Blog Archives

තෙලන්ගානා හි ඛම්මන් අසල නක්සල් රැස්වීමක්

තෙලන්ගානා හි ඛම්මන් අසල නක්සල් රැස්වීමක්

 

හයිද්‍රාබාද්: ඉන්දියානු කොමියුනිස්ට් පක්ෂය ( මාඕවාදී) තෙලන්ගානා හි පවත්වන පළමු ප‍්‍රාන්ත කමිටු රැස්වීම පොලීසියට බලවත් හිසරදයක් වී තිබේ. තෙලන්ගානාහි ප‍්‍රාන්ත පොලීසියේ නක්සල්-නාශක බුද්ධි තොරතුරු පරීක්ෂකයින් තහවුරු කරගෙන තිබෙන පරිදි මෑතදී මාඕවාදීන්ගේ ප‍්‍රාන්ත කමිටු රැස්වීම පැවැත්වූ අතර ඔවුන් තහවුරු කරගත් ආකාරයට එහි ප‍්‍රාන්ත ලේකම් ලෙස හරිබුෂාන් ලෙසින් හඳුන්වන වේපා නරායන් පත් වී තිබේ. මාඕවාදීන්ගේ ප‍්‍රකාශ කල පරිදි රැස්වීම ඛම්මන් වල පවත්වා නැති බව පොලීසිය පවසයි. ඒ වෙනුවට එය චටිස්ගාර්හි පවත්වන ලදි. පොලීසිය පවසන පරිදි මධ්‍යම කාරක සභාවේ ඉහළ සාමාජිකන් එයට සහභාගි වී නොමැත.

ජ්‍යෙෂ්ඨ බුද්ධි තොරතුරු නිළධාරියෙකු පැවසූ පරිදි, ‘‘සම්මේලනය පෙබරවාරි අවසාන සතියේ පවත්වන ලදි. එය ප‍්‍රාන්ත කමිටු සම්මේලනයයි. මාඕවාදීන්ට එය තෙලංගානාවල පවත්වන්නට නොහැකිවූයේ අඛණ්ඩ මුර සංචාර සහ ඒකාබද්ධ මෙහෙයුම් නිසාවෙනි. ඔවුන්ට එය චටිස්ගාර්හි පවත්වන්නට සිදු විය. තෙලන්ගානා හි මාඕවාදී ව්‍යාපාරය විශාල නැත. වාර කිහිපයකදී අදිලබාද් සිට ඛම්මන් දක්වා මාඕවාදී ගරිල්ලා ස්ක්වේඩ කිහිපයක් සංක‍්‍රමණය වනු වාර්තා වී ඇත. පොලීසියට අනුව, තෙලන්ගානා දේශ සීමාව තුළ මාඕවාදීහු 80-75ක් අතර ප‍්‍රමාණයක් ක‍්‍රියාකාරී වෙමින් සිටී. මාඕවාදීහු යෝජනා 10ක් ඉදිරිපත්කොට ඇති අතර, ඒවා TRS රජයට එරෙහිව, ගොවියන් දිවිනසා ගැනීම ගැන, කවාල් ටයිගර් රක්ෂිතය සහ පොලවාරම් ව්‍යාපෘතියට ඉඩම් අත්පත්කරගැනීමෙන් අවතැන්වූවන් ගැන වේ. තවද සලාක කාඩ්පත් ඉවත් කිරීම සහ එමගින් ආදිවාසීන්ව හිංසනයට ලක් කරන්නේ යැයි මාඕවාදීහු චෝදනා කරති.

Advertisements