Blog Archives

ඉන්දියාව – මාඕවාදී නායකයෙකුගේ දියණියකගෙන් ස්වදේශ කටයුතු ඇමතිට ප‍්‍රබල පිළිතුරක්

මාඕවාදී නායකයෙකුගේ දියණියකගෙන් ස්වදේශ කටයුතු ඇමතිට ප‍්‍රබල පිළිතුරක්

ජුලි වල පළමු සතියේ, කේරලයේ ස්වදේශ කටයුතු ඇමති රමේෂ් චෙන්නිතලා මේ වසරේ මැයි වලදී අන්ද්‍රා ප‍්‍රදේශ් පොලීසිය විසින් අත් අඩංගුවට ගනු ලැබූ මාඕවාදී යුවලක් වන රූපේෂ් සහ ෂියානා ගේ දියණියන්ට විවෘත ලිපියක් ලියනු ලැබූහ.

වාර්තාවල කියැවෙන අන්දමට එම යුවල දස වසරක් තිස්සේ සැඟවී සිට ඇත. ඔවුන්ට 19 හැවිරිදි අමී සහ වයස අවුරුදු 10 ට ආසන්න සවේරා ලෙස දියණියන් දෙදෙනෙක් ඇත.

සිය ලිපියේ, ස්වදේශ කටයුතු ඇමති දෙමව්පියන්ගෙන් නිසි සැලකිල්ලක් නොලැබී ගිය දරු දෙදෙනා ගැන සිය සැලකිල්ල යොමු කොට තිබුණි. ඔහු දැරියන්ට ආයාචනා කොට තිබුණේ ‘‘ඵලක් නැති දේශපාලන ව්‍යාපාරයක සහ පුහු මතවාදයක පැටලීමෙන් වළකින’’ ලෙසයි. ඒ වෙනුවට ඔහු දැරියන්ගෙන් ඉල්ලා තිබුණේ ඔවුන්ගේ අධ්‍යයන කටයුතු වලට යොමු වී ‘‘ජාතියේ වගකිව යුතු පුරවැසියන්’’ බවට පත් වෙන ලෙසයි.

කෙසේ හෝ, අමී, වැඩිමහල් සොහොයුරිය මේ වන විට ස්වදේශ කටයුතු ඇමති වෙත විවෘත ලිපියක් ලියා ඔහු එවූ ලිපියේ අන්තර්ගතය නිසා ඇයට ඇතිවූ අපහසුතාවය සහ එය සමග එකඟ නොවීම සියල්ලන්ටම දැක ගැනීමට සලස්වා ඇත. ඇගේ ලිපිය මාධ්‍යමාම් නම් මලයාලම් ප‍්‍රවෘත්ති පත‍්‍රයේ අන්තර්ජාල සංස්කරණයේ පළ කොට තිබුණි.

මලයාලම් බසින් ලියන ලද මුල් පිටපතින් පරිවර්තනය කරන ලදි:

ගෞරවනීය ස්වදේශ කටයුතු ඇමතිතුමනි,

ඔබ අපට අනුකම්පාව දක්වා ලියා තිබුණු ලිපි කියවන්නට මට සිදුවුණි. දරුවන් දෙදෙනෙකුගේ පියෙකු ලෙස, ඔබ අපට අපේ දෙමව්පියන් වෙතින් ප‍්‍රමාණවත් තරම් ආදරය සහ රැකවරණය නොලැබීම පිළිබඳව කෙතරම් කරදර වන්නේදැයි කතා කොට තිබුණි. ඔබේ හැසිරීමට මම ස්තුති කරමි. එසේ වුවද, ලිපිය තුළ ඇති වැරදි සහගත යෙදීම් සහ නොගැලපීම් පිළිබඳව සටහන් නොකර සිටීමට මට නොහැකිය. එමනිසා, මම මගේ අදහස් බෙදා හදා ගැනීමට ලිපියක් ලියන්නට අදහස් කළෙමි.

මගේ සොහොයුරිය සහ මා අපගේ දෙමව්පියන්ගේ ආදරය සහ රැකවරණය නොලැබූ බව පවසා සිටීම කිසිසේත්ම තාර්කික නොවේ. මා දැන සිටි බොහෝ දරුවන්ට ලැබුණාට වඩා අප එය බෙහෙවින් ලැබූ බව මම විශ්වාස කරමි. දරුවකුව සිටින කාලයේ සිටම මගේ දෙමව්පියන් මාව හැමතැනකම රැගෙන යන්නට පුරුදුව සිටියහ. ඇත්ත වශයෙන්ම, ඔබ ජනවාරි 1 වෙනිදා සංචාරය කළ ආදිවාසී කොලනියේ මම වයස අවුරුදු 5 වන විට නැවතී සිටියෙමි. කොල්කටාව, රන්නි, මුම්බායි සහ බෙංගාලරුම් මට විවිධ සංස්කෘතීන් සහ ප‍්‍රශ්න විවර කළහ. මෙය මගේ පරිකල්පනය තරමක් පුළුල් කිරීමට හේතු විය. නමුත් වර්තමානයේ ඔබ මෙහෙයවමින් සිටින පොලිස් බල ඇණි අපේ ජීවිත සමග හැප්පීමත් සමග තත්ත්වයන් වෙනස් විය.

මට වයස 10 වන විට, මගේ සිව් හැවිරිදි සහෝදරිය සහ මගේ මව අසාධාරණ ලෙස පොලිස් සිරභාරයට ගැනුණි. ඔබේ නිමක් නැති හිරිහැර කිරීම් නිසා ඇය කේරල ඉහළ උසාවියේ තිබූ ඇගේ රැකියාව අත්හැර දමා පූර්ණ කාලීන සමාජ ක‍්‍රියාකාරිකයෙකු වූහ. එකල ඇය එම තීරණය ගැනීමට හේතුවන ලෙස ඇයව පීඩනයට පත් කළ බල ඇණි විවේචනය කරමින් මහ ඇමති වීඑස් අචුතානන්දන් වෙත ලිපියක් ලියූහ. ඔබ නියෝජනය කළ පොලිස් බල ඇණි අපට අධ්‍යාපනය ලබා ගැනීමට ඉඩ නොහළ බව මම ඔබට ආචාරසම්පන්න ලෙස පමණක් සිහිපත් කරමි.

ඔබේ ලිපියෙහි, මිනිසුන් විසින් අපව නොමග යැවීම පිළිබඳව ඔබ කෙතරම් කරදර වී සිටින්නේද යන්න සඳහන් කොට ඇත. තවද ඔවුන්ගෙන් ප‍්‍රවේශම් වන ලෙස ඔබ අපට මතක් කොට තිබේ. නමුත් සත්‍යය බෙහෙවින් වෙනස්ය. පොලිස් නිළධාරීහු කණ්ඩායමක් වරෙන්තුවක් නොමැතිව මගේ නිවසේ ඉදිරිපස දොර කඩා දමා එය වට කළහ. ඔවුහු මාව අවමානයට පාත‍්‍ර කළහ. ඔවුහු මගේ පියාගේ ඇඟට අත තැබුවොත්, ඔහුගේ හිසට විශාල ගලකින් පහර මරා දමන බව මගේ පස් වියැති සහෝදරියට පැවසූහ.

මෙවැනි කථා බොහොමයක් වෙති… මගේ සහෝදරිය සහ මම සංස්කෘතික පෙරමුණ මගින් පැවැත් වූ උත්සවයකට සහභාගි වූහ, අප මාඕවාදීන් යැයි චෝදනා කොට මහිලා මන්දිරය තුළට දමා දොර අගුල් ලා තැබූහ. එවිට, ඔබේ පොලිස් නිළධාරීහු මගේ පතිවත කෙසේද යන්න ගැන දැන ගැනීමට උනන්දු වූහ. ‘‘මම කණ්‍යාවියක්ද? මගේ කන්‍යා පටලය කැඞී ඇත්ද?’’ මේවා ඔවුන් මගෙන් ඇසූ ප‍්‍රශ්න සමහරක් විය. පොලිස් නිළධාරියෙක් මගේ ෆේස්බුක් අවසරපදය ගැන විමසූ විට, මා එයට ප‍්‍රවේශ වන්නේ ජ්‍යෙෂ්ඨ නිළධාරියෙකු ඉදිරියේ බව මම ප‍්‍රකාශ කළෙමි. මෙයට, හු පිළිතුරු දුන්නේ මට දිගු බකාලයකට බාහිර ලෝකය දකින්නට ඉඩ නොතරබන බවට තර්ජනය කරමිනි. මහිලා මන්දිරය තුළ මුළු රාත‍්‍රියක් මුළුල්ලේම හද කම්පාවන අයුරින් හඬා වැටුණු මගේ සොහොයුරියට ඔබ දෙන පිළිතුර කුමක්ද?

අපව පැහැර ගෙන ගියේ සංස්කෘතික පෙරමුණේ සංවිධායකින් විසින් යැයි ඔවුන්ට අසාධාරණ ලෙස හදිසියේ ප‍්‍රකාශ කොට ඔවුන්ට විරුද්ධව චෝදනා ඉදිරිපත් කළහ. ඔවුන් අපව පැහැරනොගත් බව කියද්දීත් මෙය සිදුවිය. නීතිවිරෝධී ක‍්‍රියාවන් වැලැක්වීමේ පනත යටතේ පොලිසිය ඔවුන්ව සොයමින් ඔවුන්ගේ ජීවිත අපායකට ඇද දැමූහ. එය ගොඩනගා තිබූ මහානුභාව සම්පන්න ප‍්‍රජාතන්ත‍්‍රවාදය පිළිබඳ මිත්‍යාව අපට අවබෝධ කරදෙමින් අපේ ජීවිත තුළින් ගමන් කළ නිරන්තර වධ වේදනා නිසා සිදුවුණි. පොලීසිය අපට විරුද්ධව යෙදවූ ජනතා විරෝධී ප‍්‍රතිපත්ති නිසා, මගේ දෙමව්පියන් සටන් කරන මතවාදය නිවැරදි බව මට පසක් කළහ. ඔබ අපට දෙමව්පියන් රහිත පරිසරයක හැදී වැඩෙන්නට සිදුවීම ගැන අනුකම්පාව දක්වන්නට කාලය වැය කරන විට, සෑම වසරකම අත්තපාඩි වල තවමත් උපත ලබන දරුවන් 150 දෙනා නොසලකා සිටින්නේ කෙසේද?

එන්දොසුල්ෆාන්, ප්ලචිමාඩා, අරිප්පා, කතිකුඩාන් සහ බොහොමයක් ඉඩම් සඳහා වුණු විරෝධතාවයන් මහජන විරෝධතාවයන්ගේම භූමියක් වූ කේරලයේ පැවැත්විණි.

මේ භූමි වලත් දරුවන් සිටී, ඔබ ඔවුන්ව නොසලකා හරින්නේ මන්ද? ප‍්‍රාථමික පාසැල් වලට ඇතුල් කරන ලද ආදිවාසී දරුවන්ගෙන් අඩක්ම ඉහළ ප‍්‍රාථමික මට්ටමට ඇතුල් වීමට අසමත් වේ. ඔවුන්ගෙන් හතරෙන් තුනක්ම උසස් අධ්‍යාපනය දෙනු ලබන පාසැල්වලට ඇතුල් වීමට අසමත් වේ. මේ අසමත්භාවයන් නිසා ඔබට ලජ්ජා නොවී සිටිය හැකිද? අධ්‍යාපනය පෞද්ගලීකරණය කිරීම නිසා, දස දහස් ගණන් අධ්‍යාපන ණය මත සිරවී සිටින අතර සිය දිවි නසා ගැනීම් පවා වාර්ථා වී ඇත. ඔබ තවමත් ඔවුන්ව නොසලකා හරින්නට තෝරා ගෙන සිටින්නේ මන්ද?

ඔබේ ලිපියෙහි, අපට අවශ්‍ය වන්නේ විනාශ කිරීම නොව ඉදි කිරීම බව ඔබ දක්වා ඇත. සිත් ඇදගන්නා සුළු ලෙස, මගේ පියා ඔබට ලියූ ලිපියක් පසුගිය දෙසැම්බර් වල කියවන්නට මට සිදුවුණි. ඔහු ඉඩම් අහිමි ආදිවාසීන්ගේ තත්ත්වය ගැන වටහා ගන්නා ලෙස ඔබෙන් දැඩි ලෙස ඉල්ලා තිබුණි. ඔහු මිනීවල ආසන්නයේ ම සිටින ඔවුන්ගේ දිළිඳුකමේ අනුපාතය කෙතරම්ද යන්න පිළිබඳව කතා කළහ. ලිපිය තුළ, රජයේ ජනතා විරෝධී ප‍්‍රතිපත්ති නිසා තලා පෙලා දමා ඇති ආදිවාසී මිනිසුන් සහ ගොවියන් ගැන මම කියෙවුවෙමි. නමුත් ඔබ කිසිදාක එම ගැටලූ ගැන කතා කරන්නට වත් මුල පුරා නැත.

ඔබ අපගේ දෙමව්පියන් තක්කඩියන් ලෙස හැඳින්වූහ. ඔබට සහ ඔබේ සහචරයන්ට ඔවුන් ඇත්තෙන්ම තක්කඩියන් වන්නාහ. යටත්විජිතවාදයට එරෙහි වූ භගත් සිං, සුභාෂ් චන්ද්‍ර බෝස් සහ බොහෝ අය තක්කඩියන් ලෙස හැඳින්වූහ. ඔවුන් හැමෝටම ප‍්‍රජාතන්ත‍්‍ර විරෝධී නීති සහ අඳුරු සිරගෙවල් සමග ගනු දෙනු කිරීමට සිදු වූහ. අද, ඔබ මගේ දෙමව්පියන් සමගද ඒ ලෙසට ගනු දෙනු කරමින් සිටී. නමුත් දිළිඳු භාවයට ඇද වැටී ඇති අපේ ජනතාවගෙන් බහුතරය, මගේ දෙමව්පියන් තක්කඩියන් ලෙස නොදකියි. ඔවුන්ගේ සටන ඔබේ එකට වඩා ඔවුන් අතර රැව් පිළිරැව් දෙයි. මගේ දෙමව්පියන් ඔවුන් සඳහා ආරක්ෂිත අනාගතයක් හෝ මුදල් හම්බ කරගෙන නැත. ඒ වෙනුවට, ඔවුහු කේරලයේ දිළිඳු ජනතාවගේ ජීවිත සහ මේ රට වඩා යහපත් කිරීමට කටයුතු කළහ. ඔවුන්ගේ අරගලය දිළිඳු ජනතාව සඳහා වූහ.

Advertisements

ඉන්දියාව – සහෝදර අජිත් වහා නිදහස් කරනු!

ඉන්දියාව –  සහෝදර අජිත් වහා නිදහස් කරනු!

India- Free Comrade Ajith!!!

posterajithit

මහාචාර්ය ජී හරාගෝපාල්, ආරක්ෂක කමිටුව, දේශපාලන සිරකරුවන් නිදහස් කරගැනීමේ කමිටුව

වරාවරා රාඕ, සභාපති, විප්ලවීය ප‍්‍රජාතන්ත‍්‍රවාදී පෙරමුණ, ප‍්‍රාරම්භක, විප්ලවීය ලේඛකයින්ගේ සංගමය

රාජ්කිෂෝර්, සම ලේකම්, විප්ලවීය ප‍්‍රජාතන්ත‍්‍රවාදී පෙරමුණ

මහාචාර්ය ජී එන් සායිබාබා, නියෝජ්‍ය ලේකම්, විප්ලවීය ප‍්‍රජාතන්ත‍්‍රවාදී පෙරමුණ

වරාලක්ෂ්මී, ලේකම්, වීරසාම් ( විප්ලවීය ලේඛකයින්ගේ සංගමය)

මහාචාර්ය සී ෂෙෂායියා, සභාපති, ඒපීසීඑල්සී

මහාචාර්ය ජී ලක්ෂ්මන්, සභාපති, තෙලෙන්ගානා සිවිල් නිදහස් කමිටුව

ප‍්‍රජාතන්ත‍්‍රවාදී අයිතීන් පිළිබඳ වූ ක‍්‍රියාකාරිකයි, බුද්ධිමතුන් සහ සිවිල් ස්වාධීනතා කොමිටි මහාරාෂ්ට‍්‍රා රජයට සහ මධ්‍යම රජයට බල කොට සිටී

කේ.මුරලිදරන් සහෝදරයා තදබල හෘදයාබාධයක් නිසා පුනේ රජයේ රෝහලට ඇතුලත් කොට තිබුණු බව මේ වන විට, රට පුරා සහ ලෝකය පුරා ජනතාව දැනගෙන තිබේ.

ඔහුගේ සාත්තුවට අයෙකු සිටිය යුතු වුවද පොලීසිය ඒ සඳහා ඉඩ දී නොමැති බැවින් ඔහු මාරාන්තික උපවාසයක් අරඹා තිබේ. පොලීසිය වෛද්‍යවරුන්ගේ උපදෙස් වලට එරෙහි වීමෙන් ඔහුව මාරාන්තික උපවාසයකට තල්ලූ කොට යවා ඇත. මේ වන විට සිරගතව සිටින ඔහුගේ සෞඛ්‍ය තත්ත්වය බෙහෙවින් අස්ථිර තත්ත්වයකට එළඹ ඇත.

එබැවින්, මහාචාර්ය නෝම් කොම්ස්කි සහ සමස්ත රට පුරා සහ ලෝකය පුරා ප‍්‍රජාතන්ත‍්‍රවාදී අයිතීන් උදෙසා සටන් වදින අනෙකුත් ක‍්‍රියාකාරිකයින් සමග අපි රජයට බල කොට සිටින්නේ ඔහුව තාවකාලිකව ඇප මත නිදහස් කොට රෝහලකට ඇතුල් කොට ඔහුගේ ජීවිතය ආරක්ෂා කර දෙන ලෙසයි. මේ වන විටත් ඔහු හෘද රෝග නිසා බයිපාස් සැත්කමකට මුහුණ දී තිබේ. මේ තත්ත්වය උඩ අපි කේ. මුරලිදරන් සහෝදරයා ගැන කෙටි විස්තරයක් ඉදිරිපත් කරමු.

මුරලි කන්නම්පිලි, හෝ කේ මුරලිදරන් නැතිනම් අජිත් සහෝදරයා (ලිපි වල පෙනී සිටියේ බොහෝ විට මේ නමිනි) ශිෂ්‍යයෙකුව සිටි මුල් දිනවලදී ම සිට කොමියුනිස්ට් දේශපාලනය හා සම්බන්ධ විප්ලවවාදියෙකු වූ ඔහු සිය ඉංජිනේරු උපාධිය හදාරන කාලයේදීම නක්සල්වාදී ව්‍යාපාරය වෙත ඇදී ගියහ. මුලින් සිසුවෙකු ලෙස ව්‍යාපාරයට සම්බන්ධ වූ මුරලි, පසුව එම ව්‍යාපාරයේම ප‍්‍රභාමත් ගුරුවරයෙකු බවට පත්වූහ. ඔහු දේශපාලන ආර්ථශාස්ත‍්‍රයෙහි සහ මාඕවාදී මතවාදය පිළිබඳ එහි සිටි විශිෂ්ඨතම විශාරදයෙකු විය.

ඔහු දැඩි ලෙසම කේ වේනුගේ ධනේශ්වර මතවාදයට විරුද්ධ වූ අතර කේරලයේ ඉන්දියානු කොමියුනිස්ට් පක්ෂයේ (මාක්ස්-ලෙනින්වාදී) මධ්‍යම ප‍්‍රතිසංවිධාන කමිටුව ස්ථාපනය කරමින් එහි විප්ලවීය ව්‍යාපාරය ආරක්ෂා කර ගැනීමට සහ වර්ධනය කර ගැනීමට වෙහෙස නොබලා කටයුතු කළහ. ඔහුගේ ප‍්‍රධාන දේශපාලන වැඩ අතර භූමි, ජාති, බන්ධනම් (භූමිය, කුලය සහ දාසභාවය), ඉඩම් පිළිබඳ නව අධ්‍යයනයක්, ප‍්‍රතිසංස්කරණ, කුළය සහ කේරලයේ කෘෂිකාර්මික සම්බන්ධතා, එවේකියන්වාදයට එරෙහිවන්න, එක්සත් ජනපද විප්ලවීය කොමියුනිස්ට් පක්ෂයේ ආධානග‍්‍රාහී-සංශෝධනවාදී නායකයා බොබ් එවේකියන් පිළිබඳ මතවාදී විවේචනයක් යනාදිය වේ. ප‍්‍රමුඛපෙළේ මාඕවාදී චින්තකයෙකු සහ න්‍යායාචාර්යවරයෙකු ලෙස, අජිත් විසින් ලිංගය සහ කුළය හා සම්බන්ධ ගැටළු වලට මාඕවාදී දෘෂ්ටියෙන් යුතුව ඉතා වැදගත් ලිපි ගණනාවක්ම රචනා කරන ලදි. ඔහු, ලෝකය මුළුල්ලේ වූ විවිධ මාඕවාදී පක්ෂ සහ සංවිධාන වල සම්බන්ධීකාරක මධ්‍යස්ථානය වූ විප්ලවීය ජාත්‍යන්තරවාදී ව්‍යාපාරය (RIM) විසින් පළ කරනු ලැබූ ජාත්‍යන්තර සඟරාව වූ ‘‘දිනාගැනුමට ලෝකයක් ඇත’’ (A World to Win)සඟරාවෙහි සංස්කාරක විය. කුඩා දරුවකුව සිටියදී සිය පියා වූ කරුනාකර මෙනොන් කන්නම්පිලි, එවකට මහජන චීන සමූහාණ්ඩුවේ, පීකිංහි ඉන්දීය තානාපති කාර්යාලයේ, උපදේශකවරයෙකු ව සිටියදී (1958-61) ඔහු සමග සංචාරය කරන්නට පුරුදුව සිටියහ. එහිදී ඔහු වරක් සභාපති මාඕට මල්දමක් පළඳවන්නට දුර්ලභ අවස්ථාවක් හිමිකර ගත්හ.

ඔහු පසුගිය වසරේ මැයි වලදී පූනේ වල ATS මගින් අත්අඩංගුවට ගන්නා ලද අතර, එතැන් පටන් යෙර්වාද සිරමැදිරියේ රඳවා ඇත. බයිපාස් සැත්කමකට මුහුණ දී සිටින හෘද රෝගියෙකු වූ ඔහු, පපුවේ හටගත් වේදනාවක් නිසා මේ මස 15 වෙනිදා රෝහල් ගත කළහ. කෙසේ හෝ, අධිකාරිය විසින් ඔහුට රෝහලට ඇතුල්වීමට පවා ඉඩ නොහළ අතර පසුව නැවත සිර කුටියට රැගෙන ගියේ මනා ප‍්‍රතිකාරවලින් තොරවය. මෙවන් තීරණාත්මක තත්ත්වයක දී කලට වේලාවට විශේෂඥ ප‍්‍රතිකාර ලබාදීම අත්‍යවශ්‍යය, අධිකාරීහු අමානුෂික ලෙස මූලික අයිතිවාසිකම් පවා නොසලකා හැර ඇත. දුෂ්ට පනතක් වන නීතිවිරෝධී ක‍්‍රියාකාරකම් වැළැක්වීමේ පනත (UAPA) යටතේ රඳවාගෙන සිටිනු හැරුණු විට ඔහුට එරෙහිව වෙන කිසිදු චෝදනාවක් නැත. මේ දුෂ්ට නීතිය යටතේ කිසිදු වගවිභාගයකින් තොරව පුද්ගලයින් අත්අඩංගුවට ගෙන කිසිදු හේතුවකින් තොරව හෝ කිසිදු අපරාධ නඩුවකට ලියාපදිංචි නොකොට කිසිදු සාක්ෂියක් නොමැතිව රඳවා තබා ගන්නා අතර ඔහු මේ නීතියට ගොදුරු වූ තවත් එක් අයෙකි. ඇත්ත වශයෙන්ම, මුරලි සිරගත කොට සිටි පසුගිය මාස 15 තිස්සේ ඔහුව උසාවියට ඉදිරිපත් කරනු ලැබුවේ එක් වතාවක් පමණි.

මානව හිමිකම් ක‍්‍රියාධරයින් විසින් අධිකාරීත්වයට දැඩි ලෙස කියනු ලබන්නේ වහාම විශේෂඥ ප‍්‍රතිකාර මුරලිට ලබා දෙන ලෙසත්, එමෙන්ම අඩුම තරමින් ඔහුගේ පුතාට හෝ ඔහු සමග නැවතී ඔහුට සත්කාර කිරීමට ඉඩ ලබා දෙන ලෙසත් නැතිනම් සෞඛ්‍ය තත්ත්වයන් මත ඔහුට ඇප ලබා දෙන ලෙසත්ය. ලෝක ප‍්‍රකට බුද්ධිමතුන් සහ ශාස්ත‍්‍රීය සහ මානව හිමිකම් උපදේශකවරුන් වන නෝම් කොම්ස්කි, ගයත‍්‍රි චක‍්‍රවර්ති ස්පිවාක්, පාර්තා චටර්ජී, ආනන්ද් ටෙල්ටුම්බේ, ප‍්‍රභාත් පට්නායික්, බර්නාඩ් ඞී මෙලෝ, මීනා කන්දසාමි යන අය අත්සන් කළ මෑත ප‍්‍රකාශනයෙන් අධිකාරීන් අමතමින් ‘‘සාධාරණ, විනිවිදභාවයෙන් යුතු සහ කඩිනම් නඩු විභාගයක් මුරලිදරන් වෙනුවෙන් සහතික කරන ලෙසත් නැතිනම් ඇප මත ඔහුව නිදහස් කරන ලෙසත්’’ සිදු කළ ඉල්ලීම ඉන්දීය රජයේ නිහඬතාවයට හෝ නැතිනම් දේශපාලන සිරකරුවන් විනාශ කර දැමීමට සහ ඔවුන්ගේ හඬ නිහඬ කර දැමීමට ඇති අභිලාශයට එරෙහිව ජාත්‍යන්තර පරිමාණයෙන් සහයෝගීතාවයක් සහ විරෝධතාවයක් ඉස්මතු කරයි.

මහාචාර්ය ජී හරාගෝපාල්, ආරක්ෂක කමිටුව, දේශපාලන සිරකරුවන් නිදහස් කරගැනීමේ කමිටුව

වරාවරා රාඕ, සභාපති, විප්ලවීය ප‍්‍රජාතන්ත‍්‍රවාදී පෙරමුණ, සම ආරම්භක, විප්ලවීය ලේඛකයින්ගේ සංගමය

රාජ්කිෂෝර්, සම ලේකම්, විප්ලවීය ප‍්‍රජාතන්ත‍්‍රවාදී පෙරමුණ

මහාචාර්ය ජී එන් සායිබාබා, නියෝජ්‍ය ලේකම්, විප්ලවීය ප‍්‍රජාතන්ත‍්‍රවාදී පෙරමුණ

වරාලක්ෂ්මී, ලේකම්, වීරසාම් ( විප්ලවීය ලේඛකයින්ගේ සංගමය)

මහාචාර්ය සී ෂෙෂායියා, සභාපති, ඒපීසීඑල්සී

මහාචාර්ය ජී ලක්ෂ්මන්, සභාපති, තෙලෙන්ගානා සිවිල් නිදහස් කමිටුව

හයිද්‍රාබාද්

2016 සැප්තැම්බර් 8

 

ඉන්දියාව: මාඕවාදී අවතාරය කේරලයට

කේරල – මාඕවාදය සහ මහජන යුද්ධය ඉදිරියට ගමන් කරයි – 2014 මැයි 1 වැනි දින ඉන්දියානු කොමියුනිස්ට් පක්‍ෂය-මාඕවාදී (CPI-Maoist) සහ ඉන්දියානු කොමියුනිස්ට් පක්‍ෂය-මාක්ස්වාදී ලෙනින්වාදී නක්සල්බාරි (CPI-ML-Naxalbari), ඉන්දියානු කොමියුනිස්ට් පක්‍ෂය-මාඕවාදී (CPI-මාඕවාදී) ධජය යටතේ එකට එක් වීම මේ දිශානතිය කෙරේ තීරණාත්මකව බල පෑහ.

ඉන්දියාව:
මාඕවාදී අවතාරය කේරලයට –
විශ්ලේෂණය කිරීම

CPI-මාඕවාදී කාඩර්වරු යැයි සැක කෙරෙන්නන් විසින් සිදුකල විනාශකාරී සිදුවීම් දෙකක ක්‍ෂණික සාර්ථකත්වය කේරලය තුළ නැවත වතාවක් මාඕවාදීන්ගේ දක්‍ෂිණ පෙදෙස්වල ගමන්මග පිළිබඳ ප‍්‍රශ්නය අවධානයට ලක් වී ඇත. 2014 නොවැම්බර් 18, පුද්ගලයන් හය දෙනෙකු කේරලයේ ව්‍යානාද් දිස්ත‍්‍රික්කයේ තිරුනෙල්ල හි අග්රහරාම් නිවාඩු නිකේතනයට කඩා වැදී එහි කාර්යාලයේ, කාර්යමණ්ඩල වාසස්ථානයේ (quarters) සහ පිළිගැනීමේ කේන්ද්‍රයේ ජනෙල් වීදුරු කඩා බිඳ දැමූහ. එසේම ඔවුහු කාර්යාලයේ තබා තිබුණු ගෘහ භාණ්ඩ වලට, පරිගණක, මුද්‍රණ යන්ත‍්‍ර සහ අනෙක් උපකරණ වලට හානි සිදු කොට ඇත. ඔවුහු CPI-මාඕවාදී හි දස වන සංවත්සරය ප‍්‍රකාශයට පත් කරන සහ ඉඩම් අහිමි අයට ඉඩම් ලබා දීමට බල කෙරෙන බිත්ති පෝස්ටර් සහ පෝස්ටර් ඇලවීමෙන් පසුව පිටත්ව ගොස් ඇත.

නොවැම්බර් 10, කොචි හි පනම්පිලි නගර් හි නිට්ටා ජෙලටින් ඉන්දියා ලිමිටඩ් (NGIL) සංස්ථා කාර්යාලය මුහුණු ආවරණය කරගත් නව දෙනෙකුගෙන් යුත් කණ්ඩායමක් විසින් කොල්ලකනු ලදුව ඉමහත් හානියකට ලක් වූහ. CPI-මාඕවාදී කාඩර්වරුන් යැයි සැක කෙරෙන මුහුණු වසාගත් පුද්ගලයින්, චලක්කුදි නදියේ ජලය දූෂණය කිරීම සම්බන්ධයෙන් සහ ප‍්‍රාදේශීය ජනයාව නොසලකා හැරීම සම්බන්ධයෙන් සමාගමට චෝදනා කොට තිබේ. ත‍්‍රිසූර් හි CPI-මාඕවාදී බටහිර ඝාට් ෂෝනල් කොමිටිය මගින් අදහස් ප‍්‍රකාශ කරමින් පල කළ මුද්‍රිත නිකුතුව ප‍්‍රකාශ කොට තිබෙන්නේ කොමිටිය යටතේ ‘නාගරික ක‍්‍රියාකාරී කණ්ඩායම’ ප‍්‍රහාරය සිදු කොට තිබෙන බවයි. පසුව, කොචි පොලිස් කොමිෂනර් අනාවරණය කළ පරිදි, ‘‘අපි මාඕවාදීන්ට සම්බන්ධ ලිපියක් සොයාගෙන ඇත්තෙමු. ලිපිය සන්නද්ධ අරගලයට ආමන්ත‍්‍රණය කොට ඇති අතර ප‍්‍රහාරයේ වගකීම මාඕවාදීහු බාරගෙන ඇත. නමුත්, සැබෑ ලෙසම මෙම ප‍්‍රහාරයට මාඕවාදීහු සමබන්ධ දැයි දැන ගත හැක්කේ පරීක්‍ෂණයකින් පසුව පමණකි.’’ සිත්ගන්නා සුළු දෙය වනුයේ, විනාශකාරී සිදුවීම CCTV කැමෙරාවකින් ග‍්‍රහණය කොට ගෙන ඇති අතර එම මූලාශ‍්‍රය පොලිසිය අතට බාර දෙනු ලැබිණි.

එම වීඩියෝ පටය මුහුණු ආවරණ රහිත එක් මිනිසෙක් පෙන්වා ඇත නමුදු, පොලීසිය තවම ඔහුව හඳුනා ගැනීමට අසමත් වී ඇත. නව දෙනාගේ කණ්ඩායමෙන් එක් අයෙකු මලයාලම් බස කථා කරන අතර අනෙක් අය ආවේණික හින්දි බසින් කතා කළ බව පොලීසිය අනාවරණය කළහ. මේ ප‍්‍රහාරය සිදු කළ හඳුනා නොගත් පුද්ගලයින් හය දෙනාට එරෙහිව නීති විරෝධී ක‍්‍රියාකාරකම් (වැළැක්වීමේ) පනත යටතේ කටයුතු කිරීමට විශේෂ කණ්ඩායමක් නිට්ටා ජෙලටින් සමාගම් කාර්යාලයේ ප‍්‍රහාරය ගැන අන්වේශණයට පත් කොට ඇත. එම පරීක්‍ෂණවල ප‍්‍රතිඵලයක් ලෙස පොලීසිය මාඕවාදී හිතවාදීන් කිහිප දෙනෙක්, ප‍්‍රශ්න කිරීම සඳහා අත් අඩංගුවට පත් කොට ඇත. නගරය තුළ මාඕවාදීන් පෙනී සිටීම සම්බන්ධයෙන් කිසිදු බුද්ධි තොරතුරක් නොමැති බැවින්, කොචි සිදුවීම දුෂ්කරතාවයන් මතු කොට ඇත. ප‍්‍රහාරය නගර මධ්‍යයේ සිදු වූ අතර, කොචි වූ කලී කේරලයේ මාඕවාදී ප‍්‍රහාරයකට ලක් වූ මුල්ම බහුතර නාගරික පෙදෙසයි. පුදුම සහගත දෙය වනුයේ, දන්දකර්ණයාහි මාඕවාදී ‘අණදෙන්නා’ වන දේවා, නොවැම්බර් 16 වන දින ප‍්‍රකාශ කොට තිබුණේ එම සිදුවීමට කිසිදු මාඕවාදියෙකු සම්බන්ධ නොවන බවත්, පොලීසිය බොරු ප‍්‍රකාශ කරන්නේ යැයි චෝදනා කෙරිණි.

එසේ වුවත් ඔහු, ප‍්‍රාන්තය තුළ විශාල මහජන පදනමක් ලබා ගෙන නොමැති මාඕවාදීන් ඔවුන්ගේ සන්නද්ධ කාඩර්වරු, සංඛ්‍යාත්මකව කුඩා වූවත් කේරලයේ විහිදුවා තිබෙන බව පිළිගත්හ. පක්‍ෂය, කෙසේ හෝ, ජල්, ජන්ගල්, ෂම්මීන් (ජලය, වනාන්තරය, භූමිය) සහ ජනතාවට බලය යන මූලික ගැටළු ගැන කේන්ද්‍රගත වෙමින් සිය මහජන පදනම සහ කාඩර් ශක්තිය පුළුල් කර ගැනීමට වැඩ කරමින් සිටියහ. සංවිධානය ව්‍යාප්ත වන විට කේරලයට විශේෂ වූ ගැටළු දක්නට ලැබිණි. ව්‍යානාද් සිදුවීමෙන් පසුව, කේරල ස්වදේශ කටයුතු ඇමති රමේෂ් චෙනිත්තලා නොවැම්බර් 18, ප‍්‍රකාශ කළේ පොලීසිය ප‍්‍රහාරය පිටුපස තිබෙන ක‍්‍රියාවලිය හඳුනාගෙන තිබෙන අතර ආරක්‍ෂක හේතුන් මත එය ප‍්‍රසිද්ධ කිරීමෙන් වැළකී සිටින බවයි: ‘‘මෑත දී සිදු කළ මේ ප‍්‍රහාරයන් පිටුපස තිබෙන ක‍්‍රියාදාමය වූ කලී මාඕවාදීන්ට සම්බන්ධ සංවිධාන කිහිපයක් ප‍්‍රාදේශීය ජනතාවගේ විශ්වාසය දිනා ගැනීමට සිදු කළ ප‍්‍රයෝගයකි.’’

ඔහු තවදුරටත් සඳහන් කරමින්, බොහෝවිට කේරලයේ කුඩා සංවිධාන කිහිපයක් මාඕවාදී පෙරමුණ ලෙස පැවතියහ, එමෙන්ම මේ මාඕවාදී-හිතවාදී කණ්ඩායම් අරගලය ඉදිරියට යන ස්ථාන සහ ඉදිකිරීම් ඉලක්ක කර ඇත: ‘‘මෙය හරහා, ඔවුන්ට ප‍්‍රාදේශීයයන්ගේ විශ්වාසය දිනා ගැනීමට හැකියාව ලැබේ. ඔවුන්ගේ ප‍්‍රමුඛ ඉලක්ක වූ කලී ආකර, නිවාඩු නිකේතන, සංස්ථා ආදියයි.’’ මාඕවාදීන් සිටින බව තහවුරු කරන 2014 දී කේරලයේ සිදු වූ සමහර සිදුවීම් කිහිපයක් මෙසේය:

නොවැම්බර් 13: මාඕවාදී පෝස්ටර් බස් නැවතුම් පොලෙහි, දුම්රිය ස්ථානයේ සහ කසාර්ගොද් දිස්ත‍්‍රික්කයේ චෙර්කලාන් ප‍්‍රදේශයෙන් සොයා ගන්නා ලදි.

ඔක්තෝබර් 26: CPI-මාඕවාදී බිත්ති පොස්ටර් සහ දැන්වීම් කේරලයේ කොෂිකෝඩ් දිස්ත‍්‍රික්කයේ වඩකාර පොලිස් ස්ථාන සීමාවට අයත් සමහර පෙදෙස්වල ප‍්‍රදර්ශනය විය. පෝස්ටර් මගින් නව ප‍්‍රජාතන්ත‍්‍රවාදී, සූරාකෑමෙන් තොර ඉන්දියාවක් සඳහා ‘පංති අරගලය ශක්තිමත් කිරීමට’ CPI-මාඕවාදීන්ට එක්වන ලෙස ජනතාවට ආයාචනා කොට තිබුණි.

ඔක්තෝබර් 3: කම්කරු පංතිය ‘පාලක ප‍්‍රභූන්ට’ එරෙහි ‘සන්නද්ධ සංග‍්‍රාමයකට’ උනන්දු කරවන නම්‍යශීලී පුවරු පලක්කාඩ් දිස්ත‍්‍රික්කයේ බටහිර අත්තප්පඩි හි කල්ලමලා කලාපයේ දක්නට ලැබුණි. කිහිපයක් මන්නර්ක්කාද් වලට ආසන්න පූන්චෝලා සහ පම්බන්තෝඩ් ගම්මානවල ස්ථාන ගත කොට තිබුණි. පුවරු වල CPI-මාඕවාදීන්ගේ දස වන සංවත්සරය සැමරීම සඳහන් කොට තිබුණු අතර, දක්‍ෂිණ ප‍්‍රාන්ත තුනක පක්‍ෂ කඳවුරු ශක්තිමත් කරන ලෙස ජනතාවට ආයාචනා කොට තිබුණි.

සැප්තැම්බර් 22: කේරලයේ කලාපීය රූපවාහිනී නාලිකා, ඉන්දියානු කොමියුනිස්ට් පක්‍ෂය-මාඕවාදී හි නායකයෙකු වන රූපේෂ්, ප‍්‍රාන්තය තුළ සන්නද්ධ අරගලය දියත් කරන බවට තර්ජනය කරන වීඩියෝ පටයක් පෙන්වූහ.

ජුලි 28: කේරල පොලීසිය ජොනතන් බවුඩ් (24) ලෙසින් හඳුන්වන ස්විස් ජාතික තරුණයෙකු අත්අඩංගුවට ගත්තේ, 2014, ජුනි 16 වන දින වනයේදී අසම්පූර්ණ බෝම්බ එකලස් කරන අතරතුර හදිසියේ පුපුරා යාමකින් ජීවිතක්‍ෂයට පත් වූ ඔවුන්ගේ සහෝදරයෙකු වන වී එස් සිනෝජ් නොහොත් රාමේෂන් ගේ මරණයට ශෝකය පළ කිරීම උදෙසා ඉන්දියානු කොමියුනිස්ට් පක්‍ෂය-මාඕවාදී හිතවාදීන් විසින් ත‍්‍රිසුර් දිස්ත‍්‍රික්කයේ වලප්පාද් හි සංවිධානය කරන ලද රැස්වීකදී ඔහු එය ඇමතීමෙන් පසුවයි.

ජුලි 6: CPI-මාඕවාදී කාඩර්වරු කණ්ඩායමක් ආදිවාසී (ට‍්‍රයිබාල්) පවුල් වල රැස්වීමක්, මලප්පුරාම් දිස්ත‍්‍රික්කයේ නිලම්බූර් වනයේ, මුන්දේරි හි වනියම්පුෂා ආදිවාසී ජනපදයේ දී පැවැත්වූහ. රැස්වීමට කාන්තාවන් ද ඇතුළුව ආදිවාසී හු 60 පැමිණියහ.

ජුනි 16: CPI-මාඕවාදී හි ජ්‍යෙෂ්ඨ නායකයෙකු වන කේරලයේ, සිනෝජ් ලෙසින් හඳුන්වන රාජන්, ව්‍යානාද් හි ඝන වනාන්තරය තුළ දී බෝම්බ තැනීමේ දී සිදු වූ හදිසි අනතුරකින් ජීවිතක්‍ෂයට පත් විය.

අපේ‍්‍රල් 24: CPI-මාඕවාදී කාඩර්වරු යැයි සැක කෙරෙන, සිව් දෙනෙකුගෙන් යුතු කණ්ඩායමක්, පොලිස් නිළධාරී, ප‍්‍රමෝද් භෂ්කරන්, සහ ඔහුගේ මවට ව්‍යානාද් දිස්ත‍්‍රික්කයේ ඔවුන්ගේ නිවස තුළදී ම තර්ජනය කොට ඇත. ස්වදේශ කටයුතු පිළිබඳ ඇමති වරයා විසින් මාර්තු 27 ප‍්‍රාන්ත රජයට එවන ලද අනතුරු හැඟවීම් වලට අනුව, CPI-මාඕවාදීනට අයත් සන්නද්ධ කාඩර්වරු මෙයට කලින්, 2013 කන්නූර් දිස්ත‍්‍රික්කයේ කන්ජිරාකොලි හි පලමු වරට දර්ශනය වීමෙන් පසුව, කන්නූර්, කොෂිකොඩි, ව්‍යානාද්, මලප්පුරම් සහ පලක්කාද් වල ආදිවාසී ජනපද වලට අඩුම තරමින් 50 වතාවක් වත් පැමිණ තිබේ.

ප‍්‍රාන්තයේ ස්වදේශ කටයුතු ඇමති රමේෂ් චෙනිත්තලා 2014, ජුනි 9 රැස්වීමක දී, ප‍්‍රාන්තය තුළ වනාන්තරයේ සහ ඊට යාබද පෙදෙස් වන උතුරු දිස්ත‍්‍රික්ක 6 ක මාඕවාදීන්ගේ ‘‘ආගමනය’’ ගැන ප‍්‍රකාශ කළහ. ප‍්‍රශ්නවලට නිවසේදී ම පිළිතුරු දෙමින්, ඔහු කියා සිටියේ පලක්කාඩ්, මලප්පුරම්, කොෂිකෝඩ්, ව්‍යානාද්, කන්නුර්, සහ කසරාගොද් යන දිස්ත‍්‍රික්කවල මාඕවාදීන්ගේ ‘‘පැමිණීම’’ ගැන බුද්ධි තොරතුරු වාර්තාවක් රජයට සතු බවයි. තවද, ‘‘සමහර මාඕවාදීහු සංක‍්‍රමණික කම්කරුවන් ලෙස වෙස්වලාගෙන සිටින බව බුද්ධි අංශ වාර්තාකොට තිබෙන බව’’ ප‍්‍රාන්තයේ ස්වදේශ කටයුතු ඇමති ප‍්‍රකාශ කළහ.

වැඩිදුරටත්, බුද්ධි මූලාශ‍්‍ර උපකල්පනය කරන පරිදි ප‍්‍රාන්තය තුළ මාඕවාදීන්ගේ නව බඳවාගැනීම් ප‍්‍රමාණය දැනට 50ක් පමණ වන බවයි. උපකල්පනයන් පදනම් වන්නේ සන්නද්ධ කණ්ඩායම් සඳහා නව නිළ ඇඳුම් 50ක් පමණ මැසීමට CPI-මාඕවාදී කාඩර්වරුන් රෙදි මිලට ගැනීම මතයි. ව්‍යානාද් දිස්ත‍්‍රික්කයේ ක‍්‍රියාකාරී වන එක් ස්ක්වේඩයක් වන ‘කබානි දලාම්’ ලෙසින්, මාඕවාදීහු ප‍්‍රකටව සිටී. මාඕවාදීහු අලප්පුෂා හි පදිංචිව සිටින බවට රාජ්‍ය බුද්ධි අංශ අනතුරු හඟවා තිබේ.

ප‍්‍රාන්තය තුළ මාඕවාදී තර්ජනය පහළ වීමත් සමග, ප‍්‍රාන්ත රජය, 2014, පෙබරවාරි 21 උතුරු කේරලයේ පොලිස් ස්ථාන 16ක් ‘යුධමය ප‍්‍රතිපත්තියක් මත’ බල ගැන්වීමට නියම කොට ඇත. තවදුරටත්, රජය කලාපයේ සන්නද්ධ පොලිස් නිළධාරීන් 300 කට, ප‍්‍රාන්ත පොලීසියේ විශේෂ අවි සහ උපායික කණ්ඩායම වන, තන්ඩර්බෝල්ට් කේරල ට ‘පරිමිති ආරක්‍ෂාව සහ සහයෝගය’ සැපයීමට නියෝග කොට ඇත්තේ ‘නක්සල්-විරෝධී මෙහෙයුම්’ යන පර්යාය නාමය සමගිනි.

ව්‍යානාද් දිස්ත‍්‍රික්කයේ, හය දෙනෙකුගෙන් යුතු මාඕවාදී කණ්ඩායමක් වරින් වර පෙනී සිටීම මෙහෙයුම් වලට ‘මූලික පදනම වී ඇත.’ ප‍්‍රාන්ත රජය සංක‍්‍රමණික කම්කරුවන් සහ මාඕවාදීන් අතර සම්බන්ධය නිරීක්‍ෂණය කිරීමට මූලිකවම අවශ්‍ය වන ක‍්‍රියාමාර්ග ගනිමින් සිටී. මාඕවාදීන්ගේ ඡායාව පහළවීමත් සමගම ‘‘කර්නාටක-කේරල-තමිල්නාඩු දේශ සීමාව වන සයිහද්‍රි (බටහිර ඝාට්ස්) හි නව යුධ පෙරමුණක් විවෘත කිරීම’’ ගැන මාඕවාදීන්ගේ ප‍්‍රකාශනයේ ආලෝකයත් සමග, මාඕවාදීහු ප‍්‍රාන්තයේ දිගු කාලයක් තිස්සේ සූදානම් වෙමින් සිටියි. එවැනි ප‍්‍රයත්නයන් තිබියේ වුවද වර්තමානයේ මහජන මූල ප‍්‍රදේශ පළල් කිරීම සීමා කොට ඇත.

ඉන්දියානු කොමියුනිස්ට් පක්‍ෂය-මාඕවාදී සහ ඉන්දියානු කොමියුනිස්ට් පක්‍ෂය-මාක්ස්වාදී ලෙනින්වාදී-නක්සල්බාරි 2014 මැයි 1 වැනි දින ඉන්දියානු කොමියුනිස්ට් පක්‍ෂය-මාඕවාදී හි ධජය යටතේ එක්සත්වීම වූ කලී, මේ සඳහා වැදගත් පියවරක් විය. පසුගිය ප‍්‍රයත්නයන් වලින් මාඕවාදී ව්‍යාපාරය දක්‍ෂිණ ප‍්‍රාන්තවලට පුළුල් වීමේදී අල්ප සාර්ථකත්වයක් ලැබුවත්, මාඕවාදීන්ට පරාජය පෙනෙන තෙක් මානයකත් නොවේ.