මහාරාෂ්ට‍්‍රා කාන්තාවන්ට සීනි කර්මාන්තයේ වැඩ සොයා ගැනීමට සිය ගර්භාෂ ඉවත් කිරීමට බලකෙරේ

මහාරාෂ්ට‍්‍රා කාන්තාවන්ට සීනි කර්මාන්තයේ වැඩ සොයා ගැනීමට සිය ගර්භාෂ ඉවත් කිරීමට බලකෙරේ

[https://www.indiatimes.com/trending/wtf/in-a-maharashtra-village-women-are-forced-to-get-their-wombs-removed-to-work-as-cane-cutters-365132.html?fbclid=IwAR375lVcb3RdQhJMzsaOXtl7AXTC6aCfValXIhLluiYERaBjTAc1EP1enEA]

ඉන්දියාව ලෝකයේ දෙවන විශාල සීනි නිෂ්පාදකයායි, මහරාෂ්ට‍්‍රා ප‍්‍රාන්තය සීනි නිෂ්පාදනයේදී ඉහළින්ම සිටී. රොයිටර් වාර්තාවලට අනුව බීඩ්, සොලාපූර්, කොල්හාපූර්, සන්ගලි සහ සතාරා දිස්ත‍්‍රික්කවල 500,000 ක් පමණ දුගී ජනයා සෑම වසරකම උක් දඬු කැපීමට සංක‍්‍රමනය වේ.

  මේ පිරිස අතර සිටින කාන්තාවෝ, තැරැව්කාරයන් සහ ඉඩම්හිමියන්ගෙන් අනපේක්ෂිතව සිදුවන ලිංගික අපයෝජන නිසා සිය ගර්භාෂ ඉවත් කරගෙන සිටී.

හින්දු බිස්නස් ලයින් හි නව වාර්තාවකට අනුව උක්-දඬු කැපිමේ කර්මාන්තයේද මෙම කටුක සත්‍ය පවතින බව සොයාගෙන තිබේ. වාර්තාවට අනුව, බීඩ් දිස්ත‍්‍රික්කයේ වන්ජර්වාදි ගම්මානයේ කාන්තාවන්ට වැඩ සොයා ගැනීමට ගර්භාෂ විච්ෙඡ්දනය කිරීමේ සැත්කමකට භාජනය වීම නියමයක් වී තිබේ.

වාර්තාවලට අනුව දිස්ත‍්‍රික්කයේ කාන්තාවන්ගෙන අඩකට ගර්භාෂ නොමැත. එක් දරුවෙකුට හෝ දෙදෙනෙකුට උපත ලබා දීමෙන් පසු ස්වේච්ඡාවෙන්ම කාන්තාවන් සිය ගර්භාෂ ඉවත් කර ගන්නේ වැඩ සොයා ගැනීමට හැකි වීම සඳහායි.

මේ ආකාරයෙන් ස්වභාවික පිහිටීම වෙනස් කර ගැනීමට බලපවත්වන හේතුව ලිංගික අපයෝජන පමණක්ම නොවේ. කාන්තාවන් වහලූන් බවට පත් කරන තැරැව්කාරුවෝ ඔවුන්ට වැඩ සොයා ගැනීමට සහ ඔසප්වීම නිසා වැඩ මන්දගාමී වීම නවත්වා ගැනීමට, සහ එක දිගට හය මාසයක පමණ කාලයක් නොනවත්වා වැඩ කිරීමට හැකි වීම සඳහා ගර්භාෂ ඉවත් කරන්නැයි කියති.

කොන්ත‍්‍රාත්කරුවෝ ඔවුන්ට ගර්භාෂ විච්ෙඡ්දනය කිරීමේ සැත්කම සඳහා මුදලින් අඩක් ලබා දෙන අතර එය වැටුපෙන් නැවත කපා ගනී.

එහෙත් මෙම සැත්කම ප‍්‍රතිකාරයක් ලෙස වෛද්‍යවරු විසින් නිර්දේශ කරනුයේ පිළිකාව, එන්ඩොමෙට්රියෝසිස්, ෆයිබ්‍රොයිඩ් වැනි තත්ත්වයන් සඳහා පමණි. මේ බොහොමයක් කාන්තාවන්ට එවැනි ගැටලූ නොපවතී. නමුත් ඔවුන්ට ජීවත්වීම උදෙසා වැඩ සොයා ගැනීමට මෙය සිදු කිරීමට බල කෙරී ඇත.

රොයිටර් පුවත් සේවයට අනුව, මෙම ක‍්‍රියාවලියට වැයවෙන ඉන්දියානු රුපියල් 35,000 ක් පමණ මුලද බොහොමයක් පවුල් ණය බරෙහි ගිල්වා තබයි.

වාර්තාව පෙන්වා දෙන අන්දමට වයස 25 වැනි කාන්තාවන් පවා මෙම සැත්කමට භාජනය වන අතර ඔවුන්ට ඉක්මනින්ම බර වැඩ කිරීම අසීරු වේ.

මේ ක‍්‍රියාවලිය මගින් හඬ ගා කියන්නේ ලිංගික දුරාචාරය සහ බලවත් වියවුලක් පවතින බවයි. බොහොමයක් සමාජ ක‍්‍රියාකාරිකයින් මෙම ආක‍්‍රමනකාරී ක‍්‍රියාවලිය නැවැත්වීමට කටයුතු කළත් ඔවුන්ව කම්හල් හිමියන් සහ ධනවත් දේශපාලකයින් මගින් වළක්වනු ලැබේ.

සිය ජීවිතයේ පැවැත්ම වෙනුවෙන් සායනික ක‍්‍රමවේදයක් හරහා සිය ස්වභාවික පිහිටීම කාන්තාවන්ට වෙනස් කරගන්නට සිදුවීම වේදනාකාරී මෙන්ම ලජ්ජා සහගත කාරණයකි. මෙය කාන්තාවන්ට එරෙහිව තිබෙන තියුණු සමාජ අසාධාරණයක් පමණක් නොවේ මෙය දෙපාර්ශවයේම මුල්බැසගත් නොසැලකිල්ල සහ අධ්‍යාපනයක් නොමැති කමයි.

Advertisements

Posted on April 12, 2019, in India, International, Sinhala, Women Comrade and tagged , , , . Bookmark the permalink. 1 Comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: