රාජ්කුමාර්, මල්ලූජෝලා කොටෙස්වාර්ලූ, රාවූෆ්, සුෂිල් රෝයි, ශ‍්‍රීධාර් ශ‍්‍රීනිවාසන්, කුප්පු දේවරාජ්, නරායන් සන්යාල්, පද්මා, ලලිතක්කා, උර්මිලා, රජිතා, අජිතා, සකේත් රාජන්, මායිමුද්දින්, අෂීෂ් යාදව්, ප‍්‍රසාද්, දයා, ප‍්‍රභාකර්, මන්ග්ටු, ෂහීදා, ආර්කේ, යාදන්නා, මාධව්, මහේන්දාර්, මස්තාන් රාඕ, පුලි අන්ජන්නා, කාන්චන්, සෂධාර් මහාතෝ, ජනාර්ධාන්, භූමයියා-කිස්තා ගවුද්, නම් වශයෙන් සඳහන් කළ කිහිප දෙනා සහ දහස් ගණනක් අනෙකුත් දිවි පිදූ සහෝදරවරුන් තුළ, අවසාන මොහොත දක්වාම ජනතාව සහ විප්ලවය වෙනුවෙන් අව්‍යාජ කැප කිරීමක් පැවතියහ. අපට මාවත පෙන්වා දුන් ඔවුහු ජනතාවගේ සැබෑ වීරයන් වෙති.

ප‍්‍රතිගාමී පාලක පංතියේ ලැයිස්තුවල සිටින අත්හැර යන්නන්, පාවා දෙන්නන් සහ විශ්වාසය කඩ කරන්නන් ට කිසි කලෙක විප්ලවය නැවැත්විය නොහැකි වනු ඇත! ඔවුන්ට කළ හැකි වනු ඇත්තේ තාවකාලික බාධාවන් සහ තාවකාලික හානි ටිකකින් පීඩාවක් ඇති කිරීම පමණි. නමුත් විප්ලවය එවැනි පළිබෝධයින් ඔවුන්ගේ මිනී වලවල්වලටම අතුගා දමා එහි අරමුණ වෙතට සැඩ පහරක් මෙන් ගමන් කරනු ඇත. නිර්ධන පංති විප්ලවවාදීන් විසින් නායකත්වය දෙනු ලබන සහ වීරෝධාර දිවි පිදූවන්ගෙන් ආශ්වාදය ලැබූ, රටේ මිලියන ගණන් පීඩිත ජනතාව ඔවුන්ව ඔවුන්ගේ හාම්පුතුන් සමගම ඉතිහාසයේ කුණු කූඩයට විසි කොට දමා අවසන් ජයග‍්‍රහණය සාක්ෂාත් කරගනු ඇත.

(අභේ)
මාධ්‍ය ප‍්‍රකාශක
මධ්‍යම කාරක සභාව
ඉන්දියානු කොමියුනිස්ට් පක්ෂය (මාඕවාදී)

[ ]

https://icspwindia.wordpress.com/2017/12/30/down-with-the-shameful-betrayal-and-surrender-of-jinugu-narasinha-reddy-cc-pci-maoist/

Advertisements

සහෝදරවරුන් සමග ගමනේ…

සහෝදරවරුන් සමග ගමනේ…

”අරුන්දතී රෝයිට වනයේ මාහැඟි සංචාරයක යෙදීම සඳහා විපුල අවස්ථාවක් හිමි විය. ඇය තහනම බිඳ දමමින් මාඕවාදීන් සමග ඔවුන්ගේ නිවහනේ දී සම්මුඛ සාකච්ඡාවල නියැලූණු පළමු වාර්තාකාරිය සහ ලේඛිකාව වන්නේය.

පසුගිය මාසයේදී කිසිවෙකුටත් නොදන්වා, නිහඬවම අරුන්දතී රෝයි තහනම් කරන ලද සීමාවක් වූ මධ්‍යම ඉන්දියාවේ දන්දකර්ණයා වනයට පිවිසීමට තීරණය කළහ. එය රාජ්‍ය අනුග‍්‍රහය ලත් මිනීමරුවන්ට සහ සූරාකන්නන්ට එරෙහිව අවි ගෙන සිටින මෙලාංගේ ආදිවාසී ජනතාවගේ නිවහනයි. ඇය පුද්ගලික අවධානමක් දරමින් සති ගණනක් තිස්සේ වනය පීරමින් සන්නද්ධ ගරිල්ලාවන්, ඔවුන්ගේ පවුල් සහ සහෝදරවරුන් සමග මුහුණට මුහුණ මාධ්‍ය හමුවල ‘‘ගැටෙමින්’’ සෑහෙන තොරතුරු ප‍්‍රමාණයක් වාර්තා කළහ. මේ ලිපිය දිල්ලියේ පළවන අවුට්ලූක් සඟරාවේ සිකුරාදා දිනයක පළ විය. වචන 20,000 ක් අන්තර්ගත අරුන්දතී රෝයිගේ මෙම ලිපිය ඩෝන් සඟරාවෙහිද (අරුණෝදය) අන්තර්ගතව ඇත.”

මෙම ලිපිය අරුන්දතී රෝයි විසින් සකසන ලද්දේ 2009 වසරේ තරම් ඈතකදී වුවත් මෙය සිංහලයට නගා ගැනීමට මෙතරම් කාලයක් ගතවීම අපේ පැත්තෙන් බැලූ කල සිදුව ඇති බරපතල ප‍්‍රමාදයකි.

ලිපිය බාගත කර ගැනීමට මෙතැන ක්ලික් කරන්න. To download file click here.

ඉන්දියාව: ඔඩිෂා හි සාර්ථක හර්තාලයක්… මහජන යුද්ධය ඉදිරියට…

ඉන්දියාව: ඔඩිෂා හි සාර්ථක හර්තාලයක්… මහජන යුද්ධය ඉදිරියට…

ඉන්දියානු ප‍්‍රවෘත්ති ඒජන්සි වලට අනුව, ඉන්දියාවේ තහනම් පක්ෂයක් වන මාඕවාදී ඉන්දියානු කොමියුනිස්ට් පක්ෂය හර්තාලයක් සහ වැඩ වර්ජනයක් සංවිධානය කොට තිබේ. එය ඔඩිෂා ප‍්‍රාන්තයේ දිස්ත‍්‍රික්ක 5 ක් මේ වන විට අඩපණ කොට ඇත.

හර්තාලය පවත්වන්නට හේතු වූයේ කුන්දුලි ප‍්‍රදේශයේ බාල වයස්කාර දැරියක් සමූහ දුෂණයට ලක් කළ පුද්ගලයින් අත්අඩංගුවට ගන්නා ලෙසත්, මහානදී ප‍්‍රදේශයේ ආදිවාසී කාන්තාවන්ට එරෙහි හිංසනය නවත්වා විසඳුමක් ලබා දෙන ලෙස බල කරමිනි. වාර්තා වලට අනුව දිස්ත‍්‍රික්ක 5 ක වාහන ගමනාගමනය අත්හිටවා ඇත.

එසේම මාඕවාදී කොමියුනිස්ට් පක්ෂයේ කාඩර්වරු විසින් ප‍්‍රතිවිප්ලවවාදියෙකු ලෙස හඳුනාගැනුණු මොහාන් මජ්ජි නැමැත්තා ඔක්තෝම්බර් 21 වන දින කන්ධමාල් සහ කලහන්දි දිස්ත‍්‍රික්ක සීමාවේ පිහිටි ලහිදි ගම්මානයේදී මරා දැමුණු බව ඔඩිසා රූපවාහිනිය වාර්තා කළහ.

තවද ඔක්තෝම්බර් 20 වන දින මහජන විමුක්ති ගරිල්ලා හමුදාවේ ගරිල්ලා කොලමයක් විසින් දතේවාද හි, කමලූර් දුම්රිය ස්ථානය ආසන්නව තිබුණු දුම්රිය සැපයුම් සහ ඉදිකිරීම් යන්ත‍්‍ර විනාශ කර දැමුණි.

නක්සල්බාරි 50 වෙනි සංවත්සරය

නක්සල්බාරි 50 වෙනි සංවත්සරය

මෙම වීඩියෝ පටය පටිගත කරන ලද්දේ 2017 මැයි මස නැක්සලයිට් කැරැල්ලේ 50 වෙනි සංවත්සරය නිමිත්තෙන් නැක්සලයිට්වරු දන්දකර්ණයා පෙදෙසේ පැවැත්වූ උත්සවය අවස්ථාවේදීය. මෙම අවස්ථාවලට නැක්සලයිට් අරගලයට සහය දෙන සහ අනුග‍්‍රහය දක්වන දහස් ගණන් වූ දිළිඳු ජනතාව සහභාගි වූහ. මෙම දෘෂ්‍ය පටය මගින් ඉන්දියාව පුරා දිළිඳු ජනතාව විසින් නක්සල්වාදී ගරිල්ලාවන්ට ලබාදෙන දැඩි සහයෝගය මනාව විදහා දක්වයි.

සුක්මාහි ප‍්‍රහාරයක් හෝ මරණ සිදුවූයේ නැත, එය ඉන්දියානු බුද්ධි අංශ වලින් ලබාදුන් ව්‍යාජ තොරතුරකි

සුක්මාහි ප‍්‍රහාරයක් හෝ මරණ සිදුවූයේ නැත, එය ඉන්දියානු බුද්ධි අංශ වලින් ලබාදුන් ව්‍යාජ තොරතුරකි

මාඕවාදී පක්ෂයේ හඬ පටයකින් ලබා දුන් පණිවිඩයකින් සුක්මා දිස්ත‍්‍රික්කයේ සිදු වූයේ යැයි කියන දැඩි ප‍්‍රහාරය ප‍්‍රතික්ෂේප කරයි.

ප‍්‍රකාශනයෙන් කියැවෙන අන්දමට පොලීසිය හිතාමතාම මාඕවාදීන් ගැන ව්‍යාජ තොරතුරු නිකුත් කරමින් මාඕවාදී කාඩර්වරු විශාල ගණනකගේ ජීවිත හානි වූ වේ යැයි පවසමින් මධ්‍යම සංචිත පොලිස් බල ඇණි වල ධෛර්ය වැඩි කරන්නට උත්සාහ කරයි.

මේ ක‍්‍රියාවන්ගෙන් මාඕවාදීන්ගේ සහ ජනතාවගේ ධෛර්ය පිරිහවීමට නොහැකිය.

ඔවුහු එකට එක කිරීමක් ලෙස අරගලය දිගටම ගෙනයනු ඇත.

ප‍්‍රකාශනයේ දී මාඕවාදී පක්ෂයේ දන්දකර්ණයා මාධ්‍ය ප‍්‍රකාශක පැවසීය.

මෑත දී පොලීසියට මාඕවාදීන් විසින් එල්ල කළ ප‍්‍රහාරයෙන් පසු, පොලීසිය වනාන්තර ගම්මාන ගැන උනන්දුයවක් දැක්වීම ප‍්‍රකාශනය මගින් හෙලා දැක තිබුණි.

මැයි 13,14,15 යන දිනවල පොලීසිය අහසට වෙඩි තබමින් ජනතාව බිය වද්දා ඇති බව එය මගින් ප‍්‍රකාශ කළහ. වනාන්තර ගම්මාන වල ජීවත් වුණු ජනතාව භෞතිකව හිංහනයට ලක් කරමින් පොලීසිය සිදු කළ කෲර ක‍්‍රියා ප‍්‍රකාශනය මගින් හෙලා දැක තිබුණි.

ඉන්දියාව: සුක්මා ඇම්බුෂ් – මාඕවාදී ප‍්‍රහාරයෙන් මියගිය සීආර්චීඑෆ් පුද්ගලයින්ගේ ගණන 12 දක්වා ඉහළ යයි

ඉන්දියාව: සුක්මා ඇම්බුෂ් – මාඕවාදී ප‍්‍රහාරයෙන් මියගිය CRPF පුද්ගලයින්ගේ ගණන 12 දක්වා ඉහළ යයි

මාඕවාදී කැරළිකරුවන් යැයි සැක කෙරෙන්නන් විසින් රැක සිට කරන ලද ප‍්‍රහාරයකින් චටිස්ගාර්හි සුක්මා දිස්ත‍්‍රික්කයේ සෙනසුරාදා දින (2017 මාර්තු 11) මාර්ග සංචාරයේ යෙදුණු මධ්‍යම සංචිත පොලිස් බලකායේ සෙබළුන් 12 දෙනෙකු අවම වශයෙන් මරණයට පත් වී ඇත.

රට තුළ මාඕවාදීන්ගේ බලපෑමට වඩාත්ම නතුව තිබෙන දිස්ත‍්‍රික්කයක් වන සුක්මාහි භෙජි පොලිස් ස්ථානය යටතේ වන කොටාචේරු අසලදී උදෑසන 9.10 ට මෙම ප‍්‍රහාරය එල්ල කෙරුණි. මාඕවාදීහු මිය ගිය පුද්ගලයින්ගෙන් ආයුධ 10 පැහැරගෙන ඇති අතර මෙම ප‍්‍රදේශය ප‍්‍රාන්ත අගනුවරින් කි.මී 450 ක් පමණ දුරින් පිහිටි ප‍්‍රදේශයකි.

‘‘රැක සිට පහරදීමට ලක්වන විට ්රැෑ 219 බැටෑලියනයේ සොල්දුදාවන් ප‍්‍රදේශයේ මාර්ග ඉදිකරන්නන්ට ආරක්ෂාව සපයමින් මාර්ගය විවෘත කිරීමේ කාර්යයේ නියුතුව තිබුණි. අයිඊඞී උපාංගයක් පුපුරවා හැරීමත් සමග ප‍්‍රහාරය ආරම්භ කොට තිබුණි’’ යැයි එක් සීආර්පීඑෆ් නිළධාරියෙක් දිල්ලි වලදී පවසා තිබුණි. ප‍්‍රහාරයෙන් පස් දෙනෙකු තුවාල ලදහ. ඔවුන්ගෙන් තිදෙනෙකු මුල සිටම බරපතල තත්ත්වයේ පසුවෙති.

තුවාල ලැබූවන් රායිපූර් වලට රැගෙන ගොස් රජයේ රෝහලට ඇතුල් කරන ලදි. බරපතල ලෙස තුවාල ලද එක් අයෙකු පසුව මරණයට පත් වීමත් සමග මරණ සංඛ්‍යාව 12 දක්වා ඉහළ ගියහ.

ජ්‍යෙෂ්ඨ පොලිස් නිළධාරියෙකු පවසා සිටියේ ප‍්‍රති ප‍්‍රහාර වලින් මාඕවාදීහු දෙදෙනෙක් මරා දැමූ බවයි.

ආයුධවලට අමතරව මාඕවාදීහු, සීආර්පීඑෆ් කණ්ඩායම රැගෙන යමින් තිබූ වීඑච්එෆ් රේඩියෝ පද්ධති දෙකක් පැහැර ගත්හ. සීආර්පීඑෆ් කණ්ඩායම පුද්ගලයින් 112 දෙනෙකුගෙන් සමන්විතව තිබුණි.

‘‘ප‍්‍රහාරයට ලක් වූ ප‍්‍රදේශය අභ්‍යන්තර කලාපයක් බැවින් සන්නිවේදනය කළ හැකි එකම විදිය චන්ද්‍රිකා දුරකථන මගින් පමණකි’’ සීආර්පීඑෆ් නිළධාරියෙකු පැවසීය.

සිටියේ අමතර බල ඇණි සිද්ධිය වූ ස්ථානයට යවා මෘත සිරුරු ලබා ගත් බව ඔහු වැඩිදුරටත් ප‍්‍රකාශ කොට සිටියහ.

ස්වදේශ කටයුතු ඇමති ප‍්‍රකාශ කොට සිටියේ මධ්‍යම රජය ප‍්‍රාන්ත රජය සමග ඍජු සන්නිවේදනයේ යෙදුණු බවයි. ට්වීටර් පණිවුඩ මාලාවකින් රාජන් සිංග් ප‍්‍රකාශ කොට සිටියේ සිද්ධියට සම්බන්ධ අයවලූන් අධිකරණය හමවට ගෙනෙන බවයි.

පසුගිය මාසයේ සහකාර ප්ලැටූන් කමාන්ඩර් කෙනෙකු ඇතුළු විශේෂ කාර්ය බලකායේ පුද්ගලයින් දෙදෙනෙකු චටිස්ගා හි කොන්දගාඔන් දිස්ත‍්‍රික්කයේ දී මරා දමනලදි.

ඉන්දියාව – සහෝදර අජිත් වහා නිදහස් කරනු!

ඉන්දියාව –  සහෝදර අජිත් වහා නිදහස් කරනු!

India- Free Comrade Ajith!!!

posterajithit

මහාචාර්ය ජී හරාගෝපාල්, ආරක්ෂක කමිටුව, දේශපාලන සිරකරුවන් නිදහස් කරගැනීමේ කමිටුව

වරාවරා රාඕ, සභාපති, විප්ලවීය ප‍්‍රජාතන්ත‍්‍රවාදී පෙරමුණ, ප‍්‍රාරම්භක, විප්ලවීය ලේඛකයින්ගේ සංගමය

රාජ්කිෂෝර්, සම ලේකම්, විප්ලවීය ප‍්‍රජාතන්ත‍්‍රවාදී පෙරමුණ

මහාචාර්ය ජී එන් සායිබාබා, නියෝජ්‍ය ලේකම්, විප්ලවීය ප‍්‍රජාතන්ත‍්‍රවාදී පෙරමුණ

වරාලක්ෂ්මී, ලේකම්, වීරසාම් ( විප්ලවීය ලේඛකයින්ගේ සංගමය)

මහාචාර්ය සී ෂෙෂායියා, සභාපති, ඒපීසීඑල්සී

මහාචාර්ය ජී ලක්ෂ්මන්, සභාපති, තෙලෙන්ගානා සිවිල් නිදහස් කමිටුව

ප‍්‍රජාතන්ත‍්‍රවාදී අයිතීන් පිළිබඳ වූ ක‍්‍රියාකාරිකයි, බුද්ධිමතුන් සහ සිවිල් ස්වාධීනතා කොමිටි මහාරාෂ්ට‍්‍රා රජයට සහ මධ්‍යම රජයට බල කොට සිටී

කේ.මුරලිදරන් සහෝදරයා තදබල හෘදයාබාධයක් නිසා පුනේ රජයේ රෝහලට ඇතුලත් කොට තිබුණු බව මේ වන විට, රට පුරා සහ ලෝකය පුරා ජනතාව දැනගෙන තිබේ.

ඔහුගේ සාත්තුවට අයෙකු සිටිය යුතු වුවද පොලීසිය ඒ සඳහා ඉඩ දී නොමැති බැවින් ඔහු මාරාන්තික උපවාසයක් අරඹා තිබේ. පොලීසිය වෛද්‍යවරුන්ගේ උපදෙස් වලට එරෙහි වීමෙන් ඔහුව මාරාන්තික උපවාසයකට තල්ලූ කොට යවා ඇත. මේ වන විට සිරගතව සිටින ඔහුගේ සෞඛ්‍ය තත්ත්වය බෙහෙවින් අස්ථිර තත්ත්වයකට එළඹ ඇත.

එබැවින්, මහාචාර්ය නෝම් කොම්ස්කි සහ සමස්ත රට පුරා සහ ලෝකය පුරා ප‍්‍රජාතන්ත‍්‍රවාදී අයිතීන් උදෙසා සටන් වදින අනෙකුත් ක‍්‍රියාකාරිකයින් සමග අපි රජයට බල කොට සිටින්නේ ඔහුව තාවකාලිකව ඇප මත නිදහස් කොට රෝහලකට ඇතුල් කොට ඔහුගේ ජීවිතය ආරක්ෂා කර දෙන ලෙසයි. මේ වන විටත් ඔහු හෘද රෝග නිසා බයිපාස් සැත්කමකට මුහුණ දී තිබේ. මේ තත්ත්වය උඩ අපි කේ. මුරලිදරන් සහෝදරයා ගැන කෙටි විස්තරයක් ඉදිරිපත් කරමු.

මුරලි කන්නම්පිලි, හෝ කේ මුරලිදරන් නැතිනම් අජිත් සහෝදරයා (ලිපි වල පෙනී සිටියේ බොහෝ විට මේ නමිනි) ශිෂ්‍යයෙකුව සිටි මුල් දිනවලදී ම සිට කොමියුනිස්ට් දේශපාලනය හා සම්බන්ධ විප්ලවවාදියෙකු වූ ඔහු සිය ඉංජිනේරු උපාධිය හදාරන කාලයේදීම නක්සල්වාදී ව්‍යාපාරය වෙත ඇදී ගියහ. මුලින් සිසුවෙකු ලෙස ව්‍යාපාරයට සම්බන්ධ වූ මුරලි, පසුව එම ව්‍යාපාරයේම ප‍්‍රභාමත් ගුරුවරයෙකු බවට පත්වූහ. ඔහු දේශපාලන ආර්ථශාස්ත‍්‍රයෙහි සහ මාඕවාදී මතවාදය පිළිබඳ එහි සිටි විශිෂ්ඨතම විශාරදයෙකු විය.

ඔහු දැඩි ලෙසම කේ වේනුගේ ධනේශ්වර මතවාදයට විරුද්ධ වූ අතර කේරලයේ ඉන්දියානු කොමියුනිස්ට් පක්ෂයේ (මාක්ස්-ලෙනින්වාදී) මධ්‍යම ප‍්‍රතිසංවිධාන කමිටුව ස්ථාපනය කරමින් එහි විප්ලවීය ව්‍යාපාරය ආරක්ෂා කර ගැනීමට සහ වර්ධනය කර ගැනීමට වෙහෙස නොබලා කටයුතු කළහ. ඔහුගේ ප‍්‍රධාන දේශපාලන වැඩ අතර භූමි, ජාති, බන්ධනම් (භූමිය, කුලය සහ දාසභාවය), ඉඩම් පිළිබඳ නව අධ්‍යයනයක්, ප‍්‍රතිසංස්කරණ, කුළය සහ කේරලයේ කෘෂිකාර්මික සම්බන්ධතා, එවේකියන්වාදයට එරෙහිවන්න, එක්සත් ජනපද විප්ලවීය කොමියුනිස්ට් පක්ෂයේ ආධානග‍්‍රාහී-සංශෝධනවාදී නායකයා බොබ් එවේකියන් පිළිබඳ මතවාදී විවේචනයක් යනාදිය වේ. ප‍්‍රමුඛපෙළේ මාඕවාදී චින්තකයෙකු සහ න්‍යායාචාර්යවරයෙකු ලෙස, අජිත් විසින් ලිංගය සහ කුළය හා සම්බන්ධ ගැටළු වලට මාඕවාදී දෘෂ්ටියෙන් යුතුව ඉතා වැදගත් ලිපි ගණනාවක්ම රචනා කරන ලදි. ඔහු, ලෝකය මුළුල්ලේ වූ විවිධ මාඕවාදී පක්ෂ සහ සංවිධාන වල සම්බන්ධීකාරක මධ්‍යස්ථානය වූ විප්ලවීය ජාත්‍යන්තරවාදී ව්‍යාපාරය (RIM) විසින් පළ කරනු ලැබූ ජාත්‍යන්තර සඟරාව වූ ‘‘දිනාගැනුමට ලෝකයක් ඇත’’ (A World to Win)සඟරාවෙහි සංස්කාරක විය. කුඩා දරුවකුව සිටියදී සිය පියා වූ කරුනාකර මෙනොන් කන්නම්පිලි, එවකට මහජන චීන සමූහාණ්ඩුවේ, පීකිංහි ඉන්දීය තානාපති කාර්යාලයේ, උපදේශකවරයෙකු ව සිටියදී (1958-61) ඔහු සමග සංචාරය කරන්නට පුරුදුව සිටියහ. එහිදී ඔහු වරක් සභාපති මාඕට මල්දමක් පළඳවන්නට දුර්ලභ අවස්ථාවක් හිමිකර ගත්හ.

ඔහු පසුගිය වසරේ මැයි වලදී පූනේ වල ATS මගින් අත්අඩංගුවට ගන්නා ලද අතර, එතැන් පටන් යෙර්වාද සිරමැදිරියේ රඳවා ඇත. බයිපාස් සැත්කමකට මුහුණ දී සිටින හෘද රෝගියෙකු වූ ඔහු, පපුවේ හටගත් වේදනාවක් නිසා මේ මස 15 වෙනිදා රෝහල් ගත කළහ. කෙසේ හෝ, අධිකාරිය විසින් ඔහුට රෝහලට ඇතුල්වීමට පවා ඉඩ නොහළ අතර පසුව නැවත සිර කුටියට රැගෙන ගියේ මනා ප‍්‍රතිකාරවලින් තොරවය. මෙවන් තීරණාත්මක තත්ත්වයක දී කලට වේලාවට විශේෂඥ ප‍්‍රතිකාර ලබාදීම අත්‍යවශ්‍යය, අධිකාරීහු අමානුෂික ලෙස මූලික අයිතිවාසිකම් පවා නොසලකා හැර ඇත. දුෂ්ට පනතක් වන නීතිවිරෝධී ක‍්‍රියාකාරකම් වැළැක්වීමේ පනත (UAPA) යටතේ රඳවාගෙන සිටිනු හැරුණු විට ඔහුට එරෙහිව වෙන කිසිදු චෝදනාවක් නැත. මේ දුෂ්ට නීතිය යටතේ කිසිදු වගවිභාගයකින් තොරව පුද්ගලයින් අත්අඩංගුවට ගෙන කිසිදු හේතුවකින් තොරව හෝ කිසිදු අපරාධ නඩුවකට ලියාපදිංචි නොකොට කිසිදු සාක්ෂියක් නොමැතිව රඳවා තබා ගන්නා අතර ඔහු මේ නීතියට ගොදුරු වූ තවත් එක් අයෙකි. ඇත්ත වශයෙන්ම, මුරලි සිරගත කොට සිටි පසුගිය මාස 15 තිස්සේ ඔහුව උසාවියට ඉදිරිපත් කරනු ලැබුවේ එක් වතාවක් පමණි.

මානව හිමිකම් ක‍්‍රියාධරයින් විසින් අධිකාරීත්වයට දැඩි ලෙස කියනු ලබන්නේ වහාම විශේෂඥ ප‍්‍රතිකාර මුරලිට ලබා දෙන ලෙසත්, එමෙන්ම අඩුම තරමින් ඔහුගේ පුතාට හෝ ඔහු සමග නැවතී ඔහුට සත්කාර කිරීමට ඉඩ ලබා දෙන ලෙසත් නැතිනම් සෞඛ්‍ය තත්ත්වයන් මත ඔහුට ඇප ලබා දෙන ලෙසත්ය. ලෝක ප‍්‍රකට බුද්ධිමතුන් සහ ශාස්ත‍්‍රීය සහ මානව හිමිකම් උපදේශකවරුන් වන නෝම් කොම්ස්කි, ගයත‍්‍රි චක‍්‍රවර්ති ස්පිවාක්, පාර්තා චටර්ජී, ආනන්ද් ටෙල්ටුම්බේ, ප‍්‍රභාත් පට්නායික්, බර්නාඩ් ඞී මෙලෝ, මීනා කන්දසාමි යන අය අත්සන් කළ මෑත ප‍්‍රකාශනයෙන් අධිකාරීන් අමතමින් ‘‘සාධාරණ, විනිවිදභාවයෙන් යුතු සහ කඩිනම් නඩු විභාගයක් මුරලිදරන් වෙනුවෙන් සහතික කරන ලෙසත් නැතිනම් ඇප මත ඔහුව නිදහස් කරන ලෙසත්’’ සිදු කළ ඉල්ලීම ඉන්දීය රජයේ නිහඬතාවයට හෝ නැතිනම් දේශපාලන සිරකරුවන් විනාශ කර දැමීමට සහ ඔවුන්ගේ හඬ නිහඬ කර දැමීමට ඇති අභිලාශයට එරෙහිව ජාත්‍යන්තර පරිමාණයෙන් සහයෝගීතාවයක් සහ විරෝධතාවයක් ඉස්මතු කරයි.

මහාචාර්ය ජී හරාගෝපාල්, ආරක්ෂක කමිටුව, දේශපාලන සිරකරුවන් නිදහස් කරගැනීමේ කමිටුව

වරාවරා රාඕ, සභාපති, විප්ලවීය ප‍්‍රජාතන්ත‍්‍රවාදී පෙරමුණ, සම ආරම්භක, විප්ලවීය ලේඛකයින්ගේ සංගමය

රාජ්කිෂෝර්, සම ලේකම්, විප්ලවීය ප‍්‍රජාතන්ත‍්‍රවාදී පෙරමුණ

මහාචාර්ය ජී එන් සායිබාබා, නියෝජ්‍ය ලේකම්, විප්ලවීය ප‍්‍රජාතන්ත‍්‍රවාදී පෙරමුණ

වරාලක්ෂ්මී, ලේකම්, වීරසාම් ( විප්ලවීය ලේඛකයින්ගේ සංගමය)

මහාචාර්ය සී ෂෙෂායියා, සභාපති, ඒපීසීඑල්සී

මහාචාර්ය ජී ලක්ෂ්මන්, සභාපති, තෙලෙන්ගානා සිවිල් නිදහස් කමිටුව

හයිද්‍රාබාද්

2016 සැප්තැම්බර් 8

 

නේපාලය – නව එක්සත්බවක්… නමුත් වඩාත් ම වැදගත් වන්නේ – මහජන යුද්ධය වෙනුවෙන් – මාඕවාදය වෙනුවෙන් සංශෝධනවාදයට එරෙහිවීමයි.

නේපාලය – නව එක්සත්බවක්… නමුත් වඩාත් ම වැදගත් වන්නේ – මහජන යුද්ධය වෙනුවෙන් – මාඕවාදය වෙනුවෙන් සංශෝධනවාදයට එරෙහිවීමයි …

නේපාල කොමියුනිස්ට් න්‍යෂ්ටිය සහ නේපාල කොමියුනිස්ට් පක්ෂය මාඕවාදී (විප්ලවකාරී) එක් පක්ෂයක් බවට පත්වීම නිවේදනය කරයි.

නේපාලය, කත්මණ්ඩු, ජුනි 16:

two-maoist-unified

දස වසරක මාඕවාදී ව්‍යාපාරය සම්පූර්ණ කිරීමට ආයුධ සන්නද්ධ විප්ලවය සඳහා මාඕවාදී පක්ෂ දෙකක් එක්සත් වෙයි. හේමන්ත ප‍්‍රකාශ් ඔලි (Hemanta Prakash Oli) විසින් නායකත්වය දෙන කොමියුනිස්ට් න්‍යෂ්ටි නේපාල පක්ෂය සහ භූපේන්ද්‍ර න්‍යුපානි (Bhupendra Neupane) විසින් නායකත්වය දෙන නේපාල කොමියුනිස්ට් පක්ෂය මාඕවාදී (විප්ලවවාදී) මාධ්‍ය ප‍්‍රකාශයක් නිකුත් කරමින් මාධ්‍යවේදීන්ට පවසා සිටියේ මහජන විප්ලවය සිදු කිරීමට ආයුධ සන්නද්ධ විප්ලවය දියත් කරන බවයි. එක්සත්වීමෙන් පසු පක්ෂයේ නව නාමය ලෙස ‘නේපාල කොමියුනිස්ට් න්‍යෂ්ටිය’ තෝරාගත්හ. පක්ෂයේ සම්බන්ධීකාරක ලෙස හේමන්ත ප‍්‍රසාද් ඔලි තේරී පත්වී ඇත.

කලහන්දි ගැටුමෙන් කාන්තා මාඕවාදීන් තිදෙනෙකු ජීවිතක්ෂයට

කලහන්දි ගැටුමෙන් කාන්තා මාඕවාදීන් තිදෙනෙකු ජීවිතක්ෂයට

maoist_jpg_2437798f

ඔරිස්සා වන ආරක්ෂකයින් සහ කලහන්දි දිස්ත‍්‍රික් පොලීසිය විසින් සිදු කළ ඒකාබන්ධ මෙහෙයුමකින් තහනම් පක්ෂයක් වන ඉන්දියානු කොමියුනිස්ට් පක්ෂය (මාඕවාදී) හි කාන්තා කාඩර්වරු තිදෙනෙක් ජීවිතක්ෂයට පත් වූහ. කලහන්දිරා පොලිස් සුපිරිටැන්ඩන්ට් බි‍්‍රජේෂ් රායි ප‍්‍රකාශ කළේ, ‘‘මූලික තොරතුරුවලට අනුව පොලීසිය සමග ඔඩිෂා හි සිදු වූවෙඩි හුවමාරුවකින් කාන්තා කාඩර්වරු තිදෙනා මිය ගියහ.’’මෙහෙයුම සඳහා විශේෂ මෙහෙයුම් කණ්ඩායම, විෂේෂ පැරාමිලිටරි ඒකකය සහභාගි වූහ. මාඕවාදී ලිපි ලේඛණ කිහිපයක්, ලියුම්, ආයුධ සහ පතරොම්, .303 රයිෆල් 2ක් සහ මිලිමීටර් 9 පිස්තෝලයක් කඳවුරේ තිබී සොයා ගන්නා ලදි.

ජාත්‍යන්තර ක‍්‍රියාකාරී සතිය 2016 අපේ‍්‍රල් 2-6

ජාත්‍යන්තර ක‍්‍රියාකාරී සතිය 2016 අපේ‍්‍රල් 2-6

Draft3-BLK.p65